حفل جوائز الاوسكار 2014 ..هوليود علي طريقها الصحيح دائما.

حفلة توزيع جوائز اوسكار جديدة وباقة من اقوي افلام هوليود والافلام العالمية ونخبة من نجوم العالم المحبوبين واللامعين في مسرح دولبي في هوليود..افلام قوية جدا هذا العام وطبعا اتعودنا في حفل الاوسكار علي اقوي الافلام وانتظار العالم كله للحدث العظيم ده في عالم الفن ..

كانت مقدمة الحفل السنة دي لتاني مرة هي نجمة كوميدية ومقدمة برامج محبوبة جدا وهي " ألين دي جينيريس" طبعا كان الحفل بنكهة كوميدية جدا خصوصا اما سخرت من جنيفر لورانس اما وقعت علي المسرح قبل كده وكمان فقرة البيتزا كانت كوميدية جدا في حفل التقديم يمكن كانت اكتر متعة من مقدم الحفل السنة اللي فاتت في رأي الشخصي.

كعادة الاوسكار هتلاقي ترشيحات وافلام فازة وكانت متوقعة وافلام تانية وممثلين مكانش حد يتوقعهم ابدا وده بيحصل دائما وعلطول تلاقي مفاجأة وصدمات احيانا في الفائزين والافلام الفائزة بجوائز.

السنة دي اكتر افلام اترشحت هي
Gravity
و
American Hustle

كل واحد منهم تم ترشيحه ل 10 جوايز لكن فيلم جرافيتي خد نصيب الاسد بواقع 7 جوائز انما "امريكان هاسيل" ماخدش ولا جايزة من الجوايز اللي اترشح ليها .


جائزة افضل فيلم السنة دي يمكن كتير جدا توقعوها عن الفيلم الرائع المبني علي قصة حقيقية وكتاب وهو
12 Years a Slave


وحصل علي 3 جوائز ومنها افضل فيلم السنة دي.

وافضل مخرج هو ألفونسو كوارون المخرج الشهير باخراج عدة افلام زي هاري بوتر وافلام اخري شهيرة وخد الجايزة دي عن فيلم جرافيتي.


تبدأ المفاجات بقي بالنسبة لي بسبب فيلم
Dallas Buyers Club
طبعا هو فيلم عظيم عن نظرة المجتمع وتحول افراده لوحوش تنهش بنظرتها مريض الايدز وتعامله بازدراء وعن محاولة علاج المرض في السوق السوداء نظرا لعدم انتهاء الجهات المختصة من علاج حقيقي للمرض وهو عن قصة حقيقية.

وموضوع نظرة المجتمع ده السنة دي بالذات كان مش بس في فيلم
Dallas Buyers Club
ولكن كمان كان موجود بقوة في فيلم
The Hunt

وده فيلم دنماركي كان مرشح للفوز في فئته عن نظرة المجتمع الشرسة لشخص بمجرد اشاعة عن تحرشه بالاطفال حتي لو كان برئ.

الفيلم كان رائع وكل حاجة لكن احتكاره لجائزتي التمثيل كأفضل ممثل وهو "ماثيو ماكونهي"  وكمان افضل ممثل مساعد وهو "جاريد ليتو" ده اللي غريب في رأي لان كان بصراحة في افضل بكتير من ناحية الاداء بالنسبة الافضل ممثل كان مثلا المفروض ليوناردو دي كابريو او كريستيان بيل بعد المجهود العظيم اللي قام بيه عشان الدور وتغيير الشكل بالمنظر ده بحرفية رائعة.

وفي افضل ممثل مساعد كنت شايف ان المفروض يفوز مايكل فاسبندر لكن طبعا جاريد ليتو فاز لأن الجائزة كتير ما تكون محجوزة لدور "الشاذ جنسيا" ودي مش اول مرة يترشح او يفوز ممثل قايم بدور شاذ ده الحكاية دي ليها تاريخ طويل زي توم هانكس في فيلم فيلادلفيا اللي كان بيحكي عن محامي شاذ وعنده ايدز وشوفنا دور خد اوسكار عن دور الشاذ للمثل
Sean Penn
في فيلم
milk

وشوفنا ترشيح كريستوفر بالمر عن فيلم "ذا بجينرز"  وشوفنا التيمة دي كاملة في فيلم زي
Brokeback Mountain
وفيلم
 a single man

وفيلم زي
capote
و

Dog Day Afternoon

نقدر نقول ان الدور ده بيلاقي رواج وتركيز من قبل النقاد وان كان يثير نفور البعض ولكن كتير من الممثلين بياخدوا جوايز عن دور "الشاذ" وايضا ادوار نسائية زي نيكول كيدمان في فيلم "ذا اورز" او فيلم اترشح لجوايز من بطولة جوليان مور وهو
the kids are all right

او حتي الفيلم الفرنسي اللي كان فايز في مهرجان كان وهو
Blue Is the Warmest Color

يري البعض ان جاريد ليتو استحق بجدارة وخصوصا ان المجهود اللي عمله وتنحيف نفسه بشكل فظيع يستحق التقدير ..وهو ادي دوره ببراعة ولكن حبيت اوضح ان لعب الدور ده عموما غالبا بيكون محط انظار حتي لو فيه ممثلين عبوا اكتر في نفس العام .


اما عن جائزة افضل ممثلة فهي ل كيت بلانشيت عن دور في فيلم
Blue Jasmine

وهي تستحق الجائزة رغم براعة ميريل ستريب صاحبة الارقام القياسية ورغم كفاءة جودي دينش في فيلم "فيلومينا" الا ان سر خلطة واخراج وتاليف وودي الان جعل من دور كيت بلانشي دور مهم جدا السنة دي وقصة الفيلم رائعة ايضا بعلاقة الاختين فيها .

ميريل ستريب كتير قوي اترشحت ومفازتش وكمان في افلام رائعة ليها مفازتش فيها زي مثلا دورها العبقري في فيلم
the house of the spirits

وهي المرة دي قايمة بدور مريضة سرطان وكان دورها مؤثر لكن عملت الدور ده قبل كده في فيلم
One True Thing
وبرضه اترشحت ومفازتش بيه.

وجايزة افضل ممثلة مساعدة فازت بيها لوبيتا نيونج وتستحق ايضا لدورها الرائع .


جائزة أفضل فيلم بلغة أجنبية فاز بيه الفيلم الايطالي الفلسفي الرائع
the great beauty

وطبعا الفيلم ده يستحق الجائزة بجدارة .


وفاز في الانيميشن فيلم
Frozen
بس كان في برضه فيلم ممكن يستحق الجايزة وهو
The Croods

وافضل اغنية فازت بيها الاغنية الرائعة
Let It Go من فيلم Frozen

وأفضل موسيقى تصويرية فازت موسيقي فيلم جرافيتي وان كنت اري ان موسيقي الرائع جون وليامز افضل.

وافضل نص اصلي لفيلم
her

طبعا قصة الفيلم عبقرية وغير تقليدية ويستحق الجائزة.

الفيلم التسجيلي المصري الميدان لم يفز بالجائزة ولكنها خطوة مهمة علي طريق العالمية ونتمني لهم التوفيق فيما هو قادم .


ودي باقي الجوائز للاوسكار :

أفضل تصميم أزياء:

The Great Gatsby – كاثرين مارتن



أفضل مكياج وتصفيف شعر:

Dallas Buyers Club


أفضل تأثيرات بصرية:

Gravity


أفضل مونتاج:

Gravity


أفضل تصوير سينمائي:

Gravity


وفاز جرافيتي ايضا بجوائز الصوت الخلط والمونتاج .



كانت حفلة اوسكار رائعة بكل المقاييس حتي ولو اثارت استغراب البعض الذين توقعوا توقعات مختلفة ولكن يبقي دائما الاوسكار محملا بالمفاجاءات في كل عام وهذه عظمته .