وصـــية الحـــب...لمـن يهمــه الأمــر

في لحظة ترامت في أبعادها الحقيقة سفرا وترحالا..
وقف كيوبيد شاخصا شاردا مفطور القلب وهو يقول :

"أيها الناس..قد يموت الحب اليوم ولكن ابقوه في قلوبكم ما حييتم.."

تشابكت ايادي البشر واشعلوا شموعهم حزاني وقالوا :  "كيف هي حالته ؟"

قال كيوبيد منكسرا :  "لقد ترك وصيته "..

تعالت الصيحات وسقط البعض مغشيا عليه وقالوا :  "مات الحب ؟؟ لماذا تبقي الحياة اذن ؟؟ هل مات الحق حبا ؟؟"

صاح بهم كيوبيد  : "ايها البشر ان الحب لا يموت فلا ترتاعوا ..ان مات فهو لن يموت في قلوبكم..سأظل ابشر به بكرة واصيلا..فلا تحزنوا..تماسكوا بالحب وعيشوا للحب "


بكي احد الحاضرين وقال في صوت خفيض :  "اقرأ لنا وصية الحب.."


قال كيوبيد : يقول لكم الحب في وصيته :



"
أيها البشر..خلقت معكم وعشت في قلوبكم سنوات وسنوات..
حاولتم ان تبحثوا لي عن وصف طوال حياتكم شعراء وادباء وكتاب..
وحاولت ان ابقي دائما فوق الوصف ليس غرورا ولكن كي تنتفض مشاعركم من الرهبة..
فمن خضع لوصف ولخص في كلمات خرج من اطار المستحيل الي اطار الممكن..
وانا دائما كنت المستحيل ..!

أقول لكم اليوم..
إني اعترف بذنبي..
أنا من قتلت قيس وعذبت ليلي وجميل وبثينة وكثير وعزة وكل عشاق العالم..
انا من حاربت اجفانكم وجعلت من ليلكم اغنية حزينة ومن وسائدكم جمر وبراكين..

أعترف لكل جرائمي وذنوبي وما فعلته فيكم..
وستتعجبون اني سأقول لكم اني لن اتوب ابدا عن ما فعلته فيكم..
فمن رأني جريمة لم يستمتع بلذة جريمتي..ومن رأني غفرانا غفرت له خطاياه في الحب ورددت اليه حبه..

انا الحب..
الحب يجعل من قلوبكم مهرجا حزينا ..
ما بين ضحتكه ودمعته حقائب ذكريات ورعشات خوف..

الحب ليس مجرد حلم يقظة انما ايقاظ الاحلام في أرواحكم وقلوبكم..
وانا من جهزت لاحلامكم النائمة الارائك والحرير والاستبرق كي يبقي في ضلوعكم لمسة من رائحة الاحلام..

الحب عاصفة بنفسج لا تقتلع مراسيكم ..
بل تقتلع منكم اليأس وتحييكم بأمل لقاء ..
عاصفة حنين تعصر قلوبكم مع الحناء والزهر..

الحب يخلق من ايامكم سبحة من طيب  تسبحون بها الله وتقدسون بها الحب..

انا الحب..
لا أغرق..ولكن تغرقون في..
لا أحترق ولكن تحترقون بناري..
لا أموت ولكن تقتلون بسهامي..
انا ضعفكم القوي وقوتكم الناعمة وجريمتكم البريئة ..

أنا الحب..
انا الميناء والحياة سفينة..والبشر لحظات وداع ..!

الحب أقوي من المعجزة..
فالمعجزة قد ترونها بأعينكم ولكن الحب يخرج كالجنون من قلوبكم..
فالحب ليس معجزة ولكنه لحظة ميلاد المعجزة..
يتفجر من قلوبكم كما نهر جارف ..
فاقوي المعجزات هي ما لا ترونها كمعجزة الحب ومعجزة الخلق..فما بالكم بمعجزة "خلق الحب" ..



 الحب انه ليس رحلة بحث عن نصفكم الاخر..
فهو البحث عن انفسكم..
لانكم لا توجدون بغير حب..
فهو ليس رحلة البحث عن النصف بل البحث عن الكل..عن الكمال..عن الحقيقة.
فالحب ليس عكسه "الكره" بل "العدم"..


أنا الحب..
أنا لست النهاية ولكني "المنتهي" وشتان الفارق بين النهاية والمنتهي..
لست الغواية ولكني "الغاية"
ولست السبيل ولكني "السلسبيل"..


هل تعلمون ايها البشر..
هل تعلمون لماذا أعطاكم الله هبة البكاء ؟؟
لتبكوا فقط ؟ لا والله
انما وهبكم دموعكم الشفافة لينعكس عليها الحب وكأنها مراة ويبدد العدم فيك بنور الله..


هل تعلمون لماذ تثقب الفتاة اذنيها ؟
هل لوضع الأقراط فقط ؟؟
لا والله ..
انما ليدور كيوبيد حول اذنيها كما الحلقان بكلمات الحب وسحر انغامه ..


هل تعلمون لماذا تمصون اصابعكم في طفولتكم ؟
اهي عادة ؟
لا والله..
انما للبحث عن شهد الحب بين اناملكم الرقيقة ..
ولكي تاكلوا الشهد مع الملائكة اطفالا وتخرجوه قربانا الي الحب وانتم عشاق..


هل تعلمون لماذا تزحفون في طفولتكم ؟
اهي ضرورة فقط ؟
لا والله..
انما تركضون في ارض خيال خصبة تسمي ارض الامنيات وفيها الحب ملكا متوجا كي تتعمدوا من نوره في لعبتكم العقلية اللذيذة ..



أنا موسيقتكم الجنائزية التي ترقصون عليها فرحا ..
وأغنيتكم السعيدة التي ترتعدون ليها شجنا ووجعا..

أنا سجنكم الانفرادي داخل قلوب من تعشقون في زنزانة مسك وريحان..

قلوبكم نصف الحقيقة فلا تبحثوا داخلها عن الحب..
بل ابحثوا في حقيقتي عن قلوبكم !

الحب هو من يحمل كونكم المعلق في الفضاء كما ميداليته المفضلة..
وهو من يحافظ علي دوران الارض حينما يدور قلوبكم ..


الحب ظاهرة عنيفة كما الزلزال والاعصار ولكنه يمارس طقوسه برقة وحنان..


الحب لحظة استسلام الي السلام ..
الحب شجرة وارفة اغصانها المشاعر واعشاشها القلوب..
الحب لحظة الألفة الأولي بين كيانك وكونك..
ولحظة الوصل الاولي بين أسراركم والمطر..
ولحظة وصال سكرة قلوبكم بغيبوبة العشق..


الحب كنز مدفون في قلوبكم..
عقيقه الاخلاص..ذهبه الخلود..ألماسه التضحية..صندوقه الحياة..

الحب أسير السماء وقلوبكم فديته..
فإستلهموه في انفسكم يخرج من أسره لتأسره قلوبكم طوال العمر بلا فدية ولا رحيل..


أنا الحب..
الحياة فيكم معني..ولكني إتمام لمعني الحياة فيكم..
واتمام المعني وكماله ينير فيكم بصيرة الحياة..


أيها البشر ..
إفتحوا للحب صدوركم ضيفا عزيزا..
واستنشقوه كما زهر الربيع..
فان ازهرت ورود الحب في شرايينكم ..
غنت في قلوبكم طيوره..
وان غنيتم نشيد الحب سلاما وطنيا..
عاش فيكم الحب وطنا ومملكة خلود.



أيها البشر..
دعوني أنهل من "اخلاصكم"  "خلاصي"
ومن "جودكم"  "وجودي"
ومن "قوتكم"  "قوتي"
ومن "امانيكم"  "إيماني"
ومن "عذابكم"  "عذوبتي"


أيها البشر..
هل علمتم ما الفرق بين الحب والشهادة ؟
ان الشهادة موت في سبيل شئ
اما الحب هو شئ من الموت

أيها الناس..
حين يتوضأ الحب من نهر عيونكم وطهر دمائكم
فلا تمنعوه..
ودعوه يصلي في محراب قلوبكم ليجمعكم بمن تعشقون..

دعوا الحب يجمع سنابله من مشاعركم الذكية..
واجعلوه لحنكم المفضل..
فان جعلت الحب لحنك المفضل اكتملت اغنية وجودك ..


أيها المحبون..
الحب عنيد لا يعرف الا لغة التمرد..
إجتاحوه كما يجتاحكم..واحضنوه كما احتضنكم..
افعلوا مثله في كل شئ..
الا لغة القتل..فالحب لا يعرف الا لغة الحياة..
فلا تقتلوه كما قتلكم !


أيها المحبون ..
إصنعوا من حبكم شموسا ومن قلوبكم طائرة ورقية..
طائرة تطير في كتاب حياتكم من فصل طفولتكم الي فصل شيبكم..
تحمل اوجاعكم الي السماء وتهديكم رحمات الي ارضكم..
وان احترقت طائرة قلوبكم من شمس الحب..
فاصنعوا من رفاتها إكليل وفاء لذكري حب قد كان..


ايها المحبون
انا الحب..
لا تتألموا حين أطل عليكم..
فأنا أكتب قصائدي المفضلة من جراح الزهر في شرايينكم..
وأكحل رموشي من حمرة خجلكم..
وأغزل ثيابي من همس قوافيكم ورقة حديثكم..
قد تتألمون الان ولكن في الحب دائما..القادم أفضل..القادم أجمل..


أيها المحبون العاشقون..
لا تبحثوا عن قلوبكم..
فهي الأن معي..سجينة القمر..
أسوار من نور وغابات وبحور لن تعبروها..
لن اعيدها اليكم الا حين تدخل في اجسادكم روح من تعشقون..
فحينها ارسل اليكم قلوبكم المفقودة..
لأغلق علي من تحبون بقلوبكم..
ليصبح جسدك..مفتاح الحياة..


أيها العشاق..
انا لا أعيش علي الشعر فقط..
بل أؤمن بأمثالكم الشعبية وحكمكم علي طريقتي..
فعندي "اكرام العاشق دفنه"  في داخل من يعشق..
و أؤمن ان "الحب سيد الاخلاق"
وأؤمن أن  "من عشق سلم"
وأؤمن أن  "الحب كل الجدعنة" 
وأؤمن أن  "من حكم في قلبه فما ظلم"  !



أيها العشاق..
إستسلموا لنوري واهتدوا حتي بضلالي..
إتبعوني ولو الي نار ..
فكل شئ تتبعه دون حب يهديك الي الجنة الزائفة..
لو اصبح الحب داخل قلبك يقينا..تصبح الدنيا كلها مجرد حلم مدهش..




تلك وصيتي..فمن اتبعها فلا خوف عليه..

صديقكم الوفي اليكم / الحــب

عزيزي البلطجي..انت ليه بتقتحم المستشفيات وترهب الأطباء ؟؟؟

اتكلمت قبل كده عن المبادئ الكاذبة وذكرت العديد من الامثلة ودلوقتي عايز اربطها بموضوع الهجوم المتكرر علي المستشفيات والاطباء من قبل بعض البلطجية بإسم انهم بياخدوا بتارهم او بيقيموا العدل مثلا في البلطجية اللي هم بيعملوها اما يهجموا علي المستشفيات .

وازيد بعض الامثلة عن المبادئ الكاذبة دي اللي خلفت وراها ضحايا بالالوف حول العالم وبالملايين كمان في بعض الحروب اللي قامت علي مبدأ كاذب وفكر سقيم عقيم.
 كل سفاح وكل قاتل بيبقي ماشي ورا مبدأ او هو شايف انه ماشي ورا مبدأ..مثلا زي بتاع مذبحة النرويج كان كاتب مقولة شهيرة معناها ان الراجل اللي عنده مبدأ احسن من اللي معندوش مبادئ وبالحكمة دي راح قتل عشرات الاشخاص !!

وفي ارهابيين بيقتلوا وبيفجروا ويقولك مثلا "جهاد" والدين الاسلامي العظيم برئ مما يعتقدونه جهاد طبعا انما هو من وجهة نظرهم او من فكرهم المتمسكين بيه .


حتي الشيطان ماشي ورا فكرة عنده وفاكر برضه انها صح ورفض فكرة السجود لانه شايف انه كده اتظلم وحاشي لله انه يكون اتظلم ولكنه كبره وعناده :  "وإذ قلنا للملائكة اسجدوا لآدم فسجدوا إلا إبليس أبى واستكبر وكان من الكافرين"

حتي الصهاينة كمان عايزين ينشأوا وطنهم علي جثث ملايين العرب لانهم كما يزعمون بجنونهم  ان اليهود "شعب الله المختار" حتي ان الكاتب "علي احمد باكثر" كتب في كتابه "إله اسرائيل" ان واحد اسرائيلي ممكن يفسر ما ورد في الاصحاح العشرين من سفر التثنية اللي بيقول "وأما مدن هؤلاء الشعوب التي يعطيك الرب إلهك ميراثا فلا تستبق منهم نسمة واحدة بل ابدها علي بكرة ابيها"
علي اساس ان الجملة دي مطبقة علي العرب اليومين دول وهو تفسير متخلف خاطئ طبعا ولكن كل واحد بياخد الجملة اللي علي مزاجه ويحطها قدامه ويجعلها مبدأ ورسالة في حياته حتي لو كانت كلها حسب تفسيره الوهمي ومش هي الحقيقة .


وتدخل امريكا في حرب فيتنام اللي اعترض عليه ملايين المواطنين الامريكان كان علي اساس ان امريكا يعني هي الحمل الوديع وراعية السلام وهي اللي بتنصف المظلوم رغم انه كله كان لمصلحتها وهي اللي لعبت في الحرب دي كلها من تحت الطرابيزة ودخلت نفسها في حرب سقط ليها ملايين الضحايا علي مدار سنوات بلا سبب مقنع وكذلك الحال في تدخلها في دول عربية بإسم الديمقراطية او تدمير اسلحة الدمار الشامل زي ما حصل في العراق وغيرها من الدول وهي ابعد ما تكون عن الديمقراطية الحق.

والسفاح "روبسبير" في الثورة الفرنسية كان بيقتل الالوف علي المقصلة بإسم العدالة وتطبيق القانون وبإسم الثورة رغم ان الثورة اللي المفروض تعلي كلمة الحق هو اضاعها بظلمه وطغيانه وجبروته وبدأ ميشوفش الا نفسه فقط في الثورة الفرنسية ويقتل كل اللي بيشوفهم خونة في نظره.

يعني كل مجرم لازم هتلاقي وراه سبب يقنع بيه نفسه بجرمه عشان يزينه في عينيه وعشان يبقي ماشي ورا غاية معينة هو شايف انها الطريق الصحيح وغيرها يبقي باطل.


نفس الحكاية دي بيطبقها البلطجية اللي بيهجموا علي المستشفيات بانتظام عشان احد اصدقائهم او حد من عيلتهم مات جوة المستشفي..جنون مغلف بظلم مغلف بغباء تام.
وكأن الطبيب اللي جوة المستشفي ده هو فعلا اللي قتل المريض مش لارصاصة او المطوة اللي اتضربت في جسمه من الخناقة او الضرب اللي كان فيه قبل ما ييجي المستشفي.
وكأن الطبيب ده بياخد مرتبه عشان يقتل ضحايا جوة المستشفي مش يعالجهم وانه قاصد يقتل كل بلطجي يدخل المستشفي مع انه المفروض بيكون خايف من بلطجة أهله للأسف فبيعمل ما في وسعه عشان يحاول يعالج.
وكأن الطبيب ده نازي مجنون بيمسك جسم البلجي المصاب ويقطعه حتة حتة ليطهر الارض من الرجس !!
وكان الطبيب متواطئ مع الشرطة مع ان الشرطة اساسا مبتحميش حياته ولا نيلة ..وكأن الشرطة اساسا هي المسئولة فقط عن اصابة البلطجي ومش بلطجته نفسها !!

طيب البلطجي شايف العملية دي كلها ازاي ؟؟ اما بيقتحم المستشفي زي القصر العيني وغيرها كتير حوادث لا حصر لها من اقتحام المستشفيات في كل المحافظات هو شايف انه كده بياخد حقه ده حسب تعريفه للحق طبعا في قاموس "التطرف والتحريف" بتاعه .




ودي بعض حجج البلطجي في الهجوم علي المستشفي والرد عليها :


1- البلطجي شايف ان كل ضحية تسقط ليهم داخل مستشفي ده نتيجة فساد مش خطأ او قضاء وقدر .       "الغريبة ان هو نفسه ضحية فساد مبارك وعايز يعاقب غيره علي الفساد"

2- البلطجي شايف ان الطبيب مسئول مسئولية كاملة عن حياة البلطجي حتي لو الاصابة خطيرة جدا وبين الحياة والموت   .       "وكان الطبيب ساحر هيحي الموتي او اللي حالتهم بتيجي وهي بتودع اصلا والطبيب مقصرش في حاجة"


3- البلطجي شايف ان حتي لو في خطأ طبي البلطجي عايز يحاسب وياخد حقه بدراعه علطول مع ان اي خطأ طبي في اي دولة في العالم بيكون نتيجتها محاكم وتعويضات كبيرة جدا.         "يعني حتي لو في خطأ البلطجي بيعالج الخطأ بجريمة ويظهر بمظهر الجاني حتي لو كان ممكن يكون فعلا ضحية خطأ "


4-شايف ان  الطبيب المفروض انه غصبا عنه يعالج ويشفي المريض ولو بالعافية.          "مش غصبا عنه ولا حاجة ده بيقوم بدوره بكامل رغبته وكفاية انه بياخد ملاليم وميزانية الصحة في مصر زفت وحالة الاجهزة والمستشفيات زفتين مش زي اي حتة في العالم ليها ميزانية صحة محترمة يعني الطبيب اصلا معذور تماما ولكن بيقوم بدوره "


5- البلطجي شايف ان المستشفيات بتهمل في علاج الفقرا وبتسيبهم لحد ما دمهم يتصفي.     "مع ان المستشفيات الحكومية دي اساسا فاتحة عشان الفقراء وملايين الفقراء بيتعالجوا يوميا اللي بيكونوا طبيعيين يعني مش بلطجية جايين المستشفي مضروبين برصاص ولا مدفع رشاش ومن جهل اللي بيحاولوا يقولوا ان الاطباء بيقصورا مع الفقراء انهم مش بيشوفوا المستشفيات الخاصة بتاعة الاغنياء بتعمل ايه وانها هي اللي ساعات بتسيب دم المريض يتصفي لحد ما يدفع الحساب او المقدم مش المستشفيات الحكومية بتاعة الفقراء ..يعني بالعكس مستشفيات الفقراء بتقوم بدورها علي قد ما تقدر حتي وان كان فيها اهمال علي قد الامكانيات الضعيفة لكن الأطباء بتحاول "



6- البلطجي بيشوف ان الطبيب سفاح بيعمل عمليات اجهاض وبيسرق اعضاء وبالذات هو شايف ان ده بيحصل من حواليه حسب بيئته ومجتمعه اللي فيها معدل جريمة كبير .    "ايوه ده بيحصل لكن التعميم خطأ قاتل ..وانت اللي بتروح تعمل الاجهاض بايديك ومتلومش علي بعض الاطباء الفاسدين وانت اللي بتساعدهم ببلطجتك علي عمليات الاجهاض ومافيا بيع الاعضاء وسرقتها ..متلومش كل الاطباء عشان طبيب فاسد ده بيحصل في كل حتة حالات فساد في نسبة قليلة من الاطباء ..زي ما واحد عمل اجهاض في الوف ولدوا الستات وفرحوا ملايين الأسر ..متلومش الطبيب الفاسد بس لوم برضه مبارك اللي خلي بعض الاطباء فقرا ومش لاقيين ياكلوا وبيضطروا يتجهوا للاجرام ده زي ما انت يا بلطجي اتجهت لبلطجتك مش عشان انت مجرم بالفطرة ولكن مبارك خلاك مجرم بالفقر والجهل والحرمان "



7- البلطجي شايف انه بياخد بالتار وبينتقم من الطبيب القاتل ويفسر بمزاجه ويقول "ولكم في القصاص حياة"  !!...          "مستر بلطجي..قصاص من مين ؟؟ هو مين اللي ضرب الرصاص علي زميلك ؟
ولو القصاص بالدراع طيب ما انت لسه شايف ويلاته من شوية اما واحد ضرب رصاص علي زميلك باسم القصاص برضه !! يعني انت بتعمل نفس اللي انت دقت طعمه وحسيت بالمرارة ..ايه التناقض ده ؟؟
وبعدين انت بتتكلم في الدين ؟؟ انت بتفسر أية علي مزاجك فعلا ؟؟ انت عارف ايه شروط تطبيق القصاص اصلا ولا مين اللي بيقيم القصاص ؟؟ هو اي كلام والسلام ؟؟ هتعمل زي اللي يفسر الأية اللي بتقول "وجعلناكم شعوبا وقبائل لتعارفوا"  ويروح يتعرف علي بنات طول اليوم عشان تفسيره للأية كده !!!..بلاش تخاريف وبلطجة وقرف .




البلطجة نتيجة الفقر والجهل اللي تركهم نظام ديكتاتوري مستبد من اعتي الديكتاتوريات حول العالم وهو النظام السابق وكان من اشد المستفيدين من انتشار البلطجية في كل مكان للانتخابات وخلافه وعشان نتخلص من الاثار دي محتاجين وقت وجهد كبير وتعليم الناس دي دور علي المجتمع المدني والحكومة ولازم يعيشوا عيشة ادمية الاول قبل ما تطالبوهم يكونوا بني ادمين ..دول ناس بعضهم عايش في صفيح هتكلموا ازاي علي الحق والخير والجمال !!! هل ده يعقل ؟؟


لازم المجتمع المدني يقوم بدور جبار عشان الناس دي تلاقي مسكن انساني وحياة ادمية حقيقية لانهم اتظلموا كتير وزي ما بلومهم علي بلطجة البعض منهم انما ساعات بقول الحق مش عليهم الحق علي اللي صنعهم كده وكان فرحان انهم يبقوا كده وهم حلمهم يتغيروا اكيد.

الأطباء اللي درسوا عدة سنوات وتعبوا بيخرجوا عشان ياخدوا ملاليم وكمان يتهانوا جوة مكان عملهم..الطب من اقدس المهن ومع ذلك يهان الطبيب ويشعر بان مهنته تدنس يوما بعض الاخر وانه عرضة للموت في سبيل قضية هو لا يعلم عنها شئ وهي قضية تار وهمي معاه !!

التقصير الامني في حماية المستشفيات شئ مقزز ومخيف وغير اخلاقي..لما الامن بيخاف من البلطجية ودي شغلتهم امال الطبيب يعمل ايه ؟؟ المفروض انه يعالج المريض في جو اصعب من جو الحروب ؟؟
ده حتي في الحروب بتكون المعسكرات مافيهاش الضغط ده لان الراجل بيقوم بدوره وخلاص ولو مات ضحية بين ايديه محدش هيحدف عليه ملتوف لانه قصر !!!


البعض يلوم علي الاطباء انهم عايزين يعملوا اضراب ويقولوا "ياااه معقول انعدمت فيهم الانسانية ؟؟"   واللي بيقول كده ميعرفش ومجربش انه يشتغل في اجواء حرب وحواليه مئات البشر بالسنج منتظرة لحظة الاقتحام عشان تقتل او تصيب المخطأ ..يعني بيشتغل وهو بيستشهد في بعض المستشفيات يبقي اي انسانية بتتكلم عليها ؟؟


عقيدة التار نمت جوة ناس كتير في مصر بسبب اللي شوفناه من نظام قمعي وكمان اللي كان بيحصل من الداخلية من اهانة للأدمية في الاقسام ومافي حد تشتكيله في اي مكان في مصر فاصبح غياب القانون هو السبب الرئيسي لان التار اصبح مرادف للعدل والحق.



كل واحد بيشوف القانون مبيطبقش صح هيحط قدامه جملة "العين بالعين والسن بالسن" ويبدأ يطبقها حتي لو مفهمش هي عايزة تقول ايه ..لكن غياب العدالة تجبر الناس انها تخترعها !

الانتقام وممارسته باليد محرم في الدين يعني الدين مش بيدي الحق لكل مواطن انه يروح ينفذ القانون بإيده والا كانت تبقي غابة .


وزي ما قال غاندي :


An-eye-for-an-eye-for-an-eye-for-an-eye ... ends in making everybody blind


وان لو فضلنا ناخد في التار بدون قانون وبدون عدالة حقيقية العالم ده كله هيمشي بشريعة الغاب اللي بترفضها كل الاديان السماوية .


البلطجي اللي بيقتحم المستشفيات لازم يعرف تاره مع مين ولازم القانون يعود بكل حزم وياخدله حقه طالما ليه حق وفي نفس الوقت تطبق عليه القانون لاقتحامه مستشفي وفي حالة اصابة الاطباء اثناء وظيفتهم لابد من تغليظ العقوبات بشكل رادع فعلا .

زيادة المرتبات وتوفير الحماية والعمل في جو صحي هي الاساسيات الواجبة لخطة شاملة لتطوير قطاع الصحة في مصر ونفضل نقول الطبيب المصري في الخارج مشرفنا ..لا احنا عايزينه يشرفنا جوة الاول وده دور الحكومة في تحسين المناخ اللي بيعمل فيه الاطباء وجعل الميتشفيات مكان ادمي فعلا لا يهان فيه مريض ويعاقب فيه الطبيب المقصر ايضا .

يا استاذ لو سمحت..ده قصة ولا مناظر ؟؟؟

رايح السينما ولا حاجة ؟؟ هو اسم سينما اسم شيك قوي الافضل نقول "دار عرض" لان العرض فيها شغال علطول ..بس مش عرض الافلام ..ده عرض لشخصيات غريبة الاطوار قاعدين جنبك وبتلاقيهم في اي سينما ..

تعرف اليوم من اوله اما تلاقي سواق التاكسي بيقول  " انت عارف يا استاذ..اجمل بنات الكون في بنها" !!!
تفتح بقك بعد الجملة دي عشرة متر قدام من هول الصدمة ..الراجل ده بيقول ايييييييييييه ؟؟..بنات كون ايه بس...ده انت الكون بتاعك كله مركزه شبرا بالطريقة دي !
عايز تقنعني ان "مونيكا بيلوتشي" مثلا امها اصلها من بنها !! يا اخي روح موت واشبع موت وغطيها كويس وانت نايم ..


أول ما تخش السينما خالص ولسه بتقول يا هادي..تلاقي الراجل ماسكلك الكشاف ويهريك بقي "كل سنة وانت طيب" ..عايز فلوس عشان هيوريك مكانك بس علي اساس اني خلاص اتعميت مثلا..
وده ممكن تثبته بأكتر من رد وليه حلول كتير وفي حلول ممكن تغلس بيها عليه مثلا :

تقوله "لا شكرا معايا كشاف في الموبايل ما تتعبش نفسك"
او تقوله " كل سنة وانت يطب ليه هو النهاردة بمناسبة ايه مش فاهم ؟ "
أو تديله حباية "هولز" في ايده زي بتاعة الكتاتني..


هو احنا هنلاقيها من السايس بتاع العربية اللي فاكر الشارع ملكه والركنة مش عارف بكام ولا من بتاع السينما كمان ده حتي في الحمامات بقي في واحد من دول عشان بيناولك المنديل !!!
يعني في بلدنا بقت انك تناول المنديل دي كده شغلانة في حد ذاتها !! او الظاهر انه هيكتب علي صدره "خبير استراتيجي مناديل" او "ناشط حمامات" !!

ومتفتكرش ان حسب نوع السينما لو فخمة او تعبانة مش هتلاقي حاجات غريبة الاطوار ابدا..ده انا في سينام فخمة جدا ونزل الفيلم من غير ترجمة تماما والناس مذهولة وبدأت التعليقات "ايه يا عم الفيلم اللي جايبه من ع النت ده ؟"  "روح يا عم نزل الترجمة وتعالي من علي اي منتدي"
وبدات الناس تصفر وفجاة تم عرض الفيلم من الاول ولكن المرة دي بيهنج كل خمس دقايق ..!! وده بيحصل في اكبر سينمات مصر وده العجيب..
وشوية وبعد ما الناس زهقت يخش واحد يقولنا "تعالوا ورايا يا جماعة طابور علي قاعة تانية اصل الماكينة هنا عطلانة معلش"
يعني لو كنت نزلت الفيلم نسخة زبالة حتي وانت في بيتك كانت هتبقي ارحم من انك تقعد تعيد في الفيلم كل شوية لحد ما تحفظ امه .




وفي السينما هتلاقي انواع كتير من الناس جانبك وحواليك في كل الكراسي :


النوع الأول : المستعجل :

ده يقعد جنبك وطول ما هو قاعد تلاقيه بيطرقع صوابعه وساعات بيطرقع رقبته وانا بيضايقني اوي النوع المطرقع للرقبة ده بس ان جانبي "زومبي" !
ويقعد يفشخك أسئلة من نوعية "هو الفيلم هيبدأ امتي ؟ "
"طيب هو مدته قد ايه اصلا معلش"
"هو مش بيجيبوا حاجة قبله يعني اعلانات او كرتون مثلا ؟ "
"ياااه دول اتاخروا قوي دي فوضي"

وده طول ما هو قاعد عمال يفرك مش عارف طيب هو جه ليه اساسا طالما عايز يمشي من اول دقيقة قعدها تبقي عايز تقوله "ما تقوم تروح يا عم الحاج وارحمني ده انت خنقتني من الفيلم من قبل ما يبدأ"
عامل زي علاء مرسي في فيلم ميدو مشاكل اما كان بيقول "الصووووت..الصووووت العالي بيوترني" !




النوع الثاني : ابو ضحكة جنان :


ده تلاقيه بيضحك في كل المشاهد في الفيلم مافييش تمييز بين الدراما والكوميديا واي حاجة هو سيستم الضحك عنده معموله ابديت من فترة قريبة تقريبا..
اي مشهد اي جملة يفقع ضحكة تلاقي السينما كلها بتضحك اساسا عليه مش ع الفيلم ودول بتلاقيهم كتير وياسلام لو لاقيت واحد منهم جنبك ويكون تخين كمان يبقي تقعد طول الفيلم كأن "الفايبريشن" شغال في جنبك..فيل بيضحك ويهز كتافه والكرسي يلعب بيك طول الفيلم ..وكل مشهد كوميدي تتهز انت اتوماتيك من كتافه العريضة ماركة "بخيره"  !

او لو دخل في كريزة ضحك بقي وقعد يخبط في الارض ولا في الكرسي يبقي يومك مش فايت النهاردة ويبقي كل همك ان الفيلم يخلص قبل ما الراجل يجيله حالة هستيرية ويخبك فيك ولا حاجة وانت قاعد !

وكل فترة من الضحك المتواصل تلاقيه قال فجاة "اه ياني يا ابا"  او "اه ياما"  الراجل منفوخ ضحك لدرجة انه مش قادر ياخد نفسه والفيلم درامي ..




النوع الثالث : مستر جالكسي :


ده لو في سينما معفنة بقي من النوع اللي بيدخل فيها البياعين جوة السينما تلاقي كل شوية "حاجة ساقعة بيبس..شيكولاتة بسكويت..حاجة ساقعة بيبس "
تلاقي واحد كل شوية ينادي عليه كأنه مكلش حاجة من سنة يا عيني "خد يا اخينا اديني شيكولاتة"
ودي في الاخر بتيجي علي دماغك برضه لانه هيبدأ يقوم بقي يشتري حاجات ..ونظرا لان السينما معفنة فهي بالدراع مش بالحجز يعين هيقولك كل عشر دقايق "معلش احجزلي المكان علي ما اقوم اجيب بيبسي كانز"
كانز ؟؟ ليه انت هتجيب عشرة بيبسي ولا ايه اسمها "كان" يا عم الحاج..
وبعد شوية "معلش احجزلي المكان علي ما اقوم اجيب فيشار" وارتبط الفيشار بالسينما أزلي مش عارف ليه الفيشار بالذات ..


وتبقي عايز تقول للراجل ده "هوحد  قالك اني مشرف الرحلة بتاعتك بروح امك ..ما اشوفلك الفيلم بالمرة يا ابن ال...."
وتقعد طول الفيلم تسمع بقي صوت قرمشته للبسكوت والاكل اللي جابه وكميات الفيشار اللي وقعت ع الارض تكفي القاعة بحالها اصلا.
ويبقي مشهد درامي مؤثر وجانبك واحد "بيتكرع" في الاخر  بعد الطفح اللي طفحه ..فعلا النوع ده "احبوش" .





النوع الرابع : شئ من الخوف :


ده واحد ساعات تلاقيه ومش كتير بس بيكون موسوس ..يعني كل شوية يقول مثلا "حسيت بحاجة بتجري تحتك ؟"
وفجأة يرفع رجله ويقول "واللهي حاجة جريت بسرعة"
ياعم احنا في سينما معفنة فعلا يعني مش بعيد تكون قطة ولا حاجة تحت الكرسي ..
وواحد تاني تلاقيه كانه وسيط روحاني مع الحشرات ويقول "هش بقي انا قولتلك هش"
"هش بقي يا بنت الكلب"
علي اساس ان الدبانة سمعاه وحاسة بيه فعلا وسامعة الهش دي..
او في فيلم رعب جدا وفي الاستراحة واحد التفت وقال بكل هدوء "انا فعلا لي قريبتي كان لابسها عفريت قبل كده الحاجات دي بتحصل يا جماعة"
يا عم ارحمنا بقي الفيلم مسيب مفاصلنا وانت معندكش دم وجاي تفشخ الناس رعب اكتر ..

وساعات تلاقي شلة بنات وفجاة في مشهد رعب تشتغل الاوركسترا بتاعة الصويت بقي كأننا راكبين الصاروخ بتاع دريم بارك مش في سينما ..
اهدي يا اختي منك ليها متخافيش قوي ده لو العفريت طلعلك اساسا "هيقرا الفاتحة " !!




النوع الخامس :  اف ام :


اه متستغربش..دي مجموعة اسمها "رافعي الاريال" يعني يدخل تلاتة مثلا ولدين وبنت وفجاة واحد يفضل يبص للفيلم ومنتبه جدا والواد التاني في عالم تاني مع مراهقة الثانوية مثلا ..
وانت ايه يا عم الحاج مالكش في الصنف ولا ايه ؟ بدل ما انت رافع الاريال ومشوش علي موبايلتنا كده !
وشوية تسمع جملة زي مثلا "استني الدبوس وقع"  اوووووبة..دبوس وقع كمان هي ليلتنا فل ولا حاجة ؟؟  تبي عايز تخش عليهم باسلوب عادل امام وتقول "انتوا بتعملوااااا اييييييه ؟""

دول بيبقوا مختارين الصف الاخير خالص بس من حظهم النحس اني كتير بختار الصف الاخير رغم اني بكون لوحدي ساعات بس بلاقيه مكان مثالي انما هم شايفينه برضه مكان مثالي ومش متوقعين انهم يلاقوا واحد يقطع عليهم الفيلم بتاعهم ..يعني يبقي قدامك فيلم "قصة" وجانبك "مناظر"  ومتسألش بقي قصة ولا مناظر !!

وكل شوية الاخ المفعصاتي يقعد يبص جنبه وفي كل مكان كأنه بيهرب مخدرات ولو عايز ترخم عليه افضل باصص ناحيته ومش هيقدر يعمل حاجة لانه في وضع صعب "اخوكواااا مزنوووووق"

وده كتير ما بيكون في عروض في اوقات غبية زي فترة الصبح..يعني واحد داخل سينما مع واحدة ع الصبح بدري كده اكيد مش مزنوق في مشهد درامي يعني ولا ايه ؟؟




النوع السادس :   الحريق :

ده مش حريق سجاير..ده حريق للفيلم وده ارخم وافظع الانواع فيهم كلهم..
يقعد وجانبه واحد وكل خمس دقايق يقول الجملة بنت الكلب "عارف هيحصل ايه دلوقتي ؟؟؟"
ويبدأ يرغي ويحرق في ام الفيلم لحد ما تفد متعة الفيلم تماما لانك عارف نهايته بدري ..والغريبة انه شاف الفيلم قبل كده وجاي تاني عشان يحكيه علي رأي اللمبي "ده ايه غتاتة امك دي ؟"

ويقعد ينفخ فينا باسلوبه ويقول "انت فاكر انه كده مات؟؟ لا ده هيقوم تاني بس في اخر مشهد "
ده الفيلم كده هو اللي مات ده انت قعدتك سواد اساسا..هو انا دافع التذكرة عشان الاقي جنبي كابتن محمود بكر وكانه بيقول "واحد يسألني هو البطل مات..اقوله اصبر للمشهد الاخير " !




النوع السابع :  مستر حقوق انسان  :


عارف علي بيه مظهر ؟؟ اهو كده بالظبط ..
يبقي دافع تذكرة معفنة بعشرة جنيه ويشوف بيها اربع افلام في عرض واحد ومش عاجبه ان في واحد بيرمي اللب علي قفاه من فوق !!
امال اربع افلام بعشرة جنيه متوقع ان الصالة مكيفة ؟ ما هي اكيد مقلب زبالة سابقا !

"الاخ اللي بيحدف لب ده يخلي عنده ضمير"
اساسا السينما فيها ناس واقفة في النص كأننا في ميكروباص زي عادة سينمات المصايف القذرة اللي هي صحراء جرداء لا زرع فيها ولا ماء..
ويقعد يقولك "اكيد برة مافيش حد بيتف اللب علي الواحد في السينما احنا عالم تالت"
"انا هاشتكي صاحب القاعة انه سايب الحالة كده"

ياعم صاحب قاعة ايه بس هي دي قاعة دي مقلة لب ..دي الارض كلها لب وسوداني حتي الفيشار غالي عليهم..
وشوية يقول "الجو حر قوي..ايه ده الناس معندهاش دم..؟ انا لازم اكلمهم وانا خارج يراعوا انسانيتنا شوية"

يا عم الامور انسانية مين انت دافع عشرة جنيه في كل الافلام دي واصلا الافلام نصها بيتقطع كمان عشان يخلصوها بسرعة يعني عرض سريع للفيلم وانت فاكره كامل هو في فيلم يعني بيخلص في ساعة الا ربع ؟؟

"الاخ اللي بيرمي لب ..خلي عندك ضمير واحترم نفسك"
وفي النهاية يسمع صوت من ورا مش باين مصدره من الزحمة واحد بيزعق ويقول "ولو مبطلتش رمي لب هتعمل ايه يعني ؟؟"
ساعتها يقتنع ان حقوق الانسان في البتنجان ..





دي شوية عينات من جوة السينما ..الواحد ياما بيشوف واوعي تقع في نوع من دول والا يبقي الفيلم راح عليك خلاص وتقول "سينما اونطة عايزين فلوسنا " .

رميت أنا حلمي في عيونك..قروش في البير

رميت أنا حلمي في عيونك..قروش في البير..
لقيت الحلم بيصرخ "مافيش تفسير" ..
قالولي ده حلم بيشتي في يوم صيفه..
ولكن برده موصوفله واسمه "مصير"..!
رميت بكياني في ايديكي كعود أخضر..
ضعيف وهزيل لكن برضه بيتمنظر..
يشب شوية وبيحبي علي الخاتم..
ويرجع تاني لوريدك "حنين أخضر" ..
رميت حلمي علي ايديكي بلا تفكير
وسرح الحلم في عيونك كعبد فقير..
يلف بحار عشان يشقي علي زاده..
وزاده عنيكي لو يعلم ليبقي أمير..
حضنت الشمس في بحارك وانا مجروح..
لقيت الشمس بتغني حلاوة روح..
قالتلي الشمس فين نلقي اميرتنا ؟
حزنت وطاروا دمعاتي حمام الدوح..
حفرت القبر في جبينك من المرمر..
وتبقي الموتة بتزغرط علي المنظر..
وقفت وسقطوا نبضاتي كما البللور..
علي جبينك ولا نبضة بتتكسر..
همست في ودن أحلامك بسر جميل..
لقيت الحلم توهني وماله دليل..
دي بنت ترقص الغنوة علي رموشها..
تخدر كونها وتلفه علي منديل ..
وكان الحب في عيوني حنين دبلان..
وعمر يتوه علي سنينه سراب دخان..
لكني لقيت علي عيونك امل تاني..
وضميتك علي صدري مكان وزمان..
شربت نداكي من زهرة وانا مكسوف..
وبتلفت وانا باشرب واموت م الخوف..
خايف لملاك يراقبني وانا بشرب..
ويرميني علي جبينك كلام وحروف..
علي ضيك لقيت شمسي بتتمدد..
قالتلي الحلم في عيونها بيتجدد..
جمعت ورودي من ذكري مقابلاني..
وجيت لعيونك الصافية لأستشهد..
علي خيرك ملاك حايم قتل شري..
ولكن سابني في الاخر وزاد قهري..
جعلني ملاك بلا فايدة وف الاخر..
يعود شعري كألف شيطان علي ضهري..
انا من غيرك ايه ابقي..يتيم لحروف..
كلام ولا نثر ولا انشا ولا مألوف..
لكن لغزه ومفتاحه علي ايديكي..
في خط الكف كان سري شريد بيطوف..
تعالي لقلبي في سمايا وعدي السور..
ده نبضي بنالك البسمة وتاج مسحور..
وشجرة عمري محفورة علي الذكري..
لكن الذكري محفورة ف وريد الحور..

ياسين عايش علي حباية رز....قــصة قــصيرة

لم يكن الدكتور رامي يتوقع أن يعيش في احدي القصص التي قرأ عنها دائما ..فعندما يقرأ أحدنا قصة قصيرة أو رواية لا يحلم أن يكون جزءا منها الا لو كانت رومانسية ..أما القصص الدرامية الكئيبة فيتركها الجميع لحكم الدموع وأشجان القلب .

كان الدكتور رامي في احدي الليالي يسهر في المستشفي كعادته ويتصفح الكتب التي يفضلها ويقول لنفسه كالعادة : "اه بجد مش عارف الراجل ده كتب الرواية دي ازاي ؟ بجد مش عارف ؟ "

قاطعه صديقه علاء قائلا :بتكلم نفسك يا رامي ولا ايه ؟ هو مين ده اللي مش عارف عمل كده ازاي ؟

رامي: يا أخي كل مرة اقرا لهمينجواي أسأل هو الراجل ده انس ولا جن ..بجد جنني خلاص مش ممكن تكون دي كتابة بشرية ..ده مستحيل ..

علاء: خلاص هدي نفسك يا سيدي..اقرا براحتك بس شوف الحالة الجديدة اللي جاية المستشفي اللي كله خايف منها وبيقولوا اصعب حالة..

رامي: اه زي كل مرة بيقولوا اصعب حالة وبتتحل في الاخر وبنعرف سبب عقدته.

علاء: لا يا رامي دي حالة اغرب من الخيال ..انت شوفت فيلم  k-pax

رامي: بتاع كيفين سبييسي ؟؟ ده فيلم قوي جدا ..بس اوعي تقولي ان ....

قاطعه علاء : بالظبط كده..شبه الحالة دي كده..عرفت بقي اننا في ورطة المرة دي ومش سهلة ؟

رامي: بس في الفيلم كان المريض مقتنع انهم هينادوه من كوكب تاني وان ده مش وطنه ودي مش ارضه..

علاء: هي نفس الفكرة بس مريضنا المرة دي مقتنع ان وطنه الأصلي "حبة رز" وانهم هينادوه وهو مستني النداء ده

رامي مندهش : نعم يا اخوياااا؟؟؟ حبة رز ؟؟؟؟؟

علاء: أيووووه انا استغربت زيك كده بالظبط عشان تعرف قد ايه المشكلة اللي احنا فيها المرة دي وانها عايزة صبر ويمكن تستمر فترة طويلة جدا علي ما نعرف مشكلته ونفك اللغز

رامي : وجيبتوه منين ده ؟ يعني مالوش عيلة او اهل ؟؟

علاء: للأسف مقطوع من شجرة وكان بيحدف الناس بالرز وبيمسك حبة الرز ويقول عليها طيارة ويلف في الشارع ويقول "الطيارة بتطير فووووووو"

رامي : انا لها..هو صحيح انا كنت بخاف اعيش في جو افلام "السيكو" بس انت شوقتني ..وخصوصا اما قولتلي انها شبيهة بالفيلم اللي بموت فيه ..

علاء: اسأل دكتور حمدي اذا كان هياخدك معاه في فريق الحالة دي ..انت دكتور متميز وتستاهل ..وتقدر كمان

رامي : شكرا يا علاء..


لم يكن راميي يعرف ما تورط فيه وانه وضع قدميه علي اول طريق الخوف بإرادته الحرة ..لم يكن يعلم أي مخزن ذكريات يتغذي عليه هذا الرجل الغريب الجديد الوافد الي المستشفي وهل سيستطيع ان يركب معه مراكب حياته كما قالت احلام مستغانمي ""مراكب محملة بالأوهام عادت .. و أخرى بحمولة الحلم ذاهبة " !!



سار رامي وسند رأسه الي جدار المستشفي وهو يراقب الحالة من بعيد وتدمع عيناه وهو يحزن لحالة المريض الجديد ويقول لنفسه ابيات لصلاح جاهين :

يا قرص  شمس ما لهش قبة  سما
يا ورد  من غير  أرض شب  و نما
يا أي  معني   جميل  سمعنا    عليه
الخلق   ليه عايشين    حياه مؤلمة
عجبي !!!



ووقع عليه الاختيار مع فريق طبي لاكتشاف حالة المريض "ياسين " وبدأت الجلسات فيما بينهم وأول حوار :


رامي: احنا اصحاب يا ياسين مش كده ؟

يرد ياسين عليه ويقول له : انت مش مصدقني زيهم

رامي : انت هتشرحلي ازاي انت عايش في حبة رز

ياسين انت شايفني مجنون زيهم..بس اسمع..انت غيرهم ايوه انت غيرهم.انا سمعتك وانت بتقول شعر صلاح جاهين جنب الجدار..

رامي : انت سمعتني ؟

ياسين : ايوه..انا بحبه..ده من شعراء الرز ..عايش معايا في حباية الرز ..

رامي: ومين كمان عايشين معاك هناك ؟

ياسين : نزار قباني وناس كتير..حياة كاملة بس ناقصها بشر..

رامي : انت فيلسوف مش مكانك المستشفي دي بقي..

ياسين : انا مش مجنون..كل الحكاية اني عايزهم يسيبوني ارجع للرز وادخل في الحباية ..
مش انت بتحب صلاح جاهين ؟

رامي : جدا ومين ميحبوش ؟

ياسين : طيب سمعت اما قال :

أحب   أعيش ولو في   الغابات
أصحي كما ولدتني أمي و ابات
طائر .. حوان.. حشرة .. بشر ..بس أعيش
محلا   الحياة..  حتي في هيئة نبات
عجبي !!


رامي: الله عليك..

ياسين :شفت انه كان ممكن يعيش حتي في هيئة نبات..؟ طيب ليه انا بيعتبروني مجنون عشان عايز اعيش في حبة رز ؟

رامي: هتسيب الكون ده كله وترحل في حبة رز

ياسين : نوح ساب الكون ده كله وهاجر في سفينة

رامي: بس ده امر إلهي

ياسين : وده أمر برضه بس مقدرش اقولك من مين ..يمكن من مكان بعيد في حبة الرز بيناديني سميته "دير ياسين" زي مكان جرح اوطاننا القديم ..انا لازم ارجع دير ياسين في حباية الرز..





توالت الجلسات بين رامي وياسين علي مدار أكثر من سنتين وتوالت الاشعار ما بينهم وحكايات عن همينجواي الذي يعشقه رامي لم يكن رامي في جلساته يعتقد انه يحاور مجنون فكل كلام ياسين كلام متزن جدا الا حكاية "حبة الرز" التي اصبحت اللغز الذي يريد ان يكشفه رامي ليس للمستشفي بل لنفسه اولا..لأنه أعتنق الحكاية اكثر مما يعتقد حتي أصبح جزءا منه وكأنه اصبح يعيش مع القصة دور الضحية وتلك القصة هي القاتل ولكن يعيش الان حالة "التوحد مع القاتل"  !!


وفي إحدي الايام بدأ رامي يراقب ياسين دون ان يشعر وجده في ذات مرة يخبئ شئ ما وينظر اليه ثم يخبأه مرة اخري كل فترة ..لم يدري رامي ما يخبأه..هل خبأه ياسين او ان هذا الشئ هو ما يخبأه القدر لحل اللغز اخيرا بعد كل هذه الفترة ؟؟..

خرج ياسين الي ميعاد الطعام كالمعتاد وبدا في شجاره المعتاد مع اي منهم يأكل حبة رز واحدة والتي اعتبرها مقدسة ولا يمكن اكلها واخذوه لجلسة الكهرباء وفي اثناء ذهابه لمح غرفته المفتوحة ولمح رامي في غرفته يمسك في يديه صورتين ويدمع..


ويصرخ ياسين وهو محمول ومربوط لاجل جلسته : بتعمل ايه في اوضتي يا رااااامي؟؟ مش قولتلي احنا اصحاب ؟؟؟ انت بتراقبني يا رامي؟؟ انت خااااين يا رامي..انت منهم يا راااامي

صرخ رامي في كل من حوله : سيبوه .سيبووووووووه..

ذهل كل من في المستشفي وقال الطبيب اشرف : مالك يا رامي..نسيبه ليه ده لازم ياخد الجلسة لانه النهاردة عمل نفس التصرفات العدوانية بتاعته

قال رامي في هدوء : سيبوه يروح لحبة الرز..ولو يوم واحد وهو هيخف علطول..سيبوه يروح دير ياسين..


كانت الاجابة التي فتحت عيون الجميع من الدهشة ونظروا الي الدكتور رامي معتقدين انه اصيب بالجنون هو الأخر ..وبدا الجميع يتهامس بينما جلس رامي علي كرسيه كانه اصابه صاعقة وسقطت من يديه صورتين لرامي مع حبيبته ..
إحداهما وهما يقفان وخلفهما محل مكتوب عليه "اكتب اسمك واسم من تحب علي حبة الرز"
والأخري صورة في المطار وهي تسافر وهو يودعها ..
وعرف أخيرا رامي سر "حبة الرز الطائرة" ..وسر حنين رامي لحبة الرز..

وقال لنفسه : "ده مش مجنون..كلنا عايشين في نفس حبة الرز دي "  !

الفن والثورات ما بين موقف انجلينا جولي وطلعت زكريا ..

ساعات ناس كتير تقول هو ايه دخل الفنان ده بالسياسة ؟..يعني مثلا ليه اي فنان او مطرب بيقول ارائه السياسية أصلا ؟
الكلام ده ممكن تسمعه من ناس كتير لكن الفنانين عموما علي مر التاريخ كان ليهم ادوار سياسية هامة جدا يمكن عندنا في مصر تلاقي امثلة قليلة لكن حول العالم كل الفنانين ليهم اراء او مواقف سياسية وساعات بتكون هامة جدا ومؤثرة بعمق .

مثلا شارلي شابلن كان ليه دوره السياسي في افلامه الصامتة زي تمثيله لهتلر في فيلم "الديكتاتور العظيم" وله العديد من الافلام الهامة زي فيلم
modern times
اللي انتقد فيه دور الألة والتصنيع الحديث في جعل الحياة روتينية وانتقد سيطرة اصحاب رأس المال علي العمال.
وفي فيلمه
city lights
كذلك وجه العديد من الانتقادات للأغنياء وحياتهم .

وكان شارلي شابلن ممثل ومخرج مبدع وافلامه انتشرت في شتي انحاء العالم وذاع صيته بشكل كبير جدا زمان وفي فترة الحروب العالمية .

العديد من المخرجين برة كمان ليهم ادوارهم وأرائهم السياسية الهامة زي "جورج كلوني" و "كلينت ايستوود" و "وودي ألان" وبيعبروا عن بعض انتقاداتهم للمجتمع خلال افلامهم وزي كمان مخرج الوثائقيات "مايكل مور" اللي انتقد بعنف الحكومة الامريكية في اكتر من فيلم وقال كمان ان هجمات سبتمبر كانت مدبرة من البداية في مؤامرة واضحة .

حتي المطربين اللي يعرفها الاجيال الجديدة كلهم زي "بيونسيه" كان ليها موقف انها بعد ثورة ليبيا اتبرعت بأموال القذافي كلها لأعمال خيرية ..والفريق الشهير "ديكسي شيكس" اللي نتقد بعنف الرئيس بوش الإبن في كتير من مواقفه السياسية ودفعوا تمن ده تهديدات كتير وايقاف لاغانيهم فترة من الزمن علي الراديو .

والممثلة انجلينا جولي ليها ادوار كتير سياسية واخرها مساعدة اللاجئين السوريين واتبرعت كتير وزارت الصومال اكثر من مرة وليها دور في اكتر من منظمة وجمعيات خيرية حول العالم .

وحتي عارضات الازياء بيكونوا متابعين الاحداث السياسية زي "ناعومي كامبل" اللي قالت انها كانت عايزة تعمل حفلة خيرية لسوريا لجمع التبرعات لكن اللي حواليها حذروها لتعقد الموضوع سياسيا لكن كان ليها موقف مساند وداعم وقالت في تصريح ليها "«كنت أُتابع ما يجري عبر التلفزيون وأشعر بأنني عاجزة وأنا أشاهد أطفالاً أبرياء وأشخاصا يقتلون"

والفنان والمخرج جورج كلوني تم اعتقاله امام سفارة السودان بواشنطن لمطالبة حكومة الرئيس السوداني عمر البشير بإنهاء هجومها على ولاية جنوب كردفان .


طبعا مش بس هنتكلم عن الفنانين ممثلين ومطربين لكن الكتاب طبعا والادباء حدث ولا حرج عن مواقفهم الشهيرة بالمئات في نصرة الحق كما يرونه هم او الوقوف في مواقف جريئة جدا ولو ضحوا بمستقبلهم المهني من اجل قضية هم عايشين ليها وعايزين يقولوا فيها وجهة نظرهم .

الكاتب الفرنسي الشهير "زولا" في قضية شهيرة اسمها "دريفوس" كان نقيب اسمه دريفوس وهو يهودي اصلا واتهموه بالخيانة وانه بعت ملفات سرية لالمانيا من فرنسا وكان زولا من اللي اهتموا جدا بالقضية دي وخاطر بنفسه وبكتاباته الجريئة في الموقف ده عشان اظهار الحق كما يراه .



وطبعا عندنا في مصر مواقف زي دي كتير ومنها الكاتب العبقري توفيق الحكيم اما اصدر كتاب عودة الوعي وهاجم فيه جمال عبد الناصر وقال ان فترة عبد الناصر مرحلة عاش فيها الشعب فاقد الوعي من وجهة نظر الكاتب ..وفي عام 1972 كتب بيان المثقفين الشهير المؤيد لحركة الطلاب .



ام كلثوم كان ليها العديد من المواقف في عز ازمات مصر من حفلات استهدفت جمع التبرعات لمصر في فترات من الحروب والاضطرابات السياسية كانت ام كلثوم وقفتها ساندت كتير الاقتصاد المصري للخروج من الازمات .


"فرزات" فنان سوري قال رأيه في رسوماته الكاريكاتير لكن النظام اهانه وضربه وقطع صوابع ايديه عشان ميرسمش تاني حاولوا معاه قمع الفكرة وقمع صوت الحق لكن كانت كل مواقفه جريئة وعمره ما خاف من اي تهديد حصل له مهما كان طغيان المعارض لفكرته .
ونفس الفكرة حصلت مع مطرب سوري قطعوا حنجرته لانه كان بيغني للثورة والثوار .



فرقة المغني البريطاني "موريسي" في حفلة في تركيا  لبست قمصان عليها عبارات مهينة للرئيس السوري وقال كمان في تصريح له "ان السياسيين هم أساس الشر" وعبر عن رأيه السياسي من خلال اغانيه  وكلماته علي المسرح.


أما فريق "بوسي رايوت" اللي انتشرت اخباره الفترة الاخيرة بشكل كبير فكانت محاكمتهم بسبب اتهام السلطات الروسية ليهم بانهم مثيري شغب وبيحرضوا المواطنين ضد الرئيس "بوتين"..
وبدات تقوم حملات في اماكن كتير من الفنانين وغيرهم لمساندة الفريق ضد النظام اللي اعتبره الجميع بيقوم بخطوات قمعية ضد الفن والفنانين او ضد كل فنان هيعبر عن رأيه في الاغاني هيعتبره النظام بانه من مثيري الشغب وانه ضد النظام وطبعا الخطوات دي اثارت غضب العالم.



طبعا من اشهر الفنانين اللي ارتبطت اساميهم بقضية وبالسياسة هو الفنان والمطرب "بوب ديلن" وهو مطرب امريكي شهير صاحب مواقف سياسية شهيرة ومن اهم اللي ارتبطت اغانيهم بالحقوق المدنية لدرجة ان اشهر اغانيه اصبحت شعار لمنظمات حق مدني حول العالم وكان من المناهضين للحرب علي فيتنام اللي انقسم الشعب الامريكي كله علي رأيه في الحرب دي والبعض شاف انها حرب اقحمت فيها امريكا نفسها ومحققتش اهدافها فيها تماما وكل اللي خلفته وراها ملايين الجرحي والمشردين من فيتنام .
ومن الافلام الشهيرة اللي اتكلمت عنه كان فيلم
I'm Not There



دي كانت بعض مواقف حول العالم لفنانين ومواقفهم السياسية ومساندة قضية لكن للأسف عندنا في مصر رغم ان في فنانين كتير ساندوا الثورة ضد الطغيان لحكم ال مبارك الا ان البعض منهم كان قلبا وقالبا مع الظلم والطغيان ولم يخجل ابدا من اعلان موقفه المساند للظلم والرافض لاعلاء صوت الحق ..


كتير من كتابنا والفنانين كان ليهم مواقف محترمة من الثورة ولكن البعض زي طلعت زكريا او عمرو مصطفي والهام شاهين وغيرهم من اللي اهانوا الثورة ورموزها واعلاميين لوثوا الثورة زي عكاشة وامثاله  اما الواحد بيقارن مواقفهم مع مواقف العالم من حولنا اللي رغم بعده عن القضية قال كلمة الحق فالواحد بيحزن اما الناس دي تبقي هي اللي متواجدة علي الساحة الفنية لكن الشعب بقي اكتر وعي ويقدر يميز الغث من السمين وكله عرف خلاص في عصر انكشفت فيه كل المواقف وسقطت فيه كل الاقنعة من الفنان اللي فعلا بيأدي رسالة..ومين الفنان اللي فقط شايفها سبوبة ..


زي مواقف ناس كتير في ثورات حوالينا برضه زي سوريا مثلا فيها رغدة ذات موقف مخزي وسولاف فواخرجي ذات موقف مشين بينما الفنانة اصالة اظهرت معدنها الحقيقي وساندت الحق وفي كل بلد تأتي الثورة او تأتي المواقف السياسية عشان تكون فاصلة للحكم علي كل فنان ونعرف هل هو فنان رسالة ولا فنان سبوبة .

أحبـك حتي الحياة..أحبـك حتي الموت..أحبـك حتي اللـذة

أبدأ حبي وحديثي  بدعوة حب وريشة صغيرة لأستاذتي غادة السمان حين تقول :

"حزني أرزة وحيدة علي رأس جبل..
لا ممثلة ناجحة علي مسرح شكسبيري.."





اليوم لا أريد أن أقول لحبيبتي ..
"أحبك حتي الموت" ..
لسان حال كل عاشق..إلا أنا..
في الحب أنا حالة خاصة وتصوف تام..

أنا "بروش" من الماس علي صدر الحب حين يستقبل ضيوفه في سهرة عشق..
أنا "الأه" في وجع كل الحروف وأبيات الشعر..
أنا "براءة إختراع" الحب ..
أنا صلاة الغرام علي روح المغرمين..وأنين البكاء علي هجر العاشقين..
أنا صدح طير في جبل قلوب لا تسمع صداه الا وتبكي..
أنا لحن قيثارة غرام يتيم المقطع والعازف..
أنا "الحب"

حين أحب ..لا أحب حتي الموت..
ولكني أحب حتي أشياء أخري..
وأقولها لحبيبتي..




أحبك حتي الحياة :


 أتقمص في عينيك الموت..
وأكتب خلف ستار رموشك كل "الوصايا العشر"..
كي يقرأها عشاق من بعدي ويشربونها من عينيك..
وأشرب من جمالك كأس إنتحاري فأسقط كالدمعة النبيلة..
وأحاصر كل الأوجاع بريشة نظرتك الملساء..
فتشعرين بأني جزء منك..وأشعر أني جزء فيك..
حالة ذوبان كاملة مجنونة..
فتعشقيني حتي الموت..وأعشقك حتي الحياة..
وفي التقاء موتي وحياتك ..لا تظمأ السماء من العشق أبدا..




أحبك حتي الجنون :


أهاجر الي كل كوكب نظرت اليه عينيك..
أسافر إلي أي مدي سافرت اليه كلماتك ..
أسافر الي طفولتي وعجزي علي سجادة حفل حمراء..
ثم أعود لا أحمل ما يعود به المسافرون..
سافرت وما سافرت..
أنتي سفري الوحيد الذي أحضر فيه الحقائب ..بعد الرحيل..
وأعود منه منزها من كل خطأ ومعصوم من كل خطيئة..
مغسول بماء عينيك وثلج وبرد قلبك..
كأنني "النقاء"..وكأنك الأثير..
وأظل في سفري هائما..فيسألني البعض "متي عدت"..
اترنح وأقول لهم..مازلت هناك حتي ان رأيتني أمامك..
جننت..
أحببتك حتي الجنون..





أحبك حتي الألم :



في أنين صغار الغزلان الراكضة علي شاطئ خجلك..
أسمع فيهم صوت ولادة الألم..
أسمع في عينيك صراخ الياسمين السجين..
وعويل أطفال مشاعري الثكالي..
أسمع علي شفاهك صوت إحتضار أوردتي..
وكلما حاولت أن "أتمالك" نفسي... "يتملكني" الجرح..وتتملكيني ..
يأخذ الشوق في أنفاسي "إستراحة محارب" من وجعي ..
ويتفجر العرق بحرا مباركا بالعشق علي جسدي..
وتقولين لي .."هل تتألم"..
وأقول لكي "أحبك حتي الألم "..





أحبك حتي الخيال :


أقطف من خيالك بذور أفكار عن فارس الأحلام..
أزرعها في كل مسامي العاشقة..
تخرج فرسانا للأحلام وللأوهام..
وفي حفلتك ملكتي..تخيري أي فارس تريدين مني ..
بين فرسان الأحلام وفرسان الأوهام..
ولكني سأظل مكاني ..ولن أحضر الحفل سيدتي..
لأني أريد أن أبقي هنا..لا فارس أحلام ولا فارس أوهام..
أريد أن أبقي فارس الحقيقة علي معصمك الأبيض..
أحبك حتي الخيال..





أحبك حتي الوطن :



لو كان ليس لي وطن ولا صديق..
لأحببت الإنتماء لكي..
بلا فصيلة دم ..يا إمرأة من فصيلة العنبر..
وبلا هوية..يا إمرأة هويتها الفردوس..
أخون في شفتيك وطني وأعترف..
وما أجمل الإعتراف بالخيانة من أجل جمال لا يخون ..
إجعليني مواطنك الأول..أكن لك مدينة العشق الفاضلة..
أحبك حتي الوطن






أحبك حتي المطر :


زخات من امطار الحلم ورعد بشارات الحسن وقصاصات الأماني..
أسمعها من خلف نوافذ رجولتي التي سالت علي النافذة..
خطوط ماء بلا لون تتلاقي لتكمل طريق المشهد الضبابي..
ولا يوجد خلف النوافذ إلا مشاهد الوداع ..
ولا يوجد أمام النوافذ إلا أيادي تودع وخطوات تبكي..
إخرجيني من هول المشهد ..وأجعليني انا أغنيتك تحت المطر..
واصرخيني للسماء بلا مظلة ولا جدران مشاعر..
إصرخيني في المطر..
أحبك حتي المطر..



أحبك حتي الوجود :



وأنا جنين..
أحببت فكرة الوجود امام يديك..
قطعت الحبل السري لأحرر الفكرة..
فوجدتني..
أحببت الوجود فيك ..فوجدتني..!
وأنا رجل..
أحببت فكرة الوجود امام يديك مرة أخري..
فعدت لبطن أمي..
أناجي الله في عزلتي بالداخل ..
درت حول نفسي كما الجنين..
أستلهم من مشاعر الأمومة باقة حنان أرشه علي بخور حول روحك..
وخرجت رجلا بقلب طفل..وطفل بمشاعر رجل..
فاختاري الأجمل منهم..
فلا يهمني اي نصف في انفصامي تعشقين..بل المهم وجودي معك..
أحبك حتي الوجود..





أحبك حتي الزمن :


أتنزل عليك كما الوحي..
ونعبر معا كل عصور الأرض الحجرية والجليدية وكل عصور الفاكس وأحضان الموضة وكابلات الانترنت..
تبشرين بحبي منذ ألاف السنين..ولا يصدق احدهم الرسالة..
فدعيني أمرس كل طقوس السحر وأخفيهم..
كي لا يبقي إلا انا وأنتي نصدق الرسالة..
نحملها لأنفسنا ونقنع بها أنفسنا ونصدق العشق فيها الذي يكبر عبر الزمن..
أحبك حتي الزمن..




أحبك حتي اللذة :


طعم الحياة وطعم الحسن لذة..
والخمر علي مناهل شوقك "لذة للشاربين"..
فلا أعلم أي مأدبة قد أعدها لي العشق بهذا الحجم ..
إلا إذا كان ينوي أن يكون هذا "عشائي الأخير"
بلا لوحة ولا "ليوناردو دا فينشي" ..!
كيف تكون وجبتي سم وفيها عينيك العسلية وأصابعك التي إخترعت السكر ..
سأظل أحبك كلما تذوقتك..وأتذوقك علي مهل كلما أحبتتك..
فأنا أحب اللذة في وجودك والوجود في حضن لذتك..
أحبك حتي اللذة ..




أحبك حتي الشجن :


حين أحببتك..
نثرت نفسي كحبوب الطير التي تذوقت في نبضاتي هجرتها ..
ومازلت كالمجنون ..اطارد السماء بحثا عن كل طير فيهم لأستعيد نبضي الهارب..
أعيدي لي نبضي الأسير ظلما في قلوب البنفسج..
أطريدي الطيور من علي أغصان الاشجار في جنتك كي تعود الي بذاتي مرة أخري..
إخرجي عليهم بسيفك كي لا يخرجوا علي بسيف الشجن..
ولكني سأبقي أحبك ولو كان العذاب علي يديك صاعقة وسحر اسود..
لأني أحبك بفرحي وحزني..
وأحبك حتي الشجن..






وسأبقي أحبك ..
ويحيا "تولستوي" في نفسي الحزينة رافعا سيف مدينة العشق والحياة..
وأبقي أحبك حتي ..
وأبقي أحبك حتي..
أبقي أحبك حتي الرحيل..!

شمــس وقمـــر 35

** الفقر ليس عيبا في ذاته ..
الفقير أمام الله ملك..
الفقير أمام الناس محبوب..
الفقير أمام الحب غني ..



** أرفض جملة "الحب الحقيقي" فلا يوجد "حب مزيف"
فإما حب أو لا حب.


** الحب كالعبادة..من يؤمن بأبديته عاش فيه للأبد..


** قالت لي ذات مرة : لماذا أنا بالذات ؟
قلت لها : نفس السؤال سألته لكيوبيد عني منذ ألف عام وقال لي "الغرام لا يختار صرعاه..كما الزهرة لا تختار من تذهله بعبيرها" !


** الحب رقصة باليه ..كل ما ستختاره فيها هو "الباليرينا" ولن تعرف كيف سيكون رقصها .


** من قال الانسان يموت مرتين ..أظنه تحدث عن الحب والموت ولكنه لم يحسب المرة الثالثة "الزواج" ..
ومن قال "العذاب إمرأة" أظنه قالها في ثاني أيام زواجه !


** الحياة كما العرافة..تيقن من كذبتها تري مستقبلك بدون اوهام .
ولن تودعها قبل ان تلقي "ودعك"


** حكمة الفيلسوف قالت "ما لا يقتلك يقويك"
ولكن حكمة الحب تقول" ان لم أقتلك ساعيش فيك" !


** الشاب يبحث في زوجته عن الجمال..
والناضج يبحث عن الأخلاق..
والحكيم يبحث عن رجاحة العقل..
ولكن الغريب حقا والمفاجاة الكبري..إن من تجتمع فيها الثلاث صفات لا يبحث عنها أحد..لأنها أعقل من ان تتزوج !!


**قالوا  "إبحث عن شريكة حياتك" ..
قلت "يا بخت الفريك" !


** من يظن انه حبيب الجميع ..أجهل من ان يحبه الجميع .


** الناس كالقصور ..
منهم القصور المشيدة كلما اقتربت منه اسكنك جنته..
وأقذرهم قصر الرمال..كلما قربته منك سقط في يديك كالسراب .


** قالت :  هل تلك دموع في عينيك ؟
قلت : بل نهرين من الخوف يبحثان في عينيك عن اليقين والفضيلة .



** العلاقة "طردية"  بين الحب والزواج..
ولكن أقصد "طردية"  من كلمة "طرد"  !


** عندما نقرأ مذكرات القمر في نهاية هذا الكون ..
سنجد كل صفحاته عن البحر والعشاق .


** من يعشق بسبب..سيهجر بسبب..
فالحب لحظو من لحظات انعدام السببية..
وأجمل مافيه موت الأسباب..


** العاشق يتذوق أصابعه كل صباح..
ليتذكر ما أكله بالأمس مع الملائكة .


** قالت : لا تتركني ما حييت ..
قلت : بل العكس..ما حييت ان تركتك !

سونــيتة 78 أرواح..تعويذة الحب الأبدية من عينيها

"الحب..سونيتة الوجود وموسيقي الملائكة وقافية الليل والسر ..خمر الحالمين ..وانهار للعشاق من عسل مصفي..
الحب ليس ترياقا للعاشقين...بل خلود نبض العاشقين ترياق الحب وأبديته "






شكسبير في كل ليلة يسكر من دمائي ..
لا تحاول يا صديقي ان تقرأ تلك التعاويذ وحدك..فانا كتبتها عاريا ومقرفصا كحال "بوذا" ..
ليست وحي ولكنها "مس" من شيطان الهوي..
"عزازيل" ترك "هيبا" ليستلم قلبي علي طبق من ذهب ..!


سونيتــة..
عيناها.."سونيــتة" مجنونة لشكسبير..
قررت أن أرد عليها بألف سونيتة من قلبي المجنون وعقلي المريض ..
قررت التحالف مع الشيطان..
لا تخف يا صديقي ..لم ابع نفسي له ولكن لألقي تلك التعاويذ والسونيتات لابد لك ان تعرف مع من تحالفت..
لن تصدقني انها بفعلي البشري فقط..
انها فوق المنطق وأعلي من مخيلة الخيال..


هالالويا ..
عزازيل..استيقظ..لن تكون راحتك الأبدية علي شراييني وفوق وسائدي ..
هلم نكتب لها السونيتات ..انا جاهز وعار تماما ..أريد الكلمات من خضم بحر الدماء..
عمدوني بالدماء..
عمدوني بدماء ملكة بابل وديدمونة وسالومي..
أخرجوا مني الخير ولفوه علي مشانقكم..
لا تتركوا في لحمي الا الحب وان كان كارها ..
اشربوا من عظامي مخدراتكم اللذيذة الشهية ..
الليلة ..انا مجنون كليا..
عزازيل يفرك قلبي كالعجينة..ويأكله كقطعة "مارشميلو"..



الأن أرمي البخور واقرأ التعاويذ ولا ترددوها ورائي..
هالالويا..
الحب ليس بضعة سطوووووور..الحب قدر مسطوووووور..
الحب ليس بضعة سطووووووور..الحب قدر مسطوووووور..
يا كاملة الحسن والمعاني..انقذي "معتز هاني"...
يا ترنيمة الحلم والاغاني..انقذي "معتز هاني"..




السونيتة الأولي :


طوبي لكم..
اريد ان اكون كالرسل..
وأقول "طوبي لمن ينظر لعينيها"..
أو أقول "سأباهي بعينيها الأمم"..
أو أدفن في بطن حوت يطوف بي البحار حتي أجد عروسة البحر..
أو أجمع شمل العالم علي سفينة من كل زوجين اثنين..
ولكني أخاف من رسالتي التي أحملها..
وأقول باختصار..
ينتهي في عينيها عصر الرسل..
فهي رسالة كوني وترانيمي وكتاب حلمي المقدس !




السونيتة الثانية :


طوبي لكم..
ان رحلتم في دماء من تعشقون كإبن بطوطة..
فلقبكم اليوم "إبن عشوقة"
زادكم في رحلتكم الحب..ومائكم من لفح لافا الغرام الملتهب علي شواطئ دماء أنثي..
فإن عدتم من رحلتكم..فلا تحكوا عنها لأحد ولا تحكوا سرها لأحد..
فالأسرار في الحب رهبة ووقار..
إجعلوها سركم العظيم الذي فيه تقولون.."انا لمغرمون"




السونيتة الثالثة :


طوبي لكم..
الحب  ليس قوس قزح..
لن تجدوا الحلم في نهايته..
بل سيصيبكم عمي ألوانه..
الحب هو رحلتكم الي الخلود علي جوانح الوجود..
الحب هو موتكم المخير..وجنونكم المسير..
هو صاعقة سر السماء في رمح كيوبيد العجيب..
وان تصبح قلوبكم العاشقة واد غير ذي زرع تنتظر ماء الغرام وبذور الكمال من عيون من تحبون..
هو رحلة اللاعودة ..وأخر طريق الي السراب..
فإستمتعوا بأحلامكم في الرحلة..
واعلموا ان قوس قزح في قلوبكم حين تعشقون ..
فلا تبحثوا عن الكنوز وهي مخبؤة فيكم..





السونيتة الرابعة :


طوبي لحبيبتي..
عندما ينتهي العالم..
لا تجلسي كحواء تحت شجرة الجنة تبحثين عن تفاحة كبريائي..
لقد قررت ألا أسقط لهذا العالم الخبيث..
فعالمي شجرة معلقة علي سحابة وأنتي..
فدعينا نبقي في الجنة نري الحقيقة من الأعلي..
بدلا من أن يحاول الجميع رؤية الحقيقة فينا..
لن تأكليها سيدتي..
سأطعم تفاحة كبريائي..لطاووس غروري وعنادي !




السونيتة الخامسة :


أكاليل الغار تخترق مسامي ولا أنزف..
ويبقي الحب في نفسي هو "الموت الرحيم"
هي لم تقصد قتلي برموشها..
ولكنه علي أي حال قتل وان لم يكن "مع سبق الاصرار والترصد"..
فهو "مع سبق العشق والتعشق"..
قتلتيني و لا يوجد في الحب نوايا ومقاصد وسبل..
فالحب مقصدنا وسبيلنا ..فنحن لا نجد الحب في الحياة صدفة..
بل نجد الحياة في الحب صدفة !
والذهاب الي الحب أجمل..و "العود أحمد"..



السونيتة السادسة :


لا ترسمي لوحة عارية لروحي ..
في عينيك قسم "للفنون الجميلة"
 فاصنعي تمثال لوجهي تنحتين فيه ليل نهار..
فما اجمل أصابعك علي صلصال وجهي المحموم..
وما أجمل ان تنشق حواسي من بين أصابعك كما انشقاق القمر ..!





السونيتة السابعة :


حروف قلمي الشيطاني تنزف علي الاوراق وبين المحابر..
فإجعلي من عينيك محبرة لأوراقي ..
كي يخرج كلامي مسموما بالوجع الجميل منك..
وإجعليني في صحرائك رحلة التيه..
أو صلاة علي خد الشمس تحرق أخر ما في نفسي من اوهام..
أو "عراب" نثر..كي تخرج الكلمات من فمي "ولدان مخلدون" !




السونيتة الثامنة :

طوبي لكم..
قال لي عزازيل أن امزح معكم الأن وأقول لكم..
الحب شعلة أولمبياد العاطفة..
نسلمه لبعضنا جيل وراء جيل..
المهم ان تبقي الشعلة دائما في موعدها ..
وتجد كل الألعاب في عينيها..
"سباحة فراشة"..حين تسبح الفراشات في خصال شعرها..
"قفز بالزانة"  ..من شفتيها لعينيها ..
"كرة ماء"  حين تلعب مع الملائكة علي جبينها الصافي..
ولا يوجد في الحب ولا في الوهم رقم قياسي..
فرقم العشق القياسي.."لحظة اكتمال الجنون" .





السونيتة التاسعة :


أنا لا أكتب كي أصل الي الكمال..
بل تصل الكتابة الي الكمال معي..
هكذا قالت لي..
وقال لي عزازيل..
فطوبي لمن يدخل محرابي..
ولكن ان دخلت محراب كلماتي..
فاستعذ من الخائنين وان يحضرون ..
واستلقي علي سحر كلماتي بردائك الأبيض..
تشعر بتخدر بسيط الأن في عينيك..؟
مذهول..؟
هكذا تنوم كلماتي مغناطيسيا فلا تخف..





السونيتة العاشرة :


لماذا تعلق أرواح الرجال علي برزخ الرحيل ؟
ولا تحصد النساء الا "الضفائر" و "الحرير" ؟
لا تغرق كثيرا ايها العاشق في "نون النسوة"
وحاول ان تتشبث بنقطة "النون" في أول قاع الحرف..
فمسك النساء برائحة الرحيل..
وضفائرهم المعقدة "حبائل غدر" .
هكذا قال لي عزازيل..!






هالالويا  هالالويا ..
الان سأطفئ البخور..تكفيني تعاويذ الليلة..
ارحل الأن ايها الشيطان ..
أريد ان ارتدي ملابسي..
إخرج من دمائي بإسم الحب ..

عزازيل "ميعادنا غدا يا مجنون علي نفس الوسادة" !

والسر الأعظم للحياة حين أموت عشقا..
تكون في "سونيتة 78 أرواح"
ان وجدتموها في يوم ما ..
ستعرفون حقا ماهية العشق في روحي.

قلــــب بن يقظــــان

علي شاطئ بحر أزرق كما عين زرقاء أبدية السر..
في لقاء رومانسي بين "نواميس الكون"  و "حتمية الحب" ..
كانت لحظة الولادة...
ولادة قلبي..
أسمع زغرودة الشمس..وأهازيج الزهر وقوافي المطر ..

نشأ وحيدا..ولكنه ليس "حي بن يقظان"..
أسميته "قلب بن يقظان" ..
هربت أمه بعد ولادته ..قصة دراما سوداء حزينة..
ما أقسي المشهد حين يكون قلبك "لقيطا" علي جزيرة تحضنها العزلة ويعشقها المدي..

سنوات يكبر ويستقيم عوده ويسألني "من أمي"..
قلت له "فلانة"..ولكنها رحلت..
لم يبكي ولكنه قال بحكمة ورزانة عقل "حسنا سأنتظر"

تعلم الموسيقي والرسم والأدب علي يداي..
أدان لي بالولاء كأنني أباه الشرعي ..رغم ان أباه الشرعي "القمر"..
نعم ..القمر في لحظة ضعف مع حبيبتي..
ولكنها ليست خيانة..لا أحد يخونه القمر !..
لست ناقما عليه لأنه وهبني أجمل هدية.."قلب كالقمر" .


كان شرابه "العشق" وطعامه "الجمال"..كان عوده كالزجاج الهش وفي حجم اليد ..
وبدأ "قلب بن يقظان" يرد لي ما علمته سنينا وسنينا من حكمته ويقال لي ذات مرة :


"إسمح لي يا أبتِ أن أهديك قبسا من الحكمة ربما كرد الجميل علي ما علمتني اياه..
يا أبت لا تؤمن بالرحيل ..ان الرحيل عقيدة الخائفين واذا اعتنقته لازم نبضك وحاصر أنفاسك..

لا تجعل من الحب لحظة انتصارك..فالحب دائما ينتصر في النهاية..فلا ترفع رايتك كي لا تصدم من نصر كاذب..وأشد الوجع وجع النصر الكاذب وصدمة الهزيمة.
يا أبتي اعلم ان الجمال هو ما خلقت أعيننا لتراه ..واذا وجدت الجمال حتي في الهجر جعل لك القدر من الامك "هجرا جميلا" ..

لا تسمع قصص أرامل الحب وثكلي معاركه وخونة كيوبيد..واجعل في الحب قلبك مدارا لحكمة الأيام ورحلة القصائد عبر الازمان ..

يا أبتِ لا تجعل من وجعك سراجا للموت..بل أجعل من أحلامك تابوتا للوجع..تحنط فيه سئ الصفات وتترك داخلك عذبها وحلوها..

وإن جعل الحب من قلبك "مشكاة" فلا تتألم من شدة الوهج...بل افتح عيون مشاعرك لتشرب من كأس نور وبديع همسه .
فالحب عنيد..ان قاومت مشكاته جعلها نار مسلطة تتطلع علي بدنك ..
وإن رمي الحب في قلبك "الخوف" فإقبله..فالخشوع امام الحب جاه...والتنازل امامه "منزلة"  !

وان حاصر الشك "سلطان روحك"  في عودة الحبيب..
فإجعل من وحدتك عكازا لليقين المكسور علي بابك..كي تستعيد دموعك في غيبة الحب سلسبيلا في عودته.

وان فقدت "شهرزاد" في ليلة..فأكمل لنفسك باقي الحكاية..
فالحكايات الشبه مكتملة شبه منتهية .

واجعل علي عتبات قلبك في كل ليلة "حفلة سمر"تنتظر الأميرة..
وإن لم تأت الأميرة فقد تسمع عن الحفلة .

لا تجعل حبيبتك "ذكري"..فأنت بهذا تخونها مع نفسها في باطن عقلك..
بل اجعلها دائما امامك حاضرا ويقينا .
فإن خنت حبك مع ذكراك..خانك مستقبلك.


يا أبت لا تجعل من الشعر شيطان يأس..
بل إغزل من الكلمات عباءة لملائكة تحارب "الأه" في نفسك..
وإستتر بالشعر يستر كربك .


لا تعطي لنبضك فرصة "التمرد"
فثورة القلوب علي صاحبها "مهلكة" و "خزي" ..
وثورة القلوب علي الحبيبة "زهر" و "ريحان" .
ولن تجد السعادة إلا بإنفصامك مخمدا لثورة ومشعلا لأخري .


إجعل من الدنيا "وعدا" كبيرا..
فإن كان انتظارك للأجمل..فلن يقتلك الأقبح.
فمنتظر الشمس من ضمن حصاده رؤية القمر .


اجعل من الدنيا "عود بخور"
ان اشتعل شممت طيبه..
وان خمد لا يضرك .


يا أبت لا تنتظر شهد الملائكة..
ولكن اصنعه..
وخد الوصفة السحرية ولو من "شياطين البشر" .
الاستفادة من الشيطان فيما لا يضر اولي من انتظار طويل يضر !


هون عليك..ستعود الغائبة ولو بعد حين..
هذا يقيني وديدني..
فلا تبتأس يا أبت..


إحتضنت "قلب بن يقظان" بين ذراعي علي البحر..
ونظرنا لظل يأتي من بعيد..
وأظنها هي..
ولكنها أتت فقط حينما إحتضنت قلبي بين ذراعي..
قلبي "ابن القمر" ينتظر عودتها القمرية بلام الحب القمرية ليندمج القمرين .

عادت حينما إحتضنت قلبي الوحيد "بن يقظان" ..
دعوني الأن أجمع الروايتين معا...
"مائة عام من العزلة"  حياتي..
و "الفردوس المفقود" في وجهها .

صديقي "فوقــش" وســر الرســالـة..."قصــة قصيــرة"

في إحدي الأيام التي عشتها حيا ومقتولا وثملا بالقهوة ومنتبها بالنوم حدثت هذه القصة ..
عندما تستعرض حياتك أمامك في لمحة ضوء سريع او شريط عابر احيانا تسوقفك بعض الايام منها وتعطيك اشارة او ضوء من بعيد كانه الفنار..أسميه أنا "فنار العمر"..
تلمح من بين ذكرياتك سفن تحمل اجملها كما تحمل براميل النبيذ ويشير الفنار اليها فتحاول ان تنظر اليها بعمق وتأمل وغالبا ما يسبقها تنهيدة !

كنت مع عدد من الاصدقاء ومنهم "فوقش" كما كنا دائما نطلق عليه في احدي المصايف ..نسكن احدي الشقق في تلك الايام في المصيف وتسكننا الأن ذكريات هذه الايام بلا "إيجار" ..
وكان لي "موبايل" كان حينها حديث لكنه قديم جدا الأن وكان يحمل بعض الرسائل..لا أعرف لماذا لا انقلها الي اي مكان أمن..فكل هذه القطع لا امان لها قد تسقط فجأة او يغرقها الماء فلابد من الحذر..
وكانت معظم ذكرياتي الاقدم علي هذا الهاتف ولكن كنا نجري علي شاطئ البحر او نلعب بالكرة وسقط الهاتف علي الشاطئ واغرقته الماء..
أمسكته بسرعة وحاولت فتحه عدة مرات ولكن للأسف كان الوقت قد مضي..
الكل كان يتعجب من طلبي..فقد كنت فقط اهتم بما عليه من "رسائل" ولا اهتم بالهاتف ذاته ..
لدرجة ان ذهبت مع اصدقائي الي من يصلح الهاتف وقلت له "اديك اي مبلغ ..مستعد اديك الموبايل ده لو جبتلي الرسايل اللي عليه" ...
نظر الي الرجل بدهشة كانه يري احد المجانين امامه وقال "هأحاول" ..



ذهبنا في يوم لاحق الي هذا الرجل وكنت اعيش هذه الفترة علي أمل واحد.."عودة الرسائل" ..كانت رسائل في عصر التكنولوجيا نعم ولكنها بالنسبة لي أتتني من "حمام زاجل" .
جائتني من "أميرة اندلسية" ولم يكن بها الا كلمات معدودة ولكنها كانت تعني لي كل شئ ..
لم اكن اود ان افقد هذه الرسائل ..لاني كنت دائما أكره ان يحاصرني "الفقد" و "الافتقاد" في وقت واحد..
واقول لنفسي دائما لو صلبت حياتي بين فقد وافتقاد فحينها اصبح قربانا عن ذنوب العالم لان عذابي كبير.


كنت انتظر رد هذا الرجل وذهبت اليه مسرعا كأنني أسير علي جمر من لهفة او أرقص كراقصة هندية علي زجاج مكسور ولا اتألم رغم ان الدم يسيل من قدمي..
وكان رده باختصار "مافيش أمل خد جهازك"..!
كان أهون علي في تلك اللحظة ان القي الجهاز في البحر ليغوص فيه ويموت غرقانا كما قتلني الشعور بالافتقاد لهذه الكلمات في الرسائل التي احفظت بها طويلا جدا حتي أخذها البحر ..
كنت أتألم من داخلي بشكل لا يتخيله الا أسير مذلول في معسكر عدو يلقي اليه الطعام علي الارض كالكلاب..
قطعت الرحلة وعدت منتشيا ..ليست نشوة السعادة ولكنها ضحكة خرجت مني في رحلة عودتي كأنه الجنون من الحزن..
عدت من هذه الرحلة أجلس بين الاوراق اكتب كالمجنون ..كأنما قد أصبح القلم مسعورا يأكل لحم الأوراق ..
كأنما غسلتني الملائكة بالليمون والعنبر لأعود من جديد لنفسي واصنع ذكرياتي بيدي..
أكتب كي أسجل لنفسي وللعالم احساسي بما افتقدت وبما عانيت في فقده وما لا يعرفه العالم عن ما فقدته ..


لا يعرف الا "فوقش" لأنه ذات مرة قد شاهد تلك الرسالة وانا أقرأها للمرة المليون مع نفسي..
كان هو الوحيد الذي يعرف حينها ماذا أخذ البحر مني ..
ان فقدت "سن" من اسناني فقد اطلب تعويض الشمس "يا شمس يا شموسة" ..ولكن حين يأخذ البحر منك "رسائلك وذكرياتك" فكيف أطلب التعويض !


كانت "حريتي" في حبسها الانفرادي وبسمتي في مصباح سحري في قاع البحر اريد ان يبحث عنه كيوبيد ويحاول ان يفرك المصباح كي تخرج تلك البسمة وتحقق اماني العشق والغرام !
"معظم النار من مستصغر الشرر" كما يقول الشاعر..وناري أكبر من أي شرر قد تتخيله ..
ألقيت الهاتف فعلا ولم أستطيع ان اتحمله اكثر من هذا بدون الرسائل ..فكيف تتحمل انسانا بلا قلب ! هكذا كان الهاتف بالنسبة لي ..دائما كان صديقي لما يحمله من ذكريات فان فقد رسائله فقد صفة الادمية التي وهبتها له والقيته في اليم .


كان "فوقش" يعلم عظيم مصابي ووجعي في حينها وسألني اكثر من مرة بعدها "عملت ايه في التليفون" !
ابتسمت وقلت "رميته في البحر" .
مرت الايام والشهور والسنوات علي هذا الحادث ..
قصة صغيرة تحمل وجع الدنيا ..وكم من القصص الصغيرة تترك الألام الكبري في النفوس والأوجاع في كياننا ..


 والكل يري في البحر "رسائل" في زجاجات ..ولكن قد يجد البعض هاتفي..
ولكنه ان وجده وتم تصليحه ووجد رسائلي..فسيجدها الان "من مجهول"..
فمن أرسلها .."ذهب مع الريح"
ومن عرف سرها صديقي "فوقش"  "استشهد"
ومن ارسلت اليه "قتله الحنين"

غريب جدا أن صاحبة الرسالة هي "الجنة"
ومن عرف سرها  "في الجنة"
ومن فقدها "في النار"..
هل عرفت سر الرسالة !
حاول .

شمــس وقمـــر 34

** لكل شئ قيامته :

قيامة الدنيا هي الأخرة.
قيامة السر هي الحقيقة.
قيامة الحرية هي الزواج.
قيامة القلوب..لحظة عشق.

** الزواج مثل البورصة..بلونيها الاخضر والاحمر..
ولكن في الزواج اللون الاخضر هو لون انتفاخ عروقك من الغضب..
واللون الاحمر لون وجهك !


** الوعد هو أولي درجات الهجر وأولي شبابيك المصارحة .


**الفرق بين الحب والحياة أن الحياة هي رحلة بحثك عن ذاتك ..والحب هي رحلة بحث ذاتك عنك .



** المتفائل هو من يركض بحثا عن الحياة..المتشائم هو من يحيا بحثا فقط عن الركض .



** لو استبدلت كل لحظة حب بقبلة للعالم..لكان القمر اليوم علي شكل "شفاه حمراء" !


** حين ترضي الزوجة زوجها فهي تسكت نصفها اللائم و تسعد نصفها الراضي .


** الحياة مراة مشروخة..البعض يري نفسه في نصفها اللامع..والبعض يري نفسه في نصفها الداكن..والبعض يظل يحاول علاج الشرخ نفسه .


** غرور المرأة سيف ..كلما اشعلت فيه النار كلما صقلته أكثر .


** العشاق ليسوا "ضحية الحب" ..فالحب هو ضحية النساء .


** وصولك الي الميناء باكرا ليس ميزة..فأنت فقط تطيل مشهد الوداع !


** حينما يسألك أحدهم "هتقدر تعيش عازب" قل له "وقدرت تعيش متجوز؟"  !


** الموهبة ليست كل شئ..ولكن انظر للأمام فهي ما يدوم وينتصر وليست الموهبة الوقتية الزائفة .



** البشر نوعان : قراصنة وبحارة..
ولكن القرصان ليس دائما يري نصف الحقيقة فقط بعينه العوراء ..بل يري الحقيقة الكاملة .
وليس كل البحارة يملكون الكنز..فبعضهم كنزه في قلبه.



** قالت : "أنا ملكك يا حبيبي "..
قلت لنفسي "قد يكون إمتلاك ما يمتلكني في الحياة كفر..ولكنه في الحب إيمان "  !



** اذا كانت الحكمة ضالة المؤمن فالجنون ضالة العاشق .

حبيبتي..السمــاء تمطر شيكــولاتة

في هذا اليوم..السماء تمطر شيكولاتة !
لا تتعجب..
حين تضربني "نوستالجيا" اللحظات ببرقها ورعدها..
حين يفور من دمائي السكر ويفوح من جسدي العنبر..
حين أصبح متهيئا لعزف "الهارب" مع كيوبيد في اوركسترا أرواح هربت عشقا ..
أقول لك حينها..ان السماء تمطر شيكولاتة.


كراميل :

كمان..عود..جيتار..
موسيقي عيناها تستنشق كل عبير العالم ثم تصادفني ..
تكسرني كسرا جميلا..كأنما "الكراميل" يخرج من عروقي !



اللوز والبندق :

لا أنام أبدا علي وسادة من ريش نعام..
بل تجعلني انام علي وسائد من شيكولاتة .
يخجلني القول بأن حلمي "أسود" ولكن يسعدني انه لون الشيكولاتة.
وهكذا هو الحب..قطعة شيكولاتة..رغم لونها الأسود..تستمتع بطعمها ويهديك سواد لونها الي نور حياتك.
شيكولاتة تخرج من كل جذور الشعر لتزهر في الدنيا قوافي باللوز والبندق وبحور شعرية من ذوبان الشيكولاتة !
يخرج من صوتها دفئ اللوز ..ويصبح قلبي "كسارة بندق" ان خرج من عبيرها عبير البندق كالمطر اللذيذ .



سكر :

لا أعرف طعم السكر الا حينما يهدهدني "العندليب" ويضرب معصمي كف الزمن .
"تليباثي" بين قلبي وبين البحر لاينتهي الا بأصوات الموج ..
قلبي صدفة كبيرة تسمع فيها صوت البحر وصوت الحلم ..
قرب الصدفة من اذنيك واسمع نبضي..
لن تسمع الا اشعارا صوفية ورباعيات الخيام في قلبي من وهن الحب وشيب حكمته .




الخلطة :

عجب العجاب في حبيبتي..
ان تجمع بين عصرية "مادونا" وكلاسيكية "مارلين مونرو" و أسطورية "شهرزاد" وحاضرها هي !
عجب العجاب في حبيبتي ..
أن تشفيني بمنديلها الأبيض من حمي الحب وأهواله وكانه عصا كيوبيد السحرية وريشته الفنية..
عجب العجاب في حبيبتي..
أن تجمع بين جنون "أنا كارنينا" وحلم "جين اير" !
وتخرج من بين كل الأبطال بنكهة الحياة..بسر الخلطة..وسر الدنيا كلها معها في صندوق الكنز !



الخريطة :

قلت صندوق الكنز ؟
نعم..
وكيف نبحث عن هذا الكنز ؟

سأقول لكم :

الكنز له خريطة..الخريطة في واد مقدس يبعد عن أقرب رمش مسافة أبعد رمش من عينيها..
ان ذهبت في رحلتك..خذ معك سيوفك ورمحك لانك ستواجه عشاق ومجانين ومهاويس بها وتحاربهم طوال طريق الصعود علي جسدها كي تصل الي عينيها..
ان وصلت الي شفتيها..فقد اقتربت..ستسمع بعض الالحان الاوبرالية وتجد رقصة بحيرة البجع ما بين كل همسة تحاول ان تسقطك من الطريق..
ستجد أقزام تتبعهم سندريلا وست الحسن وبعض الاساطير التي تحاول ان تقنعك بانك في حلم ..فحاول ان تكمل طريقك وقوي نفسك ..
ستجد صنوف البشر كلهم في طريقك فحاول ان تصنع من صفاتهم وأمزجتهم قناعا من النور..
وقناع النور سيحميك من وهج عينيها القاتلتين.
فإن وصلت الي الكنز ستسمع صوتا ملائكيا يسألك سؤال : "من أجمل مني"
قل "لا يوجد أجمل منك الا أنت في الفردوس" !
فحينها تفتح بوابة القلب وتصل الي كنزها..

وما هو الكنز ؟

هو كل صفاتها ومشاعرها ذائبة في قطعة من الشيكولاتة !
وبضعة كلمات علي فرمان عشق تقول :

"لا يوجد بحر يستنجد من غرقاه الا الحب..
لا يوجد طير يهرب من حريته الا العاشق..
لا يوجد ميناء يكون المودعين فيه هم نفسهم المسافرون الا الحب..
لا يوجد وطن يحن الي احتلاله الا قلب العاشق..!"


يا أميرتي ..يا قطعة الشيكولاتة..يا غابات الحناء والعنبر والبنفسج..
خذيني الي كنزك "قرصانا" أو "عابر سبيل"
ارشديني الي فلسفتك حقا وخيرا وجمالا..
دعيني أراقص "وجودك" وأتنكر في زي "مصيرك" .
دعيني أتساقط ذائب كحبة شيكولاتة..
كقطعة سكر بين أصابعك تشتاق الي "طعمك" كما تشتاقين الي طعمها..

إتركي عينيك تلف بي الأرض كراقص "تنورة" .
وإتركي روحك تستحطب مني العشق قصورا مشيدة .
واتركي قصائد عينيك تهدم أخر أسوار حصن غروري وكبريائي.

إتركيني أهيم في "مجرة" سلطانك صعلوكا او "شبه ملك".
إعطيني عينيك كباقة ورد ألقيها من خلف ظهري وتحاول ان تمسكها ملائكة الحب.
إعجني ذرات قلبي بماء عينيك المقدس وامنحيني "أكسير حياتي"..


شيكولاتة..لا اعرف سر لون الاسود فيها ..لون الفرحة الاسود وياله من تناقض مثل الحب..
لون الفرحة الأسود..يالها من جملة غريبة متناقضة..


وفجاة اراها من بعيد..
تقول لأحدهم في هدوء..
"لو سمحت..شيكولاتة" .

أفلام مسيئة للأديان..إنقذوا العالم من روح الكراهية

برنارد شو قال : ""تعلمت منذ زمن ألا أتصارع مع خنزير أبداً. لأنني سأتسخ أولاً ولأن الخنزير سيسعد بذلك"

و قال الشيخ الغزالي  : "إن الطحالب العائمة لا تُوقف السفن الماخرة"



الفيلم المسئ لرسولنا العظيم اللي ظهر في الفترة الأخيرة اللي اثار مشاعر المسلمين في العالم كله هو نتاج كمية الحقد والغل اللي تجيش في صدور حفنة من الفجرة زي "تيري جونس" وغيره من الحاقدين علي الاسلام ويعاونه للأسف بعض منهم المفترض انهم مصريين ولا ينتمون لارض مصر بصلة ووجب اسقاط الجنسية عنهم كاول رد فعل ..

كل من شارك في هذا العمل القذر الردئ وجب اسقاط الجنسية المصرية عنه فورا لانها شرف لا يستحقوه وقامة ومقام لا يصلون اليها .

من المفارقات ان حتي اما حبوا يعملوا فيلم يسئ للرسول طلع فيلم مفلس جاهل ضعيف علي كل المستويات تمثيلا وحوارا وكانه قيمة تكاليفه 5 جنيهات فقط !
يعني حتي اللي عايز يعمل فيلم مسئ يعمله بذكاء ولكن الحمد لله كان غبائهم هو الحاكم عليهم وعملوا انتاج ردئ لا يليق الا بافلام تحت السلم وكله جهل ومغالطات وياريتهم اتكلموا بالحجة والعقل بل بالجهل فقط كان سيد الموقف في الفيلم رغم انهم بيقولوا انهم صرفوا عليه ملايين الا انه يسوي ملاليم ده لو ينفع يطلق عليه لقب "فيلم" اصلا .

حوادث كتيرة من النوع ده بتستهدف الاسلام زي حرق المصاحف او الرسوم المسيئة اللي هزت العالم الي كانت في الصحف الدنماركية وغيرها من الصحف الاوروبية اللي اعادت نشرها بكل وقاحة ..لكن الهدف من كل ده ايه ؟ هل الفلوس والشهرة ولا محاولة لكسر شوكة المسلمين وفت عضدهم ؟ هل هو الحقد ومحاولة اخماد نار الرغبة داخلهم للوصول الي الحقيقة ..يعني بيقاوحوا نفسهم والاسئلة اللي بتدور جواهم ؟ أسئلة كتير ممكن كلنا نسألها عن الغرض من اللي بيحصل ده كل فترة وبيتكرر بإستمرار .

الأساءة لأي رسول مش بس سيدنا محمد عليه الصلاة والسلام ممنوعة..يعني الأسائة للأنبياء اكيد محرمة في كل الاديان ..والدعوة للتسامح مع الاخر موجودة في كل الكتب السماوية لدرجة حتي العدو واحنا مش اعداء لأي حد..يعني تقرأ في الانجيل "احبوا اعدائكم".. وتسمع  سيدنا محمد يقول : " ليسَ المؤمِنُ بِطَعّان ولا لعّان ولا فاحِش ولا بَذيء" ..دي الاخلاق اللي بيعلمهالنا الرسول وبترسيها كل الأديان السماوية..أكيد مش بالعنصرية والأساءة تقدر توصل لهدفك...كانت الاساليب اكثر احتراما في مناظرات قيمة بين العلامة ديدات وغيره من رموز الاديان الاخري في كل دول العالم وكانت مثمرة وبناءة..

ولكن ما أسهل السباب وما أسهل الاساءة ولكننا لا نلجأ لهذا النوع الرخيص لاننا لا نريد اصلا الأساءة لأي نبي من أنبياء الله .


عشان تواجه يبقي لازم مناظرات لازم الحجة بالحجة لازم الحوار العقلاني البناء لو علي الشتايم والهجاء نستطيع ان ننظم اشعارا في كل من يسئ للإسلام ولكن ليه ؟ بالطريقة دي الحوار هيكون غير منتهي ده لو اتسمي حوار اصلا ..ادب الحوار في الاسلام ليه قواعد واصول مش منها تماما السب واللعن حتي وان قام البعض بالسب فهو لا يسئ الا لنفسه ولا يسئ للإسلام .

ولكن الأساءة للأنبياء وحتي لله موجودة باستمرار في الغرب مش اول مرة تحصل حاجة زي دي ومنها مثلا وكما ذكر مصطفي محمود عن الحوادث القديمة من هذا النوع ان مجلية جاليليو العلمية وضعت صورة كلاسيكية للعذراء مريم تحمل طفلها واستبدلت المجلة وجهها بوجه بقرةوالعنوان كان "الاستنساخ" !!


ده غير إعلان تليفزيوني بلجيكي من فترة كان بيصور السيد المسيح عاريا وهو بيحول فتيات الي شقراوات !

واهانة العديد من الرسل في فيلم زي :
 Year One

او مسلسل زي "فاميلي جاي" اللي دخل المسيح علي طرابيزة الطعام في حوار مبتذل مع اصحاب المنزل مما يشكل اساءة ايضا للسيد المسيح.
وفي حفلة مادونا في ابو ظبي اهانت المسيحية واليهودية معا ..وبالطبع اهانت العرب والاسلام كالعادة في وسط العبارات !


والمطربة "نيكي ميناج" في اغنية لها وبكل وقاحة شتمت واهانت "الذات الالهية" وده مش غريب علي بعض المطربين الغربيين اللي دايما بيحبوا يهينوا الاديان كلها وكمان الذات الالهية في بعض كلمات الاغاني .


ومن الاهانات للمسلمين ايضا اللي عمله كومديان بريطاني من فترة من سخرية علي فريق متحدي الاعاقة السعودية اما سخر منهم وقال انهم "لصوص" في اشارة منه علي تطبيق حد السرقة في الاسلام وسخرية منهم ومن الدين الاسلامي بكل وقاحة وعنصرية .

وكمان ان جماهير الكرة الإسرائيلية يعلمون أبناءهم سب الرسول في كل مباراة اثناء التشجيع وكمان سب للعرب كلهم وحتي من اطفال عمرهم 7 سنوات نتيجة ان اهلهم بيعلموهم الكره والحقد ده من الصغر بكل عدوانية .


ده طبعا غير حرق المساجد واخرها حادثة كنساس الشهير في امريكا بحرق مسجد بالكامل بكل تطرف ..ومسلسل حرق المساجد مستمر في دول اوروبية وكمان امريكا وبيتجدد وناره بتشتعل كل فترة بسبب الروح الكارهة لكل ما هو اسلامي .."اسلاموفوبيا" .


ونتيجة المظاهرات بسبب الفيلم المسئ للرسول وفي احداث السفارة الامريكية في ليبيا مات السفير الامريكي في بنغازي ..ونستخلص ان الكره لا يولد الا الكره ..وان التسامح اللي المفروض انه يغلف العالم كله
واضح انه مجرد حلم مع انتشار الروح العدائية دي سواء للأديان او للأجناس والأعراق ..

العالم ملئ بحملات ابادة وعنصرية وتطاول علي الاديان بشكل مستمر ..والحل في قيام كل رجال الدين الاسلامي والمسيحي بدورهم كاملا ومحاولة توعية الجميع بمخاطر الكراهية والتطاول علي دين الأخر في كل انحاء العالم ..كل الكتب السماوية ترفض التطاول علي الاديان والرسل..ووقف المسيحين المصريين موقف شجاع من اخوانهم المسلمين في رفض الفيلم المسئ للرسول الذي قام به بعض المرضي الاوغاد في المهجر.


سامحنا يا رسول الله علي تقصيرنا الذي جعل بعض الكلاب تنهش في سيرتك وتتحدث عنك بالسوء والباطل وكما قال حسان بن ثابت في مدح الرسول :

واحسن منك لم تر قط عيني
واجمل منك لم تلد النساء
خلقت مبرأمن كل عيب
 كانك قد خلقت كما تشاء

جمــالها..وجـــع في حديــث الدراويــش

تقول الأسطورة : "فينوس عندما نزلت الي البحر ضحكت ثم بكت..ولما سألوها قالت : سمعت بعض الأزهار تقول ما أجمل صدرها..وسمعت بعضها تقول وما أنحف ساقيها "



وأقول للزهرة :

حدثتني زهرة فلانة ابنة فلان وكنيتها "الدنيا"..
" نـزارية " البتلات.. "مريمية" العود ..صوتها "الشجن" ..وسحرها "الزمن" .


قلت لها : جاملتي فينوس ثم جرحتي مشاعرها..

قالت : حسبك حسبك ..تلك أسطورة لماذا تحاسبني عليها ؟

قلت : وزهرة تتحدث الي بشري ليست أسطورة ؟؟

قالت في ضيق وإحراج : إسمع يا هذا لا طاقة لي بك الأن دعني في شجني ووحدتي ..

قلت : لقد جرحتي قلبي سابقا ولم أسامحك إلي الأن..

قالت : وهل للزهرة أن تجرح يا هذا ؟

قلت لها في حزم :   جرح الزهرة لا يفرق عن جرح السكين فالدماء لا تعرف الا اللون الاحمر .

قالت : ويحك..تذكرتك الأن..ولكن حدثني أكثر عن حبيبتك ..

قلت : "ريحانة" القدر.."عظيمة" القدر..
مكتملة التفاصيل..فردوسية اللحن..
حبلي بذاتي..ومنتشية بكياني..ومزدانة بأحلامي..
صفاتها "الياقوت" وجمالها "موت موقوت"
طينتها "الشعر"..ومائها "العنبر" وخلقها "كل صفات التفضيل"
عيناها "أول مخدر تصنعه الملائكة" ..ونظرتها "إثبات علي جبروت العشق"

لمستها "ترفع رأس حواء" ..وعبيرها "يرفع هامة الثري والثريا" .
شوقها "حنين الحياة الي الحب"  ..وقوتها " حنين النسوة الي الضعف "
أستاذة النساء..تتلمذ علي يديها "الجمال والدلال" .. وتوقفت عند قدميها "البراهين والحجج"..وعجز أمام أمانيها  " السراب والحلم" .

تفردت بنفسها..وتعددت بوصفها..
تفننت برسمها..وتكرمت بسمتها..
هربت من كل جنون الكتب وملكوت الشعر وقصاصات النثر الي قلبي..
ظننتها في البداية "حق الكلمة وما يبدعون" ..لكنها "جملتي المفيدة" و "فكرتي السعيدة" و "عقلي الجميل" !

اذا شربت "ابتسم المشروب " واذا أكلت "رقص الطعام فرحا".
اذا إستثنيتها من تاريخ النساء وجدته "صفحة بيضاء"
واذا أخرجتها من تاريخ الحب وجدته "سهم مكسور علي حافة شجرة وبضعة حروف"

يخرج من رموشها "ملايين السحرة" وأكسير سحري للموت الرحيم ..
شرفتها "تشريف"  وجلسة علي سفرتها "سفر" !
تختلي بالألوان لتسرق منه "سريالية" الكمال والجنون .
وتختلي بالنهار لتسرق شمسه الي شمسها فيخرج كون عاشق منفجر جديد.

هي "السلام" ..هي "السلام" ..هي "السلام"..هي "حالة السلام"
هي "السكينة والغضب" ..و "الفن الغجري والأدب"..هي حالة رومانسية ومشهد درامي "لاحتضار الحياة علي كتف الحب" !

هي "الرومانطيقية" في ثوب ممزق للرومانسية ..
هي "إنفرادي" الذي لا أحكي عليه لأحد..وسري الذي أخفيه وأظل أصيح "مدد مدد"

هي "أجمل ما كتبت" و"أغرب ما نطقت" و "كل لحظة ضربت فيها يداي رأسي ندما علي فقدانها"
هي "حالة أورجازم مشاعر القمر في السماء" كل ليلة !

هي صورة  "الفضيلة" في ثوب "عاهرة مظلومة"
وهي وسطية  كل ما هو ضد الاحتمال وأقرب الي المحال..

حالة انفصام العشق عن نفسه والسر عن حامله..
هي رقصة "سالومي" الأخيرة ورعشة رأسي خوفا من قطعها .
هي الحالة الوسطي بين كمال صفات "مريم" وبين توبة "مريم المجدلية"

هي "هزيمتي" التي اطلقت بعدها صواريخ الانتصار..
وهي "طوفان"  التمني  و"طغيان"  الأحلام ..

هي جنون شعر درويش..وجمالها وجع في حديث الدروايش..
وجهها "إختصار الفن" وحاضرها "اختصار تاريخ العالم"  وحضورها  "لحظة عطش الياسمين"


هي "بسملة " الحب...و"تعويذة" الهيام..
هي كل ما يدور في عقل رجل كراقصة الباليه..
شفتاها "شق عصا سحرية لوادي خصب" .
هي كل ما يشغل تفكير "المكياج" وأدوات التجميل التي تريد مباركة من هذا الوجه وهذا الحسن المشعوذ المبروك.


هي  فستان النهار الأبيض وفستان الليل الأسود لسهرة كيوبيد..
هي أضعاف ما قلت..وكل ما لم أقل بعد..
هي كل ما وصفت..وأضعاف ما وصف العشاق قبلي..

هي إمرأة مصلوبة بين عذاب"الواصف والموصوف" ..و "العاشق والمعشوق"
هي "الراعية الرسمية" للأنوثة..
وهي "مذكرات بقلم الجمال" .



قالت لي الزهرة : نعم الأن حقا تذكرتك ايها العاشق..وتذكرت حبيبتك التي تصفها لي منذ عشرات السنوات بعذب حديثك..والأن تستطيع أن تقطفني وسأرشدك اليها..

قلت : أحقا لن تجرحيني مرة أخري أيتها الزهرة ! أحقا أسافر في ألة الزمن مع زهرة ؟؟

قالت : الأن تحدثت عن الحب .."رحلة في ألة الزمن مع زهرة"..ربما يكون احدي تعريفات الحب..هيا إركب معي..قبل ان تفوتك الرحلة


وبعد سنوات وفي عام 2050 ..مازال الوضع كما هو عليه..
ومازالت الزهرة تسافر معي كلي ليلة وقد هرمت قليلا وهرمت..
ومازلنا في رحلة البحث عن "ست الحسن"

ومهما انتقلنا في ألة الزمن لن نجدها ولكني استمتع برحلة الذكري..
لن نجدها في ألة الزمن..
لأنها ..هي "الزمن" .

الخدعـة ليست في "بيتــر أنســر"...قصة قصيرة

عاش رامي في منزل مترامي الأطراف..ليس بمعني المنزل الفسيح بل بمعني المنزل المشتت المنغلق علي نفسه والمنقسم في وقت واحد !
كان الأب دائم السفر الي الخارج والأم لا تهتم بالأولاد كما يجب حال معظم الأمهات وزوجها في الخارج حيث تصبح كل العلاقة بين الزوج والزوجة حفنة دولارات وليالي سمر .

لم يعلمه أحد كيف تكون الثقة..كيف يثق في الناس وكيف يكسب احترام وثقة الناس ..فعاش دائما مستلهما صورة والدته التي لا تهتم لأي شئ إلا نفسها وكان دائما يقول لصديقه حسن "أحسن يستاهلوا" ..
كانت هذه هي جملته الدائمة تعليقا علي أي موقف فيه مشكلة لأحد معارفه ..بل كان احيانا هو سبب المشكلة نفسها ..وبعضها مشاكل تسبب الحرج لعائلات من اصدقاء والدته .

في احد الأيام وفي احدي سهرات "رامي" كان المنزل ملئ بالضيوف كالعادة وكانت ليلة صاخبة مليئة بالفرح لمن يسمعها ومليئة بالحزن لمن يسمع حقيقة نبض رامي من الداخل ..فأحيانا كان يحتاج لشئ من الندم او يمارس الندم عنوة كي يشعر ببعض من انسانيته المفقودة علي يد عائلته .

حتي مال عليه احد الاصدقاء قائلا: إيه يا كبير عندي ليك حركة اوعي بقي .

رامي : حاجة في الجون يعني ؟

سعيد : شديدة ..سمعت عن حاجة اسمها بيتر انسر ؟

رامي : اه ..بس مش عارف بالظبط بيعمل ايه يعني ..

سعيد : بص يا كبير هو موقع مقالب يعني تقدر تسأله اي سؤال ..وهو هيجاوبك عليه ..اي سؤال في الدنيا..بس بتكون انت اللي مدخله الاجابة اصلا .

رامي : طيب وايه المشكلة في كده ..اكيد كل شلتنا عرفاه يعني ومش هياكل معاهم .

سعيد : لا يا كبير..انت عارف البت ساندي اللي معانا في الدفعة ؟ ملهاش في الكلام ده ولا نت ولا كمبيوتر اصلا وهتصدق العملية دي وهي علي نياتها اصلا وكمان بتصدق في الحاجات دي قوي يعني .

رامي : بس دي بت غلبانة قوي

سعيد : انت هتوب ولا ايه يا كبير..ده انت مدوبهم ..!

رامي: علي رأيك ..اديها يا برنس ويلا نقوم بالمصلحة دي .


بدأ رامي في الاقتراب تدريجيا من ساندي لاقناعها بالموقع الذي يتنبأ بالمستقبل وهي متشوقة بشدة لمشاهدته وكل هذا تحت نظر ومتابعة سعيد الذي دبر لهم الخطة .

بدأ في اقناعها وجلست معه عدة مرات امام شاشة الكمبيوتر لتسأل هذا الشبح من ستحب في المستقبل ومن ستتزوج ..فيجيب عليها الكمبيوتر "رامي زميلك" ! طبعا بتدبير من رامي نفسه.

وبدات في الاقتناع ان رامي هو قدرها وحذرها رامي عدة مرات من ان تحاول ان تحكي لاحد الاصدقاء عن حكاية الموقع والا سيصيبها الاذي من "بيتر" وقد صدقت بسذاجة او هكذا يعتقد رامي .


وبعد عدة شهور وبعد ان ظن رامي انه استدرجها الي شباكه وضحك علي عقل الفتاة المسكينة :

ساندي : الحقني يا رامي انا حامل .

رامي : وانا مالي يا اختي انتي هترمي بلاكي عليا ؟ ايه ذنبي انا في حاجة زي دي

ساندي : انت عارف كويس ايه ذنبك ..بقي دلوقتي هتسيبني وانت قولتلي انك بتحبني .؟

رامي : انا مبحبش حد ومش عايز احب حد..روحي العبي بعيد يا شاطرة .

تشنجت ساندي بشكل غريب امام رامي الذي لم يصدق ما رأة امام عينه وكانها فتاة "ملبوسة" او مصابة بلعنة ما وهي تسقط علي الارض ويحاول الجميع انقاذها مما هي فيه ..

رامي : فوق يا ساندي..مالك؟ ..اول مرةاشوفك بالشكل ده قوليلي ايه اللي حصل ؟

ساندي : بيتر يا رامي ..بيتر .

رامي : بيتر مين ؟

ساندي : الموقع اللي دخلتني عليه..بدأ يهددني وانا نايمة ويحرك حاجات في اوضتي ويقولي هيصيبني بلعنة لو مدفعتلوش مبلغ وسيبتهوله علي عتبة بيتي . انا مرعوبة يا رامي .

رامي : انتي مجنونة ؟ ده احنا ضحكنا عليكي بالموقع ده انا والواد سعيد وده اشتغالة اصلا وانا اللي كنت بكتب اسمي ..

ساندي : انت عارف سعيد فين دلوقتي ؟

رامي : فين؟

ساندي : في المستشفي يا رامي .. روح إتأكد بنفسك ..الموقع طلب منه فلوس يسيبها علي عتبة بيته ومبلغ كبير كمان ومسمعش الكلام ..جاله نفس التشنج ده ودخل المستشفي بعدها ..إسأل الدكتور اللي بيعالجه .




وفي المستشفي :

رامي : مالك يا سعيد ايه حكاية بيتر ده مش الموضوع اشتغالة يا ابني ؟

سعيد : انا كنت فاكر زيك كده وانا اللي قولتلك عليه كمان لكن اللي حصلي مصيبة ..قالي هصيبك بلعنة لو مسمعتش الكلام وشوف جسمي كله عامل ازاي من يومها ؟ مصيبة يا رامي .

الدكتور شاهين : اهلا استاذ رامي .

رامي : اهلا يا دكتور .

الدكتور شاهين : رامي فعلا عنده حالة غريبة ومرض جلدي اول مرة اشوفه وبيقول ان ليه واحدة يعرفها اسمها ساندي جالها حالة اشبه بالصرع وكانت بتسألني امبارح تروح لمين من الدكاترة عشان حالتها دي .

رامي : وايه حالة سعيد يا دكتور .

الدكتور شاهين : صراحة هي حالة احتار فيها الطب وانا عمري ما شوفت زيها في حياتي ..لدرجة اني بدأت اصدق التخاريف اللي بيقولها ..

رامي : يا ساتر يارب ..


دارت الافكار بعقل رامي كما اعصار تسونامي حتي وصل الي منزله والقي حقيبته في حيرة ودهشة ودخل يأخذ حمامه المعتاد وهو يظلم غرفته ويفتح موسيقي خفيفة واحد برامج المحادثة علي الانترنت وبعد خروجه سمع صوت غريب صادر من جهاز الكمبيوتر وبدأ يقترب وهو في حالة رعب كاملة مما يراه ..انه هو.."بيتر" ... الوهم الذي عاش معه ايام هل يصبح حقيقة ؟؟ ..
طلب اضافة علي برنامج المحادثة لصديق جديد اسمه "بيتر" لم يصدق رامي عيناه واضافة ليعرف ما يريد ..

بيتر : اهلا رامي بيه ..

رامي : انت مين ؟

بيتر : انا بيتر شخصيا..كائن في عقولكم ومش موجود في الدنيا..وزي ما شوفت اللي حصل لاصحابك هيحصلك ..نص مليون جنيه تكون موجودة قدام عتبة بيتك..تقدر تقول قربان عشان متشوفش أذيتي..اعتبرني ساحر مجنون او دجال..المهم انك شوفت بنفسك اللي حصل لاصحابك ..انما ايه البيجامة الغريبة اللي انت لابسها دي ؟ بيجاما خضرا في بنفسجي دي الوان ؟؟

رامي : انت شايفني كمان ؟

بيتر : ها ها ها طبعا ..وشايفك من زمان ..والافضل تندز في موضوع الفلوس وقدامك لبعد بكرة بس .



بدأ رامي في تدبير المال حيث كان يعرف الجميع انه من اسرة ثرية جدا ولن يكون هذا المغلب عقبة بالنسبة له ..وفعلا قام بتدبيره ووضعه امام عتبة بيته وينتظر ..ثم خرج بعد ساعة كما هو الاتفاق ليتأكد من ان بيتر قد حصل علي الحقيبة والمبلغ ..


وبعد شهرين من الواقعة :

حامد الفراش : رسالة ليك يا استاذ رامي .

رامي :ليا انا من مين ؟

حامد : مش عارف واحد قالي سلم الرسالة دي لاستاذ رامي جيبتهالك بنفسي من الكافيتريا .


الرسالة :


" صديقي العزيز رامي ..
خدها بروح رياضية ..الموضوع مش موضوع بيتر ولا حاجة..الموضوع انك عمرك ما اهتميت بيا ولا بأي حد من اصحابك وكنت دايما الصاحب الغني اللي شايف كل الناس تحت فلوسك ..
انت عمرك ما حبيت حد فمتلومش غيرك انه خدعك او مثل عليك..متقولش ازاي اخدعك لأنك ياما عملت مقالب وحركات في اعز الناس ليا شخصيا وانا كنت بقفل بقي لحد ما عملت حركة من حركاتك في سلمي حبيبتي ..وعلي علم مني وانا لومتك يومها وانت مهتمتش..
عايز تعرف انا فين دلوقتي ؟ انا مسافر مع ساندي برة نشم هوا بالفلوس اللي خدناها منك يا مغفل ..انا كنت عارف انك هتصدقني في اي حاجة وساندي مش بريئة زي ما انت متخيل ..انت بس اللي فاكر نفسك شيطان زيادة عن اللزوم وده بيخليك فاكر ان كل اللي حواليك ملايكة بالنسبة لك ..
اما كنت في المستشفي كان الدكتور شاهين صاحبي من سنين شريك معانا في العملية ..وبالنسبة للون بيجامتك اللي عرفها بيتر اللي هو انا فده مش غريب لاني عارف قبلها ومظبط كاميرا عندك في الاوضة في اخر سهرة ..
خلاص متترعبش قوي مافيش لعنة ولا صرع ولا مرض ولا اي حاجة..الموضوع كله "سلف ودين"..صديق خاين بصديق خاين وكده خالصين..
بيتر مبيأذيش حد بس الخيانة بتجرح ..علي فكرة حلو قوي طعم العصير اللي بشربه دلوقتي في الفندق الجامد ده شكرا قوي علي المبلغ المحترم ..هتقولي طبعا "ايه يعني نص مليون ؟ ما انت هترجع تاني ده مبلغ عبيط ..
احب اقول لحضرتك اننا خدنا من والدتك 4 مليون كمان مع ابتزازها والا هنفضحها بموضوع حمل ساندي وشوشرة في الجرايد فخافت ودفعت عشان نسقط الطفل . يعني كده مبلغ يعيشنا في امان برة ..
باركلي بقي انا وساندي اتجوزنا امبارح كمان ..ساندي طول عمرها جزء من خطتي وانت خارج الخطة تماما ..

سلام يا صديقي العزيز..
صاحبك..سعيد