مرسي فاز..وسيناريوهات أرض البط

أخيرا إنتصرت الثورة ..ياااه ده كان حلم واتحقق ..الناس كانت خايفة لاخر لحظة ان يعود النظام السابق مرة اخري خصوصا ان قوة ضاربة كانت بتجهز لعودته وتبارك عودته كمان..المهم ان الرئيس محمد مرسي يحط مصر في عينيه ويخليها أمانة في رقبته ويخليها شغله الشاغل ليل نهار ويحاول ينهض بالبلد اللي داقت الظلم والمهانة سنين طويلة علي يد الطغاة من النظام البائد ..

لكن تفتكروا الاعلاميين وغيرهم من الفلول او الناس اللي بتكره الثورة فين دلوقتي :


1- عكاشة يهاجر لمدينة "بطاطون" حيث وجد بطة احلامه وقرر الارتباط بها بشكل رسمي علي ان يقام الفرح في "عشة" خمس نجوم

2- الهام شاهين تقوم ببطولة مسلسل "إمرأة من الأخوان" وهو الجزء الثاني من مسلسل "إمراة من نار"

3- هالة سرحان تقوم بتغيير برنامجها الي اسم "إخوان بوك" بينما مدحت شلبي يغير برنامجه الي "مساء البركات" !

4- عمرو اديب يحقق حلمه بالسفر الي سويسرا ويحصل علي التأشيرة .

5- سماح انور تحصل علي كمية أكبر من البنزين عشان تولع في التحرير في مهمة اكشن من بتوع افلامها زمان .

6- رجاء الجداوي تقوم بفقرة في برنامج القاهرة اليوم بدلا من "إسألوا رجاء" الي "إسألوا الأخت رجاء" لمناقشة مسائل دينية .

7- القلق يحيط ببعض الفلول من مصير مسلسلات رمضان هذا العام .

8- عمرو مصطفي يقلب كلمة "إخوان" في المراية عشان يشوف هل ليها مدلول خاين ولا ايه !!

9- أحمد شوبير يصاب بنوبة هستيرية اسمها "ليييييييييه"

10- انشاء مدينة سياحية فاخرة هدية من مرسي ليستمتع فيها الفلول بعيدا عن البلد اسمها "فلول لاند"

11- غادة عبد الرازق تصاب بهلع وتظل تردد في الشارع بجنون جملة "الهانص في الدانص"

12- عماد الدين اديب يقوم بتغيير اسم برنامجه من "بهدوء" الي "بتروي"

13- إغلاق قناة الفراعين وترحيل كل العاملين فيها الي العباسية

14- مصطفي بكري يدلي بأول تصريح : أنا إخواني من سنين طويلة ومخبي .

15- وضع لافتة علي بعض الحدائق العامة "الفلول يمتنعون"

16- مبارك يموت للمرة الخامسة عشر ويسابق عدد مرات تفجير خط الغاز في الرقم القياسي

17- صفوت الشريف ينهي ليالي الانس في السجن ويقوم بشراء سبحة وجلابية

18- الفاجومي يقوم باصدار صوت غريب ويهديه للفلول بدلا من تصريحاته النارية.

19- شفيق يحاول عقد صلح مع عصام سلطان وعلاء الاسواني !

20- المشير يشعل البخور في مكتبه لاستقبال مرسي .