واقــــع غــــبي

اه لو تعودي..

يتبدد الخيط الرفيع..

بين حياتي وبين وجودي..

ده في قلبي ليل ..

ناقصه القمر..

لحظة غروب ملك القدر..

سابت ألم..

والله ما يوصفه ميت قلم..

رجعت تسلم من جديد..

لكن مشوفتش ايه جديد..

إلا العذاب..

خاتم رقيق..

في الرقة دي جبروت رهيب..

بيقولي مات الإختيار..

ولقيت كمان شمس النهار..

من غربتك..

عيش إنت كمل وحدتك..

مش عايزة أحس بقوتك..

في حاجات كتير غير الشعور ..

في قصر عالي ..حصان ..وسور..

الدنيا مش قلبين وبس..

خاتم فصيح..

قال اللي إحنا مقولنهوش..

شاف اللي إحنا مشوفنهوش..

أنا مش هأكمل وحدتي..

سهران مع الموت والعذاب..

قافل ورايا ألف باب..

لحسن أحس نسيم جديد..

مش عايز أحب هأفضل بعيد..

عايش نبي في واقع غبي..

وقصوره شربت ألف كاس..

في صحة الناس والقلوب..

نخب الحياة..نخب العذاب..

دفن الحبيب راسه في تراب..

عاد من جديد..

إنسان جديد..

عابد لكل السلطة دي..

عابد لكل السطوة دي..

قلبه حديد..

ولا يعرف الحب اللي كان..

لو شاف ملاك..

هيقول طريقه من الهلاك..

لمعة خواتم تعمي قلب..

تدفن قلوب وتطيح بحب..

علي عرش روح..

صبت جروح..

عملت ملامح شر عاش..

أماالحبيب راح يوم مجاش..

ضمر الضمير ماتت حياة..

مرسوملها ميت طوق نجاة..

لكن خاتمها كان أشد..

ولا شاف حبيب ولا همه حد..

دمر وجود..موت قلوب..

راجع يدمع جاي يتوب..

ده معدش حب..

قالت خلاص..

راجعة وخلاص..

طلع الجبان ده محبنيش..

راجعة عشانك سيبني أعيش..

ده حياتي من غيرك عذاب..

رد وقال موتي في عذاب..

حبك ده راح عمره إنقضي..

خاتمك مغطيه الصدي..

روحي وشوفي حبيب جديد..

انا قلب تاني مشوفتيهوش..

انا أقوي من حب ورتوش..

أنا نبض مخلوق من حجر..

محروق في محرقة البشر..

عيشي الحياة..

إخترتي بإيديكي العدم..

هيفيد بإيه صوت الندم..

روحي لخاتمك وإلبسيه..

وشوفي مات كام حلم فيه..

شوفي أوي..كان نبضي فيه..

كنتي الحياة..لكن الحياة..

خلقتني شر لمنتهاه..

خلقتني وهم جديد سعيد..

خلقتني روح لو يوم تبوح..

هتبوح بجرحك وقت عيد..

موتي رقيق..

خاتمك جرئ..

موتي إنتي أبعد من الوجود..

روحي بعيد..

هأفضل وحيد..