سخرية العالم بلا خطوط حمراء

السخرية او ما يسمي ب
sarcasm
فعل عالمي يومي من كل الشخصيات السياسة العالمية ومن كل الاحداث والمواقف وخصوصا طبعا في العالم الغربي بشكل جرئ اكتر بكتير.

كتير مننا بيحط سقف لشخصيات معينة او احداث معينة مينفعش نسخر منها او يقولك "لا هنا واقف" مش كل حاجة ينفع فيها الهزار يا عم دي قضية خطيرة !

ولكن العالم كله بيقول غير كده ..شوف اكبر مهرجان في وسط اميركا وهو مهرجان للسخرية من الشخصيات السياسية فقط وحضره اكبر مقدمي البرامج الساخرة مثل كونان اوبريان واخرين ولبس الناس اقنعة ولبس تنكري لشخصيات سياسية كبري امريكية وعالمية وتنهال عليهم العبارات الساخرة والنقد اللاذع..
انظر الي فلسطين ومحاولات لرسم الواقع بكلمات ساخرة في مهرجان راب عربي للتحدث عن القضية واستخدام بعض الالفاظ للسخرية من الوضع في بعض الاحيان والاغاني.
انظر الي جيمي كارتر واللي قالوه عليه زمان "انه غبي لدرجة انه ما يقدرش يمضغ لبانة" !! شوف السخرية والتهكم بتوصل لفين في الدول الغربية..مافيش حاجة اسمها سقف.

هتقولي بس في حاجة اسمها قضية مهمة وخطيرة منقدرش نسخر منها ..اقولك لا برضه شوف الكاتب"جريجوري ليفي" وعنوان كتابه التهكمي الرائع في قضية من اخطر القضايا ..قضية علي صفيح ساخن وهي قضية الشرق الاوسط وعنوان كتابه بيقول
How To Make Peace In The Middle East In Six Months Or Less Without Leaving Your Apartment

عنوان تهكمي علي القضية وهو من اوائل الكتاب اللي تناولوا الموضوع بشكل ساخر واظهر بعض الكوميديا والمواقف الرائعة في قضية الشرق الاوسط وايضا كتابه
Shut Up, I'm Talking

كتاب ساخر اخر بيتكلم فيه عن بعض المواقف في اسرائيل وبيقول "مجموعة مواقف ديبلوماسية اتعلمها في الحكومة الاسرائيلية " بسخرية طبعا
وكتب في عنوان كتابه او في المقدمة مقولة الساخر الاكبر "برنارد شو" :

if you're going to tell people the truth..you'd better make them laugh..otherwise..they will kill you.

وكما روي الكاتب جهاد الخازن في مقالته عن بعض المقولات التي يعتبرها البعض ساخرة لدرجة العنصرية في الغرب منها جملة تهكمية تقول "ألماني واحد: بيرة. ألمانيان: منظمة. ثلاثة ألمان: حرب"
وايضا ذكر نكتة عنصرية اخري تقول "ماذا يفعل المكسيكي إذا أراد أن يأكل دجاجاً محشياً؟ أولاً يسرق دجاجة. وترجمتها الى الإسرائيلية هي: ماذا يفعل شاب اسرائيلي يريد أن يتزوج؟ أولاً يسرق شقة عائلة فلسطينية."

السخرية في العالم لا سقف لها ولا مكان ولا زمن ..اشياء قليلة التي لا تملك سقف منها الابداع والسخرية..انظر الي السخرية من المعتقلات حتي في فيلم مثل
Harold & Kumar Escape from Guantanamo Bay

انهم يسخرون من قضايا حساسة جدا للعالم باسره منها قضية "معتقل جوانتنامو" اليست قضية حساسة او خط احمر ؟ ولكن ليس هناك في الغرب خطوط حمراء فالخطوط الحمراء اختراع عربي فقط.


الصحف التي تتحدث عن المشاهير عن الغرب حدث ولا حرج..ساعات بنلاقي صحفيين ساخرين بيقعدوا يسخروا من الفنانين المصريين ويطلع واحد يقول "ايه ده؟ ده مش اسلوب ابدا..ده بيشتم"..ولكن احب اقول ان ده بيحصل وبعنف في العالم كله ..السخرية من الوسط الفني او لاعبين الكورة مليئة بالفاظ غريبةولا يمكن تخيلها
مثلا واحدة زي شيريل كول وزوجها لاعب الكرة اما اتطلقوا وهو حاول يصالحها راح قدملها كلب ..ده خبر عادي..لكن تخيل ايه كان عنوان صحيفة انجليزية ؟؟ كان العنوان مفزع وليس فقط به صيغة تهكم انظر ماذا قال العنوان :

Ashley attempts to win back Cheryl with a bit of doggy style

وطبعا ده عنوان قصده قبيح جدا و ال
dogy style
هو وضع جنسي..ولكن الصحيفة لعبت بالالفاظ عشان العنوان يجذب الجمهور !!

طيب شوف لاعب التنس المشهور قوي "رافاييل نادال" كان علي الشاطئ عادي صورته مجموعة "الباباراتزي" ونشره صورته في مواقع الفضايح ودي عندهم مؤسسات وليها راس مال كبير جدا واهم حاجة عندهم العنوان الساخر التهكمي اللي يجذب ناس اكتر للموقع او للجريدة..تخيل قالوا ايه علي نادال عشان علي الشاطئ وكان جسمه جامد في الصورة ؟

كتبوا عنوان كبير بيقول :

Rafael Nadal Son of a Beach

يا نهار ابيض !! تخيل بيحاولوا يسخروا من لاعب عالمي زي ده وكمان بلعب بالالفاظ اقرب لسب علني ..! عناوين مستفزة جدا وقبيحة جدا.


اما السخرية ايضا من المظهر هي نقطة حساسة عندنا في العالم العربي اما تمسك فنانة مثلا وتقول ايه القرف اللي كانت لبساه ده ..ده مش بعيد الفنانة ترفع قضية ع الصحيفة اما برة فمافيش كلام من ده ..بيمسكوا موضوع الظهر ده يعملوله فحص كامل وكان في برنامج اسمه شرطة الموضة بيسخروا من كل لبس اي فنانة في مهرجانات كبيرة والمصطلح الاشهر في الحالة دي اسمه
hot dress or hot mess

دايما بيصنفوا الفنانات في اي مهرجان زي الاوسكار مثلا بحاجة من الاتنين عشان يوصفوا فستانهم وحتي التسريحة وغيره بيدوها درجة برضه منا الاهمية ودرجة عالية من السخرية زي المطربة ريهانا اللي حطت تاتو بس كان كبير قوي فسخروا منها بعنوان في تلاعب بالالفاظ برضه وقالوا
Let tat be a lesson, Ri

ومرة قالوا عن فنانة اخري
is tat you?
وده برضه تلاعب بالالفاظ عشان يقصدوا انها اختارت الحجم الضخم فمعادتش باينة منه ومن اختيارها الغبي .

طبعا غير السخرية من الفنانين ولبسهم في الافلام وبالاخص "ليدي جاجا" والسخرية الدائمة من ملابسها او اعتبارها كائنة مريخية بسبب ملابسها زي مشهد من فيلم
vampires sucks

وبالاضافة لبوش اللي نزلوا عليه تريقة وخصوصا في اغنية ايمنيم "موش" الشهيرة..وبرنامج امريكي زي
saturday night live

ده من اشهر البرامج عندهم وهو برنامج رائع جدا للسخرية عن كل ما يخص المجتمع الامريكي والقضايا العالمية ..عمل حلقة عن اوباما وازاي كانت شبكة اخبارية شهيرة بتحاول تسيبله المجال كل ما يتكلم ويصقفوله علي كل حاجة وخلاص ويقاطعوا الراجل التاني المنافس وهم هنا بيسخروا من شخصية كبيرة جدا وبيسخروا من نفاق بعض شبكات اعلامية عندهم كمان في نفس الوقت

وبرنامج امريكي ساخر جدا وشهير بيسخر من حسني مبارك في وقت مكانش وقته خالص في عز ما الثورة كانت بتخلص والناس كانت محتقنة كان بيسخر ويقول ان مصر هتختار ما بين حسني مبارك او بين حسنية مبارك وواحد تالت..وقال ان امريكا بتصرف علي مصر كتير اتقاء لشر المومياء اللي ممكن تهاجم امريكا..طبعا هنا كمان سخر من دولة كاملة في وقت مكانش ينفع فيه خالص..لكن معندهمش زمان ولا مكان زي ما قولتلكم الناس دي مبيهمهاش تماما.

طب تخيل بقي ان قضية التحرش بالاطفال في بعض الكنائس بالغرب سخروا منها برضه رغم انها حساسة للغاية..! بقي دي قضية ممكن يتسخر منها ؟؟
عملوا اعلان ساخر علي اليوتيوب واتشهر جدا وعمل مشاهدات رهيبة عن بخاخ يرشه الطفل علي جسمه عشان يديله ريحة وحشة فيبعد الراجل عنه وميتحرش بيه وسموه
Priest Off


والسخرية الكاملة من موضوع عداوة وتنافس حاد كان بين اوبرا وينفري والين دي جينرس وتخيلوا ان اوبرا ظهرت عندها في كاميرا في البرنامج تهزر معاها في عز ما هي كانت عمالة تسخر وتقلس عليها وكانت مفاجأة ..الناس دي روحها الرياضية عالية قوي عندنا اما فنانات بيتخاصموا خلاص بتكون قطيعة العمر كله عشان سخرت منها في حاجة هايفة مع ان الين كانت مقطعة اوبرا تريقة..!

ولا اعلان الممثلة الشهيرة جنيفر انستون الاخير..عملت اعلان عادي عن مياه ولكن عشان دايما اعلانات المياه مبتلاقش رواج فقالت للمخرج نسميه ايه في مشهد في اخر الاعلان ورد عليها المخرج وقالها نسميه "شريط جنسي لجنيفر انستون" قالت "اوكي موافقة"..طبعا دي سخرية واضحة من استباحة حياة النجمات وكل شوية يقوله ان ليهم شريط جنسي وكده والناس تدور عليه وتطلع اشاعة في كتير من الاوقات..لكن ده موضوع حساس جدا لاي فنانة..ولكن سخرت منه جنيفر بشكل مميز.



مافيش سقف زي ما بقولكم في السخرية عند الغرب..الناس مبترحمش حتي كل الزعماء والشخصيات المؤثرة اللي عندنا مبنجرأش نتكلم عليها هم بميرحموش سواء شخص محترم او غير محترم كل ابن ادم قدامهم هو مادة خصبة للسخرية..