Monday, November 14, 2011

دستــور دمــي المصــري








يا مصر يا نيل مغطيني..
يا اهلي وعمري وسنيني..
تعيشي يا غالية وتحني..
ومهما كنتي هتأني..
ولادك ليكي برضه حياة..
ورفعة راسك انتي نجاة..
وجاي احلف بدستورك..
واحفر عمري في سطورك..
وارفع كفي واحلف اقول..
"ولا راح ابقي فيكي جاسوس..
ولا عنصر خراب مدسوس..
ولا هالعب عليكي قمار..
في طرابيزة عدو غدار..
ولا هاقبض عليكي فلوس..
ولا هاصبر لنخر السوس..
ولا هابقي يا مصر "فلول"..
ولا اسمم بحسني عقول..
ولا اعمل بديني زار..
وهابقي انا سيفك البتار..
علي اللي يحاولوا يحنوكي..
وعلي ولادك يقسوكي..
ولا اعمل في يوم فتنة..
واحاول اطفي نار فتنة..
خلقها الجهل بين ناسك..
وقتلوا يا مصر حراسك..
لكن احلف انا حارسك..
لاخر قطرة انا حاميك..
ولا هابقي يا مصر عميل..
وابيع اهرامي ويا النيل ..
ولا اتاجر بثوراتك..
ولا انافق لحكامك..
ولا اهينك لمصلحتي..
ولا ارميكي عشان راحتي..
ولا احرق بلدي لاجل الحكم..
يا لعنة ذل كرسي الحكم..
وقبل ما اكون ديمقراطي..
هاكون ليكي حبيب راضي..
هاكون نيلك في وقت جفاف..
واكل فيكي لو عيش حاف..
ده حضنك ليا يحمي يصون..
ولا اسيبه ولو مال قارون..
يا مصر حلفت بتاريخك..
حلفت بخوفي وصريخك..
بانك فينا حرية..
ولحظة صدق منسية..
وانك فينا شرع اصيل..
وانك لينا تبقي دليل..
وانك فينا عزوتنا..
ومهما تبقي قسوتنا.."
يا غالية يا مصر سامحينا..
ولكن الغلطة مش فينا..
دي من حكام عذاب وتتار..
وسرقوا القوت وسرقوا الدار..
وخلونا خراب مبثوث..
وحسني بكعب جزمة يدوس..
علي كل الضعيف فيكي..
علي كل اللي مات فيكي..
يا مصر احكيلك ايه اكتر..
لو احكي عنه مش هاقدر..
ده حسني اشتري صوتنا..
وربي عياله من قوتنا..
وسممنا بمحاصيله..
وخان بلده وخان نيله..
يا مصر الغلطة مش فينا..
الغلطة في اصل حكامنا..
ده سرقوا النور في ايامنا..
وخلونا بقايا شعوب..
وحتي النومة بالمقلوب..
مواطن فيكي عشوائي..
يعيش وعلاجه كيميائي..
عشان سرطانه نوعه"رخيص"..
عشان سرطانه اسمه "رئيس"..
وفي الاخر بيخرج ناس..
يلوموا الثورة والثوار..
عشان كانوا من الاحرار..
ورفضوا الذل لو ليلة..
وشالوا لوحدهم شيلة..
وضحوا بعمرهم لسنين..
عشان بلدي ومش حاسين..
يقولوا الثورة قتلتنا..
في كل حياتنا شلتنا..
ونسيوا الحاكم ابن العار..
وكاس الظلم اللي دار..
علي كل البرئ فيكي..
علي كل الضمير فيكي..
انا هاصرخ واقول ثورة ..
علي عقول اتملت بالظلم..
وحفرت شكلها بالظلم..
ويتمنوا يعود "عادلي" !
يقولوا لا يوم من العادلي..
ونسيوا الدبح والكرباج..
ونسيوا الكفر والاجهاض..
لمولود الامل فيكي..
لمولود الحياة فيكي..
ومهما هاقول يا مصر انتي..
تكوني اعلي م الكلمات..
وأية حب م الأيات..
واعيش عمري فدي عيونك..
واموت ليكي وانا بصونك..
تعيشي يا مصر حرية..
ولادك ليكي حرية..
وحبك لينا حرية..

Saturday, November 12, 2011

حمادة إشتغالات بتاع الهدوم والمقاسات





غرفة القياس في المحلات هي مكان جديد للاستفزاز زي الميكروباص والاتوبيس والمصالح الحكومية بالظبط .
ورغم ان المفروض تكون فرحان بالحتة الجديدة اللي بتشتريها بقي وكده الا ان المكان كله في المحل بيخليك مش عايز القطعة دي اساسا وعايز تمشي من المحل ده .


مجرد ما تنقي القطعة وتدخل تقيسها يبدا "حمادة اشتغالات" اللي واقف برة اللي بيبيع في المحل يسأل كل شوية "مقاسك يا باشا؟"
ويفوت كام ثانية كده ويكرر السؤال "مقاسك يا باشا؟" وبعدين يسأل "اجيب أكبر يا باشا؟"
يخليك تقوله "الله يخربيتك علي بيت الحتة دي يا اخي انتوا بتعملوا بحث ع المقاسات ولا ايه ؟كل شوية مقاسك مقاسك اما اخلص هاقولك اني خلصت" !
والغريب ان هو ميعرفش ان ده مش بيحسس الزبون بالاهتمام ابدا بل بالعكس بيحسسني ان المحل فاضي ومافيش زبون غيري اصلا وده معناه انه محل فالصو ومضروب بالنار طالما واقف معايا كل الوقت ده وانا بقيس.


النقطة الغبية برضه في المحلات ان ساعات تلاقي اوضة القياس دي مش باب بترباس لا دي بتبقي ستارة ..وده قمة الغباء فعلا وانت بتلبس كل شوية واحد يشد الستارة يشوف المكان فاضي ولا لا وبعدين تلاقي واحد بيقيس تقوله "باشا" تفتح الستارة التانية تلاقي واحد تقوله باشا ..سمعت كلمة باشا دي مية مرة في محل زحمة قبل كده من كتر ما الناس فتحت الستارة كنت بفكر اطلع اقيس في وسط المحل وخلاص ماهو كله فتح الستارة !!


الناس كلها مبتحبش تغير كتير في الاوضة دي خصوصا اما تكون حر وتخنق ومافيش تكييف في المحل مثلا وتقول للعامل "الجو حر جدا في الاوضة" يقولك "طب ما تسيب الباب موارب" !!
هو ده الحل اللي عنده مش يقول مثلا "هنركب تكييف قريب" لا يقولك سيب الباب موارب علي اساس اننا ع المصطبة او في دوار العمدة سيب البابا يجيب طراوة !

اوحش حاجة بقي اما تلاقي واحدة جاية مع جوزها محل رجالي عشان يجيب هدومه ! انا بتعجب جدا هو شايفاه عيل مثلا ولا انتي بتتحكمي حتي في طريقة لبسه !! وتقعد تقلب في وسط الهدوم الرجالي علي اساس انها خبيرة في هدوم الرجالة وهي ولا عارفة فيهم حاجة اساسا وتفضل واقفة قدام غرفة القياس اللي جوزها فيها وتقول "كويس يا علاء؟" "اجيبلك اكبر يا علاء؟"  !!


انا حاسس ان علاء ده ابنها مش جوزها وبدأت الكوابيس تجيلي جوة الاوضة واتنين بيجعروا "اجيبلك اكبر يا علاء" والتاني بيقولي "اجيبلك اكبر يا باشا" !!
 يا ستي سيبي علاء يختار بقي يعني كاتمة علي نفسه في البيت وبرة البيت ! حتي الهدوم هتجبيهاله علي اساس ذوقك انتي ؟
والست دي معرضة انها ممكن تفتح برضه الستارة غلط علي واحد ويكون موقف بايخ جدا يعني وبيحصل بالفعل وتقوله "اسفة جدا" .
انما طبعا لو في محل مختلط وده كارثة اكبر تلاقي نصه حريمي ونصه رجالي وغرف القياس سداح مداح لو فتحت علي واحدة تبقي ليلتك سودا انما لو واحدة فتحت عليك انت تسكت خالص !! ايه التفرقة دي !
وكان بالفطرة ان طالما الست فتحت ع الراجل تبقي مش قاصدة انما الراجل لو فتح الستارة ع الست يبقي بيستعبط وحيوان !!!

وطبعا متسألش حمادة اللي بيشتغل في المحل عن رايه وانت خارج من الاوضة لانه طبعا هيقولك ان التي شيرت هياكل منك حتة والحوارات والاشتغالات دي لان حمادة ميعرفكش انما حمادة شغلته انه يشتغلك بياخد فلوس عشان يشتغلك وبس !

واغبي حاجة اما يقولك "التي شيرت مقاسك بس المراية دي بتعرض شوية" !! ليه انا جاي محل هدوم ولا جاي الملاهي العب في مراية جحا !! مراية ايه اللي بتكبر وبتعرض دي اما محل اشتغالات صحيح !

وتطلع برة الاوضة وتبص ع المراية من برة شوية تلاقي اللي في الاوضة اللي جنبك طالع برضه برة شوية وبيبص ع المراية من بعيد ويقولك "حلو القميص ده..بس القميص بتاعي ده مقاسي" ؟
ايه يا جدعان الواد التايه ده جاي مع مين ؟ وانا مال امي قميصك حلو ولا وحش ماهو حسب ذوقك وانت اللي تعرف مقاسك اعرفه منين انا ؟ انما كتير تقابل المريخيين في محلات الملابس .

وفي النهاية بتروح للحاج صاحب المحل ودي التقفيلة بقي بتاعة اللعبة بتلاقيه قاعد قدام الكمبيوتر دايما وغالبا بيلعب او ع الفيس بوك ومش داري بالمحل اساسا ويبصلك فجاة ويبص لحمادة اللي كان معاك ويقول "فين الكارت يا حمادة" ويشوف السعر بدهشة كأنه مش صاحب المحل بل كأنه زبون اصلا ويسيب اللعبة بامتعاض ويقولك السعر ويقولك بصوت تخين "مبروك" !
وحمادة يشتغلك ويقولك "مبروك" وكل المحل يقولك مبروك كأنك قضيت الصباحية في المحل !!

ودايما الراجل صاحب المحل بتلاقي فوقه كلمة مستفزة زي مثلا "البضاعة المباعة لا ترد ولا تستبدل" كلمة مش موجودة غير في العالم السادس مش العالم التالت حتي .
او ساعات بيحن عليك ويقول "قابلة للتبديل فقط" وساعات يكتب "من حقك ان تدخن ومن حقي ان اتنفس" وهو اساسا عمال يضرب سجاير وخانقنا في ام المحل كله .



المهم ان كل العوامل دي تخليك تجيب قطعة ممكن متعجبكش في النهاية وتندم عليها وده بيحصل كتير من كتر الحر والدخان وصوت حمادة بيخليك تنقي وانت متردد وساعات تجيب حاجة اي لكام وتبقي عايز ترجعها تاني لكن تفتكر وش صاحب المحل تحس انها صعب ترجع وانها ممكن تستبدل بس من المحل التعبان ده .

وشخصية "حمادة اشتغالات" موجود في كل مكان بس بتختلف الجملة يعني في محل الاكل يقعد يقولك "اجيبلك حاجة تانية يا افندم " طول ما انت بتاكل او كل ما تخلص حاجة قدامك .
لكن اكتر جملة مستفزة من حمادة هي جملة "دي تمشي مع البني والبيج" ! وبيبدأ يفتي ويقول اي كلام ويعملك نفسه "داغر" وهو مش فاهم اي حاجة في الالوان وشكله عنده عمي الوان اصلا .
وكانك عينته مستشارك في الملابس وهتاخد رأي حمادة في الالوان ولو قلتله "بس انا معنديش بني وبيج" يقولك "وتمشي مع الازرق والاخضر" تبقي عايز تديله بوكس تورمله مراخيره علطول .

يعني غرفة القياس دي بترفع الضغط بالظبط زي اتوبيسات الحكومة فكر الف مرة قبل ما تشتري حاجة جديدة عشن حمادة هيحاصرك في كل مكان .

Monday, November 7, 2011

في العقد الثالث ما بعد الحب






كان صبيا يلهو ويراقص الزهور وهو يطعم طير قتله البرد وانهكه السفر ..
قال " عصفور برئ ملئ جناحيه وضعيف ملئ قلبي"
قال له رجل مر من امامه " لا تثق كل الثقة الم تسمع بالثقة العمياء ؟ "
قال "من انت ؟ وكيف تكون الثقة عمياء؟ "
قال له الرجل " اما من انا فأنا ضالة حكمتك ومنتهي املك وغاية طريقك واما عن الثقة فاجلس لنتحدث"
قال له الصبي" لا اجلس مع من لا اعرفهم"
قال له " واين هي ثقتك الأن" !


كان صبيا يلعب مثل الاطفال ولكن اعمق..كان يظن بانه عائد من زمن ما وينكر الناس قوله وان لم يقله..
كانت به نضارة الاطفال وانكسارة الكبار وترانيم الزمن ..
رأي الرجل فسر في وجه الرباط وكان باسما..باسما حزينا في نفس الوقت..
قال له الطفل متلهفا " كنت انتظرك..لا لا بل اتوقع مجيئك اليوم..لا لا بل استلهمك في لوحاتي انظر"
قال له الرجل "شمس وقمر ونجوم ..اي بشارة هذه ! هل كنت تتوقع نبي ؟ "
قال له الطفل " الحكم أنبياء في داخل كل منا ورسل سلام "
قال " وهل تثق بي كما وثقت في العصفورة؟"
قال الطفل " وهل ثقتي عمياء ؟ "
قال له الرجل " الثقة كما النظر الي الشمس تستأمنها علي عينك وهي لا ترعي امانتك او كصحبة النار لا تري الا ضوئها ولا تري هي الا موضع جسدك او كمراعاتك لتلك العصفورة"
قال الطفل" وما ذنب تلك العصفورة وما اقترفته من ذنب ؟ "
قال "وجدت انت فيها ملجأ لحنان قلبك ووجدتك هي مجرد واحة في طريق سفر"
قال الطفل " ربما تقسو عليها قليلا بحكمك عليها "
قال الرجل " لقد جئت اليك مبلغا لرسالة وحاملا لكلمات هي مسك طريقك وأمينة عليك فان اعتنقتها اعتنقتك وان اعتقتها لم يعتقك همسها "
قال الطفل" انتظرتك سنوات فقل لي أي نبراس ساسير اليه واي قنديل سيسير عليه قلبي "



وقف الرجل ونظر اليه وقال "ايها الصبي لا تجعل ثقتك هي مفتاحك بل اجعل الشك يحمي ظهر الثقة فان سقط ما يحميه وجدت لك حارسا امينا..
وان اتاك الحب يوما فلا تفتديه بقلبك بل افتديه بروحك فان اصابك لم يصب قلبا نابضا بل روحا حرة مرفرفة ..
وافتدي روحك بعينيك فان اصابك الحب بنظرته فلا تنظر الي شمس او قمر وتهرب من نظرته ولا تسألهما هل الحب بلام قمرية او شمسية بل انطقها فقط "حب" !
وابني للناس قصورا في قلبك قدر المستطاع ..فالناس قدر كرمهم وتواضعهم ..ولا تصبح للناس متنفسا فقط بل متنفسا لالامهم..
واجعل قلبك مفتوحا لعناء الناس وأحلامهم وافرش عتبة قلبك بوريد الامنيات والامل..
ولا تضيع ابدا عشق قد اتاك يا بني فان من يضيع العشق يعشق الضياع..
ولا تسير ابدا علي طريق الامل بل سخر نفسك لبنائه طول عمرك فبناء الأمل اصعب من السير عليه ..
ولا تمتطي الحلم فرسا وجوادا بل اجعل من روحك فرسا للوصول الي سدرة الحلم وغاية الحياة ..
وانتهي حيث يريدك الأخرون وابتدأ من حيث شئت ..اختر لنفسك البداية وضعهم يضعون النهاية ان كانت سعيدة علي طريقتهم فحتي مؤلف العمل يحتاج المخرج المبدع..
ولا تجعل من الحب عقدة لسانك بل تذوقه كالسكر واشتهيه كساعة السمر وارتمي في احضانه كما اليتيم..
الحب أباك وأمك فأطع الحب تطيعك الدنيا وتذلل لك الصعب ..ولا طاعة لمعشوق ان فكر في هجر العاشق ..
واعلم ان الدنيا هي انعكاس لك كما صورتك المرتعشة علي نهر عذب فان كانت صورتك جميلة لم يضرك ولم يهز صورتك بعض الحجر علي النهر..
الدنيا قرينك الذي لم تراه ورسالتها كيف تكبر في عين الناس ولذلك خلقنا الله صغارا ثم نكبر طوال حياتنا فهي درس في ان نكبر لا ان نتكبر..
واعلم ان الله خلقنا قصصا اسماها القدر وخلقنا سنوات اسماها العمر وخلقنا روحا أسميناها العشق ..
فخذ الحب هبة ورهبة..شكا وإيمانا..ترددا ويقينا..فالحب يعشق حالة فصامك لانه من طبعه..
واعلم ان الجمال غاية ووسيلة..وسيلة لحكمة وغاية للكمال.."



قال الصبي "اراك بالشعر الابيض ولكن في وجهة نضرة الشباب كم عمرك ايها الرجل ؟ "
قال الرجل " عمري الدهر وازدادوا عشقا "
قال الصبي " هل سأجلس عمري انتظر العشق ام اسعي لأجله"
قال الرجل " لا احد يسعي للحب فالحب معركة مؤجلة للبقاء لا تحارب فيها قبل ان تأتيك وتدق طبولها "
قال الصبي " وكيف اعلم ان اتاني الحب "
قال الرجل " ان كنت صبيا تهرم وان كنت عجوزا تعود صبيا وان كنت يائسا ياتيك الامل وان كنت ضائعا تجد الطريق ..ان ارتحل فيك تحضر له المتاع فهور رحلة تسافر فيك ولا تسافر فيها ..فالحب ساعة تسير عكس الزمن فسر معها عكسه الزمن فان سرت مع الزمن سرت عكس الحب"


قال الصبي " تذوقت حديثك ايها العجوز وفهمت الغاية منه فهل تداوي معي جراح العصفورة"
قال الرجل" إسألها هل تستطيع هي ان تداوي جراحي"
فسألها الصبي
فطارت..
ونسيت العصفورة الألم..!

Thursday, November 3, 2011

فيلم التغيير وسقوط نوعية كاملة من الافلام






اصبح اختيار السينما المصرية هذه الأيام في عرض الافلام الاجنبية غريب جدا ولافت للنظر فنحن نعرف ان السينما المصرية دائما ما عودتنا علي عرض افلام قديمة وقد شاهدها الملايين علي الانترنت قبل عرضها احيانا بشهور
ولكن الملفت هذه الايام هو عرضها لافلام لا تناسب المجتمع المصري تماما او انها تنتقي بعض الافلام التي ستقوم بحذف ساعة منها علي الاقل فلا اعرف ما جدوي الفيلم اذا ان كانت مدته ستقتصر علي ساعة وما جدوي اختياره من الاساس !

شاهدت منذ ايام فيلم
the change up
للنجمان
ريان رونالد وجيسون باتيمان

الفيلم تتحدث عنه الكثير من المواقع مبدئيا انه ملئ بالمشاهد الاباحية ويوجد تحذيرات من هذه المشاهد بالنسبة لمن اعمارهم لا تناسبها ورغم هذا اختارته السينمات المصرية للعرض في قاعاتها بلا داعي رغم ان مئات الافلام الاخري في هوليود كانت اقل منه حدة في طبيعة المشاهد الصاخبة !

ليست هذه المرة الاولي التي تفعلها السينمات المصرية في اختياراتها الغريبة ولكن فعلتها ايضا في فيلم
piranha
وعدة افلام اخري عندما يذكرها البعض انها موجودة في اجدي السينمات في مصر اتعجب واقول "وهل سيحذفون ساعة من الفيلم مثلا؟؟ ام سيعرضون هذه المشاهد امام الاسر المصرية ؟؟ " !


الفيلم عموما قد يجده البعض مسليا ولكنه مازال حلقة في مسلسل سقوط افلام من نوعية "الرومانسي كوميدي" الذي بدأ يسقط سقوط مدوي منذ اكثر من ثلاثة اعوام وبعد ان كنا نشاهد افلام من نوعية
how to deal
او
sweet november
او
two weeks notice

اصبحنا نشاهد افلام ساقطة هابطة من نوعية
what's your number
و
friends with benefits

واصبح التدني في السيناريو والقصة والاخراج حتي امر لافت للنظر في نوعية افلام الرومانسي كوميدي في هوليود بعد ان كنا نشاهد علامات فارقة في هذه النوعية من الافلام قديما .
واعتماد الفيلم علي قصة جنسية ومشاهد اباحية في معظم المشاهد اصبح لا يناسب عقلية المشاهد الان الذي اصبح واعيا جيدا لما يراه ولا يري اي فيلم بأي قصة هزلية سخيفة .

فيلم
the change up
نسخة مكررة مملة من نوعية افلام تبديل الشخصيات وهي عن شاب عازب واخوه المتزوج يقفان امام نافورة ويتمنون امنية ان تتبدل حياتهم فيأخذ كل منهم حياة الاخر لفترة وسط عدد من المفارقات في الفيلم

وقد رأينا هذه النوعية من قبل في افلام مثل
liar liar
when in rome
او فيلم
big
لتوم هانكس

او افلام اخري يتمني فيها البطل او البطلة ان يعود لسن معين لتغيير حياته مثل
13 Going on 30
او
17 again

وغيرها من هذه الافلام التي يحاول فيها البعض تغيير حياته ثم يندم ويحاول في نهاية الفيلم العودة لحياته الطبيعية لانه يجد انها الملائمة ليه .


الفيلم نسخة هابطة اخري من افلام مليئة بالمشاهد الحنسية بدون اي منطق او متعة في الفيلم ..نسخة مكررة زائفة من نفس القصة الا ان الفرق ان هذا الفيلم لم يعطي للمشاهد حقه في قصة محترمة منطقية بل علي العكس اعطاه حقه في فيلم تافه خالي من اي مضمون .


ربما ان الدليل علي ان مستوي الرومانسي كوميدي اصبح في تدني هو هذه النوعية من الافلام التي نجد فيها ابطالا بهذا الحجم وقصة بهذا الحجم الضئيل وحتي الابطال الذين نتوقع منهم افلام رومانسي

كوميدي جيدة مثل "ماندي موور" قد سقطوا ايضا في فخ الافلام السيئة مثل فيلم
love wedding marriage



لا نعرف ما هو سر هبوط مستوي هذه الافلام في حين نجد الافلام الدرامية شامخة في هوليود محافظة علي مستواها تماما بل تزيد احيانا وتتفوق علي نفسها ومنها الكثير من العلامات هذا العام .
وايضا افلام الفانتازيا التي تتفوق علي نفسها كل عام وتزيد من عالم الابهار وافلام الاكشن واختيارها لقصص جديدة وابطال لافتة للنظر .


هوليود تحتاج الي مزيد من النظر في هذه النوعية تحديدا والسينما المصرية تحتاج ان تنظر بعمق في اختياراتها التي اصبحت سيئة للغاية في الاعوام الاخيرة فهي اما اختيار خاطئ او قصة مملة وفيلم شبه اباحي تحذف اكثر من نصفه اذن فما الجدوي من اختياره اصلا !!

Tuesday, November 1, 2011

قوتك بين يديك أم بالصعود علي رقاب الناس ؟؟ "الجزء الثـاني







نكمل معا الحديث حول نوعية الكتب التي تحدثنا عنها والتي تتحدث عن القوة ونكمل الأسئلة والنقد لهذه النوعية .




أي قوة ؟ :

الغريب في الكتب التي تتحدث عن القوة انها لا تحدد اي قوة تقصد تحديدا !
من هو القوي ؟ هل هو الناجح ؟ ام هو فقط الشرير ؟
هل هو الذي يستغل الأخرين ؟ أم الذي له نفوذ علي الأخرين ؟
هل الكتاب موجه فقط لفئة معينة من الاشخاص ؟ وهل هذا معناه انه كتاب قاصر ؟

اللافت للنظر ان نوعية الكتب التي تتحدث عن الكتب تجدها لا تتحدث أولا ان النجاح والثقة هي ما تمنحك القوة ولا يمكن ان تجد شخص عادي ليس ناجح نجاح باهر قوي .
ثم ان القوة تختلف من شخص لأخر او تعريف القوة تحديدا .
ففي رأي انا مثلا الشخصي ان عقلية محمود درويش هي ما اقول عليها العبقرية وليس عقلية هتلر .
وعقلية نزار قباني هي ما اقول عنها العبقرية وليست عقلية نابليون .
ولي في هذا رأي أقول فيه "اني احترم العقليات التي تأسر الألباب وليست مجرد تأسر الجنود" !

ويتفق معي الكثيرون ويختلف في تحديد ما هية القوة المقصودة تحديدا فالبعض يري ان باولو كويلو أقوي من حاكم قوي لأنه يفرض احترامه بعقله وتفكيره وليس بجنوده وسيفه وجبروته .
اذن فلابد ان لا نتجاهل اولا نوعية القوة التي نقصدها فربما لا يعرف الكاتب لهذه الكتب ان هناك قوة ابداع وقوة تفكير وقوة بصيرة وقوة ايمان وقوة نفاذ للاخرين وقوة طموح ومئات الانواع من القوة التي قد تتفاوت من شخص لأخر .





الكاتب نفسه والقوة :


الغريبة ان تجد هذه النوعية من الكتب مؤلفها نفسه شخص عادي جدا لا يملك اي مقومات للقوة سوي انه كتب هذا الكتاب !!
فمثلا كتاب قوانين القوة ال 48 ستجد ان كاتبه ليس هذا الشخص الاسطوري الذي تعتقده بل هو كاتب عادي ليس حتي بالكاتب الفذ مثلا فهو لم يتفوق حتي في مجاله علي الكتاب الاخرين فما بالك بالقوة عموما لكي يصبح اسطوري يتحدث عنه التاريخ !

وهذا شئ غريب جدا ستجد ان الكذب يتجلي في هذه النوعية من الكتب تحديدا ..لماذا ؟
كاتب الروايات ستجده غالبا رومانسي وقد يكون لا..
كاتب الاشعار ستجده ذو خيال خصب ورومانسي وقد يكون لا ..
كاتب الألغاز المعقدة ستجده ذكي جدا ..
الا هذه النوعية من الكتب فكاتب هذه الكتب لن تجده يملك هذه الصفات !

وقد يسأل البعض ولماذا تحكم عليه هكذا ؟ واجيب بسهولة واضحة اسأل دائما من هو ؟ ستعرف هل هو قوي ام لا ..فالقوة مربوطة ايضا بالشهرة والنجاح بل لابد ان يكون صيته قد غطي الارض مثل هتلر او غيره من القادة الذين يملكون صفات هذا الكتاب ولكن كاتب عادي ليس بهذه الشهرة الضخمة او ليس الاشهر حتي في مجاله فكيف يملك هذه المقومات فهو بالكاد ناجح فكيف يصل لهذه القوة الجبارة !

اي ان هذه النوعية من الكتب لا تحتاج لمن يكتبها ان يملك فعلا حرفا من ما كتبه فهي كذبة يصنعها بقلمه ليحيك حوله التساؤلات ويجعل من نفسه لغزا لانه لا يريد لاحد ان يراه بوضوح !






اجعلوا المبادئ جانبا :


اتعجب جدا حين يتحدث اعلامي كبير مثلا عن كتاب القوة ويقول "خلوا المبادئ دلوقتي علي جنب وانتوا بتقروا الكتاب وخلوا الدين علي جنب " !!!!
يتحدث عن المبادئ والدين كأنها اشياء ثانوية وليست أساسيات في الحياة !
كأنها شنطة سفر وليست هي الطريق ذاته !
كأن المنهج الإلهي مثلا لن يوصلك للقوة ولكن هذا الكتاب منهج أقوي !!
أي جنون هذا ؟

هل وصل الاصطناع لهذا الحد ؟ لماذا يتفاخر محبي هذه النوعية من الكتب بانهم يستطيعون ان يضعوا الدين علي جنب او المبادئ علي جنب ؟؟ أي خرافة هذه ؟؟
وأين سأصل اذا وضعت المبادئ جانبا والدين والاخلاق جانبا ؟؟؟
من السهل جدا ان تكون شريرا ومن الصعب جدا ان تكون محبوبا .
من السهل جدا ان تجعل نفسك مكروه ومن الصعب جدا ان تكون بطلا في عيون الناس .

ان القوة الحقيقية في التمسك بالمبادئ فكما تقول المقولة الشهيرة "رجل يملك مبدأ افضل من الف لا يملكون "  .

اذا ان اردت ان تحب هذه الكتب فاجعل المبادئ والشريعة اشياء فرعية لا قيمة لها وادخل عالم التفاهة بقدميك وقل معي "انا قوي..انا شرير" ثم اختمها بضحكة شريرة تدرب عليها امام مرأتك كثيرا كثيرا !





تطبيق علي النماذج :


اذا طبقت هذه النوعية من الكتب علي حتي اقوي الاقوياء ستجد انها لا تنطبق !
الغريب ان الكتاب يتحجث عن شخص قوي اسطوري بلا مشاعر رغم ان هتلر نفسه وقع في قصة حب !!!
يقول الكتاب لا تلتزم لأحد او بأحد وتجد ان هتلر ملتزم ومرتبط بعشق المانيا وجنونه بها وجنونه والتزامه بتحقيق هدفه الذي يراه هو نبيلا !!
يقول الكتاب اقنع من حولك ان لهم دائما الخيار  وهتلر لا يمنح الخيار لاحد اصلا بل كان رأيه دائما هو النافذ في النهاية !

ماذا يعني هذا ؟؟
لو اكملت بقية المبادئ ستجد انها لا تنطبق علي اكثر الاشخاص دموية حتي في العالم بل هي افكار تتخطي شيطانية هتلر وغيره من النماذج بل ربما تتخطي ما فعله هولاكو نفسه !
اذن فمن اطبق عليه الكتاب اذا كانت لا تنطبق حتي علي اقوي النماذج في العالم ؟
 حقا كتب بلا قيمة ومن الافضل ان تظل حبيسة الادراج ورهينة لشباك العنكبوت واصفرار الاوراق .





نجاح القوة وقوة النجاح :


الكتاب يتحدث ان تكون قوي جبار فتاك لا تعبأ بأي شئ ولا لأي شئ !
ولكنه تجاهل الخطوات التي تجعلك تصل للنجاح اولا كي تستطعم هذه القوة في النهاية .
"بيل جيتس" لا يملك هذه الصفات الدموية بل بالعكس دائما ما يتحدث ان ثروته ليست شيئا عظيما ويظهر تواضعا ويزور مدارس الاطفال ويتحدث معهم وله قصص شهيرة جدا تظهر كم هو شخص محب للاعمال الخيرية .
والعبقري "ستيف جوبز" الذي وضع كل التزامه للعميل قال جملته الشهيرة "لا تنظر فقط لما يريده العميل بل ما يحلم به" اذا فهو شخص ملتزم للعميل وليس بلا التزام كما يقول الكتاب .

شخص يتحدث عنه العالم كله من اوله لاخره وهو لا يملك هذه الصفات الحقيرة في كتاب القوة بل هو قوي فقط بعقله وطموحه وامكانياته وان لم يكن ستيف جوبز لا يملك هذه الامكانيات لما كان كتاب مثل هذا ينفعه تماما .
طبيب وجراح عالمي مثل السير "مجدي يعقوب" يقوم باعمال خيرية بالجملة وعمليات مجانية لابناء بلده رغم انه لو سار علي مبادئ هذا الكتاب فلابد ان ينقذ فقط من يدفع أكثر لانه يريد ان يصبح قوي !!






انها الإنسانية التي تجمعنا :


لو كل العالم سار علي مبادئ الدين او قيم وتعاليم الانبياء او حتي مبادئهم الشخصية سيكون هذا العالم المثالي .
ولكن لو كل العالم سار علي درب هذه الكتب تخيل معي أي دموية سنعيش فيها ! الكل يريد ان يصعد فوق الاخرين وينصب له المشانق ليص أولا ! أي عالم هذا !
وستجد ان الرسول العظيم محمد يتحدث مثلا عن ان القوي هو الذي يملك نفسه عند الغضب وتحدث ايضا عمر بن الخطاب عن القوة وغيره من الشخصيات القوية بطبعها وبمبادئها وليس باتباع تعاليم الكتب مثل هذه .
اي ان "القوي هو الذي يكون مادة خصبة لكتابة كتاب وليس من يتبع تعاليم كتاب"




القوة والعلم :


احيانا تجد اشخاص غير متعلمين علي الاطلاق ومعهم الملايين من الاموال فهل هو قوي ام لا !
الجملة الشهيرة في مصر تجدها تقول عن هذه النماذج "فلوس مع تيوس" .
ورغم انها جملة فيها اهانة للغير متعلمين ولكن بطريقة هذا الكتاب ستجد ان هذا شخص قوي وربما داس علي الاخرين للوصول لهدفه ولكن في اعين الناس هو ينقصه شيئ ما وهو العلم .
انها "قوة المعرفة" وليست فقط "معرفة القوة" !
اذا فالثقافة والعلم اشياء هامة جدا يتجاهلها الكتاب فدائما المثقفين يفرضون احترامهم علي الجميع وليس الاغنياء اصحاب الملايين فقط .



اذا فلنجعل لانفسنا ولو مبدأ واحد نسير عليه وشخص نقتدي به من التاريخ خير من قراءة الف كتاب من هذه النوعية الساذجة التي تجدها الف صفحة مثلا ولا تقول اي شئ عن كيف تكون الشخص الرهيب السوبر الذي لا يقهر .
فلا يوجد علي الارض جبار الا ويجبر في النهاية علي ما لا يريده وما لا طاقة له به .