حب كالنسيم بل أشد قسـوة

"حينما قال نزار قباني "يا وجعي وياوجع القصيدة حين تلمسها الأنامل"  لم يكن يعلم حينها ان أنامل حبيبتي هي أول من لمس القصائد كلها "



رأيت أنا..
رأيت فيما يري العاشق..
"خير اللهم إجعله خير"..أو "حب اللهم إجعله حب"

حلم عابر في صحوة ليل..قل هو كالنسيم بل اشد قسوة..
وكأنه غناء لأوركسترا الزيزفون..
أو زهرة أوركيد تخترق مسام وحدتي بفيح رباني خالد..

يا أدم..
هكذا سمعت صوت البقاء في أقوي لحظات رحيلي..

يا أدم..
يا أدم..

قلت : نعم..من يناديني ؟

قال الصوت الملائكي: لن نقهرك بمكتوبك بل سنزيدك ولعا به..
سنعيد اليك نصف حياتك وكل عمرك..
سنعيد اليك حواء التي فرقت بينكم "تفاحة" وباعدت بينكم وبين جنتكم سنوات من عمر العشق..


تظهر فجأة إمرأة كأنها إحتفال الشهد بأسطورته الشخصية..
كأنها "الألف" في عين باولو كويلو..
ألف المكان وألف الزمان..ألف النساء وألف الفرح والشجن..
تشخص لها الأبصار..وتفرح بها الأقدار..


قالت : هل أنت وحيد منذ أن سقطنا من الجنة ؟؟

قلت : وحدتي ورقة بردي احتفظت بها عينيك ألاف السنين..
ليست وحدة انهيار ولكنها وحدة انتظار
وحدتي توحيد لجمالك وتوحد في عالمك..
وكأني مذ عرفت الوحدة لم أجد لها حدودا الا مع عينيك والقمر..


قالت : أنت حبيبي وقلمي الذي ترتجف منه القصائد



قلت : وانتي القصيدة التي يرتجف منها القلم..
كلانا عليل يا وصيفة الشمس ورفيقة الامس ..
كلانا عليل..
 انا عليل بالحب وانتي عليلة بالحسن..
لم أعرف يوما هل كنا روحان في جسد أم جسدان في روح..
ولكن ما أعرف اني أعيش في "مجاعة جبران الروحية" في انتظار عودتك علي الأرض..
سقطنا من الجنة..ولكن لم تسقط الجنة من قلوبنا..
سقطنا من السماء ولكننا سنرتقي اليها بحبنا..
سقطنا من الخلود..ولكننا سنعيد مجده بأمالنا..
 يا ملكتي سقوطنا ارتقاء..وعطشنا الي الفردوس ارتواء..



قالت "في غيرة و شك"  : ولكن ألم تروي ظمأك الروحي من عبير نساء الأرض في غيبتي ؟
ألم تخلق من ضلعك ولو تجليات إمرأة تراقص وحدتك وتكمل قصتك ؟



قلت : يالغيرة النساء..حاسة النساء الاولي حتي الخامسة !!
غيرتكن ليست ضعف ثقة ولكنها محاولة إتمامها..
في انتظار كلمة تكملي بها رتوش لوحة جمالك الكاملة بالفعل..
تنتظرن كلمة لاكمال اللوحة كما تتحسسن الشفاه في نهاية وضع المكياج بثقة ورونق..
يالغيرة النساء..ليست محاولة للهجوم والعصف ولكنها تنقيب في عقل الرجل عن ما يتمم درة الكلمات والوصف..
أيتها النساء لقد سقطنا بسبب قطف تفاحة..واليوم نكفر عن الخطأ بقطف ألف زهرة وزهرة لكن..



قالت : سأشق صدرك بحثا عن نور الحب كي أنهل منه أبدا وخمر صبا..


قلت : لا تشقي صدري بحثا عن النور بل شقي النور بحثا عن صوفيتي في حبك..
شقي حجاب الزمان بحثا عن ابتهالاتي في غيابك..
وشقي حجاب المكان بحثا عن وشيجتي لزهور عشنا علي بتلاتها..



قالت : لو كان لنبضي موسم هجرة كالطيور لاخذت سهامي وارجعتها لك مقتولة عاشقة
تعيش في كل نبضة ألف حياة وحياة..



قلت "مازحا" : ولكني مصاب بفوبيا النبضات الضيقة..


قالت "معاتبة"  :   لماذا اذا تسكن اضيق خلية في دمائي ؟
وتحتل كل تفاصيل جسدي ؟



قلت : عاشق حبيبك لا بطل..
جمالك هو السبب..
لقد صلبني جمالك بين جملتين..
بين عامية "جمال ينطق الحجر"
وفصحي نزار "الصمت في حرم الجمال جمال"


قالت : احبك في الحب..


قلت : احبك في الله وفي الحب
 احبك في الله الذي احببتني فيه
هذا حوار بين قلبي ونبضي حين أراك كل مساء ..



قالت : الحب علي عينيك انتهاز فرصة ونعيم مستتر..



قلت : الحب فرصة..
ولو كنت عرافا لصحت في الناس قائلا :
لا تجعلوا الفرصة مثل كأس شراب ملكي
فتذيقوه لاربعة غيركم خوفا من ان يكون مسمما
فلا يجنون غير المتعة ولا تجني غير الندم..
فإن اتاك عشقك ..فانتهز الفرصة وكن أنت الملك..



قالت : حين أراك لا أعرف هل أنتشي بكلامك أم بأبجدية الحنين التي تغدق بها رموشك علي كياني



قلت : رموشنا علي هيئة أسوار..
هكذا خلقها الله ..رموشنا كما السجان..
تسجننا داخل أنفسنا..كي لا يهرب الحلم من أعيننا ولا يخرج طيف الحب..
رموشنا بوابة سجننا الانفرادي..وعزلتنا في حضرة أشباح الحب..



قالت : وكيف تراني يا سجين الحب ؟



قلت : العاشق يري بروحه قبل عينيه..
وحين أراك يصبح قلبي وروحي كما علامة النصر علي الأصابع..
حين أراك تتشابك أوراقي في حيرة ما بين الغزل العفيف والموت الصريح ..
وتنسحب الكلمات باكية من القصائد الي جدائل شعرك تلتف حولهم كما ثعابين خطوط الرقعة فتدب فيهم قبلة حياة الشعر..



قالت : أنا قديسة تنام علي صفحة أنهار حبك العذبة لي..


قلت : كل الانهار عذبة ما مسها صروف وعوادي الدهر والفراق
وكل البحار مالحة الا اذا لمسها قلب يحب وعاشق يأن..
فيصير اضطراب الموج في قلبه أقوي من هياج البحر واضطراب كيانه
فحينها يستأنس العاشق البحار ليصبح سندباد مسافر في قلب من يعشق..



قالت: أنت كأس هيام أموت فيه ولكني لا أرتوي منه..



قلت : أنتي مأدبة حسن أعدتها الملائكة لي شهدا وزهوا وغرورا..
كي أتذوق الشهد ترياقا ينجيني من قوتك
وأتذوق الزهو عزفا علي اوتار قمرك..
وأتذوق الغرور كي أعيش في داخلك بديمومة "الرجل الأعلي" و "العاشق الأسمي" من ذاتي..




عاد الصوت يناديني : يا أدم
يا أدم
أتممنا لك نورك بفضيلة الحب وفضله..
وأتممنا لك حسنك بقبس من نور حواء..
قل لنفسك كلما أحببت..
"لم أسقط من الجنة..بل ارتقيت اليها"
"لم أسقط من الجنة..بل ارتقيت اليها"

وكل ما تغير منذ فجر الخليقة الي اليوم
ان أدم وحواء جمعتهما تفاحة وشيطان
أما الأن أدم وحواء تجمعهما بنفسجة وملاك وحب خالد..

شيــشة ديــجافو و رقصة تنــورة...قصة قصيرة

"إكبري عشرين عاماً.. ثم عودي..
إن هذا الحب لا يرضي ضميري
حاجز العمر خطيرٌ.. وأنا
أتحاشى حاجز العمر الخطير..
نحن عصران.. فلا تستعجلي
القفز، يا زنبقتي، فوق العصور..
أنت في أول سطر في الهوى
وأنا أصبحت في السطر الأخير."


نزار قباني




لقد حق أن تسحر الكائنات     وتستل آهاتها الجاثمة
فأوتارها شعرك العسجدي     و أنت الموقعة الباسمة
رأى النهر مصرع ملاحه     بعينيك أيتها الظالمة


بدر شاكر السياب





هو وهي..كلمتان تبدا بهما كل قصة حب وكل قصيدة شعر وكل نهاية !
أمن "هو" بكل المستحيلات ولذلك أمنت به المستحيلات..أمن بالظواهر والأساطير والعجائب فأمنت به ومنحته جزء من قوتها وعنفوانها..أمن بأودسيوس وأهوال رحلته لكي يعود الي "بنلوب" في الأوديسة..فمنحه هوميروس نفحة من أهوال الرحلة..فعاش عذاب قهر الحب..

في مساء عاشق كما يكون مساء "هو" كل ليلة ..مر علي احدي المقاهي في طريقه ثم جلس وطلب ما لم يعتاد علي طلبه .."حجر شيشة" !!
لم يسمع في تلك اللحظة الا اغنية "محمد العزبي"  "بهية"..وبعض صياح الحاضرين وطرقعة "الدومينو" علي المناضد المجاورة..
لم تكن رائحة الدخان هي ما يعشق أو أحد الأنفاس المحترقة هي ما يصبو اليه فهو اعتاد علي الدخان في حرائق غابات قلبه منذ أمد بعيد.

هو : واحد شيشة يا صلاح

صلاح : شيشة ؟ من امتي الكلام ده..

هو : لكل شئ بداية..

عندما مر بتجربته الاولي والأخيرة ايضا كان في ريعان شبابه لم يكن يشغله في الدنيا الا الحب و"هي"..كاد يوصل به الوجد الي بيت قيس حين قال :

ولو خلط السم الزعاف بريقها ..........تمصصت منه نهلة ورويت


لم يبدأ تلك التجربة الا لخاطر أتاه في المساء.."ديجا فو"..يشعر بأن اللحظة التي سيعيشها الأن عاشها أكثر من مرة في حياته..ولهذا طلب الشيشة ..
ولكن أي جنون هذا ؟ كيف تكون للشيشة وللدخان علاقة بالدي جا فو..لم يعرف في البداية ولم يروي شغفه إلا حين مرت امامه "هي"

بدا المشهد كأنما لوحة "المعاناة الصامتة" لجبران ..دخان يتراقص أمام عينيه وحورية تتقمص دور الدخان لتنهل من عبير أنفاس قلبه المتيم..
كان يراها حين تدخل الي المشهد كأنما يسمع فجاة بداية اغنية
Edith Piaf - La Foule

كانما هي الأميرة وهو مصارع تفتح أمامه بوابة الأسود في الكوليزيوم..ولا يهمه إلا نظرة عطف من غيداء خياله "هي"
لم يعرف أهي تتراقص في خطوتها أم الدخان هو الذي يتراقص أم أن قلبه هو من يتراقص نشوة علي أطراف ثغرها المعسول..
كانت مزدحمة بالأنوثة ومنتشية في خدر الحسن بذاتها ..
تستتر بالإثارة وتتعفف بفيض نور الجمال..
كان الكون علي طرف ردنها انفجار عظيم وقعقعة قصائد..
كانت بداية العبير ونهاية الوصف والتعبير..
كانت الحلم والعلم..
كان الحلم في ملامحها كانه شهد ساقط من سماء درية..
وكان العلم في تفاصيل جسدها كأنما "يحرك الاشياء عن بعد"..أو "يحرك قلوب العشاق عن بعد" !
كانما كانت في عصر الثورة "ناشطة جمال" لا "ناشطة سياسية"
وكأنما كانت أول ثورة قبل ان يعيش هو أي ثورة .


صوفية..
لحظة صوفية استمالها القلب فمالت..واستعطفتها الدمعة فسالت..
وكأنما انقلب المشهد لحظة صوفية واحترق المسرح بأول حجر للشيشة..
ليري نفسه في مشهد حب جديد بشكل جديد..قلت لكم عاش اللحظة من قبل وها هو يعيشها بشكل أخر في نفس اللحظة..


اللحظة الصوفية :

"حي..حي..الله حي"

رأي نفسه بجلباب أبيض في مشهد حضرة صوفية وسمع نشيد حب الهي لرابعة العدوية ينشده الجالسون :

وليت الذي بيني وبينك عامر *..وبيني وبين العالمين خراب

إذا صح منك الود فالكل هين .. وكل الذي فوق التراب تراب  


وكأن نفس المشهد يعاد من جديد..
كان كل العشاق يقولون جملتهم الخالدة "حاسس اني شفتك قبل كده"
وهذا ما تحقق ل "هو"..لقد عاش فعلا تلك اللحظة منذ زمن..لحظة صوفية..لم يعرف اذا كان هو او احدي تقمصاته وخيالاته ولكنه يعيشها الأن في خياله في نفس وقت جلوسه علي المقهي..

لم يكن أمامه الا ان يردد مثلهم ويقول "حي.."
ورأي الجميع يهزون في رؤوسهم في حالة عشق الهي وولع واشتياق لنوره وفيضه..

تمتزج الوان طيفها مع الوان التنورة لرجل يدور بالأرض ولا تدور الأرض به..توقف زمنه ومكانه مثلي تماما
انا امام عينيها راقص تنورة لا يتعب من الحركة ولكن من نشوة الجمال..
تخلية قبل التحلية..صوفية عاشها في لحظة..
وهو ايضا عاش التخلية قبل التحلية..ولكنه حلي قلبه بالله ثم "هي"


كانوا يرددون اناشيدهم بينما يردد قلبه نشيد من كلمات الصوفي  "السهروردي المقتول"  يقول :

وَا رَحمةً للعاشِقينَ تَكلّفوا     ستر المَحبّةِ وَالهَوى فَضّاحُ
بِالسرِّ إِن باحوا تُباحُ دِماؤُهم     وَكَذا دِماءُ العاشِقينَ تُباحُ


كان يردد الابيات وهو يراها من خلف الحجب..
سحابة دخان بخور في حضرة حب الهي ويري من خلفها عيناها تطل كانها اطلالة لحظ روح تخرج من انات جسد ..
كان الحسن في عينيها صوفي جدا بل راهب في محراب..
وكأن كل البخور الذي هام في المكان أخرج من طيات نفسه كهرمان الحب وعقيقه..
وكأنه أصبح مبخرة لحسنها ونسر أسطوري يغطي بجناحيه عينيها غيرة وخوفا..


ألم يري هذا المشهد من قبل ؟
هل يعيشه الأن أم ان المقهي هي لحظته الحالية..يكاد الجنون يقتله..هل هو الدي جا فو ؟
أي لحظة هي الحقيقة وأي لحظة هي التي يتخيلها ؟؟ لا يعرف الأن..فقد ماجت وهاجت ثائرة اللحظات في خافقه كأنما امتزجت بروعه وكيانه..

هل هو صوفي عاشق ؟ أم شاب يجلس علي مقهي ويراها تمر أمامه الأن ؟
هل هي السبب ؟
هل هناك تشابه غير التشابه اللفظي بين "لحظها" و "لحظته" ؟
علاقة بين "جسدها" و "التجسيد" ؟
"حضورها" و "حضرته" ؟


لم يسأل نفسه كثيرا ولكنه عاد فجأة بذهنه الي لحظته علي المقهي وعرف ان لحظته الصوفية ما هي الا لحظة عشها في زمن أخر ؟
زمن أخر ؟؟ أي زمن أخر ؟ هل يمر ب ديجا فو ام استنساخ روحه علي مر أزمنة وأكوان ؟؟

مرت بجوار المقهي ولم تري "السلام" في نفسه الان ولكنه رأي فيها سلامه وتسليمه وسلمه..
لم تري فيه الموت ولكنه دائما يراها الحياة..
لم تري فيه "الضعف" لأن دائما ما يرتقي بقوتها..


ولكن هل عاد لخياله مرة أخري ؟
الان يعيش لحظة أخري غير لحظته الصوفية..انه يعيش لحظة حرب..
أي حرب ؟ لا يعرف لا يري الا الدبابات وخفق الموت ..
لا يري الا بنايات تحترق وهي في الداخل تستنجد "انجدوني"
هرول سريعا الي صوتها كانما يحن اللحن الي الكمان..
كان المشهد ضبابيا جدا ..لم يري الا عينيها من خلف سحابة دخان ..نعم هي مرة أخري وبالكاد يراها..


هي مرة أخري في تلك المرة في ساحة حرب في مدينة تحترق..
يراها من خلف سحب الدخان كما دخان الشيشة ودخان البخور الصوفي ..
ياللقدر !! هل يعيش حياته ولحظته الثالثة وكل ما يجمع الثلاث لحظات دخان وعينيها ؟؟


كان القصف في الحرب عنيف جدا ولكن عينيها كانت بالنسبة له "حرب الدمار الشامل"..او "الحرب الجمالية الثالثة"..
حملها سريعا علي يديه وهرول خارج بناية تحترق ولكن الحريق مازال مستعرا في كل عرائس خياله..
وضعها في مكان أمن وبعيد عن القصف والعنف وسألها " إسمك ايه ؟ "
كانت مرتعدة الفرائص ولم تستطع الرد عليه ولكنها اشارت الي "الدخان"..

إنه الدخان..لا أعرف هل كانت تشيري اليه في تلك الحرب اني يعود الي مشهد المقهي ام مشهد الصوفية ؟
وفجأة عاد هو في نفس اللحظة الي المقهي ها هو مرة أخري اعود لمشهدي الأصلي في "ديجافو الشيشة" !!



جلس في المقهي عشر ساعات يجمع الأوراق يعض في أصابعه..يحاول الربط بين المشاهد الثالثة والدخان..
وفجأة قال "يالخداع الحب وجبروته"
لقد عرف الحقيقة..انه ليس ديجافو الشيشة انه ديجافو الحب..
لقد جمع الحب بين مشهد "المقهي" او "الحياة...ومشهد الصوفية ومشهد "الحرب" او "الموت
نعم لقد جمع له في لحظة واحدة ثلاثة مشتهد وكانه يعرفه بنفسه مرة اخري..
انه يقول له "انا الثلاثة مشاهد
انا الحياة والموت والتصوف..
إنه الحب وعجائب قدرته وغرائب صنعته..
انه نور القلب الذي شق "الدخان" ليصل الي عينيها ..
الأن عرف سر مشهد الدخان..ان الدخان هو الوهم بينما عينيها هي الحقيقة..
حقيقة الحياة والموت وصوفية قلبه..

ثم صاح بصوته "اه يالقوتك يالقوتك.."


بينما نظر له البعض من مرتادي المقهي وقال أحدهم لصديقه "هو الراجل صاحب القهوة ده بقاله عشر ساعات مشغل العزبي ليه هو مش العزبي ده مات قريب ؟"
قال هو له "ربما مات..ولكن البحث عن عيون بهية مازال جاريا" !!

الضفــــادع لا تشــــرب الماريجوانا

أسميه ايه ؟ أسميه إيه ؟..بقت حاجة عجيبة قوي اختيار اسم الموضوع اللي بتكتبه..الواحد بيشوف اليومين دول شوية أسامي كتب تخلي اختيار الاسم مشكلة عويصة..

يعني مثلا عندك كتاب بهاء طاهر "لم أعرف أن الطواويس تطير"  ..أو كتاب عمر طاهر "الكلاب لا تأكل الشوكولاتة"..ده حتي في كتاب اسمه "الفئران لا تشرب المارلبورو" !!

قولت اسميه شوية اسامي كده والقارئ هو اللي يختار منها لأني محتار ..إيه رأيكم في الأسامي دي الي هاعرضها عليكم تختاروا منها واحد :

1- الضفادع لا تشرب الماريجوانا
2- أحزان أنثي الأخطبوط
3- سيد قشطة لا يأكل القشطة
4- الهدهد لا يضع المانكير
5-نحلة علي طبق باباظ
6-أحزان ناموسة حامل


يعني هو صحيح العنوان مالوش دعوة بالموضوع اساسا بس هي دي بقت الموضة كتير من الاسامي اليومين دول لمواضيع او كتب مالهاش اي علاقة باللي جوة الكتاب انما بقي المهم الاسم يشد واهو موسم بقي وكل سنة وانتوا طيبين..

انما انا عاجبني بتاع الضفادع فعشان كده هاسميه الضفادع لا تشرب الماريجوانا..عندنا بيسموه "بانجو" بس اسم لوكال قوي ومش ظريف والاجمل منه الماريجوانا..

لكن في مصر الضفادع ممكن فعلا تشرب الماريجوانا لأن عندنا في مصر في حاجات مش موجودة في العالم كله ..عجائب وغرائب مش هتلاقيها الا لما تشرب من نيلها لحد ما تتكرع..
لكن ايه هي العجائب اللي تتميز بيها مصر عن غيرها من دول العالم :


1- تعدي شريط قطر وتبص يمين وشمال وانت بتعدي !!

2- تلاقي المسافة بتاعة الطرق بتزيد مع الوقت مش بتقل لأن اليفط كلها مكتوب عليها اي كلام..يافطة ان فاضل 35 كيلو وبعديها يافطة ان فاضل 36 ..ياللمعجزة..


3- تلاقي مكتوب علي شريط قطر  "احذر مزلقان ذكي"..


4- احنا الدولة الوحيدة اللي عندها اسامي البلاد او المناطق باسامي ستات زي "ام الزين" او علي الطريق الدائري تلاقي يافطة مكتوب عليها "ام بيومي" مع ان برة مافيش بلد اسمها "ام جوليا" مثلا


5- تلاقي محلات مالهاش اسم ولا يافطة ومترخصة..كل اللي مكتوب علي المحل "ما شاء الله"  ..لدرجة ان وانا صغير كنت بقول محل "ما شاء الله" ده في كل حتة في مصر ده فروعه كتير قوي .


6- تقول بتاع النقل انت ماشي في وسط الطريق يا اسطي ..يقولك امال امشي ع الرصيف يعني !!


7- احنا اللي عندنا برنامج اطفال اسمه "ظاظا وجرجير"  مع ان ده اسم مينفعش للأطفال ده ينفع برنامج في دار مسنين


8- احنا اللي عملنا الكباري عشان نلف من تحتها لأن طبعا الكوبري واقف علطول

9- احنا اللي عملنا اشارات المرور عشان نتقابل عندها .."قابلني عند تاني اشارة" مش عشان نقف اما تنور احمر


10- احنا اللي عشان نمنع الاعلانات علي الحيطان نكتب بالبنط العريض "ممنـــــــوع كتــــابة الاعلانـــــــات"  طيب هو بقي في مكان اساسا يا عم الحاج لكتابة الاعلانات ؟ ما انت شوهت ام الحيطة خلاص.


11- احنا اللي بنسمي شوية طفيليات في النيل  "ورد النيل"  حتي اسمه مبهج كده وجميل اهو بنداري بيه ..زي اما واحدة يبقي اسمها انعام وتقولها يا نوني


12-احنا البلد الوحيدة اللي هتلاقي في كل بلد واحد واقف بصندوق ويقولك اتبرع للجامع..والجامع طبعا مبيخلصش ده الراجل بيقعد في الشارع هو واحفاد احفاده طول ما يلاقي سذج يدفعوا لمشروعه الهلامي


13-احنا اللي بنقول "عصعوصي" واجعني..ما تلاقيهاش في اي ترجمة دي كلمة عصعوص..يعني بنخترع مناطق في جسمنا بنفسنا..زي كابتن محمود بكر كده اما يقول "خبط الكورة بقرص دماغه"


14- احنا اللي بنستخدم "الموز" في أي زيارة حتي لو واحد عيان بنجيبله موز..علي كده القرود دايما بصحة ممتازة !!

15- احنا اللي عندنا تكلفة الحاجة مش بنقول عليها "توتال" لا بنقول "شاكب راكب"

16- احنا اللي بنعمل مطبات في الطرق اما تطق في دماغنا وفي اي مكان نحبه

17- احنا اللي بنعمل اغاني وطنية عمال علي بطال اكتر من عدد المواطنين لحد ما اتخنقنا منها..

18-  احنا اللي الدقيقة عندنا بقروش ولسه البعض بيدي رنات..

19- احنا اللي فشخنا الجوجل في افكاره من بحثنا عن حاجات غريبة زي "حباية تحت الإبط" !!!

20- احنا اللي بنشرب شيشة ونقول لازم "المبسم"...المرة الجاية هيطلعوا مخدرات بفلتر صحي وأمن !!!

21- احنا اللي بننتج افلام عشان نعمل عليها "كوميكس" لأن الأفلام معظمها مقاولات..

22- احنا اللي بنروح الأفراح عشان نبص في الساعة كل عشر دقايق..

23- احنا اللي بنقول "اعملي كوباية شاي عشان اخش انام"..الشعب المصري لا يعترف بالكافيين..

24- احنا اللي بنشيل نظام مبلط عشان نجيب نظام يبلط

25- احنا اللي عندنا بلاعات متواربة عشان تشق العربيات

26- احنا اللي عندنا الطريق عبارة عن شجر وشوية دخان كاننا في فيلم رعب ..




يبقي ليها حق ولا لأ الضفادع تشد الماريجوانا ..؟ دي ليها حق تضرب كاسين كمان لو عايزة..
واسمحولي اضيف كمان اسم بالمرة بقي في الاخر زي مثلا  "السحالي لا تعشق الكراميل"..!

وتر عم أيوب..قصة قصيرة

" إن أنات البشر من قديم تتدفق في نهر الحسرات بين الكواكب"

نجيب محفوظ "ليالي ألف ليلة"




في إحدي العمارات القديمة في "الدقي" يقطن "سالم " وحيدا في الدور الرابع..كان شابا مهندما واسع الأفق ليس بالنحيل ولا بالسمين طيب المعشر لا تسمع له جلبة ولا يشتكي منه أحد من سكان العمارة كما اعتادوا ان يشتكوا من احد السكان في الدور الثالث وهو "عم أيوب".

نفس الكابوس..نفس الكابوس ولا أستطيع النوم بسبب هذه الضوضاء وهذا المجنون..
قالها سالم لنفسه بعد أن استيقظ بعصبية ورفع الغطاء من علي جسده بحدة كمن يرفع الكفن بسرعة عن وجه من يحب وجري الي باب الشقة ونادي بواب العمارة في غضب :

"انت يا بدوي زفت..انت فين..ايه اللي بيحصل في العمارة ده"

لم يجبه بدوي بالطبع لأنه كان يغط في نوم اشبه بنوم الفيلة مما اضطر سالم الي النزول بنفسه الي شقة الدور الثالث وكان أول لقاء بعم أيوب..وهو رجل في اواخر السبعينات غائر العينين مجعد التفاصيل كأن الحزن في خطوط وجهه قد وصل لسلطانه وجاهه..فتح الباب متراخيا ببطئ شديد كانه طالب ايقظوه للذهاب الي المدرسة في ملل وقال : في ايه ؟

سالم "محتدا" : في ايه ؟ الساعة 3 الفجر يا استاذ وانت قاعد بتعزف بالعود بتاعك وانا فوقك ومش عارف انام

أيوب: انت الساكن الجديد ؟

سالم : من حظي يا سيدي

أيوب : طيب بلاش تغضب أرجوك

سالم: يا سيدي انا مش غضبان لكن ياريت تخلي العزف للصبح واحنا في الشغل والجو يبقي فاضي ليك واعمل اللي انت عايزه

أثناء حديث سالم مع أيوب استرعي انتباهه الأغنية الغريبة التي يسمعها أيوب فهي لم تكن من اغنيات جيله الذين يفضلون سماع عبد الوهاب او نجاة وغيرهم في هذا السن ولكنه كان يسمع بعض الكلمات في الأغنية بلهجة لبنانية تقول :

" يا هالكدبة اللي عم تسكني اطلعي مني..
يا هاللعبة اللي عم تكسرني ابعدي عني..
وقف في ما في شئ اسمعلك
بحب وما بدي ارجعلك..
ما فيا..انت قلبي..انا قلبي..قتله الزمان
قتله الزمان..
قتله الزمان"


تعجب سالم من محاولة تقلد عم ايوب لدور احد افراد الأوركسترا في عزف هذا اللحن علي هذه الكلمات الحزينة ولكن كل ما كان يهمه في تلك الليلة ان ينام هانئا برغم انه لم يستطيع النوم وتجافي عن مضجعه محاولا فهم ما يدور في عقل عم أيوب هذا السر الغامض في العمارة القديمة كما ملامحه..

في صباح اليوم الثاني لسالم في العمارة :

سالم : ايه يا بدوي ؟ كنت فين ناديتك امبارح ميت مرة

بدوي : خير يا سالم بيه في حاجة حصلت ؟ مال وشك مصفر كده ؟

سالم : ايه ؟ لا ابدا ما نمتش كويس

بدوي: يبقي اكيد عم ايوب

سالم : عليك نور ..عم ايوب..ايه بقي حكاية الراجل ده بالظبط..عايزك تحكيلي كل حاجة..


لم يذهب سالم الي عمله في هذا اليوم مهتما بتفاصيل حكاية عم أيوب التي حكاها له بدوي في اكثر من ساعتين منذ ان سكن في هذه العمارة وحكي له حكايته مع الوتر والعود وكيف اصبحوا ملجأ لدموعه يحاول ان يلطف بهم صروف الدهر وعواديه..

سالم : لا حول الله..يعني بنته هجرته عشان تكمل تعليمها برة وتتعلم الموسيقي ؟

بدوي: ايوه يا بيه..اداها المال واداها كل حاجة وفي الاخر سابته وحيد وراحت تتعلم في بلاد برة الموسيقي ومن يومها وهو بيعزف واشتري عود وبيجرب حظه

سالم : يعني هو بينتقم من الوتر وبيعزف عليه بجنون كل ليلة..او بيشم فيه ريحة بنته اللي خطفتها الموسيقي منه

بدوي : يعني ايه يا بيه ؟

سالم : ولا حاجة يا عم بدوي حساب الحاجة اللي اشترتهالي كام ؟


خرج سالم دامع العينين يردد مع نفسه مقولة جبران في "أرباب الأرض" :

"لو كنت أملك الموت ما رضيت الحياة
فعبء الدهور يثقل كاهلي
وولولة البحار التي لا تنقطع تزعج غفوتي
لو انني تحللت من غاية البدائية
وتلاشيت كشعاع الشمس المبدد"


وفي هذه الليلة ظل سالم مستيقظا ينتظر صوت الوتر او الاغنية الحزينة التي لا يعرف من يغنيها تحديدا الا انه صوت نسائي رقيق وعذب كأنه ينتظر صيده الثمين..صيد يروي أشجانه وتظمأ له امانيه من جديد..

وفجأة يسمع الأغنية..يرتدي ملابسه سريعا ويذهب الي شقة عم أيوب في نفس الوقت :

عم أيوب : معلش يا ابني انا نسيت اللي وعدتك بيه وعزفت في عز الليل انا اسف

سالم : ولا يهمك يا عم ايوب انا جاي اقعد معاك شوية

أيوب : تقعد معايا انا ؟

سالم : ايوه يا عم ايوب انا جارك والجيران لبعضيها واهو بالمرة اسمع عزفك واعرف مين اللي بتغني دي

أيوب: اتفضل يا ابني

قالها عم ايوب بفرحة عاشق يوم عودة حبيبته من رحلة هجر وكأن الوحدة قد بلغت منه مبلغا عظيما حتي لم يتخيل ان يجلس معه احد السكان ذات يوم..
"ياللوحدة..ألم العاشق..ومأوي الحالم..وقاتلة الضعفاء"

سالم : قوللي بقي مين بتغني ؟

أيوب : دي اسمها ماجدة الرومي ودي اغنية انا بحبها جدا ليها اسمها "انت الماضي"

سالم : وليه الماضي يا عم أيوب..ما تسمتع بالحاضر

أيوب :  لكن انا عندي الماضي والحاضر والمستقبل في حلم واحد..

سالم : بنتك مش كده ؟

أيوب "في فزع" : عرفت منين ؟

سالم : بدوي قاللي الحكاية ..انا أسف اني تطفلت علي حياتك بس كنت متشوق اعرف

أيوب : ولا يهمك يا ابني بدوي اصلا ما بتتبلش في بقه فولة

سالم : لكن انت ما بتحلمش انها هترجع مش حاسس انها هترجعلك في يوم ندمانة علي انها هجرتك

أيوب: شوف يا ابني انا من كتر الحلم اتخدرت بالموسيقي وبالألحان..هأقولك حاجة غريبة..عارف المورفين ؟

سالم : اه عارفه

أيوب: المورفين ده سموه علي اسم "مورفيوس" اله الأحلام عند اليونان..وكأنهم ربطوا بين الحلم وتخدير الحياة..انا معدتش بصدق حاجة انا بخدر حياتي بالموسيقي ومش عايز أحلم..
لكن حتي في محاولة تخديري لنفسي بشئ من ريحتها برضه بحلم بيها يا ابني..برضه بحلم بيها..

سالم "يدمع" : اعزف يا عم ايوب..اعزف وخرج همومك..انت بعيد نفس الحتة في الأغنية..ليه مش بتكملها يا عم أيوب ..

أيوب : شوف يا ابني في يوم من الأيام هتكمل لوحدها اوعدني انك ما تكملش الاغنية دي الا في لحظة تكون مضطر تكملها

لم يفهم سالم تحديدا ما يقصده عم أيوب ولكنه وعده بفعل ما طلبه..

سالم : الحمل شديد عليك يا عم أيوب والحزن علاجه بالحلم والأمل

أيوب : ديل كارنيجي عمل كتاب دع القلق وابدا الحياة..لكن الحزن قهره وانتحر
همنجواي قال "الانسان يمكن هزيمته ولكن لا يمكن قهره" لكن الحزن قهره وانتحر
والامثلة كتير يا ابني من اللي قهرهم الحزن..لكن انا بإيماني بحاول ما اني ما اكونش راجل مقهور او ده اللي علمهولي الوتر

سالم : علمك ايه الوتر يا عم ايوب

أيوب : اني طول ما انا مشدود وصالب عودي زي الوتر هأعزف احلي لحن في حياتي
مشدود بالأمل والعزيمة وبالحلم

سالم : ربنا معاك يا عم أيوب وينولك اللي في بالك..


سافر سالم في بعثة الي الخارج ولم يعد الا بعد خمس سنوات تقريبا تغير فيهم كل شئ :

سالم : يا بدوي يا بدوي

حمدان : بدوي مين يا استاذ ..ااه تكونش تقصد البواب القديم ؟ ده مشي من سنة كده وانا جيت بداله هو حضرتك ساكن هنا ؟

سالم : اه انا ساكن في شقة الدور الرابع المقفولة

حمدان : اه يا مرحب يا مرحب ده بدوي اما مشي سابلك جواب وقالي امانة اما تيجي اديهولك ده انا عاينه عندي امانة من ساعتها


تعجب سالم من رسالة تركها له بدوي وفتحها فجاة ليجد نصها ما يلي :

"أستاذ سالم..
والله العمارة ماليها طلة من غيرك ..لكن عايز اقولك خبر ان عم أيوب انتحر..
انا اسف اني ابلغك الخبر الوحش ده لكن انا عارف انك صاحبته بقالك فترة ومهتم بأخباره..
انا زعلت قوي عليه وكل السكان وكانت ليلة حزينة جدا ربنا ما يكتبها علي حد"
وكمان سايبلك جواب لأن انت الوحيد اللي كنت تعرفه وليك علاقة بيه في اواخر ايامه
سيبتهولك تحت عتبة بابك من جوة ياريت تشوفه"

بدوي



هرول سالم متحديا ثقل قدميه من تخدير الحزن او مورفين الحزن في لغة عم ايوب ونظر سريعا الي عتبة الباب والتقط الخطاب وقرأ فيه :

"عزيزي الأستاذ سالم..

انت كنت صاحبي الوحيد في محنتي الايام اللي فاتت ..
جميلة الصداقة ..لكن الأصعب منها الهجر والحرمان والشفقة علي النفس..
جميلة الموسيقي..لكن الأصعب منها الجلد بالوتر..
جميلة الحياة..لكن الصعب هو انك تعيشها مقهور..

خليك عند وعدك..ما تكملش الاغنية الا لما بنتي ترجع..وهتفهم ليه..
خليك عند أول حتة اللي كنت طور عمري بعيدها لكن ما تكملش اغنية ماجدة الرومي الا لما بنتي ترجع في يوم ما..اكيد هاترجع..
الندم رفيق حياة..مش مجرد لحظة..

صديقك / أيوب




لم يتمالك نفسه سالم من الحزن وصرخ بصرخة مدوية : عم أيوووووووووووووب


كان هذا اليوم هو من أكثر الأيام حزنا في تاريخ سالم ولم ينساه الي يومنا هذا..
في هذ اليوم تحديدا في عام 2013..
اصبح شعر سالم مائل الي اللون الأبيض قليلا..
كان يتطلع الي احدي صفحات كتاب الي ان قاطعه صوت..

"الشنط دي في الدور الثالث يا عم حمدان"

كانت المفاجأة ..عادت ابنة عم أيوب بعد سنوات ..صرخت نادمة..
هرولت الي الشقة تصرخ .."افتح يا بابا..انا مش عارفة عملت كده ازاي..انا كنت فين..كان فين قلبي يومها..
انا عرفت الحقيقة يا بابا..
انت اهم حاجة في حياتي..افتحلي انا اسفة.."


سند سالم يداه الي الجدار في شفقة علي ايوب وابنته وعلي اللحن والوتر..
في هذه اللحظة الحزينة كان لزاما عليه ان يكمل اللحن..
جري سريعا ليتذكر اسم الأغنية..وجدها ..انها اغنية ماجدة الرومي "انت الماضي"

فتحها سريعا وسمع اول مقطع الذي كان يسمعه مع عم ايوب ..ولكن اشتاق لسماع المقطع الجديد الذي لم يسمعه من قبل ووعد ايوب ان يسمعه في وقته


لم يشعر سالم الا انه في وسط رمال متحركة عندما سمع المقطع يقول بصوت حزين :

"يمكن ناطر قلك اهلا بعد غياب
وبكلمة حلوة شرعلك ها الابواب..
والغيلك عمري المجروح
من حبسه صرخلك روح
بس لو تعرف شي غيرني هالعذااااب
كنت وين..كنت وين
لما دموعي غرقت فيها
وجعني جنون لياليها"


نزل سريعا الي الدور الثالث امام الشقة سقطت الابنة باكية ضمها سالم وقال لها في هدوء "انتي اكتمال اللحن..ابكي لعل الدموع تطهر الوتر"


ولا نستطيع ان نقدر حقا كم هو مشتاق الأن سالم الي ايوب صديقه القديم..لان سالم في نفسه..وفي سنوات بعثته..عشق..وانتهت قصته..
فهو الأن جدير جدا ان يعرف ما معني لحن غير مكتمل..
ما معني ان تكون صلبا كالوتر ولكن ينتهي بك اللحن الي غيبوبة أغنية حزينة..
ياللحزن..انه ليس الرغبة في الموت..ولكنه موت كل رغبة..

وحشتني يا عم أيوب..وحشني الوتر..

انا في العشق "اه يا عين" بعد نشوة "يا سلام"

واقفين في حضرة الأميرة..
نستني في إذن الكلام..
جوة بهو القصر واسع..
والوقت مر كألف عام..
خوف قلوبنا من جمالها..
حواليها طيف حور الجنان..
هي شاورت ليا فجأة..
وبدرها لحظة تمام..
ايه في حبك يا اميري
يهدي قلبي للسلام..؟
قولت فجأة للون عيونها..
وقلبي نشوان بالكلام..
انا في العشق شيخ طريقة..
ليا حضرة او مقام..
أنا في العشق قلب سافر..
شرق غرب نيل وشام..
انا في الحب رمح نافد..
لما تخلص السهام..
انا في العشق نوت موسيقي..
لحن يبرق في الضلام..
انا في العشق "اه يا عين"
بعد نشوة "يا سلام"
انا في العشق نوط ملايكة..
الف جايزة وميت وسام..
انا في العشق شعر عربي..
موسيقي ..بحر من الحنان..
انا في العشق خلود جمالك..
لحظة نادرة من الكمال..
انا في العشق رحيل سفينة..
من غير وداع ودموع ألام..
انا في العشق وجود ودنيا..
كون خلقته من الجمال..
انا في العشق بسمة هادية..
وحزن دافي وطيف سلام..
انا في العشق حالات تقمص..
قيس وروميو ودنجوان..
انا في العشق بنور عيونك..
نور في كهفي لألف عام..
انا في العشق دموع بنفسج..
لما فوق ايدك ينام..
انا في العشق بحر هادر..
يتهجي موجه من الغرام..
انا في العشق سحر شرقي..
وانتي فيه غنوة ومقام..
انا في العشق قصيدة باكية..
فوق سطورها من الهيام..
انا في العشق قلب طاهر..
خالي نبضه من الأثام..
انا في العشق مدينة فاضلة..
يوتوبيا حسنك جاه ومال
انا في العشق منك انتي..
وانتي مني وم الغرام..
فجأة قالت الأميرة..
ايوه فيك حالة سلام..
ثم شاورت للحراسة..
الكل يمشي بأي حال..
إلا ده حبي وأميري..
بنالي قصر من الكلام..
بنالي بيت شعر وهيام..

خوازيق الحوار الوطني..وجبهة أم حسن

في احد الأيام والثورة امام القصر ..

داخل قصر الاتحادية :

مرسي : انا جمعتكم النهاردة عشان نشوف حل للمصيبة دي..ده القصر بيتحرق

الجميع : هيه

مرسي :ايه هيه دي ؟؟انتوا بتشمتوا فيا ؟

قنديل: لا دي كانت حتة عند باسم يوسف يا ريس

مرسي: انت جيت يا قنديل ؟ انت كنت بتتكلم من كام يوم عن المرضعات يا قنديل والاسهال ؟ الله يحرقك فضحتنا ما تتكلم عن اللولب المرة الجاية بالمرة بقي

قنديل "في سره" : اصمله عليك قال يعني اما قولت "دونت ميكس" مكانتش فضيحة ..ده بنتي بتتكلم انجليزي احسن منك

مرسي: بتقول حاجة يا حبيبي ؟

قنديل: بقول ربنا يخليك لينا يا ريس

مرسي : دلوقتي انتوا من كل اطياف الشعب المصري جمعتكوا عشان نشوف حل للورطة دي وبسرعة..

قنديل : انا كان عندي مقترحات يا ريس

بدوي : ههههه هتسمع مقترحات بتاع المية ؟ ياعم روح شوفلك ماسورة سلكها

قنديل: لا يسمع كلام اللي اتلسع ع القفا

بدوي "يتحسس قفاه" : قصدك مين ؟؟

الجميع : هههههههههههه

مرسي : سكوت يا جماعة ..قول يا قنديل واطربنا بمقترحاتك الجهنمية

قنديل : شوف يا ريس..احنا نعمل شعارات جديدة بدل نحمل الخير لمصر وكده..نعمل شعار فيه حماسة زي مثلا  "يا مرسي يا معلي حسي"

مرسي : معلي حسي ؟؟ اشجينا يا قنديل عندك افكار كمان ؟

قنديل : اه يا ريس..العيال دول علمانيين زي ما انت عارف عشان كده نستبدل الحرس الجمهوري بفرقة من "الشير ليدرز" لاغرائهم

مرسي : وات ذا شير ليدرز ؟

صباحي "للبرادعي" : بيعمل نفسه بيفهم انجليزي

قنديل : يا ريس الشير ليدرز اللي هم بيشجعوا في ماتشات الكورة في الافلام الاجنبي وبيبقوا لابسين جيبة قصيرة وبيرقصوا للتشجيع

مرسي : اطلع برة يا قنديل يا بتاع المية يا خرونج..بررررررررررررررررررررة

الجميع : ههههههههههه

مرسي: قنديل جاي ينكت علينا

عمرو موسي : علي سيرة النكت مرة واحد اخواني...

بديع : نعم يا حبيبي ؟؟؟؟

مرسي: سامحه يا ريس

الجميع : يا ريس ؟؟؟؟؟؟؟؟؟؟؟؟

مرسي: ايه...قصدي...يعني...انا الريس طبعا مش بديع..مش كده يا بديع ؟

بديع "بيغمز" : اومااااااال

مرسي: يعني لو جيبنا شير ليدرز قال يعني هيسيبوا الثورة ويعاكسوا ..

الشيخ وجدي: هي البلد ناقصة معاكسة..ده الاغتصاب والجنس الجماعي في الخيم يا رجاااااااااال

حمدين : الراجل ده عارف ان هو عبيط ؟

مرسي: تصدقوا انا عمري ما عاكست..انا اول ما كبرت امي جوزتني علطول ما عشتش فترة مراهقة حتي

عمرو اديب : ده حوار وطني ابن ستين كلب

مرسي: برة يا عمرو

عمرو: انا اصلا ماشي..انا عايز ارجع يا حكومة فاشلة..يا بلد فاشلة..انا فاشل انا فاشل

الجميع : هو ده عمرو ههههههههههه

صباحي : يعني انت معاكستش طول حياتك يا مرسي .؟

مرسي: ابدا ..ولا حتي مسكت ايد بنت الا ليلة الدخلة

برادعي : جرب تعاكس كده واعتبر البدوي واحدة نسوان

البدوي : ما تحترم نفسك يا برادعي هو عشان قعدت ع التويتر وسموك "البوب" تقول واحدة نسوان !!

برادعي: يا سيدي تمثيل مش حقيقي

مرسي: طيب سيبوني اجرب اعاكس..

الجميع: اتفضل يا ريس

مرسي : يا بت  ياللي صابعك ولا صابع الفنجري ومناخيرك ولا مناخير مبارك وقوامك ولا الرجل المسحول..

الجميع : اللللللللللله يا ريس ايه الحلاوة دي مش معقول..ده انت تعلق اي بت

مرسي : بجد عجبتكم ؟

الشيخ وجدي : انا لو عاكست اخش علي اي شلة بنات واقولهم ..يا ش....يا انجاس

الكتاتني : اان لو عاكست اقولها اجلسي مكانك واجلس جوارك..حسب اللايحة انتي مزة ..

الجميع : ههههههه يا عيني مجلس الشعب لسه مأثر علي فيوزاته

عمرو حمزاوي : انا ممكن اعاكس واحدة بس بشرط تكون بنفس ايدلوجياتي وسيرورتي الفكرية ونزعاتي النفسية

مرسي : انت اخرك تعاكس واحدة من ع النيل الثقافية

الشيخ محمود : انا مش فاهم معاكسة ايه..مافيش رجالة في الحوار الوطني ده ؟ هاتولي رااااااجل..احنا مش هنكفر بقي ولا ايه؟؟ انا عايز اكفر ..

الشيخ حازم : تكفروا ايه بس ؟ احنا اصلا في حوار كافر..انا مش سعيد اني حضرت الحوار ده

عمرو حمزاوي : يا جماعة نتكلم شوية بمنهجية لاننا كلنا منصهرين في بوتقة فكرية واحدة مش احادية القطب وال..

البرادعي : حد يسكت الجدع ده انا مبفهموش
 

اكتاتني : طيب ما نعمل دورة كبيرة للبلاي استيشن يا ريس وننقذ البلد

مرسي : ودي تفوتني يعني ..الحزب عمل خلاص وخلصنا حفلة لدوللي شاهين كمان

الجميع : اووووووه..اموت انا

مذيع قناة الاخوان : انا عندي اقتراح يا ريس

مرسي: قول يا عم خميس

المذيع : علي فكرة انا مسميش خميس منك لله يا باسم لبستني في الاسم ده ..احنا نعمل كارتون ليك زي كابتن ماجد ونبدأ نربي النشأ علي وش أهلك من دلوقتي ونحببهم فيك

مرسي : وش اهلي ..ده لفظ؟ انت اعلامي انت ؟ مالو وش اهلي؟

الجميع : نحسسسسسسسسس

مرسي : ليه يعني ماليش انجازات ؟

موسي : انجازك انك زودت عدد الكوميكس في البلد..كل يوم يطلع عليك تأليس ونكت لما استويت..العيال حطموا الارقام القياسية في عدد النكت عليك انت وجماعتك

مرسي : شايف اد ايه الحرية ومناخ الحرية في البلد اديك قولت الدليل اهو

وفجأة :

العريان : ياريس بعد اذنك

مرسي : ايه في ايه ؟

العريان: الاعلامي اللي بيعذبوه جوة لسه مش راضي يقر مين اللي بيموله

مرسي: احم طيب مش وقته الله يحرقك..كنا بنتكلم عن مناخ الحرية والديمقراطية واديكوا شايفين عدد الكوميكس اللي انا سايبه بمزاجي..

صباحي : وبالنسبة للحرايق كل يوم..دي اخبار الحرايق غطت علي اخبارك انت شخصيا

مرسي : بيقولوا عليا نحس ..طب ده انا يوم ما اتولدت..

البلتاجي: ايوه ياريس انت حكيتلي القصة دي ..العمارة ساعتها جالها قرار ازالة

الجميع : هههههههههه

مرسي: بس يا غبي..يوم ما اتولدت ابويا كسب اليانصيب ايامها

صباحي: وتلاقيه مات بعدها علطول

مرسي : وهو مين اللي بيحرق القطارات ماهو مبارك ورجالته

صباحي: ياعم فوق بقي م الغيبوبة بتاعة مبارك دي مبارك راح خلاص انت هتعمل ايه بقي ؟ ثم ايه موضوع ال 3 ارغفة ده ؟

مرسي: اهو الشعب يبطل اكل شوية معدلات السمنة زادت

صباحي : طيب والرجوع في القرارات كل شوية اللي هز صورتك جامد

مرسي: ده انا بسميه مرونة في القرارات

صباحي : والضغط علي الناخبين ؟

مرسي: ده مبيحصلش ابداااااا

العريان مقاطعا : ياريس بعد اذنك..قواعد البيانات بتقول ان الزيت والسكر في المخازن فيهم نقص جامد..ازود شوية عشان الانتخابات الجاية ؟

مرسي: ايه...هو...ايه...يعني انا عمري ما بضغط علي حد ده بارادتهم الحرة..الناس بتحبني اعمل ايه في نفسي يعني

خيري رمضان : الحب..هو الحب ..احنا مش محتاجين غير الحنية والحب

مرسي: فعلا يا خيري يا حنين انا شوفتلك فيديوهات كتير عن الحنية دي

عماد الدين اديب : يا جماعة ....

مرسي : اهو ده قاعد من اول الحوار اهو ولسه بيحمل من ساعتها وهينطق دلوقتي ..بيشحن بس

عبد الله بدر : ياريس خد قرارات زي ما انت عايز واللي مش عاجبه هيبقاله تكة واطلعه من الحوار حامل ياروح امك منك ليه

صباحي :سوقي

وفجأة :

مدحت شلبي: مساء الانوار يا جماعة

الجميع : شلبوكة ؟؟؟؟؟؟؟؟

حمدين : ايه اللي جابه الحوار ياريس

مرسي: واللهي هو قال عنده سبب  مهم جدا

شلبوكة: شوفوا يا جماعة..الدوري لو بدأ والسبوبة لعبت حال البلد هيتصلح فورا..الحل في عودة الدوري هي اللي هتصلح البلد اومال ايه..ده الرياضة بيشتغل فيها عشرين مليون مواطن

مرسي: مش كانوا خمسة مليون من فترة ؟

شلبوكة : اللي تشوفه يا ريس انا بتاع النظام والاستقرار ويحي السيد الرئيس طويل العمر وربنا يجعله عامر وده من وجهة نظري التي لا قيمة لها

صباحي : هي فعلا مالهاش اي قيمة اطلع برة يا جنرال كفتة

عماد الدين اديب: يا جماعة...

مرسي: ثم ايه موضوع المؤامرة يا حمدين ؟

صباحي : اه المؤامرة اللي انت اتعلمتها من افلام الجاسوسية ابيض واسود ؟ انت عرفت تألفها ازاي دي ؟ انا والبرادعي هنخطفك ونوديك برة ونمسك الحكم ؟ ده البرادعي بيمشي خطوتين وينهج
وعمرو موسي مبيفوقش من شرب السيجار اللي عمانا بيه طول الحوار في جبهة الانقاذ وانا بقعد اسرح في شعري طول اليوم مع وائل الابراشي بنفس نوع الكريم والجيل والبدوي طول اليوم بيبص حواليه يمين وشمال خايف من قفا مفاجئ..هي دي الجبهة يبقي هنفضي نخطفك امتي يعني ؟

عماد الدين اديب: يا جماعة...

لميس الحديدي : ياريس بتجيلنا شكاوي دايما وكل يوم ان الكافيار معدش ليه سعر محدد وبيغشوا في اكياس الشيبسي ويسيبوا نصه فاضي

حمدين : رأسمالية متعفنة..الناس مش لاقية تاكل ودي بتبص لكيس الشيبسي..ما انتي واكلاها والعة..


وبعد فترة :

العريان : الحق ياريس الملتوف وصل للقصر..القصر بيولع

حمدين : الله يحرقكم مش قولنا نعمل الحوار عندنا في الجبهة

مرسي: ماهو الريس قالي لا لحسن يخوزقوكوا هناك علي الخوازيق ويعملولكوا مذبحة قلعة وبتاع

موسي : الريس؟؟؟ هو انت شغال ايه بالظبط ؟؟

بديع: انا الريس يا حيلتها ليك شوق في حاجة ؟

موسي: لا ولا حاجة كنت بس عايز اتطمن علي النباتات في القصر ياتري حرقوها ؟

بديع : يا نهار اسود اتطمنوا بسرعة فعلا علي النباتات جرررررررررري

البلتاجي: يا جماعة لازم اخلاء القصر فورا القصر بيولع كله

صباحي: بقولك ايه يا برادعي تيجي فعلا نعمل المخطط دلوقتي واهو فرصة والقصر بيولع انا عارف انك بتنهج اما بتصحي م النوم حتي بس نحاول نهجم عليهم ده هم 3 اخوان والباقي جري..وناخد الحكم وزدينا في دقيقنا

البرادعي: قول لموسي

صباحي : موسي راح يولع السيجار من حريق القصر ده بقي مدمن ياعم..ده فاضله كاس ويبقي ولا غسان مطر

البدوي: انا معاكوا

عماد الدين اديب: يا جماعة...

حمدين: ياعم قوم روحك الله يسترك القصر بيولع انت ايه اللي جابك ياعم الهادي انت

وتنقض الجبهة علي مرسي وتحصل علي الكرسي ويتم خلعه...في مفاجأة مدوية للشعب كله وتنطلق الزغاريط في كل مكان في البلاد


وبعد عشر سنين :


في قصر الاتحادية :

حمدين : انا جمعتكم النهاردة عشان الحوار لان الكل اشتكي مني وعايزين يولعوا في القصر

الشعب : تاااااااااااااني نفس اللفة ؟؟الكرسي ده في ايه بالظبط ؟؟

مواطن : البلد دي مش هتنضف ولو جيبتلها غاندي باين كده

مواطن: اهو بقاله في الحكم كام سنة وجبهة ام حسن عايزة تاخد منه الحكم وبتقول عليه فاسد

مواطن: انا كنت متعشم فيه خير

مواطن: ياعم ما احنا قولنا كده علي مرسي وغيره البلد دي عايزة حاكم كل سنتين ويخلع نفسه بنفسه احسن

مواطن : البلد دي مش عايزة حاكم يحكمها دي عايزة شعب

ويخرج الشعب كله بشعار جديد ..مش "يسقط حكم المرشد"   ولا "يسقط حكم العسكر"   ولا "يسقط حكم الجبهة"
الكرسي نفسه هو المشكلة
كل اللي بيقعد عليه بيفسد بطريقة او بأخري

الحل والشعار الاخير  "يسقط يسقط حكم الكرسي"
الحاكم اللي مينزلش لشعبه من علي كرسيه..الكرسي بيسخطه..فاسد..
ويا خيبته الحاكم اللي يمشي بشعار  "هين شعبك ولا تهين كرسيك"  !!

عماد الدين اديب : يا جماعة...

الزواج من الكلمات..لحظة تداعي حر مع صوفيا..قصة قصيرة

في نفس الوقت تحديدا في الساعة الخامسة مساءا كل يوم أشعر بالغربة فلا هو وقت القراءة ولا وقت الفيلم ولا وقت وجبة الغذاء ولا أي شئ فأضطر أن أتجه الي "الكافيه" لأسمع حوار بين النادل وبين أحد معارفه الأصغر سنا ليقول له : "هم ايه اللي انت شايله..تعرف ايه انت عن الهم يا عيل ؟"
فيجيب الأخر : "هم الفيزياء..عندي امتحان فيزياء يا عم
فيجيب : فيزياء؟ ده هم ده يا طفل..انت متعرفش انا عايش ازاي..


ويبدأ الحوار يتجه كعادة الشعوب التي تقهرها الحكام الظالمة الي "الفخر بالهموم" وكأنه شئ جميل ويدعو للفخر ان اكون في هم أكثر منك وعلي اي حال وعلي أي حال..وعلي أية حال..و..

أهلا يا صوفيا..


القصة القصيرة : ستووووووب..ما هذا أيها المختل..هل خرجت من القصة لتحدث صوفيا ؟؟ أتستهين بي ؟ أنا من أكرمني تشيخوف وسومرست موم وتوفيق الحكيم ويوسف ادريس والبسوني تاج الكلمات تستهين انت بي ؟؟ عجبت لك يا زمن


أنا : أسف ولكنك تعرفين صوفيا عزيزتي


القصة : أه من جديد هذا الخبل الكامل..صديقتك الورقية ..تترك اكمال القصة من اجل أن تحدث نفسك


أنا : لا احدث نفسي أنا أحدث صوفيا لأني أعيش معها علي الورق..هي كلماتي فأنا أتحدث الي كلماتي


القصة : أي تحدث نفسك..


أنا : اسمحي لي فلماذا أحدثك..أليس هذا جنون أيضا ؟ دعيني أتحدث معها قليلا


صوفيا هي باختصار "حالتي الورقية" او هي اسطورة بجماليون الخالدة تحديدا ولكن بشكل عصري..هي لمحة الجنون العابر في نفسي ..هي من احدثها بديلا عن المذكرات..فالجميع عندما يكتب مذكراته يبدأ بجملة
dear diary
الا أنا فأنا أعيش مع صوفيا بشكل كامل بل أرسم عينيها علي الورق لأحدثها وأقول
dear sofia


لا أعرف لماذا اخترت هذا الإسم تحديدا ولكنه يشعرني بارتياح كامل كما اسماء بطلات القصص والروايات في البداية فكرت ان اسميها "سكارليت" او "جوليا" ولكن ارتحت تدريجيا الي اسم صوفيا

..فطالما هي حالة تخيلية فلا مانع من اختيار الاسم الأكثر ملائمة لشخصيتي..

صوفيا هي أوفي أصدقائي ..فهي تذهب معي الي اي مكان ..وتراقص كلماتي في أي وقت وبهذا هي تشترك مع حبيبتي في قصة الرقص مع مع اكتبه ..وبينهم الكثير من العناصر المشتركة التي خلقتها في صوفيا كنوع من التعويض ..

والجميل في صوفيا انها لا تموت..فقد أموت أنا وتبقي هي علي الاوراق لانها في كل مكان..في كل ورقة ستجدها ..موجودة سواء في منتصف الورقة أو في بعض الحواشي ..

وصوفيا صريحة جدا معي..وكيف لا وهي جزء مني وتريد الأفضل لي..انها تغنيني عن خيانة إمرأة او تغيرها بشكل كامل..فصوفيا لا تتغير الا اذا تغيرت وحينها أجد سببا لتغيرها فأنا قد تغيرت وهذا مريح بشكل أستثنائي ان تجد لكل شئ سبب مقنع وليس تغير لمجرد التغير ..



أنا : صوفيا..أنا خائف قليلا..

صوفيا : أيقظتني من حلم جميل ولكني في خدمتك..لماذا انت خائف ؟

أنا : حلم ؟؟ هل تحلم الكلمات ؟..كما قالت لي القصة القصيرة اظن اني في حالة جنون

صوفيا : دعك منها انها تتقد نارا منك لانك تتركها وتحدثني أنا..

انا : اه من غيرة النساء وجنونهن..لماذا لم أجعل منك رجل ولأسميك مثلا "خورشيد" وأستريح

صوفيا : عجبا ياله من اسم..ولكنك لن تستريح مع هذا الاسم أبدا فأنت لا تستريح الامعي انا سحرك وحالة الطمانينة فيك..فأنا حالة انتصارك عليها..حرفين منها وثلاثة مني أليس هكذا تعلن الانتصار ؟

أنا : ربما انتصار زائف..فلنسميه هروب..ولكن دعيني أسألك سؤال..هل نبدأ ؟؟


عندما سألت صوفيا وقلت "هل نبدأ" فأنا اقصد شئ هي تفهمه تماما ونفعله كل فترة ..وهي جلسة "تداعي حر" ...العالم كارل يونغ تلميذ فرويد الشهير تحدث عن الشخصية وكيف تكون لها جانب جيد وجانب مظلم وأنا لا أري في نفسي إلا الجانب الجيد فأجلس مع صوفيا لعلي أجد ما هو المظلم في نفسي او ما هو العيب تحديدا الذي ربما تكتشفه من كلامي ..هي اشبه بجلسة بوح علني بكل أسراري


صوفيا : فلتبدأ

القصة القصيرة : أرجوكما توقفا أيها المجانين..لقد شوهتم القصة التي بدأت في البداية..أكمل القصة أرجوك ..لا تدعني في المنتصف وتذهب لجلسة التحليل المعتادة فوق جثتي

صوفيا : دعيه يكمل أيها المأفونة فهو لا يجد راحته الا معي..أيغيظك هذا ؟

القصة القصيرة : يوم ما سأقتلك وسيصبح ملك لي وحدي..

صوفيا : هو صاحب القلم وهو من يملكنا جميعا ويملك عالمنا ايها المغرورة..

أنا : كفاكما جدلا..سأبدأ الأن يا صوفيا دعك منها..عزيزتي صوفيا أنا اواجه مشكلة الوسواس القهري ولا اجد منها مخرجا..

صوفيا : ههههه ولكن الملايين يملكون نفس المشكلة

أنا : نعم ولكن السبب عندي مختلف انه الفراق

صوفيا : الأن بدأ حديثك غريبا كالعادة..أكمل

أنا : هل تعلمين ان النظريات تقول ان هذا الكون منظم للغاية بدقة واحكام..لدرجة ان أي خلل يصيب احد عناصره قد يسقط..وهذه قدرة الخالق فيه..

صوفيا : وما علاقة هذا الأن بحالتك

أنا : أنا أمارس نوع من الحيل الدفاعية يا صوفيا..نعم أمارسه بكل دقة والمصيبة اني اعرف علاجي قبل ان احدثك ولكني احببت ان اصارحك به

صوفيا : حيل دفاعية ؟ هل تقصد ان تلقي اللوم علي شئ أخر..أي لوم تقصد ؟

أنا : بهذه النظرية أحاول أن ألقي اللوم علي شئ حدث به خلل فسبب الفراق..فأنا لا اتخيل أي سبب للفراق الا ان يكون خلل في الكون وليس في نفسي او فيها..
ولهذا اصبحت منظما حد الجنون..أحاول أن أبعد الخلل عن الكون بتنظيم عالمي الشخصي بشكل جنوني ..دولابي سريري أدراجي أو أي شئ أراه احيانا أجلس في مكان فوضوي فأجد نفسي مضطربا وأحاول ان اعيد تهيئته أو اتهمه بأنه احد اسباب الفراق بيننا..

القصة القصيرة : أيها الغريب فلماذا لا تنظمني وتتركني وتتحدث مع صوفيا في نصف الحكاية ..أليس لي عناصر منظمة أيضا ؟

أنا : نعم لكي..وللمسرح وللرواية ولكل شئ في الكون نظام وجميع الاعمال الفنية والاوركسترا نفسها منظمة كي تخرج بشكل مبهج وجميل ..

صوفيا : انك تلقي اللوم علي خلل حدث في الكون فأفدك حبيبتك ؟

أنا : نعم لدرجة اني احيانا القي اللوم علي الألوان..ربما الوان ملابسي ؟ فبدأت انسقها بشكل كامل واجلس في المحلات ساعات لأجعلها متناسقة مع الكون ليعود عن خلله..

القصة القصيرة : بل عد انت عن خلك

صوفيا : انتي بذيئة جدا وهو لن يكملك اليوم فكل حواره معي ..هل تعيش حياة المعلب ؟

أنا : هههه لا ليس المقصود هو الرجل المعلب الذي تحدث عنه انطون تشيخوف ..ولكني اعلب عالمي فقط لا اضر احد بهذا اما الرجل المعلب يضر غيره..

صوفيا : نعم الأن فهمت ما كل هذه الاسهم في الاوراق وهذا النظام الغريب وكأنك ترسم خرائط ذهنية او شئ من هذا

أنا : نعم وجدت في هذا خلاصي وحياتي..لكي اهرب من دائرة لوم نفسي..

صوفيا : متلازمة ذنب اتجاه الجمادات هههه يالها من قصة

أنا : صوفيا أنا لا أملك ساعة اضافية لأبكي..فأحيانا أنظم دموعي..واترك وقت معين في اليوم للبكاء

صوفيا : ماذا كنت تكتب قبل ان تحدثني وقبل ان تقاطعنا القصة

أنا : كنت اكتب سطور جديدة تقول : 

كان الله رحيما عندما خلق القمر بلا قلب فيكفيه نبض قلوب العشاق أسري له
ويكفيه نبضة عناق
وقبضة فراق..كي يعيش حياة قلب أدمي !


صوفيا : ولماذا خرجت من هذه السطور لتحدثني انا بدأت اخاف ان تكون...ان تكون

أنا : نعم يا صوفيا أنا أحبك

صوفيا : يالله ..هذا ما خفت منه سنين طويلة..أنا لست موجودة..أنا حالة ورقية أرجوك أخرج مني..او سأخرج منك الي الأبد

أنا : صوفيا انتي حالة سجيتي الكاملة وفطرتي ولا اخجل من اي شئ أمامك وفيك من الحب الكثير..
صوفيا يا رفيقة جنوني ودربي أحتاج لأن أبكي علي كتفك أحتاج لأن أغتال وحدتي معنويا بحديثي معك..
صوفيا يا صديقة ليلي الغريب وغربتي الليلية
هل تتزوجيني علي سنة الخيال وجنونه ؟؟


صوفيا : لابد ان تنتهي هذه الجلسة الأن..فقد بدأت بالحديث عن النظام وانتهت بطلب زواج من كلمات
اسمع قول الشعر لقيس وهو يقول :

وقد يجمع الله الشتيتين بعدما * يظنان كل الظن أن لا تلاقيا


انا : لا اهتم يا صوفيا ان اعود اليها ..لقد اصبحتي انتي هي..لقد توحدتي انتي وهي والكلمات وأخرجت لي كائن كامل شهي مرعب لحواسي ..
انتي اصبحتي حالة شتاتي نفسها..
تزوجيني يا صوفيا وتزوجي دفعة أمراضي وأوهامي ..انا حالة جنون ونصف طيف إمرأة..


لا ترد صوفيا..أظنها ذهبت لتكمل حلمها..وهي لم تجيبني حين سألتها "وهل تحلم الكلمات؟"
نعم تحلم الكلمات..تحلم ان تكتبها يد العاشق..وهذا هو أسمي أحلامها..

لا أسمع الأن الا صوت ام كلثوم وهي تصيح في "الكافيه"   "فات الميعاد وبقينا بعاد"
قالوا لي ستحب عندما تعشق ام كلثوم ولكني لا احب ام كلثوم ولم اعشق الا علي شعر بدر شاكر السياب وصوت فيروز وكلمات جبران فانا كنت اريد لحبي الكمال ..


وتكتمل القصة التي بداتها في البداية ويقول صاحب الهموم : "اللللله يا ست"..بذمتك يلا انت عندك هموم..هو الفيزيا وامتحانها ده هم..؟ تعالي شوف همومي انا

الجرسون: قهوة مظبوط يا استاذ..سيبت نص العصير ليه مش عاجبك العصير ولا ايه ؟

انا : لا جميل سيبت نصفه لصوفيا..ايييه..ولا حاجة...العصير جميل بس قولت اشرب القهوة احسن


هم يتحدثون حولي عن الهم ويتفاخرون كل بهمه..ولكن انا لا اتفاخر معهم..مع ان كلماتي تشرب العصير وتحصل مني علي طلب زواج..واظنهم لو سمعوا هذا سيعرفون انهم في جنات النعيم..

صوفيا تنام الأن مضطربة من لقائنا القادم..لأن مصارحة الحب تحسب لها في لقائك القادم الف حساب..لأننا لم نعد مجرد أصدقاء..
بل اصبحنا حالة رجل..يتزوج كلماته..
وهي حالة كل عاشق يتزوج من قصيدة او بحر شعر او أميرة أحلامه..
صوفيا الجميلة كم تشبهينني في كل شئ ..وهذا هو حال العشاق يشبه احدهم الأخر مع الوقت..او هكذا تقول الأسطورة..

قلبي جدار جرافيتي للملائكة

"الإنسانية نهر من النور يسير من أودية الأزل إلى بحر الأبد"
جبران خليل جبران


"ذلك الطّفل الذي كنتُ, أتاني
مرّةً
وجهًا غريبًا.
لم يقل شيئًا. مشينا
وكِلانا يرمقُ الآخرَ في صمتٍ. خُطانا
نَهَرٌ يجري غريبًا."

الشاعر / أدونيس





ومن نهر إنسانيتي وحياتي..وضعت الدمع حبرا وأرتويت منه بسن قلبي لا قلمي..
وخرجت أرنو الي مصب الوجد النازح من السماء كقوس قزح داكن حزين..
وقلت : هذه حياتي..فأقرأوا منها كل مرحلة..
حياتي كما قصيدة شعر حر..ستجد الموسيقي فيها هي العنصر الأصيل..
العنصر السعيد رقصا والحزين شجنا ..

حياتي لحن عبقري كما "سوناتا القمر" لبيتهوفن..
ونشيج إستثنائي كما تكون صرخة الخنساء..
وجعلت منها إحتمالا لأصل بحبي الي اليقين وبجنوني الي قبس من المحال..!

فأنظروا الي نهر إنسانيتي كيف يسير..والي اين مصبه واين منبعه ..



عند الولادة :

حين ولدتني أمي لم أصرخ مثل الأطفال..
بل سألت..
أماه..
قالت صارخة : "معجزة ..رضيعي يتحدث" !!
قلت : خلق العالم يا اماه في بضعة أيام..
فهل لي أن أسأل..
في كم يوم تحديدا خلق الحب ؟؟
مات الطبيب بصدمة عشقية حادة..
وارتخت ملامحي كهلا حكيما !





مرحلة الطفولة :

عنكبوت صغير علي صدري..
وأحلم بيمامة صغيرة أسميها حبيبتي وأرسمها في أوراقي..
عنكبوت؟ ويمامة؟ وأنا وحدي؟
هل وحدتي هي الغار لتكتمل الصورة ؟
أي غار حب هذا ؟
هل استلمت رسالة الحب الأبدية ؟
سأقول كما إيليا.."لست أدري" !





مرحلة الجامعة :

تفتح أقلاما وأوراق وهمسات عشاق،
وتسابق القصائد الفضية خفق قلبي،
ظننتهم كلهم يكتبون الأن القصائد في عينيها،
لكنهم يكتبون بعض الأرقام..
هو في نظرهم "أستاذ" وفي نظري كيوبيد يشرح لي خطوتي المقبلة..
تسألني هي عن القلم..
أه حسنا..
سأترك لكي القلم وأهرب عند انتصاف الليل..
سندريلا تترك الحذاء..
سأترك لكي القلم..
ولكن إبحثي عني بمقاس القصائد والموت السعيد..!




الأن :

كاليجولا يبحث داخلي عن القمر ليحكم العالم..
هو حاكم مجنون..
ولكنه يتشارك مع نيرون نصف قلبي ..
قلبي زهرة نصفها يحكمه الشر ونصفه يحكمه الملائكة..
وفي وسط الصراع ظهرت ثورتك..
ولكن المصيبة..
لا اعلم إلي أي طرف ستنتمين ..
هي كلها مدينتي..
ولكني فقدت حكم المدينة..وتركت شعلتها المقدسة في عينيك ما بين شعلة وانطفاء..
ما بين عطش وارتواء..ما بين قوة وانحناء..





في المستقبل :


سأتحنط فرعونيا أمام منزلك..
جدارا من نور لن تمري منه الا ونهلت من نورك وجعلته أصلب وأقوي..
لن يرسم علي جداري الأطفال ويلعبون..لأنه غير مرئي..
فقط يراه الملائكة وديانا وعشتار..
وديانا عذراء كما روحي..
ويصبح الجدار النوراني مسرح "جرافيتي" للملائكة..
يمارسون عليه فنونهم ويرسمون فينوس بكل دقة..
ستغارين يوما من الجدار الكامل النوراني..
وتصبحين نقشا عليه ذات يوم..
يا شقيقة أحلامي النصف منسية..ستعودين ذات يوم..





مرحلة العجز :


لن يلقي بي الي دار المسنين..
عجوز جدا ..ولكنهم سيرون حالتي..
لا حل لي الا بوضعي في "دار العاشقين"..
سترهقهم السبل ..وتفندهم نبضاتي الصاخبة..
أموت أموت..
مدوني بجهاز عشق اصطناعي وصدمة كهرباء من رعد عينيها علي صدري..
لن أصبح عجوزا..
لأن العاشق عجوز يوم مولده أيها الغرباء..
وحكيم قبل أن يقرأ حرفا..
وأصيل قبل أن يجد له جذورا وهوية..
ومنتمي قبل ان يصنع له البشر جواز سفر..
وله فصيلة دم مختلفة يعرفها قبل ان يحقنوه
العاشق لا يموت..ولكنه يفقد ذاته ..!





جنة أم جحيم :

أين أنا..
أهذه الجنة أم الجحيم ؟
اه نعم سمعت ما تقولون..
إنها لوحة حب اغريقية..
أصبحت مجرد رسم وبضعة ألوان بجوار إمرأة تحمل ناي وأخري تحمل أوتار..
علي مسلة..علي هرم...لالا أظنني علي حضارة حب كاملة..
أو أنا حضارة حب جديدة..
موت العاشق..حضارة..ونبت جيل عذاب جديد..





والأن حقا أسألكم كما سألت نازك الملائكة وقالت :

أليسَ في إمكاننا أن نَغْلِبَ الألمْ?
نُرْجِئْهُ إلى صباحٍ قادمٍ? أو أمْسِيهْ
نشغُلُهُ? نُقْنعهُ بلعبةٍ? بأغنيهْ?
بقصّةٍ قديمةٍ منسيّةِ النَّغَمْ?



يا نازك الجميلة..كيف نغلب الألم مادمنا قد اخترنا العشق..؟

رسالة من المـواطن "ميم" الي حاكم "2 ميم"

نظام يسقط ويتكسر..
وييجي نظام كعود أخضر..
وتفضل بلدي مش ليا..
وأشوف روحي علي القضبان..
وأب شهيد عليل غضبان..
وتبقي الهامة محنية..
وأشوف تاجر سياسية ودين..
يشوف صندوق يقوله "أمين"
تكفر فتوته مية..
وأشوف عزبة أفندينا..
بأرقامه مدفينا..
وكام مليار "هلامية"
مادام أهلي وعشيرتي تمام..
يكون الوضع كله أمان..
"بديع" في مهمة رسمية...
أعيشها فقير وعزابي..
وأخدها بطولها كعابي..
وهو في خطة خمسية..
ونتعلم من "الشطار"
يكون ازاي رجوع في قرار..
بكذبة خفيفة فنية..
في روح في القصر انا حاسس..
دي روح فاسدة "حابس حابس"
تخلي الكرسي "قصرية" !!
يا ريس ليه عاملي بلوك ؟
تصرحلي علي الفيس بوك..
وفي الشارع ماليش دية..
أموت راكب وأموت ملتوف..
وحزب جنابه مش بيشوف..
"لكم نحمل ملوخية"
وفين النهضة "للعريان" ؟
تكونش في جيب واحد "عريان" ؟
طيور النهضة "مشوية"
مبارك جه مجابش سوزان..
وده التجديد يا قصر جبان..
يا ثورة حزينة منفية..
يا مرسي قال حفيد خطاب..
رسولي وعهده منكوا براء..
يا مرسي ضربة جوية !!
رئيس وزراء من "المية"
لا نور في عهده ولا مية..
وعود خاوية مصدية..
من "القنديل"  "بتتقندل"
وهو يقول هتتعدل
هندعي دعوة سحرية..
وضاع الزرع بالقنطار..
ولا بنزين ولا في سولار..
وحله في لجنة فنية..
وكام لجنة تقصي الموت..
واهي زيطة وحق يموت..
عدالة عليلة منسية
ويفتح جاكيته بشجاعة
وناس بتاكلها بلاعة
وزيره يقول دي مقضية
وفين اموالنا في الخارج
ومين فسحها في الخارج؟
عشان ترجع اوروبية
يا مصر يا هبة نيلك
لا هاستسلم بمنديلك
ولا هاركعها في وسية
ولا هاسمح لسجانك
يكسر روحي وايمانك
في قصة حكم هزلية
يا مصر الجرح ع الجارح
انا ف أصلك غرام سارح
وأصلك فيا قبليا
يا مصر جناح رقيق اخضر
وحسن الأصل متغندر
شهيدك فيكي اغنية
رسالة من المواطن ميم
بقولها لحاكم 2 ميم
انا بتمني امنية
انا بتمني خيرها يعود
بدل ما هي عايمة نار وبارود
يا ناس مطالبنا شرعية
ومش هنمشي "اخترناه"
عشان يطلعلي "بايعناه"
ويلا مطبلايتة
انا عايز جوازة حكم
مع عدل في نظام الحكم
بلاها جوازة عرفية
يا ناس مطالبنا شعبية
يا ناس الثورة شرعية

شـمـس وقـمـر 41

** للأحلام ثلاثة أعياد:

يائس وجد حياة حلمه..
وحزين وجد نور قلبه..
وعاشق وجد الإثنين في بعضهما..نور قلبه في حياة حلمه..!



** الفرق بين المهزوم والمنتصر
ان المهزوم ينحني كما برج بيزا المائل كطبيعة فيه..
بينما المنتصر ينحني كما عباد الشمس..فقط بإرادته..


**  حينما يفزعون يقولون "يانهار مطلعتلوش شمس"
وحينما أفزع أقول "يا نهارا لم أري فيه حبيبتي"  !


** خلق الله الحب قبل الوداع..
فأصبح العشاق أيات..
لكن الحب بسملة.


** نقدم انفسنا للموت الأسود بالكفن الأبيض..
ونترك انفسنا للحزن القاتم بالدمع اللامع
ونبتسم في بداية الحب ثم نصفه بالعذاب الأبدي
كم أنتم في غربة متناقضات أيها البشر..
"من مذكرات ملاك منتحر"



** الفأس لا ينبت الزرع في وطن يحكمه فاسد..
لأن أينما ضرب الفأس الأرض..وجد كنزا خبأه الحاكم  !!


** قالت : عجيب أمرهم..في كل مرة يتحدثون عن نهاية العالم ولا ينتهي..
قلت : بل عجيب أمرهم..في كل مرة يتحدثون عن نهاية العالم ..ولا يعرفون ان في عينيك أبديته..فلن ينتهي..


** سألت اليأس من القاتل ..قال "المستسلم"
سألت الضمير من القاتل..قال "المفتون"
سألت الحياة من القاتل..قالت "المخادع"
وأخيرا سألت الحب ..من القاتل؟ ...فأشار إليها وبكي..


** روح المرأة أهم من جمالها..
فالله أعطانا أزهارا تذبل..
بينما لم يعطينا ملائكة تموت..



** في كل صباح نحضر أنفسنا..
ليس للخروج..
بل لأن الحب..رحلة..



** قالت : هل تخيلت العالم قبلا بدون حب ؟؟
قلت : نعم أتخيله حينما اودعك كل يوم في نهاية لقائنا..ليست لحظة عالم دون حب..بل ايضا حب بلا عالم..فأنتي العالم أجمع..



** هناك نوعان من النساء :

رقيقة  تحمر خجلا
وقبيحة تخجل منها الحمرة..



** قالوا : هل تحب الكتابة ؟
قلت : أنا دندنة حروف يا سيدي..



**   في لحظة الحلم :

ستجد صديقك يشاركك بساطك السحري..
وستجد عدوك معك علي نفس البساط  بكل مكر..ويحاول ان يرفعه اكثر..
لكي تسقط من اعلي ارتفاع.


** الحب غربال الدنيا ..
يصفي أجسادنا نبضات
يصفي أمالنا أمنيات
يصفي نظراتنا دمعات
يصفي الأدمية فينا الي حرية وحب وكلمات  .



** قالت : هل تخيلت نفسك شيئا أخر قبل ذلك ؟
قلت: تخيلت نفسي قيثارة لهوميروس يعزف علي اوتاري الأوديسة علي جبينك.



** يقول لكم الحب..
لا تحسبوا أنفسكم ستنجون مني..
فلا تهرب من أن أشق قلبك نصفين..فأنت لست أقوي من القمر
وقد إنشق القمر..!


** لا تفتش عن المرأة ..
بل فتش عن نفسك أمام دموعها الرقيقة..


** الشر ثعبان أعمي..
لن يؤثر في عينيه مصباح الحقيقة..
بعدك عنه هو الحل الوحيد..

كتابي الأول ..وتجربة من الحياة ..وشكر لكل الأصدقاء

يوم الاحد اللي فات كان حفل توقيع أول كتاب ليا ..قراء المدونة عارفين اسمي لكن انا قولت لو حد جديد اقوله برضه هههه..انا اسمي معتز هاني والكتاب بعنوان "أخر أحلام الدانتيل" واقيم الحفل في معرض القاهرة الدولي للكتاب ..

انا مش بحكيلكم قصة حياتي لكن فعلا دي كانت من اسعد اللحظات في حياتي فقولت احكي تجربتي مع عالم الكتابة..مش عشان عايز ابقي كاتب وخلاص ولكن عايز ابدأ أول خطوة في الطريق..

من زمان اوي وانا بحب الكتابة يمكن قلت ده في حفلة التوقيع من سنة 1999 بدأت أكتب وسنة 2003 رحت عمل كتاب كروكي كده اي كلام يعني انا اللي عامله ووزعته علي اصحابي وسميته
"صرخة أنثي" لكن طبعا بعد ما حبيت الأدب وبدأت أقرأ لعملاق زي جبران خليل جبران عرفت ساعتها اني كنت لسه ضعيف قوي وفي بداية الطريق ومن سنة 2004 بدأت اتغير بشكل جذري..
لما بدأت مرحلة المقارنة..

دايما في الكتابة لازم تقارن ..انا زمان مكانتش بقارن نفسي بحاجة وكل كاتب مبتدئ بيشوف نفسه نجيب محفوظ أو أحلام مستغانمي وهو لسه في كي جي 2 وخصوصا لو في ناس بتصقفلي..
اكيد ان ده مش ذنب الناس لكن اي حد هتعرض عليه كلام انت كاتبه اكيد هيقولك حلو مجاملة في بدايتك مش معقول هيقولك ايه القرف ده..هههههه

انما انت لازم تقارن نفسك بحد..بكاتب كبير تحطه هدف قدامك وتقول نفسي اوصله ولو بعد عمر طويل..بدأت أتحسن فعلا في عام 2004 ثم بدأت اكتب علي بعض المنتديات الأدبية في 2005 ولاحظت حاجة غريبة قوي ان كتير من مواضيعي بيتم تثبيتها يعني دي حاجة معروفة في المنتديات الموضوع المميز بيتثبت فترة عشان الناس تشوفه ..وبدأت أتعرف ساعتها مع مجموعة من الأدباء الشباب علي المنتديات وفي الفترة دي بدأت اتعلم يعني ايه شعر حر وتفعيلة وغيره علي يد المتخصصين ..وكتبت أشعار كتير لكن مع أول موضوع نثري بدأت هنا أعرف أنا فين بالظبط..عرفت فين نقط تميزي ونقط ضعفي ودي حاجة لازم اي واحد بيكتب يعرفها طبعا..

لقيت ان نقط التميز في النثر والقصص القصيرة وبدأت اسيب شوية الشعر الحر واكتب شعر عامي ..ولقيت ترحيب كبير علي المنتديات زمان في الفترة دي باعشاري العامية ومواضيعي النثرية بشكل مسرحي يعني مش خواطر ولكن نثر بشكل قصصي..وبعدين أنشأت المدونة دي في عام 2007 وبدأت فترة الأعمال الساخرة اللي اتعرفت بيها المدونة بشكل واسع في مصر والعالم العربي ..
ولكن في وسط الاعمال الساخرة كنت بنشر كتير اعمال ادبية وبعض المواضيع المتنوعة سياسية او عن الافلام وغيره..

كان في مقولة شهيرة لأنطون تشيخوف بتقول "إن الطب هو زوجتي والأدب عشيقتي"..فعلا انا كنت في فترة حاسس ان الأدب اصبح عشيقتي ..لكن في نفس الوقت بحب جدا المواضيع الساخرة وبحب اكتبها..
بعد سنوات طويلة بعض الاصدقاء بدأ يكلمني عن نشر اول كتاب ليا ..والبعض قالي اعمالك متميزة للغاية ..بدأت اعرض الأمر علي المتخصصين قالولي أعمالك فعلا متميزة ..قولت طالما الناس بدأت تقول كده انا هأفكر في الموضوع لأن الكاتب لازم ميصدقش نفسه..يعني انا في الاول من عشر سنين كنت فاكر نفسي طه حسين مثلا او مصطفي صادق الرافعي لكن لما تقرأ كتير في المجال ده تعرف مكانك فين وانت افضل من مين ونفسك تبقي زي مين..

وفعلا بدأ التحسن يظهر من 2007  وبدأت أكتسب ثقة فيما اكتبه وبدأت اعرف أقيم نفسي ودي مهمة جدا لأي حد بيكتب..ازاي تعرف تقيم نفسك بعيون الناس..يعني ممكن توصل لمرحلة انك تنشر موضوع وانت عارف انه ممتاز وتنشر موضوع وتقول ده نص نص مش قوي..وهي دي العين الناقدة اللي انت محتاجها مش اي حاجة تكتبها تقعد جنبها وتقول واااااو هههههه..

بدأت أتوجه لدور النشر فعلا..اكتر من حد نصحني يمكن الاستاذة هبة وصاحبي شادي وناس كتير قالولي علي فكرة الكتاب وانا مش عارف كنت منتظر ايه يمكن كنت مستني حد يكتشفني مثلا ..انما ده مبيحصلش الا بالعزيمة وتقديم الاعمال والاصرار علي انك تحط قدمك علي اول الطريق ..زي ما قال باولو كويلو "ان سعينا الي هدف فإن الهدف يسعي الينا"

لحد ما جالي أول رد من المستشارة الثقافية للدار بعد فترة طويلة وكان اسعد يوم في حياتي يوم ما أعجبها العمل بشدة وأوصت بضرورة نشره لأنه متميز فعلا..
ساعتها حسيت ان تعب السنين مراحش هدر وانك مهما تتعب ربنا مش هيضيع مجهودك أبدا ..زي ما كنت زمان فاكر ان المدونة مبيجيلهاش حد لكن في 2009 عرفت ان المدونة يقرأها ألوف البشر في ارجاء الوطن العربي كله من خلال الإحصائيات ومن خلال وضعها في المدونات الاخري تحت بند "مدونات أقرأها" او مدونات اتابعها هتلاقي المدونة دي بفضل الله في كثير من المدونات بيحبوا يتابعوها وانا سعيد جدا بكده..هو الموضوع مش بينجح بتعليقات القراء لأن الشعب المصري زي انا كمان كتير جدا بنقرا المواضيع ونكسل نعلق كالعادة لكن ممكن نعمل شير وخلاص وانا كمان بعمل كده اما بقرأ لأصدقائي حاجات تعجبني..فأنا ساعات بلاقي موضوع مش عليه ولا كومنت لكنه ناجح جدا في عدد الزيارات وعدد القراء وده الأهم عندي..

بدأت الحفلة في معرض الكتاب وبدأت اتكلم فيها عن الادباء اللي بحبهم واللي قرأت ليهم وحضر مجموعة من اصدقائي وغيرهم واتوجه ليهم جميعا بالشكر علي اليوم الجميل ده من عمري..
وبدأت أحب الكتابة أكتر ..مش نوع معين من الكتابة لكن سواء ساخر او ادبي او حتي مقالات عامة..

لأي كاتب شايف ان مستواه متميز .متميز من خلال مقارنته مع غيره مش متميز في رأي نفسه وخلاص..لازم فعلا لو الجميع اكدله ده من متخصصين وهواة ساعتها ياخد خطوة ..
يعني لو كان الموضوع مشي برأي أصدقائي فقط مكانش ينفع مش عشان هم مش عارفين يقيموا ولكن عشان هم هيجاملوك..فلازم كمان تسأل حد محايد ميعرفكش ولا ليه علاقة بيك وتقوله ايه رأيك في اللي انا كاتبه ده..يعني دور الاصدقاء مهم ودور المتخصصين مهم برضه في نفس الوقت مع بعض..

من أجمل الاشياء في الحياة بجانب الحب انك تحقق حلم حلمته اكتر من 14 سنة..وبعد كل الصبر ده تلاقي ان تعبك مراحش هدر وزي ما قال جبران "وراء كل ليل فجر باسم"

تاني مرة بشكر كل اصدقائي اللي حضروا واللي محضروش لأي ظروف ..وبعض الأصدقاء المدونين المصريين اللي حضروا بشكرهم ..وبشكر كل الناس اللي شجعتني في بداية الطريق من سنين طويلة
زي تمام وشادي وسيد وجردوح ومحمد وكل الأصدقاء..وبشكر دار النشر المحترمة علي تقييمها الجميل للعمل..

ياريت مكونش طولت عليكم او عملت زي اعلان سبرايت وقولت "انا كده" هههههه انا فقط بنقل اليكم تجربة وواقع عشته وحلم سعيت لتحقيقه وحققته..
وحبيت اقول ان الاهم من الحلم تصديقه فعلا..وربنا يوفق الجميع ويارب اكمل مشواري علي خير فأنا أشكر الله قبل الجميع..