Monday, February 27, 2012

لابد ان يملك الجميع القدرة علي التسامح وقبول الأخر






عن التسامح وقبول الأخر اتحدث..قبول الأخر والتسامح معه لكي نعبر مفترق الطرق لا ان نفترق..
قبول الأخر الذي أصبح مفقودا في كل مكان وفي كل حوار وفي كل مناقشة تجد طرف يحاول الهيمنة علي الطرف الأخر وكأنه محتكر للحقيقة..
في برامج التليفزيون وفي حوارات حياتنا اليومية تجد الكل يشعر انه يملك شئ لا يستطيع ان يملكه الأخر وهو غير صحيح..
وكلنا نري في اي برنامج حواري كيف تدرو المناقشة الغير متسامحة واللأخلاقية في نفس الوقت ويقول أحد الأطراف "انا حر في التعبير عن رأي الشخصي"
هذا صحيح لكن كيف تعبر وكيف تعبر عن رأيك بتسامح وبإحترام وليس بحرية مطلقة لا تحترم الطرف الأخر في الحوار .


يقول لوك "ان كل البشر يمتلكون الحق في الحرية الطبيعية لكن هذه الحرية الطبيعية ليست اجازة تمكن صاحبها من ان يفعل ما يحلو له بل علي العس من ذلك هي حرية مشروطة بالأخلاق او كما يقول "القانون الطبيعي "

اي ان حريتك هي شئ مقبول ومفهوم ولكن لابد ان لا تتناقض مع الأخلاق..
تناقش بحرية كاملة ولكن تناقش بأسلوب حضاري ومهذب وهادئ ومقنع وليس بإسلوب برنامج "الاتجاه المعاكس" وركل المنضدة علي الطرف الأخر وضربه أحيانا !

ويقول نيشتة عن قيمة الإختلاف :

“You have your way. I have my way. As for the right way, the correct way, and the only way, it does not exist.”


بينما يقول جيرالد جامبولسكي عن التسامح الذي نتحدث عنه في عنوان كتابه :
Forgiveness the greatest healer of all


ويتحدث في كتابه عن سيدة من سويسرا تبرعت بكامل ثروتها الي الجمعيات الخيرية وهي في الثالثة والتسعين من عمرها وكان لديها لوحات من القرن الثالث عشر قررت ان تهديها للمؤلف وكانت هذه السيدة صعبة المراس الي ان اعطاها صديق كتاب "الحب يبدد الخوف" وسرعان ما بدأت تسامح كل الذين شعرت انهم اذوها في حياتها وسامحت نفسها عن السلوك الذي شعرت انه تسب في انه يشعر الاخرين بالألم وغيرت اسمها الي "هابي" .

ووجد وصفة سحرية للتسامح وقبول الأخر وقال "لكي اصبح سعيدا فما علي الا ان اتخلي عن اصدار الاحكام"

وذكر الكاتب ان الإستعداد للتسامح هو ان ننسي الماضي الأليم بكامل ارادتنا انه القرار الا نعاني اكثر من ذلك وان تعالج قلبك وروحك انه الاختيار الا تجد قيمة للكره او الغضب وانه التخلي عن الرغبة في ايذاء الأخرين بسبب شئ قد حدث في الماضي انه الرغبة ان نفتح اعيننا علي مزايا الأخرين بدلا ان نحاكمهم او ندينهم وهو الطريق نحو الشعور بالسلام الداخلي

وقال أن "الأنا"  تؤمن بانه يجب ان ندافع عن انفسنا باستمرار فالعقل الذي لا يسامح يكون نتاج الأنا التي تقنعنا بان الطريقة الجيدة لحماية انفسنا هي ان نعاقب الشخص الأخر بغضبنا وكرهنا له .

بل ان الكاتب تحدث عن اثار جانبية عنيفة للأفكار غير المتسامحة واضرار عدم التسامح وقال ان هذه الأثار هي :
الصداع والام الظهر والرقبة والمعدة والاكتئاب والأرق والخوف والقلق والتعاسة.

وذكر ان "الأنا" لديها عشرون سببا لكي لا نتسامح وتحاول ان تقول لنا وتقنعنا بان لا نتسامح وتقول لنا علي سبيل المثال :
 اذا سامحته فانت ضعيف
اذا سامحته فانت وافقته علي فعله
اذا سامحته فسيكرر فعلته.

اي ان عند التسامح قد ينبع من داخلك كنوع من العناد او الغرور فتحاول ان تقهر الطرف الاخر كي لا تصبح ضعيف امام نفسك .


ومن اشهر من تحدث عن التسامح هو جون لوك في كتاب "رسالة في التسامح " وكان يتحدث عن السلطة الكنسية وقال :

"الدين الحق لم يتاسس من اجل سلطة كنسية ولكن من اجل تنظيم حياة البشر استنادا الي الفضيلة والتقوي فكل انسان يحمل هذا الدين لابد ان يشن حربا علي رزائله وان يكون سلوكك طاهرا ورقيقا ومتواضعا
واذا زعم اي انسان انه ينبغي استخدام السيف والنار لاجبار الناس علي اعتناق عقائد معينة والانتماء الي طقوس معينة فمثل هذا الانسان ينشد تجمعا ضخما يشاركه نفس العقيدة "

بل ان جون لوك اتهم عدم المتسامح بأنه أعمي وقال :
"انه لأمر غريب عند الناس ان يكون المرء أعمي للدرجة التي لا يري فيها ضرورة التسامح ومزاياه "

وعن دور الحاكم وعلاقته بالتسامح قال لوك :

"ان رعاية النفوس ليست من شئون الحاكم المدني لانه يحكم بمقتضي سلطة برانية بينما الدين الحق الذي ينشد خلاص النفوس ينشد اقتناع العقل اقتناعا جوانيا.
ليس كافيا ان يمتنع رجال الكنيسة بالعنف والاضطهاد فمن يزعم انه مكلف بالتعليم فانه ملزم بتذكير مستمعيه بالسلام والارادة الخيرة اتجاه البشر"

ومن اكثر المتأثرين بأفكار لوك هو سيمون بوليفار وتحريره للعديد من الدول حول العالم .

وفي كل الديانات والمذاهب والعقائد ستجد الدعوة للتسامح فالمسيحية مثلا تجد في الكتاب المقدس :

"من ضرب خدّك الأيمن فحوّل إليه الخد الأيسر ومن أخذ رداءك فأعطه ازارك "

وفي الإسلام تجد العديد من قصص التسامح مثل مقولة الرسول الشهيرة "اذهبوا فأنتم الطلقاء" في فتح مكة حين قال صلى الله عليه وسلم لقريش (ما تظنون أني فاعل بكم) قالوا: أخ كريم وابن أخ كريم ، قال( اذهبوا فأنتم الطلقاء).

فكان الرسول الكريم دائم الصفح عن من اساء له وكان رسالة في التسامح للعالم أجمع في أغلب مواقفه حتي في الحروب ومعاملة الأسري .

حتي البوذية تدعو للتسامح فقال الامبراطور "أشوكا" :

"The faiths of others all deserve to be honored for one reason or another. By honoring them, one exalts one's own faith and at the same time performs a
service to the faith of others


ومن اهمية التسامح خصصت له الامم المتحدة يوما عالميا للاحتفال به وتذكير الناس بضرورة التسامح .

في عام 1996 دعت الجمعية العامة الدول الأعضاء إلى الاحتفال باليوم الدولي للتسامح في 16 تشرين الثاني/نوفمبر ، من خلال القيام بأنشطة ملائمة توجه نحو كل من المؤسسات التعليمية وعامة الجمهور وكان التقرير النهائي عن الامم المتحدة الخاص بالتسامح يشمل العديد من الاتفاقيات الخاصة بالتسامح مثل :

**الاتفاقية الدولية للقضاء علي جميع اشكال التمييز العنصري

**الاتفاقية الخاصة لمنع جريمة ابادة الجنس والمعاقبة عليها

**القضاء علي جميع اشكال التمييز ضد المرأة

**مناهضة التعذيب وضروب المعاملة والعقوبة القاسية او المهينة

**القضاء علي كافة اشكال التعصب والتمييز القائمين علي اساس الدين او المعتقد
حقوق الاشخاص المنتمين الي اقلية


وقالت الامم المتحدة  في معني التسامح :

يعني الاحترام والقبول والتقدير للتنوع الثري لثقافات عالمان ولاشكال التعبير وللصفات الانسانية لدينا ويتعزز هذا التسامح بالمعرفة والانفتاح والاتصال وحرية الفكر والضمير والمعتقد انه الوئام في سياق الاختلاف وهو لا يعني التنازل والتساهل بل هو اتخاذ موقف ايجابي فيه اقرار بحق الاخرين في التمتع بحقوق الانسان

وفي دور الدولة :
ان التسامح علي مستوي الدولة يقتضي ضمان العدل وعدم التحيز في التشريعات وفي انفاذ القوانين والاجراءات القضائية والادارية .

وفي التعليم :
ان التعليم هو انجع الوسائل لمنع اللاتسامح واول خطوة للتعليم في مجال التسامح هي تعليم الماس الحقوق والحريات التي يتشاركون فيها مع الاخرين .



أما في كتاب الدكتور محمد عابد الجابري قال في احد فصوله :

"دافع ابن رشد عن علوم الغير واراء ومعتقداتا لاخرين وقال "سواء كان ذلك الغير كشاركا لنا في الملة او غير مشارك واعني بغير المشارك من نظر في هذه الاشياء من القدماء قبل الاسلام "

ويلوم ابن رشد الغزالي لكل تسامح ويقول انه لا يحاول ان يفهم موقف الخصم بل يحكم بفساده دون النظر الي المقدمات.

ويقول ابن رشد "من العدل كما يقول الحكيم ارسطو ان ياتي الرجل بالحجج لخصومه كما ياتي لنفسه او ين يجهد نفسه في طلب الحجج لهم كما يجهد نفسه في طلب الحجج لمذهبه ".



وفي كتاب التسامح بين الشرق والغرب "دراسات في التعايش والقبول بالأخر" :


يقول المترجم في مقدمة الكتاب "ان التسامح هو العمود الفقري لليبرالية بوصف هذه الاخيرة فلسفة عامة للجماعة البشرية كما بوصفها شعورا يحس تجاه الجماعات الاخري"

وايضا من الشائع استخدام لفظ "سماحة" كأسلوب لمخاطبة الشخص الذي يمثل قمة الهرمية الدينية في الاسلام مثل "سماحة المفتي" تعبيرا عن التبجيل "

ويقول الفريد ج أيير "ان اللاتسامح الديني هو ما سبب الكثير من الأذي"

بينما يقول الكاتب  بيتر نيكلسون في الكتاب "حين يوافق المرء ان يكون متسامحا فانه لا يقيد حريته فالحكومة التي تضع القوانين او التنظيمات المتسامحة وهؤلاء الذين يقبلون بتلك الحكومة واعمالها واولئك الذين يتقبلون عدالة القوانين والتنظيمات كل هؤلاء يفرضون علي انفسهم قيودا مناسبة تحد من ممارستهم للسلطة "

وفي فصل التسامح والمسئولية الفكرية يقول الكاتب "انه من الجودة بمكان ان يقول المرء "قد اكون علي خطأ وقد تكون انت علي صواب" فاذا قال الطرفان معا هذا القول سيكون هذا علي الأرجح كافيا للوصول لتسامح متبادل

ويقول ان المبدأ الثاني "عبر تفاهمنا عن الامور بشكل عقلاني قد نصل الي تصحيح بعض اخطائنا وقد ندنو معا الي الحقيقة"

لابد فعلا ان يكون الهدف الأسمي هو دائما الوصول للحقيقة وليس الاختلاف الذي لا نصل معه لأي شئ .



العالم كله يدعو الي التسامح وقبول الاخر بأي طريقة حتي و كنت تضغط علي نفسك.
ومن اهم الأمثلة عن التسامح أيضا شخصيات عظيمة مثل "غاندي" و "مالكوم اكس" .
لابد ان تعبر عن نفسك بحرية ولكن دون أن تتغاضي عن أهمية التسامح لنفسك أولا وللعالم كله ثانيا .
تحاور لتصل لهدفك لا ان تجادل لتثبت لنفسك انك الأقوي..اجعل هدفك الحقيقة واذهب اليها بكل حرية ولكن بكل تسامح وتوافق مع الأخرين .

Thursday, February 23, 2012

هوليود وجذور العنصرية والتطرف





فيلم أخر يدور حول العنصرية الطاحنة في الغرب منذ عقود وهو الفيلم الحربي الرائع
Red Tails

الفيلم من بطولة "تيرانس هاورد" و "نات باركر" ويدور حول العنصرية التي كانت تدور رحاها ضد السود في كل مكان من قبل الطيارين ذو اللون الأبيض حيث كان السود يتم تكليفهم بالمهام السهلة لأنهم في رأي القيادات يعتبرون أقل ذكاءا وخصوصا عندما نري في بداية الفيلم جملة تقول  :

"الزنوج يعتبرون اقل ذكاءا وهذه هي طبيعتهم وهم جبناء عندما يواجهون الخطر "    الكلية الحربية الامريكية عام 1925

أي انهم اتهموا أجيال كاملة من الأمريكيين ذو الأصول الإفريقية ووصفوهم بهذه التهم المذلة فقط لأنهم سود رغم مدي كفائتهم وشجاعتهم في القتال التي أثبتها الطيارون وهم تحت ما يسمي "برنامج توسكيجي التدريبي" وهم المجموعة التي استخفت بهم كل القيادات ولم يكلفوهم بأي مهمة خطيرة وحتي عندما اثبتوا كفائتهم قال أحد القادة لمجموعتهم وقائدها "حتي لو قتلتم 800 وليس 80 فهذا لن يغير من الأمر شئ" .

وسادت بين الفريق روح الاحباط الي ان اثبتوا في اول مهمة روح قتالية عالية ومهارة مذهلة فتتابعت المهام علي فرقتهم ضد الألمان واذاقوهم مرارة الهزيمة معركة تلو الاخري .

وفي خلال أحداث الفيلم تجد العنصرية في كل الحوارات وفي مشاجرات الحانة بين الجنود البيض والسود حتي بعض ان ادي السود معركة ولا أروع ولكن تظل الروح العدائية العنصرية هي محور الفيلم والتي لازالت أثارها موجودة حتي عصرنا هذا .
الفيلم به العديد من المشاهد المؤثرة وخصوصا عند موت صديقهم في المجموعة الذي أظهر شجاعة قال عنها قائدهم "لا يجب ان تحبطوا من موته بل ان تتعلموا من حياته " .

وسميت المجموعة بإسم "الذيول الحمراء " حيث كانت طائرتهم ملونة كلها باللون الأحمر علي الذيول واذاقوا الألمان هزائم منكرة ويظهر ايضا مشهد عنصري في خلال الفيلم حينما هجم الألماني علي طائرة أحد الأفارقة وهو يصيح "اسود ملعون" .

وتم تكريم المجموعة بالكامل علي ما ظهر منهم من شجاعة وقدرات قتالية عالية جدا واثبات ان اللون عامل غير مهم علي الاطلاق كما كان يظن البعض كذبا وزورا .


وكانت العنصرية هي محور العديد من الأفلام في هوليود وخارجها حيث نراها جلية واضحة المعالم في فيلم
Something the Lord Made
عندما كان يعاني الطبيب فيفيان توماس مع كل من حوله بسبب لونه الاسود فقط رغم ان التاريخ أثبت مدي عبقريته في جراحات القلب وتم تكريمه بعد ذلك بسنوات بعد أن انكر الجميع دوره في البداية .
بل كان ممنوع حتي من دخول بعض غرف الجراحة بسبب لونه الأسود وكانا لبعض يقول له "فلتعد لنا شئ نشربه " بكل سخرية واهانة بسبب لونه .

ومن الأفلام التي أظهرت ايضا معاناة السود بوضوح أكثر هو الفيلم الوثائقي المتميز
The People Speak

وظهر الفيلم وكأنه أوبريت في بعض الاحيان بمشاركة الكثير من النجوم مثل مات ديمون ومورجان فريمان وغيرهم البعض يلقي القصائد والبعض يغني والبعض يقرا من الكتب علي المسرح في بعض القصص والروايات عن العنصرية ونضال السود وكيف كانت تناضل المرأة قديما لتحصل علي حقها ويتخلل الفيلم العديد من المشاهد الحقيقية لأحداث تاريخية بينما يروي النجوم القصص والقصائد عن تلك الأحداث في أداء رشيق وشكل متميز جدا لفيلم وثائقي .

وبالطبع الفيلم الرائع الحائز علي ثلاثة جوائز اوسكار
Crash

الذي يتحدث عن قصص مختلفة في أطر مختلفة عن العنصرية والمشاكل الاجتماعية التي تواجه الجميع واسباب تنامي الروح العدائية داخل كل منهم ولكل قصة أسبابها داخل الفيلم .


والفيلم المرشح لأوسكار والذي هو عن كتاب من اكثر الكتب مبيعا
The Help

ومرة اخري نعود للافارقة الامريكيين ومشاكل حياتهم في هذا الفيلم وهو عن المشاكل التي تواجه الخادمات مع الأسر التي يخدمون معها ..الفيلم مؤثر جدا والتمثيل فيه اكثر من رائع من بطولة "ايما ستون" و "فيولا ديفيس" و "اوكتافيا سبنسر" .


والفيلم الذي يتحدث عن قصة حياة المناضل مالكوم اكس
Malcom x

من افضل افلام التسعينات يروي لنا قصة حياة المناضل الاسود مالكوم اكس الذي تميز بشخصية تملك الفصاحة والحكمة والقدرة علي الاقناع وثار في وجه العنصرية والعداء وبدأ يحرر الناس من براثنها ويخطب بهم في كل مكان حتي صار له اتباع كثر وبداوا يؤمنون بأفكاره التي تدعو للسلام والحب ونبذ العنصرية .


وهناك الفيلم المتميز
The Whistleblower

الذي يتحدث عن المرأة التي التحقت بقوات حفظ السلام وكشفت فضائح عنصرية لمعاملة المسلمين هناك من قبل الكثيرون ومن قبل القوات نفسها وكيفية استغلال الفتيات القاصرات في تجارة الجنس هناك وكشفت اكبر فضيحة وبدأت في رفع دعاوي قضائية وظهورها امام وسائل الاعلام لكشف الوثائق .

وايضا تجد العديد من المشاهد تزخر بالعنصرية حتي وان كانت في اطار فيلم كوميدي مثل فيلم
euro trip

عندما صور لنا سكان احدي مدن شرق اوروبا انهم يستطيعون بناء بيت كامل بدولار وهو قيمة البقشيش الذي تركه لهم احد الأمريكيين وان حياته تتغير بدولار واحد بسبب فقره المدقع والوحل الذي يعيش فيه في صورة عنصرية فجة رغم انه فيلم كوميدي .
وايضا فيلم جيم كاري
yes man

عندما سخر في احد المشاهد من المرأة العربية المحجبة واظهرها بانها غريبة الاطوار وانه اتي بها من علي الانترنت لانه يفعل اشياء غريبة فقط ويوافق عليها .

والفيلم الساخر عن جوانتنامو "هارولد وكومار" عندما سخر من لغة الكوريين وظل يضحك عليها البعض او يحاول تقليدها بطريقة ساخرة .
وفيلم
bruge
عندما ظل يلعن تلك المدينة الاوروبية طوال الفيلم تقريبا بدون سبب واضح حتي اصبحت جملة علي السنة الناس .

وفيلم
50/50
ايضا في احد المشاهد نجد السخرية من جنسية مواطن اوروبي في محادثات تليفونية من بطل الفيلم ونفس السخرية من الجنسية واتهام الجورجيين بانهم جميعا اغبياء في فيلم
mr nice

وبعض مشاهد فيلم
You Don't Mess with the Zohan

التي سخرت من العرب والاسرائيليين معا في وقت واحد ولكنها تطرفت ضد العرب كالعادة .

وفيلم
transformers
الذي سخر من بعض الظباط العرب في نقاط التفتيش واظهرهم بمنظر سئ .

وحتي العديد من افلامنا العربية التي تسخر من اللون الاسود ايضا في اطار كوميدي ولكنه عنصري حينما تجد مصطلحات عن السود مثلا "ايه الليل اللي هب ده ؟ " عندما يدخل احد افراد الفيلم السود .
او اظهارهم دائما في المسرحيات والافلام الكوميدية والحديث عن شخصيات سوداء مثل "صامويل ايتو" عندما يشاهد افراد الفيلم شخص اسود .

اي ان المشاهد العنصرية الموجهة في الافلام لا تنتهي والافلام القائمة علي العنصرية او تروي عن قصص العنصرية كثير جدا في هوليود وربما بدأت الموجة منذ مئات السنين ولكنها مازالت جذورها ممتدة حتي الأن ولازالت السينما الامريكية تسخر بشدة من الاوروبيين والعرب في افلامها وكذلك الاوروبيين يسخرون من بدانة الامريكيين ويصفونهم احيانا بالاغبياء المتكبرين ولازالت السينما زاخرة بالكثر من المشاهد العنصرية التي يحاولون وضعها في اطار كوميدي او درامي ولكن احيانا يكون الهدف هو رسالة عنصرية سريعة .

ولكن في نفس الوقت وعلي الناحية الايجابية تجد العديد من الافلام تحاول اقتلاع هذه الجذور العنصرية وتحاول قتل روح العداء والعديد من الاغاني ايضا منذ اغنية مايكل جاكسون "بلاك اور وايت" والعديد من اغاني بوب مارلي وايضا المطرب جيمس بروان الذي قال في اغنيته الشهيرة بكل فخر
Say It Loud I'm Black and I'm Proud

Monday, February 20, 2012

المصري اما يرفع فيلم ع النت..قصة ولا مناظر يا برنس ؟؟





انك تنزل فيلم من ع النت ده موضوع سهل بس افلام كتير بتخليك تندم انك نزلتها اساسا مش عشان هي افلام مقاولات بس ولكن عشان اللي بتلاقيه جوة الفيلم نفسه خصوصا في الافلام العربي اللي لسه بتبقي متاخدة م السينما طازة مش عارف بيلحقوا يجيبوها ازاي بالسرعة دي !

تلاقي اول ما تنزل الفيلم العربي الجديد من علي اي حتة في النت دايما تسمع صوت الأخ اللي قاعد جمب اللي بيصور وتوقعاته للمشهد القادم ! بيخنقك من كتر كلامه ع الفيلم اللي مغطي اساسا علي صوت الفيلم نفسه وتحس انه دخل الفيلم نفسه ميت مرة من كتر تعليقاته ع المشهد اللي لسه هييجي وكانه قاعد يحرق الفيلم علينا او ع الاخ اللي جنبه اللي بينقش الفيلم من السينما بالكاميرا الزبالة طبعا وكأن مصر كلها مافيش فيها موبايل محترم يصور بنقاء كامل !

الغريبة ان الفيلم بيكون لسه نازل وتلاقيه عا لنت بعديها بزمن قياسي ساعات بيوصل ليوم واحد ولكن نظير كده الراجل بيذلك وتلاقي اسم اللي رافع الفيلم في كل حتة فوق الصورة ويقعد يقول بصوته الشجي ده اسم اللي رافعه ويقرفنا بانه فتح عكة ورفع أم الفيلم للناس وهو مش فاهم ان الناس ولا عايزة تعرف ولا مهتمة بمين اللي رفع الفيلم الناس بتشوف الفيلم وخلاص من اي مكان لكن هو محسس نفسه انه مشهور بقي وكل الناس ماشية في الشارع تقول :

واحد نزل الفيلم : انا نزلت الفيلم امبارح العربي
التاني : يا راجل ومين ابطال الفيلم ؟
واحد نزل الفيلم : لا مش مهم مين ابطاله المهم مين اللي رافعه ع النت اسمه ......
التاني: واااااو كده هاروح اشوفه فوراااا يا مان

يعني اللي رافع الفيلم ع النت وحياة ابوك محدش مهتم باسمك اللي هريتنا بيه لمدة ساعتين لوا عايزين نقابلك عشان نقولك :

واحد نزل الفيلم : مش مصدق نفسي استاذ محمود بنفسه ؟؟
محمود : حضرتك تعرفني ؟
واحد نزل الفيلم : طبعااا حضرتك اللي بترفعلنا الافلام انا بجد عايز توقيعك في الاتوجراف وياريت تقولي اعمالك الجاية ايه والنبي واتصور معاك كمان

واما تلاقي فيلم كوميدي نزلته يكون الاشخاص اللي في تصوير الفيلم بيضحكوا ع المشهد لمدة عشر دقايق بعد المشهد لدرجة انك يفوتك المشهد وكل الوقت الي بعده وانت مش سامع حاجة ..طيب رافع الفيلم ليه سعادتك طالما مش هتسمعنا حاجة ؟ وطالما هتحط اسمك كل خمس دقايق ومش هتورينا حاجة .

والحكاية دي مش بس في الفيلم العربي دي كمان في الاجنبي ساعات من الترجمة الزبالة وتلاقي واحد بيترجم "لاف" في ماتش تنس ترجمة حرفية ويقول "حب" !!!
يعني النتيجة "15 لاف"  تبقي بترجمة الأخ "15 حب" !!
يعني مترجمات النت شغالة الله ينور ومفكرش حتي يراجع ع المعني بتاعة الترجمة اللي هو حاططها .

ده حتي من ايام سلاحف النينجا والناس بترجم حرفي لدرجة ان "ابريل" في سلاحف النينجا بيقولوا عليها "نيسان" يعني حتي مش عايزين ينقلوا الاسم زي ماهو وخلاص لا لازم يعلموا عليه بترجمتهم  !

ولا الترجمة بنت اللذين بتاعة الاغاني الاجنبي اللي ساعات يكتبوها بالعربي فوق الاغنية ويبوظوا منظر الاغنية اصلا بترجمة حرفية تعبانة كيك خصوصا لو اغنية راب بتبقي الترجمة نكتة .

والدبلجة اللي كانت علي قنوات خاصة في مسلسلات اجنبي برضه بيترجموها بطريقة فجة قوي وتلاقي الواحد معلي الصوت ومش واخد خوانة وفجأة تسمع بطل المسلسل بيقول
"يلا بقي جه وقت السكس" !!!
وتلاقي البطلة بتقول "اييه انت مافيش في دماغك غير السكس" !!

يعني يقعدوا يكرروا كلمة سكس قدامك لحد ما تجري ع الريموت توطي الصوت لانه فضيحة وهو بصوت عالي ..يعني هنلاحقها من الترجمة ولا من الصوت كمان ؟؟

وبعض الاخوة بقي يكتبوا ايه قال يعني بقي الواد ملتزم ويكتب "مشهد قبيح قادم" !! طيب ما لو انت جامد قو ما كنت شيله ايه معني الجملة دي ؟؟ ده انت هتخلي الناس قاعدة مستنية المشهد !!

والراجل اللي معترض كل حاجة في الحوار حتي بتاع الفيلم وتقعد تتفرج تلاقي كل الترجمة "أستغفر الله" !! كل ما بطل الفيلم يقول حاجة تلاقي الراجل مترجم الجملة دي ويكتب بدالها "استغفر الله" علي المشهد والغريب انه بعد ما فلتر الحوار بيسيب المشاهد !!

وساعات تلاقي المترجم الديناميكي بقي اللي يترجم كل الكلام بلغة العصر يعني تلاقي في الفيلم شتيمة بتقول "صن اوف بيتش" هو يترجمها بالمصري علطول ويقول "يلا ياد يا ابن الش...." !!
يعني ده متمرد شوية علي ترجمات زمان بتاعة "تبا لك" والحاجات بتاعة القناة التانية قديما بس مزودها شوية في مدي الترجمة وتلاقي الفيلم كله الفاظ خارجة ويقول البطل في الترجمة "أجيبلك...تسلك بيها...أحسن" !! ويبقي الفيلم كله فاضح متعرفش توري حد معاك ترجمته اساسا فما بالك بالمشاهد .


وتلاقي المترجم اللي كاتب الشتايم دي كلها يقولك في نهاية الفيلم "أرجو ان تدعو لي بصالح الدعاء" !! فعلا تبقي عايز تقوله "يلا ياد يا ابن ال..." زي ترجمته بالظبط !
وواحد اذكي منه بقي يكتب فوق المشهد الخارج "تحذير هذا المشهد غير ملائم" ..يعني مش قبل المشهد لا ده كاتب فوق المشهد اصلا والمشهد شغال قال يعني مش واخدين بالنا انه خارج علي اساس ان الابطال بيعملوا كده في السر واحنا مش شايفينهم او نرجع لبداية الفيلم اذا كان الابطال متجوزين فلا بأس !

ده غير بقي الترجمة اللي بايظة واللي بتكون سابقة الفيلم وميت الف عيب لسه لحد الزمن ده موجود بس بتلاقي المتشردين بقي يهجموا علي اللي رافع الفيلم لو في عيب في اي حتة ويقوله في الرد ع المنتدي "فين الترجمة ياد يا بأف انت منك لله" ..وواحد تاني يقوله "تصدق ان انت عيل ابن و...الفيلم فيه غلط في الفك يا روح امك" !
يا عيني الواد يتعب عشان يرفع الفيلم وبعدين يقعد ساعات يمسح في الشتايم اللي تحيط بيه عشان غلطة واحدة عملها في وسط الفيلم .

وتلاقي واحد يقولك "لابد من الرد ع الموضوع" يعني تكتبله شكرا او اي حاجة قبل حتي ما تنزل الفيلم اللي يمكن يكون بايظ كله ..حاجة مريضة فعلا واحد بيقول الناس اشكروني بالعافية قبل حتي ما تشوفوا انا جبتلكم ايه .


ده طبعا غير المبالغات الفجة في عرض الفيلم زي اللي يكتب "الفيلم الذي حير العالم" او "الفيلم المذهل" او الجمل اياها اللي بيجمع بيها بشر ينزلوا الفيلم ويدوسوا علي الاعلانات وخلاص حتي لو فيلم عادي في الأخر وواخد تقييم تعبان طحن .

وبعض الناس بقي بيعملوا حركة العن ويسيبوا صورهم مع اصحابهم في نهاية الفيلم ويورونا فيلم في الاخر عن قصة حياتهم كاننا بنشوف بقي صناع العمل مثلا او فيلم وثائقي عن قصة حياة "ستيفن سبيلبرج" ومجموعة عمله ! انما دول بالظبط بيعملوا زي بتوع النص نقل اما يكتبوا اسامي عيلتهم "الامورة حنان والامور محمود مستورة يا حاجة ام صفاء" .

ولا تبقي منزل فيلم عربي العيلة كلها هتشوفه وتشغله ع التليفزيون بعد ما نزلته ومن كتر صوت العيال اللي صورته تسمع صوتهم وهم بيقولوا كلام خارج لدرجة ان في فيلم مرة بشوفه مع العيلة تسمع صوت العيال وهو بيقولوا "احة يلا المشهد ده فاجر خخخخ" يعني كمان اصدر الصوت الاعتراضي بدون سبب عشان المشهد فاجر !! طيب احنا ذنبنا ايه نسمع ام الصوت ده واحنا معليين الصوت اصلا عشان صوت الفيلم ضعيف ونسمع "شخرة مجسمة" !!


فعلا تنزيل الافلام العربي وغيرها من عالنت اصبح مغامرة الواحد بيعاني منها من كتر اللي شافه علي ايد الناس ..واحب اقولهم "ما هو يتنزلوا الفيلم تنزيل فل..يا منزلوش احنا الكل " .

Thursday, February 16, 2012

شمـس وقمـر..28





** قال البشر "تكلم حتي أراك" ولكن القلب يقول "إعشق حتي أراك"


** الحب هو الجريمة الكاملة الوحيدة التي تتستر فيها علي البرئ "قلبك" وتشكر فيها القاتل "كيوبيد" .


**الحب هو قصيدة النور علي سطور البشرية وصرخة ميلاد ملاك جديد في قلب البشر .


** الديكتاتور لا يجد الوقت للاعتراف بجريمته..فهو يفني عمره في البحث عن جرائم أعظم .


** الفجوة مازالت كبيرة : السياسي يبحث عن "حق السلطة" والمواطن يبحث عن "سلطة الحق"


** لان الانسان اناني جدا دائما ما تسمع جملة "أدفع نصف عمري" ولا يدفع عمره كله الا حينما يتزوج .


** الزواج هو الحدث الذي تتوقف عنده جملة "ربنا يجعله أخر الأحزان" !


** لا يري قوس قزح إلا ثلاثة :
متفائل يرفض اللون الأسود وعاشق يراه علي عيون من يعشق ومتزوج "يري من العذاب ألوان" .


** الحياة مثل خاتم سليمان ..يرتديه البعض ويعرف سره وينتظر حدوث المعجزة..ويرتديه البعض دون ان يدري سره..ويرتديه الأخرون تباهيا بشكله .


** قلوبنا ليست لغة الحب .. فالحب هو لغة الحياة وقلوب العشاق لهجات مختلفة تبحث عن فصحي الأنوثة .


** بدون هواء الحب يعيش قلبك بقية عمره علي جهاز التنفس البديل ..فالحب يبحث فيك عن الحياة فان هجرك صار الكل يفتش فيك عن الموت .


** العاشق هو الوحيد الذي ينظر الي نساء الحور ويقول "سأنتظر هنا علي الأرض قليلا" .


** ليس بالقرب والبعد تقاس العلاقة..فقد يكون البعيد عن عينيك قريب لقلبك.. والدليل أن مصاص الدماء أقرب الناس الي رقبتك !


** كلما بكت كنت احتضن فراشات دموعها في حضن زهور قلبي..وألملم أوراق الزهرة كطي كتاب..وأجعل من كل نبضة داخلي حائط مبكاها .


** قالوا : الوعود ..قلت : الأرض هي الوعد ومدارها الهجر والرحيل .


** لا تحاول ان تجعل الأمل كتابا تقرأه حينما تيأس..بل حاول أن تكون فصلا من فصول الكتاب .


** قالوا صفها لنا..انتظرت عشر سنوات لأجيب علي السؤال..أنتظر أجمل لحظة في حياتي لأشبهها فقط بنظرة عين واحدة منها .


** كلما نظرت الي بسمة شفتيها أيقنت أن جنون الأساطير الأغريقية لم يكن خيالا بل كانت تتنبأ بالقادم .


** قوة التملك رغبة..وتملك القوة حب .

Sunday, February 12, 2012

نداء من جيل ثورة يناير الي جيل توفيق الحكيم وجيل اهالينا..انتم علي راسنا من فوق






سقراط قال :
Children today are tyrants. They contradict their parents, gobble their food, and tyrannize their teachers.

بيتكلم عن ظلم الجيل الاصغر لأهاليهم وكتير من الفلاسفة اتكلموا عن النقطة دي وكتير حتي من الحواديت اللي كانت بتتقال للأطفال وبعض الاساطير بتحكي عن عواقب اللي مبيسمعش كلام اهله وازاي رؤيتهم بتكون أعمق ونظرتهم أبعد وازاي هم فعلا خايفين عليك اكتر منك.

من فترة قصيرة شوفت واحد علي جروب في الفيس بوك كاتب كلام غريب جدا عن جيل أهالينا ..وبيقولهم انتوا جيل مشيتوا جنب الحيطة واحنا جيل الثورة !
وبدأ يعمم ويكتب كلام مقدرش اكتب بقيته لاني لقيت فيه درجة عالية من التبجح علي الاهالي والجيل الاكبر وكأنهم مش هم اللي بيربوا بل هم اللي بيدمروا أبنائهم مثلا ..وكأن المفروض عشان افتخر بالثورة أذل الجيل الاكبر واقوله انت معملتش حاجة طوال التلاتين سنة دي وانا كشاب عملت كل حاجة ورفضت الظلم ..وهنا هو غلط وعمم لان كتير منا لجيل الاكبر نزل الميدان وكان رافض الظلم طول السنين اللي فاتت وفيه شباب كتير ضد الثورة اصلا لحد دلوقتي يعني الحكاية مش بالجيل ولا بالسن .



من المغالطات المجتمعية الشائعة التعميم او تحديدا ما يسمي
hasty generalization

هو من صفات المتشائمين فقط وللأسف كتير بدأ يعمم علي كل الجيل الكبير زي ما الجيل الأكبر كان بيعمم علي الجيل الأصغر برضه وبيقول "دول مش فالحين في حاجة غير الكورة" .

والحقيقة ان ولا دول ولا دول صح..الاتنين غلطانين ..يعني الجيل الكبير مش سلبي وضعيف بل حاول كتير جدا في التغيير حتي لو عن طريق مقالات ومهاجمة النظام في البرامج او عن طريق العمل السياسي
وكل واحد فيان عارف راجل كبير ومعارض بقاله سنين طويلة وبيكره النظام ..
وفي نفس الوقت مينفعش نقول علي جيل الشباب انه مش همه حاجة في حياته لانه برضه جيل حس بالقهر والظلم وشايف كل البلاد اللي حواليه ليها تجارب وبتتقدم الا بلده وخصوصا انه كانت قدامه فرص التكنولوجيا اكبر كمان من الجيل القديم فبدأ يقارن بين التجارب وحس بان مصر تستحق مكانة اكبر .

يعني جيل 73 لم يكن متخاذلا واجيال عانت المعتقلات والتعذيب بالكرابيج وبأقسي الاساليب وجيل الابطال رأفت الهجان والشاذلي لم يكن من المتخاذلين..ومينفعش نقول زي البعض ان حتي ايام الرسول اللي صدقوه في الاول شباب وهاجموه الكبار لان ده تعميم خاطئ برضه وزي ما في شيوخ مكة اذلوه في شيوخ اعزوا العرب ورفعوا راسهم لفوق زي قيمة هانئ ابن عروة في قبيلته او غيره وشوفنا كتير من كبار السن كانوا بيحاربوا في جيش الاسلام ومقالوش احنا كبرنا والقصائد العربية هي أولي من كلامي انها تتكلم عن قيمة وحكمة شيوخ العرب وفي ايام محمد علي كمان وشوفوا قيمة شيوخ العرب علي مر التاريخ والعصور وازاي كان الاكبر سنا في القبيلة هو قاضي المنازعات

ولم يكن ينكر قيمة الشيوخ وحكمتهم قديما الا من يتحدثون عن كهولتهم ساخرين في القصائد مثل :

قالت جهيمي انني لا ابغيه
اراه شيخا عاريا تراقيه
محمرة من كبر مأقيه
ترعيه قد ذرأت مجاليه
يقلي الغواني والغواني تقليه

وزي ما الرسول هاجموه عواجير اظن احنا عافين هو قال ايه عن احترام الوالدين وكبار السن والا كان عمل احاديث لمهاجمتهم بقي افضل لانهم هاجموه "ليس منا من لم يرحم كبيرنا".

اهالينا دول اللي احنا اتاثرنا بزمانهم وبناخد حق سنين وكل اللي احنا بنقوم بيه دلوقتي هو استنساخ للي قام بيه جيل 19 وجيل 52 وغيره من اجيال الثورات مافيش جديد يعني بس هم مذلوش اهلهم بده ورحمه شيبتهم

اول مرة في حياتي اعرف ان الثورات هي حرب اجيال مش نوع لاخد الحق للاجيال دي !وممكن نقول علي العكس تماما هم جيل الصلاة والاحترام والاخلاق والقبقاب واحنا جيل اليوتيوب والافلام والراب
هم جيل توفيق الحكيم واحنا جيل توفيق عكاشة
هم جيل الست واحنا جيل الست لما !

 احنا فعلا معندناش حاجة نفخر بيها الا الثورة انما هم عندهم الوف الحاجات يفخروا بيها ويكفيهم عيشتهم في جيل توفيق الكيم وطه حسين اللي احنا دلوقتي اخرنا خالص علاء الاسواني
مسيرنا هنكبر وبعد 30 سنة هيجي ولادنا يعملوا ثورة كبيرة وهيجيلنا ديكتاتور جديد وولادنا يقولولنا كده  برضه وينسوا اننا كنا في ثورة يناير.

ياريتنا ايام النقد المحترم والاهرام بتاع زمان قوي ايام العمالقة اما كانت الكلمة تهز كيان مش مقالات تافهة وسطحية وحروب كلامية ع الفضائيات

ياريت قبل ما نلوم الجيل ده نتعلم منه كيفية النقد بأسلوب ومعلومات وليس فقط بالشتايم

عايزكوا تتخيلوا  بس توفيق الحكيم بيبص علي تويتر احد الشباب دلوقتي ولنفترض "نوارة نجم" مع احترامي لها ولكن اسلوبها في النقد لاذع ومخيف.. وبص قد ايه لغتنا العربية انهارت وبقت في الحضيض

عايزك تقارن كتاب عودة الوعي بمقالات واحد من الشباب دلوقتي وانت تعرف الفرق بين عصر جدي وعصرنا.

احنا جيل الثورة ولكن هم جيل النور والقدوة والفن اللي احنا لسه ياريت نصنعه السنين الجاية بدل سعد الصغير.
 حد يقولي انت بتدافع قوي ليه هو انت من جيلهم ؟
لا انا من جيل الشباب ولكن فرحان بالثورة وحزين علي لغة الشباب مش اكتر.

الرسول اما كان بيتكلم قدامه اتنين في المجلس كان بيبدأ بالكبير ويقول "كبر كبر".

ومشكلة المجتمع الامريكي اللي اتكلمت عنها كتير صحف عالمية هي
bully
او التهكم في المدارس الامريكية اللي بينتحر علي اثره المئات سنويا واللي منتشرة قوي في الجيل ده بشكل ملحوظ ودور التكنولوجيا في كده كبير جدا ان الجيل ده بيسخر ويتهكم علي اي شئ حتي لو اهله .

ومشكلة التربية اللي بيحاولوا يعالجوها وبيفردوا حصص كاملة ليوم الاب اللي بيجيبوا في اب كل واحد يستعرض وظيفته عشان الطالب يلاقيمنهم قدوة او مثال عايز يوصله.
وبدأوا يشرحوا دور واهمية الاسرة في اكثر من فيلم في هوليود ومن الافلام اللي بتغرس الانتماء وبتوضح دور الكبار وتاريخهم عند الغرب
the flags of our fathers

وبدل ما نلومهم بقسوة انهم خنعوا لنظام مبارك ياريت نقولهم :


يا اهالينا المحترمين :

احنا اسفين اننا مثورناش من زمان قوي عشان ناخد حقكم وندافع عن شيبتكم وقمعكم

احنا اسفين اننا سيبناكم في الهوان ده تلاتين سنة عشان نلبس البنطلون المسقط

احنا اسفين اننا افتكرنا السياسة وافتكرنا اننا عايشين في ذل بعد ما فات تلاتين سنة

احنا اسفين اننا بررنا خوفكم علينا بانه ضعف وهوان

احنا اسفين اننا اصبحنا لعبة في ايد صناع السينما انتوا عيشتوا في ايام يوسف شاهين والعمالقة واحنا جيل السبكي

انتوا جيل الاوبرا واحنا جيل بلاك تيما

بجد اعذرونا اننا اتأخرنا عليكوا كل السنين دول

ولكم كل الاحترام والتقدير

فان قمنا بثورة فانتم من كنتم سبب وجودنا لنقوم بهذه الثورة العظيمة ولا ينكر جميلكم الا جاحد.


ودايما الشخص اللي عايز يثبت انه افضل واقوي واطهر في اي حوار بيسموه بمصطلح :
The one-upper

والدراسات بتقول ان الشخصية دي اللي شايفة نفسها دايما اقوي واذكي هي بتحاول تقنع نفسها بكده قبل الاخرين لانه مهزوز !

وكل حاجة حوالينا اثرت علي شخصيتنا من اول التليفزيون وخناقات البرامج لحد خناقات الصحف والصحفيين ولغتهم الهمجية والصارخة بدون قيم ومعلومات غزيرة الا ما ندر زي الكاتب المحترم فهمي هويدي  وجلال امين وغيرهم من الجهابذة مش كتاب اليومين دول بتوع مقالات الحلق حوش .

وفي دراسة اجرتها اليونسكو قالوا فيها عن تاثير العنف في التليفزيون علي الاجيال  "أن مشاهدة الأطفال لبرامج التلفزيون لفترات غير محددة ودون رقابة وانتقائية «تفرز سلوكيات، أبرزها السلبية والأنانية وعدم التعاون مع الآخرين، وعدم الإحساس بمشاعرهم، بل والسخرية منهم، إلى جانب التقليد الأعمى للآخرين في الملبس والمأكل والمشرب والسلوك الاجتماعي وتطوير نمط حياة استهلاكي».


فعلا زي ما لاحظنا في كلمات الدراسة "سخرية منهم" ..ياريت فعلا ناخد بالنا من تربية الجيل الجديد اللي طالع لان لو رباه الجيل ده الحالي يبقي انا خايف جدا في المستقبل علي كل شئ..خايف علي القيم خايف علي المثل خايف علي التربية ..وكل اللي بيقوله الجيل الحالي علي اهاليه لسه هيشوف اضعافه من ابنائهم في المستقبل لان الايام دول .


مقالات صحف كلها الفاظ زي "حمار..منافق..أفاق..حقير..صرصار" منتظر تطلع جيل عامل ازاي؟ ما هو لازم يهاجم اهله وابوه وامه ..اما يكون كبار كتابنا او كتاب البراشوت الحاليين اللي نزلوا من السما فجأة اللي مالهومش تاريخ يبدأوا يشتموا الاجيال الاكبر ويهاجموهم بفجاجة والفاظ غبية وهمجية .

منتظر ايه من برامج تليفزيون كلها خناقات تلاقي واد في العشرينات في مناظرة مع واحد في الستينات وبيتطاول عليه دون احترام للقيمة والقامة !
الثورة كانت ثورة علي الظلم والفساد يا جماعة ولم تكن ثورة علي الأخلاق والاحترام ..
الثورة كانت ضد نظام فاسد مش لسيطرة الأصغر والأقل علما علي الاكبر بحجة انهم جيل قديم فلولي..
الثورة مجتش عشان نخلي بلال فضل مع احترامي فوق فهمي هويدي او فوق حسن نافعة لان فيه فارق ضخم ومهول بين الطرفين .
الثورة مجتش عشان تخلي نوارة نجم فوق محمد حسان لان فيه فرق كبير مع احترامي لنوارة نجم ولكن اسلوبها محتاج فعلا مراجعة لانه كره ناس كتير في الثورة باعتبارها احدي الرموز فياريت متخسرش الناس بهذا الأسلوب الفظ .

القيم ثابتة والفساد متغير..احنا عملنا ثورة عشان نغير ونزيل الفساد وندمره مش عشان نركب ع الجيل المثقف القديم بحجة انهم قدموا واحنا اللي بنفهم بس..
اخنا بس اللي فاهمين سياسة واحنا بس اللي فاهمين مصلحة البلد واحنا بس اللي شايفين بكرة هيكون ازاي انما هم جيل خلاص راحت عليه !!
ده كلام مش مظبوط لان الحكمة دايما في الجيل القديم وهيفضلوا دايما سند لينا ونور لطريقنا ومحدش هيضحك علينا وهيفضل فهمي هويدي وغيره من العظماء هم القيمة ويفضل الصحفيين الصغار تلامذة طول عمرهم حتي لو ادعوا البطولات عشان يحاولوا يقفزوا لمرحلة لسه فعلا موصلوش ليها لان ده تاريخ مش قفزة وهمية كدابة .

لازم نحترم الجيل الاكبر ونعرف انه جيل عاني كتير قوي وشاف الظلم كتير قوي فمتجيش انت دلوقتي تفهمه انك كافحت ..انت بس اتيحت ليك الوسائل اللي مكانتش عنده ..
الجيل ده كان عشان يجتمع بس في مكان ويوزع منشورات كانت قصة كبيرة واجتماعات سرية وموال كبير انما انت بتجتمع ع الفيس بوك..

فياريت لو هنقارن منقارنش بين الجيلين لانهم شافوا صعوبات اكبر بكتييير جدا مننا .
الجيل ده كان بيتشنق زمان عشان بيوزع ورقة واحدة ضد الاحتلال.
احنا خرجنا مبارك يعني ؟ هم خرجوا دول ودول وانتصروا علي دول وجيوشها..احنا كل انتصارنا علي مبارك الفاسد انما هم خرجوا انجليز وانتصروا علي اسرائيل وشافوا فترة كلها حروب ودمار وانت شوفت فترة كلها فيس بوك ودلع فمتقارنش عشان المقارنة مش في صالح جيل الشباب .

ملحوظة لكل شاب مصري وانا منهم : نقرا مع بعض كتاب لطه حسين او مقالة ليه ثم نسمع اغنية لفيروز وبعدين نشوف تاريخ عبد الناصر واحنا نعرف احنا بنتكلم عن جيل ايه بالظبط .جيل العمالقة.
فنرجو عدم التطاول بالكي بورد علي جيل الريشة والحبر والكلام والمقالات اللي كان اسلوبها بيهز الوف الناس .

 

Friday, February 10, 2012

دليلك الشخصي في الطرق السحرية للتعامل مع البلطجية






بلطجة ع الطريق ؟؟ متتخضش قوي البلطجة في كل حتة يعني مش شرط البلطجي يبقي ملثم مثلا وماسك رشاش فيه بلطجية من اول الانترنت لحد مطاريد الجبل يعني علي كل لون..
شوف اي فيديو ع النت وشوف التعليقات هتلاقي ان "البلطجة كيبورد مش هز كتاف" ..علي الصفحات وع الفيس بوك وفي كل مكان ..

وفي مظاهر كتير للبلطجة ع النت زي مثلا تدخل صفحة تلاقي اعلان كبييير طالع في وشك ولازم تدوس عليه عافية او متلاقيش حتي العلامة اللي بتقفله ساعات لانهم بيصغروها او بيخفوها ع الاخر عشان تدورس غصب عنك ع الاعلان..
او تخش موقع تلاقي ميت رسالة طلعالك "شرفت الموقع" "خش اعمل الاستفتاء" ومليون رسالة والضغط اجباري علي زرار "اوك"

ولو عايز تحمل فيلم هيدخلك علي ميت لينك عشان يكسب من وراك قد كده ..حتي ع الفيديو نفسه هيطلعلك زرار "يلا اشترك في قناتي" او حاجة بالمعني ده ويخليك تدوس عافية بدون اختيار..
وفيه نوعية اعلانات اكتر بلطجة بقي اللي بتكون بتتطلع بطول الصفحة كلها في وشك ولاهتدوس يعني هتدوس.

وفي التليفزيون تحس ان فيه نوع من البلطجة الاعلامية في كل القنوات والخناقات والشتايم كل يوم يترفع فيديو جديد واسلوب فرش الملاية بقي في كل برامج التليفزيون ..وبالذات اما تسمع كلمة "طيب ثانية واحدة معانا مداخلة من الاستاذ فلان عشان يرد عليك"  طبعا هو مش هيرد هو هيردح والمذيعة تفرح وتقول لنفسها "هيييه شتايم اخيرا هيطلعلي فيديو ع اليوتيوب زغرطي يا امة".

ومن انواع البلطجة كمان ان القناة متكملش الفقرة يعني مثلا يقولك فريق كذا فاز اربعة صفر ويجيبلك جون كده ويمشي كانه بيقولك كفاية عليك كده انت هتشوف الاربع اجوان ولا ايه يا حبيبي  !!
او يقطعوا الفيلم في اخر عشر دقايق وكانه بيقولك قوم نام بقي مش لازم اخر حتة دي يعني .

وفيه بلطجة ع الفيس بوك ان واحد يبعتلك 65 فريند ريكويست وانت بتقول لأ ومافيش فايدة ..65 وكل شوية يشيل ويكرر تاني لدرجة ان عباس الضو لو كان ع الفيس بوك كان هيقوله لااااا.

وبلطجة التليفونات كل شوية حد يتكلم يقول شركة كذا وعايز اقولك عرضنا علي كرت تخفيض اقولها طب كمان شوية وافتكر انها هتزهق تتكلم تاني كمان شوية اقول مش عايز تقول "ليه يا افندم طيب اسمع كل العرض"  تقولها "ارغي يا ست الامورة" وبعد ما تخلص تقول "مش عااايز" تقولك "طيب ايه المشكلة في العرض يا افندم" تحس انها حافظة ومعندهاش فكرة عن ان الواحد ممكن يكون معندوش رغبة في الموضوع اساسا انما لازم ترغي لان رغيها بفلوس.

وطبعا بلطجة شركات الانترنت يا عيني عليها بلطجة خدمة عملاء ودعم فني وكل الانواع هتلاقيها في فنون البلطجة "النت فعلا فيه مشكلة يا افندم ومافيش وقت معين لاصلاحه حاليا" !! طيب ما انا كده مش شايف الفرق بينك وبين اي ملثم بيسرق بنك !! ما انت بلطجي في الرد بتاعك اكتر منه يمكن.

والبلطجة اللي الناس خايفة منها حاجة مش جديدة عند بعض الناس يعني هو تاخير الورق في الهيئات الحكومية وتطليع عين ام الناس مش بلطجة ؟؟ والرشاوي مش بلطجة ؟؟ طيب امال ايه اللي ظاهرة جديدة يا عم الحاج ده احنا مدعوكين بلطجة بقالنا سنين طويلة بس من غير رشاش يعني ده الفرق .

حتي مجلس الشعب انتخبنا الاعضاء ومحصلش بلطجة اتاري البلطجة جوة يا عم الحاج ..البلطجة جوة المجلس نفسه من خناقات وغيره ونهدي الموضوع بحباية هولز ولا حاجة ولا واحد يقوم يدن احسن ونسيب المجلس خالص.

والبلطجة بتاعة الناس اللي بتمسح الازاز بالعافية واحد منهم يقولك "ما تجيب سيجارة" تقوله مش معايا يقولك "طيب هات جنيه" !! هو عايز يقول هات اي حاجة وخلاص يعني بدل ما اشقك م الاخر..
ده غير السايس بقي وسواق المبكروباصات "مستر اربعات ورا"  وبلطجة بعض الستات في الطوابير علي اساس انك لازم توسع "احترس المزة ترجع الي الخلف" !

عايزين كمان بلطجة ؟؟ خد دي
بلطجة الاعمدة في الجرايد اللي بقت كلها شتيمة مش اسلوب مقال اصلا ولا بتيجي ع الواحد بفايدة هي عبارة عن حرب شوارع بس الشوارع بتبقي مكسورة فيها العواميد بس دي بقي حرب عواميد من غير شوارع .
بلطجة الحزب الحاكم السابق وبلطجة المعارضة كمان.
بلطجة واحد عايز يركن في مكانك ويقولك انا شفته قبلك !
بلطجة ع التويتر وشتيمة في ام الناس كلها بلا استثناء واحد..عايز اشوف شخص مبيتشتمش في مصر اتحدي تلاقي واحد بس متشتمش قبل كده !
بلطجة الجرايد الصفرا في عناوينها الكبيرة اللي كلها اي كلام فاضي معقول.

ولو عايز تعرف يعني ايه اختلاف في الرأي عند العرب شوف الاتجاه المعاكس مثلا او اي برنامج فيه طرفين عرب..فضيحة بكل المقاييس ..ميعرفوش اساسيات ادب الحوار اساسا ..كله بيبلطج.

والفرق بين البلطجي وصاحب شركة النت ان البلطجي بيطلب فدية انما بتوع شركات الانترنت بياخدوا منك الفدية بالتقسيط علي صورة اشتراك شهري !

بس المشكلة ازاي الواحد يتفاوض مع عمو البلطجي ؟؟ يعني تقدر تضربه ؟؟ طيب ايه نوع السلاح اللي معاه ؟؟ وازاي تقدر توقفه بابسط اسلوب ؟؟



اقولك الطرق الفعالة للتعامل مع البلطجية بأسلوب عصري :


أولا : سيبك من موضوع العصاية الكهربا والكلام الفاضي ده لانه مبياكلش مع جسم البلطجي اللي نحس خلاص وتلاقيه مضروب 600 رصاصة في جسمه قبل كده اساسا ولا يفرق معاه حبة كهربا ده تلاقيه مقرقش صاعقين كهربا قبل ما يجيلك انما ممكن تفاجئه بمسدس مية مثلا وتصعب عليه ويسيبك لانه هيحس انك "ترولي سيس " !


ثانيا : اوعي تكلم البلطجي عن ظروفه ونشأته الاجتماعية او تقوله "ايه اللي خلاك بلطجي" احنا مش في فيلم رانديفو ..ولا هتعملي برنامج الطريق الصح ع الطريق هيعمل معاك الصح علطول .


ثالثا : متحاولش تكلمه باسلوب محترم يعني مينفعش تقول لبلطجي ماسك شومة مثلا "نايس قوي الشومة دي يا مان " !


رابعا : حاول تتوه البلطجي في الحوار يعني قوله "مسدسك محشي كام طلقة لو قولتلي هاديك كل اللي معايا" او تقوله "شومتك فيها كام مسمار قولي من غير ما تبص" ! علي اساس اننا في فوازير ع الدائري.


خامسا : متحاولش تكون مستفز يعني مثلا متقولوش "ابعد عني يا عشوائي" او "اوعي تلمسني بايدك الملوثة دي اللي مش عليها ديتول" لانه هيخلي ليلتك مش ديتول دي هتبقي خل كده .


سادسا : متحاولش تتأثر بالأفلام قوي وتقوله "علي فكرة انا من حقي اعمل تليفون" انت فاكر نفسك في قسم !! ناقص تقوله "معاك اذن بلطجة ؟؟" .


سابعا : حاول تتفاوض معاه باسلوب كويس يعني مثلا تقوله "عايز فلوس ولا عربية حضرتك ياريت تسيبلي العربية احنا في حتة مقطوعة وكده هيطلعلي بلطجية" !! علي اساس ان هو ايه قدامك "بشمهندس مثلا !!


ثامنا : لو طلعلك تلاتة بلطجية حال توقعهم في بعض زي الافلام يعني قول لاصغرهم "طبعا الكبير ده اللي هياخد الليلة كلها وانت مجرد مساعد غلبان" !


تاسعا : متحاولش تستعطفه بأسلوب سيس زيادة عن اللزوم يعني مينفعش تبقي واقف شحط كده وتقوله "ايه مالكش اخوات بلاستيك ؟ "


عاشرا : متعملش حركة غبية وتوضح ان المسدس بتاعك لعبة وتقوله بغباء "علي فكرة انا هاضربك بمسدس الصوت ده وهابهدلك" !


حادي عشر : حاول تتكلم معاه باللغة بتاعته يعني قوله مثلا "ان عشت هاذلكم وان مت الله يسهلكم" او "ساعة الغلط بطرطش زلط" او اي حاجة من الهجص ده يمكن يحس انك معفن وابن كار .


ثاني عشر : حاول تتدعي الجنون وقوله "حضرتك بلطجي فعلا؟ ولا دي الكاميرا الخفية ؟ "


ثالث عشر : بص للارض واترعش واعمل نفسك ساحر قوله "علي فكرة لعنتي هتحل عليك لو خدت العربية دي شرررم بررررم "


رابع عشر : لو كانوا كتير اديهم المفتاح واطلع اجري علطول ومتحاولش تضرب الكبير بتاعهم لانهم هيطلعولك كتير بعد كده


خامس عشر : اتحداه في دور لعب زي مثلا بوكر او اي لعبة عصابات وقوله هنلعب ع العربية !


سادس عشر : اعمل زي احمد السقا في فيلم تيتو وقوله "انا هانقذك قبل ما تكبر والوساخة تكبر معاك"


سابع عشر : اعمل نفسك عارفه وقوله "انت اخر واحد كنت متوقع انك تعمل حاجة زي دي "


ثامن عشر : اعمل نفسك شيخ وقوله "انا كنت رايح اصلي تعالي معايا يا ابني للطريق القويم"


تاسع عشر : قوله "انت يا ابني ضحية 30 سنة فساد وعيب تعمل كده بعد الثورة"

عشرون : لو قالك هات المزة اللي معاك قوله "مزة ايه حضرتك دي ابن عمي وعامل عملية تحويل لو عايزه خده" !


حادي وعشرون : اعمل زي الافلام وبصله بثقة وقوله "مش هتلحق تهرب المكان كله متراقب انت متعرفش انا مين "


ثاني وعشرون : قوله "اخيرا لقيت واحد زيك ارجوك علمني البلطجة ارجوك"


ثالث وعشرون : اعمل نفسك زعيم عصابة وقوله "سيبك من العمليات الصغيرة دي انا عندي ليك عملية كبيرة قوي هتخليك فوق"


رابع وعشرون : اما البلطجي يجري بعربيتك متاخدش تاكسي وتقوله "بسرعة يا اسطي ورا البلطجي ده" لان التاكسي هيقولك كلام قبيح




ودي الطريقة السحرية للتعامل مع البلطجية ..والبلطجة أدب مش هز كتاف !

Tuesday, February 7, 2012

سلمية مظلومة يا بلد.. قصة قصيرة







كانت "سلمية" فتاة عشرينية تعيش حياة عادية جدا بل أقل من العادية رغم أنها إبنة لأب شديد الثراء يعيش حياة رغدة مترفة وكان الكثيرون من أهل القرية يتعجبون من تلك الفتاة الجميلة الرقيقة المهذبة كيف تتحمل هذا الجحيم والحياة الصعبة مع أبيها "العمدة" رغم انه يعاملها أسوأ معاملة ويريها كل أصناف العذاب علي يديه وكان ابعد ما يكون عن الأبوة.

كانت كل ما تملكه "سلمية" في حياتها هي مجموعة الكتب التي تركتها لها والدتها التي رحلت منذ سنوات وقطع من الذهب في "شكمجية" وكان كل ما يطمع فيه الاب الشرس وزوجته الجديدة هو ان يجرد ابنته حتي من تلك الشكمجية الثمينة ويلقيها خارج أرضه وملكوته بصلف وشراسة لا يحسد عليها.
وفي يوم من الأيام ذهبت اليه وقالت له :
سلمية : انت ليه يا بابا بتعاملني كده انا زعلتك في حاجة ؟
العمدة : هي دي مقدرتي ومالكيش ولا مليم عندي
سلمية : انا مش بتكلم ع الفلوس ولكن انا بتكلم علي علاقتنا كبنت وأبوها
العمدة: انتي هتعلميني اعامل الناس ازاي يا مفعوصة انتي ؟ ؟
زوجته الشريرة: دي بنت مش محترمة مينفعش معاها الا بلطج
ثم صاح العمدة بنبرة غليظة أيقظت الحرس : يا بلطج..انت يا بلطجججج

حضر "بلطج" مسرعا يلبي نداء سيده وكان خادمه المطيع منذ سنوات منذ ان اتي به من السجون لانه كان اشد اهل القرية عنفا وعدوانا وسجل اعماله الاجرامية مليئة بكل ما يفزع ويرهب الصغير والكبير..

كانت ملامح "بلطج" وحدها قادرة علي إرعاد كل خلية في جسد سلمية ورعشة كل شريان في قلبها الطاهر البرئ .
وبدأ بلطج في تعذيب سلمية كالعادة وسط ضحك هستيري من أبيها المريض الذي يعتبر القسوة والدناءة نوعه المفضل من العلكة ويعتبر الخطيئة ردائه لحفلة الجنون المسائي كل يوم .

وبعد ليلة دامية كما كل ليلة خرجت "سلمية" بين نار التعذيب ونار نظرات التشفي من قبل زوجة الاب الشريرة التي طالما حلمت بتلك الشكمجية وارادت التخلص من سلمية وطردها خارج البيت نهائيا بل انها فكرت مرات عديدة في قتلها.

وفي تلك الليلة وفي يوم 25 كانت سلمية شريدة في شوارع القرية ويسير ورائها خيط رفيع من الدماء التي زينت كل مكان في وجهها شرفا وعزة وليس انكسارا وحسرة ..كانت الدماء كأنما تسير ورائها كما ظلها وكأنها تجر وراء ظهرها قهر سنين طويلة ..اخذت معها الشرف والكرامةوتركت في بيت العمدة فقط الشكمجية ..

وفي تلك الليلة تحديدا لم يزداد صمت القرية وخرج أحد المواطنين صائحا : ايه يا بلد ؟؟ ايه الي حصلكم؟ كلنا عارفين سلمية واخلاقها ازاي يحصل فيها كده وانتوا خلاص بتشربوا من كاس الذل زي كل ليلة خايفين من العمدة ومن بلطج ؟ مش هتتحركوا كالعادة ؟ انا بقي المرة دي هاتحرك ومستعد اضحي بحياتي عشان سلمية بنت بلدنا متتعذبش وتتهان تاني

وقف الجميع في حيرة شديدة من كلمات المواطن ولم يمضي الكثير من الوقت حتي بدأ العديد ينضمون اليه ووصلوا الي دار العمدة ونظروا في تحدي شديد ومعلن الي "بلطج" الذي خرج لهم مع افراد عصابته ولكنهم نجحوا في قهر العديد من جنوده ولكن قوة بطشهم جعلت الموقف في غاية التعقيد واستمرت المناوشات طويلا حتي اتي المنقذ "عسكر" ..

كان "عسكر" ابن القرية وكان الجميع يعرف انه عاشق لسلمية ..وكانت سلمية ايضا تكن له المشاعر ولكن ما تكرهه في عسكر انه ابن "عسكور" رجل فاسد له ملفات في جميع المجالات وله علاقة بالعمدة والدها التي تعرف مدي كره القرية له .
ولكن في تلك الليلة ظهر "عسكر" بمظهر البطل وكأنه يتطهر من سنين التبعية والهوان للعمدة وكانه يريد ان يخرج من هذه العباءة التي ظل بها سنوات طويلة وحان الوقت لتوبته ونصرة سلمية واعلان نفسه بطلا شعبيا امام القرية بالكامل.

خرج عسكر مع العديد من عساكره وقهر بلطج وعصابته واوقعهم في الاسر وصاح اهل القرية بالكامل "يحيا عسكر..عمدة بلدنا الجديد.." .
نظرت اليه سلمية نظرة خجولة والدماء تجري علي وجنتيها وهو يمسح خدها الوردي الجميل ويرفع رأسها المحنية المنكسرة أمام هيبة المشهد ويقول لها "مش هتتذلي بعد كده تاني" .
صاح الجميع امام المشهد "يحيا عسكر.عسكر لسلمية وسلمية لعسكر"

وفي ليلة الفرح الذي حضره جميع ابناء القرية حاول بلطج ان يرسل اتباعه لنسف الليلة بالكامل ولكن عسكر تصدي له بقوة وحزم ولكن بدأت سلمية في القلق وقالت لعسكر : انت مش حبست الناس دول في القصر؟ ليه متحبسهمش في السجن افضل لأن كده هيفضل ليهم اتباع برة وهيأذوني علطول وهيبهدلوا البلد
قال لها عسكر : متقلقيش يا حبيبتي انا مجهز كل حاجة

ولكن كانت نظرة "المعازيم" في الفرح لم تكن مطمئنة وعرفت سلمية ان العديد من اهالي القرية قد هاجمهم بلطج ورجالته وبدأوا في قتل حيواناتهم وحرق أراضيهم ولكنهم لم يحكوا تلك القصص لسلمية لكي لا يقلقوها في يوم الفرح ويقتلوا فرحتها التي انتظرتها سنينا .

وبعد عدة أيام :

سلمية :ايه يا عسكر انت ليه معملتش حاجة في البلد هتسيب بلطج يعمل اللي هو عايزه ؟ أبويا ومراته بدأوا ينهشوا في عرض بنات البلد وبدأ يطلعلهم صوت تاني وبدأ ناس تنادي بأنهم يرجعوا..اعمل حاجة يا اخي انا اول مرة اشوفك ضعيف زي ابوك

ولأول مرة صفعها عسكر وقال لها في حدة وهو يمسك بأطراف قميصها : اخرررسي اوعي تجيبي سيرة ابويا علي لسانك ده اشرف منك

لم تصدق سلمية نفسها ولم تصدق ان دمائا سالت علي شفتيها من تلك الصفعة القوية لاول مرة من حبيبها عسكر او بطل القرية الشعبي ولم تصدق دفاعه عن ابيه الفاسد والذي يعرف كل اهالي القرية فساده ولكنهم ارادوا اتمام الزيجة لانهم ظنوا ان الابن ليس كما ابيه وانه فعلا يريد ان يتطهر .

خرجت سلمية مرة اخري الي الشارع تستنجد بأهالي القرية بلا مجيب..تصرخ "مالكم يا بلد" بلا مجيب ..
الكل ضعيف وهزيل يجلس جنب ماشيته الميتة او ارضه المحروقة او ابنته وزوجته اللتان عصف بهم بلطج واتباعه من خلف اسوار قصر العمدة القديم..

صدمت سلمية من هول الموقف وجرت مسرعة والدماء علي قدميها الي قصر ابيها القديم وياليتها ما ذهبت..كان المشهد امام عينيها كانه الجحيم مجسدا..رأت بلطج وحاشيته وابيها مكرمين وليسوا مسجونين كما اوحي لهم عسكر بل ورأت زوجة ابيها الفاسدة العاهرة تصفف شعرها وبجوارها طقم وصيفات..كان المشهد ملكي والبلاط فاسد..كان المشهد عز وجاه لبشر اذاقوا قريتها الذل والمهانة..

خرجت تجري الي اهل القرية وقالت بعنف : مالكم يا بلد
وصاح البعض في خزي وضعف :ارجعي لجوزك يا سلمية احنا مش هنعملك حاجة دلوقتي يعني كمان جوزك هتتقلبي عليه ؟

صدمت سلمية وبدأت الدموع تتلألأ في عينيها من حسرة وضعف اهل القرية وظلت تسير الي ان خرج لها بلطج وحاشيته بالكلاب البوليسية وبدأت الكلاب تنهش في فستانها امام اهل القرية بلا رجل ولا كلمة حق..الكل يقول :هي اللي عملت في نفسها كده وسابت جوزها في وقت مش مناسب ..
بدأت تصرخ : عسكر ضحك عليا يا بلد صدقوني..صدقوووني
قالت لها إمرأة من القرية : طيب كنتي البسي حاجة تحت الفستان مش تتعري كده قدام الرجالة .

كانت الجملة ضعيفة ومتهالكة وحزينة كما الموقف ..لم تصدق سلمية ان كل هم تلك السيدة هو تعريها وكأنها قاصدة ان تتعري امام القرية .
ظلت سلمية تنظر الي طين الأرض لعلها تستنشق فيه طهارة لم تجدها في الكثير من أهل قريتها وتجد فيه أمل لسنبلة جديدة تعوضها عن يأسها من هوان الناس.
الي ان اتي عسكر مرة أخري وخلصها من بلطج وقال لها : سامحيني يا سلمية ارجعي معايا البيت المرة دي انا هاخلصك من بلطج ورجالته مش هاسيبهم احرار

وصدقته سلمية هذه المرة وعادت معه ولكنها عادت لتطلب الطلاق لانها الحقيقة تعرت تماما في مشهد تعريها امام اهل القرية وظهرت حقيقة تعاون عسكر مع بلطج.
وقال لها عسكر : احنا مش هنتطلق بس انا هاديكي فرصة وهاسيبلك البيت اربع خمس ايام تفكري تاني وتراجعي نفسك

وبعد مرور يومين كان جرس البيت عند سلمية ينبأ بأخبار جديدة وفتحت الباب لتجد "محضر" ومعه اوراق ففرحت سلمية وظنت انها ورقة الطلاق ولكن ياللحسرة انه طلب لسلمية في "بيت الطاعة" .

كأن القدر سخر كل سيناريو القهر لشخصية سلمية المحورية في قصته التراجيدية..
أذاقها عسكر من الوان العذاب والهوان في بيت الطاعة لكي يحاول ان يعلمها كيف تحترمه وظن ان هذا الاسلوب الامثل لاحترامه ولم يتعلم من سيده العمدة.

خرجت سلمية مسرعة تقذف البيت بالطوب والاحجار بكل عنف ولم تلقي اي تعاطف من كل المار بل قالوا عليها : سلمية اتجننت.
وبدا اطفال القرية يصيحون : المجنونة اهي المجنونة اهي..

وبدأت تفقد كل تعاطف رغم انها تستحق كل التعاطف ولكن المشهد الظالم قد اعطي كل تعاطفه للظالم وقصف قلم المظلوم..
كل الناس تريد ان تبعد عن بلطج وعصابته حتي ولو علي حساب كرامة سلمية..
المشهد لبلد تبيع الحقيقة في اسواق النخاسة وتشتري الستر والعافية !
المشهد لبلد لا تميز بين القاتل والقتيل وبين السفاح والضحية.

لماذا اتهمتم سلمية وتركتم كل الظروف التي ادت لجنونها وضعفها !
لماذا اغلقتم شباك الحقيقة لكل يتسلل لكم النور الخافت وترضوا به ولو قليلا !

نفس الموقف يحدث الان..وبعض الناس عشقوا الضعف كأهل القرية ..وبعض الناس مازالوا يتعاطفون مع قضية سلمية..
ومازال بيت الطاعة هو بيت الاستسلام..
ومازال يريد عسكر خروجا هادئا امنا من بيت الطاعة بدلا من حصار سلمية بالحجارة امام البيت وحصار اهل القرية لسلمية واتهامها بالجنون..
ومازال المشهد دراميا جدا الي ان تعود الحقيقة سيدة الموقف ..
وتعود لسلمية كرامتها المفقودة..
ويعود لبعض اهل القرية رشدهم وصوابهم ..


وكان المشهد الاخير قبل ان يرفع الستار : عسكر يضحك ويتقاسم مع العمدة الشكمجية في النهاية

Saturday, February 4, 2012

متي يعلنون وفاة نظام مبارك ؟





لا أسأل متي يعلنون وفاة العرب بل أسأل متي يعلنون رسميا وفاة نظام مبارك ؟

السلام علي شهداء مصر..
السلام علي دماء تراق ولا تعرف أصحابها بأي ذنب قتلت ..
السلام علي ثورة تلاعب بها النخاس والقواد وصاحب المطمع والمصلحة..
السلام علي ثورة تلاعب بها الخنازير والطغاة والمحظية الطليقة بدون حساب وميشلشيات طرة..
أعداد جديدة من الضحايا تسقط كل يوم في شوارع مصر..وكالعادة بلا حساب ولا من يحاسبون ..
فأهلا بكم بدولة "اللجان"..
قيمة الإنسان تأسيس لجنة..وقيمة الروح يتم التناقش بشانها هل هي ألف أم مائة ألف..
أهلا بكم في دولة إعلام رياضي فاسد سمم عقول ملايين المصريين حتي نمي بداخلهم التعصب المقيت الذي وصل للقتل بلا إحساس بالخجل..
قتل مع سبق الإصرار والترصد واذا سألت عن السبب لن تجد وليا مرشدا ولا من يجيب..
كارثة عالمية من افظع ما شهدهته الملاعب في العالم ..
تحدثت عنها كل الصحف العالمية ووقفت لها كل الملاعب حدادا وذاع صيتها في كل ارجاء الفيفا وقدم رئيس الفيفا كلمات للشعب المصري وللرياضيين المصريين..
كم حذر الكثيرون من خطورة ما يحدث من اذكاء تلك الروح من خلال البرامج الرياضية التي اصبحت حلبة للمصارعة وليست مكانا للنقاش..
أصبحت البرامج الرياضية ساحة لتصفية الحسابات والتصيد للاخطاء بل والسب علي الهواء في وطن يحتاج أشد ما يحتاج الي قدوة ومثل اعلي..
الي ان اصبحت الجملة التي تقهرني للأسف تقال علنا "الزمالك يتضامن مع الأهلي في محنته" !!
وكأنهم ليسوا شباب مصري..وكأن هؤلاء مصريين وهؤلاء من دولة أخري وقد حان وقد التضامن بسبب المحنة..
عندما سمعت تلك الجملة أحسست بمدي التفاهة التي وصل اليها اجيال واجيال بسبب الاعلام الفاسد..
عن أي تضامن تتحدثون انت أصلا اخوة ومصريون !! أي هراء هذا ؟

الكل تحدث عن المؤامرة الوهمية ولم يتحدث عن الأخلاق التي تذهب مع الريح..
لم نتحدث عن القيم التي أصبحت تذروها الرياح..
الحق أصبح بالدراع فقط..اذا قتل لك أحد فلا تطالب بحقه بل اذهب واحرق واضرب بكل شئ عرض الحائط ..
انه نتاج تعليم مبارك الذي ترك الشباب خاليا الا من التعصب الا من رحم ربي..

كل شهدائنا قتلهم مبارك اما بمتداد حكمه واما بنتاج عصره..
كل شهدائنا قتلي مبارك اما بما زرعه في دولته البوليسية الفاسدة واما بما تركه من ادوات قمع وارهاب..
كل شهدائنا قتلي مبارك بمستشفياته الخالية من العلاج واعلامه الذي لم يتعلم الا التطبيل للحاكم والكذب..
كان لابد من اعدام مبارك منذ حادثة صخرة الدويقة ولكنه مازال يحاكم علي ملايين الجنيهات وتركوا تهمة خراب الذمة وموت الضمير جانبا ..

الكل يلام علي ما يحدث الداخلية التي لم تؤمن لانها لم تتطهر أصلا..
والمجلس الذي لا يستطيع تأمين حتي مباراة ومطلوب منه حماية دولة ..
والمشجعين المتعصبين الذين وصل بهم الجنون للقتل بسبب كرة قدم..
والمستغلين لما يحدث لاشعال مصر من جديد مثل البلطجية وقطاع الطرق والمساجين الهاربين..
ومجلس الشعب الضعيف المتخاذل الذي لا يملك الا اللجان ولا يأخذ قرار قوي وحكيم..


فساد مستمر في فترة انتقالية لم يستطيع ان يديرها المجلس العسكري ولا التعامل معها بأي طريقة..
الفساد مازال مستمرا في كل القطاعات ..
الداخلية مازالت مليئة بالفساد واذا ذهبت الي شرطي لتقديم بلاغ سيرد ويقول "خلي الثورة تنفعك"
انظر الي العشوائيات التي لازالت كما هي..وانظر الي مساعدين رؤساء التحرير لبعض الصحف من اتباع احمد عز..
انظر الي حال الاعلام المصري وكيفية مناقشته لاي قضية وكانه يدافع عن مبارك..
انظر الي التلفيق وتبليع ترب الحشيش من الداخلية والانفلات الامني المهول في كل شوارع مصر..
انظر الي سحل بعض الاعلاميين والمحاكمات العسكرية التي استمرت شهور وشهور..
انظر الي كيفية التعامل مع قطع الطرق بكل ضعف وانتشار عمليات الخطف مع بيانات الداخلية التي تقول ان كل شئ علي ما يرام..
القبض والتحقيق مع الناشطين واتهامات التمويل الدائمة بلا اي ادلة معلنة..
محاكمات واهية ضعيفة في اتهامات تافهة وتركوا كبري الجرائم ..
انظر الي حال الاقتصاد المصري وعدم القدرة علي تنفيذ خطة الحد الادني والاقصي للأجور حتي الأن رغم ان الجميع يطالب بها منذ فترة طويلة جدا..
انظر الي حال المحليات والموانئ وفضائحهم ودخول السلاح من كل حدود مصر بلا رقابة وكأنها مقصودة للترويع ..
انظر الي قدرة العسكري علي تامين الانتخابات ورفضه تأمين الشارع المصري بشكل كامل..
انظر الي مخطط تقسيم المصريين الي مسلم وليبرالي والي اعلام صالح واعلام فاسد كما يسمونه ..
انظر الي تظاهر الداخلية بتأمين البلاد وهي لا تؤمن الا ما يظهر في الكاميرات فقط في بعض مناطق القاهرة تاركة باقي المحافظات تشتعل بالبلطجة..
انظر الي نتائج التحقيقات التي لم تصل الي اي شئ حتي الان في كل المذابح التي حدثت في ماسبيرو ومحمد محمود وغيرها..
انظر الي ديوان المظالم الذي تحدثوا عنه منذ فترة ولا أثر له ولا حديث عنه فجاة ..
انظر الي استطلاعات الرأي الكاذبة لتحسين صورة الفلول واظهار انهم مرغوبين رئاسيا وانظر الي بالونات الاختبار من بدلة طنطاوي الي وثيقة السلمي الي الجنزوري ..
انظر الي عدم الاستجابة الي اي اعتصام مهما كانت خطورته ووصفهم للمعتصمين بانهم بلطجية..
انظر الي الفرقة التي حدثت بين القضاة والمحامين وبين العباسية والتحرير والكثير من الانقسامات..
انظر الي سحل الفتاة المصرية وكيفية معاملتها..
انظر الي عشرات الشهداء بسبب مباراة كرة قدم بلا تأمين لحياتهم..

هل من يدير البلاد  قراصنة ؟ تجديد دماء أم تجديد لمبارك ؟
هل يثق الشعب فعلا في حصول مبارك علي حكم ؟
هل يثق أي أحد في اعدام العادلي السفاح ام سيخرج في النهاية حر طليق بعد هذه المسرحيات والاوبريت العسكري الطويل ؟
هل عرفتم الأن مسرحية احداث السودان واتهام الجزائر رغم انها مدبرة من زاهر واذنابه
هل قبلتم الأن كل جزائري عربي وعرفتم أن التعصب في كل مكان ولكنه الاعلام الأحمق من صنع الأزمة بين شعوب شقيقة..
هل عرفنا جميعا ما هي تركة مبارك التي تركها لشعبه من بلطجة وعنف وتعصب وقبلية وعدم انتماء ؟
هل عرفنا جميعا ان الثورة فعلا لم تكتمل ؟
الان عرفت كما لم اعرف من قبل ان الثورة لم يكتمل حتي نصفها ولا ربعها بل وكأنها لم تحدث أصلا..
يبقي الوضع كما هو عليه..يبقي الحكم كما هو عليه..يبقي الظلم كما هو عليه..
كل يوم ضحايا لكي يكسب المجلس تعاطف البعض لكي يقولوا "امال لو مشيوا هنعمل ايه"..
مازالت عقلية الترويع والتخويف وانتظار المجهول في الحكم كما هي..
مازالت عقلية المعتقلات والمحاكمات والتلفيق كما هي..

اليوم أخاف كما لم اخف من قبل..أخاف ان يخرج مبارك في النهاية وتعود الينا سوزان وحاشيتها..
أخاف أن يخرج الينا عز ونظيف وتعود مصر الي الظلمات من جديد..
اخاف من ثورة جياع صنعهم مبارك والقاهم الي الجحيم في العشوائيات لكي يخرجوا علي الجميع في يوم ما..

بدأت أشعر ان البلد أصبحت فيلم رعب وكما قال نزار :

أيا وطني: جعلوك مسلْسلَ رُعْبٍ
نتابع أحداثهُ في المساءْ.
فكيف نراك إذا قطعوا الكهْرُباءْ؟؟


حتي الفساد وصل للفن ..فأحيانا فساد كلمات وأحيانا فساد أصوات أو كلاهما معا..
غربونا في وطننا ورسموا الفن بدون صوت ولكن ستبقي مصر فؤاد حداد والفاجومي وعمنا صلاح جاهين ولن تكون ابدا بلاك تيما أو كاريوكي ..
ستبقي مصر أصيلة بأصالة الابنودي ونجيب سرور وفاروق جويدة..
كما قال حداد في كلماته الرائعة العبقرية :

صوتك فى صوتى أعلى صوت إنسان
وأهدا صوت إنسان
يرمى الشبك فى البحر عند اللسان
منظر فييتنامى ..
لما انتشر واتلف
زى الرحايه ولا أتقل وأخف


وفي اجمل أبيات في قصيدة حداد :

الدم فاير والسراير حبالى
كان عندى بيت المقام
" الحق دايماً مستبد وساطع "
خليته
يمشى على رجليه
ورجلى
" شمس الحقيقه تحر "



لكي الله يا مصر ولكي شعب حر سيأخذ حقك ويقف دائما في وجه الظلم والمفسدين..
لكي الله يا مصر ولكي الثورة ولكي العزة ولكي الريادة القادمة فوق الحاقدين والكارهين والأفاقين..
وهتفضل صرخة المظلوم اعلي وأعز من صوت الظالم..

Wednesday, February 1, 2012

العميل رقم 637 يتوجه للشباك..أغرب عادات المصريين في الانتظار




عميل رقم 637 يتوجه الي شباك رقم 12 ..
اه ممكن تسمع الجملة دي بعد انتظار طويل في اي بنك في مصر الغريبة ان الارقام دي معمولة عشان النظام وكده بس للاسف البطئ بيخلي الناس تنتظر اكتر من ساعة عشان يعدي خمسين رقم مثلا وياسلام بقي لو قدامك متين رقم قبلك يبقي عيش يابرنس وحاول تتسلي بقي في القعدة الطويلة دي وياحبذا لو خدت معاك حد لانك هتقعد لوحدك كتير قوي تشوف عادات المصريين في الانتظار .

ايوه اكتر مكان ممكن تلاحظ فيه عادات الشعب المصري في انتظار حاجة او طابور مثلا هو البنك او بعض المؤسسات التانية ..بتلاقي كل الانماط حواليك في البنك وكل الانواع من البشر.

هتلاقي الراجل اللي بيراقب من بعيد قوي اما يلاقي رقم بيتنده عليه وما يقومش يقول اما اروح استهبل واخد الدور ده ما هو كده كده صاحبه مش موجود ولكن الراجل يحرجه ويقوله فين الرقم بتاعك يقوله اه ده وقع مني !

طبعا هتزهق جدا من الانتظار وهتقوم تجيب جرنان مثلا او تشوف حاجة ع الموبايل ولكن هنا بتشتغل فقرة "اخترنا لك" علطول اول ما تفتح صفحة الجرنان تلاقي عشرة بيبصوا معاك في نفس الصفحة وكل ما تقلب يبصوا الناحية التانية ! وياسلام بقي لو قلبت علي صفحة الرياضة هتلاقي كل التعليقات حواليك عن الاهلي والزمالك وكأن كل الناس عينها في الصفحة مش عارف ليه ده مجرد جرنان يعني !
وساعات تلاقي الراجل الرخم اللي يقولك ممكن الصفحة الاخيرة ؟ وواحد تاني ياخد صفحة الاقتصاد او يقولك استني اما اشوف الحتة دي متقلبش ثانية واحدة وكأنك جبت الجرنان للشعب كله او دي فقرة تسالي البنك !

موضوع الجرنان ده هتلاقيه في اي حتة في تاكسي في ميكروباص في بنك في هيئة حكومية في اي مكان كل ما تفتح جرنان بتلاقي عيون الناس كلها لزقت فيه علطول وكأنك انت المنقذ بتاع ميلودي يتحدي الملل .

هتلاقي دايما الراجل الغريب في الانتظار برضه حسب تصرفه يعني مثلا اللي يقعد يتأمل في شبشبه طول فترة انتظار دوره او واحد تاني بيشيل طاقية من علي راسه يقعد يبص فيها وتبقي عايز تقوله "بتدور علي ايه يا حاج في الطاقية ؟ هتطلع أرنب وتعمل ساحر ولا ايه ؟ " !!

بس بتاع الشبشب ده غريب جدا يقعد يمد رجله لقدام ويبص لجمال صوابع رجليه تقريبا مش عارف بيبص علي ايه بدقة اوي كده وواحد تاني ممكن فجأة يرفع الجلابية وكأنه هيقوم يجري اهو او حد هيهاجمه وهياخد ديله في سنانه زي ما بيقولوا .

مرة قعدت جنب واحد غريب فعلا في البنك كل ما واحد يدخل بشنطة او صندوق مثلا وشكله باشا كده والشنطة مليانة فلوس يقول "اللله اكبر ياااااا" مش عارف ايه معني كده بس شكل المشهد ده بيعذبه قوي او يمكن كان مليونير زمان وفلس معرفش بس طريقة غريبة وبيقولها بصوت عالي قوي .

والراجل اللي زهقان من الانتظار كل ما يعدي رقم يقول "تؤ تؤ" طيب ليه يا حاج ده رقم عدي يعني دورك بيقرب المفروض تتبسط ! هو شكله عايز يقعد مش عايز دوره يجي اصلا شكله فاضي وعايز يبلط ومستريح علي الكرسي .

واحدة برضه بتصرفات غريبة عمالة تبوس ابنها النونو في بقه وده شئ مفهوم للبيبي في اي مكان بس مش في وسط امة محمد في البنك يعني ييجي شابين يقولوا لبعض "بص يلا دي بتبوسوا في بقه" يقولوا "يا ابن المريضة ده بيبي" ويفضل الحوار شغال والمشهد مسخرة وهي بتفقع كل بوسة وصوتها عالي طول ما انت قاعد سامع "موووواه" محبكتش بوس يعني هنا وده مش مكان عواطف اساسا ده مكان خنيق جدا وكل الناس مستنية وزهقانة .


أغرب حاجة في البنوك المصرية ومش ممكن تلاقيها في العالم كله هو انك ساعات تلاقي بياع متسلل جوة البنك ! تلاقي واحد بيبيع فول سوداني في وسط الزحمة ودي شوفتها كتير لانه بيكون دخل في يوم صرف معاش مثلا او كده فبيكون مش باين في الدخول اساسا لان مصر كلها محشورة في البنك فمن اسوأ الحاجات الي ممكن تشوفها انك تكون في مؤسسة مالية وتسمع جملة "سوداني سخن" !!
والاغرب منها انك تسمع واحد بيقوله "خد يا ريس والنبي " !! ولو واحد اعترض علي المشهد طبعا هتبان حنية الشعب المصري وواحد هيقوله "يا اخي سيبه يلقط عيشه دي الحالة ضنك" .

حارس الامن في البنك هو شخص قصير دايما وبكرش كبير وبيكون لابس ازرق وطبعا ولا معاه سلاح ولا نيلة علي اساس ان اما ييجي حرامي هيزعقله ! واقتصر دور الحراسة في البنك علي انه يقول لو سمحت يا اخي ارجع ورا او الحاجات دي انما لو دخل حرامي طبعا هو اول واحد هيجري ويحافظ علي كرشه ده لو قدر يجري طبعا لانه عامل زي حال حكام الكورة المصريين بكروشهم دي .

ساعات تلاقي بقي الشخصية اللي هي عايزة مشاكل وخلاص يعني الموظف علي الشباك يقول "لو سمحت صورلي البطاقة" يقوله الرجل "حرام عليكوا يا ظلمة" !
هو عايز اي حاجة يقول عليها فساد وخلاص يعني سايب الفساد برة البنك وداخل يعيش الجو جوة .

كل ما رقم بيتقال عشان دورك جه مثلا تلاقي تلاتة اربعة قايمين واقفين وبيبصوا لبعض ..الكل عايز يقوم في غير دوره كالعادة ما هو طابور عيش ..كل رقم بيتقال تلاقي اربعة وقفوا وكأن كل الناس واخدة نفس الرقم او كله عايز يتسلل كده بالراحة عشان يخلص من ام اليوم الطويل ده بعد اكل الفول السوداني كاننا في الجبلاية.

وطبعا يكون الانتظار والملل فرصة للحوارات وفتح منتديات جوة البنك بين مجموعة جوة البنك او المقابلات ام صوت عالي اما فجاة تلاقي جنبك صوت جهوري "أهلاااااااااا أستاذ محمود ازيك يا راااااجل انت فييييين ؟ " وطبعا التاني يرد عليه بصوت أفظع وأعلي ويكون جنبك واحد بقي بيتكلم في المحمول بنفس درجة علو الصوت المصري الجهوري واااه لو تسمع المكالمة دي ..كل مكالمة التليفون عابةر عن ان اللي جنبي بيقول بالصوت الحياني "بقولك مافيش شبكة"  "بقولك ماااافيش شبكة"  "بقولك مااااااافيش شبببببببببببببببكة" ..! تبقي عايز تقوله "طيب ما تقفل ام الموبايل طالما مافيش شبكة وبعدين هو هيسمعك ازاي بروح هالتك ومافيش شبكة يا عم الفتك " .


وطبعا هتلاقي الراجل "ابو العينين" دايما بسميه كده اللي هو يبقي قاعد جنبك وتلاقيه بيبص لكل الوجوه في البنك واحد واحد وكأنه جاي من كوكب زحل ! لسه بيتعرف علي طبيعة البشر تقريبا لحد ما يجي الدور عليك ويقعد يبصلك تقريبا لحد ما يحفظك او يكون بيشبه علي البنك كله يمكن تايه ولا حاجة وده الحل معاه انك تقعد تبصله برخامة وهو هيبطل الحكاية دي.

ولو حظك حلو ومجالكش ابو العينين يبقي هيجيلك "أبو ريحة جنان" وده لو حرك دراعه بس تلاقي "يا روايح الزمن الجميل هفهفي" علطول في كل مكان ..وكأن بتاعة النشرة الجوية هتطلع تقول "الجو معفن شمالا شديد العفونة جنوبا..وفرصة لسقوط الهباب" !
 وغالبا هيتف جنبك في منديل كبير زي توفيق عكاشة ويعينه في جيبه يمكن بيعمل تحليل "دي ان ايه" للتفة .

وطول ما انت قاعد هتسمع بقي ذوق المصريين في النغمات بتاعتهم يا اما نغمات اسلامية يا اما نغمات "شربت حجرين ع الشيشة" وطبعا كل الناس عاملة الصوت علي اعلي حاجة مع ان اي موبايل فيه درجات بس الشعب المصري مبيعترفش الا باعلي صوت في الموبايلات لا ده ساعات يجيبوا الموبايل الصيني عشان صوته زي الميكروفون بالظبط .

وياسلام بقي علي اول يوم كان بيتطبق فيه في البنك موضوع الارقام..البنك كان دايما ماشي بطريقة الطابور لحد ما جم جددوه وبقي بنظام الشاشة والرقم عشان النظام وكده فواحد يدخل الراجل ع الباب يقوله "ما تاخد رقم " يقوله "ليه في سحب ؟ " !
كل تفكيره ان يمكن ربنا يكرمه ويكسب في مسابقة ولا حاجة لحد ما الراجل يقوله "سحب ايه يا استاذ خد رقم لدورك" .

وهتلاقي علطول واحد بتاع "افطر معانا" وحتي اما تقوم تمشي هتخش لسواق التاكسي مثلا يقولك "ما تتفضل تفطر معانا وفارش علي حجره كمية أكل ولا ابو لهب من ساندويتشات ومخلل وغيره عشان يفوق ع الصبح علي اساس ان كل الكمية دي هتفوقه مش هتنيمه سطيحة.
وتبقي شايف كمية الاكل وعايز تقوله مش "بالهنا والشفا"  لا دها ان عايز اقوله "اطفحه لوحدك كفاية الهباب اللي انت فاتحه ع الكاسيت" .

يعني لو هربت من انتظار دورك هيقابلك التاكسي وعمايله وربنا يكون في عون الجميع عشان كده الشعب المصري غاوي صيد سمك وانا مكونتش عارف ليه ولكن ده اكبر تدريب علي الصبر وانتظار اللاشئ لأن طبعا كل الصيادين مبيطلعوش حاجة اصلا في الاخر اللي بيقعدوا ع الكوبري دول لان السمك هربان من ريحة النيل اساسا من اللي بيرموه فيه والراجل اصلا حاطط طعم سمك من ابو نكلة فالسمك بيقرف منه ! يعني روح اصطاد احسن عشان تتدرب علي انتظار دورك في مصر .