أنا غـــزة

هذه القطعة غالية علي ومقربة لقلبي ..كتبتها بصدق وكنت اشعر بكل حرف فيها وانا في قمة الحزن..قرأها احد الصحفيين في المصري اليوم واعجبته والحمد لله وارجو ان تعجبكم

أنا غزة..

أرتحل ككلمات فوق الجدران..
كشعارات سامية فوق الأعلام..
لا تعرف عني سوي أرقام القتلي وأعداد المجروحين..
ولا أعرف عنكم إلا الحسرة..
أحاول أن أصبح قلب أخر بين ضلوعكم..
أحاول أن أستشري بديلا للدم الفاسد في حكامكم..
لكن يمنعني جدارا عازل إسمه الهوان..
يعجبكم جدا لفظ "شهيد" و"عروس سماء"..
ملعون وطن يجمعنا من المحيط الي الخليج..من الضعف الي البلادة..
تأخذكم عزتكم حين نقول"مقاومة وقتال"..ولا يتحرك أحدا حين نقول "أموات وضحايا"..
لا أريد معونات منكم..أنتم من يحتاج إليها..
تحتاجون لأقراص ضد الفساد..وحقن ضد القهر..وأمصال لشرف وكرامة..
تحتاجون لزرع قلوب ملونة بأشجار فلسطين ومخلد فيها الأقصي..

أنا غزة..

أتحمل ألف قنبلة..أتحمل صواريخ ودمار..ولا أتحمل كسرتكم..
مغروس في كفي الأجراس وبقايا مساجد..
والشمس العربية لا تشرق أبدا بل تحرقني..
أنا أعبد ربي..
صلاتي صلاة جنازة..لا أعرف غيرها..
تسبيحي بأسماء الشهداء وأطفال مذبوحة..
وسجودي لله وللنصر وبقايا كرامتنا..
لم نولد في العرب كأخوة..أنا نفسي في قلبي فصائل..
فصيلة كذا وفصيلة كذا..بلا فصيلة دم !..

أنا غزة..

أحترق وتحترقون..
والحكام تلملم نارنا كي تشوي عليه اللحم وتلملم ضعفنا كي تصنع منه نبيذ..
أنظر في وجوه الحكام وأتعجب..من منهم سيكون "المسيح الدجال"..
وكلهم مكتوب علي جبينهم "ضعيف..مذلول"..
في كل "مبادرة عربية" تتحضر إسرائيل "لمضاجعة عربية"..
وكراسي الحكام تتذمر من كم اللحم الفاسد..
ولدنا وخنجرنا بيدنا..وننسب الدماء لغيرنا..
إسرائيل لم تغتصبنا..كنا "المحظية"الأولي والأخيرة..
إسرائيل لم تكرهنا علي شئ..انجبنا منها بارادتنا الضعف والخيانة والحكام..

أنا غزة..

أنا لا أنتظر صلاح الدين كما تزعمون..
ولا أحدثكم عن سيف في عصر الكابلات..
ولا أحدثكم عن "خيبر" في وطن مقتول..
ولكن أطلب منك عزتكم..
أستجدي الصالح منكم..
أن يزرع معي الحقيقة..
أن يضع الحد الفاصل بين الضعف وبين الكفر..
أن ينزعني من فم الحكام وشريط الأخبار..

أنا غزة..

أبحث عن حلمي في جثث وركام..
أبحث عن نفسي في شخصية المغتصب..
أبحث عن نصركم بين الحاكم والمحكوم..
ولا أجد شئ..
لا أجد القوت بين فصاحتكم وخطابتكم..
لا اجد النصرة بين معاهدة وسلام زائف..
لا أجد الصلاة في صوت مأذنة تهوي وقبة مسجد تنهار..
بالله عليكم..
مالون الدم !..
وما لون الحلم !
وكيف ستشرق شمس قادمة لترانا مفضوحين ومخصيين !..
كيف أفسر لترابي أعداد الجثث وركام العفة..!
كيف أفسر للغابات أطفال وعظام تتحلل خلف الأشجار !..
يارب الصبر..يارب الصبر..يارب الصبر..
أغثني من شعب الوهن وحكام التنديد..
من ترانيم الموت وإطفاء الأحلام..
من قلوب لا ترحم وعيون لا تنام..
وختمت خطابي اليكم..أريد بأن أسمعكم..
يا وطني..يا عربي..يا فلسطيني..
الله معي..ومعكم الخطابة والمظاهرات والتنديدات والمناوشات والكلمات والجعجعة..
فحاولوا بأن تكونوا معي..
أنا وطن يولد..أنا وأنتم وطن يبقي..

من..غزة

وطــني الغريــب..لغزة فقط

وطني الغريب..
وطن الكرام..
شعبي اللي صلي
واللي كافح واللي صام..
فوق النخيل..
ساب الدخيل..
من غير سلاح من غير صهيل..
ربك هيكرم مش كده؟
ارمي السلاح..
اذن وحي علي الفلاح..
وهأكون شهيد..
مين قال كده؟
ربك عليم بالأفئدة..
خلقك بشر..
مش خيط وهن للعنكبوت..
ميت الف غزة هتتحرق..
وسط السكوت..
ليه بتبني في المحراب سنين..
وبتستخبي وقولت دين..
مين قال ده دين؟
سبحة وكتاب؟
طب فين سلاحك؟في السحاب؟
يا ضعيف قوي..
وبتخلق الضعف بهداوة..
وسط الحصار وسط النيران
وسط القساوة..
وفي وسط ده..حاكم مبارك..
وكأنه ايه..جل وتبارك..
حاقن فساده بسلطته..
قاتل ضميره في دمعته..
محسوب بشر..
بيقول عنيف..
بيقول ده ضرب شديد مخيف..
شاجب قوي..مندد قوي..
حاكم بقبضة فهلوي..
تعريف جديد للبهلوان..
علي كل لون يلعب ينط..
حاوي الوطن..
تقدر تقول ..غاوي الوطن..
علشان يعيش..
علشان يهيص في الهيلمان..
ويسيب كلاب في البرلمان..
باسم الفساد..
باسم اللي طاغي واللي دايس
واللي ساد..
هخلق طغاة..
هعمل معابد من ورق..
خطب الجوامع من ورق..
حجر المصانع من ورق..
حتي الشيوخ دول من ورق..
وهتنتخبني من جديد..
عارف ده ليه؟
لأنك أنت من الورق..
ورقة طويلة مقطعة..
فوق أرض فاضية مهكعة..
عارفني مين؟
حاكمك يلا..سيد العرب..
ايه يعني غزة وزفت طين..
انا حاكمك الحر المتين..
من امتي يعني العزة دي..
من امتي يعني الحمأة دي..
طول عمري كسرك مش كده؟
طول عمري سيدك مش كده؟
ايوه كده..
طاطي الرؤوس..
حتي الكرامة ب الفلوس..
هتثور شوية وتهدي تاني..
هعملك الحلم في نشيد..
حلم العرب..
وهأدني فيه ازيد وأعيد..
اغنية حلوة مؤثرة..
وخطب كمان..
لشيوخ كتير..
شيوخ نركبها الهامر..
زي القمر..
ده الزهد حلو..
يدعي ويعيط في الجوامع..
ولا هو سامع..
من كرشه مش قادر يقول..
كبسة ومحاشي في العقول..
ادي الوطن..
خريطة م العار ارتوت..
لو شافها واحد م القمر..
هيقول دي حارة..
باين كده دي بيوت دعارة..
ساكنة البشر..
اه يا بشر..
مش قادر اسكت م الكلاب..
مش قادر انطق م العذاب..
ميت مسرحية منجسة..
والناس بسيطة كويسة..
تحت الحزام..
ميت قرض طار..
عدي المطار..
عدي خطوط الفقر لخطوط الخازوق..
لازم تدوق..
الشعب ياكل م الخازوق..
الشعب يشرب م الخازوق..
انا مش مهم..
انا لو هأموت انا مش مهم..
اسكت لا يمكن ..مين أهم.؟
من غزة مين؟
واللهي اه متخدرين..
مستسلمين ..
حكام نيام..
امريكا بتحب النيام..
امريكا شربتنا في كاسين..
بتحلي بعد لحمنا..
بعد اما نهشت أرضنا..
وفرحنا من ضربة جزم..
للدرجة دي الشعب اتهزم..
للدرجة صرنا مخنثين..
وتقولي دين؟
اسلامنا بيقول انصروه..
مش بس سجدة وركعتين..
مش بس جمعة وخطبتين..
بدايتنا هتكون من هنا..
هتكون هنا من ارضنا..
ثائر قوي..
يا تموت قوي..
الحلم لو دبلان خدوه..
او حاولوا تاني تزرعوه..
سيبكم من القمم الكتير..
كام ايه امير علي كام رئيس..
اهو جاي بيرغي وجاي يهيص..
ع الشعب ده..
ادي المواقف مش كده؟
قمة قمم..
نشتم في بعض..
دولارات تطير وسط المكان..
وابار تطير ع الطرابيزات..
والكل زاط..
وسط اللي شال بترول تقيل..
والكل لونه نفطي بحت..
والشعب عايش فقر سحت..
ادي القمم..
لا قول قمامة..مش قمم..
طب قولي عن ايه اسفرت؟
قالك بتسفر عن قتيل
وكمان نقول كام ميت مصاب..
يادي الخراب..
ده خراب ذمم..
ده جحيم امم..
وفي وسط ده..
الواد هناك عايز "يونسكو"
يا ابن "اليونسكو"..
كده ولا ايه يا شمال هناك؟
كده ولا ايه يا خليج هناك؟
كده ولا ايه يا ارض "النوبل" ؟
هأو هأو ع النوبل..
خدوها واقعدوا ع الخاذوق..
عايز كمان هنكرمك..
نفضل نقول ونقدرك..
واهو كله ضحك علي الدقون..
مش انتوا ام الدنيا مصر؟
مش انتوا سادة كل عصر؟
ضحكتني..
اصلوا معداش علي مصر..
اصلوا معداش علي مصر..
لأ لأ عيب..
اوعاك لتغلط فينا عيب..
ونقوم ندبح يلا بعض..
واحد هنا وواحد هنا..
لأ ده عميل..
لأ ده دخيل..
كتر الفساد نتف الذمم..
كرع كروشنا بدم فاسد..
كرع دماغنا بعلم فاسد..
يا بلاد وجع..
علي خط دامي من الوجع..
القمع مش هيجيب نهار..
يا بلاد حصار..
يا بلاد يتيمة من الهزيمة..
يا بلاد عذاب..
يا بلاد في غربة ضعفها..
عايشة توحد دمعها..
يا بلاد عرب..
القمع مش هيجيب نهار..
وسط الحصار..

لحظــة زور

لقيت روحي في مرايتها..
بقايا..حطام..
دموع عاشق ما بتخافش..
ولا بتنام..
وصارخة فيها ضحكتها..
ومش حاسة الا صرختها..
في نوة عشق..
مابين النوة والنوة..
زرعت في قلبي ميت حوا..
بلون الكدب..
غرام ساذج ولا بيهرب ولا بيحب..
شجون لليالي مكسورة..
وبذرة حب مقهورة..
في أرض البور..
وكف بيحضن التاني..
وبينهم سور..
دموع علي لوحة منسية..
سراب فرحة وامنية..
نعيم الموت..
والف حياة وبتنادي بعلو الصوت..
انا حوا اللي حبيتك..
غرام شابك علي بيتك..
هيفضل حبنا أبدي..
يا حوا الكدبة منسية..
ما فيش في الحب أبدية..
في عين حوا..
كأن الحب غنوة صيف..
علي روح الهوي الشفاف..
ولو خلصت في لحظتها..
لا تسمعها ولا تتشاف..
تكسر في مرايتها..
تقول سابني..
ولا سابك ولا حاجة..
ولكن انتي محتاجة..
لروح الهجر..
عشان يمكن يقويكي..
عشان هجرك يدفيكي..
وتحتاجي لحبيب تاني..
عشان يمسح في دمعاتك..
وهيقولك انا غيره ..
انا مش ممكن انساكي..
وينساكي..
ويفضل أول العشاق..
هو الأول..
وشايف فيكي نور مكسور..
وشايف في النجوم بللور..
ولكن كنتي..
لحظة زور..

في قلب نيسان

في قلب نيسان..
ذكري للعاشق والأزهار وقافية الليل..
وعقد من بللور وأناشيد الوعد..
في قلب نيسان..
شقشقة النور علي وجه إمرأة..
وتسابيح الصبح علي عينيها..
كي يتفجر منها نهار أنقي..
وليل مذهل !..
وشراع يتحري الصدق علي كف يديها..
لتفتح صندوق اليد ليتنفس أخر غروب..
في عيون نيسان الوعد..
ما بين الرمشة والرمشة.. أمل قد يحيا..
وحب قد يولد..
في كف نيسان..
رقرقة من قبلات وعبير من كلمات..
سلوان في صوت الناي علي خط الحب..
لا خط للعمر ولا شئ أخر..
حين يطل نيسان..تتغير ذاكرة الأمطار..
لا تمطر إلا إعترافات ملائكة بخلود الحب..
لا تفتح عرافة كفا غلا وتبكي عليه..
ويظل طموح السماء بأن تمطر أزهارا..
ويظل طموح الأرض بأن يلد إمرأة مثل حبيبتي من جديد..
هي تبقي أحلام نيسان..

ويعود الناعم في قلوبنا ترانيم سنابل..
وبقايا قصائد..
وتعود سنين العمر كقطعة فخار.. مزخرفة بالحب ومخلدة فيه..
قدر لفراقك يا نيسان..
وإبتسم ولا تبكي..
أتحمل ما ستمليه علي قلبي..
لا تفطر قلبك من أجلي ..فأنا والحب عذابان..
في نهاية رحلتنا نتوحد..إن كنا علي دمعة أو موسيقي..
في نهاية رحلتنا سنبقي..لو كنا زهورا أو برقية وداع..
أتذكر حين ظننت دموعها علي كتفي لبس للعيد..
حين رأيت حنيني إليها فظننت الله سيخلق فصل خامس للحب من بعد شتاء وخريف..
لا تخاف علي دمعي ..فالحب رحيم..
عصاة الحب السحرية لا تهبنا إلا الحياة..
لا تعرف طعم الموت إلا حين ترفض قلوبنا سحره..
لا تخاف علي موتي مادام الدم عاشق..
ولا علي ذبولي مادامت الأحزان سوسنة..
وعانقني وتمايل قدرا في قلبي..
وتغني في قلبي بقارب حب..
وشراع من ياسمين..

مرسل إلي : نيسان..
في نهار..لا أذكره..
ليوم سيأتي.. وشمس قد تعود..

يـــوم لــم يــأت بــعد

حين أراك ..
يجتاح القلب حمي الزهر..
إعصار ولادة شئ لم يخلق بعد..
يكتحل في عينيك برائحة "الأجمل"..
ويزاحم كل خلايا العاشق داخلي بمصباح وجنية..
ليصبح بين خلية وخلية.."أمنية"
فركة مصباح..وتجلي جنية..وما بينهما نشوء "الرغبة"..
إحساسي كما خوف الأطفال من شئ لم أدركه بعد..
قصص العفريت؟قطعة سكر وشقاوة؟..وما بينهما خوف الطفل..
أو كبديهة عطر لا يعرف كيف يقدر أول أنف تستنشقه !..
ولا أدري هل أفعالي المجنونة ليلا حب؟
أسميها "يوجا غرامية"..
أستوطن كل براويز البيت وأعيش القصة فيه كي أهرب منك..
وأشم وريدي كمصاص دماء لأعرف كيف تكون رائحة العشق..
أنا كلي بعيد عنك..ولكن هذا البعد قريب مني..
ومابين بعدي وقربي خربشات ملائكة..
كتابات لم تكتمل للطريق..
وأساليب حوار غامضة للخطوات ..
وصلوات لعشاق..وتراتيل لمختطفين..
أنا أي مكان وأي زمان تكونين فيه..
علاقتنا كما الشاعر والفكرة..
فأين ستذهبين؟
تخيلتك من عينيك لقدميك وصنعت المشهد..
وهكذا لا يكون الحب..
قلتي هكذا يكون الجنون..
صلي من أجلي قليلا ..
كي أصحو في عينيك أعيش جمال الله..
أستفيق من جمالك لجمال الله..
هكذا يكون من فرط الجمال أصنع سمي الأخير..
خطوة تلو الخطوة تبقيني في العالم..
نبضة تلو النبضة وأعشق هذا العالم..
نظرة منك تلو النظرة..وينفلت العالم مني ..
يخرج كالنفس الأخير..
يخرج حتي أخر بشر فيه من بين ضلوعي..
ولا يبقي سواك ونبضة وقارورة عطر..
لتبقي داخلي كما الإلهام...
كلحن غرام يرعش أعصابي..
كنسيم يحملني لأوقات الحب..
وأنتظر اليوم القادم..
كيوم لم يأتي بعد..

أربعــة حــروف

خجول جدا من جمالك ..
وفي وسط الخجول سحابة غرور..
فالقمر يشاركني نفس الكسرة"
*********************

خلف عيونك بحثت كثيرا عن سر..
فعثرت علي مسقط رأس الجمال..
حاولت بأن أغزل من حسنك تاجا..
فلم أخلق إلا عصا..لأصير حكيما لجمالك..
لأقول بأن أجمل ما خلق الله بعد الزهر..
هي عيناك..
*********************************

كان القمر هو أول من عرف بيوم ميلادك..
حينما قرأ الحظ في ذلك اليوم..
فوجد " لغة جديدة للمستحيل..وكأن فينوس لم تمت"..
***************************************

لا تحتاجين الجنة كي تخلدين..
ولكن الجنة تحتاجك كي يصبح كمالها حقيقة..وجمالها كامل..
*****************************************

دخلت عيناك بطلا يحارب..فخرجت منها طفلا مشاغب
*****************************************
أنا رجل بلا فصيلة دم..
فهي حرف واحد..
وفصيلة دمي أربعة حروف..
***********************************

حينما تنظرين الي القمر..
فيتجسد في عينيك..
فقد حققتي أمنية..
وحقق هو كل أمنياته..
*************************************
لم تكن قصتنا قلب بلا قدر..
بل كانت قدر بلا قلب..
*****************************************
لا تعرف أبدا متي يكتمل العشق داخلك..
إلا عندما تقفز كالمجنون ..محاولا ان تقبل يد الله..
******************************************
عذاب الدنيا احتمال..
وعذاب الضمير لا راحة به..
وعذاب الحب لا رجعة فيه..
****************************************
لا وطن لمن لا حب له..
****************************************
تسعة سنوات ومازالت بلا هوية..
برغم ان تلك السنوات هي كل هويتي..
"متلازمة التناقض"
******************************************
لماذا أحببتها؟
ربما لأني لم أسأل هذا السؤال من قبل..
*******************************************
الحب هبة ليديك فإن مات فيك..
فهو لم يحيا بك..
*********************************************
لماذا خرجنا من قصر الحب؟
لإني أردتك سيدته..وأردتيني زينته..

أجمـــل إحتفــــال

ملاكان ..
أحدهما قرر أن يحتفل بعيدميلاده في عينيك..
والأخر يعترض..
يري ان شفاهك أجمل إحتفال"



*******************
بين يديك أفسر ظاهرة جنوني..
وألبس ثوب الحلم.
لأخترع لأمنياتك طعما جديدا..
أحاول أن أستأنس صبحك.. فأخبأ في عينيك الشمس ..
وألقي علي جبهتك النور..
لتخرج منك ممالك وسماوات تستأنسني..



**************************
لا أبحث فيك عن طعم القبلة ..
ولا عن سحر العين ولا عن روح العشق..
ولكن أبحث في كل هذا عن اليقين..
الذي يسمي عينيك..


***********************
لا زهرة تبحث عن عالم أجمل..
إلا في حديقة.. مررتي انتي بها..


**********************
في كل نسيم عابر..
كنت أخبره عنك وعن رموشك..
فأتي الربيع مختلفا..
أتي معبقا بك..


*********************
خلق الله الحب قبل أن يخلق الملائكة..
لكي يجد الملائكة الوطن..
ويجد الحب من يحمل عرشه..


*********************
لا أعرف ما تقوله لكي المراة كلما نظرتي لها في الصباح..
تظنها تضحية..
تظنك تلقين بصورتك في كل صباح كعروس النيل..
قربانا للجمال..
وفي كل صبح مراسم جديدة للأنوثة..


************************
عيناك إمرأتان..
تهمس إحداهما للأخري سرا..
عن ضحية جديدة..في كل يوم..
أنا..

مرتــضي شو

"الغلاسة كنز لا يفني" هكذا اثبت لنا منتجوا الأفلام هذه الأيام ..الكوميديا المصرية اصبحت من النوع الأسود..
شارة حداد وطرحة علي الكوميديا والكوميديانات المصريين والمصريات..شارة حداد علي مي عز الدين كممثلة وعلي فيلمها الأحمق..
بعد اجازة العيد تمنيت من الله امنية واحدة ان تمر الأيام بسرعة كي لا تتكرر تلك الإعلانات المستفزة لهذه الأفلام .."حبيبي نائما" و"الدادة دودي"..
وهي رخامة تجيب عاليها واطيها.. رخامة لا تميز بين صفار البيض وبياضه..ولا اعرف من الذي جذب صاحب أثقل دم في مصر الي فن الكوميديا ..اتحدث عن محمد رجب..
وذلك بسبب تدني مستوي الكوميديا مما أدي بواحد مثل محمد رجب لأن يقول"وهي جت عليا مجرب حظي"
وفعلا له الحق في هذا فبعض البنات تري فيه فتي أحلام ولذلك نغض النظر عن تمثيله الفاشل الردئ وكوميدياته الغامقة..لننظر لنضارته ولون عينيه ..تماما كما نغض النظر عن عيوب صوت تامر حسني وننظر لشعر صدره..
تماما كما جعلنا هيفاء وهبي مليارديرة وايهاب توفيق الاخنف مليونير كبير ..وكما جعلنا جورج وسوف الأكتع مطرب وكما جعلنا ادوارد ممثل وتتوالي معجزاتنا ونحن معجزة انفسنا اذ استطعنا عمل كل هذا..
محمد رجب يحاول ان يكون نسخة من كريم عبد العزيز ليس فقط في الحركات بل حتي طريقة الكلام استنساخ كامل وشتان الفارق..
ولا انكر اني اضحك علي تلك الاعلانات لسبب واحد ان "شر الكوميديا ما يضحك"..




مش عارف ليه دايما في اعلانات الحلاقة واحدة تطلع في الأخر تحسس علي دقن اللي حلق؟ ايه يعني هي اتجوزته عشان دقنه ولا ايه مش فاهم؟
وبعدين هي عرفت منين انه خلص حلاقة دي كانت قاعدة معاه جوة واول مخلص قالها تعالي شوفي؟
وايه اهمية ان دقنه تبقي ناعمة قوي ؟وهي ليه مبسوطة قوي كده عشان دقنه ناعمة؟وهو ليه بيبص للمرايا ويضحك قوي لدقنه؟
وفي اعلانات البرفان وخصوصا هوجو دايما يحط البرفان وبعدين يقوم فاتح كل زراير القميص..ايه يا عم اول مرة تحط برفان ولا ايه ؟
يعني معني كده ان اي واحد في الشارع عريان يبقي حاطط هوجو؟واللي حاطط اكس بقي واحدة تقعد تشمه في الأسانسير ايه يا عم انتوا بتشتغلونا؟
والسؤال الأهم هو مهند ليه نايم في البانيو وواحدة راحتله قام بكل رومانسية قالها"سيراميكا رويال..مملكة من الجمال"
هل هما وقعوا في الأرض من فرط جمال السيراميك؟طيب ما انا شفت قبل كده سيراميك كتير بس عمري ما وقعت مع اي حد ع الأرض وقلتله ان السيراميك ده مملكة من الجمال..
يمكن عشان انا مش مهند؟اصل الأخ مهند حساس ..نور بقي وبتاع..يلا كله ماشي..




ليه الأمهات دايما تتمم ع الأنوار؟قفلت النور؟قفلت السخان؟قفلت الشبابيك؟هم بيكونوا كده من شبابهم ولا الكلام ده بعد الجواز بس؟
يعني البنات مفطورة علي كده ولا بعد سن معين بتاخد الخاصية دي؟مش عارف بس انا ملاحظ ان كل الستات كده ..



بقترح علي الأخ مرتضي منصور انه يعمل برنامج يكسر الدنيا يسمي"مرتضي شو" ويقدم فيه كل قضاياه واخباره وخدمة رسائل قصيرة لمتابعة اخر اخبار مرتضي اتصل برقم كذا..
لخط مرتضي الساخن اضغط علي واحد..لأخر شتائم مرتضي اضغط علي 2 ..منوعات مرتضاوية اضغط علي 3
واكيد البرنامج ده هينجح لان مرتضي عشاقه كتير..



بالنسبة لشعار بريل الأخير "استرجل واشرب بريل" طيب دلوقتي هما ما فكروش في الجنس الناعم كده مش هيشربوا بريل فالدعاية مش كاملة ..
ودي نقطة تستغلها شركة فيروز عشان تعمل دعاية لشركتها "اتنسوني واشربي فيروز" وتبقي ضربت بريل..

رجـــيم الفنـــانين

للمرة الرابعة علي التوالي بجرب اصعب تجربة وهي تجربة الرجيم..عمري ما عرفت ان الرجيم اصعب من الإقلاع عن التدخين الا دلوقتي ..هو صحيح انا مدخنتش بس ناس قالتلي ..
تجربة الرجيم دايما تفشل لأسباب كتير عند بعض الناس وساعات بتصيب..
المشكلة في تعدد الطرق والواحد مشتت رجيم المياه ولا رجيم الموز ولا رجيم الاكل البطئ ولا اي نوع بالظبط؟
واللي بيخلي الواحد يقلع عن موشوع التخسيس ده الناس اللي بتدي النصايح في الرجيم..معظم دكاترة التخسيس في البرامج اصلا تخان طيب يا اخي انصح نفسك الأول..
واخر مصيبة كانت الكابتن ممدوح فرج طبعا اما عمل إعلان التخسيس الكارثي بتاعه بيقولك "مناطق كتير اتغيرت في جسمك؟انا عندي الحل"
يا استاذ ممدوح ده مافيش منطقة في جسمك سليمة اساسا انت حوالي 90 في المية دهون والعشرة في المية مية..
تاني مشكلة كتر الممنوعات في الرجيم ممنوع من معظم الأكلات طيب يعني اقضيها شيبسي مثلا ؟قاللي لأ حتي الشيبسي بيتخن..
رجيم المياه كان له اثر سلبي جدا انه كرهني في المية ..بقيت بعد اسبوع مش عايز اشرب اصلا خالص..ولكني اكتشفت بعض الطرق للتخسيس الناجح وياريت تستفيدوا بيها..
1 مشاهدة مسلسلات كئيبة وانصحكم بمسلسل قلب ميت اللي مشفتش في كأبته في العالم..
2 خلي كابتن ممدوح فرج خلفية علي جهاز الكمبيوتر بتاعك عشان يبقي عظة ليك ومتوصلش للجسم ده..
3 انزل وسط البلد يوم الخميس الساعة 1 الضهر لمدة اربع اسابيع..
4 قراءة بعض التصريحات الوزارية في الجرائد ..
5 وضع قفل للتلاجة أو وضع كلب حراسة في المطبخ..
6 اسمع كل أغاني محمد نور صبح وليل..ونفسك هتتصد طبيعي..

وبالنسبة للموضوع ده فأنا إخترعت نوع جديد اسمه "رجيم الفنانين" وده بيكون انك وانت بتاكل تحط قدامك صورة ممثل أو مطرب بتكرهه جدا ..وحبذا بقي لو إدوارد مثلا
أو أحمد جلال عبد القوي أو رامز جلال ..وبالنسبة للستات فمثلا صورة عيشة الكيلاني تقوم بالواجب ..
والفنانين في كل مكان في العالم بيتميز بالرشاقة إلا عندنا في مصر ماشاء الله ولا حول ولا قوة الا بالله مثلا الهام شاهين يا ساتر يا رب هتفرقع من جنابها زي ما بيقولوا..
وبرضوا بتلبس ضيق طيب داري علي عيوبك يا ستي..ولا تيتا نادية الجندي هتفضل تمثل لحد ميت سنة قدام وياسلام ع الرشاقة ولا جسم كاميرون دياز..
ولا نرمين الفقي استر ياللي بتستر..
مش عارف ليه مش بيعملوا رجيم طالما الموضوع ممكن وده برضه بيحبطني ..بقول لو كان الرجيم سهل كده مكانوا خسوا دول زي بنت نور الشريف برضه تخينة جدا ومخستش..
طيب هل ناقصها فلوس يعني عشان تعرف تخس؟ولا الموضوع صعب نفسي اعرف..
والرجالة عندنا يا اما نحافة يا اما عضلات يا اما كروش..ومن فئة النحافة احمد حلمي ورامز جلال..ومن فئة الكروش ماجد الكدواني ومن فئة العضلا احمد السقا..
يعني متلاقيش اجسام مثالية زي برة برضه ..زي توم كروز او براد بيت او غيره كتير جدا اجسام ولا تخينة ولا رفيعة بس متناسقة..
يبقي في ازمة في البلد تفتكر ده من السمنة بتاعتنا؟يعني هم معندهمش سمنة الهانم والحاجات دي؟
طيب بياكلوا ايه بالظبط وازاي بيحافظوا كده ده اللي هاموت واعرفه؟
واكيد بالنسبة لفرنسا ده موضوع تاني الستات هناك مبياكلوش محشي ومسقعة وفتة وممبار وكشري وفول ودول مفرقعات طبعا مش اكلات..

قلــــوب تســــأل

وقلوب تسأل أين الله!
وحين تحب..
تسال أين الناس!..أين الأماكن!..
ولا تسأل أين الطير وأين الأشجار..
فهي تغرد في كل شبر من قلبك..


حين تحب..
لن تهرب من وحدتك ولكن تستلقي بجوارها..
تحكي لوحدتك عن العشق وأيام عذابك..
وكأنكم سجينين في زنزانة عشق..


حين تحب..
تهرب من نفسك كرائحة الزهر..
تحمل سهمك في مهمة لكيوبيد..
وتنذر كل الدنيا بحريق قادم..
وتنسي ان الحريق داخلك..

حين تحب..
تشعر بحديث النسيم ووجع اللوز ..
تسمع ما يدور في عقل القمر..
وتجد الغربة في الألفة أحيانا..
ووجعك في سعادتك عادة..
ودمعك في بسمتك دائما..

حين تحب..
فتصير مؤرخ عينيها..
في أي يوم بكت..في أي يوم ضحكت..
وأول لمسة..وأول قبلة من عينيها..

حين تحب..
تري ملكين علي كتفك ..
وتخاطبهم سنة كاملة..
وتظن أن ما يكتبونه..
هو فقط الشعر..

حين تحب..
تشتاق الدنيا إلي راحة كفك..
لتنام عليها وتتدثر بلمعة حلم في عينيك..

حين تحب..
تنظر للنجوم بشكل أخر..
وكأن لمعتها هي تخاطر عن بعد مع حبيبتك..
أو شفرة حب..من أقرب قلب..

حين تحب..
تقرأ أوراقا بيضاء لا كلمة فيها..
ويكون شعرك انت وكلماتك انت..
وتظن إنها ملك للورق..

حين تحب..
لا تشتاق لرائحة العنبر ..
عطرك في أنفاسك..
عطرك في نظراتك..
العشق هو رائحتك..

حين تحب..
تهرب من كل علامات الإستفهام..
فالحب هو الإجابة..

حين تحب..
تدق علي باب الشمس ..
وتطفو كزهرة هندية محملة بالأماني فوق النهر..
وتبقي كرسالة في زجاجة ..
من عاشق علي جزيرة..

حين تحب..
يجتاحك وطنا أخر..
ليدق في قلبك أوتاده وجنونه..
ويمد خيامه علي مجري دمائك..
ليسكن فيه إمرأة واحدة..

حين تحب..
تتأرجح فوق الخط الفاصل بين رجولتك وبين صباك..
فإن غلب أحدهم..
فالخط الأخر..
بين العقل وبين الجنون..

حين تحب..
يخرج من قلبك قنديلا للدنيا..
وتصير أناملك البيضاء نوارس..
لا تلهو إلا في ميناء عيونها..

حين تحب..
تسعد بوجهك في المطر..
وبملابسك المبللة بالطفولة..
وبقلبك الغارق في مطر أخر..

حين تحب..
تري لأول مرة سرعة الضوء..
حين تمر بها ..امام من تحب..

حين تحب..
تمتلك العصا السحرية..
وتزين كل إمرأة بزي سندريلا..
بلا حفلة ولا ثانية عشر..

حين تحب..
لا تخشي من المجهول..
فقد أصبح صديقك المفضل..

حين تحب..
تدخل عالم الحقيقة..
من بوابة الحلم..
ليتراءي الضدان شجونا وجمالا..

حين تحب..
تصعد للشمس في كل صباح..
فقط لكي تأخذ ثوبك..
المزين بالنور..

حين تحب..
تظل تنتظر المساء..
لتشعر فقط بقرب الصبح..
الذي سيجمعكما..

حين تحب..
تري ماورائيات الدنيا..
لا ملائكة تخفي ولا اشياء مدهشة..
لأنك مع الدهشة في حلم واحد..

حين تحب..
تنكر وجودك أحيانا..
لكي تقر بأحلامك..

حين تحب..
تباهي القمر بأنك علي الأرض..
وتخرج للطير لسانك..
وتقول لستم مثلي عشاقا..

الســيرة الـــذاتـــيــة لكـابــوس

الكابوس:
أحببت حبيبتك القمحية من يوم لقائكما..
لا أعرف وطنا غير الحلم ولا بيتا غير النوم..
لا أسكن إلا دموع الوسائد ومملكة الخيال..
لا ألعن إلا النور وهمهمة الشمس..
وأخترتك بيتي ..وأخترتني مرضك المزمن..


أنا:
إنزعها من رأسك قد كانت حلما..


الكابوس:
سنوات كنت أراها علي شاطئ حلمك..
كانت فوق يديك تغطي سحاب الحقيقة..
وأحببت انا ضعفك..وتركت الحلم ليكسر أخر وتر في هذا اللحن..
ومات ال.....


أنا "أقاطعه":
صه.ما مات الحب حذاري!
حذاري بأن تصنع حبلا من كلماتك كي تعدم به..
لن تجرأ أن تجرح هذا الحب..
سيسلط فوقك دخان وقصور وعفاريت ..
سيبعثر أخر أوراقه ويمزقها فوق كيانك..
كي تبقي كابوس..ويظل هو الأسمي..
ويظل هو الحب..


الكابوس:
أخرج من جيبك هذا المنديل الأبيض..
يا ساحر هذا العصر..
لن تخرجني بضعة كلمات حمقاء عن ما أفعله..
سأظل بزيك عطرك وأظل في قدميك كحذائك
وأظل علي طاولتك كي تأكلني وأبقي في وسادتك كي تستلقي علي جحيمي..


أنا"في حدة":
تعويذة حب خالدة تخرجك بدائك من دائي..
وأظل وحيدا ..حرف نداءا دون منادي..
سأفضل أن أبقي وحيدا بلا أحلام ولا كوابيس..
لانام وأري الحب يعلق راياته فوق هلاكك..


الكابوس:
تخرج من جسدك كالدخان الأبيض..
تستلقي بأوتار مسروقة من عزف حبيب أخر..


أنا"أسقط":
لا...لا تكمل...


الكابوس:
تتعطر من نفس العطر ولا تشعره وتشعره الدنيا بأكملها..
تسكن عينيها ولا تراك..وتحارب بيديك رموش العين ولا تخرج منها...
وتظل تقرب..وتظل هي الأبعد..
وتخالج فيك الموت لكي يصطنع البسمة ولا يقتلك..
يكفيه عذابك..
يكفيه أنينك..


أنا:
مجنون..
خلفك عقدة حلم زائفة تجعلك الاضعف..
مفصوم بين برائتك وبين جحيمك..
عقدة طفل الحلم مازالت تستجمع كل الشغف لكي تضربك بقوة..
إنظر في المراة ..أهذا الوجه الذي تتمناه..!
إنظر..
إنظر..



الكابوس:
كفي أيها الملعون..
وكيف لك ان تعرفني وأنا كابوسك ..
لن أخرج منك ..
لن أخرج منك..


أنا"ألقي عليه التعويذة":

بإسم الحب وبإسم عيونها البنية وبشرتها القمحية..
ألقي عليك تحية من لن تسكنه وأنت بداخله..
وأحارب طيفك في كل ميناء للحب وشمس للنور..
وأزاول في قلبك مهنة سيدك الأعظم..الحب..
وأحل محل وريدك عطشا وصراخا ونحيب..
بإسم الحب ثلاثا..
بإسم الموت ثلاثا..
بإسم ملكوت عينيها ..بكرة وأصيلا..



الكابوس:
ماذا فعلت؟؟؟
لقد قتلتني أيها ال......
أ......



ومات كابوسي الأكبر..
وانتظر الحلم ليأتي..
في طرف قوس قزح الكنز..
وفي طرف كابوسي أري الحلم القادم..

قــصــر غــرام

نثريات
اللــــه"
الله لم يجعل لنفسه تاريخ ميلاد..
وكذلك الحب الأول..
والقدر كذلك..
أي صفة مشتركة..
لا أدري..
ولكن أحسبها العظمة..


فرحة

لو ولدت كزهرة..
فلن أري إلا الفرح والألوان..
ولو ولدت كطير فلن اعرف إلا الغربة..
ألهذا ولدت إنسان؟
لكي لا أري إلا الحب؟


زهرة

الحب وماشاء النور ..
وزهور تستجدي شذاها..
وعقود من ايادي ناعمة..
صورة لحديقتي..
التي لا أمشي بها أبدا..
ولكنها تمشي في دمي..


عبور
لا تعبرك إمرأة إلا..
حين تفتح كل مسامك لإستقبال نداها..
وتعطي لرمشتك أجازة جبرية..
وتعطي لقدميك الحق بأن تتحدي الجاذبية..
وفرق أن تعبرك..وأن تعبر بها..


ضمير
لو كان لهذا الحب ضمير..
لسمعنا رجاءات للرحمة..
ونداءات للغفران..
وصلوات للعذاب..
بلا استجابة..
لأن الحب ضمير في ذاته..


صفتي
قالت لي في يوم: ما أجمل صفاتي؟
رششت العطر وكحلت الأغصان..
ولعبت بطائرة ورقية..
ولعبت بالرمال..
وحينما بدأت الكلام..
وعدت طفلا..
عادت هي إمرأة..


عاشق
الحب ليس رشا بالعطور..
الحب ميلاد..في قارورة عطر


بيج بانج
لو نفض الحب عن نفسه دمع العشاق..
لبدأت الحياة من جديد..
"بيج بانج" جديد..ينتظر الدمعة الأولي..

أصــابع الحـــلم

الله يختبر القمر..
في كل شمس..
ويختبر الليل..
في كل نهار..
ويختبرني في كل نظرة..
حين أبدل وجه المستحيل..
أمنية ممكنة..
بشفاه الحقيقة..
وعين الممكن..
وأصابع الحلم..
حين أحتال علي عزف ملاك..
بألحان السوسنة..
وأرتشف من أصابعها..
"ليلة لم تأت بعد"..
وحين أعيد نفسي..
كفكرة بداخلها..
أتخمر في كوني حقيقة..
داخل الحقيقة..
وأحيل رحلتي..
الي الطب الشرعي..
فيتناثر فيا الحب..
كفوضوية الكلام..
وارتجالية الناس..
واختلاف اتجاهات اعناق الزهر..
لقرص الشمس..
وحينما لم يختبرني الله..
اختبرت نفسي ..
فوجدتني ..
معركة فاصلة..
بين قبائل ياسمين..
وبين الزعفران..
حينها عرفت الحب..
ومازالت هي..
حقيقتي الوحيدة..

لأن الـعمــر مـــوالا

بعض من قصائد النثر القصيرة

(موال عمر)

ولأن العمر موالا..
لم أأخذ منه الوقت..
لكي أغنيه..
لن يعطيني فاقد الشئ..
ولأن الحب لحن ..
والعمر لحن..
فلماذا يا تري..
لا يغني في إلا الوهن!..


(سراب فضي)

الكحل يخدر عيناي..
وهو في قمة عينيها..
أشتاق لأن أصعد..
للكحل..
لكني أصعد لجبال الألب..
ويداي مثلجة جدا..
وعيوني مقفلة جدا..
والكحل إمرأة ..
تدهس يداي ..
اذا وصلت يداي لخط النهاية..
أخر صورة بعد العطش الأكبر..
في صحراء صفراء..
مغلفة باللون الفضي..


(الليل العبقري)

أحاول أن أكتب كل مساء..
بدون أن يقاطعني الليل..
بدون أن يتدخل ..
بدون أن يتأثر..
أو يجادل..
ويوقف ساعتي..
فأظل في نفس الكلمة..
عالقا بين معناها ..
وعقارب الليل..
حتي يبلع القمر ..
أخر منشطاته الصفراء ..
ليصبح شمس..


(عين علي الموتي)

لم ألحظ فرقا..
بين الموتي وبين الطرق..
فالكل دموع..
الموتي دموع للقريب..
والطريق دموع ..
ولكن للعاشقين..
وفي ليلة ما..
جائني طفل صغير..
ظننت بأنه يعرفني..
وظننت بأنه ابن دموعي..
حين أختلط دمعي ..
علي الطريق..
بدمعها..
فكونا..
بشرا سويا..
يسمي الأه..

ومن الانترنت ما قتل

مكنتش عارف اسمي الموضوع ده ايه بالظبط ..ممكن نسميه ادب الشتائم مثلا ..
الحكاية ومافيها ان كان الانترنت عندنا مأساوي للغاية في فترة واحنا بندفع فلوس يعني حرام السرقة دي ..تبقي سرعتي 512 مثلا واعمل داونلود علي 14 يبقي دي قلة ادب وحقارة من الشركة وكل ما تتصل يقولك مافيش وقت محدد لحل المشكلة فقولت طيب انا بقي هأحل المشكلة بالنسبة ليا هأطلع اللي في نفسي وبدأت أبعتلهم رسايل في ايام متفرقة قلبت الدنيا عليا لدرجة انهم كلموني كتير واتهموني اني بتهجم عليهم وكده وبعد كده بقيت ببعت ومبردش عليهم لأنهم يستحقوا اكتر من كده لأ دي سرقة علنية في السرعة وفي الخدمة ودخلت الموقع بتاعهم وبعتلهم الرسايل دي :

ملحوظة:لا تاخذ الموضوع علي محمل الجد فهو كان كله تهريج ولكن شركتهم اخذتها علي محمل الجد


الرسالة الأولي:


الي رجال زمن الغاب وجهابذة الاستعباد وعبادلة السادية أفيدونا:

ان الله لم يستحي ان يضرب مثل ما بعوضة ..فلنضرب مثلا بقذارتكم التي لم توضع لها وحدة قياس كمية او كيفية ..

اضرب مثلا بقذارتكم كي استوضح ما غاب سنينا عني في عصر الضالة في عصر التغييب حين ظننت الناس كنوزا ولكني الان اولي منهم فرارا وملئت منهم رعبا
اضرب مثلا بقباحتكم كي اعرف فرقا اوضح ما بين المتعة والماخور ما بين المالك والمأجور وما بين السارق والساذج يا نحت الشيطان علي ارض الرخص ليشكل منكم طينا ليحاول ان يخلق امساخا للشر وارواحا للفر وملاذا اخر غير سماء فيها ملائكة اخري..

الان الدنيا شبح وحبيبتي مجرد عاهرة وابي وامي مخفيين والارض ركاما ترابي غض والبيوت حروف ساكنة وانا شبه جماد اسمعتم عن معني التجريد الان تجرد كل الاشياء ولكن لا اقبح من هذا المعني الا حين اجردكم فوجدت الصفر وتحت الصفر ..

صدام حسين جورج بوش توني بلير وكل رموز الشر ملائكة باجنحة عدة مثني وثلاث ورباع حين نحجث عن طاغون العصر وسرطان مصلي مثل شركتكم..

انا لا اجرمكم انتم جرمتم انفسكم ولا اعريكم انتم مكشوفين ومخفيين ومفضوحين ومستترين وشجعان في جبنكم وحكماء في رخصكم واتقياء في جهلكم ومريعين ومذبولين..

افتحي عينيك كي اري حقيقة العالم هكذا كنت اقول لها ولكنها اختفت الارض اختفت ولكني مازالت اري حقيقة العالم بكم انتم وشعارنا "معا من أجل عالم أرخص "

اتعرفون لماذا اريد الخلود ولماذا لا يهبنا الله المستحيل ..اريد الخلود لاراكم في ارض المحشر مقتتلين وعراة واراكم تحت اقدام الناقة ومعكم اسفل باقة..واراكم مخنوقين من يوم الدخان ومزلزلين في الزلزلة ومرمين علي قارعة الطريق في يوم القارعة ولكن لن يعطيني الله خلودي لان هناك الاجمل دوما وهناك الأجمل وان كان قلبي لا يسع الحلم فقب الحلم قد يسعني..

يا ثلة من الخاسرين وحفنة من الداعرين وظالمي الظلم المبين العنب الاسمر لا يأكل وانتم خمريين بطبيعتكم سكرتنا ومهانتنا وعلتنا وخطيئتنا وخطيئة مصر..

يا ابغض من لغة لتنصير وافتي من قس بن ساعدة واغني من قارون واظلم من فرعون ولغة الليل واعتي من بحر هائج وانتن من معدة حاكم فيها دم الشعب واهات المنسيين..

كما قال نزار قد يبست فينا عروق الكبرياء ..وكما قال امل دنقل المجد للشيطان معبود الرياح من قال لا في وجه من قالوا نعم..
سأزيد الحطب في نار العار ولتأكلنا معا نتفحم كي نتطهر تتطهرون من انفسكم وانا اتطهر من عفنكم الطافح في نفسي المستوطن في قلبي كي اصبح من اشباهكم وعلي شاكلتكم وكل يعمل علي شاكلته يا شاكلة الصلصال ..
من اقبح منكم ؟
سؤال نتركه ليوم اخر ..
انتظروني

وبعد هذه الرسالة انقلبت عليا الدنيا ووجدت علي تليفوني منهم حوالي 100 ميسد كول ورديت عليهم في الأخر واتخانقنا ع التليفون كمان ومسكتش والخدمة متصلحتش برضه فكانت الضربة التانية والموجعة



الرسالة الثانية


اقسم بالله هاخد حقي منكم يا عرة الشركات يا حضيض الخسة يا دمامل الاخلاق يا ابار الصديد يا فواعلية في زي فاعلين يا قطاع الطريق يا قوادين يا افاعي يا ابناء الصدفة يا مرخصي سمعة مصر يا اوباش يا اندال يا قليلين يا فحول الرداءة يا تلامذة الشيطان يا عرابين الذمم يا اشلاء الرجولة يا ادني الادني يا لفحات الابتذال يا ساقطي الضمائر يا مسودي الوجوه يا عبيد المزاج والكيف يا واضعي الوضاعة ومرخصي الرخص يا اصفار يا ديدان النقص يا لمم الخرائب يا سريين يا مخصيين يا اتباع الندرة ومقلي الطفيليات يا متسترين بستار الشركة وانت شراك يا مدمنين الحانوت ومخربي البيوت واكلي لحوم البشر يا سريين يا احفاد الطاغوت يا جثة الشرف وعفنه يا باقري بطن الفضيلة يا ابغض البغض ويا احقر الحقارة يا شئ مسلم به ليكون وليس كونه مسلم به ..يا محبي الفضائح ومحتكري الحقارات ..
يا شظايا يا افلين يا منطفئين لنتوهج ومخصيين لنسترجل ومقتتلين لنبكي ومغتصبين لنقطع ابكار النصر عليكم..
يا دروب الكفرة وميناء السفرة يا عابثين يا متلبسين يا مستلبين يا اصداء الصرخة يا قيعان القاع سنرد لكم الصاع يا فسدة يا ركدة يا عصابة العدالة يا ايادي النباشين و ضمائر الغشاشين يا ساقطي الهمم سنرميكم بالحمم يا سفلة يا سفلة يا قتلة يا قتلة


يا حراب البطشة وسيوف النعرة وحدائق النار ومزائن الجور لن تروا النور لن تروا النور
يا مارقين يا بعض وليس كل يا انصاف يا ارباع يا غلطات الشيطان يا غلاظ الرقاب يا مدويين ومنفيين يا قبور الامل وماتم العمل ..يا مستلبي رخصة انسان

يا فراقين يا افاقين يا انجاس يا انباس يا مصاصين الدم وصانعي السم يا مبخري نهر الشئ لنبقي بلا شئ يا زومبي الفضائل يا شهوانيين ونفسانيين

امراضكم: انتم وانتم
امراضكم:
التغطرس الاستعباد التاله التسافه الوسواس المجتمعي حمي الكبت الوسواس القهري والفصام والاكتئاب والخلل العصبي والشيزوفرانيا والبرانويا والرهاب والخضوع الذاتي وفقدان الشهية شهيتكم وشهيتنا

علاجها:
البتر القطع الاستئصال المجتمعي النفي القتل التخريب النحر قطع الانسال

يا خباصين يا اسلاف القمامة ومتبعي الغمامة يا قبارين ومكارين ومصطفين علي صف العبث..

يا قاتلي الهمم وبقايا اللمم يا افراد مفردة لندوس عليها ممهدة..يا اشخاص وشخاصين ومشخصي انفسكم يا مرضي يا قاع يا رتب مليئة بالرتابة ومقاعد ليس عليها الا مقعدة يا مؤخرين ومؤخرات يا حلمات الخنازير وشاربي الكير وابناء البعير يا رائحة الصمت ولون الموت وطعم الفراغ الا لعنة الله عليكم ان شاء الله

ملحوظة: كل يوم من ده لحين التصليح



وكانت هذه الضربة موجعة لدرجة ان تضاعفت المكالمات وجائتني ايضا ايميلات من الشركة محاولين هذه المرة تهدئة الوضع بعد ان كانت الضربة قاسية واحسوا فيها بلهجة شديدة..

فختمتها بالضربة الثالثة:



الرسالة الثالثة


"قزم واقف افضل من عملاق راكع " هكذا قالت الحكمة القديمة فمن أنتم لا قزم ولا عملاق أنت كل ملابسات اللغة العربية لتشكل كلمات البذاءة..

في نهاية النفق المظلم نور لكن معكم انتم أكثر عتمة يا غوغائيين يا شتات الصحراء ويهود البراق الغث..

وانا لا العن الظلام صدقوني ولن العن الظلام بل اضئ شمعة علي جثتكم عي اوساخ سيادتكم علي كل التالف منكم وضمور ضمائركم انتم فاعل وكلنا مفعول به وكلنا اثمون كلنا اثمون

مسودتكم مسروقة يا لصوص الشرف يا اسود من الضغائن واقبح من فتور العزائم يا منهمكين في انهاكنا يا التباس الوضوح بالضروح

يا افة يا...

ربما لا تفهمون كلامي باللغة العربية ولاكون اوضح لابد ان اكون اقبح هكذا تتكلم الحقيقة في هذا العصر

لم انخيل أن أجد كم هذا الفساد في قطاع واحد وهو قطاع الاتصالات ولم اتخيل وجود هذا الكم من الدود علي جثة المواطن الراغب في حياة كريمة واكثر من لقمة عيش

وقد دخلت الي بعض المواقع اثناء تصفحي العقيم من خدمتك الأعقم وكانت عن اسعار بعض الشركات في امريكا وكان هول الصدمة له وقع عنيف هز كياني عندما علمت ان الشركات تقدم خدمات غير تقليدية ربما تصلنا مصر بعد سنين ولكن بهذه المستوي من تخم الرداءة ربما تصلنا بعد قرن من الزمان ..

ان الفساد له زمان وليس له مكان ولكن مكانه شركتكم فبئس نتكم وبئس شركتكم الموقرة ...

يا مال شامي وياليت شعري الان اشعر وانثر من فرط الهزيمة النفسية والحرب السيكولوجية التي تمارسونها عليا وعلي اصدقائي الضعفاء يالله يالله يالله يالله اللهم انصرنا يا لله اللهم اصلح حالنا وحال شركاتنا في مصرنا المحروسة اللهم افق ضمائرنا واعطي الشعب رجلا كعمر بن الخطاب يصلح حال الاتصالات وكما قال عمر "تخرب القري وهي عامرة فقالوا كيف ذلك قالوا يمسك فجارها ابرارها ويسود القبيلة منافقوها "
وكما قال رسول الله "الظلم ظلمات يوم القيامة"

وكما قال السيد المسيح "امتحنوا الأرواح"
وانا امتحنتكم ووفقت علي مذبحكم وتعمدت من ماء فسادكم حتي ثملت وعرفت ان الله حاكم وعرفت ان الله قادر ولكم ياست حتي داقت بيا الحيل فارجوكم دقوا المسمار الاخير دقوا المسمار الاخير وافصلوا النت عن مدينتي بالكامل بدلا من أن تمزقونا بهذا الفساددددددددددددددد
وسلملي ع البتنجان



وتم ارسال ايميل لي بيقول انهم عمرهم متشتموا لهذه الدرجة في حياة الشركة وده ممكن يسبب لي مشاكل كتير ولكن المهم ان الانترنت اتصلح وانا اتسليت قوي ..هي شتيمة اه..ولكن انا شايف انها حقي المشروع لمكافحة فساد ست شهور كاملة واكتر ومافيش حد اطالبه بالحق ده..

دراما الموت ودراما الحب

سأحاول أن أحتضن ريحان عيونك بالقبلات..
بشفاه تعترف بأسرار العشق وفلسفة القبلة..

أعزف كل مساء بكمنجات ملائكة تستلقي فوق وسادتي..
لتزرع بذر الحلم وتزرع ياسمينك ولوزك في قلبي..
أتقلب كي أخرج منه ولكن..
يظل الحب هو سيد الموقف..


حاضر بصفته وشخصه..
يتقمص شخصية الجنون..ويحممني بضوء القمر ..
ينثر مشاعري في بحر من قدسيته ليخرجني مغسولا بالماء والثلج والحب..


حاضر بصفته شخصه..

لم يرسل كالعادة وفد من كيوبيد ليستطلع حركة عيني حين أنام..
في تلك الليلة لم يرسل أحدا ..
جاء بنفسه ليرسمني بريشته السحرية ..
ويهيأ كل خلية حب لأن تشرب من فاكهة غرام..


أخترق بسرعة الضوء دراما الموت ودراما الحب..
أحسست الحب كما النوبة القلبية ..وتصببت العرق الأطهر..
عرق العاشق حين يحب لأول مرة..
وصرخت ..وعرفت ان الحب كأكبر صرخة قوة تخرج من ضعفك..
وعرفت انه فراش من الزهور ولكن علي فوهة البركان..


بدأ العزف ..
مقطوعة الألم الخامس ..حين نظرت اليها..
صباح باكر بلا شمس ولا انسان ولا خطوات..

كانت في هذا الصباح أكبر مادة خصبة للشعر وللكلمات..
ووقفت أمامها كأمنية..وصارت عيناي كطوقين زهور تتمني أن تحضن عيناها..
ويحاول القلب أن يلتقط أخر انفاسه قبيل شروق عذابه..
واحاول عبثا أن أشتم أخر زهرة لكبريائي بلا جدوي..


كانت سعادتي إمرأة تجهز ضفائرها لينثر عليهما القمر أخر كتاباته..
وكانت تلبس من غزل الحلم وألمي..
وحينها عرفت ..
انه حاضر بصفته وشخصه..
وأنه فقط ..سيد هذا الموقف..


سارت عيناي كما الزئبق في كل عروق متوردة فيها..
لم أخرج من تلك الرحلة إلا كما شائت..ضحية..
بوركت ببركات العشاق ورش الياسمين في كل طريق..


وكأن قلبي جرح مفتوح ..لهواء لا يحمل إلا عطور تحرق وبنفسج..
أشعر ببرودة علي طرف أصابعي لم اعهدها ولكني اتجاهلها..
ومازالت قبلتها تغرد في شراييني كعصفور مسكين..

ورموش العين كما أعواد المسك تلامس طرف يدي..
لم أشعر أبدا أني في خيار بين اللحظة والموت أيهما أقرب..


ما أصعب أن تفتقد الحياة وأنت فيها..وأن تعيش الموت وأنت بعيد عنه..
ما أصعب أن تسير رأسك في إتجاه وقدميك في إتجاه وقلبك في إتجاه ويديك في إتجاه ولا يتبقي منك إلا عينين تقدر من منهم أخطأ..


وبعد الرحيل مازالت تلك الصورة كل صباح ..
وكان الأيام تعاد علي نفس اللحظة..
وكأن الوقت ينتحر كل يوم من علي حافة صدري..
ليبقي لي لحظة حب..

خطوبــة نهـــلة وسعـــيد

رومانسية اللقاء :
سعيد ونهلة مخطوبين من فترة ليست طويلة..



سعيد: مش ممكن مش مصدق عنيا..

نهلة:عجبك الفستان؟..

سعيد:تحفة..يا سلام دايما بقول لنفسي يا بخت اللي هتكوني من نصيبه..

نهلة:نعم يا اخويا؟؟؟ اللي هأكون من نصيبه ازاي يعني..

سعيد: ايه !!...قصدي يعني انا طبعا..

نهلة: اه بحسب ..حاسب علي كلامك..

سعيد: اصلي عمري في حياتي متخيلت ان واحدة من امثالك هتدخل حياتي..

نهلة:ايه اللي بتقوله ده يا سعيد حد يقول لخطيبته ..أمثالك؟

سعيد:يا ستي متدقيش قصدي واحدة زيك يعني..

نهلة:تعالي نركب المركب ده بقالي زمان مركبتش مركب..

سعيد: لا لا يا ستي لحسن منعرفش نتحكم فيه وبعدين نغرق ونموت فطيس والعمر مش بعزقة..

نهلة: الله يخربيت اللي عرفني بيك يا اخي..

سعيد: اوعي تقولي كده يا نهلة ده انا كل ليلة بحلم بيكي..

نهلة:بجد؟ بتحلم بايه؟

سعيد: بحلم بقصر كبير واسع مليان ورود وانا جنايني الورود دي والمقطف مكتوب عليه نهلة..

نهلة: يعني تقدر تقول اني مقطف حياتك..

سعيد: بالظبط كده انتي اكبر مقطف في حياتي..

نهلة: طيب خد دبلتك دي وحطها في المقطف..

سعيد: كده يا نهلة يعني هانت عليكي العشرة دي كلها ..وانا اللي فاكرك بتحبيني..

نهلة: يا سعيد ما انت اللي بترميلي كلام غريب برضه..

سعيد: مهما عملت المفروض تقدري الفترة اللي مشينا فيها مع بعض..

نهلة: مشينا مع بعض ؟؟؟؟؟؟ انت لوح صحيح..

سعيد:يعني تعالي نقف ع النيل مثلا..أو نروح اي مكان

نهلة:بس حسن الفاظك

سعيد: يا نهلة انا عايز اعيش معاكي زي اي واحد وعشيقته..

نهلة: عشيقته؟؟؟ انت مافيش فايدة فيك ..اخرج من حياتي يا اخي..

سعيد: انا مقدرش اخرج من حياتك يا نهلة انا بحبك..شفتي يحي ولميس في المسلسل..

نهلة: بس يحي مكانش بيقول للميس انها مقطف حياته..

سعيد: بس شفتي الحلقة اما رفيف ماتت..

نهلة: يعني دي الحلقة اللي عجبتك؟

سعيد:مش متخيل اما انت تموتي كده انا هأزعل قوي هأتجنن..مش متخيل ان انتي تموتي فجاة في حادثة مثلا او عربية تتقلب بيكي مثلا

نهلة:أموت في حادثة؟ ايه الرومانسية دي؟ بص يا سعيد ادي دبلتك اهي هاتها من النيل بقي انا ماشية ..انت اكبر مقطف في حياتي فعلا
..

حمــــيدة المــــراكـــبي

ده "مراكبي" مات..
ساعة الغروب..
سايب لنهره المركبة..
ورث وذنوب..
في حاجة فيه متغيرة..
ميت بيضحك شئ غريب!..
سايب رسالة من غريب..
بتقول وجع..
في السطر ده..
مات الجدع..
رقص عصايته ع الأهات..
شرب السكات..
كان عوده من عودي كده..
"متأكدة؟!!"
قالتها نادية المخلصة..
في الساعة أحزان إلا "ربع"..
مكانتش دايما مخلصة..
قالت حميدة مراكبي شهم..
وكأنه شايل ألف سهم..
لشوق بعيد..
كوكتيل من الويل والنحيب..
رغم ان عمره في يوم ما حب..
لكن كأنه بألف قلب..
سكتت هنا..
"متكملي"..
مسحت دموعها في ثانيتين..
كانوا يا دوب كده دمعتين..
قالت :حميدة مراكبي شهم..
وسمعنا دي بقي كملي..
رغم انه عمره في يوم ما حب..
لكن كأنه بألف قلب..
والقصد أيه؟
كان يبتسم ..لو كان حبيبي بيبتسم..
كلمة حبيبتي تغربه..
كلمة حبيبي تقربه..
سامع كلامنا مفسره..
وكأن حرفي في دمعه عاش..
ومكانش حب..
لو كان حميدة في يوم مجاش..
وكأنه كان باب القدر..
بسمة كده ساعة الغروب..
كانت تطهر من الذنوب..
فيها إيمان بالحب شبه المستحيل..
وكانه كان عايش ولكن كان قتيل..
لحد يوم النهر جف..
والحب جف..
والقلب جف..
وحميدة جاله جواب غريب..
من شخص كان منه قريب..
بعت حبيبي يقوله ان النهر جف..
ساعة ما نبع الحب جف..
لمعت عيونه من الغروب..
دهب الغروب كان كله زور..
وكأن بينا وبينه سور..
بص لمكاننا الفاضي مات..
لأن عمر في يوم ما فات..
إلا وحب في مركبه..
لكن لأن المركبة..
كانت وفية..
ولأن لون الشمس فيه..
كان الوصية..
راحت تجره المركبة..
ناحية غروب..
ورسالة غرقت في الحروف..
ده مكانش قدره للهوي..
لكن ده شاف قدر الهوي..
مات يبتسم..
بعد السنين ..
قابلت حبيبها مرتين..
مرة علي شط الهوي..
والتانية دي كتبها القدر..
غطاها من قلب السهر..
مسكوا ايدين بعض في حنان..
قدام حميدة في تربته..
والحب عاش..
وحميدة عاش..
مع أنه مات..

شــكر خاص

أحببت أن أقول هنا فقط أشكر كل صاحب وصاحبة رسالة علي الايميل..وشكرا علي تلك المشاعر الغالية والرسائل التي تسعدني ..حتي لا يظن البعض اني لم أقرأها..شكرا لكم جميعا..وأتمني أن أكون عند حسن ظنكم دائما..

أحـــلام اليــقـــظة

لست الصدفة ..لكن للصدفة أسماء عدة أول أحرفها منك ..

لا تدمع أبدا إلا حين تكون خطايا الدمع صادقة جدا في ملامح وجهك..

أنا:

أحلام اليقظة ..أن استنشق اسمي معاني الحب في وجهك..

أن أستلهم كل أساطير الحب في بعض من خرافات الزهر الساكن فيك ..

أن أستعبد كل غراميات السادة حب الراحة او حب الاه..وان ادهن بعض من زيت العمر علي لوحة شمس لاتطفئ ..

لكن أحلام النوم .."تحبيني"..

هي:

المنتهي لا يينتهي في بعض منك حين تدق لغات الارض بشفتيك..

لو نسكن قطرات ندية في بعض مسام الحب أكون الأقوي..

لو نتيقن أو يتيقن من قلبينا دهاء الحب أكون الأشمل..

لو نعثر علي بلد نمنحها صكوك الغفران ونحيا ملوك أكون الأجمل..

وأنت الأجمل..

أنت الأقوي..

أنا:

القمر هناك يحاول أن يغفو ..أن يغمض عينيه قليلا عن نور فلانة..

قد يخسف لكن يبقي الجزء الأبيض فيه منيرا من نظرات فلانة..

قد يتعلم بعض من لغة الصبح كي يبقي طوال اليوم علي أجفان فلانة..

لكن من يمنحه الصبر وأنا افنيت الصبر علي عتبات فلانة..

هي"تحرك عينيها في خبث وتبتسم":

وفلانة؟..

أنا "أتنهد":

علي شفتيها الكوثر وفي يداها "اللا أكثر" تمنحني بنظرة أعين أول إغفاءة في غيبوبة حب ..

تقلب طاولة شراييني يسكر وجهي بسكرها ويظل في وضع الساكن..

والقلب يغامر في صدري ويراهن علي عمره أن النظرة القادمة هي الأجمل..

يتحرر من كل دمائه يتخلص من كل نياطه كي يكسي بلباس أحلي .."من نظرة عيناها"..

ويكون في وضع المتحرك..

وما بين الساكن والمتحرك تضرب أبحرة العشق وتتماوج خلف أذاني لأغفي الثانية الأشجي..

وما بين الساكن والمتحرك والبحر خرافات عدة أولها الشعر وثانيها "فلانة"

هي"إستعادة ثقة الأنثي":

شئ خبرني أن الشمل يوحد حين يكون سراب الحب جليا فينا..

نجري نستبق الخطوات ونتعثر في بعض زنابقه الله الله هي الروعة..

حين يستنطق فينا الله عذاب الحب لنذوق بصعبه شهده وبخرافته حقيقته وبفقره سلطانه وبهمهمته جلجلته وجلاله الله الله هي الروعة..

أنا:

سيف الحب المسلول علينا يجعلني ربيعا وزهوري شهوري وخريف قادم اخشاه ..

اخاف بأن أحياه ..

لا أخاف علي الزهر ولكن علي بتلات الزهر الشارب منك المستلطف بنداك ..

المستيقن منك حتي الجذر لنهاية خط العمر..

وحديقة ربيعي تضاء بأنوار ست الحسن هي لاشرقية ولا غربية ..حديقة في جنتك..

هي:

في بحر دمائي مصبات للوجد وللحب وللحرمان ..

لكن نهر دماك لا تسكنه اللوعة ..

لا توجد معجزة أخري كي نلقي المالح بالعذب الا بسلطان من عند الله يسمي الحب ..

ليكون لمدي وجزري بيوت وأماكن من ملح البهجة..

أنا:

ومشاعر تحت الصفر تستلهم شمسا لتزيد الوجعة..

وشموس كانت ترتاح تستلهم صفرا كي تبقي اليه صفة المهموم..

والقلب محير ماكان مخير في ما بين الشمس وبين جليد لا يفني..

لا أفهم أبدا هذا العشق ..

أنزل من عليائي كي أشتاق اليه!..

وأفارق إسمي ثم ألملم حرفه في بعض منها ..

وأسقط من يد كانت تنقذني كي أتمني أن اتشبث بها..

وأفعل كل الضد كي أصل إلي الضد..

شدي وثاقي بحبل الفكر المتعطر منك لتنساب علي جنبات شراييني رائحتك فتدب حياة في روحي..

هي "في لهفة" :

لا لا ..أخاف عليك وأخاف علي نفسي دعنا نحضر روح الحب لننساب علي جنبات شرايينه رائحة للعشق فتدب الأرض حياة وجمالا..

أنا:

أنا رجلك؟وحبيبك؟..

هي "في رشاقة":

بل أنا أنثاك ودنياك وأجمل ما فيك عاشقة كل معانيك..

وأقلب وأقلب في فنجان الشاي وينظر لي كل الجالسين ويقول النادل ..سيدي قد ذاب السكر من زمن ..

أستحضر نفسي أقول يا ليتها تذوب في دمي مثل السكر ..

"مجرد لحظة"

في عرق الصبح نور أبيض

في عرق الصبح نور أبيض..
بيجري يشق لون ليله..
ومن توب الهوي الأبيض..
بيتداري وبيجيله..
وفجره في كلمة العاشق..
بيتنفس هوا سكوته..
وليله في بسمة العاشق..
شايف في البسمة ملكوته..
وكل ما عمره بيعدي ..
ويستني القمر دوره..
بيهرب في ضيا نوره..
عايز يستني لحظة عشق..
عايز يفضل في جوة القلب..
نور أبيض..
وضحكاية..
يصيح"الحب جوايا"..
عايز أعشق..
ما اعش وأموت بلا مبدأ..
ولا قلبي..
ونوره بيجري فيه لكن..
ولا حاسس ولا حانن..
ومستني الهوي دوره..
ضرب سهمه وقدرله..
عايز يعشق فخيرله..
وخد في الحب من دوره..
وفي الأخر عشق نوره..

منتصــف لــيل سنــدريــلا

"حين أحببت وقفت علي حافة الجنة لأستنشق النار"




قلت:علي عينيك علامة بيضاء ..أحسبها لأخر ملاك هجر من عينيك لعينيك..


قالت :خدرت لحظة قادمة بعسل القول بدل من ان تخدرنا اللحظة بتفاحتها المسمومة..قل لي ما أكبر أمنياتك؟


قلت: أن أسقط شعرا....


قاطعتني و قالت :لا لا ..فالشعر له شيطان..وملائكة عيوني تخاف عليك شياطين الشعر..


قلت: وشياطين شعري وجنوني لا يقهرهم إلا ملائكتك وفردوس حسنك..


قالت: كلماتك كشفاه عذبة تقبلني وأشعر بالقبل كأغاني في دمي المسكين وقلبي المقتول..


قلت: أتمني أن تقبلني كلماتي في هذا السفر المدهش لأسكن فيك أخر أغنية بأول أمنية..


قالت: قلبي محاصر منك ومن شمس غروب ومن حبي لنفسي حين أراني بعينيك..


قلت: لن تري نفسك بعيوني كي لا تصبحي أخر حدودك وتعشقين نفسك حتي الموت وتصبحي جنة نفسك..



قالت: لن أري نفسي بعيونك لأني فيها الأحلي والأجمل وأريد بأن أغتسل في نهر جمالي بعينيك لكي أصبح أجمل صفة فيك..


قلت:جنتك في عيناي والحور واحدة..


قالت: لا جنة لنفسي إلا يديك الحانية علي عيناي كي تهرب مني سندريلا في كل مساء وتدعي انها الثانية عشر وأعاود لقاءك بقلب جديد وحب أكبر..


قلت: لن تهرب سندريلا حين يعتنق الأمير ديانة جمالها ويصنع كل مساء حذاء أخر كي يدق قلبه الثانية عشر كل لحظة..


قالت:وتصير الحفلة مدهشة جدا..


قلت: مدوية جدا..


قالت: مذهلة جدا..


قلت: كي أبقيك بنبضي عارضة الأحلام الأولي..


قالت: وأبقيك بضلوعي فتي الأحلام الأول والأخير..




وضاعت ليلة أخري ..
وضاع غروب أخر ..
ولم نكمل باقي الحديث..
وطيف الياسمين يقول..للحديث بقية..

who has the biggest.. "7ashish"!

مين محشش أكتر؟

في الفترة الأخيرة انتشرت ألعاب الفيس بوك
زي who has the biggest brain
واللي فيها احدي الفقرات المفوض انك تفتكر اشكال غريبة كده بتتعرض عليك زي وحيد قرن او فار او بطريق ..
المشكلة الوحيدة مش في اللعبة ولكن ازاي تقول ان دي لعبة ذكاء وحد داخل عليك وانت بتلعبها ..
يعني بابا سمعني من ورا الباب وانا معلي صوتي وبقول "وحيد قرن ..بطريق..فار..تعلب"..وبعدين سمع كمان صوتي وانا بفتكر حتة تانية
"بندقة..جزمة كعب عالي..رشاش زرع"..طيب قولولي ازاي افسرله بعد كده ان دي لعبة ذكاء مش لعبة لأطفال 4 سنين مثلا عشان يختبروا قدرتهم..
وياريت يعملوا لعبة للسادة المحششين ويحطوا اشكال هلامية كده ويجيبوله اختيارات تانية خالص واللي يجاوب غلط اكتر يفوز بالنقط..
وتبقي المسابقة في اول فقرة"يعد مربعات البانجو"..والفقرة التانية يقعد يفتكر "بانجو ..حشيش..مخدرات مشكلة"..
وفقرة العد التنازلي"عد الحشيش من الاكبر للاصغر"..
والراجل اصلا صاحب اللعبة عنده سؤال "مين الأذكي؟"..أكيد الإجابة محسومة هو الأذكي وهو بيقولنا كده بلعبته دي وهو اللي عارف كل الأجوبة قبل ما تيجي حتي وهو صاحب اعلي اسكور ..
وبعدين مشكلة اللعب دي حاجة غريبة اوي الفرق الرهيب والغير مقنع في العالم..يعني تلاقي الأول علي مجموعة مثلا مش جايب عشر اللي جايبه الأول علي مصر ودول تانية فهل فعلا هو في عشر ذكائه؟..
اللعبة غير مقنعة لحد بعيد وبتعتمد علي حاجات كتير منها حتة طريقة مسكة الماوس او الكتابة بالكيبورد..والمسابقات تختلف كتير عن الاي كيو واللي انا شايف انها مقنعة اكتر من مسابقات الفيس بوك السطحية..
وواحد هايف اكيد هيقول اني بقول كده عشان جايب اسكور صغير هاهاهاها..طفولة..لأ انا جايب اسكور كبير بالنسبة لعدد مرات اللعب ..لكن ده رأي بحيادية تامة وحتي لعبة اللغة والجغرافيا جايب اسكور عالي جدا جدا لكن برضه مش مقتنع
لأني جبت اسكور في لعبة اللغة بست اضعاف واحد قريبنا في أمريكا ونظريا ده مستحيل لأن الراجل ده يكسحني في اللغة طبعا..
بس الفكرة اننا منديش اللعبة اكبر من حجمها ونعتبرها بجد زي الأي كيو اللي بتعتمد عليه وظائف كتيرة لأ في فرق شاسع جدا وخيالي بين الحاجتين..
لأن مسابقات الفيس بوك عايزة سرعة..لكن الأي كيو عايز تفكير عميق وسليم ومبني علي منطق وأحيانا تخيل..
عموما هو مرتضي منصور لو لعب اللعبة دي هيتنرفز اوي وهيفتح الملفات لصاحبها علطول وهيقول "انت فاسد وانا هأجيبك هتروح مني فين"..

ماذا تفعل لو كنت مكاني

ماذا تفعل لو كنت مكاني:

بابا بيسمع عبد المطلب الصبح وبيقعد علي اليوتيوب بليل..!

البواب بتاعنا بقالي سنة كل يوم الصبح بقوله سلامو عليكم بيرد يقولي "مساء الفل"..!

كل ما اقف في المطبخ جارتنا بتغني "لقيتني كبرت فجأة ..تعبت من المفاجأة" !..

"الكنج " (ده واحد صاحبي)...بيقول انه اول من توقع الأزمة المالية في العالم..!

واحد كان عندنا في الشغل فتح التليفزيون علي مظاهرة في لبنان ..بقوله ايه اللي حصل ..قاللي "مش عارف باينها حملة لفودافون ..ده شعار فودافون"..!!!

صاحب السوبر ماركت بقوله "في زبادي؟" ..قاللي" لأ خلصان..بس جيبنا دانيت بالشيكولاتة"..!!!!!

واحدبيتصل بالتليفون "الو منار موجودة؟"..قولت "لأ النمرة غلط واللهي "..قاللي"يعني ده مش تليفون منار؟"...قولت"لا واللهي يا افندم مش منار"..قال الاجابة دي"الظاهر ان النمرة غلط"..!!!!!!



أول مرة:

أول مرة شتمت بصوت عالي ..لما محمد نور بدأ يغني..

أول مرة رميت حاجة علي التليفزيون..لما شفت فيلم رامز جلال اللي فات..

أول مرة مشيت أكلم نفسي ..لما حسني مبارك قال انه ماشي علي خطة الاستقرار والتنمية..

أول مرة اديت بوكس..كان لنفسي قدام مسلسل راجل وست ستات عشان اتاكد هي الغلاسة اللي في المسلسل ده حقيقي ولا وهم ..

أول مرة قطعت جرنان ..لما قريت عن فتوي ارضاع الكبير ..

أول مرة ضحكت بطعم البكاء..كان لما المطربة دانا عملت كليب تاني وتالت يعني نجحت..وهو دليل علي فساد كامل في الذوق العام..

أول مرة كنت هاضرب واحد..كان السوبر ماركت اللي جنبينا..لفرط عبقريته
..

ولو ساب الربيع زهره

لأني وعمري مش واحد..
ايماني ان الهوي واحد..
ايماني ان الهوي انسان..
بيحيا بنبض قلب قتيل..
برئ ولا كدب ولا تمثيل..
حلف ميحب غير واحد..
ايماني ان الهوي دنيا..
بتخلقها برائتنا ..
ونحضنها بدمعتنا..
وتكبر فينا رد جميل..
وتبدأ هي تخلقنا..
ومن نهايتها تبدأنا..
وتتعطر بطيف ليلنا..
تعيش الحب حلم جميل..
ايماني ان الهوي معني..
لكلمة حيرة تشغلنا..
وتفاصيلها اللي تقتلنا..
نلاقي للدنيا ميت معني..
ايماني الحب شمعة ليل..
تدوب فينا ضلمتنا..
تشتت وهم غربتنا..
وصورة في مرايتنا..
عشان نلقي الحبيب فيها..
مغطيها ومدفيها..
تشوف نفسك في غير نفسك..
لأنه بجد كان حاسك..
ساعة ما خاطرت بدموعك..
وعشت الليل ده بشموعك..
وجيت للحب من نفسك..
ايماني ان الهوي رؤية..
قلوب شايفة مصايرها..
نفوس غرقانة من ميلها..
وشايفة ميت سنة قدام..
وتفضل عاشقة ولا بتنام..
ولو سابك حبيب مرة..
هتفضل برضه ليه عاشق..
لأن الحب فيك عاشق..
ولو ساب الربيع زهره..
هيفضل برضه فيه عطره..
هتفضل ريحته فيه لو دهر..
خلاص مكتوبله عايش زهر..


..