ثـلاثـة اميـال فـردوسـيـة

فردوس..أنهار خمرية..وعنب مقطوف..
منثور هذ العنب المذهل كعناقيد الذهب علي الأرض..
أشجار الأساطير في كل مكان..
ونساء من لحن الحور تذهل حتي الأشجار..
وتحت الأرض عالم أخر..
رعد ودخان وتعاويذ ومساجين..

لو ننزل أكثر..
تجد الغربة والوحدة والدهشة في حوار سري مغلق..
ثم تجد الناس تتصنت خلف الباب علي هذا الحوار..

ننزل أكثر..
تجد ملاعق ذهبية تقلب في فناجين القهوة لفلاسفة ومجانين..

ننزل أكثر..تحت الأرض..
تجد ملائكة تحمل دعوات العشاق..
وكيوبيد يتثائب من كثرة ما تكرر هذا المشهد..
ويحمل كل المشهد هذا يد بيضاء تخرج من صفحات كتاب ضخم..
في اول صفحة..تأمرنا بأن ننزل أكثر..

ننزل أكثر..
نجد خرير الماء كعزف الفيولين ورائحة الزهر كما العنبر والمسك..
ننزل أكثر..
نجد فراشات ترقص مع بتلات الزهر ويحاورهما الندي بلغة النهار..
ننزل اكثر..
نجد الأبدية او الخلود كما عصفور ترك العش ليبحث عن حرية..
ننزل أكثر..
نجد الحرية..وحوارات جدلية في بحر مائج وزحام..
ننزل اكثر..
نجد اللافتة البيضاء..بحور الشعر بعد ثلاثة اميال فردوسية..
ننزل اكثر..
بدأ النثر يدغدغ في مشاعرنا ..
يزأر أسد يحرس قفص ذهبي..
نقف هناك ولا ننزل أكثر..

ما هذا كله؟
ماذا يحدث؟

هذا الأسد يحرس قفص ذهبي..
داخله..
قلب لا يستطيع الإعتراف بحبه..
ليصل لأول سطر..
ليصل الي الفردوس الأعلي ..

طبقات الأرض مكتوب عليها..
زلزلة الحب الأول..

احمد خالد توفيق..الاكذوبة والحقيقة عن فيلم بنجامين

يا شعب مصر وحياة ابوكم كفاية تأليف..ارجوكم كفاية تأليف وفبركة جرايد وانترنت وحكايات وأي كلام وحياة ابوكم كفاية

من فترة طلع خبر عندنا في مصر طبعا الوهم المصري كالعادة ان احمد خالد توفيق كان كاتب قصة شبيهة بقصة فيلم بنجامين بوتون والمشكلة ان بعض الناس صدقت بجد ودي الكارثة الكبيرة وجائت الحقيقة مش بس عشان تسكت الناس لأ ده كمان تفضح احمد خالد توفيق باشا اللي لو هو كاتب قصة شبيهة يبقي هو اللي سارقها لأن الأصل مكتوب سنة 1921 عن قصة قديمة جدا وهما معترفين بكده علني لكن المصري هيفضل مصري

معقول لسه فاكرين انهم هياخدوا مننا حاجة يا بتوع اللمبي ولا هيبصوا لأفلامنا اصلا ولا لقصصنا المكررة
لأ وكاتب ايطالي كمان طلع يقول ان نفس القصة دي هو كتبها سنة حاجة وخمسين وكان رافع قضية ع الفيلم لحد ما عرف الحقيقة واتكتم خالص ان الفيلم من قصة سنة 1921

يا شعب مصر يا جريدة الدستور يا كل مصري كفاية بقي اي كلام من غير معلومة لأننا اما بنعرف المعلومة الحقيقية بنرجع نقول ياريتنا ما قولنا كلام غلط

طيب احمد خالد توفيق كاتب كويس علي راسي انما ارجوكم متحاولوش تجيبه الغرب واسمه في جملة واحدة عشان لو مكنتوش قريتوا اقروا ولو مشوفتوش قصص عندهم شوفوا وبعدين نقول من هو الأفضل ومن يقدم قيمة حقيقية ومن هو الحلقة الأضعف
يا عم احنا والغرب لكم دينكم وليا دين في كل حاجة ثقافة وفن وادب وكل شئ فبلاش نربط شان مصلحتنا بس لاننا لو هندخل المقارنة هنبقي اضحوكة حقيقية

احنا عارفين ايه مشكلتنا مع احمد خالد توفيق وغيره في مصر اننا في عصر عاجز جدا عن تفريخ المواهب كل فين وفين اما بيطلع واحد زي علاء الأسواني اللي بقالنا ييجي عشرين سنة ندور علي واحد زيه طبعا بصرف النظر عن كبار الكتاب زي الغيطاني وغيره ولكن القصص والروايات بقت قليلة وتقريبا مافيش اجمد من سلاسل احمد خالد ونبيل فاروق انما برة كمية السلاسل الشهرية اللي بتنزل اللي هي زي قصص احمد خالد يعني شهريا كده بجد بالهبل والمقارنة علي ودنها واللي عايز يطلع اكتر لأول معلومة يدخل علي

http://en.wikipedia.org/wiki/The_Curious_Case_of_Benjamin_Button_(film)

هيلاقي القصة الاصلية للفيلم بنجامين من العشرينات

واللي عايز يعرف عن القصص الامريكية اللي يتنزل شهريا يدخل علي موقع اي دور نشر امريكي وهيشوف الكم الحقيقي اللي انا اتخضيت اما عرفت انه بينزل شهريا

وياريت جرايدنا تبطل تبث في الناس روح مش بتاعتنا او كلام للاثارة وخلاص

الجواز والعالم

كنت بلف ع المتديات كده من فترة وعجبتني بعض الأقوال عن الزواج قلت انقلها لكم طبعا انا مع كل هذه الأراء ههههههه:


بين كل الامور الجدية , يبقى الزواج اكثرها هزلاً
بورماشيه

من نتزوج لا اهمية له , ففي صباح اليوم التالي نجد دائماً اننا تزوجنا شخصاً اخر .
صموئيل رودجرز

تقلق المرأة على المستقبل حتى تجد عريساً , في حين ان الرجل لا يقلق على المستقبل الا بعد ان يجد زوجة .
برناردشو

لكم انا سعيدة لانني لست رجلاً , فلو كنت رجلاً لاضطررت للاقتران بامرأة .
مدام دوستال


لا تطلب الفتاة من الدنيا الا زوجا، فإذا جاء طلبت منه كل شي
شكسبير

اننا نتزوج لنسعد الاخرين لا نسعد انفسنا
بيكر ستاف

النساء يلهمننا أشياء عظيمة، ويمنعننا في ذات الوقت عن تحقيقها
دوماس

أصابني سوءالحظ مع كلتا الزوجتين، الأولى تركتني بينما الثانية لم تفعـل
باتريك موراي

السؤال الأعظم الذي لم أكن قادراً على الإجابة عليه, هـو ماذا تريد المرأة؟
سجموند فرويـد

لا أخاف الإرهاب, فأنا متزوج منذ سنتين
سام كينيسون

هـل تعرف ماذا فعلت قبل الزواج,
كـل شئ أردت فعـلـه
هنري يونقمان

هناك طريقة لتحويل الأموال أسرع حتى من الوسائل الإلكترونية, هذه الطريقة تسمى الزواج.
جيمس هولت مكافران

يتزوج الرجال الاشراف سريعا اما العقلاء فلا يتزوجون ابدا
سرفانتس

رايى فى الزواج ان تتزوج كل النساء والا يتزوج جميع الرجال
اوسكار وايلد

الزواج هو الحرب الوحيدة التي يعيش فيها الرجل مع عدوه تحت سقف واحد .

هيني يونج مان


القصص القادمة والكلمات هي جمل شائعة وأقوال معروفة وامثال او طرائف لذلك تذكر بلا مصدر

الزواج قلعة‏:‏ من فيها يريد أن يخرج منها‏,‏ ومن خارجها يريد أن يدخلها‏!‏

‏*‏ الزواج هو فرصتك الوحيدة لكي تعرف ما نوع الرجل الذي كانت تفضله زوجتك‏!‏

العروس ترتدي فستانا أبيض‏,‏ والعريس يرتدي بدلة سوداء ـ فهذا أسعد يوم في حياتها‏!‏

‏*‏ الفتاة تفضل ان تتزوج رجلا مثل والدها ـ وهذا هو سر بكاء الأمهات ليلة الزفاف‏!‏

‏*‏ لا نعرف معني السعادة إلا اذا تزوجنا ـ ولكن نكون قد تأخرنا كثيرا‏!‏

سأل طفل صغير والده فقال: ابي, كم يكلف الزواج؟
أجاب: لا أعلم يا ابني, لا زلت ادفع الثمن حتى الآن.

سأل طفل صغير والده
فقال: هل صحيح ان في بعض مناطق افريقيا لا يعرف الرجل زوجته الى أن يتزوجها؟
فأجاب: هذا يحدث في كل بلاد العالم يا بني.

فكر للحظة, لولا الزواج, لأمضى الرجال حياتهم دون أخطاء إطلاقا.

الرجل الأول: زوجتي ملاك.
يعلق الثاني قائلا: انت محظوظ. زوجتي لازالت حية.

علقت إحدى الآنسات اعلانا في لوحة الإعلانات كتبت فيه: مطلوب زوج.
في اليوم التالي استلمت مئات الرسائل كلها احتوت على نفس الإجابة:
يمكنك أخذ زوجي .

عـرائـس بـحـر الحـبر

رحال ما بين الحب وما بين مصيري..
وطوال الرحلة لا يعرف قلمي مصير السطر التالي..
هل يكتب للعشق !
هل ينتظر نفاذ الحبر لكي يخرج من وجعته !
هل يتحرك ليلا والناس نيام ليرقص كقصص الأطفال..!

أحاول أن أنظر فجأة..
لعلي أفاجأه وهو يتغني أو يبكي..
أو يكتب وحده ما يشعره ما بين أصابعي..

أحاول أعرف منه كثيرا عن نفسي..
عن كل حوارات الخنصر والبنصر..
عن ما يشعره بعد الليل الممطر وأصابعي المبللولة في ليلة عشق..
عن ما يعانيه وهو يغرس سنه في دمعي علي الأوراق..

أحاول أن أعرف أكثر عن مشاعر قلم..
للقلم شعور تدركه في لحظات الحب..
تعرف كيف يحن الي الحرف القادم..
أو كيف يصاحب حرف الحاء وحرف الباء..علي أول سطر..
أو كيف يضحي بدفقات الحبر في سبيل الحب وهو يعرف ..

للقلم روح ومصير..
للقلم لحظات سعادة وحزن..
لكل قلم عاشق ولكل عاشق قلم..

نقطة ومن اول سطر..
تجعله اميرا في مملكة الجنة البيضاء..الورقة..
تظن بأنك ترهقه حين تضع رأسه علي هذا الفل الأبيض..
لكنه يتنعم باللون الأبيض..
يعرف اكثر عن شخصيته حين يصب شعوره علي هذا الظل الأبيض..
يعرف وطنه لأول مرة ويعرف لغة يكتبها..
الورق المهد..
الورق العمر ..الورق اللحد..
بالنسبة الي قلم عاشق..

احيانا يغتر..
يشعر انه اعطي كثيرا ..ويريد بان يلهو قليلا..
يلهو مع عرائس بحر الحبر..
مدينة العاب مائية هذا الحبر ..لكلمات العشق وحمي الاشواق..
والورقة..
مدينته الفاضلة ..عنوانها الأبيض..وقلبها من قلبه..

عذرا..
قلمي الأن يحاول أن يقص عليا حكايته بالأمس..
دعوني أسمع منه..
وأعود..

عجيبة يا مصر يا أرض النعم

حدثت هذه الأحداث لي في اسبوع واحد تقريبا جعلتني افكر بشدة في حال المجتمع المصري وفي نفسي وفي كل شئ لا يمكن ان تجتمع هذه الأحداث معا في فترة زمنية واحدة لأنها تصيب من تحدث له باحساس غير مألوف وغير مفهوم

اول حاجة حصلت..كان عندنا البنك الأهلي المصري في مدينتنا من أزحم ما يمكن 50 سنة وميعرفوش ان في حاجة اسمها رقم او نظام للدخول علي الطابور اللي واقف اللي بيتقسم لواحده رجالة وستات والراجل بيختار عشوائي
وتلاقي حاج عجوز وراك يقولك بص يا ابني انا هأقعد واحجزلي ..كلام زي الفل واللهي احنا في جمعية او تأمين غذائي مش بنك
المهم البنك دلوقتي دخلته من فترة لقيت اجهزة ومعدات ونظام جديد خالص وميكرفون بينادي الرقم عشان النظام ولكن للأسف برضه يبقي الحال كما هو عليه..لقيت واحد بيقول لواحد معلش خد رقمي اصلي مش من هنا ومسافر
والحاج العجوز بيقول لأي حد انه يبدل معاه التكيت وناس داخلة من غير تاكيت اساسا والراجل يقوله حضرتك معاك كارت يقوله كارت ايه؟مع انه واقف بقاله ساعتين والناس كلهم فيايدهم كروت يعني ملاحظش؟
المهم مافيش فايدة باظ النظام وشكله هيرجع للطريقة القديمة ..

تاني حاجة ..كنت نازل من بيتي لقيت المطافي بتخمس علي أول الشارع وبتقف بسرعة وواحد نزل وقالي:بقولك ايه يا اخ..
قولتله: ايوه قالي: هي فين الحريقة
قولتله وانا بضحك: حريقة؟
"طبعا انا ضحكت من منظره وهو ملهوف ع الحريقة شكله كان زهقان ونفسه في حريقة بقي"
قالي:واحد كلمنا وقال في حريقة هنا
قولتله: ممكن تكون اشتغالة
قالي:اشتغالة؟
قولتله:مخدتش العنوان بالظبط
قالي : لا هو قالي هنا كده
طبعا مسخرة ان جهاز المطافي بيجري ورا اي بلاغ بدون تاكيد ولا نيلة وده بيخلي الكل بيشتغله هو والأسعاف طول النهار يعني حتي مخادش العنوان بالظبط ولا العمارة انما اللي كلمه قاله في المنطقة كده بالتقريب وابقي تعالي دور ع الحريقة
ما اكيد هتشم دخان يعني ههههه..


تالت حاجة..دخلت مطعم مؤمن وطلبت اكل..وبعدين بقوله علي فكرة الساعة دي مش مظبوطة..قالي لأ تمام ..
قولتله يا عم لا والله دي مش مأخرة دقيقة دي مأخرة تلت ساعة..
لقيته بيلغوش ع الموضوع استغربت جدا..وبعدين واحد مشي من جوة وجه الراجل وقالي في السر كده "اصل احنا اللي عاملين كده عشان نروح بدري فلعبنا في السيستم بتاع الساعة الكبيرة اللي تبع مؤمن"
هي ساعة خاصة بيهم كده بتتظبط ع الكمبيوتر
وده يديك درس عن العمالة المصرية برضه ممكن يكونوا بيعانوا من الملل في العمل او الروتين بدون حوافز وكل همهم انهم يروحوا بدري ولو تلت ساعة


القصة الغريب بقي..كنت بسأل عسكري وانا في العربية في مصر ..بقوله :لو سمحت هي فين المنصة؟
قالي :منصة ايه؟
لا تعليق طبعا


اخر قصة..خدمة عملاء تي ايه داتا كانت مشغولة ...والله نكتة الموسم بكلم خدمة العملاء بيدي مشغول ..قولت يمكن في غلط عندي طلبت من المحمول مافيش فايدة
وفي الاخر سمعت صوت حطيت التليفون علي ودني بسرعة لقيته بيقول "عذرا الرقم المطلوب مشغول"
فإتأكدت انه مشغول ..وقعدت فاتح بقي ساعتين وباصص للسقف

عجيبة يا مصر يا أرض النعم

أحلام نجـــوم تــمطر

دعيني أقص علي أناملك البيضاء رواية عشق..
وأجالس في حضن يديك شموس وعرائس بحر..

دعيني أكون ربيعك..
كي أنثر فوق شفاهك سنابل بيضاء..
لا تطرح إلا أمانيها بأن تبقي..
أن تخلد..
كإبتسامة عليها..

دعيني أكون جنونك..
كي أكون فيكي علي طبيعتي..
فأنا المجنون الأول..
منذ عقود يتصارع في نفسي قابيل وهابيل..
بلا سبب..
ولا إمرأة جميلة..
والكهف حزين..والغربان هي أحلامي..

دعيني أكون غرورك..
أو "تايتانيك" الغارقة علي ريقك حين أموت..
لا أجد خشبة تنقذني ..بل أجد شفاهك !

دعيني أمزق كل دمائي لأفرشها سجاد أحمر علي كف يديك..
لإستقبال كبار الزوار..
"أنفاسي" و "قبلاتي"..

دعيني أصيب الموت بغيبوبة..
حين يستنشق فيا الحياة بعطرك ووجودك..
وأنساب علي خصلات شعرك كأحلام نجوم تمطر..

دعيني فقط والليلة..
أحضر للقمر كل "مضادات الإكتئاب"..
حين يخجل من صيغة جمالك..

ودعيني أحضر من جفنك عصيان مسحورة وأساطير..
كي أطير بمقشتي السحرية علي مدي جفنك وعيونك..
دعيني أحضر كل حفلات عينيك التنكرية..
حين تضعين عليها الأحمر والأزرق..
كي أتنكر في تلك الحفلات في صورة كيوبيد..

وأبلل من دمع عيونك أيامي..
كي أعرف كيف يكون الحزن هو الاجمل..

سأظل أحبك..
حتي تعلن الدنيا لحظتي الأخيرة..
وحينها فقط..
سأترك الدنيا..ولكن..
لتكمل هي الرســالة..

الله وكيلك بحبك

في الغرب يتم تقسيم الفن حسب المناطق..أو هكذا هو العرف السائد فمعظم المعجبين بالجاز من السود والبيض ايضا ولكن الأغلبية من السود..
ومعظم عاشقي البوب من البيض ..والراب يكون غالبا للنجرز في امريكا ولكن كل امريكا تعشقه ..وهناك الكنتري الذي يعشقه ايضا مناطق بعينها اكثر من مناطق
ولكن عندنا نوعين فقط هو الفن المحترم والفن الشعبي..وشعبي عندنا يعني الإسفاف وفقط الإسفاف والإنحطاط في الكلمة والإنحطاط..إلا بعض المطربين طبعا كانوا يقدموا فن شعبي محترم

ولكن ماذا لو قسمنا الفن عندنا لمناطق بعينها ..المشكلة عندنا ان عندنا ميت لهجة وميت طريقة في الكلمات..

سيكون هناك شريط كاسيت موجه لمحافظة الشرقية بعنوان "الله وكيلك بحبك "
وستكون اغاني الشريط كالتالي...
1/ مش أحب
2/ مش أقدر
3/ مش أكون عاشق
4/ مش أشوف غيرك
5/ مش طالباكي


ولو وجهنا بعض الألبومات حسب اللهجة لقري مصر فتكون اغنية شرين مثلا .."استبينا خلاص ودع الاخلاص "
بينما يغني هشام عباس " مش لادد عليا " بدلا من اغنيته "مش هاين عليا "

ولو ذهبنا لأصحاب محلات الطعمية فسيكون شريط حار جدا
البوم " قرص القلب "
1/ زيتك بقي حامي
2/ غيرلي طاسة الحب
3/ ع الفولة والقدرة
4/ عجن هوا قلبي

ويتم نشر الأخبار الفنية في القنوات كالتالي:

نجاح ساحق لألبوم " سلم كفنك يا حب " في الصعيد
وألبوم "المينا والمالح " يحقق مبيعات خيالية في دمياط
بعد تردد اصدار البوم "بموت في عماص عيونك " في مناطق العشوائيات
البوم "الاسطي اللانش " للبورسعيدية والسويس

والمفاجأة الكبري شريط خاص للرجال الاعمال مناسب لحياتهم بعنوان " الخدامة حامل "
واغانيه كالتالي

1/ الخدامة حامل
2/ أخون مراتي في التراس
3/ صفقة الحب القديم
4/اتيكيت قلب
5/ المال للرجال

وطبعاساعتها لازم قناة ميلودي تكسب اكتر لأن هيبقي في قناة لكل محافظة واولها ميلودي شرقية وهنسميها
"مش ميلودي "
وطبعا كويس جدا ان الفن عندنا شعبي وعادي بس .والحمد لله

بتــــاخد فـــيزا؟

المخرج المصري واعي وقدير لأنه مبيفكرش في اعمال تقع علي فاشوش زي تايتانيك والهلس ده انما كان كل همه انه يعمل اعمال مبتتفهمش زي يوسف شاهين عشان يبقي عبقري
او اعمال مفهومة بغباء زي اللي عمل فيلم "شيكامارا"..مافيش حياد..لأما تمشي في سكة يوسف شاهين يا تمشي في سكة شيكامارا والمشاهد واقع في النص

وانا من مكاني هذا علي الكرسي في اوضتي الضيقة الخنيقة وبشرب بريل عشان أسترجل بقول للمخرجين اعملوا ما بدالكم بعد ما شوفت أخر أفلام طارق علام
بقولهم "قفايا اهو" ..انا بقولكم اعملوا ما بدالكم يا جماعة أنا هفق..ومش عارف هفق بتتكتب كده صح ولا لأ..

طارق علام لو مثل في هوليود هيبقي رواية الجرايد الأمريكية والأوروبية كمان..لأنه فلتة
وتقدر تخمن ملامح وشي دلوقتي وانا بقول الكلام ده ..هتعرف اني كداب
المهم انا بقول للسادة المخرجين ياريت بس يبعدوا عن شوية أخطاء بتحصلش في هوليود:
أولا..ياريت اما واحد يرمي كرسي في الكلوب في فرح شعبي "وده مشهد حمضان في كل الأفلام "محدش يضرب اللي جنبه بدون سبب
يعني مش فاهم انا قاعد في فرح فواحد رمي كرسي علي ترابيزة بعيدة عني مثلا اقوم أنا ضارب اللي جنبي وكل الترابيزات تضرب بعض؟؟؟؟

ثانيا..في الأفلام التعبانة اللي العربية بتبوظ فيها الفرامل ياريت يعني بعد اذن السادة المخرجين يوضحوا ان العربية اكيد هتقف بعد شوية
مش هادنها ماشية والراجل اللي سايق بيتشنج ومش عارف يتصرف.ليه يعني الأسفلت بيزحلق مثلا ولا ده في اطار السياق برضه؟

ثالثا..مش لازم كل ما تحط قنبلة في عربية اللي جوة يسمع زمارة قبلهابكل سذاجة عشان يخرج في اخر لحظة ..

رابعا..مش لازم في كل أفلام عادل امام يضرب واحد علي قفاه او علي وشه والراجل ساكت لأن دي أوفر شوية ولو حد حاول يطبقها هيطلع تيت أهله..

خامسا..مش لازم تربط كل الأفلام الكوميدية الهلس بقصة بتزيد من هلسها ..يعني متقوليش اللمبي كان عنده هدف..وبوحة كان عبقري..وعوكلو بيصلح اي عربية لوحده بدون مساعدين
وعايزني اصدقك..معني كده ان كل المصريين مافيش منهم اتنين..

سادسا..عدم الاستعانة بكل من يرد أسمائهم في أفلام مرة تانية...
طارق علام/سعد الصغير/علاء مرسي/محمد نجاتي/محمود عبد المغني/ادوارد/طلعت زين
وغيرهم بس دول علي رأس القايمة..

وبعدين الهند خدت أوسكار لوقتي وعندها رصيد احنا امتي هناخد أوسكار..ولا هو هييجي عندنا برضه وف تاكسي؟؟؟
بقالنا كام سنة في صناعة السينما مش عارفين نعمل فيلم يعجب هوليود؟؟
المشكلة الوحيدة اننا بنعمل فيلم كويس بس بخامة رديئة..نفس الفرق بين "قلبظ" و "لايز" الأمريكي..هي كلها مأكولات اه بس أكيد هتحس بالفرق..

قلبظ حلو فعلا لكن في حاجة غلط متفهمش هو ليه الكراتيه المصري عندنا زي قلبظ والحاجات دي وهريدي وكده كل ما تفتح كيس عايز تضرب التاني
وأحيانا بتلحس صوابعك هما بيحطو فيه ايه؟؟

هو ده الفيلم المصري ..عشان تحس بالاشباع لازم تضرب حداشر فيلم كده ع السريع أو ع السخان زي ماالبسة بيقول..
واحد من اللي ميعرفوش البسة دلوقتي هيقولي البسة مين؟هقوله يا عم انت مالك..انا بكلم نفسي ..
انما الفيلم الأمريكي الواحد يشبعك يوم كامل دراميا وقصة وكل حاجة..
وهو ده الفرق بين التعليم المصري والأمريكي برضه علي فكرة يعني انا بحاول ادرس نظام امريكي مثلا عرفت دلوقتي اني زي ما بيقولوا كلمة "حيزابون" أو ".....لانشون" برضه زي ما سمعتها من البسة..اكيد انت عارف يا بسة انا قصدي ايه..هههههه

يعني لو كنت يا سيادة وزير التعليم من الأول مكنتش قعدتني جنب حيرم كان ممكن انجح في النظام الأمريكي ده..انما انا قعدت جنب حيرم وشميته كمان..
وارجوكم محدش يسألني عن الموضوع ده لأنه بيجبلي احباط..
ومكنتش يا سيادة الوزير أكلتني من التغذية بتاعتك وبالذات المربي القذرة اللي بيتجيبها اللي شركة فيتراك بريئة منها ..
ولو كان عندك فكر يا سيادة الوزير مكنتش ادتني جولوجيا في الثانوي وانا داخل تجارة انجليزي..استفدت ايه بدراسة علم طبقات الأرض؟
ومكنتش خلتني احفظ القصة في الانجليزي يا سيادة الوزير علي فكرة مافيش حد بيحفظ قصة خد في بالك يعني..
وبعدين اتخرج وعايزني اخد زمالة ..علي رأي عادل امام في الحالة دي"الدين بيقول ايه؟؟"
واحد بقي فلحوس هيقولي بس انت شربت من نيلها..هقوله زي ما قال احمد مكي "بتاخد فيزا؟؟"
هو نفس الفرق واللهي حاسس اني اتعلمت تحت ايد السبكي ودلوقتي هأمثل مع كاميرون دياز.طيب ده ينفع..؟
وبعدين هو انا لو كبرت بقي واغتنيت وكده وبقيت زي الدالي هشاور علي صورتي مع حيرم وهأقول "انا ابتديت كده؟؟"
واللهي بداية صعبة جدا اصعب من الدالي كمان هو عمره مقعد مع حيرم حتي..
وبعدين هو مخدش في الثانوية العامة مادة كهربا انا خدتها وكان سؤالي المروحة مبتشتغلش ليه..قولتله الفيشة متشالة قالي صح..
جالي بعدها مرض السخام بعيد عنك..ولساني دلدلت من لاغاليغها لو كنت كاتب الكلمة صح..
كانوا بيخيرونا دايما تاخد كهربا ولا زراعة البنات اقتصاد منزلي عشان كده زي ما انت شايف بناتنا في الطبخ ما شاء الله حاجة...ولا بلاش
اخر كلام انا مرة كنت بكلم واحد امريكي علي نامنا المصري في التعليم وحكيتله علي حيرم كمان وعلي مادة الكهربا..
قالي تلات حروف كده لسه فاهمهم قريب قالي
wtf
المهم فهمتها دلوقتي والحمد لله واللهي عنده حق الراجل..

فريق وسط البلد ونظرية الغريب

كنت بشوف من كام يوم برنامج "امريكان ايدول" وهو برنامج لإكتشاف المواهب زي البرامج الفاشلة اللي عندنا زي "ستار ميكر"مع الفارق الرهيب طبعا
المشكلة عندنا اننا في مجال الطرب داخلين علي مرحلة جديدة جدا وللأسف هتبقي كارثة طربية وده طبعا لدخول نظرية "الغريب " علينا.
دلوقتي ومن هنا ورايح سمحنا للغريب يدخل علينا ونقول ده فنان بداية من جورج وسوف لحد العسيلي ووسط البلد الله يحرقها أصوات.
ميزة البرامج الغنائية الأمريكية انها بجد بتدور علي سيلين ديون جديدة او ماريا كاري جديدة ومبينجحش فيها الا الصوت الرهيب
انما احنا بينجح عندنا امثال شاهيناز وايساف اللي لو دخلوا برة يتحدفوا بالصنادل
بشوف اصوات جميلة جدا في البرنامج الامريكي ده وتلاقي الراجل يقعد يألس عليه ويبهدله ويقوله انت مش مخلوق للطرب
قولت امال لو جورج وسوف قدم هيقولوله ايه ولا فريق وسط البلد
حكاية واسطورة الشخص الغريب دي مش موجودة عندهم..هتقولي يعني ايه الشخص الغريب..يعني مثلا محمد منير
مع ان اغانيه حلوة بس ده ممكن جدا كان مينجحش برة لأن كل ميزته هي كلماته الغريبة وهناك زي ما احنا عارفين كل كلمات اغانيهم اصلا غريبة وفي كل المواضيع ومحمد منير مكانش هيجيب جديد المهم الصوت الجامد والالحان الروعة
انما عندنا ناس تسمع وسط البلد يقولك واااااو ليه يا عم؟يقولك بيقولوا كلام جديد
يعني الحرمان عندنا من التجديد هو السبب في دخول الكوارث دي زي العسيلي الأخنف المجدد
كل ما تسمع برة شريط تلاقي الكلمات غريبة جدا وخيالية ورائعة وعندنا يقولك الشريط عامل ايه
واحد يقول يعني الشريط كويس في 3 اغاني حلوة!!!!!والشريط يكون 10 اغاني اصلا

يعني 3 من عشرة بيقولك معقول والسبع اغاني الباقية يقولك تخبيط ورقع وخلاص مافيش كلام
ولو مبطلناش اسلوب الكلام المتحنط ده ودورنا علي كلمات جديدة الفن عندنا هيموت
يعني مثلا للأسف اما تغني وتقول يا ملاك..يبقي الكوبليه الجاي اكيد..العمر معاك..
او بستناك..قلبي معاك
حبيبي..دايب في لهيبي..
روحي..داوي جروحي..
وهكذا من الملل المتواصل ..يا جماعة برة الأغنية فكرة معينة مش جمل بتترص وخلاص
يعني لو جمعت الكلمات علي بعض تطلع ناتج معين فكرة معينة
مش اوزان وقوافي وخلاص
وهو ده اللي عارفينه برة ولذلك البرامج دي بتطلع نوابغ زي كيلي كلاركسون مثلا وليونا لويس في الفترة الاخيرة وكانوا قنابل فنية