استني..هتدي صوتك لمين ؟؟

ازاي الناس بتصوت في الانتخابات ..سؤال هام جدا..بتجيب عنه دراسات من كامبريدج في كتاب عن كيفية تصويت الناخبين في انتخابات وكان النموذج انتخابات امريكية ونشوف الناس ازاي بتختار بين معسكرين .

الكتاب اسمه

How Voters Decide Information Processing in Election Campaigns (Cambridge Studies in Public Opinion and Political Psychology) by Richard R. Lau, David P.Redlawsk

في اول جزء يتم الحديث عن اهمية الاخذ بالاعتبار باهمية ليس فقط عدد الاصوات لمرشح ولكن بعدد الاصوات الصحيحة..ولكن كيف يتم تحديد اا كان الصوت صحيح او غير صحيح ده بيحدده الكتاب بحسب عملية البحث عن المعلومات عن المرشح وعمق المعلومة اللي وصلتك عنه ونقاط اخري وبيقول الكتاب في نبذى عن الموضوع ده اللي كان مفرودله فصول في الكتاب :

We should care about not just which candidate received the most votes, but also how many citien voted correctly – that is, in accordance with their own fully informed preferences

ودلوقتي هنتكلم عن نماذج من الناس اللي بتروح تحط صوتها بتكون رأيها ازاي وده غالبا بيكون النماذج في كل مكان حسب احصائية كامبريدج ودراستها وابحاثها :

نماذج من يدلون باصواتهم في العملية الانتخابية :

1- النموذج الاول :

شخص يدعي ويليام بيقول انه بيكون رايه عن المرشح من المعلومات اللي بياخدها عنه من خلال الجرايد والاحاديث التليفزيونية وبيكثف بحثه عن الحاجات دي عشان يقدر يحدد يدي صوته لمين في المرشحين ويشوف مين فيهم الاقرب لتحقيق طموحاته.

2- النموذج الثاني :

واحدة اسمها "انا " بتقول انها بتبص فقط لجبهتين ومش بتبص للباقي لانهم الاقرب للفوز يعني هي بتحدد رايها حسب قوة المرشح وحسب احتمالية فوزه والاقرب للفوز بتديله صوته !

3- النموذج الثالث :

واحد اسمه "وارين" بيقول انه بيحدد حسب خبرة كل طرف السياسية واللي بيلاقي ليه خبرة سياسية اعمق من خلال تاريخه بيديله صوته

4- النموذج الرابع :

"تريسا" بتقول ان حسب اللي هيخلي الحكومة تصرف علي التعليم ويخلي فيه صلاة في المدارس ..دي كل طلباتها الشخصية !

5- النموذج الخامس :

"هربرت" بيقول انه هيشوف الناس بتقول ايه عن كل مرشح وهو هيحدد رايه بعد كده وحسب كلام الناس عنه وعن حزبه يعني مالوش راي محدد ولكن هيستني راي الناس .

نيجي دلوقتي نحلل النماذج دي كلها ونشوف ازاي فكروا لمين هيدوا صوتهم :

****النموذج الأول "ويليام" بيسموه ال

Classic rational voter

النموذج اللي بيدور عن المعلومات وان المعلومات دي هي اللي هتحدد صوته رايح لمين وبيسعي لجمع اكبر عدد من المعلومات عن المرشحين جميعهم

وبيقولوا عن النموذج ده انه النموذج العقلاني واللي بيصنع قرار هادئ ومتزن

Rational Choice:

Dispassionate Decision Making

والحافز للاختيار هو التفضيل الشخصي او المصلحة اللي هتحقق طموحاته

Self-Interest

**النموذج الثاني اللي هو "انا" بتكون قريبة من النموذج الاول ولكن بدون "النهم المعرفي" عند ويليام فمبتجمعش معلومات زيه عن المرشحين وبتستني حد يجمعلها المعلومات ويقولها مش بس كده دي كمان بتقول "مش هتفرق يعني لو الطرف ده او الطرف الاخر نجحوا لان ده مش هيفرق في حياتي ".!

وبيسموا النموذج ده

Fast and FrugalDecision Making

ودي بتشترك معاها فيه "تريسا" كمان لان هم الاتنين مش بيدوروا علي المعلومات او بيدوا للمعلومات تكلفة بحث فبيفضلوا انهم ميجمعوهاش وملهومش اوي في المجال السياسي عموما او معندهمش وقت للسياسة

والحافز للاختيار هنا هو ال

Efficiency

**النموذج الثالث "وارين" ده بيدوله جملة تلخص موقفه

Early Socialization and

Cognitive Consistency

وكمان بيعتمد في اختياره علي الكفاءة وبيدي صوته للطرف الاكفأ سياسيا من خلال المعرفة بيه مجتمعيا .

والحافز للاختيار هنا هو ال

Cognitive Consistency

***النموذج الأخير هو "هربرت" برضه ده بيجمع معلومات قليلة جدا اثناء الانتخابات وهو مختلف عن كل النماذج السابقة تماما ومالوش راي محدد ويسموا النموذج ده

Bounded Rationality and

Intuitive Decision Making

و عملية اخذ القرار بالبديهة ..والحافز هنا لاخذ القرار هو :

Making the best possible decision with the least amount of effort; Avoiding value tradeoffs

طيب دلوقتي الكل بيبحث عن المعلومات عن المرشح ازاي بقي بيكون التصويت صحيح وقائم علي أسس سليمة أو لا ؟؟

ده بيكون علي حسب عملية البحث ..يعني حسب اربع حاجات بتحدد كفاءة عملية البحث عن المعلومات وهي

Comparability of search

Sequence of search

Cognitive effort

Depth of search

والنظرية الكلاسيكية الديموقراطية بتقول "لكي تصبح الديموقراطية عملية حقيقية لابد للمواطنين ان يكونوا مهتمين ويعطوا انتباههم ويتشاركون في العملية السياسية والتي تسمح للمواطنين باخذ قرارات سياسية مبنية علي مبادئ تعكس اهتمامتهم "

بعض الناس قد تقتقد للمشاركة السياسية او المعلومات السياسية وعشان كده بيكون المشاركة ليهم بناءا علي اهواء وكمان ممكن لا يتم التصويت منهم تماما اصلا.ولكن المهم هو مشاركة من هم في العملية السياسية وغالبا سيتبعهم باقي المجتمع.

وفي العملية الانتخابية كتير بيتم الاختيار عن طريق طريقتين

on-line or memory-based evaluation

الاختيار بناءا عن تجارب المرشح ده اللي انت فاكرهاله او عن طريق مثلا برنامجه الحالي او هيعمل ايه لبكرة.

ودي كانت ابحاث كامبريدج في الكتاب الرائع الغني بالمعلومات عن العملية الانتخابية واللي حدد انماط المنتخبين وازاي بيحددوا صوتهم وده ينطبق علي النموذج المصري كمان في الانتخابات .