"الخروف ليه قايم ؟..وحيد القرن نايم" مش عارف ليه الأغنية دي أساءت الإستياء في البيت عشان بغنيها للأطفال رغم إن كل أغانينا الطفولية فيها حيوانات وملهاش معني ..
يعني هو منطقي إن طفل يغني "افتحولي الباب ده الجاموسة والدة" طيب ايه علاقة الباب بالجاموسة ؟وهي الجاموسة حارسة ع الباب يعني ولا ايه مش فاهم!
وغنوة تانية "كيلو بامية القطة العامية"طيب ازاي وبأي منطق دي حاجة تتغني ؟وطفل صغير ليه يتخيل منظر بشع لقطة عامية؟دي طفولة دي؟
واغنية محمد ثروت جدو علي عندو خروف وعنده بطة وعنده زفت..يا عم ايه علاقة الأطفال بالحيوانات ؟ يعني المفروض نربيهم تربية عولمية بالعصر السياسي اللي عايشينه ده ..يبقي جدو علي عنده مفاعل..وحسين أهو سارح في الفاعل..
تبقي اغنية لذيذة فيها حماس وعزيمة ..
وبعدين اما أغني "الخروف ليه قايم..وحيد القرن نايم" انا شايف انها منطقية جدا وزيها زي الجاموسة والدة مش فاهم ليه معترضين ..طيب عندي غيرها بقي كمان خدو دي:
"الكرسي بيعمل طقاطيق..وأنا حاسس بهجوم بطريق"
"بصحي أنا بدري ودايما أفز..أسلك باطي بريش الوز"
وبدل كيلو بامية "كيلو بطارخ..خرتيت صارخ"
وحتي أغنية الأطفال الأشهر مليانة بالتهديد والوعيد .أغنية محمد فوزي بيقولك ايه بقي"قام مديله حقنة كبيرة ..عارف أداله الحقنة ليه؟" وفي هذا الكوبليه يتبول الأطفال خوفا من التهديد والوعيد الشديد..
وبرضه في الأغنية دي حيوانات "ذهب الليل والعصفور صوصو".."شاف القطة قالها بسبس"
وأغنية ايمان البحر درويش"في البحر سمكة..علي الشط واقف صياد بشبكة"يعني شوف الرعب ياأخي يعني بدل ما نتأمل في جمال السمكة بيقول الطفل "علي فكرة الصياد واقف اهو وهيقتلها ..وضحكة شريرة..ههههههههه..هيقتلها انتي فاهمة"
وأغنية محمد ثروت"يا طيور النورس" طيور بقي المرة دي مش حيوانات ماهو الأطفال مبتفهمش إلا الطيور أو الحيوانات..عقم من مؤلفي أغاني الاطفال.
يعني المجال مفتوح للتوحش علي الأطفال زي ما إنتم عايزين ..قطة عامية وجاموسة والدة طيب مافيش صقر جارح ولا حاجة ..
رفقا بالأطفال ولا هي أي حاجة بتتقال..عندهم برة أناشيد جميلة جدا للأطفال وإحنا هنا بنرعبهم من صغرهم ..ولا الألعاب بتاعتنا يا عيني علي التنمية الفكرية وتنمية المهارات..كهربا شد الكوبس..وكيكة علي العالي والواطي..حتي اسم الألعاب ينرفز أصلا..
والبلي الرياضة المصرية الأولي والمفروض تدخل الأولمبياد ساعتها الشحاتين هياخدوا الدهبية واللهي..
واللعبة المصرية الأصيلة المرعبة"صنم فك صنم "مخترعها عبقري المفروض ينضم لإتحاد المصارعة هو ومخترع عنكب يا عنكب وهي أكيد مش موجودة برة بإسم
spider ya spider
يعني هو منطقي إن طفل يغني "افتحولي الباب ده الجاموسة والدة" طيب ايه علاقة الباب بالجاموسة ؟وهي الجاموسة حارسة ع الباب يعني ولا ايه مش فاهم!
وغنوة تانية "كيلو بامية القطة العامية"طيب ازاي وبأي منطق دي حاجة تتغني ؟وطفل صغير ليه يتخيل منظر بشع لقطة عامية؟دي طفولة دي؟
واغنية محمد ثروت جدو علي عندو خروف وعنده بطة وعنده زفت..يا عم ايه علاقة الأطفال بالحيوانات ؟ يعني المفروض نربيهم تربية عولمية بالعصر السياسي اللي عايشينه ده ..يبقي جدو علي عنده مفاعل..وحسين أهو سارح في الفاعل..
تبقي اغنية لذيذة فيها حماس وعزيمة ..
وبعدين اما أغني "الخروف ليه قايم..وحيد القرن نايم" انا شايف انها منطقية جدا وزيها زي الجاموسة والدة مش فاهم ليه معترضين ..طيب عندي غيرها بقي كمان خدو دي:
"الكرسي بيعمل طقاطيق..وأنا حاسس بهجوم بطريق"
"بصحي أنا بدري ودايما أفز..أسلك باطي بريش الوز"
وبدل كيلو بامية "كيلو بطارخ..خرتيت صارخ"
وحتي أغنية الأطفال الأشهر مليانة بالتهديد والوعيد .أغنية محمد فوزي بيقولك ايه بقي"قام مديله حقنة كبيرة ..عارف أداله الحقنة ليه؟" وفي هذا الكوبليه يتبول الأطفال خوفا من التهديد والوعيد الشديد..
وبرضه في الأغنية دي حيوانات "ذهب الليل والعصفور صوصو".."شاف القطة قالها بسبس"
وأغنية ايمان البحر درويش"في البحر سمكة..علي الشط واقف صياد بشبكة"يعني شوف الرعب ياأخي يعني بدل ما نتأمل في جمال السمكة بيقول الطفل "علي فكرة الصياد واقف اهو وهيقتلها ..وضحكة شريرة..ههههههههه..هيقتلها انتي فاهمة"
وأغنية محمد ثروت"يا طيور النورس" طيور بقي المرة دي مش حيوانات ماهو الأطفال مبتفهمش إلا الطيور أو الحيوانات..عقم من مؤلفي أغاني الاطفال.
يعني المجال مفتوح للتوحش علي الأطفال زي ما إنتم عايزين ..قطة عامية وجاموسة والدة طيب مافيش صقر جارح ولا حاجة ..
رفقا بالأطفال ولا هي أي حاجة بتتقال..عندهم برة أناشيد جميلة جدا للأطفال وإحنا هنا بنرعبهم من صغرهم ..ولا الألعاب بتاعتنا يا عيني علي التنمية الفكرية وتنمية المهارات..كهربا شد الكوبس..وكيكة علي العالي والواطي..حتي اسم الألعاب ينرفز أصلا..
والبلي الرياضة المصرية الأولي والمفروض تدخل الأولمبياد ساعتها الشحاتين هياخدوا الدهبية واللهي..
واللعبة المصرية الأصيلة المرعبة"صنم فك صنم "مخترعها عبقري المفروض ينضم لإتحاد المصارعة هو ومخترع عنكب يا عنكب وهي أكيد مش موجودة برة بإسم
spider ya spider
Posts
No comments:
Post a Comment