حلم الدولة الفلسطينية.. وعلمانية أم عنصرية غربية

علمانية أم عنصرية !

في كثير من الأوقات تختلط الأوراق ما بين علمانية الدولة او عنصريتها هل تمثل العلمانية المعلنة احيانا قناعا لعنصرية ضد كل ما هو عربي أو مسلم أو عنصرية من نوع أخر ؟
هل العلمانية التي تقف علي مسافة واحدة تتوه في المسافات المرسومة لها ؟
علمانية قارية او ماركسية او انجلوسكسونية ومهما كانت تصنيفاتها وانواعها هل هي الغطاء الشرعي للممارسة العنصرية المعلنة ؟

عندما شاهدت خطاب "ابو مازن" المؤثر الذي شاهده العالم بأسره تذكرت معه مدي العنصرية المعلنة كأنها حرب مقدسة ضد العرب والمسلمين في كل شئ ولأي سبب.

شاهدت حلم دولة ينهار بسبب "فيتو" ..وشاهدت لا تتعاطف مع ابو مازن لكي تتعاطف مع نفث الشيطان !
شاهدت اغنية فلسطين بدأت تقترب ببداية لحن اغنية تسمي "مستني دولة بإيلول" تعبر عن حلم كل فلسطيني .
يقول البعض انهم علي الحياد تماما من جميع الأديان ولا نري الا حوادث عنصرية معلنة ضدنا فقط .

في الفترة الاخيرة اثارت العديد من القضايا العنصرية التساؤلات عن مدي استمريارية هذه الأفعال التي يرفضها حتي بعض مواطنين المجتمعات الغربية نفسهم ويعترضون علي ممارسة حكوماتهم العنصرية بل ويخرجون في تظاهرات ضد حكومة بلدهم لكي يناصروا الطرف الأخر احيانا.

كلنا رأينا في فرنسا الظابط الذي أوقف سيدة لانها تلبس النقاب فتعاطف معها البعض من المارة في الشارع وسارعوا لانقاذها من يد الظابط الفرنسي في لحظة تعاطف مع قضيتها وحريتها الشخصية.
كيف تكون العلمانية هي نموذج لكبت الحريات أحيانا لتعارضها مع بعض مبادئ الدولة !

رأينا ايضا "فيلدرز" رئيس حزب الحرية الهولندى عندما طالب بإستفتاء لمنع انشاء المأذن للجوامع ليحد من انتشار الإسلام بأي صورة مما أثار إستياء الكثير من المسلمين وحتي مواطني هولندا انفسهم .
ورأينا القرار الفرنسي الأخير بحظر الصلاة في الشوارع مما اثار غضب المسلمين هناك الذين يقدرون بحوالي خمس ملايين مسلم في فرنسا .

ومازالت الكتب العنصرية والأعمدة في الصحف تلقي الاتهامات جزافا ضد كل ما هو عربي ومسلم وتصدر كميات من هذه الكتب سنويا خصوصا في أوروبا اضعاف ما يصدر في أمريكا من هذه النوعية لان اوروبا تمتلئ بالمسلمين وتخشي ما يسمونه "خطر المد الإسلامي" .

وحادثة أوسلو الاخيرة أظهرت وجهها العنصري القبيح للقاتل عندما تحدث في تصريحات ايضا معادية للإسلام بكل صلف وجهل .

حتي في مجال الرياضة تجد ساحة واسعة جدا للعنصرية رأيناها ضد اللاعب "ايتو" عندما سخروا من لونه الاسود او حتي اللاعب المصري "ميدو" عندما اطلقوا ضده الصيحات العنصرية الشهيرة "ميدو يحمل قنبلة" فقط لأنه مسلم عربي !!

والحادثة الغربية جدا في الاتحاد الصربي عندما وافق علي قرارا اصدره الحكم بطرد لاعب من الملعب لانه قال عقب احرازه الهدف "الله أكبر" بشكل تلقائي ولم يقصد بها اي شئ سوي تكبير وحمد الله ولكن الحكم اعتبرها شئ يستحق الطرد من الملعب !!


وان كانت العلمانية سببا لكتم حريات المسلمين فقط فلماذا لا يمنعون مؤتمرات كبيرة تقام للدعوات الي حرق القرأن مثلا في ساحات عامة أليس من المفترض ان تمنع كي يقفوا علي مسافة واحدة من جميع الاديان !

ماذا سيحدث اذا اصدر احد المسلمين كتابا عنصريا ضد ديانة اخري في اوروبا مثلا هل سيقولون حرية النشر مثلما حدث مع كتاب "لندنستان" او غيره من الكتب العنصرية ضد الاسلام !!
بالطبع سيقفون ضد الكتاب بكل قوة وربما يصدر حكم باعتقال الكاتب حتي لو تم هذا !


لا اري املا في حل القضية الفلسطينية ابدا ليس فقط بسبب ضعف العرب ولكن بسبب العالم الملئ بالعنصرية والمريض بالعنصرية والكره والذي لن يسمح ابدا باقامة دولة فلسطينية او تحقيق احلام مسلم واحد في شتي انحاء الارض.
انها العنصرية التي يرونها تحضرا ومحافظة علي بلادهم من اخطار وهمية رسموها لانفسهم .

انها العنصرية التي تمارس بأقس صورها بإسم العلمانية أحيانا .

أستاذي العزيز بلال فـضل

الأستاذ بلال فضل واحد من كتابي المفضلين واحرص علي قراءة اعمدته دائما ولكن ادهشني مقال له قريبا يتحدث عن الجريمة وعلاقتها بالثورة بعنوان "يخرب بيت الثورة يا شيخ" الذي خرج فيه لأول مرة عن المنطق ولغة الأرقام رغم انه ساق العديد من الحوادث والجرائم في فترة معينة او اربعون يوما في ايام ما قبل الثورة وتحدث عن ان الثورة بريئة من ما يحدث وان ما يحدث الان هو نفسه ما كان يحدث سابقا علي صعيد الجريمة .

ربما نتفق جميعا علي ان الثورة بريئة من انتشاء العنف والجريمة وانا معه تماما في هذه النقطة فأنا انسب ما يحدث الان الي الخلل الامني والتقاعس الشرطي الذي لا مبرر له الا ثأرا وانتقاما من الشعب ولكن ما لا اوافق عليه تماما هو نظام "الطبطبة" علي النطاق الاقتصادي والامني فقط لكي تكون اكثر ثورية هو ان تقول "الجريمة دلوقتي هي نفسها امبارح والاقتصاد دلوقتي مش أسوأ من امبارح" وهذا كلام خالي وعار تماما عن الصحة .

أستاذ بلال انا معك تماما وأمقت بشدة من يربطون الثورة بالجريمة ولكن ارجوك لا تقل ان الجريمة والعنف لم تزد اضعافا مضاعفة بسبب الخلل الامني ويكفينا تهوينا من كل شئ لان لغة التهوين السائدة تزيد الحنق من قبل الفلول علي الثورة لانهم يروا ان كل من حولهم معصوب العين عن ما يحدث ويحاول انكاره تماما وكأننا نعيش في بلد اخر ولا نري الجرائم والكم الرهيب والدامي لها حولنا الأن .


وكما تحدثت كلام منطقي فلنتحدث كلاما منطقيا منظما عن حقيقة موضوع الجريمة الأن في عدة نقاط :


أولا : هناك ما يسمي "معدل الجريمة"
Crime Rate
وهي احصائيات سنوية عن الجرائم حول العالم وترتيب الدول العشرة الاولي من حيث الجريمة ومنها مثلا امريكا وانجلترا والمانيا في الدول الثلاثة الاولي ومعروف مبدئيا ان مصر من اقل دول العالم في معدلات الجريمة وتحدث الاستاذ ابراهيم عيسي عن ان معدلات الجريمة قليلة رغم غياب الشرطة بينما تحدثت صحف اخري عالمية عن ازدياد معدلات الجريمة في مصر ولكن تبقي من اقل معدلات الجريمة رغم ذلك .


ثانيا : استاذ بلال فضل تحدثت عن حوادث اراها منطقية او علي الاقل تحدث في كل مكان لانها "حوادث عائلية" في غالبها اما ما يحدث الان هو نوع من التجرأ .
فأظن انك تلاحظ معي ان حرق الاقسام بالكامل وجعلها قطعة من الفحم لم تذكره تماما في الحوادث التي ذكرتها والهجوم علي الداخلية لاول مرة ونزع شعاره !


ثالثا : ازدياد العصابات المسلحة مثل عصابات الطريق الصحراوي وغيرها التي تصنع مطبات من المسامير وتتهجم علي اصحاب السيارات ومحاولات لاول مرة لسرقة الشهر العقاري وحرق المحاكم والنيابات والادارات التعليمية !!


رابعا : السرقة بالاستعانة بلباس الجيش والشرطة في اكثر من حادثة سرقة أثار ومنها الحادثة الشهيرة في الواحات .


خامسا : الحروب الكاملة بين قري وأحياء مثل ما حدث في الشرقية او بعض احياء القاهرة مثل امبابةاو شارع عبد العزيز بسبب باعة جائلين .


سادسا : بلطجة الباعة الجائلين الذين كانوا يخافون من امين شرطة يمر بجوارهم اصبحوا الان يقاومون الظباط بالرشاشات سيدي الفاضل !!


سابعا : احتجاز فنادق مثل ما حدث في شرم الشيخ ان احتجز البدو فندق وطالبوا صاحبه بعشرة ملايين جنيه


ثامنا : كمية حوادث الاختطاف وطلب الفدية من رجال الاعمال مثل ما حدث لعفت السادات او صاحب احد المطاعم الشهيرة مؤخرا وغيرها من حوادث الاختطاف التي لم نعتد عليها .


تاسعا : لا تقل لي انك لم تلاحظ زيادة حوادث سرقة السيارات جهارا نهارا في كل محافظات مصر ومطالبة اصحابها برد اموال لكي يستعيدوا سيارتهم مرة اخري !


عاشرا : لا تقل لي انك لم تلاحظ انتشار السلاح بشكل مرعب في كل محافظات مصر واصبح يباع في وضح النهار وعلي الارصفة وبكل انواعه لدرجة ازدياد سعر الاسلحة وحتي الكلاب البوليسية والبودي جارد


حادي عشر : ارجوك عمل استطلاع رأي يشمل كل المحافظات يقول "هل مصر اصبحت اكثر امنا ؟ " وارجوك ان ترني النتيجة بعدها !


ثاني عشر : ان ما ذكرته من حوادث في المقالة هي حوادث تحدث الان بشكل اعتيادي ولكن دخل عليها العديد من انواع الجريمة الجديدة علي مجتمعنا مع فقدان الرهبة لجهاز الشرطة بالكامل ومقاومته بالملتوف ولم نسمع عن كم من يسقطون من الشرطة الان في اي فترة مضت في كل عملية يقتل عسكري او ظابط بسبب المقاومة الرهيبة من البلطجية.


ثالث عشر : ربما تتحدث عن الوضع الامني في القاهرة انه يتحدث تدريجيا ولكن سيدي دعنا نري الوضع الامني في بعض القري في محافظة مثل الدقهلية او الغربية وابشر سيدي الوضع مفزع بسبب غياب امني كامل في بعض الاماكن .


رابع عشر : كم حادثة مما ذكرت تشمل اقتحام حي كامل بالرشاشات وسرقة الاهالي بالكراه او حروب عصابات في شوارع واحياء كاملة ؟


خامس عشر : ما معني ازدياد بيع الصواعق الكهربائية بنسبة تزيد عن العشرة والعشرين ضعف في كل المحافظات ؟


سادس عشر : كيف تري انتشار الباعة الجائلين وعربات النقل في الاتجاه العكسي امام اعين الشرطة في النهار ؟


سابع عشر : لماذا قلت السياحة في مصر بلغة الاحصائيات ونسب الإشغال في الفنادق اذا كانت بكل هذا الامن والامان الان ؟؟


ثامن عشر : كم عدد الشقق التي تمت سرقتها في الشهور الاخيرة دون معرفة السارق ؟




استاذي العزيز بلال انت من اكثر من استمتع وانا أقرأ لهم ولكن في هذه المقالة رأي الشخصي انها كانت تهون الواقع اكثر من اللازم او لا تتحدث بلغة واقعية علي الارض التي نعيش عليها .
لا نحتاج احصائيات او ارقام لكي نعرف ان الجريمة زادت في مصر في شهور قليلة مضت وهي في تحسن الان ولكن انكار الواقع تماما في هذه النقطة هو خلل كبير.
ان من يربطون بين هذا وبين الثورة مخطئون تماما واغلبهم من الفلول ولكن لابد ان تكون محايدا تماما وواقعيا وخصوصا انك لا تدافع عن اي شئ والسلام فانت نفسك كتبت في عمودك "جمعة تصييع المسار" وانتقدت ما يحدث يومها بمنتهي الواقعية والمنطق.


اذا فانا وغيري لا نحب القول السائد "الله يخربيت الثورة ضيعتنا " ولا احب ايضا القول السائد " يا عم مافيش حاجة ده احنا دلوقتي زي امبارح" !
لا احب ان اقع بين فلول ومطيباتية !
احب ان ابقي واقعيا ولا اتحدث الا بالارقام والحقائق.
واذا كانت الحوادث التي ذكرتها في اربعين يوم فلا داعي لان اذكر حوادث شهر 2 او 3 مثلا في خلال اربعين يوم لان عشرين مقالة لن تكفي !!

اذا دعنا نسرد الحقائق كي نجعل القطاع الامني يعرف الحقيقة فمقالة مثل مقالتك يا استاذ بلال تجعل القطاع الامني "يحط في بطنه بطيخة صيفي" ويقول "ماهو كله تماما اهو ومعدل الجريمة زي زمان ومافيش مشاكل" !!
لابد ان نريهم ما تسببوا فيه من خلل بسبب تقاعسهم عن اداء واجبهم ونريهم كم الجرائم التي تحدث والسرقات لكي يتحفزوا ويهبوا لنجدة المحتاج للنجدة .

ستبقي دائما من كتابي المفضلين ولكن في راي خانك التوفيق في تلك المقالة وغلطة الشاطر بألف .

إمرأة شربت من عمر الزهور

كنا أطفالا لا نعرف ان الطائرة الورقية التي في ايدينا هي العمر..
لم نعرف سر بناء قصور الرمال علي الشطئان ليهدمها موج البحر..!
لم نعرف الحزن الا في "جرس الحصة" ولم نفهم معني الفرحة الا في "جرس الفسحة" .

كيوبيد كان يتمتع بطفولته في قلوبنا ..
كان يجهز اثناء لعبنا وانشغالنا بعض سهامه..
ويصنع من شقاوتنا اجنحة ليطير..
وأول من يطعنه من سكن بداخله سنينا..
ولكنها ليست الخيانة..فخيانة كيوبيد "خيانة مقدسة"..هي الحب..

وكأن طفولتنا مهدا للعشق..
تعلمنا "الحساب والأرقام" كي نحسب عدد سنين العمر قبل لقاء الحبيب..
تعلمنا "اللغة العربية" كي نقرأ شعرا عنه ونثرا..
تعلمنا "الجغرافيا" كي نجد خارطة جمال تأوي أحلامنا معا..
وتعلمنا "التاريخ" كي نجد عزاءا في قصة حب ضائعة أو صرخة اه ..!


لم أعرف أبدا لماذا يقولون "عمر الزهور"
وهل للزهور من عمر !
لم افهم تلك الجملة الا حين رأيتها تسكن الزهور وتشرب من عمره ..


لم أعرف أبدا لماذا يحسبون العمر بالربيع ويقولون "ثلاثون ربيعا"..
إلا حين رأيتها ورأيتها تأوي الربيع أعواما بين ضلوعها فيرد لها الجميل حنانا وروعة..
وحسبت عمري قبل ان اعشقها "خريفا" وحين التقينا تجمع خريف عمري مع ربيع جمالها..
وكأنها من روعتها "لحظة ميلاد الكون" دون انفجار الا انفجار السلسبيل الغرامي العذب .


لم أعرف لماذا ألقي اسناني في الطفولة واقول "يا شمس يا شموسة"
هل كنت أقصدها وأنظر اليها في لحظة الغروب !
وهل كانت تعيد لي ما فقدته كما اعادته لي في اول لقاء !
وحين نقول "هاتي سنة العروسة"
هل كنت أقصدها ..!
وأنظر الي طرحتها تتسربل بالشمس وتتحني بالقمر والنجوم !


ولماذا عشقنا في طفولتنا "غزل البنات" !
وحين كبرنا لم نعرف الا قهر الحب و"صخب" البنات !
هل كان "قربانا" لننجو من عشقهن !
وهل نجونا ؟
ومن يريد النجاة من غرق الحب ؟
لاأحد ..


ويمر العمر حقائب سفر وغربة مشاعر و"انشقاق" في جيش شرايينك حين تعشق !
شرايين تجد حمايتك في وحدتك وشرايين تجد متعتك في عشقك ..والكل يعمل بإسم "جسدك الوطن" .
ولا يعرف الحب الا لغة "الثورة" وإعلان دولة "الألم" وسقوط "القوة" !


و نتعلم في طفولتنا "الكشافة" ..
خيم وبضعة أخشاب وشعلة نار..
وحينما نكبر نزرع تلك الخيمة علي جبين من نعشقه..
ونمسك شعلة النار لنكتشف المجهول ..
ولا نكتشفه أبدا حين يكون المجهول هو انت في معادلة الحب !


ونحتفل في طفولتنا بعيد ميلادنا..
نضئ شموعا وشموعا..
ثم نحتفل بقطع الحلوي بدون شموع..
ثم نحتفل ببضع زجاجات..
ثم لا نحتفل أبدا..
حين نعرف ان الميلاد ليس عيدا..
انما الحب هو العيد ..
ولابد ان يكون لنا كل عام فقط عيد الحب متغلبا علي عيد الميلاد..
الا حين يلتقيان ونحتفل ب "عيد ميلاد الحب"..


وحين ننام يراودنا حلم أن نطير..
ونسأل كل من حولنا في طفولتنا "لماذا لا نطير" ؟
ونظل ننظر للسماء وللطيور ونقول "ليتني أملك ما تملكينه يا عصفورة"
ليتني أملك جناح من أجنحتك او سرعة في التحليق مثلك..
ولا تعرف أبدا ان العصفورة تنظر الي عينيك وتقول "ليتني أملك قلبا يعشق مثلك يا انسان"
ليتني أقف امام نافذتي وأتأمل مثلك في لغة العالم وتعاليم الشمس بدون بيوت القش والغربة !
فهل العصفور سجينا في براح العالم ؟؟
أم انت سجين نفسك ونافذتك ؟
حين تعشق ..ستكون مثل العصفور سجينا في براح الأرض..وتخرج من سجن نفسك !
أنها أمنية العصفور التي تتمناها ..وتندم حين تحققها !



وحين نكون أطفالا فأول ما سيجرحنا "زهرة" أو "نحلة" !
وأخر من سيجرحنا أيضا "زهرة"
ولكن قرصة النحلة حينما تكبر أصعب ..
وجرح الزهرة أعمق وأجل وأكثر قدسية !



وحين نكون أطفالا نرسم أنفسنا نحمل "بالونات"
نرقص حول الأشجار ونرسم دكانا للحلوي !
وحينما نكبر ونظل نخربش في الأوراق ..
لا نرسم إلا إمرأة واحدة..
وكأنها تربت علي كتف هذا الطفل الذي كان داخلك قديما "يرسم"..
وتمر لحظة "ديجا فو" عليك فتبكي !
وتنزل دموع العاشق بردا وسلاما فوق الأوراق .



وتظل لغتك العربية هي لغة "الضاد"
ويظل الحب هو لغة "العين"من "العذاب" و "العمر" .
ويظل الحب هو الشئ الذي كلما أستأنسته إزداد توحشا .
وكلما وضعته بين ضلوعك هدم حصونك وبني قلاعه الشامخة داخلك.
وتظل تحلم بالطفولة..لتهرب من الحب..
ويظل الحب يحلم ..بضحية جديدة وضلع جديد ووطن غريب .

سلسلة حوارات مبارك في السياسة مع فلاسفة العالم..الجزء الثـالث

مبارك : ايوه انا اخطات بس مافيش حاجة اسمها مدينة فاضلة بس انا عملت علي الاقل لتحقيق العدل ولا ايه ؟

أفلاطون : المدينة العادلة مؤسسة حيث يكون كل شخص صانعا بالمعني الدقيق للكلمة اعني مدينة للحرفيين او للصناع مدينة لرجال ونساء لكل واحد وظيفة واحدة يؤديها جيدا وبتكريس تام اي بدون التفات لمصلحته الخاصة ولا يؤديها الي من اجل خير الاخرين او من اجل الخير العام والجنود في هذه المدينة هم صناع حرية المدينة اما الفلاسفة فهم صناع الفضيلة العامة وهناك صانع للسماء وحتي الله يكون موجودا بوصفه صانعا حتي لمثل الازلية


مبارك : مش في لك المواقف بيكون اختياري العدالة لان في ناس متنفعش معهم الا القسوة والظلم

أفلاطون :ان العدالة تستحق ان تختار من اجل ذاتها او تكون ممتعة او تكفي لان تجعل الانسان سعيدا تماما في وسط ما يعتقد في العادة انه البؤس الاكثر شدة

مبارك: في ناس لو طبقت معاهم العدالة يبقي هاسيبهم احرار وهم لو سيبتهم احرار البلد هتضيع

افلاطون : ان العدالة لا تكون مفيدة الا عندما تكون القوانين خيرة اي ان العدالة لا تكون مفيدة الا في مدينة فاضلة

مبارك: وايه المدينة الفاضلة بتاعتك دي بقي ؟

افلاطون : يتم تاسيس المدينة الفاضلة علي مراحل ثلاث المدينة المفيدة لصحة الجسم او مدينة الاشخاص الشرهين والمدينة الطاهرة او ميدنة العسكر المسلح ومدينة الجمال او المدينة التي يحكمها الفلاسفة
قبل ان تظهر المدينة الطاهرة لابد ان تنهار المدينة المفيدة لصحة الانسان ويحدث انهيارها عن طريق التحرر من الرغبة في الاشياء غير الضرورية وينعدم الرضا وتوجد صراعات وبالتالي حاجة الي حكومة تستعيد العدالة


مبارك: اه حلم جميل بس غير واقعي ..مافيش في الارض حاجة اسمها مدينة فاضلة ولكن ايه هي انواع الحكم في العالم من وجهة نظرك ؟

افلاطون : خمس انواع من الحكم :
الملكية او الارستقراطية اي حكم الفرد الفاضل او مجموعة من الفضلاء اي حكم المدينة العادلة
التيموقراطية حكم محبي المجد او الاشحاص الطموحين الذي يوجه نحو النصر والسمو
الاوليجاركية او حكم الاغنياء الذي تقدر فيه الثروة تقديرا عظيما
الديمقراطية حكم الاحرار الذي تقدر فيه الحرية تقديرا عظيما
الطغيان حكم الشخص الظالم تماما الذي يسود فيه الظلم المطلق الذي لا يستحي من شئ
وهذا الترتيب يتفق مع ترتيب هزبود لاجناس البشر الخمسة وهي جنس الذهب وجنس الفضة وجنس البرونز والجنس الالهي وجنس الحديد


مبارك: اه احم اكيد ..انا طبعا من اي نوع من دول الا الطغيان انا اديت لكل مواطن حقه وزيادة في الحرية والديمقراطية


أرسطو : المواطن هو الشخص الذي يشارك في صنع القرار او الحكم اما عن طريق التقلد الفعلي لوظيفة ما او التمتع بحق التصويت في الجمعيات العامة او هيئة المحلفين ان المواطنة هي وظيفة لنظام الحكم فالاشخاص الذين يكونوا مواطنين في النظام الديمقراطي ليسوا بالضرورة كذلك في النظام الاوليجاركي

مبارك: وايه افضل الانظمة ؟

ارسطو : نظام الحكم المختلط "البوليتيا" وهو خليط من الديمقراطية والاليجاركية

مبارك: انا بحاول اصلح علي قد ما اقدر لكن المهمة صعبة

أرسطو : اصلاح نظام الحكم مهمة لا تقل عن تاسيس نظام الحكم من البداية

مبارك: واللهي ما تنفع الديمقراطية في بلدنا دي المجتمع لم ينضج بعد

مونتسيكو : مبدأ الديمقراطية هو الفضيلة فحيثما يشارك الجميع في صنع القوانين التي يجب عليهم ان يطيعوها ويشاركوا في اختيار الحاكم من بينهم فان ثمة درجة عالية من الشهامة العامة او الاهتمام بالخير العام ..ان الفضيلة هي باختصار الوطنية وتنشا منها فضائل المواطن الخاصة مثل الاستقامة والعفة والشجاعة والطموح الوطني

مبارك: ازاي يشارك الجميع في صنع القوانين ما هي ديمقراطية مش هتدوم ابدا

مونتسيكو : ان الديمقراطية لا يمكن ان تدوم الا في دولة حيث يولد تماسكها الذي يشبه تماسك الاسرة تفضيلا مستمرا للخير العام علي الخير الخاص

مبارك : ايوه بس ساعات المواطنين دول ينقصهم العلم والثقافة

مونتسيكو : المستبد يعتمد علي رعاياه الذين تنقصهم الفضيلة والعلم

مبارك: قصدك ايه؟ بتلمح لايه ؟ انا خليت المواطنين بتوعي كلهم متعلمين امال ايه؟ انا مبارررك اللي خليت مصر منارة العلم ..احم..مش قوي يعني بس تعليم ايه ممتاز ..وحققت العالدة بين الجميع كمان
مبارك :

القديس اوغسطين :الفضيلة التي تصف المواطن من حيث انه مواطن وتصرف كل المواطنين الي غاية او صالح المدينة العامة هي العدالة فالعدالة هي حجر اساس المجتمع المدني فعليها تعتمد وحدة اي مجتمع بشري ونبله وتحافظ علي السلام


مبارك : انا شرعت افضل القوانين للبلد دي وحققت اقوي وافضل نظام حكم وهو خليط من الانظمة المستبدة ..احم ! قصدي الديمقراطية وال...


مارسيلوس اوف بادوا : يجب ان تنتمي السلطة التشريعية الي اولئك الذين يمكن ان تنبثق عنهم افضل القوانين بيد ان هذا هو مجموعة المواطنين كلهم لان كل مواطن يراقب القانون بصورة افضل وليس السبب ان كل مواطن شخص حر فقط وانما لانه يرغب في ان يكون شخصا حرا.


مبارك: طيب واضح ان كلكم المرة دي ضدي وانا في انتظار مكيافيللي .

متلازمات مصرية صح الصح

في مصر انواع كتير من المتلازمات اللي بتصيب الواحد مننا وبتجيبله "هسهس" خفيف في الانترلوب و"تشبرق" في دهاليزه الجوانية !
وهنسميها متلازمات مجازا يعني عشان هي امراض يمكن متكونش الا في المجتمع المصري وعايزين يبقي فيه شوية متلازمات اختراع مصري جديد كده بالصلاة ع النبي .
والانواع دي بتصيب الانسان المصري بسبب الحكومة غالبا ونشوف اهم الانواع دي من متلازمات المصري الصح :




الثانوية العامة :

حد محلمش قبل كده بالحلم بتاع الثانوية العامة الشهير ؟ الثانوية العامة كابوس مرعب لكل المصريين حتي اللي مش عايز يجيب مجموع برضه بيفضل بعدها بسنين يحلم الحلم الشهير بتاع الثانوية العامة اللي بيحلم بيه كل المصريين بعد ما يخلصوا الثانوية بسنين ويصحي يقول اعوذ بالله !
المصري بيحلم انه مثلا قدامه ورقة الاجابة ولسه مخلصش والورقة بتتسحب منه بسرعة بل وساعات انه بيجري ورا عربية كبيرة بتكون شايلة ورقة الاجابة عشان يلحق يكتب اي حاجة !!
ملايين المصريين حلموا الحلم الغبي ده وبيصحوا يسبوا للثانوية علي اللي اخترعها وخلاها كابوس مصري ومرض ومتلازمة تفضل معاه ولا كانه خارج من توابع حرب فيتنام !
والكليات كمان ليها احيانا الحلم ده يعين الواحد يصحي من الحلم ويحس كانه لسه مخلصش الجامعة ولسه وراه تيرم مثلا حتي لو مخلص من عشر سنين !
كل ده بسبب رداءة التعليم المصري اللي بيخلي سنين التعليم عذاب في عذاب وخلطة عم حسني للامراض المصرية النفسية .





الخدمات الحكومية :

خلصت الاجراءات بتاعة عداد الكهربا ؟ طيب جيبت الدمغة ؟ طيب جيبت كل حاجة ؟ فاضل ايه بقي ؟ تطلع شهادة وفاة !!!
من كتر الروتين ده واللف ع المكاتب يفضل المصري وهو نايم يحلم ان الراجل طلعله عائق جديد في الورق وهيلف ع المكاتب من جديد عشان يجيب ختم استاذة سميحة اللي مبتجيش اصلا !
وتلاقي الحلك مجسم كده والصوت ثلاثي الابعاد وواحد بيجعر وبيقول " فوت علينا بكرة " وتفضل كلمة "بكرة" ترن في الحلم لحد ما تصحي وتغز نفسك بدبوس عشان تتاكد انك خلصت الورق فعلا وتجري ع المكتب عشان تتاكد ان الورق معاك وان كل ده كان حلم حكومي روتيني سخيف مش اكتر .
وكأن الجهات الحكومية بتديك هدية مع كل ورق تخلصه كابوس تفضل تحلم بيه وتفضل تشوف وش الموظفين اللي بيسيل علي خدودهم الفول والطرشي ومبيعملوش حاجة في الحلم وحتي لو نمت الضهر بتحلم بالكابوس ده برضه لانه مش بس بييجي باليل ده بييجي طول اليوم لحد ما تروح تخلص ورق تاني !




رمضان :


كتير قوي بعد شهر رمضان تحس انك عايز تاكل الفجر ومتاكلش علي اساس انك لسه صايم وانك لسه في رمضان.
رمضان بيسيب توابع بعده بشوية حتي لو جيت تدخل المطبخ تقعد تفكر مع انه فات من فترة والحكاية دي ممكن تستمر لمدة اسبوعين علي ما تتعود .
اكتر ناس ببتاثر بالحكاية دي هم موظفين الحكومة و "الفول افيكت" بيفضل معاهم بتاع السحور ويقعدوا يفكروا الف مرة قبل ما يبعتوا حد يجيب الفطار المتين الصبح علي اساس انهم صايمين.




الجواز :


دي اكبر متلازمة بتصيب الانسان المصري لما للجواز المصري من مخلفات تمتد لنهاية العمر من اول "القايمة" اللي فيها من الابرة للصاروخ لحد "ما تقوم قيامتك" !
الجواز المصري اكتر من متلازمة حروب فيتنام وغيرها لانك بتعيش فيها بالفعل مش بتبقي ماضي وانتهي زي حرب قديمة مثلا !
لا ده انت بتصحي علي اساس ان مراتك كابوس ومتلقيهاش جنبك تقول الحمد لله كنت بحلم وفجأة تلاقيها قدامك جاية من الحمام مثلا وتتصدم وتقول "ده طلع بجد يا نهار الوان" !
الغريبة ان النوع ده بيصيب حتي العازب لانه بيحلم انه اتجوز مثلا ويصحي يقول اعووذ بالله بس حظه حلو مبيلقيش جنبه حد يقرفه ويطلع عين اللي جابوه .

الجواز المصري طرد مفخخ بيجيلك لحد باب البيت كل يوم الصبح وانت بتفتحله بسذاجة ومبتتعلمش الدرس اما يفرقع في وشك .





الاتوبيس المصري :


الاتوبيس اشهر كابوس للي بيجيب عربية جديدة ممكن يفضل يحلم فترة انه لسه بيركب الاتوبيس او السيرفيس لدرجة انه يجري ع الشباك الصبح عشان يتاكد ان العربية تحت وانه فعلا تخلص من الاتوبيس المصري المرعب او بلغة الملاهي "المنخل المصري" .
الحاجة الوحيدة اللي ممكن تفضل من لغة الاتوبيس لو اتجوزت واحدة تخينة قوي تبقي قاعد جنبها كانك في اتوبيس حكومي بالظبط .
وده من الاحلام المتعبة ..في احلام كده تفاعلية تحس انها حقيقية وتصحي منها تعبان فعلا زي حلم الاتوبيس من كتر الزق والخبط اللي في الحلم تصحي تعبان كانه كان فعلا في اتوبيس حقيقي ولسه حاصل حالا .




اكل العزومة :


ساعات تروح عزومة وتطلع اللي عاملة الاكل مش ست بيت دي ست خرابة مثلا .
الافتكاس في طرق الاكل وخصوصا في العزومات ممكن يصيبك بحلم طويل المدي علي ما تخلص منه لازم تروح عزومة تانية حرشة ونغشة كده وكلها اكل لذيذ.
وطريقة الهجوم المصري للست صاحبة العزومة بطريقة اربعة اربعة اتنين تفضل هي ارخم طريقة عزومة بتاعة "ما تاكل..انت مبتاكلش ليه انت مكسوف" !

طريقة الرخامة علي المائدة المصرية في الاكل وكان يعني كل ما اكل اكتر يبقي انا بحب اصحاب البيت قوي وبقيت واحد منهم خلاص مش علي طريقة "عيش وملح" ولكن علي طريقة "عيش وضاني".
ولان غالبا الست اللي بتقعد تقولك كل وتهجم عليك طول العزومة تخينة وسمينة جدا فمتحاولش تكلمها انك عامل رجيم والهجص ده لان ده بالنسبة ليها خيال علمي ..انما نظرا لسمنتها الحادة ممكن تقولها اصل عندي نقرس مثلا او معدتي بايظة اليومين دول مش هاعرف اكل كتير .
وتفضل تحلم فترة بعد العزومة المقرفة بانك صاحي بتقول "يا ستي خلاص مش عايز تاني..يا ستي خلاااص مش قاادر هاطرشق حرااااام" ويستمر الحلم بعد العزومة شهر ع الاقل وقد يطول ويستمر ويتوغل وينتشر .




الخدمة العسكرية :

المصري بيشوف ان الخدمة العسكرية من اكتر الحاجات اللي بتعطل مستقبله وبيشوف ان كلمة اعفاء هي افضل كلمة ممكن يسمعها في حياته .
ومن المتلازمات المصرية هي متلازمة الخدمة العسكرية اللي تفضل معاه وقت طويل وييجي الحلم ان عسكري واقف وبينادي "الدفعة كذا كلها معااااناااا" وتسمع اصوات بتصوت "لاااااااااااااا" .
حلم زي ده بيخليك عايز تغير مكانك او بيتك كله عشان تهرب منه ومافيش فايدة لانه لو استمر معاك هيفضل وقت طويل قوي وتفضل تسمع ناس في الحلم بتقولك "لبست يا دفعة" وتفضل ترن كلمة "لبست" كتير قوي دليل انك فعلا "لبست" صح الصح .
ومش من المصادفة ابدا اختيار كلمة "لبست" كمصطلح دارج في الخدمة ولكن لانها اسم علي مسمي.




وربنا يعافينا من شر الكوابيس دي كلها او لو استمرت وكانت متلازمة طويلة الامد والحكومة الجاية تكون بدون متلازمات مصرية مية في المية .

عـاشق في ميدان التحـرير

قصة حب في ميدان التحرير ..قصة ثورة وقصة غرام برئ..قد تكون احداث هذه القطعة واقعية لاي حد ممكن يكون صادف وحصلتله فعلا في وسط الميدان..ميدان الحرية وميدان الامل :








متسرسبة الأحلام..
متسربلة الأيام..
عاشق علي فطرتي ..
ضلعي الوحيد إنسان..
قال الزمان هنثور..
مسكت بلادي بخور..
علشان مايحسدوهاش..
قال المكان تحرير..
صورة ونصر كبير..
علي ليل ظلام خفاش..
واقف ورافع علم..
علي كل ظلم وألم..
ناسك كتير حسوه..
وكأننا مراية..
وفنار شايل راية..
شمس وقمر يبوسوه..
جايين نحرر وطن..
حررت انا قلبي..
احساسي رافع علم..
راح غرسه في دمي..
وعروقي صبحت ليل..
او غيمة تنضح سيل..
قدام عنيها النور..
شوفت الجمال اخضر..
شوفت الوطن يقدر..
في عنيها عدي بحور..
في عينيها سر عجيب..
منتاش قريب وحبيب..
لكن كأنك ضيف..
في عنيها رقصة نور..
والزهر فيها قصور..
والقلب لمحة وطيف..
والثورة في التحرير..
وانا قلبي في التحرير..
حاسس بملكوته..
جايز احرر وطن..
او جايز ادفع تمن..
للقلب من موته..
جايز ظلمهم ملك..
وظلمني انا توبك..
حكم القوي عشاق..
في الحضرة محبوبك..
جايز نعيمك حضر..
جايز عذابك قدر..
يحضن جحيم النار..
عدي الخطوط ثورة..
سيبي الجمال ثورة..
دي مشاعري م الاحرار..
لو قلتي "شعب يريد"..
قلبي انتفض ويريد..
انه يبوس صبحك..
صوت الندي موال..
والقلب غني وقال..
انه خلاص حبك..
حرة قوية يا مصر..
دقتي الفرح والنصر..
لكن مكملناش..
تاهت في وسط ميدان..
وانا قلبي في الادمان..
عدي بحورها وعاش..
ونزلت للتحرير..
اقوله سر خطير..
اني اتقسمت اتنين..
نص فرح بالنصر..
ضحي بنفسه لمصر..
ونص تاني أسير..
لف العلم همي..
حضن الوطن دمي..
قالي اكيد هتعود..
لو غبت او غابت..
لو ضعت او ضاعت..
انتوا اشتركتوا في موت..
والموت ما ينسي حياة..
او ناس تضحيله..
زي الغرام نشوان..
باللي يغنيله..
من يومها وانا ثورة..
قلبي اتولد ثورة..
ضلعي اترسم ثورة..
ببحث عن الجنة..
كانت في يوم ثورة..
قتلتني في الثورة ..

الحرق بالجاز في ليالي الجواز..الجزء الحادي والعشرون "ان تكون عـازبا"

يعني ايه تكون عازب ومتدبستش في جوازة ؟؟ عايز تعرف يعني ايه عزوبية للي اتجوزوا بسرعة ومجربوهاش ؟ شوف يا سيدي العزوبية هي :



يعني متصحاش الساعة خمسة الفجر عشان تودع حماتك في المطار

* يعني متشوفش علي السفرة اطباق أكل ماشية بمبدأ "الفوضي الخلاقة"

* يعني متسمعش الكلمة المملة والتقليدية "انا رايحة للكوافير"

* يعني تسوق عربيتك براحتك بأقصي سرعة ومتسمعش "بالراحة عشان العيال"

* يعني اما تشتري حاجة لنفسك مش هتفكر في "ميزان مدفوعات البيت" !

* يعني متقعدش 9 شهور ومراتك حامل كأنك دكتور في "مركز خبراء بامبرز"

* يعني تشوف الماتش براحتك بدون قرف المسلسل العربي

* يعني تقدر تحط المطبخ في اوضة النوم حتي ومحدش هيقولك ايه الهلس ده ؟

* يعني تشرب مر العزوبية بدل ما تجيلك مرارة الزوجية

* يعني تاكل لوحدك ومتزورش بدل ما تاكل مع مراتك وتزور من اكلها المريخي.

* يعني محدش يقول عليك "دخلت دنيا" مع انك لو اتجوزت بتكون تقريبا خارجها تماما

* يعني ولا "بالرفاء والينين" ولا "بالعذاب والانين"

* يعني "عازب" مش "معذب"

* يعني تعيش من غير ما تسمع الجملة الحمضانة "هو انا الجارية اللي اشتريتهالك والدتك؟"

* يعني محدش يضحك عليك بكلمة "الاستقرار" لان مافيش حاجة في الجواز اسمها استقرار اصلا ..زي ايام الثورة والناس تدعو للاستقرار !

* يعني مش كل ما تجيب حاجة لازم تضرب الرقم في اربعة عشان العيلة

* يعني تتشقلب ع الحيطة وتحط راسك في فرن البوتاجاز بدون ما حد يمنعك في الشقة

* يعني تكون خمسة نظام ..ما يكونش ليك نظام اصلا عشان تسقطه .

* يعني تمشي علي حبل الدنيا من غير ما تقع في نار الجواز ولا جنة الغرام.

* يعني محدش يشد من عليك الغطا والدنيا برد.

* يعني ملكش دعوة بجملة "شنطة وجزمة" .

* يعني تشرب كوكاكولا دايت بدل ما تشرب المر طول الشهر

* يعني متحضرش مراحل تحول الفراشة الي فيل بعد الجواز .

* يعني مش كل ما تدخل الشقة تلاقي مراتك بطعم البصل والخلطة المصرية .

* يعني ولا تلعب بديلك ولا يتلعب فيك البخت .

* يعني تلبس اي لونين علي بعض من غير ما تسمع رأي حد .

* يعني تفكك من كلمة "انتظار" قدام المحلات عشان الهانم بتشتري حاجة .

* يعني تعيش حياتك "دليفري" بدل ما تبقي انت نفسك "اوردر" !

* يعني ممكن تشوف كارتون لو عايز من غير ما حد يقولك عيب علي سنك .

* يعني ترجع بيتك "تعمل ما بدالك" بدل "خد بالك من عيالك"

* يعني ولا تدبح القطة ولا تشوفها اساسا

* يعني مش مهم اذا كنت بكرش او عامل رجيم .

* يعني تبض ع الدنيا من الشباك بدل ما تبص عليها من عقب الباب .

* يعني تتخانق مع دبان وشك بدل ما تتخانق مع ناموسة بتزن جنبك طول النهار

* يعني تقعد ع النت ومحدش يقولك عايز الجهاز شوية

* يعني تتأخر برة زي ما انت عايز من غير حركات المفتش كرومبو الحريمي.

* يعني ترقص صلصا بدل ما تشوف هدوم متبقعة صلصة.

* يعني بمصطلحات الكورة تعيش حياة "الحركات" بدل حياة "القديس".

* يعني من الاخر ابعد عن الجواز وغنيله بصوت عالي قوي .

غدا ستشرق الشمس علي مصر..تصحيح المسار ام مسار التصحيح ؟

كانت الأحداث الساخنة امام السفارة الاسرائيلية في مصر في جمعة تصحيح المسار هي الأبرز في الفترة الاخيرة وماتلي ذلك من اعمال فوضي وعنف في مديرية امن الجيزة في نفس الوقت ونزول العديد من عربات المدرعات في المنطقة واطلاق القنابل المسيلة للدموع .

ولكن لماذا يحدث كل هذا وفي هذا الوقت تحديدا ؟ هل هو فعلا الشحن الزائد عند بعض الشباب من التعامل الامني العنيف معهم ؟ ام هي النظرية السائدة للمؤامرة من فلول الوطني ؟ خصوصا ان كل حدث جلل يحدث في مصر يكون دائما بعد اصدار حكما ما ضد اي فرد من النظام السابق مثل اصدار قرار حل المحليات والتي تبعها احداث عنف او حبس حبيب العادلي والتي تبعها احداث عنف عند ماسبيرو .

هل فعلا المسجنون بسجن طرة لهم ايادي قوية باطشة علي بعض البلطجية والميلشيات خارج السجن ؟
هل العادلي مازال يستطيع تحريك الاف البلطجية فقط لاثارة الفوضي لكي يسمع جملة واحدة تسعده وهي جملة "واللهي البلد دي مالهاش غير العادلي يشكمها" !!


من المسئول عن حريق مديرية الامن ؟ كلنا نعرف ان جمعة تصحيح المسار نظمت من قبل الجهات السياسية وبعض الاحزاب والائتلافات ولها مطالب معينة مثل تحديد جدول زمني لتسليم السلطة ولم يكن في الخطة تماما موضوع السفارة او مديرية الامن بل هم فعلا نفذوا ما عاهدوا عليه وانصرفوا ليلا ولم يتم الاعتصام الذي كان يخشاه البعض فمن وراء كل هذا ؟ ولماذا كانت جمعة دامية راح ضحيتها مئات المصابين وبعض القتلي ؟ وماذا حدث امام وزارة الداخلية من اعمال شغب ؟


لابد ان لا ننسب اي شئ للثورة تماما بل علي العكس لابد ان نتأكد ان هناك الكثير من هم لا ينامون الليل بسبب هذه الثورة ولن يهدأ لهم بالا الا والبلد غارقة في الفوضي تماما لكي ينسبوا لانفسهم الفضل في ادارة البلاد في امان لمدة ثلاثون عاما !



ربما التعامل الامني الخاطئ في مباراة الاهلي التي هجم فيها الامن بشدة علي الالتراس دون مبرر فحتي لو سبت الجماهير فهذا وارد في مباراة كرة قدم ولا يتم التعامل بهذا الاسلوب لان الشرطي يختلف عن الفرد العادي في ظبط النفس والتعامل مع المواطنين فلا يمكن ان تسمع البعض يسب الشرطة فتري الشرطة تهجم بوحشية باسلحتها عليهم والا عمت الفوضي وسادت روح الانتقام بين الطرفين فأين ظبط النفس في جهاز الامن المركزي ! وهل يتعامل الجهاز باسلوب انتقامي مع الالتراس الذي له يد نقية في الثورة المصرية ! وهل يتعامل الالتراس بنوع من الانتقام لما كان يتعرض له من وحشية في المعاملة من جهاز الشرطة والقمع المعروف ايام حبيب العادلي وجهازه !

ربما كان هذا السبب الرئيسي فيما حدث امام الداخلية الذي لا نستطيع ان ننسبه للتحرير تماما ولابد ان نفصل القصتين وربما ايضا ما حدث امام السفارة من بعض العاشقين لمصر والمحاظين علي كرامتها هو حدث جيد ولكن يشوبه التسرع والخطأ في التوقيت ولكن ما دفعهم هو الغيرة علي مصر وخصوصا عندما استفزهم جرأة النموذج التركي وقوته في التعامل مع اسرائيل .


ولكن ما حدث امام مديرية امن الجيزة هو حفنة من البلطجية وقطاع الطرق استغلوا الاوضاع لكي يعم الانفلات الامني مرة اخري ويقوموا باعمالهم القذرة في الشوارع من سلب ونهب ولكن لم يتم لهم ما ارادوا بفضل الله .


لابد ان يعرف جيدا من ينظم المليونيات مثل هذه الاحداث التي يقوم بها البعض مستغلين المليونية للقيام باعمالهم لكي يكره بعض الموطنين الثورة ويقولوا بصوت عالي "ثورة خراب" ولابد هم اولا من يحاظوا علي الثورة قبل ان يطلبوا من باقي المواطنين ان يحافظوا علي الثورة.
نعم هي مليونية سلمية ولكن كما هي مليونية يوجدي ايضا مليون بلطجي ينتظر تلك المليونيات للاندساس وتخريب سمعة الثورة المصرية بسبب "سبوبة" من العادلي او سوزان الذين لا يريدون الا الخراب بطريقة "انا او الفوضي" .


التعامل الضعيف ايضا من اجهزة الامن مرفوض تماما فلابد من التعامل بكل قسوة مع اللصوص الذين حاولوا حرق مديرية الامن ولا ينعتهم احد بالمتظاهرين او الثوار لان عار ان نطلق عليه هذا المسمي فمن يحرق اي جهاز تملكه الدولة هو مجرد بلطجي ومخرب وخائن لبلده لان هذا الجهاز ملكنا جميعا وليس ملك الحكومة ! لابد من التعامل بكل قسوة مع من يهجم علي قسم شرطة او من يحاول ان يهرب مساجين باسم الثورة فالثورة لم تاتي لكي يهرب المساجين في جميع انحاء مصر !! لابد من التعامل بالاسلحة كما يتم القاء الملتوف علي الاقسام لابد من حمايتها باسلحة ثقيلة وليس مجرد قنابل مسيلة للدموع التي صار البلطجية يضحكون علي شكلها ويعشقون رائحتها !!


التعامل الضعيف ايضا من حكومة شرف مسئولة عن احداث كثيرة ومليونيات كثيرة فأين هو مثلا القضاء علي الانفلات الامني ؟ واين هو "ديوان المظالم" الذي وعد بتنفيذه ؟ واين هي الخطط الاقتصادية واين هو الحد الادني للاجور الذي سمعنا عنه فقط ؟ واين هي الخطط التي قدمتها بعض الائتلافات والحركات والتي قالوا انها حبيسة الادراج ؟

اذا الجميع مسئول سواء الامن او المواطنين او حكومة شرف عن ما يحدث في مصر .




اما عن ما حدث امام السفارة فربما كانوا بعض الشباب الذين دفعتهم الحمية والغيرة علي بلدهم مصر رغم انه من الخطأ في نظر الكثير فعل هذا الا انني لا انكر اني كنت في حالة سعادة وحزن في وقت واحد ! سعيد لاري الضربات توجه لاسرائيل من كل مكان مثل تركيا ثم سفارة اسرائيل في مصر وهي الاحداث التي تقض مضجع الحكومة الاسرائيلية وحزين في نفس الوقت بسبب استغلال البعض للاحداث لكي تعم الفوضي في كل مكان رغم اني كنت سعيدا جدا باسقاط الجدار الذي صارت تتعامل به اسرائيل في كل قضاياها وبطريقة الجدار هو الحل .

البعض كانت مشاعرهم متضاربة حيال ما حدث في السفارة فرح يشوبه الحزن وفخر يشوبه بعض القلق لاننا نعرف ان من الناحية القانونية هو خطأ جسيم حتي ان تعامل اوباما بالطبع كان تعامل اسرائيلي بحت وكأنه يوجه انذار لمصر بضرورة حماية السفارة الاسرائيلية وبعض ان كان لنا يد اعلي في المفاوضات الان اصبحنا مطالبين باعتذار !
ولكن ما حدث في السفارة الاسرائيلية من خلال ما حدث سابقا ليس حدثا جديدا او غريبا واتعجب ممن كانوا يتحدثون عن حرب بسبب احداث السفارة فالامور لا تتم هكذا ابدا فالعديد من سفارات الدول حول العالم قد تم الهجوم عليها بل واحتراقها او انفجارها ايضا وكل ام يحدث في اغلب الاحيان هو اعتذار او سحب السفير اما ان تؤدي لحرب فهذا لا يحدث بهذه السهولة .




ولنري بعض الاحداث في السفارات لبعض الدول حول العالم والتي كانت افظع واقس من حادثة السفارة الاسرائيلية في مصر :

* في إسلام آباد القي اشخاص قنابل علي مبني القنصلية السعودية هناك

* محاولة لتفجير السفارة الفرنسية في العراق

*الهجوم على سفارة التشيك مصر من قبل بعض البلطجية

* الهجوم الانتحاري من تنظيم القاعدة علي سفارة الدنمارك واوقع ثمانية قتلي والكثير من الجرحي بسبب الرسوم المسيئة للرسول .

* الهجوم علي السفارة الايرانية باليمن بسبب تهديد ايران للسفارى السعودية هناك .

* الهجوم علي السفارى التركية في تل ابيب واحتجاز رهائن .

* الهجوم علي السفارة الامريكية في سوريا والهجوم علي منزل السفير من مؤيدين لبشار الاسد .


هذه بعض الامثلة عن ما يحدث في العالم من هجوم علي السفارات فهي ليست اختراع مصري مثلا بل هي دائما تكون نتيجة جرعة وشحنة غضب من حدث معين يدفع البعض للانتقام مثلما راينا في حادثة السفارة الدنماركية او غيرها من السفارات .


اذا فنحن نحتاج لمزيد من عناصر الامن في الشوارع لمقاومة البلطجة ونحتاج الي مزيد من التنظيم من قبل من ينظم المليونيات وان تكون علي فترات متباعدة وليست كل جمعة ونحتاج لمزيد من ظبط النفس من قبل التعامل الامني مع الالتراس والعكس ايضا ونحتاج الي خطط حكومية واضحة وقوية اقتصاديا وخطط ومواعيد معروفة للانتخابات البرلمانية او الرئاسية

ونحتاج جميعا ان نعشق مصر اكثر واكثر كل يوم
فهذه الايام مصر تحتاجنا اكثر من اي وقت مضي .
كلنا مع مصر ..كلنا ابناء النيل.

محاكمة مبارك وليلة استدعاء ام محمد بتاعة الجزر

سيناريو اخر لمحاكمة مبارك "محاكمة القرن" ولكن تغيرت جميع الاحداث بسبب استدعاء "ام محمد" وبسبب شهادتها في حق الجزر !!



في قاعة المحكمة :

يقف الحضور وينادي المنادي بصوت عالي :محكمـــــــة

القاضي: كل الاتهمات ضدك يا عادلي وكلهم شهدوا عليك ايه اقوالك ؟

العادلي: مظلوم طبعا وعشان تعرف انا لاقوال ملفقة تماما الشاهد الاخير قال اني كنت في الوزارة الساعة 1 الضهر وبخطط وبتكتك وانا بقولك اني كنت في عربيتي في الهرم وعندي الشاهد علي كلامي ده

القاضي: ومين الشاهد ده يا عادلي ؟

العادلي : ام محمد بتاعة الجزر ياافندم

الحضور: هههههههههههه العادلي اتجنن وجاب جزر

القاضي: سكوووت..احترم نفسك يا عادلي وقول كلام محترم انت في محكمة

العادلي: والهي يا باشا انا كنت ماشي بالعربية ومن كتر التخبط كنت فاتح الازاز لاول مرة والست قاعدة بالمشنة بتاعة الجزر وشافتني وقالت "مييين؟سعادة البيه الوزير؟" وانا قولتلها "اتلمي يا ولية"

الحضور: هههههههههه طول عمر العادلي طحش في الكلام مع كل البشر

القاضي: طيب انا وراك يا عادلي والجزر طويل اما نشوف ياخويا

محامي الشهداء: اعترررض يافندم دي مماطلة وارفض استدعاء ام محمد لان الجزر عمره ما كان دليل

العادلي: يعني انت عايز تعاقب وزير داخلية عشان الانترنت يا سيس ومش معترف بالجزر !

الحضور: ههههههههههه

القاضي: سكووووووووت بس يا عادلي لاحبسك

العادلي: سلامة الشوف يا بشمهندس ما انا في القفص وبقالي كتير جواه وبقيت حاسس انه بيتي ما تصحي يا مباررررررررك اصحي صحصح فووووق

مبارك: موجووووووود

جمال مبارك: موجود ايه يا بابا فضحتنا هو كل ما يقولك حاجة تقوله موجود ما قولتلك بلاش حباية الصراصير دي قولتلي هتعمل شغل في المحاكمة وهتخليني اصعب علي الفلول

العادلي: انت اديتلوا صراصير من اخر حرز جبتهولك ؟؟

جمال: اه مش انت قولتلي محوش منه عندك وهيعمل شغل في المحكمة ؟

العادلي: نهار ابوك فحلقي ان شاء الله يا برنس

القاضي: سكككوت..يتم تأجيل القضية لحين استدعاء ام محمد

الحضور: ههههههه

القاضي: بتضحكوا علي ايه يا بهايم ؟ ام محمد بتاعة الجزر لازم تيجي وفورا





وفي احد الاحياء بالهرم:


ظابط : هو ده المكان ؟

عسكري: هو ده المكان اللي وصفه العادلي يا فندم

ظابط: بس ده راجل اللي قاعد بيبيع جزر مش ام محمد

عسكري: يمكن ام محمد هربت علي لندن يا فندم

ظابط: ام محمد هربت علي لندن !! ده علي اساس ان بورصة الجزر ولعت بروح اهلك ولا ايه ؟

عسكري: معرفش يافندم انا بسمع بس في التليفزيون انه كله بيهرب لندن اما يطلبوا استدعائه

ظابط: انت يا راجل انت ..فين ام محمد ؟؟

بياع الجزر: اوووبة ليك شوق في ام محمد يا برنس ؟

ظابط: انا لابس مدني بس انا ظابط يا حمار شوف انت بتكلم مين يا لوح

بياع الجزر: انا اسف يا باشا واللهي مكونتش اعرف ام محمد مش هنا انا معرفش مين ام محمد اصلا

ظابط: وحياة امك ؟ تحب نخليك تنطق وتقول فين ام محمد ؟

بياع الجزر: يا باشا ام محمد بتاعة الجزر دلوقتي عندها زباين

ظابط: ايوه يعني مش ده مكانها ؟

بياع الجزر: لا ام محمد ملهاش مكان محمد ولكن حيثما يكون الرزق

ظابط: ورزقها فين دلوقتي ؟

بياع الجزر: واللهي يا باشا هي ماشية بالمقولة الشهيرة "هزها تجيب رزقها" زي ما بيقولوا

ظابط: يعني الاقيها فين يا حيوان

بياع الجزر: هي دلوقتي في العنوان ده بس قولها متنساش الفيزيتا بتاعتي يا باشا لاني جايبلها الزبون

ظابط: هي ام محمد بالفيزيتا ؟؟ حلاوتك وحلاوة الجزر

بياع الجزر: امال ايه يا باشا مش بيقولك مكانش اتعزر ولا باع جزر..فهمت المثل ده بقي ؟

ظابط: فهمت يا عين امك ..هاتووه

بياع الجزر: ليه بس يا باشا عملت ايه انا حرااام




وفي احدي الشقق :

الظابط: فين ام محمد ؟؟انا عايز ام محمد حالاااااااا

صاحب الشقة: ام محمد مشغولة بس فيه ام لبني وام سعيد وام ادوارد كمان لو تحب

الظابط: انا ظابط امن دولة يا كلب

صاحب الشقة: هو الجزر بقي محرم دوليا يا باشا ولا ايه ؟

الظابط: جزر برضه ؟؟ عليا انا ؟؟

ام محمد: في ايه يا باشا

الظابط: انتي مطلوبة معانا يا ام محمد في قضية من شأنها تحدد مصير ثورة مصر بالكامل وتشهدي انك شوفتي وزير الداخلية في وقت معين لو كنتي شوفتيه

صاحب الشقة: طول عمري حاسس انك ثورجية يا ام محمد بيقولوا عليكي عفريتة في ال..

الظابط : اخرس يا كللللب..اتفضلي يا ام محمد



وفي المحكمة :

العادلي: اخيرا جت ام محمد الست الشريفة المكافحة اللي هتشهد بالحق

ام محمد: بس متقولش شريفة يا خويا

القاضي: ام محمد

ام محمد: موجودة

علاء: لا دي بتاعة دادي حصريا لا مؤاخذة يعني انتي تقولي يا افندم

العادلي: قوليلهم يا ام محمد انك شوفتيني ساعة ما قولتلك "اتلمي يا ولية" في الهرم

ام محمد: ايه الجو السم ده اللي يثير اعصابي ده ؟ وايه ده اللي نايم في المحكمة ده مبارك ؟؟

مبارك: موجوووود

ام محمد: هو بيعلق ولا ايه ولا انتوا منزلينله برنامج جديد هي هي ؟ طيب خد دي ..مبااارك

مبارك: موجووووود

ام محمد: مبااارك

مبارك: انكر هذه الاتهامات تماما

ام محمد: زي ما قال الريس

مبارك: منتخب مصر كويس

ام محمد: حلاوتك يا مبارك وانت نايم في المحكمة وقالبها بنسيون

جمال: بنسيون يا قديمة يا سطحية يا جاهلة ؟ لسه في حد بيقول بنسيون ؟؟

ام محمد: مييين؟ جمال ماتشات ؟ انت موجوود برضه زي ابوك ؟ مش انت اللي الشاعر قال فيك "يا عريس الغفلة افرح واتهنا واخرج من جنة ادخل علي جنة مش هارية بدننا ولا نافخة بي...." ؟

الحضور: هههههههههه

القاضي: بسسسس يا غجر واحترمي نفسك يا ام محمد ..انتي شوفتي العادلي في اليوم ده في العربية في شارع الهرم ؟ اقسمي تقولي الحق

ام محمد: وحياة شرفي اقول الحق

القاضي: يا ستي بقولك احلفي بحاجة اغلي

ام محمد: والله يا باشا لاقول الحق

القاضي: انتي شوفتي العادلي في اليوم ده

ام محمد: امال يا باشا انا شوفته طبعا ده انا اللي كويتله البرنس وليفته

القاضي: ليفتيييييه ؟؟؟؟؟؟؟؟

الحضور: ههههههههههههه

ام محمد: هو الباشا زبون قديم وتشوفه كده تقول له هيبة انما هو زي فيلم حسن عابدين "عايز واحدة تهزأني تهزأني"

العادلي: اتلمي يا ولية لاطلع تلاتة..........

القاضي: اخرررررس انت في محكمة يا عادلي نسيت نفسك ولا ايه

العادلي: اسف يا افندم

القاضي: كملي يا ام محمد

ام محمد: العادلي كان غاوي جزر ساعتك او مربية جزر يعني حسب الكود بتاعنا وفي اليوم ده فعلا يا باشا كان معايا بس يبك من قصة العربية دي هو دايما بيكون معايا في الشقة بس مقاليش انه عايز يقضيها عربية هي هي

القاضي: وطبعا الفيزيتا بتختلف

وكيل النيابة: اعترررض يا فندم ايه علاقة السؤال ده في القضية ؟

القاضي: اقعد انت دلوقتي كملي يا ام محمد

ام محمد: الباشا من نوع يا ما تحت السواهي دواهي وتشوفه كده تقول وزير داخلية وهو جزرة كبيرة

الحضور: العععععب

العادلي: احترموا نفسكم يا بهاايم بدل ما اربيكم كلكم يا كلااااااااب

القاضي: اقعد يا عادلي بدل ما احبسك

العادلي: يا باشا لامؤاخذة فوق بقي انا محبوس كفااية بقي

محامي العادلي: اثبت عند يا باشا العادلي في الشقة مع ام محمد يطاااارحها الغراااااام

القاضي: ايييه يا اخويا ؟؟

محامي العادلي: يطارحهااااا الغراااام

القاضي: ايه نظام ترجمة الافلام الحمضان ده ؟؟ انت من القناة التانية ولا ايه ؟

الحضور: فك يو..تبا لك

محامي العادلي: انا بتهزأ يا باشا واثبت ده في المحضر

القاضي: محضر ايه يا مساطيل ؟ كملي يا ام محمد



واكملت ام محمد القصة كلها وخرج العادلي براءة من الاتهمات لانه اثبت انه كان غير موجود في الاجتماعات اساسا عشان مزاجه


وفي خارج القاعة :

الفلول : "الشعب والجزر ايد وااااحدة"
وبدات حرب اللافتات في الشوارع وبدات مانشيتات الصحف " الجزر يغير مسار قضية القرن "
" ام محمد والجزر والثورة تنتظر"


وفي صحف اخري "وزير الجزر يستهين بالثورة ويأكل جزرة كبيرة امام المحكمة ويشير بعلامة النصر"


وفي الصحف الاجنبية

the biggest scandal of carrot in egypt

om mohamed said it in court loud and clear "viva carrot"



وفي صباح اليوم التالي بدات اعمال العنف بين المؤيدين والمعارضين وسميت "موقعة الجزر" وتم هروب ام محمد الشاهدة للاحتراف في البلاي بوي العالمية وخرج العادلي الي لندن الاستكمال رحلة البحث عن المربة ووقعت الثورة في مشنة جزر وكان الله في عون الشعب .

سلسلة حوارات مبارك في السياسة مع فلاسفة العالم..الجزء الثانـي

بعد ما كلم حسني الفلاسفة وخد رأيهم وبعدين سابهم شوية في استراحة قصيرة رجع تاني لمائدة الحوار وبدأت الجلسة من جديد :




مبارك : ناخد بقي رأي مارتن لوثر بدل الأراء اللي تفور الدم بتاعة الاخوة الديمقراطيين دول والدعاة للديمقراطية الكاذبة ..في رايك يا مارتن هل انا شرير ولا الثوار هم اللي اشرار ؟

مارتن لوثر : الشر الذي نفعله هو التعبير العادي عن طبيعتنا البشرية الفاسدة ومسئوليتنا ولكن اي خير هو عمل الله من خلالنا اي انه هبة من الله

مبارك: يعني كلنا فاسدين بقي مش انا لوحدي بس رايك ده متطرف قوي ..الثوار بيقولوا ان انا بسببلهم الالم والفقر والمعاناة انت موافق علي ده ؟

مارت لوثر : لو كان لابد لنا من معاناة الالم فخير لنا ان نعانيه علي يد الحكام افضل من ان نعانيه علي يد رعاياهم فكل فرد من الرعاع يثير من الالم اكثر مما يثيره خمسة من الطغاة

مبارك: حبيبي يا مارتن ده رأي انا برضه قولهم بقي وفهمهم ..انا حاكم عادل جدا وتقي ولازم يسمعوا كلامي

مارتن لوثر : لان السلطة السياسية خادمة لله فينبغي علي الناس ان يطيعوا الحاكم من جيث انهم موظفوه ويخضعوا له بكل خوف وتبجيل تماما كما يطيعوا الله ويخضعوا له "لتخضع كل نفس للسلاطين الفائقة

حتي ان من يقاوم السلطان يقاوم ترتيب الله " ولا اخجل في الاشارة الي التتار كنموذج راسخ

مبارك: التتار ؟؟ لا ده انت ادتني حقي وزيادة كده علي كده انا بالنسبة لك ملاك وافضل نظام ظهر كمان..يعني انا بالنسبة لك مطبق لشريعة الله علي الارض مع انهم بيقولوا عني غير كده خالص

مارتن لوثر : الحكومات هي صورة لتطبيق احكام الله ولكن ايضا يقول ينبغي ان نطيع الله اكثر من الناس فالسياسة هي مسالة ترقيع والشخص الذي ياتي ويجدد هو "الشخص المعجزة او البطل الرائع" والله يوكل هذه المهمة الي افراد في ازمنة معينة

مبارك: طيب انا حاسس ان الشخص المعجزة ده لسه مجاش ودول شوية مستغلين عايزين سلطة مش اكتر انما انا الشخص المعجزة فعلا اللي جددت البلد دي واديت لكل مواطن حقه وفي الاخر يقولك فين المواطنة

مارتن لوثر : المواطنة هي المواطنة المزدوجة للانسان "المملكتان" فالانسان مواطن في مملكتين :
دعنا نلاحظ ان الحكومة مزدوجة في الانسان الاولي هي الحكومة الروحية التي يدرب الضمير بواسطتها علي الورع وعبادة الاله اما الثانية فيهي الحكومة المدنية التي يتعلم بواسطتها الفرد تلك الواجبات التي يجب علينا ان نؤديها من حيث اننا اناس ومواطنون فهما السلطة الروحية والدنيوية

مبارك: وده رأي كالفن برضه ولا هو مش متفق معاك في الكلام ده ؟

كالفن: كل الحكومات عرضة للاختلال وافضل النظام الارستقراطي

مبارك: هو كل واحد يقولي نظام شكل ؟ هو كام نظام بالظبط عندكوا وانت رايك ايه يا بيكون يا فيلسوف يا كبير

فرانسيس بيكون : اشترك مع مكيافيللي في عدة افكار .. توسيع حدود الامبراطورية هو واجب ..واجب الامبريالية يتضمن ان افضل المجتمعات ليست مدنا صغيرة بل هي امبراطوريات عظيمة فالامم ذات السكان كثيرة العدد تمتلك فرصة من العظمة افضل من الامم ذات السكان قليلة العدد ويتطلب تحقيق هذا الواجب سلوكا عدوانيا اكثر من السلوك العادل وتصبح الجسارة فضيلة الرفاهية بغض النظر عن العدالة وأشجع الحرب الوقائية .

مبارك: واللهي راي محترم جدا وانا مشترك مع مكيافيللي في مئات الافكار يعني تقدر تقول حسني ومكيافيللي ايد واحدة ..وياتري اسبينوزا كمان رايه ايه في الحكم والسياسة ؟

بندكت اسبينوزا : علي الفيلسوف ان يدعم الديمقراطية فالفلسفة تتحطم عن طريق المعتقدات الجامحة والخرافة

مبارك: يا سيدي الديمقراطية والمساواة متنفعش مع شعبي دول عايزين الكرباج ولا ايه يا عم توماس ؟

توماس هوبز : ليس هناك قاعدة للخير والشر حتي انه يؤخذ من طبيعة الاشياء ذاتها واهداف الحياة الاخلاقية والسياسية تتحقق عن طريق الرجوع للطبيعة
ان لم يكن الانسان بطبيعته سياسي واجتماعي فان كل المجتمعات المدنية لابد ان تنشا من حالات الطبيعة فيما قبل الاجتماعية وقبل السياسية فالخلاصة اننا
لابد ان نعرف الميول الطبيعية للانسان كي نكون النوع الصحيح من النظام السياسي


مبارك: طيب انا عرفت الميول الطبيعية ليهم ومش لاقيلهم نظام سياسي احسن من اللي هم فيه الضرب والحزم والتسلط لانهم ميستحقوش غير كده وبعدين كانوا هيعملوا ايه من غيري ؟انا الحكومة والحكومة

انا ..تخيل كده شعب بدون حكومة

توماس هوبز : الناس بدون حكومة توجد لديهم الرغبة في ان يحرم كل منهم الاخرين من جميع الخيرات حتي الحياة
حب المجد في طبيعتنا او الزهو وكل لذات العقل او اللاحسية مستمدة من التباهي والفخر ومقارنات مع الاخرين وتجعل هذه العلل حالة الطبيعة حالة حرب بالفعل وتكون حرب كل انسان ضد انسان

مبارك: ويقولوا حرية وعدالة اجتماعية ..ده انا لو اديتهم الحرية دي هياكلوني في طريقهم

توماس هوبز: كل الناس متساوون بالطبيعة


مبارك: لا مش عجباني الحتة دي انا اميل لرأي نيتشة حبيبي بلا تساوي بلا قرف ده اللي جايبنا ورا يا عم..طيب انت ايه تقييمك لنظامي السياسي ؟

توماس هوبز : هناك ثلاثة انواع من الدول عندما تعهد لفرد فتكون الحكومة الملكية وعندما تعهد لمجموعة من الناس ويكون لهم حق التصويت تكون ديمقراطية وعندما تعهد الي مجلس او لجنة ويكون لجزء من المواطنين فقط التصويت فانها تكون ارستقراطية


مبارك: يعني انا اي نظام فيهم بالظبط ؟ انا مش ملكي ولا ديمقراطي ولا ارستقراطي انا نظام جديد وصورة جدجيدة للحياة السياسية

هيدجر : هناك ثلاثة صور من الحياة السياسية الامركة والماركسية والنازية وكل هذه الصور صورة للذاتية والنزعة العدمية

مبارك: ايه يا عم ده انت جبتلي احباط بكلامك ده طيب ما تكونش ليا ايدلوجيا حتي يعني ولا ايه ؟

هيدجر : لا يخدم التاريخ والايدلوجيا الا بوصفهما اداتين في خدمة القهر التكنولوجي للارض انهما يزيدان المنافسة علي ضمان السيطرة واحداث نضال ايديولوجي ينتهي بحرب عالمية .

مبارك: نظريتك غريبة جدا للامور يا عم هيدجر وبالنسبة ل جروتيوس انت شايف ان انا كنت بطبق الحق والعدالة ولا لأ في حكمي ؟

جروتيوس : الحق هو ما يكون عادلا او ماليس ظلما فما يكون غير عادل هو اي شئ يتعارض مع طبيعة المجتمع وقد يكون له معني ثان هو خاصية لاشخاص مثل سلطة الاب علي ابنه او السلطة علي الملكية ومعني ثالث هو القانون او القاعدة لفعل تجبر علي ما هو صحيح وتحمل معها بعض الجزاءات


مبارك: انا سخرت عقلي وطاقتي كلها لخدمة الشعب تلاتين سنة ده غير الحروب اللي خوضتها

ديكارت: العقل في خدمة الارادة او العاطفة "السخاء"

مبارك: زي ما الشعب ما فكرش فيا انا برضه معدتش هافكر فيه وهاخدم مصالحي بس

ديكارت :انا افكر اذن انا موجود

مبارك: لا اظن ان ده وقت ديكارت تماما ده وقت مكيافيللي وهو اللي هينقذني بمبادئه اللي اتربيت علي ايدها ناخد استراحة ونرجع نكمل معاكوا تاني

مجلس البالوظة لانقاذ المخلوع ليلة الخلع..مجلس قذافي قوي

في يوم موقعة الجمل وقف مبارك وقال لصفوت الشريف : انا عايز مجلس حكماء حالا يقولي اعمل ايه واتصرف ازاي

صفوت الشريف: عيب يا باشا انا في الخدمة

مبارك: بقولك حكماء يا صفوت انت مالكش في امور الحكمة انت ليك في امور الحك ودورك لسه مجاش

صفوت : اوامرك يا كبير حالا يكون عندك اكتر الناس حكمة بالنسبة لي

مبارك: ربنا يستر ما انا عارف بالنسبة لك تبقي قضيت يا عم الحاج غور يلا هاتهم

وبعد ساعات لقي حسني مبارك نفسه قدام مجلس ولا اي مجلس :

مبارك : مين دول يا صفوت ؟؟ دول مجلس الحكماء اللي هيخرجوني من الورطة ؟

صفوت : عيب عليك يا ريس دول خلاصة العصارة يا باشا



وكان المجلس مكون من توفيق عكاشة والقذافي وطلعت السادات ومحمود بكر وعمرو مصطفي !


مبارك : طيب ايه اللي جاب بكر وعمرو مصطفي يا عم صفوت ؟

صفوت: يا باشا يبقي من كل بستان زهرة ومن كل حشيشة لفة

مبارك : حشاش وخمورجي طول عمرك

صفوت : تلميييذ

مبارك : طيب ياريت نبدأ الاجتماع فورا عشان كل يوم بيعدي ...

عمرو مصطفي: تزيد غلاوتك عندي يا ريس

مبارك: نعم ياخويا !

عمرو مصطفي : واشتاقلك واحبك..تسوي ايه الدنيا مهما كانت حلوة ثانية اعيشها جنبك ..

صفوت : اصل عمرو بيعشق دباديبك يا ريس

مبارك: احترم نفسك ياصفوت مافيش ريس له دباديب

القذافي: لا يا ريس اعذرني يا اخي انا ريس وزعيم وليا دباديب وفي كل عيد ميلاد ادفع الوف الاموال للممرضات الاوكرانيات عشان يجيبولي دباديب في الفلانتين

مبارك: يا داهية دقي ابتدينا الاجتماع من اولها بحتة قذافي يا معلم لا وايه بيدفع فلوس الهدية للي هتجيبهاله يا نهار ابوك ازرق

محمود بكر: ياريس متزعلش قوي كده ما انت برضه الحق عليك ده في خوازيق في محطة قطر اسكندرية لسه مركبتش والقطر واقف مستني

مبارك: حبيب قلبي..اديني يا بكر اديني ده الاجتماع احلو قوي بكر وقذافي مع بعض ! احمدددددك يارب..ده كده خربت وجابت ضلف

عكاشة : ياريس مافيش حد فيهم ينفع ريس غيرك انت الكبير وانت اللي تعرف سعر الجرجير وكان ليا مشروع.....

مبارك: استني استني ..جرجير ايه يا عكاشة ؟؟

طلعت السادات : اصل عكاشة معاه دكتوراة لانه اخترع معادلة حسابية يشهدلها العالم كله في حساب اعواد ربطة الجرجير بطريقة الماتريكس في جزء من الثانية

مبارك: ما شاء الله يا دكتور عكاشة ده انت شرف لمصر

عكاشة: وبعون الله بألف كتاب حاليا عن مشاكل العنوسة اسمه "مشاكل العنوسة وبرك الجاموسة" وكتاب تاني شبابي اسمه "العط في الطريقة المثالية لتزغيط البط"

عمرو : انا شايف ان لقد حان الوقت قد بدأ النهار تهيأ لاطلاق الناااار

طلعت : ايه ده يا ابني ؟؟ ده مقدمة كارتون مازنجر ؟؟ هو ده اللي انت فاهمه في السياسة ؟؟

عمرو: لا طبعا انا عارف كمان ان الشعب يريد دي جملة يهودية اصلا وكمان بيبسي السبب في الثورة لانها قالت عبر من قدك وبعدين ما هو مازنجر مسلسل سياسي زي المال والبنون

محمود بكر : وهو المال والبنون سياسي ؟ واحد يقولي دلوقتي الراجل ده اهبل اقوله ايوووه بالظبط كده

حسني: الله يخربيتك يا صفوت الكلب ده مجلس حكماء ولا بلاليص ؟؟ ده انا رحت في الرجلين يا معلم

القذافي : لا يا اخي انت لا تملك حتي قوت يومك ومن رأي ان تنزل معهم الثورة في شوارع مصر

مبارك: انزل مع مين يا معمر ؟

القذافي: مع الشعب يا مبارك انزل معهم الشارع وثور علي النظام الظالم

عمرو : انت مسطول يا قذافي ؟؟ ينزل معاهم ازاي؟؟

مبارك: والنبي قوله يا عم

عمرو: دول فاسدين يا عم انت عايزه يختلط مع الفاسدين دول

مبارك: يعني هي دي المشكلة اني انزل معاهم؟؟انهم فاسدين؟؟ صوتي يا صفية

محمود بكر : فكك من المساطيل دول وخليك معايا بما ان بيبسي خاينة وبتشجع الثورة زي ما بيقول عمرو خليك في الكاكولا

القذافي: يا اخي اسمها كوكاكولا

محمود بكر: اهي دي مشكلة حياتي دايما محتار كاكولا ولا كوكاكولا وسألت كل جماهير مصر ومحدش جاوبني

مبارك: بسسسسسسسسس اخرسوا يا ولاد الكلب انا بضيع مافيش حل جديد يا عكاشة

عكاشة: سيبني في همي والنبي ده انا المخابرات الاجنبية كلها مراقباني

مبارك: ليه ادهم صبري بروح امك ؟

عكاشة : عصابات ماسونية عايزة تقتلني عشان تحكم العالم

عمرو : ههههه يعني اللي هيقتلك هيحكم العالم ؟؟ ده تصريح خطير لناس بطراطير

صفوت: يا جدعان ساعدوا الراجل ده في ورطة والكرسي بيتسرق من تحت رجليه

القذافي: دي شكلها ثورة بقي

طلعت: ايه اللي جاب الراجل ده هنا يا قذافي ربنا يهديك ارمي الجوينت من جيبك او تربة الحشيش اللي تحت العباية

القذافي: انا جاتلي خاطرة لتأليف الكتاب الاحمر بس ليا سؤال يعني ايه عكاشة

عكاشة : اااه علي اساس ان القذافي اكثر الاسماء انتشارا في كوالالمبور ولا اسم قذاف الدم متخلناش نفتح بقي

مبارك: يا رجالة اهدوا ربنا ياخدكوا كلكوا واستريح

طلعت: والله يا باشا انت تطلع عليهم بالرشاشات وتخلي الشعب يعمل بيبي علي روحه

عكاشة : بيبي؟؟

طلعت: ايه يعني انا قولت التصريح ده قبل كده في التليفزيون مش قصة يعني وبعدين انت اخر واحد تتكلم علي الالفاظ كفاية اللي بتطرشه علي الشاشة قدام الناس

عمرو: بص يا ريس انت لازم تهرب فعلا لان دول يهود وصهاينة ومشروع امبريالي توسعي انفشاخي واجندة لاتينية

القذافي: متقولش لاتينية انا ملك ملوك افريقيا وامريكا اللاتينية وخليفة المسلمين

محمود بكر: طيب هي امريكا اللاتينية في افريقيا ؟ وطالما هي لاتينية امال بيزرعوا ايه غير التين ؟

القذافي: مين ده ؟

عمرو مصطفي: ده اللي بينافسك في مصر يا قذافي بس عايزين نسمع منك بعض تصريحات الكتب بتاعتك

القذافي: اسمع الحكمة دي : "طاعة الوالدين واجبة خصوصا الام والاب"

جميع الحضور : ههههههههههه يخرب بيتك يا قذافي بس كفاية جاااامدة يااد

القذافي: طيب خد دي "للجنس الاخر حق التصويت خصوصا السيدات"

جميع الحضور: ههههههههههه يا قذافي يا جااااامد

مبارك: بسسسس كفاااية احنا جايين هنا عشان نشوف حل للمشكلة اللي احنا فيها مش نقول نكت قذافية

طلعت : خلاص عندي حل يا ريس خلي جمال وعلاء يثوروا معاهم بلاش انت واهي تبقي حركة ضحك عليهم زي ما كان بيضحك عليهم في الماتشات ويمسك علم مصر والحركة دي تعمل احلي شغل

مبارك: هنجرب الفكرة دي يا طلعت انا هاكلم الاولاد



ومسك مبارك التليفون :

مبارك: الو يا جمال

جمال: بابا الحقني يا بابا انا حاسس انهم قربوا قوي انا خايف

مبارك: اثبت يا فرفور امال لو سمعت اقتراحي هتعمل ايه بقي

جمال: اقتراح ايه يا دادي ؟

مبارك: انزل للثوار وحاول تهديهم شوية

جمال: ااااه عند امك

مبارك: بتقول اييييييه يا ولد ؟؟

جمال: يا دادي يعني اذا كان الثورة قايمة عشاني هانزل اهديهم هينفخوني نفخا مبرحا وبعدين ده شكله كده اقتراح بطعم القذافي

مبارك: اه هو اقتراح قذافي مع طلعت السادات كمان

جمال: انا قولت كده برضه الكلام ده فيه ريحة قذافية غبية


وبعدين حاول يكلم علاء :


مبارك: ايوه يا علاء ايه الاخبار

علاء: هي دي ثورة يا بابا ؟

مبارك: ده انت فعلا يا ابني جحش سياسة

علاء: معلش يا بابا بس انا ماليش في الكلام ده انا بس بتاع تقليب شركات

مبارك: طيب انزل للثوار وهديهم شوية يا علاء لان اخوك خايف

علاء: اخويا خايف؟؟محسسني اني هاعدي بيه الشارع مثلا دي ثورة يا عم الحاج

مبارك: طيب طلباتك ايه وتنزل عارفك مادي ابن كلب

علاء: تلاتين في المية من القصر الجمهوري وتمضيلي ع الورق

مبارك: يا ابني ازاي بس ده مش بتاعنا

علاء: معلش يبقي بتاعنا يا سيدي موافق ولا لا

مبارك: امري لله يا ابني بس انزلهم

علاء: قشطة يا حاج



وبعد ما انهي مبارك مكالماته :


القذافي: بيقولو بيشكلوا لجنة او مجلس حكماء فيه البرادعي وزويل ومش عارف مين دي حقيقة ولا اشاعة ؟؟ طيب ما تستعين بيهم

مبارك: يا متخلف دول كلهم ضدي هاستعين بيهم ازاي

القذافي: سلح الشعب طيب وخلي اللي معاك يضربوا الاخرين

محمود بكر: اه زي ما بيقول كده شلح الشعب واديهم بكرة اجازة عشان يتبسطوا لانهم كتروا وبقوا زي غية الحمام وحاول تفكر في فكرة تانية كمان بقرص دماغك ده

القذافي: قرص دماغي ؟ مين ده يا جماعة ؟

طلعت: يا سيدي ده محمود بكر متاخدش في بالك ده لوحده كتاب اخضر طبيعي كده وهو رافع ايده

مبارك: منك لله يا صفوت الكلب جبتلي مجلس ينفع في مسرح البالون مش في قصر جمهوري

القذافي: طيب ينفع بعد انتهاء حكمك يا مبارك يمسك ابني خميس الحكم ؟

مبارك: يمسك فين ؟؟

القذافي: يمسك عندكوا

مبارك: ده ليبي يا قذافي !! ليبي يا قذافي الله يخربيت اللي جابك يا ابن ال.......يا اهبل


وفجأة هجم الثوار علي القصر وبدات الهتافات تعلو وتتزايد :


القذافي: افلسع انا بقي لحسن يخلعوني

عكاشة: يخلعوك ازاي يا ابني هي الثورة عشان مبارك اصلا

مبارك: مبارك حاف كده يا عكاشة ؟

عكاشة: ولا تزعل يا ريس هات ايدك ابوسها انا ببوس حلو قوي

محمود بكر: واحد يقولي احنا هنهرب اقوله طبعا اجروووا

عمرو: انا ماشي يا ريس بس متخافش هادافع عنك في كل البرامج وهارفع راسك وهاقول ع الثوار صهاينة

مبارك: انا وولادي امانة في ايديك يا عمرو عايزك تنفخهم تصريحات في البرامج

عمرو: معاك يا ريس علطول ..احنا اسفين يا ريس اهئ احنا اسفين يا ريس


وهرب جميع من في القاعة وبقي فقط صفوت الشريف في ليلة حمرا في احدي قاعات القصر وعلي طريقة فيلم عادل امام :

المزة : صاروووخ

صفوت : مش قوي كده !!

وانطلق صاروخ باتجاه القصر الفاسد ليخرج صفوت والمزة امام الشعب بوجوه سوداء وكوارع عارية ويقول صفوت وهو سكران : الثورة ادب مش هز كتاف يا جماعة ! هئ .

سلسلة حوارات مبارك في السياسة مع فلاسفة العالم..الجزء الأول

حوار في حجرة مغلقة بين حسني مبارك وبين اشهر فلاسفة العالم والذين يملكون نظريات فلسفية سياسية ..حوار لم يحدث بالفعل علي ارض الواقع ولكن يحاول فيه مبارك ان يجد المشترك بينه وبينهم بكل صلف ويحاول ايضا ان يتجاهل اي نظرية سياسية فلسفية مخالفة لرأيه ويسفه منها ويخالفها لمجرد الخلاف فقط..وسيكون الحوار علي عدة اجزاء لمحاولة تغطية جميع الفلاسفة الذين تميزوا برأي سياسي فلسفي عميق ..

في هذا الحوار انوه ان كل اراء الفلاسفة هي من كتب عن اراء الفلاسفة العظماء والاهم علي مستوي العالم في السياسة وفن الحكم وادارة البلاد ورايهم في الحرية والمساواة وغيرها لنري اختلافهم مع مبارك او تشابه بعضهم معه في وجهات النظر ..وكل جملة مكتوبة في الحوار علي لسان فيلسوف هي جملة حقيقية له مقتبسة من اعماله وكتبه ولنبدأ الحوار ..:






مبارك : انا جمعتكم النهاردة يا فلاسفة العالم عشان اعرف رأيكم في ان شعبي ثار عليا وخلعني هل ده يرضي حد منكم ؟ هم يعني مش عارفين ان ممكن اللي ييجي يكون أسوأ مني ؟

جون لوك : لا يستطيع مخلوق عاقل ان يقوم بتغيير وضعه طوعا باختيار وضع اسوأ منه .

مبارك : وانا يعني ايه العيب فيا انا افضل نظام حكم جه في تاريخ مصر وكفاية اني حافظت عليهم في سلام كل السنين دي

جون لوك : الملكية المطلقة ليست شكلا من اشكال الحكومة ابتداءا من الديمقراطية الكاملة حتي الملكية الوراثية .

مبارك : انا الحق عليا كان لازم استخدم معاهم القوة والعنف اكتر من كده الظاهر مش عايزين غير العادلي فعلا من تاني

جون لوك : ان من يستخدم القوة بدون حق يضع نفسه في حالة حرب مع من يستخدم القوة ضدهم.

مبارك: طيب وعاجبك اسلوبهم في الثورة واخد حقهم بالقوة ؟

جون لوك : انا انكر االلجوء للقوة اذا كان اللجوء للقانون ممكنا ولابد من المحافظة علي المجتمع فالذين يثورون ضد حكومة عادلة يرتكبون اعظم جريمة بينما القوة الغاشمة غير المشروعة يجوز مقاومتها بالقوة .

مبارك : قصدك ايه ان انا قوة غاشمة يعني ؟؟ طيب ايه الحل عندك يعني عايز ايه انت بالظبط ؟

جون لوك : انني اسلم تماما بان الحكومة المدنية هي العلاج الاصيل لعيوب وافات حالة الطبيعة .

مبارك : امال انا كنت ايه ؟ ما انا حكومة مدنية ! وضح اكتر

جون لوك : ان اولئك الذين يتحدون في مجموعة واحدة وليدهم قانون عام راسخ وسلطة قضائية يلجأون اليها اعني وجود سلطة تفصل في المنازعات بينهم وتعاقب المعتدين يكونون في مجتمع مدني بعضهم مع بعض اما اولئك الذين ليس لهم ملاذ امن علي الارض او مثل هذا اللجوء العام فانهم لا يزالون في حالة الطبيعة.

مبارك : واللهي الناس دي كانت مالكة كل حاجة في ايديها ومش ناقصها اي حاجة ..اي حاجة

جون لوك : الملكية ملكية الحياة والحرية والارض.

مبارك : واشمعني هم في الثورة عايزين حق شهدائهم بس ونسيوا حقي انا وضمان سلامتي انا ونظامي واننا نسلم السلطة في امان ؟

جون لوك : سلامة البرئ يجب ان تفضل علي سلامة الجاني .


مبارك : انا هاسمع كلام فيلسوف تاني انت مش متوافق معايا في اي حاجة هاسمع كلام جون ديوي ونشوف كده ..ايه رايك يا جون في طريقتي في ادارة وحكم مصر التلاتين سنة دول ؟

جون ديوي : ان أسمي اختبار للمؤسسات السياسية هو مدي ما تقدمه لنمو كل عضو من اعضاء الجماعة نموا عاما شاملا .

مبارك : طيب ما انا عملت النو ده وحققت اكتر منه كمان

جون ديوي : انا ادعو الي ما يسمي النمو الشامل حيث ان "للحكومة وللعمل وللدين ولسائر النظم الاجتماعية معني اعني لها غرض هذا الغرض ان تطلق قدرات الافراد وترقيتها دون تحيز لجنس او لطبقة او لوضع اقتصادي .


مبارك: انا عيشتهم احسن عيشة وكمان شوفت الديمقراطية في مصر كانت ازاي؟ بس الديمقراطية ليها امراض زي ما انت عارف

جون ديوي: علاج امراض الديمقراطية هو المزيد من الديمقراطية وايضا الدولة الجيدة تجعل الجماعات المستحسنة والمرغوب فيها اكثر صلابة وتقلل من الجماعات الضارة وتجعل حقها في التمتع بالحياة غير مستقر .

مبارك : ايوه عجبتني الحتة الاخيرة دي انا شاف ان كل الاحزاي التانية غير مستحسنة وجماعات ضارة كمان والحزب الوطني بس هو اللي مستحسن

جون ديوي : هناك معايير تحدد اذا كانت الجماعة تنمي او تثبط المجتمع مثل ما مبلغ التنوع في المصالح التي يكون الاشترالك فيها عن علم وقصد والي اي مدي من الحرية والكمال يبلغ التعاون مع الجماعات الاخري فهناك تنظيمات سياسية تسعي لمصلحتها الذاتية وهي جماعة محطمة


مبارك : دول مكانوش بيعملوا حاجة عشان الفقراء انا بس اللي بنيت المدارس وطورت القري المصرية كلها

جون ديوي : ان الاسرة او العشيرة او الجيرة وحتي القرية الصغيرة هي الوسائط الاساسية للرعاية باستمرار او للنمو لان هناك شيئا عميقا داخل الطبيعة الانسانية نفسها يجذب نحو علاقات راسخة ومن ثم فان الميول الانسانية الاساسية التي تتكون بصورة مستقرة والافكار التي تكتسب تشكل الجذور الخالصة للسلوك .

مبارك : هو انت ايه نظامك بالظبط انت كمان هو انت ماركسي ولا ايه اتجاهك اصلا ؟

جون ديوي : انقد الفكر الماركسي عندما يقول ان حرب صراع الطبقات وسيلة للتقدم الاجتماعي .. ان التقدم الاجتماعي باستخدام منهج الذكاء وليس بالاعتماد الماركسي علي التوتر والصراع .

مبارك: بصوا من الاخر محدش هيفهمني غير نيتشة لانه زي بالظبط زي ما بيقولوا علينا مبنخافش من ربنا وهسيب رأي مكيافيللي في الاخر لاني معاه قلبا وقالبا في كل كلمة قالها

نيتشة : انا اعلنت في هكذا تكلم رزادشت موت كل الالهة

مبارك: شوف يا نيتشة الشعب عامل ثورة وبيقول كارمة حرية عدالة اجتماعية وبيطالب بالمساواة انت ايه رايك في المساواة اللي هم عايزينها دي انا عارف ان رياك زي رأي بالظبط

نيتشة : انا رفض المساواة بصورة عامة لان المساواة تقضي علي الارادة للتفوق وانا امقتها بشدة بل ان عدوي الاول من ينطق بهذه الكلمة

مبارك: شكلنا هنتفق مع بعض..طيب ايه رايك في استخدامي للقوة معاهم لتفريق المتظاهرين في الميدان

نيتشة : انا اثني علي القسوة واذدري الشفقة

مبارك: انا سيدهم وحاكمهم والمفروض يطيعوني ثم انا سيد وهم عبيد ولا انت مختلف معايا في النظرية دي ؟

نيتشة : اخلاق الحشد هي الصورة الاولي للناس التي استمدت منها اخلاق العبد واخلاق السيد
اخلاق السيد هي تاكيد للقوة عن طريق القوي هي تبجيل للحياة القوية فالسادة قاسون ولكن بصورة بريئة انهم يوجدون ما هو خير بما هو قوي وفي المقابل فان اخلاق العبد هي رفض القوة عن طريق الضعفاء فما يؤكده السيد بوصفه خيرا يرفضه العبد بوصفه شرا واخلاق العبيد هي اساسا سلبية ورد فعل ضد الحكام وقيمهم وانتقام منهم واهتمامها الاساسي هو بالشر ويصبح الخير علامة للضعف والسلبية

مبارك : اتفق معاك في كل اللي قولته


نيتشة : الحياة هي ارادة القوة والشئ الحي يحاول ان يتغلب فالانسان لا يملك طبيعة محددة او وظيفة محددة لان الانسان هو الحيوان الذي لم يحدد قط فالانسان حبل فوق الهاوية فاصل بين ما هو اقل من انسان واكثر من انسان وتقضي نظرية ارادةالقوة الي مراجعة الفضائل التي هي انفعالات سامية فقط


مبارك : حتي لو اخطئت المفروض ميحصلش الثورة دي لاني قائد عظيم

نيتشة : اخطاء العظماء اكثر احتراما لانها اكثر نفعا من حقائق الصغار

مبارك: بس الثوار يقعدوا يرفعوا شعارات من التاريخ ويتكلموا عن تاريخ مصر وانهم طول التاريخ لا يرضوا بالظلم ابدا ولا القهر

نيتشة : اختلفت مع هيجل حول التاريخ وقلت لا يسمو الانسان علي الحيوانات الاخري ولا يصبح انسانا الا عن طريق تطوير حسه التاريخي وبذلك يرتفع عن الحيوانات ويصبح انسانا وبفضل قدرته علي تحويل الماضي الي فوائد في الحاضر في مقالة "فائدة التاريخ ومضاره"
وهناك ثلاث انواع من التاريخ التاريخ التذكاري والنقدي والاثري ولكن لكل منهم عيب فمثلا التاريخ التذكاري عن عظمة الماضي يمكن ان تكون عائق لعظمة الحاضر والتاريخ الاثري قد يثني علي جوانب من الماضي لا تستحق الثناء .


مبارك : الله عليك انا بحب كل نظرياتك بجد وشايف ان رايك كان ممكن يقعدني في الحكم اكتر لو اقتنع بيه ملايين ولكن هم قرفوني بكلمة الشعب يريد

نيتشة : روح الانسان اسد تقتل تنين القيم فبدلا من ان تستمع الي تنين "يجب عليك" فانها تقول الان "انني اريد"

مبارك: بطل الكلمة دي انت كمان متقولش اريد لاني اتعقدت منها ..انا حبيت كمان نظرية سوبر مان بتاعتك ودايما شايف ان انا وجمال ابني سوبر مان

نيتشة : يستطيع الانسان ان يتوقف عن كونه انسانا ويصبح الانسان الاعلي "سوبر مان" ولكن الانسان الاعلي بعضه شاعر وبعضه فيلسوف وبعضه قديس

مبارك: اه احم لا انا تقريبا مش فيا صفات الشاعر والقديس دي ولا الفيلسوف طيب مش مهم بس برضه انا سوبر رئيس علي الاقل حتي لو هم مش شايفين ان دي حقيقة انا شايفها حقيقة مطلقة

نيتشة : لا يوجد حقائق ازلية وهو ما اسميه "الغائية"

مبارك: بس انا استريحت بالكلام معاك ونشوف رأي جون ملتون لانه شكله مش عاجبه كل الكلام ده وغضبان جدا

جون ملتون : ان كل المواطنين علي حد سواء لهم حق متسوا في ان يكونوا احرارا

مبارك: ااااه شكلك منهم ومش هتعجبني ارائك ومين قالك ان انا مديتش الحرية للشعب انا سايبهم في حالة حرية كاملة من تليفزيون وصحافة وغيره وعمري ما بحبس صحفيين كمان

جون ملتون : ان قلة من الناس فقط يرغبون في الحرية وقلة قط يستستطيعون استخدامها اما القطاع الاعظم من العالم فيفضلون السادة العادلين سادة ولكنهم عادلون

مبارك: وعشان الحرية فقط يخلعوني يعني ؟

جون ملتون : ان الملك قد يخلع عندما لا يتصرف بصورة قانونية لانه يستمد سلطته من الشعب لان الاشخاص الذين يولدون احرارا ليدهم الحق في ان يحكموا بالطريقة التي تبدو لهم افضل

مبارك: انا كانت سلطتي سياسية ولكن مش علي الاعلام وسلطتي مش فوق الحرية


جون ملتون : اوكل السلطة السياسية في الدولة الحرة الي ارستقراطية حقيقية توجد بين اشخاص من الطبقة المتوسطة وليس لشخض واحد اشخاص اشخاص لا ياخذون من اعمالهم وسيلة لجمع الاموال فقط

وأري ايضا مثل افلاطون وارسطو انه لا يمكن تقسيم السلطة بين فئات ولذلك يوضع التوازن بدقة فالحكومة الدستورية ليست توازن طبقة في مقابل طبقة بل خليط من ارستقراطية وديمقراطية

مبارك: فينك يا نيتشة جون ملتون ده خنقني وفي كل حاجة ضدي انا هاكمل معاكم الحوار كلكم بس ناخد استراحة ونكمل بعد الغدا ومش عايز حد يمشي من علي ترابيزة الحوار الا اما اشوف كل وجهات نظركم وانا غلطت في ايه بالظبط





وانتهي الحوار مؤقتا وفي الجزء القادم نكمل مع باقي الفلاسفة العظماء في الفلسفة وارائهم السياسية ونظرياتهم.