Friday, March 21, 2008

شمس وقمر10

التفكير فيها
مش عادة
دي حاسة سادسة

شايف ورد ورا الضباب
مش قادر اشوفه
وهو بيتحجج بالضلمة

أحب تاني؟
السؤال غلط
أحبها تاني؟
ده سؤالي

الحب التاني
كلمة مالهاش معني
الحب لا يخضع لقانون الترقيم

ما بين بداية الحب ونهايته
بتعيش بدايةالنهاية

الحب ملك القلوب
معندوش قلب

جنة أدم وحواء
أوسع بكتير
من جنة أدم

قالولي بتعيط أما بتفكر فيها؟
قولتله كده مش هاعرف اخد نفسي من العياط

سألت البحر عن حلمه
قالي الشمس متشرقش تاني
خليها نايمة في حضني

صوت البحر في الصدف
هو نفسه صوت الحب

قالتلي العرافة
هتحب تاني
بس
من ساعتها اعتزلت قراية الكف
Posted by at
Labels:
Subscribe to: Post Comments (Atom)