انا وقلـــبي

انا

غنيلي شمس ولحن نور
غني النجوم غني البحور
الحلم مش واقف هنا
الحلم ابعد مننا
الحلم طير سافر بعيد
لكن هيرجع مش بعيد
خلي عنيكي مصدقين
خلي شفايفك عطشانين
لبحر جاي مليان حنان
مشتاق يضمك من زمان
ويصدقك وتصدقيه
لو يعشقك راح تعشقيه
يرسم ملامحك في الكلام
يخلق قصايد في الهيام
تطلع بحبك قد ايه
قاقولها تاني وفيها ايه
بحبك
الكلمة اللي داب فيها النسيم
بحبك
اللي سوت كون بيخلق الف مليون مستحيل
بحب..
بتضوي القمر
بحب..
بتنزل مطر
بحب
بتغير بشر
بحب..راح تخلق ورود
مليون قصيدة وناي وعود
غنيلي منها كلها..
ياحب اقتلني في هواك
رقصني فوق جنح الملاك
خليني عين ومدمعة
خليلي روحي المغرمة
مليون سنة
لحد ما احنا ندوب سوا
ونبقي هي مش انا

"قلبي"

انا شعري شايب من زمن
من بنت ملامحها المطر
ضفايرها سايحة علي القمر
وعيونها غير كل العيون
ترقص علي لحن الجنون
تكتب بضحكتها القدر
وعيونها..
عصفورتين وناموا في حضن بعض
شفايفها مالهمش الابعض
والعطر يجري في دمها
والدمعة تجري في اسمها
اغاني حب مشردة
عصفورة فيها مغردة
في جبينها بيعشش حمام
وتجيلي مية حالة هيام
الورد واخد من عنيها فرحته
والكون ده واخد ضحكته
والنور بيعرف سكته
في عيونها بس