الحــــنـــين

بهجر مدن..
أنا كل ليلة في دمعتي..
بهجر مدن..
مباخدش وقت في رحلتي..
دمعي بيسبق خطوتي..
للنور هناك..
وسط الحقايق زي أجساد الصبايا العريانين..
بتموت دقايق زي أرواح اللي ماتوا عاشقين..
والنور طفي..
دمعي اختفي..
لقيتني مش حانن لحد..
طبع الحياة..
هي الحياة مستسلمالي!
ولا الحياة متقمصاني!
فين النجاة!
بللورة حرة دمعتي..
فيها البنات تقرا الكفوف..
والضرب نازل ع الدفوف..
فيها بتنبض غنوتي..
وعرفت ليه بابكي سنة..
لكن مشوفتش مين انا ..
توهة وانين..
يا دمعي مش حانن لها..
ده انا بس حانن للحنين..