![](http://1.bp.blogspot.com/_88XkFseGQlI/TG_4AyEoGrI/AAAAAAAAAjE/5lgaf2rpE-o/s280/goodbye1.jpg)
قمرك علي جبيني انتحار..
وحروف في ضيه بتتولد..
وشيطاني في حالة انكسار..
وملايكة فيا بتتوجد..
خليتي خيري يدفي شري..
هون عليه لون وحدته..
وقلبي كافي خيري شري..
يحلم معاكي بقسمته..
خليتي حرماني انتظار..
خليتي خلخلتي انتصار..
خليتي معني جديد لروحي..
ووجودي فص بخور ودار..
مطرة وغويشة وكام قلم..
صورتي في برواز الألم..
لا قصيدة في البرواز تنام..
وضلوعي في لحظة زحام..
مرسومة بزيوت الرحيل..
غطاها لون حيلي القليل..
وايامي تتنكر بنات..
وتقولي متسيب اللي فات..
واحدة بتهمسلي بحنان..
والتانية تديني الأمان..
ونفسها بين ايدي وقلبي..
عايزة تنسيني اللي كان..
ومشاعري تتنكر شموع..
والضي معكوس في الدموع..
علشان تكون ليلة ودافية..
من غير ولا لحظة رجوع..
دم القصيدة علي الجدار..
في وريدي ميت كلمة وعدم..
سابق خيوط شمس النهار..
ولبست انا توب الندم..
قوة رحيلك معجزة..
زي عيونك معجزة..
زي ابتسامتك معجزة..
حاولت الململك وجود..
من قلبي والليل والوجود..
لكن رحلتي للاسف..
وقلبي في ضلوعي اتكسف..
قالي خلاص راح نعمل ايه..
مهما عملنا هنعمل ايه؟
دق الرحيل..
وكل شئ قسمة وحبيب..
جربت انكار قسمتين..
قسمة رحيلها وهجرها..
قسمة غرامها وعشقها..
لكن خلاص ان الاوان..
نزل ستارك ياغرام..
غطي المكان..
بديعة
ReplyDeleteعزيزة هههههه
ReplyDeleteانتي دايما بتظهري في المواضيع الادبية مش المواضيع من نوع الهشك بشك التانية هههههه
قديمة قوي كلمة هشك بشك دي ههههه
انا اتابع مدونتك الجميلة دائما ومواضيعك مميزة فعلا وتستحق المتابعة الدائمة وقراءة ما وراء السطور فيها
تحياتي
هشك بشك! آه قديمة
ReplyDeleteعلى فكرة أنا بتابع المواضيع التانية هنا وفي منها بيعجبني جدا وبشيرها
بس مش بلاقي تعليق!
شكرا على متابعتك وقبل كده شكرا لابداعك