ولسه الحـــب ألــف ســؤال

ولسه الحب ألف سؤال..
بيظهر في العيون ويغيب..
ويرسم فيها إسم حبيب..
ويكتب للقدر إسمه..
ويسأل حتي لو نفسه..
وعايز يعرف ايه الحب!
أقولك يعني ايه الحب..
دي لوحة خالقك الفنان..
بيجمع فيها بين قلبين..
وطيف للعشق بين روحين..
يتوه العشق في المعشوق..
ليصبح هو نفسه الحب..
يتوه اسمه في غرام الفه..
وييجي يقولك انت الحب..
وتسأل تاني ايه الحب..
أقولك تاني ايه الحب..
أقولك يبقي قلبك ده ..
بيرحل بس بين نفسه..
يمد ليومه من أمسه..
يعيش علي ألف سيرة حب..
ويكتب بس بإسم الحب..
ويرسم بس لوحة حب...
ويبقي في حالة الإبداع..
مابين غيبوبة العاشق..
وبين إنشودة الإمتاع..
ويمكن هو ده الحب..
ولكن لو سألت أكتر..
أقولك يبقي قصدك عشق..
نلاقي حاجة جوانا..
تزلزل روحنا وسمانا..
في كفك خط عمر حبيب..
ولو دمع علي خدك..
ولو غمض روحي تغمض..
بيبقي العشق جوانا..
ده صورة فيها رسم حبيب..
بيجري الدم من دمه..
ولو يزعل تكون همه..
ولو يضحك بتتبسم..
وروح جواك بتتنسم..
وبتلملم ورود عمرك..
عشان تديله زهرة شوق..
تلاقي وردته في ايدك..
لإنكوا كنتوا شئ واحد..
ويمكن هو ده العشق..