مسلسل عيون عليا

كل سنة وإنتم طيبين بمناسبة أحسن شهر وأحلي أكل في رمضان..طبعا انا كنت عايز أخس في رمضان بس المشروع فشل بسبب التخطيط للأكل لوحده بيتخن..هناكل ايه بكرة هناكل ايه بعده ده الكلام ده لوحده سعرات..المهم شدوا حيلكم في المسلسلات بقي عايزين نخلص 40 مسلسل كده ع الماشي هاهاهاا طبعا الإعلام مفتري أوي ازاي بأي منطق 40 مسلسل طيب لو صحيت الصبح مرحتش الشغل وقعدت مخصوص برضه مش هينفع بأي حسبة مش هينفع..ده حتي كمان ساعة الفطار في 4 مسلسلات طيب ازاي يعني حتي وانا بفطر الحق اتفرج ايه الحصار ده..هو اللي مجنني حاجة طالما عندنا كمية القصص دي ليه مبناخدش أوسكار؟؟كمية مسلسلات عربية غير طبيعية نعمل قصة عشرة منهم فيلم واحد ونوصل للعالمية بدل ما تيسير فهمي تضرب وسميرة احمد تدينا القيم والمثل ويسرا اللي مبتغلطش والهام شاهين اللي ورانا ورانا..نعمل فيلم واحد عالمي من عدة مؤلفين وناخد جايزة مرة في حياتنا بقي لكن بجد المسلسلات السوري التاريخية ملهاش حل سيبك من درامتهم انما التاريخي تحفة يعني..

انا متوقع ان مسلسل عيون عليا السنة دي يبقي حديث العالم العربي كله ..هيبقي احلي قصة واحلي موسيقي تصويرية لأني سمعت عنه كتير من أخوة من سوريا وغيره وسمعت موسيقته ايه الابداع ده بجد مافيش كده ده مسلسل متسيبوش بجد وهتدنك تفتكره طول عمرك ..يحي الفخراني بقي غير جلده شوية بعد سطحية حمادة عزو السنة اللي فاتت..واللي رجع بقي بعد غياب أحمد عبد العزيز أحسن ممثل مسلسلات في العالم العربي مالوش مسلسل واحد وحش ..شخصية مستحيلة أداء مقنع تمثيل قدير براعة في اختيار الدور ..نجم النجوم ..

طيب الجرايد المعارضة هتبطل تشتم بقي في الحكومة في رمضان؟ولا الشتيمة في الحكومة تجوز في كل وقت ..طيب والجرايد الحكومية هتبطل تكذب علينا ولا الكذب منها حلال في كل وقت؟
وياتري الريس بيصلي التراويح؟..هاهاها تراويح انت بقي..ولا احمد نظيف بقي تخيل شكله كده وهو بيركع وبيسجد هاهاهاها حاجات مستحيلة طبعا الناس دي مخلوقة عشان حاجات تانية اخر تفكيرها العبادة طبعا..بس ممكن مبارك بيبقي امام ووراه سوزان وجمال وعلاء وكده يا سلام اسرة مسلمة جدا مؤمنة جدا..ويديهم حسني بقي خطبة بعد الصلاة وجمال يقوله ايه يا بابا انت هتشتغل نفسك ده نص الكلام اللي بتقوله ده مبتعملوش..هاهاهاهاها
بالنسبة اللي جعان قوي قبل الفطار ممكن يشوف تمثيلية تيسير فهمي وهيتسد نفسه فورا..أو تكلم الأخ ممدوح فرج تسأله أعمل ايه يا ابو البغال اخس ازاي واعمل ايه في رمضان..؟
هيقولك دقيقة ونرررررررررررجع لبعض تاني بطريقته الغريبة الأطوار..

انا ساعات بصلي التراويح وألاقي واحد جنبي نايم والتاني بياكل والجامع بيبقي عجيب في رمضان والله لو في يوم عادي اللي هياكل هياخد علي قفاه انما في رمضان اي حاجة بتحصل ..طيب ليه بقي بيسرقوا جزمي انا بالذات في كل صلاة
انا من هنا بوجه نداء للأخ الحرامي اللي سرق جزمتي رمضان اللي فات وبقوله انا جبت جزمة تانية اوعي تقربلها لأنها غالية واتقي الله بقي يا حرامي..لا مش لايقة اتقي الله يا حرامي دي..

ماهو انا مش هأدني أروح بقبقاب هدية من الجامع عشان كل شوية جزمة تتسرق دي مش طريقة بقي طيب هاربطها جنبي بقفل بقي المرة الجاية هو انا جاي اصلي ولا اراقب الجزمة يعني؟
وهنتفرج بقي علي البرامج الدينية والشغل العالي والأسئلة العبقرية بقي "هي الكنافة بالقشطة حرام يا مولانا؟"ولا الكنافة بالكستر ؟..كستر خيرك يا ابني..ايه الاسئلة الذكية دي يا سلام الله اكبر عليك..
بجد ياريت تخفوا شوية من الأسئلة دي وياريت الكنترول يبقي واعي ويشيل اي غباء بيتقال ويسيب الأسئلة المهمة بس..ولا كل شوية واحدة تتصل بخالد الجندي تقوله ادعيلنا يا شيخ متدعي لنفسك بقي يا اختي هو الشيخ هيدعي لمصركلها؟حتي الدعاء مكسلة تدعيه؟
المهم كل سنة وانتم طيبين وعقبال ميت رمضان كده وصيام مقبول ان شاء الله

محمول البيت السعيد

محمول البيت السعيد من قناة الفاس..
المحمول مزود بأول شاشة عرض مجسمة لمشاهدة الصور..

منظم المواعيد الجديد مقسم إلي: "تفاهات لتتذكرها".."حاجات ملهاش لازمة بس هأعملها".."حاجات هامة"..

مع أول منظم ملفات من نوعه..إضغط علي كلمة "مرتضي منصور" لإنشاء "ملف جديد"..

المحمول يعمل بالقرص وبالفيشة أيضا لتتذكر الزمن الجميل..

مع المحمول هدية مجانا ..خطين للجيب..أيوه خطين.."خط المعاكسات"بدون عقد ووجع دماغ..و"خط بنمره"عليه أرقام بنات مصر كلها ..وريح دماغك..

المحمول ملئ بالبرامج الدينية الجديدة..مع أدعية دينية بصوت هيفاء وهبي وروبي..

ولحلول شهر رمضان الكريم ..إمساكية الجيل الجديد هدية..الإمساكية الجديدة.."إفطر قبل الجميع" مع إمساكية الجيل الجديد..

سلي صيامك مع محمول البيت السعيد..بأحدث الرقصات وإستعراضات البكيني ..

ملحوظة هامة:العروض علي الطريقة الدينية


ولأول مرة "محول الخطوط"..حول كل النمر التي لا ترغب في الرد عليها إلي خاصية"إتصال من جحش" مع خاصية الشتم الألي..

الأرقام علي المحمول جميعها ممسوحة لتنمية موهبة التذكر والذكاء ...


كما يوجد ليدينا أيضا هواتف محمولة مستعملة ..أنضف إستعمال ..إستعمال"جزمجي"..



يوجد بالموبايل كمية من الألعاب الجميلة..
لعبة "مبارك والجميز"..لعبة تحكي عن رئيس جمهورية يحاول أن يجمع جميز من علي الشجر لمقارنتها بعدد سنوات حكمه..
هدف اللعبة الحصول علي أكبر عدد من الجميز..

"عيشي وعيشك"..اللعبة تحكي عن طابور عيش تستخدم فيه الأسلحة البيضاء وهدف اللعبة الحصول علي عشرين رغيف..

"لقاء ومنصف"وفي هذه اللعبة تلعب بلقاء لمحاولة الجري وراء عبد المنصف لمسح أكبر عدد من دموعه بعد كل مباراة أهلي..


"شوبير ومرتضي" اللعبة مليئة بمراسلين محطات تليفزيونية علي الجانبين وهدف اللعبة الوصول لأكبر عدد من الميكروفونات وشتم الأخرين..

"العسكري والمول" تحاول في هذه اللعبة تفادي أمن المول والسند علي السور بمزاجك بدون أن يراك..


الموبايل مزود بذاكرة تسع لأكثر من عشرين شخص..حسب تخن الشخص..

مزود بخاصية "هتفطر ايه النهاردة"..الخاصية جميلة جدا تعطيك كل عشرين دقيقة وصفة لأكلة قذرة عشان تسد نفسك فتصبر لحد الفطار..مثل"عصير أخطبوط".."ورك فار مسلوق".."ديل عرسة بالشمبانيون"..

المحمول موصل بجهاز "جي بي إس" إختصارا ل "جاي باين سلامته"..للحصول علي أي مكان في العالم في ثواني..يوجد خريطة"شيبة والنكارية"وأيضا مزود بالخريطة الكاملة التي طال إنتظارها لجمهورية "فاقوس"..


إتصل الأن..
سعر المحمول ثابت وسحر الشحن متغير أينما كنت..

من مصر إتصل ب:09999999

من فاقوس:متتصلش والنبي..

من جميع أنحاء العالم: أكيد مش هتعوزوه..

أصابعك البيضاء

شئ ردد في عينيك..كلمات صعبة..
"إن أحببت فلا تخشي شيئا.. فقد إستوطنت الخوف.. وولدت وحيدا في عالم من حرف وخيال.."



فأنفجرت شفتيك تقول..
تعال وحدثني عن القبلة الأولي..
فخطاك مثقلة بداء العشق وحمي عذاب العشاق..
تعال وفجر عقلك مملكة من نثر فوق جبيني..
لأرفع رايات أنوثتي البيضاء..
وأزرع قلبي المسكين كما الرمح في صدرك..



همهم شعرك ببسيط القول وقال..
خصالي تحدثني عن أول غزوة من فرسان خمس..
أحسبهم أصابعك الدافئة..
وقد استشهدوا في العشق إلا قليلا..
ليعيشوا في ضفائري بكرة وأصيلا..



قالت أصابعك البيضاء..
فلنصنع بيدينا بساط من زهر وليمون..
تستريح عليه نبضاتنا المتعبة..
فترتد في قلوبنا ..رجال وصبايا..
بقصائد ووعود..
نغسل أحلامنا بقدسية لمستهم..
ونعمر في أرض الحب سنينا كي نستنسخ منهم نبضا أجدد..
عاشق للروعة..



لم يبقي شيئا إلا أنفك الرقيق..
لم يقل شيئا..
سكت كثيرا..
حتي إبتسم وقال..
تعال لأشتم الزهوة في كونك رجلا يعشقني..
لأشتم جمالي المرتحل في نظراتك فتكتمل أنوثتي ..
لأخلق سندريلا بداخلي ..
وأخرج من تفاحتي المسمومة..
وأعيش علي كفيك أشعار منحوتة..
وعبير لا يحدث عن الهوي في حفلات بنفسجك..
وأستنشق مناداك الرجولي..كما تحيا بكلمة "هي"..
وأغترب عن النار بجنتك الحانية..
وأزين كفي بحنة دعائك كالكروان علي خدي..
ولا أعبرمنك إلا أليك..
تعال أحنط صلواتي في محرابك غزلان وأيائل..
وأهون علي الدنيا ولا أهون علي كف يديك..




في هذا الحلم تبسمت كثيرا..
وكانت أول إبتسامة حزينة لي..
لأجد في حزن إبتسامتي..إبتسامة الحزن في وجهي.. "
أهلا بي في عالم الحزن"

كحــــل وجـــودك

ولعلي أكون ..إطلالة من شرفة عينيك لأكسير الحسن

..من يمنع عني شمسي وقمري إلا عيونك..لا مانع عندي..

ولعلي أكون..ياسمينة حب في يديك هربت من أخر ربيع لأول ربيع..

وإحترقت في أغنية شتائك..

ولعلي أكون..قلم في يديك ..

يكتب رغم عنك غزل ..أو يرسم سحر أسود في الورقة

ليرد علي السحر الأبيض..

ولعلي أكون..مكحلة..تتزينين بكحلي..

وأتزين من كحل وجودك..

ولعلي أكون..

ملاك ..لم يحمل غيرك فوق جناحيه ..

لكي يصنع منك قرص الشمس الضائع في لحظات كسوف..

ولعلي أكون..سنة نثرية ..

سقطت من كل حسابات العمر فلم ينظر خلفه ليراني ألملم كلمات..

ولعلي أكون..عصفور شرب في يوم من بحر جمالك ..

هجر حياة الترحال..ليسكن الرحيل شخصيا..

عينيك..

ولعلي أكون..

قمر يتمني بأن يخرج من فضته لا لذهب الشمس ولكن ذهب يديك..

شعوذة وجنون ..ضرب من قلب خيال..

أن أكتب عنك..ولكن كيوبيد الساذج يأمرني..لأنه لا يري عينيك في كل مساء مثلي..

ولحـــوار الشمـــس بــقية

هو:

مات القرنفل ها هنا لم يجد من عينيك حصن أو رقية شرعية ..

هي:

ولكني عودت نفسي علي حياة الياسمين بصدري حين أراك فلم يهزمني المشهد بل كنت أقسي عي القرنفل من قاتل له..

هو:

حين أراك تغتر شراييني وتفتخر بكونها جزء من هذا العاشق ..وتصير فصول رجولتي الأربعة حوار شعري خالص بين الشمس والقمر ..

هي:

حين أراك تسقط كل ضفائر شعري حبلي بأمنياتي ..وتهاجر في حنجرتي بلابل وحمام زاجل محمل برسائل عشق من طيب كلامك عني..

هو:

ضميني الأن كي أشرب كأس أنثاك ..ليعيش الرجل بداخلي حبس انفرادي مع الكأس ولا يسكر..

هي:

هل تسمع قلبي؟

هو:

بل أبصره بغمضة عين ..وأسمعه بروحي ..وأحيا النبضة فيه علي صدري حين يقبل نبضك نبضي..

هي:

أتعدني بالجنة؟

هو:

بل أعد الجنة بعينيك..كي لا تستسلم كل ملامحها ل"مكياج التفاح" وحناء"النهر الخمري"..وتستبدل كل أدوات التجميل بأرض اللوز لإستقبال جمال فاض علي الأرض..

هي:

كلامك يبهرني..

هو:

أنا لا يبهرني إلا حسنك..أقسم لو سقطت فوق الفستان الان نقطة حبر ..تتشكل أبيات وقوافي..

وكأن كل البلاد قصيدة..تكتب من عينيك..

هي:

تعشقني أكثر مني..

هو:

كداء غرور..أنا أعشق نفسي ولكن أنتي حياتي ونفسي فكلما عشقتني عشقتك..ولو نظرت للمرأة رأيتك..أنا لاأتجمل في كل صباح ولكن أجملك..

هي:

ومازلت جميلة بعينيك؟

هو:

عيونك مرأتي ..تجعلني أميرا أو ملكا إغريقيا..وتخدر فيا الموت ليستفيق الحب المميت..فكيف تسأل المرأة عيون صاحبها ..أنا الأجمل في عينيك..

هي:

أنا أحيا بوجودك ..

هو:

ووجودي في حياتك قطعة مرمر أينما نزلت باركت كمطر من طيب علي أرض حبلي بالأمنيات..وأنا ساحر شرقي أسحرهم بحكايات جمالك ولا أعدهم بالنظرة..

هي:

انا وأنت والله والحب أربعة علي شرفة حب لا تهدأ أبدا..قمرية وشمسية لو تحصي حروف أسامينا..

هو:

أحزنتي أربعة أشخاص الأن.

هي "في خجل أنثوي جميل":

من؟

هو:

الشعر علي طرف أنفاسي يسعده نحيبه ويقدمه بشرف كي يحظي بقافية من عينيك..والنثر المر علي طرف لساني يختلس النظرات لفمك كي ينساب في أوصالي كقبلة ويقترف علي خديك أثامه..والقلب النائم بين شفاهك يسكر من عذب رنين اللفظة..وكيوبيد يغني لكل العشاق ويستسلم فوق أصابعك ليدق طبول الحرب علي قلبي..

فنحن ستة ومعنا الله ضيوف في حضرة حسنك

هي:"تمسك أصابعي في رقة"

وحديثي الأن يطول..

سندريلا الأنثي ترقص رقصتها الأن علي بطولات الأمير ..

من الأقوي..?

كان الله في عون الأمير..

تعود أن يحرر المدن..وجائت إمرأة تحرره من العالم..

محمد نور بيغني

"لا أعرف أن أختار أسوأ أغنية ..في كل ليلة قاع جديد"

بجد خلاص مش عارف أقول أيه اسوأ أغنية سمعتها مش بلحق أضحك علي أغنية امبارح تيجي بتاعة النهاردة اسوأ ميت مرة ..محمد حماقي بيغني ويقول انه "هيظبط" وحمادة هلال "بيتكتك وواقع في شبكتك" وتامر حسني "واخد حبه قفش"..ايييييييييييييه!

الرحمة شوية علي وداننا حرام عليكم..محطات الأغاني لازم تغير اسمها كلها ويبقي اسم موحد "أي كلام شانل" ..ويقولوا أي كلام بقي علي راحتهم..والأصوات المقرفة اللي بقت بتطلع عمت الناس طربيا لدرجة ان البعض بقي بيقول ان نانسي عجرم صوتها حلو"جنون"

نانسي عجرم الخنفة اللي مبتخرجش لفظ واحد صحيح من بقها بيقولوا عليها صوتها حلو ..هاهاهاها..وده ليه حالة الصمم اللي حاصلة من حدة الأصوات المقرفة الكتير عملت طبقة ألحان فاسدة فوق الودن بقت مصفي للكويس وبوابة للبذئ..

مريام فارس ..نانسي عجرم..ماريا..هيفاء..مايسة..قمر..نيكول سابا..كل دول عايزين الزبالة العمومية يتترمي فيها أصواتهم البشعة اللي بوظتلنا وداننا اه ومتنساش تاخد محمد نور الأخنف المريض وهتاخد معاه عمدة وسعد الصغير ورزان مغربي اوعي تنساها..من أقبح الأصوات اللي سمعتها..

كان زمان الناس بتخجل تطلع ع المسرح لحسن الجمهور يرميها بالطماطم وكده..طيب تخيل عبد الحليم حافظ بصوته الأسطوري ده كان في أول حفلة خايف جدا والجمهور هاجمه..يا خبر ابيض تخيل عبد الحليم حافظ مش واثق في صوته ده ..طيب سؤال ..ايه اللي خلي محمد نور يثق انه هينجح؟؟؟؟؟

بصوته الحقير ده؟؟

اكيد السبب هو الجمهور هو اللي تقبل نانسي وخدها في حضنه وتقبل مريام فارس وغيرها وده خلي محمد نور يقول "وأنا مين هيوقفني ؟ما أنا أكيد مش اوحش من كده"

وبعد مرحلة الإسفاف الطربية..دخلنا بقي في مراحل التقبل الجديدة..اننا تقبلنا جاد شويري وشلته..وبعد كده والجديد بقي ان مبدأ التقبل ده خلاص وصل لكل حاجة ومسورة الاسفاف ضربت في كل مجال..وبقي ممدوح فرج البغل بيقول هأخسسكم..وأمينة شلباية القبيحة بتقول هأجملكم..وده ليه..لان محمد نور قال هأسمعكم..

ولما نشوف روبي في قناة إقرأ بعد كام سنة أما تتوب .ما هي بقت موضة..وتنصحنا بالدين ونظام..أنا مش هأسكت وهأقول كفاية بقي..كفاااااااااااااااااية..

عبير صبري اتكلمت في الدين..وميرنا وحتي أحمد الفيشاوي يا نهار اسود..مين كمان ..أنا خفت انزل الجمعة اللي فاتت لأحسن ألاقي جاد شويري بيخطب في الجامع..

انا عايز أعمل زي أيمن نور واللهي..ابعت رسالة لرئيس أمريكا بس أستغيث بيه من محمد نور وأقوله خده عندك بس بجد مش عايز أسمع صوت الخنفساء ده..يعني كانوا بيقولوا صوت الحمار نهيق..وصوت الثور خوار..طيب وصوت محمد نور ايه؟؟ماهو لازم يتسمي..ممكن نسميه بغبغة..

المشكلة اني بدأت أتجنن خلاص ..مرة جبت قناة ميلودي وشوفت محمد نور ده قعدت اشتم الريموت.طيب ما أنا كده لسعت خلاص ..عايز علاج..حرام عليك يا محمد بطل غنا بقي يا ابني وارحمني انت والعسيلي اللي حنجرته مخرومة ده كمان ..وبرضه وللأسف المجتمعي بقي ناس بتحب العسيلي وأنا معاهم انه كلماته جديدة والحانه حلوة لكن صوته قذر ومغلف بالصدي الحنجري..حرام عليكم بقي عسيلي ايه اللي صوته حلو؟؟

يا ناس اعقلوا ..وتلاقي واحدة زي ماجدة الرومي غريبة ويقولك يا عم دي خنيقة ..عارف ليه؟عشان التعود علي مصل واحد خلي الجسم نحس واستباحت الأصوات دي هيكل الودان كله مسبتش حتي واحدة توحد الطرب الأصيل..أنا أسف كنت عنيف بس كل ده بعد ما شوفت أغنية محمد نور ..واتنرفزت جدا..

يا نور خلاص بطل مغني..

وليه بتوجع في دماغنا؟..

قالي يا عم أشوف نفسي..

إشمعني هيفاء أو نانسي؟

يعني انت ليه سمعت ماريا..

"العب" دي غنوة معدية..

وعسيلي قولتوا عليه مطرب..

دخل عليك وفرد عوده..

وبقي الكلام ملو خدوده..

واهو كله طاير في الهوجة..

طب ليه مش أمشي علي الموجة؟

"عندك حق"

من أنتي؟

من أنت علي شرياني? ما بين النبضة والنبضة أحسك وجعا ..

أشتاقك حبسا معزولا جدا وإنفراديا بمساحة ما يملأه الله .

.سجنا بمساحة هذا العالم كي نركض والغزلان بين القضبان الماسية

ونعمر شطئان الحب قصور رمال لاوهمية ..

من أنت هناك علي قلبي?

قيلولة وجعي تبقي بك ساعة ولكن حبي هو اليقظة

ما أجمل أن تنعس كل حقائق هذا الكون علي شفتان

حين النطق يكون كينونة عالم ..

يا أسيرة روعتها تعالي لأشطرك بيتين

فأنت الشعر وأجمل من هذيان النثر علي سن القلم العاشق ..

تعالي لأكتبك رسالة حب لله ولكن اين ملائكتي فبريد الله مغلف بملائكة بيضاء وحور..

ولكن أنتي رسالة استثنائية بملائكة وفراديس وأكثر من هذا أنتي..

أهذا الدمع أم مرآة سائلة تعكس وجه الخلد علي صفحات الجنة!

سالت تلك الدمعة علي هذا الخد الشرقي لتنقب عن لغة الرحمة في صدري

وأنقب عن معني الحب في عقلي

العين تهمهم تتحدث لجدار لا يتمني في تلك اللحظة أن يسخطه الله مراه كي لا تنطبع عليه تلك الغربة ما بين الرمش وبين العين..

يتمني الزمن بأن يتدبر أمره ويمرر تلك اللحظة والمكان بأن يصبح كله صحراء يتدثر مطرا كي لا تقتله الدمعة..

لا أري الأشياء بوضوح لأني أراك كل الأشياء وأكثر..

العين تحدثني وتحدث كل خلاياي بأن المطر القادم صعب

..غيبوبة أعصابي تبشر بالدمعة الأولي لاشئ يشبهني الأن

جميل جدا كالأطفال مثالي الفطرة عاطفي لحد الصدمة لا شئ يشبهني الان ..

ولا شئ يشبه تلك الدمعة .

تدمع أمسح خدي نتوحد كي لا يفصلنا الدمع

تشرب كل شياطيني من ترياق عذوبتها فيصير الشر عذوبة والغضب نعومة والرجل الهادر بي مجرد لحظة..

لم اشعر اني اشهد نهاية العالم ولكن العالم اجمع يشهد نهايتي

تنقلب القاعة هذا المشهد لا يمكن تكراره لو اتقنت فنون الكذب ولغة التمثيل لا يمكن أن أصبح أطهر لا يمكن أن أضيف صفة واحدة لصفاتي الان ..

لم أصبح انسانا اخر لكني مجرد غيري ..

من أنتم ؟

أنتم باقة أقلام والأرض بساط أبيض له شبق الشعر ..أغرس قلمك واطفأ هذا الشعر سجينك ..أنا لاأشعركم حيث وجدتم أنا لا أشعر إلا الدمعة والله ..اشعره يشعرني ..

حدث في مثل هذا اليوم ..

رجلا في مكان ما في زمان ما ترنح بين الانسان وبين صفات الجن للحظة ضرب الأرض نيرانا ثم استنسخ من ذاته اجنحة ملاك

إمرأة في مكان ما يشبه سابقه وزمان ما يشبهه تبكي علي أعصابي تتوحد وتوحد لغة النسوة بكيان رجولي ليخلق قصة من مسخ رجولتي وسلسبيلها تسمي "الجميلة والوحش"..

حدث في مثل هذا اليوم ..

خلل في نفسي شظايا دماء في بركان قلبي قاتل وجحيم تحت وسادة واداري وأداري أوراقي أتدرون لماذا ؟

أعتقدت نفسي أخترعت الحب حين أخترعتني..

شمــس وقــمر 20

اضغط علي الصــورة

شمس وقمر 19

-لا أعجب أبدا حين يبعثرني الحبر إنسان..

أنا لا أعرف لغته السرية..

ولكنه يعرف إني مفصوم بين السطر وبين الكلمة..

بشخصية..عاشق جدا..

-أريد بأن أتنفس "ما بعد حياتي"..

هواء أخر معبق بحواء ومحظور من التجوال في عالم الغدر..

فجأت أأخذ الإذن من عينيك..

ملكة "ماورائيات"..شعوري..

-كلما لملمت نجومك من سمائي..

لأصنع قلبا مضيئا ..طمعت في القمــر..

فهل حركتي ضفائرك قليلا!

-عندما سألتك عن صورتك قلتي" ستذكرني"..

هل هذا الفعل بتلك الصيغة تبييت للهجر!!..

هل عشتك وهما أكبر من أحلامي!!..

يوما ما سأهديك صورتي ..مكتوب عليها "لماذا!!"..

-المواسم اربعة ..أعيشها كلها أحيانا في لحظة وسرعان ما تختفي..لتحتفل بعذابي..

"أنتي والحب والعذاب والقدر"..ولكن من أنا؟؟

أنا السنة وأنتي في كل المواسم..

-هل خرج الحب من بين راحتي الخلود ..أم خرج الخلود من بين راحتي الحب..

أفتش في فلسفة القلوب ولكن ما ألقاه..وما يتأبد في صدري..

أن الحب والخلود إجتمعا كي يخلقا ما يحقق لكل منهما الاخر..

إجتمعا كي يخلقا عيناك..

-يوما كنت سأزرع بذرة قرص الشمس في خديك لأحصد ياسمين وبلابل..

لكن القمر علي جبهتك يغار..

ويلقي ببذور قمرية ..

فوجدت عيونك ..