كان مطرب الراب الشهير ايمنيم فقيرا معدما وكانت امه بتوريه النجوم في عز الضهر وحياته فعلا عذاب لهذا
اتجه لطريق الشهرة والنجومية وبدأت نجومية ايمنيم كما بدأت معظم نجوميات فنانين هوليوود من مصر المحروسة
هوليوود الشرق والشمال والجنوب كمان ومفرخة النجوم ومفخرة الفن..بعد ان ترك ايمنيم امه وسبلها ميت ملة
ذهب ايمنيم للبحث عن عمل واول ما راح لمكاتب التعيين ..يجد اليافطة الامريكية معلقة"مافييش تعيين يا برنس الليالي
بالانجليزية"no recruting ya prince el nights"
ويئس ايمنيم جدا وبدا في الاتجاه لمكاتب الهجرة واول مكتب دخله قاله"بص يا ايمنيم يا ابني ..انا هاوديك مكان هيكبرك ويلمعك ويخليك نجم بجد طالما عندك موهبة سيبك يا ابني من هوليوود بتاعتنا دي انا هوديك هولييود الشرق ..مصر يا ايمنيم ..مصر"
وهنا بكي ايمنيم وطلعت فجأة موسيقي رافت الهجان من هول الموقف..واتجه ايمنيم لاول سفينة هجرة غير شرعية من امريكا لمصر والتي عادة ما ياكلها البحر ويقتل الشباب الطموح في الهجرة لمصر ارض الاحلام..وبدات اذاعة الشرق الاوسط الامريكية تذيع اغاني وطنية "ليه تهاجر يا ابن بلدي بلدك اولي بيك ..امريكا احسن من غيرها دي بلدك اللي مربياك" وحس ايمنيم بالذنب ولكن ماذا يفعل هو بين اختيارين صعبين جدا مصر وامريكا واي حد في مكانه طبعا هيختار مصر..ليه هيختار مصر؟لان دي بلد جرجس وعم نصر والطفل في ايده حفيده بيصلي العصر يعني كل الاسباب منطقية جدا ولو قولتها لاي امريكا يقتنع يعني ملعون ابو ام التكنولوجيا والفن والمدنية لكن احنا عندنا جرجس مع عم نصر ..
وبدا ايمنيم يحاول كسب رزقه في السيدة كما دله احد الشحاتين ولكن كان دائما ما يغني الراب مع الناس محدش كان بيديله فلوس لانه بيغني راب مش محترم..واحتار ايمنيم سنين علي ما نزل في مرة يسكر في احد الحانات في شارع الهرم ووجد الحل..اخيرا عرف ايمنيم الحل في فنه وايه الخطوة اللي هتنطره لفوق في امريكا الفقرانة دي ..جحظت عينا ايمنيم اول ما سمع اغنية"اوعي بنات القلعة ياكلوها وهي ولعة..وانت داخل امبابة سلملي ع الدبابة "
ذهل ايمنيم من روعة الكلمات المصرية واول ما ترجمها قال وجدتها ..وفعلا ايمنيم اصبح نجم امريكا الاول حاليا عارفين ليه؟
بسبب الفن المصري لان بعد مرور سنتين رجع ايمنيم لبلده بخفي حنين ولكن معاه السر المصري ..الفن المصري ..
وسجل اول اغانيه اللي كسرت الدنيا وخليته المطرب الاول
"اوعي بنات نيو جيرسي شرسين وبياكلم جيرسي..
وانت داخل هوليوود هتلاقي البيض والسود..
اوعي بنات فيلادلفيا ومنهم سالي وسيلفيا"
وانتقلت العدوي لكل المطربين سواء اسباني او ارجنتيني او اسيوي وفي كل العالم
في اسبانيا"اوعي بنات مدريد العود جامد وشديد"
"اوعي بنات الصين مش ممكن شو حلوين"
"اوعي بنات باريس في حلاوتهم هتهيص"
"اوعي بنات ناميبيا جمالهم سمع ليبيا"
وهكذا غزا ايمنيم العالم ولكن بسبب الفن المصري
تحيا مصر
اتجه لطريق الشهرة والنجومية وبدأت نجومية ايمنيم كما بدأت معظم نجوميات فنانين هوليوود من مصر المحروسة
هوليوود الشرق والشمال والجنوب كمان ومفرخة النجوم ومفخرة الفن..بعد ان ترك ايمنيم امه وسبلها ميت ملة
ذهب ايمنيم للبحث عن عمل واول ما راح لمكاتب التعيين ..يجد اليافطة الامريكية معلقة"مافييش تعيين يا برنس الليالي
بالانجليزية"no recruting ya prince el nights"
ويئس ايمنيم جدا وبدا في الاتجاه لمكاتب الهجرة واول مكتب دخله قاله"بص يا ايمنيم يا ابني ..انا هاوديك مكان هيكبرك ويلمعك ويخليك نجم بجد طالما عندك موهبة سيبك يا ابني من هوليوود بتاعتنا دي انا هوديك هولييود الشرق ..مصر يا ايمنيم ..مصر"
وهنا بكي ايمنيم وطلعت فجأة موسيقي رافت الهجان من هول الموقف..واتجه ايمنيم لاول سفينة هجرة غير شرعية من امريكا لمصر والتي عادة ما ياكلها البحر ويقتل الشباب الطموح في الهجرة لمصر ارض الاحلام..وبدات اذاعة الشرق الاوسط الامريكية تذيع اغاني وطنية "ليه تهاجر يا ابن بلدي بلدك اولي بيك ..امريكا احسن من غيرها دي بلدك اللي مربياك" وحس ايمنيم بالذنب ولكن ماذا يفعل هو بين اختيارين صعبين جدا مصر وامريكا واي حد في مكانه طبعا هيختار مصر..ليه هيختار مصر؟لان دي بلد جرجس وعم نصر والطفل في ايده حفيده بيصلي العصر يعني كل الاسباب منطقية جدا ولو قولتها لاي امريكا يقتنع يعني ملعون ابو ام التكنولوجيا والفن والمدنية لكن احنا عندنا جرجس مع عم نصر ..
وبدا ايمنيم يحاول كسب رزقه في السيدة كما دله احد الشحاتين ولكن كان دائما ما يغني الراب مع الناس محدش كان بيديله فلوس لانه بيغني راب مش محترم..واحتار ايمنيم سنين علي ما نزل في مرة يسكر في احد الحانات في شارع الهرم ووجد الحل..اخيرا عرف ايمنيم الحل في فنه وايه الخطوة اللي هتنطره لفوق في امريكا الفقرانة دي ..جحظت عينا ايمنيم اول ما سمع اغنية"اوعي بنات القلعة ياكلوها وهي ولعة..وانت داخل امبابة سلملي ع الدبابة "
ذهل ايمنيم من روعة الكلمات المصرية واول ما ترجمها قال وجدتها ..وفعلا ايمنيم اصبح نجم امريكا الاول حاليا عارفين ليه؟
بسبب الفن المصري لان بعد مرور سنتين رجع ايمنيم لبلده بخفي حنين ولكن معاه السر المصري ..الفن المصري ..
وسجل اول اغانيه اللي كسرت الدنيا وخليته المطرب الاول
"اوعي بنات نيو جيرسي شرسين وبياكلم جيرسي..
وانت داخل هوليوود هتلاقي البيض والسود..
اوعي بنات فيلادلفيا ومنهم سالي وسيلفيا"
وانتقلت العدوي لكل المطربين سواء اسباني او ارجنتيني او اسيوي وفي كل العالم
في اسبانيا"اوعي بنات مدريد العود جامد وشديد"
"اوعي بنات الصين مش ممكن شو حلوين"
"اوعي بنات باريس في حلاوتهم هتهيص"
"اوعي بنات ناميبيا جمالهم سمع ليبيا"
وهكذا غزا ايمنيم العالم ولكن بسبب الفن المصري
تحيا مصر
Posts
No comments:
Post a Comment