رسائل الحب والجمال ونيكولاس سباركس

لما سألوا الكاتب والممثل والمخرج الرائع أورسن ويلز عن افضل 3 مخرجين بالنسبة له ..قال في جملة بسيطة عن المخرج الظاهرة "جون فورد" "جون فورد وجون فورد وجون فورد" !

والوحيد حاليا اللي ممكن تكرر اسمه 3 مرات بالشكل ده بكل ثقة في الجانب الرومانسي هو "نيكولاس سباركس" الكاتب العالمي المشهور جدا .

كاتب واحد يتحول 11 من رواياته لأفلام رومانسية والافلام دي تحصد في مجمل ايرادتها 863 مليون دولار عالميا ده بالاضافة لأن كتب عديدة ليه عملت بيست سيلر وحققت ارباح عالية لدور النشر .

ممكن تشوف الارقام دي في كتب خيالية زي هاري بوتر لأنها بتشد من اول الاطفال لحد كبار السن لكن الاعجاز هنا ان دي كلها اعمال رومانسية يعني في فئة عمرية مش هتكون في حساباتها .

نيكولاس اشتغل حاجات كتير في بداية حياته من اول بيع الادوية عن طريق التليفون لحد الصناعات اليدوية لحد ما الرواية الشهيرة اللي اتحولت لفيلم "ذا نوت بوك" دخلتله مليون دولار مقدم ادفعتله وحققت نجاح كبير عالميا .

اللي بيشوف اعمال نيكولاس هيلاحظ 3 سمات مهمة في اعماله ان فيها ايمان بالتضحية وايمان بالحب الثاني وايمان باستمرار الحياة رغم العقبات
2من اعماله كان فيهم مرض السرطان عنصر مهم :

A Walk to Remember
The Last Song

من الملاحظ كمان ان نيكولاس مهووس بالرسائل الغرامية او الرسائل اللي بيستعيد فيها ذكرياته وده ظهر كمحور مهم في
dear john
وطبعا في رسائل الاب لبنته في
the last song
وفيلمه الاخير
the longest ride
والرسائل الغرامية الاشهر لكاثرين في الفيلم اللي جاب اكتر ايرادات بالنسبة الاعماله وهو واحد من اعظم الافلام الرومانسية علي الاطلاق في التسعينات
Message in a Bottle

الرسائل دي عملت شهرة كبيرة بين الشباب وهتلاقياه متداولة بشكل كبير علي الانترنت لحد دلوقتي بشكلها الاصلي في الفيلم المطبوع بالالة الكاتبة .

فكرة القدر مع نيكولاس تجسدت في فيلميه الرائعين
The Lucky One
و
Safe Haven

في الفيلم الاول بيوريك ازاي صورة في حرب ممكن تلاقيها وتغير حياتك كلها وتوصلك لحب حياتك وفي التاني برضه ازاي القدر بيجمعك بحبك الجديد بعد وفاة الزوجة بل ان الزوجة نفسها تكون سبب في انك تكمل حياتك بسعادة .

من افضل مقولات فيلم
the last song

Sometimes you have to be apart from the people you love, but that doesn't make you love them any less. Sometimes it makes you love them more.

Love is fragile. And we're not always its best caretakers. We just muddle through and do the best we can. And hope this fragile thing survives against all odds.

دليلك لشبكات الإعلام العالمي

كتير بتقرأ اخبار من فوكس نيوز و بي بي سي وسكاي نيوز وغيرهم من الشبكات لكن المهم تعرف ايه المصدر ده اللي بتقرا منه بالظبط

الأول لازم تعرف مين الاربعة الكبار قوي في الاعلام الأمريكي وهم شبكات
nbc
cbs
abc
fox

وهنا هاقسملك بالتفصيل اشهر الشبكات دي :


أولا : أمريكا :


nbc
دي بقي بيعتبروها هيئة الإذاعة الوطنية قديمة قوي من سنة 1926 ..اللي يملك المحطة شركة عملاقة للميديا
NBCUniversal
وبعد كده جت شركة
Comcast Holdings
اشترت
nbc universal
وشركة كوم كاست دي بيعتبروها اكبر شركة كابل وبرودكاستنج من حيث الارباح في العالم.
والمحطة بتجب برامج شهيرة زي برنامج الاعلامي جيمي فالون وديفيد ليترمان من فترة ومسلسلات كتير وبرامج ريالتي شو واخبار.


msnbc :
هنا لو لاحظت ضيفنا حرفين علي القناة اللي فاتت ليه ؟
لان دي قناة nbc
بالشراكة مع
microsoft


cnbc
:


لاحظ برضه زود حرف سي علي nbc
دي بقي مختصة بالاقتصاد العالمي.
cbs :
سي بي اس دي بقي يا سيدي من سنة 1927 وهي من اقوي الشبكات في امريكا والعالم
طيب مين المالك ؟
cbs corporation
طيب مين مالك دي كمان ؟
قالك المالك هو
National Amusements
مين المالك الحالي وصاحب 80 في المية من الاسهم لدي
قالك الملياردير الكبير
Sumner Redstone




fox :
شبكة فوكس الشهيرة والعملاق الثالث في الاعلام الامريكي تابعة ل
fox entertainment group


abc :
الأسم ده اختصار ل
American Broadcasting Company
ودي تابعة للعملاقة الأم
والت ديزني




cnn :
دي تابعة لشركة تايم وارنر الشهيرة صاحبها هو تيد تيرنر ملياردير كبير وصاحب يونيفرسال كمان الشركة والاستديوهات العملاقة ومشاريع اعلامية اخري .



نخش بقي علي بريطانيا :


skynews :
دي من سنة 1989 وهي من اقوي شبكات الاعلام في بريطانيا والعالم



bbc :
دي هيئة الاذاعة البريطانية من سنة 1922 والغنية عن التعريف وبتتمول من دافعي الضرائب ومش بتتلقي دعم حكومي عشان كده ناس كتير شايفينها اكثر حيادية من غيرها والبعض برضه شايفها منحازة في بعض القضايا وكان في اختلاف عن موضوع القضية الفلسطينية ومدي انحياز الشبكة لاسرائيل .
تمام..دي المحطات الكبري وتبعيتها لرجال الاعمال والشركات العملاقة


تعالي نبص بصة سريعة علي الصحف بقي اشهر صحف امريكا وبريطانيا .


أولا : اشهر صحف امريكا :
the washington post
ny post
newsweek
ny times
ثانيا : اشهر صحف بريطانيا :
The Daily Telegraph
Financial Times
The Guardian
The Observer The Independent


دي كانت فكرة موجزة عن اشهر شبكات الاعلام في امريكا وبريطانيا عشان تبقي عارف تصنيف المواقع الاخبارية اللي بتقرأ منها اخبارك ومين اللي مالكها.

Il Postino وعظمة السينما الايطالية

المستحيل ليس ايطاليا" ..اول جملة ستنطقها بعد مشاهدة اي فيلم ايطالي..رغم عظمة السينما الامريكية الا ان السينما الاوروبية عموما لها طعم ومذاق خاص ..السينما الايطالية شئ فريد لا يتكرر ..لن ينفقوا مثل هوليود ولكنهم يستطيعون الوصول بالمشاهد الي حالة النيرفانا ان كان يوجد نيرفانا سينمائية..نشوة من نوع خاص في الافلام الايطالية من اول عدمية "فيلليني" الي "دي سيكا" الي "فيسكونتي" وغيرهم من الكبار .

فيلم
Il Postino
ساعي البريد..قصة صداقة عميقة ورائعة وغير تقليدية بين الشاعر التشيلي الشهير بابلو نيرودا وساعي بريد في ايطاليا اثناء نفي نيرودا بسبب انتمائه الشيوعي خارج بلاده..

يعلم الشاعر ساعي البريد الشعر ليقوله لحبيبته وتبدأ قصة الصداقة بينهما ويترك الشاعر ايطاليا بعد فترة ويعود لبلده ثم يعود لزيارة صديقه بعد سنوات ليجده قد مات في مظاهرة شيوعية هجمت عليها الشرطة ولم يبقي في الحانة سوي زوجته وابنه الذي اسماه ساعي البريد بإسم الشاعر ولكن بنكهة ايطالية تخليدا لصداقتهم ..ساعي البريد قد تعلم حب الشيوعية من بابلو نيرودا وحب الشعر ايضا ..

الفيلم مأخوذ عن رواية "ساعي البريد" وفي الفيلم بعض التلميحات بجهل القساوسة ورجال الدين عن الشيوعية اصلا وما هي حتي ان لاقس يقول لاحد اتباعه "ان نيرودا شيوعي لن يدخل الكنيسة أكيد..انه شيوعي والشيوعيون اصلا يأكلون أولادهم حتي انه ليس له اطفال حتي الأن فبما تفسر ذلك " !!!!!!

الفيلم اترشح ل 5 اوسكار وخد افضل موسيقي ولما تسمع موسيقي الفيلم هتعرف ليه علطول..لانها من افضل موسيقي الافلام عموما.

ماحصلتش في تاريخ اوسكار كله الا حوالي 8 مرات ان فيلم اوروبي يترشح لجايزة غير جايزته اللي هي
best foreign language

والفيلم ده كان من الحالات دي .فيلم رائع بكل المقاييس ..قصة حب وصداقة عبقرية.

عظمة النساء في تاريخ الانسانية

من افضل الكتب اللي ممكن تقراها عن تاريخ النساء وتأثيرهم في العالم والتاريخ هو كتاب "الدر المنثور في طبقات ربات الخدور" لزينب فواز..الكتاب مقسم حسب الحروف الابجدية ويبرز المئات من الشخصيات النسائية اللي ليها تأثير كبير في تاريخ العالم.

من أول "أمنة بنت وهب" الي شخصيات فرعونية ورومانية وجنسيات مختلفة وتبرز الكاتبة دور كل شخصية وتعطي نبذة عنها .

الرسول وصي علي النساء وعظمة النساء تبرز في شخصيات كتير جدا في تاريخنا الاسلامي زي ما في التاريخ الغربي كمان ..لما بتصلي وتحج تذكر كمان قوة المرأة وتكريم الله لها..

الكعبة اللي انت بتطوف حولها بناها ابراهيم واسماعيل عليهما السلام..ابراهيم كان متجوز سارة وكانت ما بتخلفش وقالتله وهم في بيت المقدس بكل كرم : ان الرب قد أحرمني الولد ؛فادخل علي امتي هذه لعل الله يرزقنا منها ولدا"

كانت بتتكلم عن هاجر اللي جت معاهم من مصر تساعد سارة..شايف جمال الكلمة وهي بتقول " لعل الله يرزقنا" مقالتش " لعل الله يرزقك" انما كانت كأنهم نسيج واحد.

فعلا خلف اسماعيل من هاجر لكن بدأت تتعاظم عليها شوية وبدأت الغيرة واشتكت سارة لابراهيم وطلبت منه يبعدهم عنها وخدها ابراهيم لحد مكة وسابها هناك طبعا دي مش قسوة لكن حكمة ربانية.

هاجر قالت : يا ابراهيم اين تذهب؟ وليس معنا ما يكفينا.
فلم يجبها
وبعد كده قالت : الله امرك بهذا؟
قال : نعم
قالت: فإذن لا يضيعنا.

العلاقة الزوجية الكاملة تتجلي في قصص ابراهيم وزوجتيه..كلها ردود توحي بمدي متانة العلاقة ومدي الايمان.

هاجر هي اول من سعت بين الصفا والمروة..واسماعيل ابنها بني الكعبة مع ابراهيم..
حتي وانت بتشرب من زمزم تذكر هاجر.

حتي لو واحدة بنت بتخرم ودانها عشان حلق افتكري غيرة سارة من هاجر..
سارة غضبت من هاجر فحلفت لتقطعن ثلاثة اعضاء منها..فأمرها الخليل ان تثقب اذنيها وتخفضها فتبر قسمها.

حتي لو بتستعين بالصبر والصلاة تذكر سارة..لأن كان في ملك عايز ينال منها فاستعانت بالصبر والصلاة فحفظها.ولهذا كانت الاية " واستعينوا بالصبر والصلاة".

من كتر عظمة بعض النساء ذهب بعض العلماء الي نبوة سارة وام موسي ومريم..ولكن المعظم قال انهن صديقات
كل حاجة بنعملها هتلاقي فيها من عظمة المرأة شئ وارادة الله طبعا..من اول نزولك للأرض لحد الحج والسعي

أدالين وثلاثية الحب والعمر

هو من افضل افلام العام بلا شك..تخيل ان يتوقف عمرك عند سنة معينة وكل من حولك يتقدمون في العمر..تخيل ان تقع في الحب وانت في هذا الموقف فهل تظلم معك من احبك ؟ وهل تعتبر نفسك ظلمته ام انك منحته خلود الجمال ؟

تقوم النجمة الجميلة
Blake Lively
بدور رائع بشخصية
adaline

التي تصاب في حادثة سيارة وتتوقف انفاسها وسرعان ما تفيق من الحادث ليتوقف بها الزمن وتهرب من كل شئ ..الكل يسألها ما سر جمالها الدائم كيف تكون ابنتها بشكل يبدو اكبر سنا منها ؟

 حتي الشرطة تستوقفها بسبب شكها في صورة البطاقة وأنها زورت عمرها فيها .

تقع في الحب..وياللصدفة وياللقدر الذي اوقعها في حب شخص كانت تحب ابيه في الماضي ولكنه لا يتخيل طبعا انها هي فقالت له انها ابنة المرأة التي احبها..ولكنه اكتشف من جرح في يديها انها هي نفسها من عشقها في الماضي.

يبدأ الصراع في الفيلم هل يعود الاب لحبه القديم ام يكمل الابن حبه الجارف معها؟

فكرة ارتباط الاب والابن معا بإمرأة واحدة تكررت في اعمال احسان عبد القدوس والمراهق لديستويفسكي وفيلم جوليان مور
the english teacher
وحتي في مسرحيات راسين ولكن لكل منهم معالجة مختلفة تماما عن الاخري ونهاية مميزة .

هاريسون فورد يذكرني بأدواره الرومانسية القديمة مثل دوره في فيلمه الرائع جدا
عام 1988  working girl

الفيلم امتداد لأفلام عدة ابرزت فكرة العمر وكيف يكون عقبة في سبيل تحقيق الاحلام والحب احيانا..منذ فيلم روبن ويليامز والمخرج العبقري فرانسيس فورد كوبولا
في عام 1996
jack
وكيف ادي روبن دوره المميز حين اصابته "متلازمة ويرنر" فكان الجسد يكبر بينما كان الطفل داخله وكانه محبوس في جسد رجل كبير..

ورأينا ايضا رائعة ديفيد فينشر والكاتب فيتزجيرالد في في 2008
The Curious Case of Benjamin Button

وكان فريدا في فكرته حينما كان العمر يسير بشكل عكسي في واحد من افضل ادوار براد بيت وكيت بلانشيت.

فيلم ايضا لتوم هانكس في 1988 بعنوان
big
حينما تمني الصبي ان يملك جسد رجل كبير لتحدث العديد من المفارقات ولكن بشكل ساخر ودرامي في نفس الوقت .

الفيلم من كتابة
J. Mills Goodloe

وهو من شارك ايضا في كتابة الفيلم الرومانسي
the best of me
عن رواية "نيكولاس سبارك"

ورغم الصراع والهروب والتضحية الا ان الحب يبقي في النهاية في هذا الفيلم الرومانسي الجميل ويذكرني بمقولة فيلم اخر رومانسي وهو
water for elephants
حينما قال البطل "جاكوب" جملته الشهيرة :

When two people are meant to be together they will be together. it's fate.

الفيلم اكثر من ممتاز ويستحق المشاهدة

السعادة وأسرارها في الحياة.

 يقول احد الحكماء "كل شئ ينقص اذا قسمناه علي اثنين الا السعادة فأنها تزيد " 

 
ويقول جبران خليل جبران "واجب الإنسان أن يكون سعيداً وأن يعلم سُبل السعادة ويهدي الناس اليها اينما كان" .


كتب كثيرة تحدثت عن السعادة وكيف تحيا سعيدا ومن أهم هذه الكتب هي :

1- كيمياء السعادة لحسين احمد أمين

2- غزو السعادة لبرتراند راسيل

3- سيكولوجية السعادة ل مايكل ارجايل

4- تحصيل السعادة للفارابي

5- كيمياء السعادة للغزالي


وهناك ايضا كتاب قيم جدا بعنوان  100 سر بسيط من اسرار السعداء لديفيد بيفن وفيه يبدأ الكاتب بمقدمة وملاحظة الي القارئ يقول فيها :

"ان كل موضوع من المواضيع المائة المقدمة في هذا الكتاب يعتمد علي نتائج بحوث قام بها علماء درسوا السعادة والرضي في الحياة..فكل موضوع يحوي نتائج بحث رئيسية متممة بنصيحة ومثال مستخلصان من النتائج "

ثم يبرز الكاتب مقولة لبروفيسور في علم النفس وهو هاري غيلمان تقول :

" لا أحد يستطيع ان يجعل شخصا ما سعيدا بمجرد فرقعة الأصابع .ان ما يمكنك ان تفعله هو ان تساعد الناس كي تري ما هو مفيد لهم ان يروه ..ان ما تستطيع فعله هو ان تشير الي الأشياء وأن تأمل ان يروا ما تشير اليه "

ويؤكد الكاتب في اول سر من اسرار السعادة هو انك لابد ان تعي جيدا ان لحياتك هدفا ومعني ويوضح في هذه الفقرة ما يلي :

"انت لم توجد في هذه الحياة لمجرد ملء فراغ ..او لتكون ظلا في فيلم لشخص اخر ..لتفكر فيما يلي : لا شئ يمكن ان يكون هو ذاته لو انك لم توجد في هذه الحياة ..فكل مكان ذهبت اليه وكل شخص تحدثت اليه سيكون مختلفا في حالة عدم وجودك فنحن كلنا مترابطون وكلنا نتأثر بالقرارات بوجود من حولنا"

ويعطي مثالا في هذه النقطة وهو عن قصى لشخص يسمي "بيتر" :

"السيد "بيتر" محام في فيلادلفيا وكلبه تاكيت الذي كان مريضا جدا وقد اصبح مشلولا تدريجيا نتيجة ورم في عموده الفقري.
لم يتمكن بيتر من العثور علي طبيب بيطري يمكن ان ينقذ كلبه ونتيجة ليأسه من العثور علي من يساعده التجأ الي جراح اعصاب للاطفال ووافق الطبيب علي ان يحاول مساعدة تاكيت وطلب مقابل ذلك ان يتبرع بيتر الي مستشفي الاطفال الذي يعمل فيه.
لم يسبق ان قابل جيري بيتر او تاكيت..وجيري طفل ذو عينين زرقاوين وشعر اشقر وهو في الخامسة من عمره ويحب البطاطا المهروسة وكان جيري ايضا يعاني من تورم في عنوده الفقري وفي الدماغ وبمساعدة التبرع الذي قدمه بيتر للمستشفي خضع جيري لعملية جراحية اجراها الطبيب لازالة الورم وكانت عملية تاكيت ناجحة ايضا .

ويؤكد ايضا الكاتب في جزء اخر بعنوان "استعمل خطة للسعادة " :

"الأشخاص السعداء يجعلون انفسهم سعداء والغير سعداء يواصلون فعل امور تزعجهم "

ويقول ديفيد بيفن ان الاشخاص السعداء لا يعيشون نجاحا تلو الأخر ولا يعيش غير السعداء اخفاقا تلو الأخر وحقيقة الأمر ان كلاهما يعيش تجارب حياتية متماثلة كما تبين الدراسات والفارق هو ان الشخص غير السعيد يقضي اكثر من ضعف الوقت يفكر في الاحداث غير السارة في حياته بينما الشخص السعيد يميل الي البحث ويعتمد علي معلومات تضئ نظرته الشخصية "

وأسرار السعادة ال 100 مفصلة في الكتاب وكل سر له قصة خاصة به في الكتاب واسرار السعادة المائة في نظر الكاتب هي :

1- ان لحياتك هدفا ومعني  2-استعمل خطة للسعادة   3-ليس من الضروري ان تفوز في كل مرة  4-يجب ان تكون اهدافك منسجمة بعضها مع بعض
  5-كن حكيما في عقدك للمقارنات  6-استغل الصداقة
7-اغلق جهاز التليفزيون  8-تقبل نفسك بلا شروط   9- تذكر أصلك  10- ليكن تفكيرك محصورا في شئ واحد عند النوم 
11- الصداقة تهزم المال  12- كن واقعيا في توقعاتك   13-كن منفتحا ازاء الفكر الجديد
14- اشعر الاخرين بمدي اهميتهم بالنسبة لك  15- ان لم تكن متأكدا ليكن تخمينك علي الاقل ايجابيا 16- كن واثقا من نفسك  17-لا تكن مفرطا في الثقة بنفسك
 18- لا تواجه مشكلاتك منفردا  19-لا داعي للخوف من التقدم في العمر  20-طور الرتابة المنزلية  21- لا تكن مفرطا في الوقاية  22-انتبه قد تحصل علي ما تريد
  23- لا تدع معتقداتك الدينية تضعف  24- افعل ما تقول انك ستفعله  25- لا تكن عدوانيا مع اصدقائك واسرتك   26- تأسيس فريق رياضي محلي
 27- لا تخلط بين الممتلكات الشخصية والنجاح  28- كل علاقة تختلف عن الأخري  29- لا تفكر وفقا لمبدأ "ماذا لو"   30- تطوع
  31-قد تؤذيك اهدافك ان لم تستطع تحقيقها  32- مارس الرياضة  33- اشياء صغيرة ذات معان كبيرة  34- ليس المهم ما الذي حصل بل المهم كيف تفكر بالذي حصل
  35- طرو اهتمامات مشتركة مع من تحب  36- اضحك  37-لا تجعل حياتك كلها متوقفة علي عامل واحد  38- شارك الاخرين في شئونك
  39- ان تكون مشغولا خير لك من ان تشعر بالملل  40- القناعة نسبية  41- تعلم كيف تستعمل الكمبيوتر
  42- حاول ان تقلل التفكير في الاشخاص الذين اساؤوا اليك والاشياء التي تزعجك  43- حافظ علي اسرتك متقاربة  44- تناول بعض الفاكهة يوميا
 45- استمتع بما لديك  46- فكر بطريقة واقعية  47- كن مساندا من ناحية اجتماعية  48- لا تلق باللئمة علي نفسك  49- لتكن حمامة سلام
 50- عليك بتدليل الحيوانات  51- اجعل من عملك نداء للواجب  52- لا تساوم علي اخلاقياتك من اجل اهدافك
 53- لا تدع تجاهل الامر التي يفعلها محبوك لكنها تزعجك  54- استمتع بنوم عميق  55- عليك ان تشتري ما تحب  56- انجز شيئا ما كل يوم
  57- كن مرنا  58- الأحداث مؤقتة  59- كن معجبا بنفسك  60- التحق بمجموعة
61- كن ايجابيا  62- لابد ان تأتي النهاية ولكن بمقدورك ان تكون مستعدا  63- ان كيفية رؤيتنا للحياة اهم من رؤيتنا واقع الحياة
  64- لتكن الورقة والقلم في متناول يدك  65- ساعد الشخص الذي يحتاج الي مساعدة بسيطة  66- احذر النقد القاسي للأسرة والاصدقاء
 67- بعض الناس يحبون الصورة الشاملة واخرون يحبون التفاصيل  68- افعل الاشياء التي تجيدها  69- عليك بزيارة جيرانك  70- ابتسم  71-لا تتقبل الصور التي ينقلها اليك التليفزيون عن العالم
 72- يتوفر لديك خيار دائما  73- كن مقبولا  74- لا تتجاهل جانبا واحدا من جوانب حياتك  75-استمع الي الموسيقي  76- لتكن اهدافك مرشدة لك
  77- استعمل وظيفتك بطريقة ايجابية  78- كن حريضا علي المرح  79- عليك ان تؤمن بالعدالة المطلقة  80- عليك بالعيش مع الذكريات الايجابية
 81- كن حي الضمير  82-لا تركز علي صراعات خاسرة  83- استمتع بما هو عادي  84- لا تركز علي مأسي العالم بل ركز علي اماله  85- ليكن لديك هواية
  86- لا جدوي من حسد الاخرين علي علاقاتهم  87- امنح نفسك وقتا للتأقلم مع الغير  88- عليك بالتركيز علي ما يهمك فعلا  89- عليك ان تدرك ان الرضا التام غير موجود
 90- احرص علي احاطة نفسك بروائح ذكية  91- لا تترك الاخرين يحددون اهدافك  92- انت انسان ولست قالبا متكرر  93- اعرف ما الذي يجعلك سعيدا او حزينا
 94- تابع القراءة  95- يجب ان نشعر اننا مرغوبون  96- قل "وماذا اذن؟"  97- ليكن لديك غاية 98- الجزء الافضل من حياتك لم يكتمل بعد  99- لا تشتر السعادة 100- ماذا يعني هذا كله؟ قرر انت ذلك

أمل وحياة..حالات لفتت انظار العالم .

قصص الارادة الانسانية لا تنتهي ابدا وزي ما قال همينجواي "الإنسان يمكن هزيمته ولكن لا يمكن قهره" ..الارادة الانسانية تتحدي كل الصعاب وتحولها لدفعة لحياتنا فمالا يقتلني يقويني كما تقول المقولة الشهيرة .

قصص كتير جدا للارادة البشرية من اشهرها هيلين كيلر الاديبة الشهيرة اللي كانت صماء وعمياء ولكنها تحدت العالم كله واصبحت اعملاها ملئ السمع والبصر ودرست لغات كتير جدا.

وفي عدة حالات موجودة قصتها تديك أمل في بكرة وتمدك بروح الحياة ومنها :

1- ليزي فيلاسكويز :

في الأيام دي قصة جديدة للارادة والتحدي والصمود وعدم الخضوع لليأس وهي "ليزي فيلاسكويز" ..قصة ليزي تتلخص في ان عندها متلازمة نادرة اسمها "بروجي" بيخلي منظرها قبيح زي ما قالوا عنها انها "أقبح إمرأة علي وجه الأرض" ..حالتها نادرة جدا ومش موجودة غير عند عدد قليل جدا جدا في العالم بتخلي عندها "تشيخ في الجلد" وأنف حاد  ..

تخيل مدي صدمة ليزي وهي بتبحث في الانترنت وبتلاقي مكتوب عنها انها اقبح إمرأة علي وجه الأرض !! ..أي حد مكانها هيتصدم صدمة كبيرة ويستسلم لكن ليزي كملت حياتها وصمدت وبقت كمان بتواجه خوفها بكل شجاعة وبتلقي محاضرات عن الأمل وعدم الخوف من رأي الناس فيك وكان ليها محاضرة علي موقع "تيد" الشهير عنوانها
how do you define yourself

ازاي انت ممكن تعرف قيمتك وتشوف نفسك ومش مهم رأي الناس فيك ..ازاي ما تستسلمش لاتهاماتهم وهجومهم عليك وتعيش حياتك بكل اصرار ..دي كانت محاضرة ليزي اللي يمكن تكون قبيحة زي ام بيقولوا لكن تملك روح جميلة اسرت العالم بكلماتها واديتهم امل في بكرة افضل والوقوف في وجه الخوف .

ليزي كتبت سيرتها الذاتية وكتبت كتاب تاني اسمه "كن جميلا ..كن أنت" بتتكلم علي ان المظهر مش كل حاجة المهم الجوهر نفسه..جوهر الإنسان اهم من مظهره .



2- سام بيرنز :

سام بيرنز حالة اسمها "بروجيريا" ورغم مظهره الغير معتاد والغريب الا انه كان كأنه تكملة لسلسلة الأمل زي "ليزي" وعمل محاضرة بيتكلم فيها عن السعادة وازاي تقدر تعيش سعيد رغم الظروف الصعبة اللي بيمر بيها ونظرة الناس ليه في كل مكان وحصارهم ليه بنظراتهم ونقدهم الدائم .

وعملوا عن قصته فيلم تسجيلي اسمه "الحياة بالنسبة الي سام" عشان تكون قصته مصدر الهام لناس كتير حول العالم .



3- هارنام كور :

دي بريطانية عندها متلازمة اسمها "مشكلة المبيض المتعدد الأكياس" فبيكون نمو الشعر عندها معدله زائد عن الحد الطبيعي ..عندها دقن كبيرة والناس بدأت تتكلم عنها ويسخروا منها ولكنها قررت انها تخوض المواجهة واصبحت كمان بقوة ارادتها ناشطة لمكافحة التنمر والسخرية في بريطانيا .

بدأ الشعر ينمو عندها من ساعة ما كان عمرها 11 عام وامتد للصدر والذراعين وبتقول جريدة الديلي ميل عن هارنام :


" هارنام قررت التوقف عن ازالة الشعر من وجهها وجسدها بعد تعميدها كأحد اتباع ديانة السيخ التي تحظر قص شعر الجسم، لكنها شعرت بالخجل من لحيتها خلال سنوات مراهقتها وكانت تقوم بازالتها بالشمع مرتين في الأسبوع، وباستخدام معجون وشفرة الحلاقة كما يفعل الرجال.
وأشارت الصحيفة إلى أن الشعر أصبح أكثر كثافة وانتشاراً في وجه هارنام وجسدها مما جعلها ترفض الخروج من المنزل وتفكر بالانتحار، لكنها قررت لاحقاً ارخاء لحيتها وترك الشعر ينمو على صدرها."


4- هايلي اوكينز :

بنت بريطانية عانت من حالة من الشياخ والتقدم في العمر في سن صغيرة جدا ولكنها طلعت في عدد من البرامج للتوعية بالمرض وظهرت في وثائقي بعنوان
Extraordinary Lives
وظهرت كمان في النسخة الاسترالية لبرنامج 60 دقيقة .

توفت هايلي في سن 17 سنة ومازالت قصتها لحد دلوقتي بيتكلم عنها العالم .



حالات كتير جدا رغم السخرية ورغم الانتقاد الا انها بتعافر وبتتمسك بحلمها وبتنجح في النهاية لأن زي ما بتقول الجملة "اليأس خيانة" .

 

التنظيم والحياة والعالم

دايما يقولوا ان الست المصرية بتحب ترتب الشقة كتير او حتي لو حاجة اتعوجت تضايق قوي ..ده المفروض ما يكونش بس في الست المصرية دي سنة الكون كله ..واللي بتعمله الست كده صح جدا ..

كل شئ في العالم منظم ماشي بنسق ووتيرة معينة..مش في الدنيا بس كمان في الأخرة..قريت في كتب وعلي الانترنت عن علاقة الاسلام بالتنظيم ان ربنا خلي الحساب نفسه يوم القيامة منظم ..خلي الجنة فيها نظام "ونمارق مصفوفة وزرابي مبثوثة" يعني مش نمارق مرمية علي الارض في شكل يؤذي العين .

وفي أية تانية في القرأن " وجاء ربك والملك صفا صفا" . 

حتي في الصلاة ليها قواعد تحكمها لاحظ الجملة الشهيرة في الجامع عشان تكون الصفوف منظمة "وسدوا الفٌرج" ..

بص لجسمك وانت تعرف مدي الدقة والنظام والإبداع الإلهي .كل شئ محسوب مافيهوش فرصة لغلطة .

الموضوع ليه علاقة بالراحة النفسية كمان وفي اكتر من كتاب عالمي ناقش القضية دوي ومنها كتاب
unstuff your life

للكاتب "اندرو ميلين" ..
مقولة مهمة جدا بتتقال عن التنظيم في كل حاجة وهي
easy on the eye easy on the mind

كل ما يكون الشئ مريح لنظرك يعني منظم ومهندم بيكون كمان مريح لعقلك..العقل نفسه منظم ..في كتب كتير عن تنظيم الافكار منها "كيف تفكر" و "250 مهارة ذهنية" ..وكمان الخرائط الذهنية.. بل ان في دراسات بتقول ان العقل اصلا متقسم بشكل اقرب للخرائط الذهنية بتصنيفات فرعية لكل المواضيع في الحياة.

كل شئ لازم يتخططله بعناية ..رتب كل شئ دولابك سريرك اوضتك ورقك كمبيوترك موبايلك عربيتك مكتبك شغلك ايميلاتك ..لو معملتش كده هتبقي قلقان ومتوتر دايما ..

حتي الفن منظم..الشعر ليه قوافي واوزان وموسيقي وبحور مش فوضي يعني ..الموسيقي ليها مقامات والات واوركسترا وموسيقار ينظم كل نغمة ..الفيلم وهو بيتصور ليه فريق كبيررررر وناس تنظم اموره لحد ما ينتهي ..الحكومات وكل شئ في الدنيا منظم ..ما ينفعش العالم تحكمه فوضي ..

الدين الاسلامي اما بيقول "النظافة من الايمان" ده لوحده معناه نظام..الصوم نظام الصلاة اكبر نظام في العالم..مواعيدها وطريقتها وقواعدها اللي بتحكمها ..الحسنات والسيئات نظام ..الجنة والنار نظام..

تصنيف مكتبة الكونجرس اصبح نظام عالمي يحتذي به لانهم وصلوا لاحسن طريقة تنظم بيها الكتب وتوصلها بسهولة حسب الموضوع والكاتب وكل حاجة.

في مقولة كمان بتقول
fail to plan>>plan to fail

لو فشلت في تخطيطك يبقي بتخطط لفشلك .

كل الدول اللي سبقتنا سبقتنا بالنظاااااااااااااام ..

الإتيكيت نفسه نظام والعادات بتبقي نظام مع الوقت .

الكتابة كمان نظام مش فوضي ..

كان زمان في وهم عن الكتاب انهم كل ما يزيد فوضويتهم بيزيد ابداعهم ;

الحقيقة ان الموضوع ده اتكشفت حقيقته وبتتكشف كل ما يمر وقت والكتاب بيورونا ازاي حياتهم منظمة بالملي وكتاباتهم بيرسموا ليها علي الورق "اشبه بالخريطة الذهنية" .

مؤلفة هاري بوتر الشهيرة طلعت ورق من اللي عندها من اللي كانت بتنظم عليه فصول روايتها وورق تاني عن الكلمات اللي هتقولها علي كل رواية .

جداول ورسومات حتي عند الرسامين مش بس الكتاب عشرات الرسامين بيكتبوا علي مدوناتهم ازاي بيعملوا وينظموا الدفاتر عشان المعارض اللي بيروحوها وتصميم جداول لعدد اللوحات اللي هتتباع وهتترسم خلال فترة قادمة.

نجيب محفوظ كمان كان الوقت عنده مقدس وبيكتب في اوقات هو بحددها وهنا بيضرب بموضوع ووهم كلمة "الوحي" عرض الحائط..الموضوع موهبة انت بتخليه مع الوقت اشبه بالحرفة لما بتصقل الموهبة دي بالتدريب .

الناس كانت متخيلة ان حياة الكتاب العالميين لازم تبقي زي ما بتظهر في بعض الافلام ان هتلاقي السيجارة مرمية والكاس واقع جنبه

طبعا ده كلام فارغ والصور اللي تحت دي من جريدة ديلي ميل بتوريك ازاي الكتاب بيخططوا للروايات بنظام محكم جدا .

النظام لازم يكون طبيعة حياة ..الفوضي عمرها ما هتوصلك لحاجة .

كيف تكون القراءة ذكية ؟؟

"الكتاب هو الجليس الذي لا يطريك والصديق الذي لا يغريك يطيل امتاعك ويشحذ طباعك"

الجاحظ

القراءة شئ مهم جدا في حياة كل واحد فينا وفي عشرات لاكتب اللي بتنزل عن القراءة الذكية زي مثلا "كيف تقرأ كتابا" لمورتمر ادلر  ولكن من افضلهم كتاب "القراءة الذكية" للكاتب ساجد العبدلي .

الكتاب بيبدا بمعلومة هامة جدا توريك اهمية القراءة وازاي الحكومات بتبتص للموضوع ده علي انه من الاساسيات وليس من الرفاهيات..:

"احدي الدراسات الحديثة في 2003 اشارت الي ان 50 في المائة من الجمهور الفرنسي بدأ يعزف عن شراء الكتب وتحول الي الانترنت كمصدر للمعلومات .
ولذلك اعلن وزير الثقافة الفرنسي حالة الطارئ القصوي لانه وجد منسوب القراءة في انخفاض فنزل هو ومعه كبار الكتاب في الشوار والحدائق والمراكز الثقافية والمكتبات يقرؤون ويتحدثون مع الناس من حولهم عن القراءة والكتب في مهرجان اسموه "مهرجان جنون المطالعة" .

دي معلومة في الكتاب بتظهر لينا ازاي الدول في العالم ممكن تشعر بالخطورة لو الشعب بطل يقرا او ان القراءة قلت واستبدلوها بالانترنت فقط ومعلوماته الغير كاملة.

كمان ذكر اكاتب معلومة مهمة عن لانشر وطباعة الكتب في عالمنا العربي ومقارنته بالغرب وقال :

"يذكر تقرير لمنظمة اليونيسكو نشر في العام 1996 انه يصدر في مصر ما يقارب من 1650 كتابا سنويا بينما يصدر في بريطانيا ما يناهز 48000 كتاب في ذات الفترة وفي روسيا ما يوازي 82000 وفي الولايات المتحدة ما يوازي 85000 لكن الكارثة الاكبر ان ما تطبعه دور النشر العربية مجتمعة لا يوازي نصف ما تطبعه المطابع الاسرائيلية في ذات الوقت "

وكمان اهتم الكاتب في البداية انه يظهر لكل قارئ ان القراءة مش مجرد هواية او تقضية وقت فراغ ولكنها شئ اساسي في حياة كل واحد فينا وقال الكتاب :

"القراءة اكثر من شئ ضروري لاني اراها مظهرا من مظاهر الحياة الجوهريةوالانسان الذي حرمه الله نعمة معرفة القراءة قد حرم شيئا عظيما واوصد في وجهه باب كبيرمن ابواب الحياة هو باب العلم والمعرفة وسيبقي في ظلام دامس ما لم يفتح الله له بابا اخر"

مقولات عن القراءة من بعض الفلاسفة والعلماء :

1- عباس محمود العقاد :  "لست اهوي القراة لأكتب ولا لازدادعملا في تقدير الحساب انما اهوي القراءة لان لي في هذه الدنيا حياة واحدة وحياة واحدة لا تكفيني ولا تحرك كل ما في ضميري من بواعث الحركة..القراءة وحدها هي التي تعطي الانسان الواحد اكثر من حياة واحدة لانها تزيد هذه الحياة عمقا "

2-عالم الطبيعيات جلبرت وايت : "ليس هناك كتب او اكوام من الاوراق الميتة علي الأرفف بل هي عقول حية يخرج من كل منها صوت ..عندما تتناول احد هذه الكتب وتفتحه يمكنك استدعاء مجموعة من اصوات البشر البعيدة في الزمان والفضاء السحيق "

3- الشاعر الامريكي عزرا باوند : " يجب ان نقرأ لنزيد من قوتنا ..الانسان الذي يقرأ هو انسان مفعم بالحياة والكتاب ما هو الا وعاء من نور يقبع بين يدي من يقرأ "


وتحدث الكتاب ايضا عن الاسلام والقراءة وسر كلمة "إقرأ" في القرأن الكريم وقال :

" يقول المفكر الاسلامي جودت سعيد : "كون "اقرأ" اول كلمة في اخر رسالة اشارة الي عهد جديد في النبوة وفي اسلوب جديد في التلقي عن الله انها ايات الله في الافاق وفي الانفس التي ستظهر للناس الحق وهذه الايات انما تحفظ دلالاتها بالعلم والقراءة ..فبالقراءة يحصل الانسان علم الاولين جميعا وبالقراءة يرقي الانسان الدرجات العلا"

ثم يناقش الكتاب موضوع كيف تنمي ملكة القراءة عندك ويقول :

"لكي يتمكن اي شخص من ان يجعل القراءة جزءا من جدول حياته اليومي عليه ان ينمي هذه الملكة حتي تصبح عنده شيئا اعتياديا ونظاما دائما في حياته كالأكل والشرب"
تقول احدي الاحصائيات ان ثمانين بالمائة ممن لا يقرؤون كتابا في الشهر يتذرعون بانه ليس لديهم وقت لذلك وهذا امر غريب لأنه مثلما يجد المرء وقتا للطعام والشراب ومثلما يجد الوقت للتسوق والتلفاز يمكنه لو اراد ان يجد وقتا للقراءة ايضا.

يروي ان العالم الشهير نيوتن كان لا ينام لساعات ممتدة متواصلة وانما كان ينام بشكل متقطع ينام لساعتين ثم يستيفظ ليقرأ ويعمل ثم ينام ساعتين متي نال منه التعب ثم يستيقظ ليقرأ ويعمل وهكذا يقضي يومه"

ويقول كونفوشيوس " مهما بلغت درجة انشغالك فلابد ان تجد وقتا للقراءة وان لم تفعل فقد اسلمت نفسك للجهل بمحض ارادتك"

يتحدث الكتاب بعد ذلك في فصوله عن "خماسية فن القراءة" وهي  "ماذا أقرأ ولماذا اقرأ و أين أقرأ و متي و كيف نقرأ "

ثم يناقش اساليب القراءة ويقول ان من اشهر تلك الاساليب هي قراءة الاستطلاع والقراءة العابرة والقراءة الدراسية والقراءة السريعة وكل اسلوب منهم يناقشه الكتاب بالتفصيل ويحدد متي يستخدم وكيف يستخدم.

فمثلا قراءة الاستطلاع تستخدم حينما يريد القارئ ان يحصل علي الصورة العامة لكتاب.

بينما القراءة العابرة تستخدم عندما يريد القارئ ان يبحث عن معلومة بعينها او اجابة محددة لسؤال ما كمثل القاموس او المعجم او الموسوعة.

والقراءة الدراسية التحليلية تستخدم عندما يريد القارئ ان يقرأ لاجل ان يستوعب كل مكنون الكتاب والنفاذ الي معرفة ابعاده ومعانيه  مثل الدارسون استعدادا للاختبار .

ثم يناقش الكتاب قضية "القراءة السريعة ولماذا نحتاج ان نقرأ بسرعة ويقول اننا نحتاج لتلك السرعة بسبب :

1- يصدر خمسون الف كتاب في الولايات المتحدة سنويا.

2- تصدر اكثر من عشرة الاف مجلة في امريكا.

3- يكتب في كل دقيقة 300 مقالة علمية.

4- تصدر سبعة الاف دراسة علمية يوميا في العالم.

5 -صدرت في الخمسين سنة الماضية كمية من المعلومات تفوق ما صدر في الخمسة الاف سنة الماضية .

ثم يذكر ان سرعة القراءة السائدة بين الناس هي ما بين 200 الي 300 كلمة في الدقيقة اي بحدود خمسة عشر صفحة من القطع المتوسط لكل عشر دقائق لذا فالمعدل الذي يقل عن 200 كلمة في الدقيقة يعتير معدلا بطيئا واما ما يكون فوق 300 يعتبر مقبولا لكن ما بين 700 و 800 يعتبر جيدا.

ثم يناقش العوامل التي تقلل من سرعة القراءة ومنها قراءة كل كلمة علي حدة والقراءة بصوت مرتفع والقراءة بالتحريك الخاطئ للعين وضعف التركيز

ثم ستحدث في نهاية الكتاب عن كيفية القراءة الذكية واساليبها ...الكتاب متميز جدا وانصحكم ان تقتنوه وتقرأوه كاملا ليستفيد الجميع مما يقرأ .

أفلام أوسكار 2015

انا هاتكلم عن افلام الاوسكار السنة دي لكن اسمحولي اقول في البداية ان الصورة اللي انا حاططها دي من فيلم
birdman

الفيلم بقي رقم 95 علي مستوي العالم ومترشح ل 9 اوسكار واقدر اقول انه بالنسبة لي في قايمة مش افضل 100 لا ده في قايمة افضل 20 فيلم شوفتهم في حياتي.
والنظرة اللي انتوا شايفينها دي ل ايما ستون فيها معاني كتير وفيها قصة الفيلم كله وفيها الروعة والدهشة والنهاية الغريبة جدا.

نخش بقي علي الاوسكار
اوسكار 2015 بعد اعلان المترشحين هل هي سنة العلماء وهل اينشتاين أقل من ألان تورينج وهوكينج ؟؟

اعلنوا اخيرا من كام يوم عن الافلام المترشحة للاوسكار ولأن فيلم انترستيلر "اللي مخدش حقه في جولدن جلوبز" برضه مخدش حقه في اوسكار ولم يترشح الا في جوايز خاصة بالمؤثرات وخلافه ولكنه لن يجني اهم الجوايز سواء احسن فيلم او افضل ممثل وممثلة او مساعدين او سكرين بلاي او اي جائزة منهم !!

في سنوات كده في الاوسكار ساعات بيغلب عليها طابع معين زي مثلا اما تلاقي سنة مترشح فيها كذا فيلم سياسي او سنة مليانة افلام عن قضية العنصرية السنة دي بقي بسميها سنة العلماء ولكن برضه في افلام سياسية هامة مترشحة زي
american sniper
للمخرج الرائع كلينت ايستوود

وفيلم
selma
عن حياة الراحل دكتور كينج ودوره في تحرر امريكا من العنصرية وقضية حق التصويت للسود في امريكا ايام جونسون

لكن من الغريب برضه ان فيلم
fury
ما اترشحش لجوايز رغم انه فيلم يستحق وناقش قضية انسانية اكتر منها سياسية في فترة الحرب العالمية .

لكن علي الاقل اهو فيلم انجلينا جولي
unbroken
وده من الافلام السياسية الرائعة عن معسكرات المعتقلين في الحرب العالمية التانية اترشح ل 3 جوايز يعني خلي براد بيت ما يزعلش اهو حد من بيتهم اترشح لحاجة

واصبحت انجلينا جولي مخرجة متميزة بأفلامها اللي ليها نكهة سياسية بعد فيلمها
In the Land of Blood and honey

وكان اول تجربة اخراج ليها.

]دي كانت بعض الملاحظات السريعة علي اوسكار السنة دي ..نخش بقي علي التقيل ونشوف فيلم فيلم من اللي اترشحوا السنة دي ل "بيست بيكتشر" :

أول فيلم هو
american sniper

طبعا ابدع كلينت ايستوود في اخراجه وتألق برادلي كوبر في التمثيل وورانا تأثير الحرب في العراق علي نفسيته وطبيعة العلاقة مع زوجته واولاده اللي اتذبذبت بشدة بسبب تاثير الحرب عليه نفسيا لدرجة انه راح لطبيب نفسي

في افلام كتير جسد فيها البطل معاناته من الحروب خصوصا فيتنام وكان منهم من بيصاب بحالة
vietnam syndrome

يعني يتقلب علي فكرة اي حرب تقوم بيها امريكا بعد اللي شافه في فيتنام زي فيلم توم كروز الرائع
born on the 4th of july

المرة دي جسد برادلي كوبر حالة الجندي الشهير اللي كانوا بيسموه الاسطورة لانه قنص عدد كبير من العراقيين في الحرب واعتبروه بطل ..وكان البطل ده بيعاني نفسيا قدام الاطفال لو حد منهم مسك سلاح ويصبح في صراع مع ضميره هل كده بيقتل طفل ولا يعتيره جندي حامل سلاح ويقتله عادي ؟؟

وفي اشهر جمل الفيلم اما زوجته بكت وقالت "لو فاكر ان الحرب دي مغيرتكش..لا لا لازم تعرف انها غيرتك.."

نيجي بقي للفيلم العبقري
birdman

هل زي ما شبه ماركيز "الشهرة" بانها عاهرة نشوف الحكاية دي هنا في الفيلم ؟؟

الفيلم ده من اروع ما جسد حياة فنان ومعاناته في حياته الفنية وصراعاته الداخلية وحلم الشهرة القديم اللي نفسه يرجعله في زمن اللي بيتشهر فيه بعض الحمقي بسهولة..

فنان اصيل وعايز يحافظ علي مسرحيته وقيمتها وحوارها لكن بيطارده الشبح القديم ايام ما كان شهير في شخصية فيلم قديم والشخصية دي بيظهر صوتها في الفيلم "كصوت يتخيله البطل" الصوت ده بيطارده علطول بيقوله رجع حلم شهرتك تاني والبطل في صراع ما بين حياته الاسرية المفككة وفنه وشهرته ولو علي حساب فنه..لدرجة ان فيديو فضيحة ليه يسجل مشاهدات عالية علي اليوتيوب فيعرف ان الناس بتهتم بالحاجات دي اكتر علي حساب الفن الحقيقي ويحاول الانتحار في مسرحيته بشكل حقيقي لكن الاصابة تيجي في انفه من طلقة مسدس وينتهي الفيلم نهاية غريب جدا لها الف تحليل وتحليل وانا اقول في تحليلي ان النهاية دي "معني جديد للحرية" !!

من الافلام الرائعة اللي جسدت معاناة الفنانين وصراعاتهم النفسية وحياتهم المهنية فيلمين عظيمين زي
sunset boulevard
في الخمسينات للعبقري بيلي وايلدر

وفيلم
all about eve

وفيلم الصراع النفسي الشهير لنعومي واتس
Mulholland Dr.

وطبعا مش هننسي فيلم
la dolce vita
للايطالي المبهر فيلليني

وفكرة الصوت اللي بيطاردك سواء ضميرك او عدوك هي فكرة ايضا ظهرت في عدد من الافلام زي
Mr. brooks

و
harvey

وافلام تانية كتير

الفيلم ده "بيرد مان" مترشح ل 9 اوسكار واري انه هيكون ليه حظ كبير منهم.

فيلم تاني مترشح لاحسن فيلم وهو
boyhood

تملك اللحظة ولا اللحظة اللي بتملكك؟؟ دي خاتمة الفيلم الجميلة جدا والمعبرة عن احداثه ..فيلم اتصور 13 سنة من ساعة ما كانوا الاطفال صغار لحد ما كبروا ومراحل معاناتهم مع زوج الام باستمرار لان والدته اتجوزت اكتر من مرة لدرجة ان احدهم يفقد اهتمامه بالحياة ويسال ابوه الاصلي ويقوله "ايه معني كل ده؟ايه معني الحياة؟" ولكن الشاب المراهق ده بيجد كل الحياة في نهاية الفيلم مع قصة حب جديدة بتظهر امامه وبتتخلق من جديد بعد فشل قصته القديمة.

فيلم درامي جميل ومرشح ل 6 اوسكار

نروح بقي لفيلم
The Grand Budapest Hotel
فيلم العام حسب "الجولدن جلوبز" وهنشوف هيعمل ايه في الاوسكار ..الفيلم اللي ضم مجموعة كبيرة من الابطال وعلي راسهم رالف فينس ومترشح برضه ل 9 جوايز اوسكار وبينافس بيرد مان في نفس عدد الجوايز.

اقولك ايه عن الفيلم ده..اتكلم عن شخصية مصطفي زيرو ولا جوستاف ولا مين بالظبط ؟ محتاج تحليل لوحده بعيد عن البوست ده لانه فيلم من زمان مجاش زيه قصة صداقة وحب وتوارث اجيال وثقة واتهام في جريمة قتل وحرب وكل شئ فيلم من افلام الزمن الجميل اللي هو دايما موجود في سينما هوليود.

نروح لفيلم من افلام العلماء بقي وهو فيلم
The imitation game

قصة الان تورينج العالم اللي فك شفرة الانيجما الالمانية المعقدة وكان سبب كبير في انتصار الحلفاء في الحرب العالمية التانية لانه بفك الشفرة دي يقدر يتصنت علي كل اوامر الالمان العسكرية وان كان الحظ سانده اما اتعرف علي فتاة صديقها الماني ولكن الحظ يذهب لمن يستحق زي فيلم
argo
فكرة المهمة برضه جاتله بجزء من الحظ وهو بيكلم ابنه وبيتفرج علي التليفزيون .

والان تورينج العالم كان في الفيلم شاذ جنيسا مما اعطي للفيلم طابع تاني غير انه فيلم سياسي لانهم دخلوا في قضية تدخل الحكومة في حقوق الشواذ واعطوا امثلة لفترات قديمة في انجلترا اللي اضطهد فيها الشواذ واعطت الملكة في النهاية امر بانه معفي من جميع التهم في فترة قريبة بعد مرور كل السنين دي علي الان تورينج وعذابه لدرجة ان الحكومة كانت بتديله ادوية علي اساس انها تعالجه من حالته لحد ما مات. زمان برضه اوسكار وايلد اتبهدل بسبب حكاية زي دي.

يعني هي قضية شوية غير مناسبة لناس كتير لكن الفيلم في مجمله اكثر من ممتاز وغني بالمعلومات التاريخية بصرف النظر عن القضية التانية اللي بيحملها الفيلم.

وده مترشح ل 8 اوسكار.

نروح لفيلم سياسي وهو
selma

الفيلم بيناقش قضية البطل مارتن لوثر كينج ووقوفه ضد العنصرية في امريكا ومنع تصويتهم في الانتخابات وبيوريك بعد جديد عن دور الاف بي اي وتصنته علي حياة كينج وتلفيق التهم ليه عشان يزيحه عن قضيته لكن كينج صمد بقوة وانضم ليه القساوسة والبيض وبدأت القضية تكبر ويسقط ضحايا وانتصر وحصل علي حق التصويت للسود من الرئيس الامريكي .

تلاحظ ان اوبرا وينفري وكانها بقت متخصصة في افلام قضية العنصرية .

فهل الاوسكار السنة دي هيروح برضه لفيلم عن العنصرية زي المرة اللي فاتت ؟؟

الفيلم مترشح ل 2 اوسكار فقط مما اثار استعجاب البعض .

فيلم اخر مترشح لافضل فيلم وهو
Whiplash

الفيلم طلع بسرعة الصاروووووخ لرقم 41 علي مستوي العالم طبقا لتقييم اي ام دي بي..بدرجة 8.7

الفيلم ده حكاية كبيرة وبيعبر عنها جيه كيه سيمونز في الفيلم بقوله "ان كلمة جيد هي اسوا كلمات القاموس " ليه قال كده لانه دايما عايز الاتقان والامتياز في كل شئ مدرب فرقة موسيقية قاس الطباع عنيف لانه يريد الوصول للكمال ينتحر احد تلامذته من شدة معاملته واحساسه بالفشل ولكن يستمر المدرب في نفس الطريقة القاسية اللي شرحها بوضوح لتلميذه بطل الفيلم وقاله انا بكون قاس كده عشان اوصل للامتياز الكامل حتي لو شاف البعض اني عديم الرحمة.

وفي نهاية الفيلم يطلع من البطل اقصي ما عنده من مهارات ويبهر الجمهور بعزفه الفريد والغريب والقوي..الفيلم ده للي بيحبوا افلام التنمية البشرية والقصص الحماسية الشيقة في قالب درامي رائع.

ومترشح ل 5 اوسكار.

اخر فيلم معانا هو
The Theory of everything

اسطورة الفيزياء ستيفين هوكينج وقصة حياته بعد اصابته بالمرض واصاره وتحديه لمواصلة عطائه الفكري ومساعدة زوجته وتضحيتها وهو ماخوذ من كتاب قصة حياة الزوجة مع ستيفين في الاساس.

اداء رائع للبطل المصاب بمرض
als

ومن اروع من جسدوا دور المصابين بالمرض ده برضه هي هيلاري سوانك في فيلم
you are not you

ودور البطل في فيلم ستيفين هوكينج هيفكرك بدور دانيال داي لويس واصراره وتحديه علي المضي قدما في حياته في اروع ادواره في فيلم

my left foot

الاوسكار السنة دي كالعادة منافسة شرسة جدا وان كان غياب انترستيلر عن اهم الجوائز الكبري يظل علامة استفهام رغم ترشحه لبعض الجوائز .

الإعلام العالمي وتوجهاته وافلام هوليود عنه.

مالكوم اكس كان بيقول "الاعلام هو اقوي مؤسسة علي وجه الارض..يستطيع ان يجعل البرئ مذنب والمذنب برئ وهذه هي القوة"


كتير من الناس بينقد الاعلام المصري وهو فعلا في بعض الجوانب يستحق النقد لكن الكلمة الغلط اللي بتتقال ان "العالم كله مافيهوش اعلام زي ده"  والجملة دي مش دقيقة لأن من الصعب قوي تلاقي اعلام محايد بنسبة 100 في المية وكتير من دول العالم ليها قنوات موجهة وبيحكمها رجال الاعمال وتوجهاتهم السياسية وهنا ده اللي عايزين نقوله ان في نماذج كتير لاعلام غربي موجه برضه يعني.

مصطلح الحيادية الكاملة اتكلم عنه نعوم تشومسكي وغيره ونقده وقال انه صعب للتطبيق الفعلي لان اتجاهات القنوات والصحف بيحكمها رجال اعمال وشركات كبري وحكومات وغيره.

ياريت نقرا مع بعض الكام سطر دول عن نظرية نعوم و ادوار هيرمان اللي ذكرها نعوم كمان في كتابه وهي موجودة النظرية كاملة علي الانترنت كمان وبتقول :

The propaganda model is a conceptual model in political economy advanced by Edward S. Herman and Noam Chomsky to explain how propaganda and systemic biases function in mass media. The model seeks to explain how populations are manipulated and how consent for economic, social and political policies is "manufactured" in the public mind due to this propaganda.



تاريخ بقي عدم الحيادية ده قصة كبيررررة في امريكا من ايام لينكولن ونشوف مع بعض كل الحوادث دي والفضائح عبر التاريخ لعدم حيادية اي قناة وشبكة تليفزيونية :

1- بيقولك الكونجرس سنة 1798 عمل قانون عن عدم نشر اي حاجة تمس الحكومة او اي اخبار فاضحة عنها

2 -وبعد كده اما جه ابراهام لينكولن "اللي انا بحبه جدا" قفل العديد من الصحف باعتبارها تدعم اتجاه معين "طبعا اتجاه هو شايفه ضد الدولة" موضوع الكونفيدراليات القديم

3بعد كده ياسيدي زي ما بتقول المقالة الي انا قريتها بيقولك ان بعد 1960 ومشاكل البيض والسود الشهيرة..طلع البيض اتهم الاعلام انه منحاز وعايز يعمل خلط بين العرقين :))

واتقفلت كمان في امريكا جرايد بتهمة انحيازها للشيوعية.

طلع نائب رئيس نيكسون ايام حرب فيتنام وقال ان الاعلام بيشن حملة موجهة ومنظمة ضد حرب فيتنام وغير محايد

نطلع قدام شوية..1997 احصائية عن عدم رضا الامريكان عن اعلامهم ..طيب ايه اللي مش عاجبهم يا سيدي قالوا معندهمش ثقة في ان الاعلام بيقدم:

"to report the news fully, accurately, and fairly"

في 2008 48 في المية بيقولوا معندهمش ثقة خااااااااااااالص في الاعلام الامريكي :) اللي الناس بتضرب بيه المثل في مصر ويقولك شوفوا الحياد برة رهيب هههههه

و2013 الرقم ارتفع ل 59 في المية :(

طيب تعالي بقي افجعك بالحتة الجاية دي :)

في كتاب اسمه
Why Americans Hate the Media and How It Matters
صاحب الكتاب ده استاذ في جامعة جورج تاون وبيقول فيه وبيتكلم عن توجه الاعلام الامركي وتاثيره علي رأي الناخبين كمان وتوجهاتهم وبلاوي اخري .

طب شوف دي ..بيقولك في 2008 سكرتير بوش نشر كتاب وبيقول ان كان بيطلع اخبار علط والاعلام بينشرها وراه :) فضيحة فضيحة يعني

واحد هيطلع ويقولك يعني ينفع محمد الامين ومش عارف مين يمسكوا الاعلام ده كلام يعني ازاي نسيب الشركات والبيزنيس يتحكم فينا ؟؟

 اسمع دي بيقولك ست شركات كبري في امريكا بتملك معظم الاعلام الامريكي وتوجهاته ومنهم

(, CBS Corporationو News Corporationو Viacom, Time Warner

تمام؟

كتير من النقد بيدور حول توجه القنوات عموما يعني تلاقي قنوات اتجاه ليبرالي وقنوات الاتجاه بتاعها محافظ .

زي عندنا كده قنوات مرسي وقنوات عسكر زي ما بيقولوا انما الاتنين موجهين والغريبة ان الاتنين بيقولوا انهم حياديين يعني احمد موسي بيقول انا الحقيقة والجزيرة مباشر بتقول انا الحقيقة ههههه

عارف بقي مارادوخ؟؟ الملياردير الكبير صاحب عشرات المشروعات وصاحب فوووووكس نيوز اتجاهه ليبرالي..مرة واحدة في القناة طلعت قالت كل التوجهات بتجيلنا من فوق عن اتجاه القناة الفترة القادمة ..طبعا المسكينة دي اتنفخت وطلعوا عنها بيان انها حاقدة والنظام ده يعني :) فضحتي الدنيا الله يحرقك.

في 2008 بعض الهيئات اتهمت القنوات انها كانت بتلعب لصالح نجاح اوباما.

طبعا المجال مش هيتسع بقي عن الكلام عن التغطية الخارجية يعني الحياد بالنسبة لقضية فلسطين مثلا لان دي فضائح كما يجب ان تكون ونقد بالهبلللللل لكل الاعلام الامريكي الموجه لقضايا سياسية دي تمس مصالحه .

حتي ان التقارير وجميعة مراسلين بلا حدود وغيرها من الهيئات اللي بتحكم علي الاعلام كمان اتهمت البرامج الساخرة ان ليها توجهات ضخمة سياسية وبتحاول توجيه المشاهدين.


حقك تطلب اعلام كويس بس ما تكلمنيش وتقولي التوجهات والكلام ده لان كبار الكتاب والنقاد في العالم عملوا ابحاث وقتلوا الموضوع بحثا واتضح ان الحيادية علي راي نعوم تشومسكي حلم لن يتحقق وهيفضل موجه وهتفضل الشركات الكبري حاكمة ورأيها غالب.




الاعلام عموما اتهاجم كتير عشان عايز يحقق اهداف ليه بس وهي الشهرة والمجد علي حساب كل حاجة وكل كام سنة هتلاقي فيلم امريكي بيترشح لاوسكار احسن فيلم بيهاجم زيف الاعلام اللي كل همه مصلحته علي حساب المصداقية

اخر فيلم اتعمل عن الحكاية دي هو فيلم
Nightcrawler

بيوريك طموح الاعلامي اللي عايز يصور الحادثة عشان يعمل السبق وياخد فلوس حتي علي حساب موت زميله في العمل !

اما بترتيب السنوات فتعالي نشوف اشهر افلام الاعلام علي مدار سنوات فاتت :

نبدأ بسنة 1976
في فيلم
network

فاز ب 4 اوسكار وبيتكلم عن استغلال اصحاب الشبكات للمذيعين ومشاكلهم وحتي مشاكلهم النفسية لتحقيق اعلي نسبة من المشاهدات وتصفيتهم بعد كده بطريقة قذرة .

في سنة 1987
فيلم
broadcast news
برضه عن الطموح الاعلامي واترشح ل 7 اوسكار

اما الفيلم اللي عن قصة حقيقية فضيحة مدوية لاحدي اكبر شبكات التليفزيون وبرنامج مسابقات فيها هو فيلم
quiz show
1994

قصة حقيقية عن برنامج مسابقات مسكوه وهو بيقدم الاجابات للمتسابقين من اجل الشهرة وبدات المحاكمات تاخد مجراها لانهم خدعوا الجمهور

فيلم اخر عن الضمير الاعلامي وهل يخفي الحقائق ام لا بسبب الخوف امام اعتي شركات التبغ هو فيلم
the insider 1999

والفيلم الرائع لجورج كلوني
good night and good luck
2005

عن قوة الاعلام امام المكارثية في امريكا ودوره في انهاء هذه الفترة

وفيلم
frost/nixon
2008

الفيلم ده درس في المبارزة الفكرية بين الاعلام والرئيس نيكسون وكيف تجري المقابلات التليفزيونية وكواليس الاستعداد لها .

كل دي افلام عن الاعلام الغربي منهم اللي هاجمه بضراوة ومنهم اللي اظهر دوره المشرف .

التسامح والحب والعطاء..ثلاثية الحياة

أوشو هو واحد من الفلاسفة المشهورين جدا دلوقتي حول العالم ..هو متصوف هندي وليه تعاليم وكتب كتير انتشرت بسرعة واصبح ليه اتباع بأعداد ضخمة رغم ان ليه بعض الاراء الغريبة اللي ساعات بتتناقض مع افكارنا وعقائدنا وليه بعض الافكار عن التحرر الجنسي اللي البعض بينفر منها  الا ان برضه ممكن تاخد منه اللي يفيدك وتبعد عن افكاره اللي تكون ضد دينك او مبادئك.

أوشو ليه عدة كتب زي "سر التجربة الداخلية" و "من العلاج الي التأمل"  و"كتاب الحكمة"  وكتب اخري متعددة.

اتكلم اوشو كتير عن التأمل والفرق بينه وبين التركيز وازاي التأمل ممكن يكون خطوة نحو العطاء ..العطاء الشامل للناس بدون انتظار مقابل .
وده كان ظاهر في كتابه الافضل من وجهة نظري وهو كتاب "التسامح..رؤية جديدة تزهر الحياة".

اوشو ده ممكن تستفيد من كلامه زي ما قولت وتبعد عن اي افكار تانية منه تكون غريبة علي مجتمعنا او افكار شاذة بالنسبة لك يعني انت الحكم في النهاية وانت الفلتر اللي بتختار من كلامه المفيد وتترك الغير مفيد بالنسبة لك.

كتاب التسامح ده اجمل كتاب ليه لكن تعالي نشوف ايه معني التسامح عنده وايه تعريفه..بيقول في الكتاب عن التسامح :

" التسامح يعني انك تجاوزت حاجات الجسد وتخطيت كل الحواجز النفسية ,يعني انك تحررت من عبودية الجسد واصبحت سيد نفس, انت الان حر التصرف بكامل طاقتك وهكذا صار بمقدورك تحويل الشغف الي عطاء"


وبعد كده بدأ في التفريق بين الشغف والعطاء ووضح الفرق بينهم :

"الشغف شهوة , العطاء حب. الشغف رغبة,العطاء انفتاح,الشغف طمع والعطاء مشاركة, الشغف يدعوك لاستغلال الاخرين فيما العطاء يجبرك علي احترمهم , الشغف يبقيك ملتصقا في الارض يبقي قدميك غارقتين في الوحل وهكذا لن تصبح زهرة لوتس لا اليوم ولا غدا فيما العطاء يجعلك هذه الزهرة فيمنحك قوة النمو وتخطي طبقات التراب وتجاوز عالم الرغبات ..العطاء تحول في مسار طاقتك"

وفي احد الفصول في الكتاب تحت عنوان "التأمل هو الزهرة والتسامح هو العطر" قال :

"الزهرة تتفتح والعطر ينتشر محمولا علي اكف الريح في كل الاتجاهات الي اقاصي الارض الي ابعد نقطة علي الارض انما كل شئ متوقف علي تفتح الزهرة. حتي البشر يمتلكون القدرة علي التزهر ولكن ان لم تزهر ذات الانسان فمن المستحيل ان ينتشر العطر ,عطر التسامح والعطاء"

ويبدا في الحديث عن "الأنا" والفرق بينها وبين العطاء بلا مقابل ويقول :

" لن تكون متنورا بوجود الأنا..لن تكون متنورا طالما انت تقول "أنا" أ "أنا ذاتي" .الحب الحقيقي يعني اسقاط الانا اختفاءكلمة أنا من قاموس اللغة ومن التداول علي الألسنة"

ويبدأ في توجيه نقد شديد جدا للمجتمع اللي بيوضع القيود للبشر ويقول :

" يولد الطفل بلا أي انا , يولد صفحة بيضاء ناصعة ومع الأيام يبدأ المجتمع بالكتابة عليها ويقضي علي نصاعتها ..ويوما بعد يوم يبدأ المجتمع بخلق قيود وأغلال ليدي هذا الطفل ويفؤض عليه التصرف وفق أسس ومفاهيم اخترعها هو المجتمع وفق قواعد لن تمنحه السعادة ولن تعطيه حرية الحركة ولا حرية التفكير انه مقيد,مساحة محدودة تحركه"

ويتحدث في نفس الوقت عن ان الانسان اناني بطبعه ومن المؤكد انه بيحب نفسه بل ان حب نفسه هو اللي بيوجهه في النهاية للعطاء للأخرين وبيقول ان ازاي لو مش بتحب نفسك هتحب العالم وتفيض عليهم بالحب الزائد "

"أولئك القابعون في الظلمة لا يمكنهم اخراج الاخرين الي النور ,أولئك الذين لا يعرفون الخلود لايمكنهم مساعدة الأخرين علي التخلص من الخوف والموت, اولئك الذين لا يعيشون حياتهم بكليتها وبشغف أولئك الذين ينشدون الاغاني غير الصادرة عن القلب أولئك الذين ابتسامتهم مجرد لوحة مرسومة علي شفاههم لا يمكنهم مساعدة الاخرين ويكونوا سعداء منشرحي القلوب ..أولئك المنافقون المدعون لا يمكنهم تعليم الأخرين مبادئ الصدق والاستقامة"

"اذا كانت شعلة حياتك مطفأة فكيف ستضئ علي الاخرين"

ويتحدث ايضا عن البداية من داخلك ويقول في الكتاب :

"اعلم انك اذا اردت تغيير العالم عليك ان تصلح ذاتك اولا عليك ان تبدأ بنفسك ومن ثم تتحول نحو الاخرين لكسب قلوبهم يجب ان ترفض اولا ومن ثم ستري المعجزة سيشاركك الاخرين رقصة الحياة..الرقص ينتشر بالعدوي كذلك الحب والعرفان بالجميل والايمان كل هذه تنتشر بالعدوي انما وقبل كل شئ يجب ان تكون حاملا بيدك شعلة الحياة التي يجب ان يراها الاخرون"

ويضع الفروق بين العطاء والعطف ويقول :

"العطاء ليس عطفا ,العطف توجه اناني يقوي الانا عندك. حين تشفق علي احد تشعر انك تمد له يدا دون ان تدري ان هناك اهانة خلف هذه الشفقة انك تذل الاخرين وتتمتع باذلالهم ولهذا فالعطف يصعب نسيانه ذلك لانه ادعاء بالتسامح والعطاء وليس تسامحا ولا عطاء لان خلفه دوافع خفية بعيدة كل البعد عن الغاية والعطاء لا دوافع خلفه فالعطاء يعني انك تملك فتعطي دون النظر لما يحتاجه الغير "

"العطاء لا ينبع منك بل من الوجود من الخلود. بينكا العطف ينبع منك انت ,هذا ما عليك فهمه العطف امر انت تقوم به اما العطاء فهو من صنع الوجود"

ويتحدث مرة اخري عن المجتمع والقانون ويعود لنقده الشديد اللهجة للمجتمعات ويقول :

"اللص الناجح قد يصبح ملكا اما اللص الفاشل سيبقي لصا. المسألة اذا ليست بكيف سرقت او كم بل في ما تمكنت من السرقة دون ان يراك احدا او لا .حتي اذا كنت سارقا ذكيا وذا مهابة فقد تصبح امبراطورا .الأسكندر الاكبر ,نعم الاسكندر الاكبر هو ليس اكثر من لص..أولئك السياسيون كلهم لصوص يحاولون القضاء علي اللصوص الاخرين,قد يكونون ضد الاحتيال ضد اللصوصية لكنهم في الحقيقة هم اكثر الناس احتيالا , هم لصوص لكنهم يتصرفون ضمن القانون"

"اذا وقعت جريمة فعلي المجتمع بكامله ان يتحمل المسئولية وان كان لابد من عقاب فيجب معاقبة المجتمع..وعلينا ان نتساءل لماذا تحول هذا الانسان الي مجرم ؟..يولد الانسان وتولد فيه طاقة خلاقة قد تتحول الي طاقة تدميرية اذا منعناه من التعبير ايجابيا عن ذاتها وكلما حاولت الطاقة التعبير ايجابيا عن ذاتها تجد المجتمع يحاول منعها من ذلك"


ويتحدث عن الحب فيقول :

"الحب احساس داخلي ,الحب فهم الأعماق .لذا ان احببت انسانا فانت تفعل ذلك تاركا له او لها حرية اختيار كيف هو يريد ان يكون دون ان تتوقع شيئا اخر فالتوقعات ادانة وتنكر له كما هو,بمقدورك فقط منحه الحب ودون التفكير بالنتائج"

ويؤكد ان حب النفس لا يتعارض مع حب الغير ويقول :

"في لبدء لابد ان تحب نفسك الي ابعد الحدود حتي تعطي الاخرين ما يفيض عنك من حب..انا لست ضد المشاركة غير اني اعارض بشدة مبدا الغيرية حب الغير اكثر من حب النفس,ان اردت مشاركة الاخرين بشئ فيجب ان يكون لديك من هذا الشئ نا يكفي لك وللأخرين"




كتاب التسامح ملئ بالحكم والحب والعطاء وهو افضل كتب اوشو من وجهة نظري وانصح بقراءة الكتاب كاملا والاستفادة من التأملات الفلسفية داخله.

فيلم لوسي قدرات عقلية أم داروينية ؟

فيلم سكارليت جوهانسون وعمرو واكد ومورجان فريمان الاخير "لوسي" هو فيلم متميز علي مستوي المؤثرات..البعض شاف ان القصة متشابهة في بعض النقاط مع فيلم
Limitless

لان الفيلم ده برضه بيتكلم عن استخدام الانسان لاكثر من 10 في المية من عقله ومحاولة الوصول لاستخدام 100 في المية من قدراته العقلية..لكن المرة دي الفيلم اتجه اتجاه تاني خالص ودخل في النص موضوع الداروينية ونظرية داروين وحتي اسم الفيلم "لوسي" له اساس علي موقع ويكيبديا هتلاقوا المعلومات دي ومكتوب عن الهيكل اللي لاقوه :

لوسي هو الاسم الشائع لمستحاثة هيكل عظمي يحمل الرمز (A.L.288-I)، ويعود لأنثى من نوع أوسترالوبيثيكوس أفارينيسيس، عاشت وماتت قبل 3.2 مليون سنة. عثر على المستحاثة في أثيوبيا عام 1974 في متاهة من الأودية الضيقة في عفار بأثيوبيا دونالد جونسون وموريس تاييب وتوم جاري.


البعض ممكن يشوف ان عمرو واكد ازاي يشترك في فيلم بيروج للنظرية دي والبعض يقول ده مجرد فيلم ومش شايف ان عمرو واكد غلط يعني..

في قصة الفيلم هتلاقي مورجان فريمان بيشرح وبيحاضر في الجامعة عن "نظرية داروين" "التطور" في اكثر من مشهد..و"لوسي" بتاخد حبيبات بتديها قوة استخدام اكتر من 10 في المية من قدراتها لحد الوصول لل 100 في المية كاملة في نهاية الفيلم وهنا بتقدر هي تقلب بين الازمنة والأمكنة في مشهد ملئ بالمؤثرات والروعة لحد ما توصل لعصر قديم جدا وتلاقي "قرد" وتلمس ايديه ويبصوا لبعض باستغراب وكانها بتقول ان ده اصل الانسان في الفيلم .

وبتجيب كمان مشهد الانفجار العظيم يعني علي اساس انها رجعت لبداية الكون خالص ..

ده مش اول فيلم يتكلم عن داروين لان في افلام تسجيلية اتعملت عنه زي
Charles Darwin and the Tree of Life

وفيلم مثلا من الستينات كان استاذ برضه بيشرح النظرية وهو فيلم
Inherit the Wind


وافلام تانية اتكلمت عن النظرية بس بشكل عابر ..الفيلم مش معمول ثري دي لكن كان يستاهل يتعمل بالتقنية دي لانه متميز ومبهر علي مستوي المؤثرات وان كانت القصة نفسها مكررة الي حد ما ..وكان اداء عمرو واكد جيد جدا علي حجم الدور المطلوب منه وعودة للنجوم المصريين في هوليود من بعد عمر الشريف شايفين دلوقتي خالد النبوي وعمرو واكد في تألق في هوليود ودي مش اول مشاركة لعمرو واكد هو عمل اكتر من عمل وكان ابرزهم
Salmon Fishing in the Yemen

إحدي عشر درسا من حياة روبرت ماكنمارا

جوايز كتير من الاوسكار بتحظي باهتمام عالي حول العالم زي افضل فيلم وافضل ممثل والموسيقي والاخراج ولكن في بعض الجوايز اللي بتتقدم في فئات معينة بتكون اقل شعبية رغم انها مليئة بالابداع والافلام الرائعة جدا والجوايز دي هي تحديدا

Academy Award for Best Live Action Short Film

و

Academy Award for Best Animated Short Film

و

Academy Award for Best Animated Feature

و

Academy Award for Best Documentary Feature

و

Academy Award for Best Documentary (Short Subject)


طبعا الجوايز دي ليها متابعين كتير لكن مش بنفس عدد المهتمين بباقي الفئات في الاوسكار ..والنهاردة هاتكلم عن فيلم عجبني جدا من الافلام الوثائقية وهو اللي فاز بالجايزة سنة 2003 وهو الفيلم المميز

The Fog of War: Eleven Lessons from the Life of Robert S. McNamara

ده فيلم بيحكي عن قصة حياة
Robert S. McNamara

اللي كان وزير الدفاع الامريكي في فترة مهمة جدا في عهد كينيدي وجونسون وشغل مناصب مهمة جدا في حياته ومنها رئاسة شركة فورد ورئاسة البنك الدولي  .

وبيتكلم عن مسئولية حكومته ومسئوليته عن الحروب اللي دارت والضحايا اللي راحوا بسبب الحروب الامريكية وفيلم فيه نقد لاذع لسياسات امريكا في اكتر من فترة زمنية.

واتكلم في الفيلم عن ذكرياته في فترات الصراع الامريكي الروسي في كوبا وحرب فيتنام كمان وفترات تاريخية كتير خرج منها بدروس مهمة جدا ونقلها بينا عن طريق الفيلم ده وهم 11 درس خدهم من الحياة بخبرته وبينقلها للناس ..في ناس ممكن تستفيد جدا من خبرة راجل زي ده وناس تانية ممكن تشوف ان الدروس دي ضد قيم وافكار معينة عندها لكن اكيد هتلاقي عدد من الدروس دي مفيد للجميع


وال 11 درس اللي ذكرهم روبرت في الفيلم هم :

1- تعاطف مع العدو

2- لن ينقذنا التعقل   ( وهنا بيقصد ان ساعات الحظ بيلعب دور في التاريخ وقال ان مثلا رئيس روسيا كان متعقل وكينيدي كان بيفكر بالعقل ولكن الحظ كان ليه دور كبير في تفادي حرب شاملة )

3-هناك أشياء تتعدي ذاتك ومسئولية تجاه المجتمع

4- استخدم الفعالية القصوي

5-التناسب يجب ان يكون خطا مرشدا في الحرب        (وهنا قال ان مش معقول عشان تكسب حرب تقوم تدمر اكتر من 50 في المية من مدن زي مثلا ما حصل في هيروشيما )

6-احصل علي البيانات      ( لازم تتوافر ليك البيانات اللي تعرفك اي فئة ممكن تشتري مثلا سلعتك لو انت صاحب نشاط وغيرها من البيانات اللازمة لنجاح صناعتك)

7-غالبا ما يكون الاعتقاد والرؤية علي خطأ.

8- كن مستعدا لاعادة النظر في تفكيرك

9-من اجل ان تكون جيدا..احيانا ستنغمس في بعض الشر

10- لا تقول ابدا كلمة "مستحيل"

11- لن تستطيع تغيير الطبيعة البشرية



كانت دي النصايح اللي قدمها الفيلم الوثائقي  المميز اللي اعترف فيه وزير دفاع سابق بأخطاء وخطايا امريكا في الحروب .


افلام وثائقية كتير قوي خدت الاوسكار او اترشحت ليه وتستحق المشاهدة وكان من الافلام المصرية اللي اترشحت للجايزة دي فيلم "الميدان" 2013



اما في فئة
Academy Award for Animated Short Film

بتكون افلام انيميشن مدتها قصيرة وبتلمس برقة المشاعر الانسانية ومن افضلها الفيلم المؤثر جدا
Father And Daughter


الجوايز دي عموما اللي ذكرتهم ليهم اهتمام خاص عند بعض الناس لكن كتير من الجمهور بيركز علي جوائز بعينها وبيعتبرها اساسية عن جويز اخري واهم منها لكن الحقيقة ان الجوايز دي فيها روائع ساعات بتكون اقوي كمان من فيلم العام .

رمضانيات فنية...الأعمال الفنية ورفع القضايا للشهرة

غريب جدا في مصر رفع القضايا علي اعمال فنية علي اعتبار انه يسئ لمهنة او شخص بعينه..

السجانات حاولوا يمنعوا تصوير سجن النسا لانه بيهين مهنتهم
ونقابة الاطباء عايزة تمنع مصطفي شعبان لانه بيهين دكتور امراض النسا !!
وكانوا من فترة عايزين بيقاضوا محمد هنيدي لانه اهان المعلم في رمضان مبروك ابو العلمين !!

العمل الفني احيانا بيعرض مشكلة واحيانا بيعالجها لكن هو بيعرض الحالة مش شرط انها تكون معبرة عن فئة كاملة وده هم فاهمينه في هوليود كويس ..

برة تلاقي احيانا اسم العمل نفسه مهين لمهنة ويتم عرصه عادي بشكل كوميدي ويتقبلوه زي مثلا عناوبن افلام

Bad teacher
او
Horrible bosses

يعني لو بمنظورنا يبقي الافلام دي بتهين المدرسين والمديرين وده غير صحيح.

صورة الطبيب مثلا في " انف وثلاثة عيون" لاحسان عبد القدوس
كانت مشوهة وتم تقبلها لانه بيعبر عن حالة بعينها في اطار روائي محكم.
او صورة الطبيب في " كائن لا تحتمل خفته" لميلان مونديرا مثلا.

صورة الصحافة مثلا في " البهلوان" ليوسف ادريس او " وراء الستار" للسباعي كانت بتهين الصحفيين ؟؟ بالعكس كله اعتبرها اعمال عظيمة رغم ان الرواية اظهرت الصحفيين انهم بيبيعوا مبادئهم.

صورة الصحفي الفاسد في " الرجل الذي فقد ظله " كله اعتبره عمل عظيم بدل ما يرفعوا عليه قضايا.

صورة الشرطي الفاسد في عشرات الافلام واخرهم
Fruitvale station

هي مجرد عرض لحالة وليس وصم بعار .

صورة حتي رجل دين فاسد او مدعي زي فيلم
The night hunter

او دولة كاملة فاسدة وصولا للنائب العام زي فيلم
La confidential

كل دي اعمال اهانت مهنة بعينها لكن لازم نميز بين عملية تشريح مجتمعي في عمل فني وبين انه يقصد ان كل المهنة دي فاسدة..هو بيعرضلك الحالة واحيانا بيدق ناقوس خطر لكن مش بيوصم مهنة بكل من فيها بطاقة الشر في شخصية العمل الفني اللي عرضه .

ولو بالمنطق بتاع النقابات عندنا يبقي كل الاعمال الفنية هتتوقف لانها بتهين شخص ومهنة وهيبقي الفن تحت مقصلة القضاء

رمضانيات فنية 2014

رغم كل الاحداث السياسية والاقتصادية اللي بتدور حوالينا لكن كالعادة في رمضان بتطل علينا كتير من الاعمال الدرامية اللي بتحاول ولو لبعض الوقت تخرجنا من الشد العصبي والقلق المستمر ببعض الترفيه من اعمال كوميدية او دراما  بعضها بيشد انتباهك فعلا علي مستوي القصة والاخراج والحوار والبعض الاخر بيكون مجرد ملئ ساعات علي الشاشة فقط بلا اي قيمة فنية تذكر ..

فنانين كبار بيغيبوا عن الساحة زي نور الشريف وفنانين بيرجعوا تاني باعمال رائعة زي يحي الفخراني في مسلسل "دهشة" ..وبعد مرور عدة حلقات من الاعمال الكتير دي بدأت تظهر ملامحها ومستواها وكان ليا الملاحظات دي علي بعض الاعمال الفنية المعروضة علي الشاشات :



** مسلسل السبع وصايا  واحد من اروع الاعمال السنة دي ويعيشك في جو ملئ بالغموض والاثارة والاناشيد الصوفية والمعجزات والخوارق ..العمل من تأليف محمد امين راضي ومن اخراج خالد مرعي وبطولة نخبة من النجوم الشابة..
مجموعة من الابناء بيحاولوا يقتلوا ابوهم وبعد ما يعتقدوا انهم قتلوه يرجعوا ما يلاقوش الجثة ويلاقوه ابوهم اختفي ثم يبدأ في الظهور ليهم تاني ويدي لكل واحد من السبع ابناء وصية لتنفيذها ..القصة ممتعة جدا وقريبة فقط في الجو الصوفي من مسلسل "الخواجة عبد القادر" اللي كانت من تاليف الرائع عبد الرحيم كمال..



** مسلسل دهشة وعودة مرة اخري للاقتباس من الاعمال العالمية زي ايام زمان والدراما العظيمة ايام زمان اما كانت السينما في مجدها وكان في اعمال كتير جدا مأخوذة عن روايات ومسرحيات ومنها علي سبيل المثال "زوجتي والكلب" مأخوذة عن "عطيل" لشكسبير" 
وفيلم "خرج ولم يعد" المقتبس عن رواية "براعم الربيع"
وطبعا "الاخوة الاعداء" المأخوذ عن رائعة ديستويفسكي "الاخوة كارامازوف"  والكثير من الاعمال العربية في زمن الفن الجميل وطبعا الاعمال السينمائية المأخوذة عن روايات لاحسان عبد القدوس ونجيب محفوظ ويوسف السباعي وطه حسين وتوفيق الحكيم وغيره من العمالقة كتير جدا جدا.

مسلسل دهشة بيعود بنا لزمن الاقتباس من الروائع وهو عن رائعة شكسبير "الملك لير" وكمان الموسيقي المدهشة لعمر خيرت بالاضافة لتمثيل يحي الفخراني يعني وجبة كاملة درامية دسمة يعني في عمل واحد "شكسبير يقابل عمر خيرت في رمضان" ياللروعة.




** مسلسل" سرايا عابدين" عمل تاريخي عملاق بتكلفة حوالي 150 مليون جنيه ..عمل متخم بالنجوم العملاقة زي يسرا ونيللي كريم وغادة عادل وانوشكا ومي كساب وداليا مصطفي ومعهم قصي خولي والمخرج المتميز عمرو عرفة.

العمل بيحكي قصة الخديوي اسماعيل وازاي كانت مصر في عهده ..ممكن تشوف العمل من زاوية انه تقليد لحريم السلطان وممكن تشوف انه رد سياسي علي حريم السلطان بمعني ان حريم السلطان بيوريك عظمة العثمانيين وسرايا عابدين بتوريك عظمة مصر في عهد اللي ثاروا علي العثمانيين يعني بداية من ايام محمد علي ومن تلاه .




**مسلسل "امبراطورية مين" عمل متميز جدا من تاليف غادة عبد العال وبطولة هند صبري ..في العمل ده بيوريك ايه اللي حصل من تغيرات في المجتمع المصري بعد 25 يناير في قالب كوميدي ..هند صبري في المشاهد اللي بتقعد وتحكي فيها للكاميرا كانها بتكلم المشاهدين بتفكرنا بالجو بتاع "وودي الان" في افلامه وهو بيكلم الجمهور وبيسخر من بعض العادات في مجتمعه او بعض المسلسلات الامركية اللي كانت بالطريقة دي برضه زي مثلا
The Bernie Mac Show

المسلسل لذيذ جدا ويستحق المشاهدة.




** مسلسل "السيدة الاولي" من بطولة غادة عبد الرازق وممدوح عبد العليم وانوشكا..ومن اخراج محمد بكير..العمل ده في مجمله بيرجعنا لقصة الفيلم العبقري وواحد من اشهر افلام هوليود في تاريخها
all about eve

من خلال توغل غادة عبد الرازق في حياة انوشكا وزوجها في مخطط واضح للاستيلاء علي مكانها وحياتها وزوجها ..غادة عبد الرازق دايما بتعرف تختار اعمالها كل سنة ودايما نهاية المسلسل بتكون مفاجاة للجميع.



** موسيقي الاعمال السنة دي كتير منها متميز وخصوصا هشام نزيه والموسيقي بتاعته في مسليل السبع وصايا واختلطت الموسيقي بالاناشيد الصوفية والاشعار الرائعة لمحي الدين ابن عربي واحتار الناس في تفسير كلمات الاغنية في المقدمة لدرجة ان الفنان صبري فواز نشر علي صفحته الكلمات للشاعر الصوفي محي الدين ابن عربي وقام بتفسيرها .

وموسيقي عمرو اسماعيل طبعا تطل علينا في مسلسل الاكسلانس ومعاها كمان موسيقي العبقري عمر خيرت في مسلسل دهشة ..ودول افضل تلاتة ممكن تسمعهم السنة دي في موسيقي الاعمال .


** مش دايما نجوم الشباك بيكونوا هم الاقوي في رمضان ..طبعا يحي الفخراني بادائه المتميز حاضر بقوة وكمان نيللي كريم في سجن النسا ولكن معاهم نجوم تانيين تعود بقوة لادوار كانها ادوار بطولة بحضورهم الطاغي في المسلسلات ومنهم حنان سليمان في مسلسل ابن حلال في دور الزوجة المعذبة من معاملة زوجها .. ومعاها محسن منصور اللي عامل دور ولا اروع كزوج لنورهان بيكره خلفة البنات ومش عارف يوازن بين متطلبات عمله وبين متطلبات اسرته ولا توازن نفسي ولا ذكاء عاطفي وده من اجمل ادواره علي الاطلاق.. في نفس المسلسل ومحمود الجندي طبعا حاضر بكل قوته كزوج متوحش وقاسي لحنان سليمان  في مسلسل ابن حلال وكمان شدني جدا اداء احمد فؤاد سليم في اكتر من عمل السنة دي.

مسلسل ابن حلال كان عليه كلام انه قصة حياة قاتل بنت ليلة غفران لكن تم نفي الكلام ده من نجوم المسلسل.


** اجمل اغنية تتر اكيد الشعر الصوفي في السبع وصايا وكمان اغنية اصالة في مقدمة "السيدة الاولي"


**عجبني اعلان البنك الاهلي في فكرته ومعاه اعلان ماونتن فيو واستغربت جدا من هاني رمزي في اعلان قطونيل وشايف ان اعلان ميجا كوكيز شطح منهم شوية يعني مش شايف فكرة ولا كوميديا في الاعلان لانه فقد العنصرين مع بعض.


دي بعض الملاحظات علي بعض الاعمال اللي عجبتني السنة دي ومع الوقت ومرور الحلقات بتبان ملامحها اكتر وفي انتظار المفاجأت في نهاية المسلسلات لان في مسلسلات ما بتظهرش قوتها الا اما يمر عليها اكتر من 15 حلقة وده حصل في مسلسلات كتير قبل كده ان المسلسل يكون متميز لكن نهايته تخليه من افضل الاعمال في سنة عرضه وشريف منير عمل كده في اكتر من عمل في اعوام سابقة.

خطوات برنامج "اوباما كير"..كيف نستفيد من التجربة الامريكية في القطاع الصحي

كتبت من فترة عن التجربة البرازيلية وازاي اي رئيس مصري قادم ممكن يستفيد بيها ودلوقتي عايز اوضح بعض ملامح التجربة الامريكية في القطاع الصحي وازاي ممكن تدينا العديد من الدروس نستفيد بيها في مشوار ومسيرة مصر القادمة .




عن المنظومة الصحية واوباما كير ورئيس مصر القادم اتحدث :

وزارة الصحة في مصر هي دائما ما تكون من اسوأ الوزرارت وده بسبب التقصير وكمان عدم توفير الدولة امكانيات لها من الميزانية وتخصيص الجزء الامثل من الميزانية للنظام الصحي المتهالك في مصر.

ممكن هنا نشوف اللي بيحصل في امريكا الفترة اللي فاتت في المنظومة الصحية ممكن نتعلم منه دروس كتير تفيدنا ..حكاية عجيبة غريبة من اولها لاخرها وكل يوم فيها تطورات للي متابعها من اولها.

ايه الموضوع باختصار ؟ :

** اوباما كان عايز يعمل برنامج اسمه "اوباما كير" للتامين الصحي علي كل مواطن امريكي.

** طبعا اوباما من الحزب الديمقراطي فاستغل الحزب الجمهوري الحكاية دي وبداوا في اشعال الحرب علي اوباما في التصويت علي المشروع في الكونجرس وكمان ساعدهم بعض الديمقراطيين نفسهم في التصويت بالرفض للمشروع

** الموضوع بعد كده اتطور لمحاولة ايجاد خلل دستوري فيه من الجمهوريين ولكن المحكمة العليا الامريكية اصدرت حكمها التاريخي بمشروعية اوباما كير وتنفيذه.

** ساعتها مايكل مور مخرج ومؤلف الافلام الوثائقية الشهير صاحب فيلم "سيكو" كان فرحان جدا علي التويتر وبيقول ده انتصار للارادة وللشعب ولكن دي لسه اول خطوة .

** مايكل مور كان اصلا معارض بشدة للنظام الصحي في امريكا في فيلمه التسجيلي وكان بيصفه بالفضيحة وبيقول ان ملايين في امريكا مش بتتم تغطيتهم بالتأمين الصحي وكان مبهور بالنظام الصحي في كندا وانجلترا تحديدا .

** كانت تحليلات كتير بتقول ان الجمهوريين رافضين بسبب فساد البعض منهم ومصالحهم الشخصية مع شركات التأمين الكبري في امريكا.

الدرس الاول من الموضوع ده : ان الحرب دي كلها الدايرة والقصة اللي مستمرة من سنين عشان صحة المواطن الامريكي وهنا مافيش اي خطوات تقريبا بتتاخد عشان صحة المواطن المصري ولو خطوات بسيطة حتي ولو حتي نشوف حرب دايرة ونساند طرف فيها ..لكن هنا كان الصحة مش قضية اصلا ولا مهمة للأسف من سنين طويلة وياريت الرئيس القادم تكون دي قضيته الرئيسية.

الدرس التاني : ان وزيرة الصحة الامريكية استقالت ..تخيل.. اي والله استقالت عشان البداية الخايبة للمشروع وكمان من احد الاسباب الموقع علي الانترنت التعبان وعدم التنظيم الكفاية وان الناس مش عارفة تسجل ع الموقع :) شوفوا مواقع الحكومة المصرية والخطوط الساخنة بقي :)

الدرس التالت: وضع شعار لحلمك عشان تمشي عليه ولو بعد حروب طويلة..دلوقتي اوباما بعد ما بدأ في مشروع اوباما كير دخل علي مشروع جديد بقي وحطله شعار اسمه 10.10 لرفع الاجور للمواطن وقال حان الوقت الان لرفع الاجور للجميع


الدرس الرابع : اتفق او اختلف مع سياسات اوباما الخارجية انما استفيد من سياسته الداخلية يعني خد الايجابيات وسيب السلبيات حتي لو من عدوك .

الدرس الخامس : يكفي انك تشوف التصريح ده فقط لاوباما وهو بيتكلم عن صحة المواطن الامريكي وهو بيقول

" في الدولة الاكثر ثراءا علي سطح الارض لا يجب ان يفلس احد لانه مريض"


فعلا ياريت تكون دي خطة رئيسنا القادم حتي ولو يتغيير كبداية في المنظومة الصحية

رسالة من الأمير عبد القادر الجزائري للمتاجرين بالاديان.

واسيني الاعرج كاتب وروائي جزائري من الطراز الاول..اسلوبه العميق وكلماته الرشيقة هم السر في كل رواياته ..من اجمل الاعمال اللي كتبها واسيني الاعرج رواية "كتاب الامير"..

الكتاب بيحكي عن الامير عبد القادر مؤسس الدولة الجزائرية وكان قائد المقاومة ضد فرنسا في فترة نابليون ..

الامير عبد القادر رجل حكيم ومقاتل وصوفي..الرواية بتحكي قصة حياته في شكل سلس ورائع وبتعرض اهم الفترات في حياته من قبل ما يبقي امير علي البلاد والصراعات اللي حصلت بينه وبين القبائل الاخري نتيجة معاهدة عملها مع الفرنسييين ..وهنا ظهر دور التجارة بالدين من القبائل المختلفة وبدأ الطمع في الامارة يدب فيهم باسم الدين رغم ان عبد القادر وضح ليهم كتير انه عمل كده من اجل الاستعداد للحرب وطرد المستعمر ولكنهم اصروا علي النزاع مع اميرهم علي اساس انه خائن لبلده ومتحالف مع الفرنسيين وده طبعا غير حقيقي تماما .


كانت المعاهدة اسمها "دي ميشيل"  كان الغرض منها بالنسبة لعبد القادر تنظيم صفوفه للاستعداد للحرب ولكن الفرنسيين نقضوا المعاهدة وتنكروا لها وفي نفس الوقت واجه عبد القادر كمان نزاع داخلي من قبائل البلد واصبح الوضع صعب جدا وتم تكفيره ايضا من بعض القبائل !!

وتحكي الرواية ايضا قصة الصداقة والتقدير بين اسقف الجزائر  والامير عبد القادر عندما وقع في الاسر وسعي "ديبوش" اسقف الجزائر لتبرأة عبد القادر بشتي السبل ووجد فيه الحكمة ورجاحة العقل اثناء حوارهم المتكرر في مكان الأسر.

والرواية التي تستعرض حياة الامير غنية بالحكم والمقولات التي تعتبر درسا ووعظا للمتشددين في كل مكان وزمان والمغالين والمتطرفين وكانها تناسب هذا العصر تحديدا والايام التي نعيش فيها التي شهدت تطرفا رهيبا لحق بكل انحاء الأمة  ومن هذه المقولات :


1-  عندما تم تكفير الامير من بعض المتطرفين والمتاجرين بالدين قال الامير في حزن :  "الذين وضعوني علي رأسهم تنكروا لي والذين وضعتهم باعوني .الاكثر من ذلك هم يكفرونني..التكفير في غاية الصعوبة والأهمية..يتهمونني بالتقاعس عن الجهاد وهل يعرفون ما معني ان نجاهد ونحن نواجه السيارة والالة الحربية..الله اعطانا عقلا للحفاظ علي انفسنا وعلي ارواح الاخرين ..الجهاد لا ان تحمل سيفا وتشهره في وجه اول من تصادفه..الجهاد ان ترفع سيفا عندم تنغلق في وجهك سبل السلم"

2- الامير عبد القادر : "الجهل اكثر خطرا من الاعداء الواضحين..الجه عدو مدسوس فينا يمكن ان ينفجر بين يديك في الوقت الذي لا تنتظره ابدا "


3- الامير عبد القادر يتحدث عن العدل في الدولة ويقول     "بدون انظباط لا يمكن للدولة ان تبني..ماهي واجبات وحقوق العسكري كيفما كان صفه عليه ان يعرف ان فوقه قانون ولايمكنه ان يفعل ما يشاء يجب ان لا يظلم وكذلك الا يظلم"


4- وعن حب الوطن والانتماء قال الامير عبد القادر :   "اقسي شئ في المنفي هو ان توت علي ارض ليست لك ولست لها ..لقد دفنت جزءا من عائلتي في هذه التربة وكم اتمني ان لا يدركني الموت الا وانا في ارض تمنيت الذهاب اليها "


5-" الانسان مثل الارض عندما تخسر ماءها وتدخلها المياه المالحة تتشقق وتشيخ "


6- وعندما حاول البعض اللعب علي وتر التكفير واتهموا الامير بانه يبيع دار الاسلام رد عليهم الامير هذا الرد الحاسم  "اما عن بيع دار الاسلام فطمئنوا سيدي الصافي وامامه بان دار الاسلام اكبر من الجميع ولها رب يحميها من كل تلف والا لكانت حروب الردة والمقايضون القدامي والجدد قد هلكوها منذ زمن بعيد "


7- ويتحدث عن الناس التي لا يهمها غير السلطة فقط لا غير ويقول عنهم  "ما هي هذه الاقدار القاسية التي تغير الناس بهذه السهولة..؟ منا لصعب الثقة في القبائل التي تلبس كل يوم عباءة جديدة..ثقة الناس بدأت تتناقص ويحل محلها شئ اخر ..المصلحة الصغيرة..السلطان يعمي الابصار "


8- وفي الحزم والشدة قال عن الخونة  "المرض العضال يستأصل ولا يرقع"


9- "بناء الدولة يحتاج الي حالة استقرار..ما تزال العصبية القبلية هي سيدة العلاقات وهي التي تحرك الناس مل واحد يظن انه سيد نفسه"

10- وهنا يوضح لماذا اضطر الي معاهدة مع العدو لأن ميزان القوة بينهم مختل     وقال  "الدين يجمع ولكنه يفرق ايضا..يوم وقعت المعاهدة مع دوميشال الكثير من ابناء جلدتنا وقفوا ضدنا بحجة المصالحة مع دار الحرب ..اية مصالحة عندما تكتشف فجاة انك تنام علي كذبة كبيرة اسمها القوة..وسائلنا مضحكة امام جبروتهم كل ارادات الدنيا لا تكفي..تذكر حماس محمد علي في مصر لقد ادرك في وقت مبكر ان عليه اولا اغلاق الممرات مع الباب العالي نهائيا وبدء التفكير في بناء دولة تتأسس علي العلم والمعرفة."


11- "الحرب ليست القوة فقط ولكن الحكمة كذلك عند الضرورة"


12-ومن احدي مقولات اسقف الجزائر في حوار بينه وبين الامير عبد القادر  عن من يظن نفسه يملك الحقيقة كاملة   يقول    "اليقين بامتلاك الحقيقة يعمي صاحبه ويقوده نحو الهلاك"


13-وقال الامير عن المتطرفين المتشددين  "هكذا البشر لا يعرفون ان الله الذي منح الروح وقدسها لايمكن مسها الا بالحق.أية قضية تساوي حياة انسان وعزته؟ كل الاديان فيها شئ من التطرف يؤدي الي هلاكها"


14-وقال عن من يعيشون في خرافاتهم كالعميان   "حجارة الصوان اهون لي من عقل متحجر يعوم في الخرافة"


15-"القادة الحقيقيون يعرفون في الازمات الكبري وليس في حالات السلم"



كتاب قيم جدا لواسيني الاعرج ملئ بالحكم وكأن الامير عبد القادر يعطينا دروس في حكم الدولة وفي نفس الوقت يوجه رسالة شديدة اللهجة للمتشددين وتجار الدين ومن يستعمل سلاح التكفير في كل وقت وحين..الامير عبد القادر رجل قلما جاد الزمان بمثله ومثال في الشجاعة والدفاع عن الوطن.