أمـــــير مـــــنفي

خرجت لدنيتي مني..
ورفرفت بملاك روحي..
شرقت وضلمتي تعمي..
أنين جرحي صلب بوحي..
خرجت عشان أكون حارس..
من البدر اللي بيوانس..
خلقت روحين..
أمير منفي علي رموشها..
ومملكته دي بيحوشها من الشطين..
مافيش أجمل من المنفي ..
لو المنفي علي عيونها.
مافيش اجمل من المقتول..
لو الإعدام علي جفونها..
عصير الصبح خدرني..
ودوبني في جفا ليلي..
ولو عينها تقدرني..
أسيب ضعفي بعفا حيلي..
نصيب الشمس في خدودها..
دموع شاردة..
رميت القمرة من عودها..
بميت وردة..
رجعت وضحتكي دامعة..
ومش حاسة ومش سامعة..
كأن جمالها كان جني..
وروحي بتنسحب مني..
لبسمتها..
أنا مسكون ببسمتها..
أنا مهموم ببسمتها..
أنا عايش ببسمتها..
في ضعفي تلاقي قوتها..
وأنا المجنون..
ومش بس الهوي مجنون..
لمست رحيلي في إيديها..
رحيل قلبي اللي بيعاني..
بكيت نفسي علي عنيها ..
في ريعان الجوي التاني..
ومش بأبكي علي نفسي..
أنا فعلا بكيت نفسي..
لقيت روحي دي مكسورة..
في دمعة حزينة مأسورة..
تقول يا عيون تخلصني..
وأنا يارب خلصني..
من الروعة..
دي حكمة بنت مسكونة بيت اللوعة..
مش أصعب من غني الروحين..
وصوت أعلي..