جمهور الأو تي في جمهور عريض لكن عيب القناة دي حاجة واحدة اللغة اللي بتتكلم بيها وسطحية المجتمع المثقف ..غريبة الكلمة دي لكن فعلا ساعات بحس ان المجتمع اللي بيقولوا عليه
مثقف أوي أحيانا بيقول أي كلام خصوصا في مواضيع بعيد عنه شوية..وفي حلقة النهاردة من حبة عسيلي كان بيسأل بعض الجمهور عن سؤال غريب اوي ..ليه ربنا فرض الصلاة؟وده سؤال مقبول لكن المشكلة في الإجابة..
جاب مجموعة شباب باين عليهم روشين وكل حاجة لكن إجاباتهم كانت بجد كأني بشوف تامر وشوقية جزء جديد..وفكرني بنكتة كانت جاية لي علي الموبايل عن واحدة لبنانية راحت تحج ..
كانت أول إجابة بتقول:مش عارفة جايز عشان ربنا يحبنا ونبقي كول عند ربنا..
وإجابة أخري بتقول الصلاة نوع من ال
systematic operations
أما المذيع فبيقول انه بيصلي عشان هو مؤدب..
والإجابات اما تشوفها مباشرة كده ورا بعض تموت من الضحك ولكن أحيانا بيكون في بعض طلبة كليات القمة زي الكندية والألمانية وخلافه من الكليات الكبيرة دي فعلا بالسذاجة دي وطبعا مش الكل ..
لكن بيجاوبوا الإسئلة بشكل عرضي أو بعنطزة يعني مش عايز يقول معرفش فبيقول أي كلام ويدخل كلمتين هبل بيزيدوا الطينة بلة ..
وكتير من الإجابات برضه اللي بتشوفها من فئة الشباب اللي مربي شعره كبير أوي زي شعر أحمد مكي وواقف في المول مثلا ييجي مذيع يسأله ايه رأيك في الحب
يقوله "معدي وكول أخر حاجة"...يعني الحب هو "شئ معدي وأخر حاجة" بجد تعريف جديد وشيق ..!!!
معرفش ليه جمهور ساقية الصاوي برضه بحس انه كده ..غريب شوية واما تقرب منه أوي تعرف انه كان راسم الغرابة عشان غرض معين..ناس منهم ولا بيحب افتكاسات ولا بيحب فريق وسط البلد ولا حاجة
بس لازم يروح ..عارف ليه عشان يتقال عليه كول ومثقف وحاجة أخر حاجة..طيب ما انت منساق أخر حاجة ..وبتسمع ساعات كلام أهبل أخر حاجة برضه..
مش عارف هي الثقافة ليه دلوقتي عاملة كده صناديق وعلب..شوية بتوع الرسم التجريدي والسريالي وينكشولك شعرهم وكأن كل الرسامين كانوا كده مش عارف جابوا الفكرة دي منين..وشوية عايشين في وهم ساقية الصاوي ..
اللي بيضيعوا احيانا وقتهم هناك بشكل مبالغ فيه بدل ميقرا هو نفسه حاجة بيروح يسمع مثلا كتاب والنقد عليه وهو مقراش حتي الجريمة والعقاب ..طيب ليه..
إبدأ بالأساسيات الأول وأما تلاقي نفسك خلاص جامد وكده إبدأ تابع بقي الأدب الكول الجديد..والفرق الغنائية الكول برضه..لكن مش معقول أقول إن فرقة وسط البلد دي عبقرية وخلافه وأنا مسمعتش فرق تانية أصلا ومسمعتش مثلا فرق أجنبي بأبسط كلمات..
مش هأكلمك عن اللي كلماتهم فيها جمل لشبنهاور..لكن أما تقولي كلمات وسط البلد عبقرية أقولك أسف جدا لكن إنت بتقارن باللاشئ وده غلط..كل حاجة عشان يبان جمالها أبقي قارنتها بشئ ما ولو حتي في خيالي ..
أكيد أن أول فرقة هأسمعها هتعجبني ..لكن إستني لعاشر فرقة عشان اعرف مستوي الفرقة دي ايه بالظبط..
المهم انا هأمشي بقي أخر حاجة..
مثقف أوي أحيانا بيقول أي كلام خصوصا في مواضيع بعيد عنه شوية..وفي حلقة النهاردة من حبة عسيلي كان بيسأل بعض الجمهور عن سؤال غريب اوي ..ليه ربنا فرض الصلاة؟وده سؤال مقبول لكن المشكلة في الإجابة..
جاب مجموعة شباب باين عليهم روشين وكل حاجة لكن إجاباتهم كانت بجد كأني بشوف تامر وشوقية جزء جديد..وفكرني بنكتة كانت جاية لي علي الموبايل عن واحدة لبنانية راحت تحج ..
كانت أول إجابة بتقول:مش عارفة جايز عشان ربنا يحبنا ونبقي كول عند ربنا..
وإجابة أخري بتقول الصلاة نوع من ال
systematic operations
أما المذيع فبيقول انه بيصلي عشان هو مؤدب..
والإجابات اما تشوفها مباشرة كده ورا بعض تموت من الضحك ولكن أحيانا بيكون في بعض طلبة كليات القمة زي الكندية والألمانية وخلافه من الكليات الكبيرة دي فعلا بالسذاجة دي وطبعا مش الكل ..
لكن بيجاوبوا الإسئلة بشكل عرضي أو بعنطزة يعني مش عايز يقول معرفش فبيقول أي كلام ويدخل كلمتين هبل بيزيدوا الطينة بلة ..
وكتير من الإجابات برضه اللي بتشوفها من فئة الشباب اللي مربي شعره كبير أوي زي شعر أحمد مكي وواقف في المول مثلا ييجي مذيع يسأله ايه رأيك في الحب
يقوله "معدي وكول أخر حاجة"...يعني الحب هو "شئ معدي وأخر حاجة" بجد تعريف جديد وشيق ..!!!
معرفش ليه جمهور ساقية الصاوي برضه بحس انه كده ..غريب شوية واما تقرب منه أوي تعرف انه كان راسم الغرابة عشان غرض معين..ناس منهم ولا بيحب افتكاسات ولا بيحب فريق وسط البلد ولا حاجة
بس لازم يروح ..عارف ليه عشان يتقال عليه كول ومثقف وحاجة أخر حاجة..طيب ما انت منساق أخر حاجة ..وبتسمع ساعات كلام أهبل أخر حاجة برضه..
مش عارف هي الثقافة ليه دلوقتي عاملة كده صناديق وعلب..شوية بتوع الرسم التجريدي والسريالي وينكشولك شعرهم وكأن كل الرسامين كانوا كده مش عارف جابوا الفكرة دي منين..وشوية عايشين في وهم ساقية الصاوي ..
اللي بيضيعوا احيانا وقتهم هناك بشكل مبالغ فيه بدل ميقرا هو نفسه حاجة بيروح يسمع مثلا كتاب والنقد عليه وهو مقراش حتي الجريمة والعقاب ..طيب ليه..
إبدأ بالأساسيات الأول وأما تلاقي نفسك خلاص جامد وكده إبدأ تابع بقي الأدب الكول الجديد..والفرق الغنائية الكول برضه..لكن مش معقول أقول إن فرقة وسط البلد دي عبقرية وخلافه وأنا مسمعتش فرق تانية أصلا ومسمعتش مثلا فرق أجنبي بأبسط كلمات..
مش هأكلمك عن اللي كلماتهم فيها جمل لشبنهاور..لكن أما تقولي كلمات وسط البلد عبقرية أقولك أسف جدا لكن إنت بتقارن باللاشئ وده غلط..كل حاجة عشان يبان جمالها أبقي قارنتها بشئ ما ولو حتي في خيالي ..
أكيد أن أول فرقة هأسمعها هتعجبني ..لكن إستني لعاشر فرقة عشان اعرف مستوي الفرقة دي ايه بالظبط..
المهم انا هأمشي بقي أخر حاجة..
Posts
No comments:
Post a Comment