بنزين 95

الواد ماشي بالعربية ..ياراجل!!!!!

الواد فاتح التكييف كمان..لا مش ممكن!!

دي اخر كلمات هتنضاف لقاموس حياتنا بعد اسعار البنزين الجديدة..

دلوقتي عشان أفول أطلع المياية كده وش ..هفول في حدود 80 جنيه يعني الناس تقعد في بيتها احسن وبلاش سفر ولا لف في الشارع حتي..اهو ده السعر اللي نشتريله جزمة اديداس علي راي خالتي اطاطا..

جزمة حلوة اصلي كده تعيش واقضيها موتورجل وعيش..

وطبعا ده هيخلي العريس صاحب العربية ليه اولوية اكبر يعني هي اصلا بيعة وشروة هتنبقي كمان ليها حسابات خاصة..يعني اللي عنده عربية تمام اما لو عنده عربية وبيلف بيها يبقي مش ممكن اما لو فتح التكييف بقي يبقي عدي..

الحاجات اللي كانت عادية جدا زمان دلوقتي بقي اللي يعملها سوبر مان ..ده غير اسعار التراخيص الجديدة ..ياحبذا لو كل الناس تبيع عربياتها احسن بدل الحسابات دي كلها..

ودلوقتي كل لف في الشارع كل لتر في اللفة هيحرق 185 قرش يعني انت ماشي بتسقط من جيبك كل دقيقة 185 قرش ..

طبعا القرار ده هيقلل الزحمة في الشوارع جدا ده اساسي خاصة في بعض مناطق القاهرة المزدحمة جدا..بصرف النظر عن الناس اللي مش فارقة معاها بس كتير جدا يفرق معاهم يعني اللف دلوقتي بحسابه بجد..

يعني تخش وتحط رجل علي رجل وتقول لحماك يا عمي انا عندي عربية يقولك الله يا ابني ..تقوله وبلف بيها كمان يقولك يا عيني يا سلام ..تقوله وساعات كمان بفتح التكييف يقولك اللللللللله سمعني كمان يا ابني..

أريح خالص بطل لف..

والشكمان وكاوتش وحف..

فولي اوام بقي 90

لو راجل 95 ..

البس كوتشي وريح بالك..

وامشي براحتك ربي عيالك..

بيفول وبياكل فينو ..

ما يعيب راجل غير بنزينو..