يا طعامة أمـــك يا مهـــند

عندما خلق الرجل خلقت معه التضحية وعندما خلقت المراة خلقت معها الهيافة ثم اختفت..وعندما وجد مسلسل نور انفجرت هذه الهيافة المخفية في صورة إمرأة "
ديستويفسكي..أو تقريبا كناس في شارع الزيتون..


"أنا مش بقدر انام الليل من مهند ..يا سلام ايه الجمال ده..ده الراجل اللي بحلم بيه في حياتي انا مش هأرضي بأقل من كده في حياتي"عائشة الكيلاني تتحدث..


"ولا ثقافته ولباقته مافيش مده هو أكيد هيحبني برضه لأننا نفهم بعض أوي" نوال السعداوي تتحدث..


"هو أنا جوزي ده جوز ده لوح خشب يا سلام علي مهند وحلاوته وجماله وشياكة أمه يا ناس" خالتي أطاطا تتحدث..


لكل بنات مصر هأقول كلمتين وحطوها حلقة في ودنكم..اللي منكم عايزة تتجوز مهند لازم تملك جسم هيفاء وهبي ووجه نانسي عجرم ولياقة مريام فارس وساعتها والله هيفكر ممكن..
انما بالوضع الحالي فأحلموا مع الحالمات الثلاثة ..اما ان انتي عائشة الكيلاني فاحلمي بجماله..او نوال السعداوي فأحلمي بلباقته..أو شبه خالتي أطاطا فإحلمي بيه كله..
انما تاني حكمة معانا النهاردة ليكم يا بنات "اذا اردتي توم كروز عريسا فكوني كاترين زيتا جونز"
انما الهوس المرضي بتاع كل سنة ده بقي ممل وخنيق أوي ..السنة اللي قبل اللي فاتت "يااه جمال سليمان اوووه"..السنة اللي فاتت"تيم الحسن واووووو" ..السنة دي"مهند أوبح أوبح"
لا بجد كفاية الموضوع زاد وبيشكك الرجالة والعرسان في عقلية البنات اساسا ودي مشكلة كبيرة ..لأن حتي السطحية بيبقي ليها حدود ..انما مينفعش الرجالة تتجوز واحدة ميح خالص كده..
ده كده مرحلة ما بعد الطراوة يا بنات ..
والسنة الجاية مش عارف هيجيبوا مين ..بس كويس انا فرحان بكده لأن بيظهر معدن البنت فعلا في الوقت ده وبتنفجر منها طاقة الهيافة المستخبية والمكتومة جواها ..مهند اووووووووووووووووووووووووووووووووووووووه
طيب اشمعني الرجالة مبيقولوش هيفاء أووووووووووووووه ونانسي اووووووووووووه ومريام فارس اوووووووووووووه وقناة ميلودي كلها أوووووووووووووه..
لأن الراجل بطبيعته مش بيدمن حاجة بعينها أو نظره أشمل وأوسع من كده بيبص من أفق تاني غير أفق البنات..اللي بيقف عند مهند ولا تستمر الحياة..
الكارثة الحقيقية اني سمعت ان بنات اغما عليهم أما قابلوه..وبجد كان نفسي البس بدلة ميلودي تتحدي الملل وافتح الموسيقي وأنزل المنظار وأشوفهم بيضة كبيرة وأقتلهم بفاسي ..

الكلام ده موجه لبنات معينة لأن بجد في بنات عقليتها واسعة .. أه واللهي إحتمال ..بتهيألي في أكيد..