سوبرررررررر دالـــــي

عمو الدالي خطير ومعسل مثل عم بطاطا تماما ولكن الفرق بينهم أن عمو الدالي خطير جدا وعنيف جدا محدش يقدر عليه م الأخر ولا مافيا ولا شاي بالنعناع..

في مهمته الأخيرة وصل عمو الدالي الي "شونج بونج" التي استحوذت علي شبكة موبينيل الجديدة وكان هدف المهمة الجديدة الحصول علي القرد اللي بيتكلم لأنه حق لكل مصري..

وفي أثناء الرحلة انفجر اطار السيارة فوقف الدالي حائرا في الطريق ينتظر المساعدة وفي هذه اللحظة كانت الموسيقي اياها بتاعة الدالي شغالة طبعا..

وفجأة مر عليه رجل سمين جدا ويشر زبدة فسأله الدالي: ممكن تساعدني..؟
فرد عليه حسن حسني:انا مشواري طويل قوي لكن هساعدك..
الدالي:ليه رايح فين ؟

حسن حسني: رايح معسكر زبديات لأني خبير في الزبدة الفلاحي..

الدالي:طبعا اعرف انك ضليع في قواعد الزبدة الفلاحي لكن خد بالك من هالة بنت فاخر هناك..

حسن حسني: خد بالك انت من ولادك اللي نافخينك في المسلسل..

الدالي:يلا يومين وهيعدوا ويخلص ام المسلسل الهندي ده..

حسن حسني:انا خلصت اي خدمة تانية؟

الدالي: لا شكرا ...

ثم يغني الاتنين معا شعار الدالي.."وانا دالي وانا دالي وانا وانا.."



ثم يكمل عمو الدالي مشواره الغريب لشونج بونج ويصطدم فجأة بجسم علي الأرض فخرج الدالي مسرعا من السيارة ليجد لطفي لبيب

الدالي:ايه اللي جابك هنا

لطفي لبيب:انا مين ؟

الدالي:انت هربان من تامر وشوقية؟

لطفي:شوقية اه مراة ابني صح..ايه اللي جابني هنا؟

الدالي:بقولك ايه انا مش فاضيلك انا رايح مشوار مهم ومستعجل..



واثناء مروره علي بعض القري التي تسبق شونج بونج وجد جماعة منشقة هناك عن موبيبنيل وكلها خيم تسمي اتصالات..


الدالي:سلاموا عليكم فاضل قد ايه علي شونج بونج؟

رئيس القبيلة:فاضل خمسة كيلو ..انت فرعون مصري؟

الدالي:انا الدالي يعني لا حكومة تهم ولا مافيا تلم يا عين خالتك..

رئيس القبيلة:واشمعني خالتي؟

الدالي:بص لو جبتلك وائل جسار يغني لك المقدمة حالا هاروقك ..

رئيس القبيلة:مصري غريب وكوول جدا..احنا منشقين عن شونج بونج لانها كلها موبينيل واحنا كلنا اتصالات وزي ما انت شايف كل الناس ماسكة بقها تمارين اهو..

ومر الدالي علي الخيم كلها فوجد كل الناس بتتدرب تمارين اتصالات للبق..



وفي اثناء الرحلة اشتغلت موسيقي الدالي مرة أخري لتشتغل الجمهور وانفجرت السيارة ولكن خرج الدالي سليما تماما ..وحصل فيضان اثناء مروره ولم يغرق الدالي..وبركانين ولم يحترق الدالي..

وخمسة زلازل وتوابعهم ولم يسقط الدالي..حتي تفاجأ الدالي بشخص يحاول أن يقتله من الخلف عندما وجد الليزر الأحمر فوق ملابسه فألتفت فجأة ليتعب من المفاجأة كما قال الشاعر..
وجد خالد الدالي حيا ويحاول ان يقتله ..وفي اثناء خروج الطلقة من البندقية الليزر انطلق الدالي كالخرتيت السريع وهشم انف خالد الدالي ونظر اليه قائلا"المرة دي محدش هيقدر يسبق سعد الدالي"

نظر خالد الدالي اي سعد الدالي وقال:حرام عليك سامحني انا غلطت في حقك بس ارجوك سيبني

الدالي:انت يا خالد اللي زيك لازم يتربوا ..وعقابا ليك هأعلقك من قفاك في الشجرة دي وهأجيب سميرة أحمد تديك حكم المسلسل بتاعها والمثاليات بتاعتها..


خالد الدالي:لااااااااااااا سميرة أحمد لا حرام عليك طيب اقتلني ..اقتلني يا سعد


وتدخل سميرة أحمد:يا خالد يا يابني احنا اتولدنا في الحياة دي عشان..عشان....

وانتحر خالد الدالي من أول جملة ولم يستحمل أسلوب سميرة في الكلام..


وعندما دخل الدالي المدينة وجد عقبات كثيرة مثل كمية التماسيح والأسود في الشارع الشنبونجي ولكن الدالي لم يسكت وفتح الجاكيت ليخرج كلاشينكوف واربع قنابل دخان..
وبعد ما تخلص من كل العقبات لم يجد أمامه إلا "تقفيلة اللعبة"..عزت أبو عوف زعيم المافيا..


الدالي:مستر عزززززززت..

عزت:"يضحك ضحكته الغريبة ذات الصوت الأجش"..

الدالي:انت جاي تاخد القرد قابلي؟

عزت:القرد اتشحن علي مصر يا معلم وسبقتك خلاص..

الدالي:هاهاه انت لسه متعرفش سعد الدالي القرد مش هيدخل مصر الا باسمي ..

عزت:انت فاكر نفسك سوبر مان؟

الدالي:لا انا الدالي مان وعملتها معاك خلاص ..

وتشتغل موسيقي الدالي الحمضانة تاني عشان يقول الدالي اي هبل في الجبل..

الدالي:انا غيرت التصريح بتاع خروج القدر وبقي باسمي ..وسافرت مارسيليا لجمعية الحفاظ علي القرود عشان اكتبه باسمي ..وغيرت تاشيرته في المطار ..وخدرته وحطيبت واحد تاني مكانه بأسمك..
وحطيت معاه كوكايين وبودرة عشان اوديك في داهية..وسافرت النرويج استحمي من التعب والمجهود وبعدين رحت قبرص العب بولينج ورجعت هلكان ع البيت لقيت هبة بنتي حامل اصلها اتجوزت عرفي..

عزت:لا واابنك مبيعرفش يخلف كمان..

الدالي:يا راجل؟

عزت:وحياة امك ..وادي تقرير الداية اهو بيقول انه قطع الخلف..تلاقيه من كتر سفرياتك المعفنة..

الدالي:المهم ايه رايك في اللي عملته فيك؟

عزت:ده انت داهية..يا سوبر دالي..بس النرويج حلوة؟

الدالي:احلي دش واللهي..

عزت:دهدي دهدي..

الدالي:في زعيم مافيا يقول كلمة فلاحي كده..

عزت:طيب ما انا قولتها في المسلسل واديت المشاهدين علي قفاهم..

الدالي:علي رايك ..وانا غيرت تصاريح المستشفي في لندن وزورت في مارسيليا ولا حد قاللي حاجة ده انا الدالي ياد..

عزت:من ساعة ما جه الجزء التاني لمسلسلك واللهي بطلت اتفرج علي ظاظا وجرجير وتابعتك انت..مع ان ظاظا وجيرجير أوقع كتير..

الدالي:يا نهار ابيض ده زعيم شونجبونج جاي علينا بجيشه..فلق يا عم الحاج من هنا..

عزت:ايه يا دالي الجبن ده..فين سوبر دالي..

الدالي:وقت التحول..


ويتحول الدالي فجأة لشخص بخمسة رؤؤس وايادي متعددة ليضرب القبيلة
ويكتب المخرج الي اللقاء مع الجزء الثالث..