فيــس بــوك الـحاج اســامة

علي الفيس بوك شخصيات كتير جدا منهم المتدين والشاب السيس ومنهم العادي ومنهم المثقف وخلافه وهنشوف كل واحد بتبقي صفحته عاملة ازاي حسب صفته ووشخصيته :


أولا : الشيـــخ


notifications:


*اشترك الأن في لعبة حرب الشيوخ مجانا !

*الشيخ اسامة علق علي صورة دقنك الكبيرة

*اتعملك تاج في صورة جامع الحسين

*الشيخ فريد علق علي البوست بتاعك بتاع "فتوي ونص"

* الشيخ ماجد عمل توب فايف للسبح اللي بيحبها



ثانيا: شاب سيس :


notifications:


*ماريهان علقت علي صورة البيبي دول اللي انت شيرته امبارح

*اشترك الان في حرب شيبسيكو وقرمشها

*توتي صاحبك شير صورة ليك في حفلة الديسكو الاخيرة

*اتعملك تاج في حفلة مارينا وانت بالمايوه الدهبي

*صاحبك بوتو عمل توب فايف لافضل خمس ممثلين هو عايز ........ معاهم



ثالثا: وزير الداخلية:

notifications:


*اشترك الان في لعبة حرب الوزارات

*صديقك البحيري خليفة في امن الدولة شير صورة مسدسات جديدة

*صديقك تاج مأمون البنداري علق علي البوست بتاعك "البلد عايزة عمدة"

*صديقك خلفاوي اباظة علق علي الفيديو اللي انت رافعه بتاع "حادثة انقلاب القطر "

صديقك مخلص علق علي التوب فايف ارهابيين انت بتخاف منهم



رابعا: رجل أعمـال:

notifications:


*لقد انضم صديقك البغدادي لجروب "انا مليونير وهاقولها لو أتسأل ان شاللله اموت قتيل او اخش المعتقل"

*صديقتك توتي علقت علي صورتك الاخيرة علي اليخت

*الدهشوري صاحبك علق علي بوستك الأخير "انا والفلوس وهواك"

*مني السلحدار علقت علي الفيديو اللي رفعته بتاع "ابجني تجدني "

*سميحة السبع علقت علي البوست اللي انت حاطه بتاع "كيف تطير بالقرض وتسرق ملكية ارض ؟ "



خامسا : بنـــت ع الموضة :

notifications:


*لقد اشتركت صاحبتك سوسو في جروب "أحلي الدانتيلات والفساتين"

*صاحبتك ماجي علقت علي بوستك الاخير "حجابي وانا حرة.. فيه حجابي افرده واكويه"

*توتي صديقك علق علي صورتك الاخيرة بالبكيني وبيقول " اوووه يا تاتو مش معقول مزة اخر حاجة "

*لقد اشتركت نونةصديقتك في جروب "حد جميل ..وأمور"

*صاحبتك سالي عملت توب فايف لاجمد خمس ربطات ايشارب بتحبها

شمــس وقمـــر 23

أكثر من تسعة أعوام كنت لا أرش العطور..
لأني كنت عاشقا..ورائحة العشاق دائما البنفسج



**لقلبي شخصية مستقلة..
تهديه عينيك كل عام جائزة "عاشق العام"
والغيرة بيننا مشتعلة



**الحب مصباح سحري ..قلوبنا هي الجني ..وخلودنا فيه هي الامنية..



**أجمل كلمة في كتاب الحب كلمة "اول مرة "
وأصعب كلمة هي "الفرصة الأخيرة"



**لا تنتظرمن الحب الهدايا والمعجزات..لأن وجوده نفسه هو "الهدية" و"المعجزة"



**منذ أن رأيتك أول مرة ..
وأنا احاول ان اقبل عيني..



**حين نحب تصبح رؤية الملائكة بأعيننا حدث عادي جدا..



**لا وطن للعشاق..فأوطانهم في عيون من يعشقون..



**إبتسمي..إبتسمي..
أحتاج لأن اقرأ تلك الأشعار المكتوبة ما بين الغمزة والغمزة..
أحتاج لأن اعرف كم سنة مرت بينهما..هل عمري أم أكثر !!



**كياننا يسجد لله..وعيوننا تسجد للجمال..
وقلوبنا تسجد للحب..



**سالتني في يوم "كم الساعة ! "
فقلت لنفسي وانا انظر لعيونها.."تقريبا.. عمري ونصف "

مسطـول مـن زمـن قـريش..الجــزء الــرابع

خرج تامر يائسا من القبيلة وجاء الخبر بسرعة ان قبيلة "أولاد ابو اسماعيل" ستهجم عليهم وارسلت رسولا اخر معه رسالة


تامر: لموا القبيلة بسرعة عشان نقابل الرسول بتاع القبيلة اللي جاي

رسول القبيلة: انا معايا رسالة ولازم اقراها

تامر: قبل ما تقراها ثانية واحدة

وينظر تامر لقبيلته قائلا: حد معاه سيف ؟

الفرد الاول في القبيلة : بيقطع؟

الفرد الثاني: بيقطع ؟

الفرد الثالث: بيقطع؟

تامر: اه انتوا هتلعبولي اللعبة دي ..طيب معاكوا كلب؟

الفرد الاول: بيهوهو؟

الفرد الثاني: بيهوهو؟

الثالث: بيهوهو؟

رسول المعركة: ايه يا عم صبح تاتا ايه شغل الحضانة ده انا جايلك في مصلحة وماشي وعندي بيقولوا ان احنا جاهزين وهنفرتكوا

تامر: قالوا ايه ؟ ايه؟

رسول المعركة : موزة لاكوزة..ايه يا عم جو استاكوزا ده..ايه اللي قالوا ايه ايه ..متفوق يا عم ده احنا هنسيب عليكم الديابة وهنروقكم

ويتقمص تامر دور التهامي باشا : احنا معندناش ديابة بتتساب الدياب بتعض..يا حماااااااقي..

وجاء حماقي مسرعا بلا اي عضلة في جسمه وضحك رسول القبيلة علي هيئته

وقال له حماقي:

"بتضحك؟
طيب اضحك؟
وابقي شوف اما ارمي خالتك
وارمي عيلتك كلها في بير كبيييييييييير"


وخرج الرسول بعد ابلاغ رسالته ان الحرب وشيكة وبدات الاجتماعات بين افراد القبيلة

وبدأ عقد الاجتماع قال تامر فجأة : فين البرنسيسة؟

وقالت القبيلة: يا برنسيسة يا برنسيسسسسسسسسسة

وخرجت البرنسيسة من الداخل لحضور الإجتماع الطارئ

تامر: شعاااااااااااار قبيلتنا استعد "وكان تامر عاشق لشبسيكو "

تامر : كده كده

القبيلة: دي سيوفنا مضلعة

تامر: اه كده كده

القبيلة: وحروبنا مطرقعة

تامر: اه كده كده

القبيلة: جلاليبنا مرقعة

تامر: اوببببببه ..استمروا بقي استمروا هه..دلوقتي هنرسم الخطة بقي مع بعض ..روحي يا شيرين اعملي لنا شاي علي ما نجهز الخطة

شيرين بتردح لتامر :

"اييييييييييه فاكرني اييييييييييييه؟
معادش فااااااضل الا اناااااااااا ترسم علييييييييييييه؟
فاااااااااااااكرني اييييييييييييه؟"

ويقول عمرو دياب مستشار تامر لشيرين:

"كنت فاكرك ملاااااااااااك
كنت فاكرك ملاااااااااااااااك
لكن انتي بشرر"

تامر: ايه يا عم انت وهي كل ده علي كوباية شاي ..طز فيكي يا شيرين مش عايزين حاجة قومي يا اليسا اعملي

اليسا:

"الشاي خلصان روحي انا
اخر براد كان من سنة
وياك بنعيش احلي هنا
يا روحي انا
حبيبي انا "

تامر: الله يقرفكم خلاص يا جدعان معلش مافيش شاي نركز بقي في المعركة

محمد محي:

"قاااادر وتعملها
وتنسي الشااااااااااي
دي سيجارتي في ايديا
ومن غير شااااااااااااي
متعلق الكنكة
وتداوي احزااااااااني
ايه يعني لو يخلص
هنجيبه من تاااااااااااني "

تامر: دلوقتي كاظم هيقف هنا ع الميمنة ويراقب التحركات

محمد محي: ومنير؟

تامر: لا منير قتلته طلع بيغني لبلد تانية وبيقول نيجيري بيه..جاسوس يعني

كاظم: وانا هأقف ع الميمنة؟

تامر: ايوه يا كاظم

كاظم :

"الويل لي ..الويل لي..
لا معايا عدة
الويل لي ..
كم نمت مسطوحا علي تلك المخدة
الويل ليييييي
الويل لي"

تامر: خلاص يا عم انت هتولول مش عايز تحارب متحاربش

كاظم :

"قشطة..
مستقيييييييييييييل
وبدمع العين امضيييييييي
هذه الصفحة من عمري وامضييييييييي
سعاااااااااااااااااااااااد
يا سعاااااااااااااااااااااااااااااااااد
تعالي نمز بقي يا سعااااااااااااااااااااااااد"

محمد محي: سعاد مين؟

تامر: واحدة بيمز معاها وقال اسمها في الاغنية..المهم مين اللي في الميمنة قائد الكتيبة دي؟

يخرج عمرو دياب بثقة :

"انااااااااااااا
هاقود كتيبتك انااااااااااا
ده يبقي يوم المننننننني
وكل احلااااااااامي "

تامر: طيب عظيم عايزين واحد بقي خط وسط مدافع

محمد محي: ايه ياعم شحاتة دي معركة بسيوف مش بجزم اديداس

تامر: يا عم سيبني اتكتك ده انا كنت مدرب فريق براعم قريش اربع سنين

محمد محي: مش ده الفريق اللي هبط لدوري الصحاري القاحلة؟

تامر: اه هو بس حظ واللهي كان في خم من الحكام

محمد محي: طيب احنا ممكن نجيب جورج وسوف او بهاء سلطان في المكان ده يسدوا جامد يعني

تامر: تمام هو ده ..

وبدأت طبول الحرب الضروس تدق معاولها "كلام كبير تحس انها حرب يعني "
وبدأت قريش في الاستعداد للغزو الجديد من قبيلة "ولاد ابو اسماعيل"

وهجم الجنود هجمة شرسة اطاحت بزوجة تامر "سلمي"

جندي العدو: خطفنا البرنسيسة

تامر: لااااااااااااااااااا دي اجمد حاجة بتعجبني في شخصيتها...شفايفها ..لااااااااااااااااااااااااااااا الحقهم يا بهاء الحقهم هيخطفوا مراتي اسيرة

بهاء سلطان اثناء انشغاله بضرب العدو :

"تلات دقااااااااااااااايق
انا ماسك في جندي
وشابط في ايديااااااااااا
ولازق في سيفي
وقارص كده عليا
انا بعت يوم؟

القبيلة: لا لا لا

بهاء سلطان: هجرت يوم؟

القبيلة: لا لا لا

بهاء سلطان:
"دايما بجيلك
لو قولتلي "

تامر: يا نهار ابيض دول بياخدوا اليسا كمان الحقوا يا جدعان السبايا بتكبر وبيعلموا علينا

اليسا:

"دي الواااااااااحدة
تبقي مخطوفة ومبتبينش
دي الواااااااااااااحدة"

تامر: واحدة ايه وبتاع ايه انتي بتتخطفي يا حاجة مش واخدك فسحة..احنا بنننهزم يا رجااااااااااالة

عمرو دياب:

"وماله لو اتغلبنا في يوم
في وش كل الناس
انا يا جماعة حاسس بحب جديد
مليني بالاحساس
وانا حواليا اجمد ناس "

تامر: حب جديد؟ يا جدعان احنا بنحارب ..يا قبيلة كورك يا اغبياااااااااااااااااااا

يدخل عزت ابو عوف فجأة المعركة متقمصا دور ابو تامر

عزت ابو عوف: انت كنت فين يا ولد ؟ "من فيلم عمر وسلمي"

تامر: انا كنت عند واحد صاحبي وبعدين مافيش حمام سباحة ترميني فيه اصلا

عزت: واحد صاحبك؟ ده انت بتحارب يا صايع يا كلب طططططخ

تامر: اي ..الحق عليك انت عمرك ما قلتلي تعالي نصلي

عزت : نصلي؟؟ اذا كان انا لسه واكل صنم عجوة يا مغفل..

تامر: مش عارف بقي هو الفيلم كده وبعدين خطفواسلمي اصلا

عزت: متخافش انا هنقذهالك

جورج وسوف:

"ناري ولهفة قللللللبي
ليييييييلي وسهري وحبي
حتي حشيشي مراتي وعيلتي
سلللللف ودين "

تامر: بس يا حشااااااااااااااااااش انا خلصت من منير تطلعلي انت اخرس خالص

جورج:

"صابر ورررررررراضي
علي حبيبي وروحي فيه "

تامر: يا جماعة انقذوا البرنسيسة ده انا مقدرش اعيش من غيرها وبعدين الجارية اللي كانت بتغنيلي "انت قلبك قاسي اوي اوي " مشيت من القبيلة همز مع مين ؟

وفجأة يطلع صوت تخين من وسط الحرب ويقول : اخر حاجة تفكر فيها وسط الحرب هي المزة "استرجل واشرب بريل "

وفجاة يدخل فريق ام تي ام لتصفية جو الحرب بين القبيلتين ويقول للجندي :

"ايه يا عم اللي انت بتعمله؟
انت مش عارف اللي بتنقله
وانت مش ناوين تتقدموا تتعلموا ..
جايز بكرة يبقي احلي لو غيرنا شوية حياتنا
التغيير بقي حاجة سهلة......ااااااااااااااي"

ويأخذ سيف حامي في صدره اسقطه علي الأرض وهو بيغني:

"قالولي..
اركن عللللللي جنب"


وفكر تامر في فكرة جهنمية ..واخرج شعر صدره وصنع منه حبال كبيرة متينة وبدأ في ضرب كل الجنود المحيطين بيه ويتطايرون كفيلم الماتريكس بالبطئ

الجنود : اااااااااااااااااااااااااااااااااااااااااااااااااااااااي "بالبطئ"

تامر: انتوا مش عارفين انا كنت بربيه ليه ههههههههههههههههه ده انا هظبطكم بيه دلوقتي

ويدخل صوت تخين تاني : "شعر صدر تمورة..الأفضل في فئته "

تامر وهويقتل صاحب الصوت التخين : ايه يا عم هو احنا في فاصل اعلاني ولا حاجة خدددددددددد

الصوت التخين : اي اي "موتة عالمية علي ارض قريشية " ااااااااااااااااااااااه

ابن حمادة هلال :

"تصووووووووووور"

يقاطعه تامر بضربة سيف: لا دي وراثة قذرة بقي ..خددددددددددد

وفكر تامر في اغنية تلهب حماس الجنود وتعيدهم للحرب وقال:

"يا نا يا نا يا نا يانا يانا يانا ويانا ويانا
واخير خدت بالي ولا كان يخطر علي بالي
ده جنودهم دول طلعوا كورك وطلعوا"

الجيش: "جند هفية"

تامر:
"ولا بلطة منهم ولا حتي سيفهم "

الجيش: "يدخل فيا "

تامر: "وبرغم عددهم وحربهم لكن
احنا البناااااااات
بيحاربوا معانا وبيطروا علينا
كل الليلاااااااات
واحنا
هنفوز بسيفي
يمكن مش سيفي لكن
سيف تاني وسط مييييييييييية
يانا يانا يانا يانا "

وزادت عزيمة الجنود وبدأوا في تطحين العدو مرارا وتكرارا وخرجوا منتصرين مرة اخري وتغيرت لوحة البورد في الصحراء الكترونيا لتكتب "قريش 2 العدو صفر "

وعاد عزت ابوعوف ومعه سلمي وقدمها لتامر

ودخل السبكي يقول: يعني لو شفت السيف هلاقي اسمها عليه ؟

سلمي: اه طبعا كل واحد كتب اسمه ع السيف ومجلدينه كمان ازرق يا خفيف خدددددددددددد

وقتلت السبكي بطعنة اودت بحياته وقال: يا خسارة كان نفسي اعمل فيلم هابط واسميه "مرهميني يا قريش " اااااااااااااااي

وعادت القبيلة وغني عمر بالانتصار كالعادة في ليلة سعيدة جدا

"تمليييييييييي هلاااااااااك
تملي نطير الرقبة بسيف فتااااااااااااااك
تملي هلااااااااااااااااااااك
تملي بينتصر جيشنا وانا وياااااااااك"


وعاشوا في سلام مؤقت

خــــيط دهـــب

انا خيط دهب منثور..
في جنينة في عنيكي..
شاقق صراخ النور..
سامع صداه فيكي..
والصوت بيتجدد..
قلبي بيستشهد..
وانتي اللي فيه عايشة..
ماهو موت غرام ودموع..
وفي عيني طفي شموع..
وانتي اكيد حاسة..
انا طفل ماسك ايد..
رمشك وحب جديد..
حاسس بيهم اهله..
بيبوسوا يوم كفه..
ومعاه بيتدفوا..
ويطيبوا خاطره..
قلبي صبح بيتك..
سجاده اشعاري..
وحيطانه صوت نبضي..
عطرك شراييني..
ودفاكي من دمي..
انتي ابتسامة روح..
دم لقمر مدبوح..
علي شعري وجبينك..
دمه ده نور ونعيم..
اية جمال بتميل..
علي زهري وحنينك..
صوتك ده عزف ملاك..
واقف علي شباك..
قلبي واحلامه..
وبيعزف احساسي..
بجيتار غرام قاسي..
في عنيكي شئ مني..
نبضي الغريب عني..
أو نظرة م الفرحة..
شايفاكي بالطرحة..
والحلم بالفستان..
أبيض بلون ضيك..
راشش حلا قمرك..
علي الف ميت بستان..
ترقص عناقيده..
ويمدلي ايده..
بالزهر والرمان..
في عنيكي شهد جميل..
شارب حلاه الليل..
ويبوس جبين نجمة..
كاتم علي جمره..
مغلوب علي امره..
بيقول اكيد قسمة..
انه يكون الليل..
ويفوته ليل ورا ليل..
ما يباتش ف أحضانك..
ويبص في عيونك..
ويصونها ويصونك..
ويطمن أحلامك..
والدمعة ليه نسمة..
باردة وعطشانة..
قالوا دي عشقانة..
خد م الحبيب بسمة..
والبسمة تشفيها..
وبلمسة تحييها..
دمعة فرح وجمال..
تنزل علي كفي..
بردانة وتدفي..
تزرع وجود وأمال..
علي خط عمر الإيد..
ترمي الجمال وتزيد..
وتحلي لون قدري..
وتداري خنجرها..
وترش سكرها..
فوق الهوي وعمري..
الصبح من طعمك..
والبدر من ضلعك..
خارج يقول حوا..
مولود علي جبينك..
نازل علي عينك..
م الحسن يتقوي..
للضي في جبينك..
معني وجمال تاني..
انا دنيتي في عينك..
وطريقي وايماني..
حالة غرام مجنون..
بتهد في كياني..
قلبي يعيش محروم..
والحب كان جاني..

قنـاة الفــزع ..الجــزء الثــالث

اهلا بيكم مرة تانية في قناة الجراة والوقاحة ..قناة الرعب والإثارة..قناتكم المتوحشة..قناة الفزع




أعزائي المشاهدين تشاهدون بعد قليل برنامج محبب لقلوبكم ..فضايح من نوع خاص

..برنامجنا الجميل
"سيديهاتك يا بلد"..
برنامج جرئ جدا لعرض جميع السيديهات حصريااااا..
سيديهات فضايح جامدة اخر حاجة..
ولأول مرة السيدي المزعوم لشوبير وسيدي ابو الفتوح يذاع علي تليفزيوننا..
سيديهات تعذيب روعة وجديدة في كل أقسام مصر..
سيديهات تكشف لنا ماذا يحدث في مطاعم مصر..
سيديهات ليا انا شخصيا وانا برتشي في قطاع التليفزيون
"سيديهاتك يا بلد"...."للقذارة عنوان جديد "..





فقرة حصرية :
فقرة "القفص الحديدي"
أوعي تفوتك ..
القفص الحديدي يوم الاتنين بين مرتضي وشوبير تصفية حسابات
مع جزء خاص جدا لمصارعة مرتضي منصور مع ملفاته ..
يوم الاربع قفص حديدي بين كابتن علاء صادق ومدحت شلبي ..

ونشوف حتي منها متسجلة :

مدحت شلبي : تعالي لي يا احبيبي هلا هلا هلا هلا ..يا نهار ااااااابيض
علاء صادق: انا وقفت في القفص الحديدي..لا يهمني محاسن من هريدي..يا ساقط يا لعين..هأشقك بالسكين..

وانتظروا فقرة خاصة جدا لمصارعة الحزب الوطني "الاندر تيكر" مع حزب المعارضة "كوكو الضعيف" يوم الخميس






فقرة جديدة :

جديد جدا علي تليفزيون الفزع ..
فقرة "قطران"..
تسجيل مباشر لخلط مياه المجاري مع المحاصيل..
تسجيل لايف لأول اصدار هذا العام للسحابة السوداء..
مع تسجيل حصري لجوانب طريق الزقازيق وأمثالها ومسابقة "سرفيفور" للناجون من طريق الزقازيق والصعيد..
فقرة قطران شعارنا.. "الحياة قطرااااااان؟؟؟..ايوه...قطران بس؟؟..قطراااان قووووووووووي.."





برنامج فتاوي :

برنامج جديد طحن علي شاشتنا ..
"الفتوي مـــع الكبـــار"
"الفتوي مع الكبار" ..فتاوي خاصة جدا لرجال الأعمال والمتعثرين ورجال الحكومة..
فتوتك عندنا ..بس انت أبجني..

مع جزء من البرنامج :

رجل اعمال: انا خدت 2 مليار من مال البلد يا شيخنا..وحاسس بالذنب
الشيخ: لا يا ابني ..2مليار ونصف هو مبلغ حرام ..فجوووور..ولكن 2 مليار اذا كان لأهل الدين منهم نصيب ..فثوابك قررررررررررررريب..


رجل حزب وطني: انا زورت في الانتخابات ومش عارف هل ده حرام؟ انا سمعت ان التزويرة الاولي لك والتانية عليك صحيح؟
الشيخ: طبعا يا ابني ..خصوصا لو تخدم بها رجال الدين ..وتكون لنا من الكوسة نصيب..فثوابك قرررررررررررررررريب..


وزير: يا شيخ انا خدت حتة ارض عافية وفردة من مواطن ع الصحراوي ..هو كده حرام بالذمة؟
الشيخ: مين قالك كده يا ابني..."انت ومالك لأبيك ..وأنت ومالك وأبيك وعيلتك واللي جابوك للحكومة بإذن الله"..واذا كان لأهل الدين في الارض نصيب..فثوابك قرررررررررررررريب..

"الفتوي مع الكبار"...."احنا اللي لبسنا الفتوي حمالات"




شريط جديد:

شريط "السحابة السودا" حاليا بالأسواق..
"السحابة السودا" مع نخبة من اكبر المطربين لأغاني الحشيش والبانجو
الكوكتيل يضم :
سيجارة بني
البانجو مش بتاعي
سكرانة
هبطل السجاير
انا مش عارفني

تحذير .."الشريط ضار جدا بالصحة"





مستحضر طبي:

الأن مع الباعة مستحضر "صراصير"
"صراصير" يعطيك أسعد الأوقات في الطوابير والزحمة
خد حباية واحدة تحس بأحلي جو حتي لو انت في طابور التجنيد الخنيق
حباية واحدة وانت رايح لحماتك تعمل احلي دماغ
حباية واحدة وانت بتسمع مؤتمرات القمة العربية تلاقي قرارات جامدة

مثال علي حباية صراصير :

قبل الحباية في الجيش:

الظابط: جندي مجند احمد شكري تعالي بسرعة
احمد شكري : تمااااااااااام يا افندمممممممم
الظابط: انت هتغسل الأطباق وتروح تجيبلي حاجات وبعدين تمسح قاعدة الحمام مفهوووووووم يا حيوااااااااان؟
احمد شكري: مفهوم يا افنددددددددددم

بعد الحباية:

الظابط: عملت اللي قولتلك عليه
احمد شكري: تمام يا افندم
الظابط: جيبتلي البيرة من مارينا؟
احمد: طبعا يا برنس
الظابط: جيبت المزز معاك في العربية؟
احمد: قشطة يا افندم
الظابط: والأي بود صلحته؟
احمد: طبعا احنا بتوعك وعايز اجازة شهرين بقي
الظابط: احنا خدامينك

وبعد زوال مفعول الحبة:

الظابط: في الحبس يا حيلة امك ..اجاااااااازة؟ انا هاعرفك الاجازة تبقي ازاااااااااي يا كلب



قبل الحباية كان سعيد بيسمع مؤتمر القمة العربية:

القذافي: وهذا عدوان غاشم ونحن نندد ونشجب وندين
حسني: وانا شارحه
الاسد: قشطة وانا قارش
محمد السادس: وانا راكب ع المصلحة قشطة ندين ونشجب وماله

بعد الحباية:

القذافي: ده انا هاطلع عين اللي جابوهم ولاد الكلب من بكرة الصبح دبابات وطيارات وارقع يا معلم
حسني: انا بقول كده وبفكر اجهز نووي كمان بس نشوفواحد يخصب...هو ايه التخصيب ده ؟ خدناه في الأحياء باين
الاسد: وانا هأطلع مية وعشرين عسكري سوري ياكلوا الجيش كله
رئيس اليمن: وانا هاطلع صواريخي
ملك السعودية: وانا الراعي الرسمي للحرب انا هأصرف بس..لأني مبعرفش احارب انا فلوووس بالهبل وبسسسس
حسني: راعي رسمي؟ ايه يا عم هو ماتش اعتزال امك ؟
ملك السعودية: احترم نفسككككك...يا عمييييييييييييييييل
حسني : انت تخرس خالص ..راعي رسمي قال..انت اخرك تاكل كورن فليكس وتوزع ع الجنود فستق وكاجو يا جبل فلوس يا عميييييييييل

وبعد زوال المفعول:

القذافي: ونظل نشجب وننددد وندييييييييييييين






والي اللقاء وانتظروا مسلسلاتنا "الحب في المقطم"
ومسلسل " مديحة ع الدائري"
ومسلسل".......
احم
بيتهيألي اللي ايده علي كتفي ده..بوليس أداب
المذيعة:حضرتك أداب؟
الظابط:لا ..ألسن يا عنيا..
انجررررررررري قدااااااامي

شمعوا القناة دي

شمــس وقمــر 22

الحب له أبواب تماما مثل الجنة..ولكن كلنا حراس لأبواب الحب..



**لكيوبيد أسلحة كثيرة ..أبسطها سهم الحب..وأقواها عيون إمرأة..



**حينما نعشق نعرف ان نومنا علي القمر ليس حلما..ولكن حقيقة غريبة..



**الحب هو حبل البشر السري الي الدنيا ..وحبل الدنيا السري الي الجمال..



**الجمال هو ما خلقت اعيننا لكي تراه وخلقت قلوبنا لكي تتنفسه..



**الحب ظاهرة كونية غريبة..حين يكون في قلبك قرص الشمس وتتحمم في نفس الوقت من ضياء القمر..



**الحب فيه الكثير من الانانية ولكن مشروعة..فأدم يحن الي ضلع منه..



**قلوبنا شموع يضيئها الله باليقين وتضيئها الملائكة بالحب..



**جعل الله للدنيا جنتين..جنة نتيجةأفعالنا..وجنة الحب التي تتغير بعدها كل أفعالنا..



**من مات علي الحب وصل..



**كلما خلق الله إمراة تغار حور الجنة من قلب جديد سيعشق..



**الحب كالفراشة وقلوبنا أزهار ..الإحساس شذاها والتضحية لونها..



**لم يفرح أحد بالموت..الا زهرة قطفتها لحبيبتي..
فهي تعرف ان الموت علي كف من نور ..حياة..



**الحب الأول هو خلق الحياة ولكن الحب الثاني هو محاولة الإبقاء عليها..



**عندما انظر اليها طويلا احتار في رمشة عيني..
فكل رمشة تحضن صورتها في عيني ولكن في نفس الوقت..هي لحظة لا أراها فيها

الــــرئيس الشــــديد

بعد ان قررت ان ارشح نفسي رئيسا "مش في مصر ..عشان الرقابة ههههههه" .. أقدم لكم برنامجي الإنتخابي..:



أولا: يتم حرق جميع التي شيرتات اللي بترتر اللي بيلبسها بعض الشباب اياهم ومنتشرين في الشوارع


ثانيا: يتم اعدام سائقي الميكروباصات في حالة صدور او محاولة صدور خطأ واحد منهم


ثالثا: حرق جميع نسخ شرائط مصطفي كامل وسعد الصغير وكل اللي علي شاكلتهم واعدامهم في ميدان عم ليكونوا قربانا للذوق العام


رابعا: مشروع "توصيل المزز للمنازل" تحت رعاية مزز دوت كوم


خامسا: فتح كافيهات مكيفة علي جوانب كل الطرق حتي الطرق القديمة والمتهالكة مع تدعيم خدمة الجاكوزي والتدليك والمساج علي الطرق للرحلات الطويلة


سادسا: اعادة هيكلة الطريق الدائري والمقطم واعطاء اسم جديد لهم " شارع التظبيط "


سابعا: السماح بتفييم العربيات بدون اي مخالفة


ثامنا: دقيقة الموبايل تبقي ب 4 قروش


تاسعا: التوسع في انشاء مولات جديدة لمنافسة سيتي ستارز


عاشرا: احراق مدينة الزقازيق وطريقها واعادة البناء من جديد


حادي عشر: اعدام كل الوزراء السابقين اللي كوشوا علي فلوس الناس


ثاني عشر: وصول المنتخب لكاس العالم بالعافية "رشوي وكده يعني" المهم تنبسطوا


ثالث عشر: قتل وزير البيئة بدفس رأسه في قش الأرز المحروق ليري ما يفعله بالشعب المصري


رابع عشر: مشروع "هامر لكل مواطن" علي بطاقة التموين والسداد لحد ورثة الورثة


خامس عشر: توظيف كل ابناء الشعب المصري برسالة قصيرة "وظفني شكرا "


سادس عشر: الغاء جميع الأحزاب ويتبقي حزبين واحد اسمه "حزب المنافقين" والتاني "حزب الممثلين"


سابع عشر: يعمم برنامج علي كل التليفزيون المصري اسمه "شتيمة في مسؤؤل" ويتم لعن وسب سلسفيل المسئول وعيلته لو حدث منه خطأ


ثامن عشر: الغاء كم مسلسلات رمضان وجعلهم عشر مسلسلات في العام بدلا من خمسين


تاسع عشر: الغاء خدمة "محاصيل المجاري" وجعل المحاصيل تروي بالماء المعقم


عشرون: تأميم شركة السبكي وغيرها من شركات اصدرت افلاما رخيصة مثل كلم ماما وخالتي فرنسا وقصة الحي الشعبي وخلافه ومعاقبة ابطال الأفلام علي ما فعلوه في ثقافة جيل


واحد وعشرون: تعليق مدير شركة ت ايه داتا علي خازووق حامي في وسط المدينة ورفض جميع العاملين بها لسوء مستوي الخدمة وتدنيها


اثنان وعشرون: الغاء جميع الاعلانات المستفزة من التليفزيون وعلي راسهم اعلانات احسبها صح والضرائب ومعاقبة أبطالها ايضا


ثالث وعشرون: نفي الرئيس السابق ومصادرة جميع امواله وتوزيعها علي الشعب المصري بالكامل


رابع وعشرون: الغاء نظام الثانوية العامة وكل واحد يدخل اللي هو عايزه بس شرط يكون هيبدع فيه مش داخله عشان المجموع وخلاص


خامس وعشرون: الغاء جميع برامج المسابقات النصابة وفرض عقوبات عليهم والغاء الاعلانات الصحية المضللة بقرار رئاسي


سادس وعشرون: فتح "مارينا بور بيبول" للفقراء للإستمتاع كما يستمتع الاغنياء..




ها هتنتخبوني ؟

فـــي عــــينيهـــا

في عينيها تتهادي طيور الجنة..
وتتزين كل الحور علي شرف الحفلة..
ويحاول بعض النسيم أن يغريها بطيب الزهر الخالد فيها مقابل رمش منها..
ولكن ترفض..

وتحاور نبض يعشقها فيرد عليها بنبضات تغني "أنتي الأجمل..أنتي الأحلي "
ما رأيت إمرأة قد صادفها الحسن في كل ميناء إلا هي..

لم أري شخص الجمال..ولكن أتخيله رجلا قد تعب من الحكمة فوضع في عيونها ما يخلد اسمه..
لم أري شخص البراءة..ولكن أتخيله كطفلة تغزل حلما بضفائرها وتنتظر العيد علي جبين حبيبتي..
لم أري شخص إحساسي..ولكن اتخيله حصانا أسود يرمح في ليلة قمر يبكي وهي تنظر للسماء..
لم أري كل هؤلاء ولكني رأيتها..فوجدتهم نائمين علي راحة يدها ..ينتظرون خلود قادم..

ينحني قلبي اليها فيعتصر ضلوعي فيخرج من ضعف المشهد رجل أقوي..
وتنظر عيني في عينيها فاري ملاكان يتعانقان بحب علي ضفاف نهر من عسل مصفي وخمر..

في عينيها أرض للسحرة والحواة وانا حيلتي السحرية الوحيدة نبضي الضارب في..
في عينيها رجل مثلي ولكن قرر أن يهجر فصيلة البشر وينتمي لفصيلة المعجزات ..
في عينيها سحاب أبيض أحاول ان اشقه بسيف نظراتي فيمطر ينابيع من ماء البنفسج والعنبر..
في عينيها خمر كيوبيد حين يأن من السهر ووجع العشاق..
وديوان تتشكل حروفه من الشمس ومن أمل قادم ومن حلم أجمل..

في عينيها بحور تحمل سفن تحمل مهدا جديدا للقمر..
وأمراء أقاتلهم بسيف كبريائي ونصري كما الهزيمة سيان..
في عينيها علامات ملائكة غارقة وأباريق من نجوم السماء تصب النور وتمضي في رحلتها ..
أو بحر من دمع القديسيين يتحمم فيه الحلم ويترك كل خطاياه..
في عينيها شموع تحتضن الليل وتعطيه أمانا وضياءا..
وطيور حمام زاجل تحمل رسائل عشق وجسد ربيع قادم..

في عينيها زمان اخر ..أنا رجل عجوزيلهو مع الاطفال..حائر في عينيها ما بين الحكمة والطفولة..
في عينيها وطن فلاسفة لم يدخله إلا ملاك واحد وتفلسف..
في عينيها كواكب أخري ورحلتي المجانية لمجرة الحسن..
في عينيها زهور لا تشرب الا برائتها ولا تتحمم الا من شمس أنوثتها..
في عينيها السيرة الذاتية لفينوس والهة الحب..
في عينيها وصيفات جمال الجنة ولغة الشعر..

في عينيها نثر سحري يحتاج لقلم من فخار الروعة كي يشعر به..
في عينيها ترك الحب وصاياه العشرة ورحل..
ونشيد سحري لفتح مغارات العشاق..وكنوز الدهشة..
ورؤي تتحقق وتباعد بين حلم اليقظة ويقظة الحلم من الحب..
وأساطير عن أميرات وفراشات تتكلم وأكثر..

يا الله ..أنا عاري جدا أمام عينيها وهي نقطة ضعف..
أحتاج لمصباح من مصابيح الجنة كي أدخل عينيها وأكتب "أعشقها"..
وأحتاج لقلب أفصح كي يقرأ شعر العين ويتعوذ من أمراء أخرين وأن يحضرون..

أحتاج لأن ادخل عينيها أميرا وأخرج أميرا للمطر..
ان ادخل عينيها ملاكا وأخرج فيلسوفا..
وما بين كوني ملاكا وفلسفتي أتعلم لغة القمر وحساب السنة الضوئية لرمشة العين..

اه اه من عينيها..
إحميني إلهي من عينيها..

رقــصــة غــــرام

أنا عايز أموت وانا بعشقك..
هتكون أمالي اتحققت..
وهأموت سعيد..
وأكتب نهايتي بدمعتك..
وأشوف في دنيا رقتك..
عالم جديد..
أنا عايز أموت وأنا بكتبك..
علي ورقة بيضا أو ارسمك..
يتبقي حبر من القلم..
وأسقط في غيبوبة الألم..
وأشرب ملامحك ع الورق..
لحد ما اشبع م الغرق..
ولحد ما انتي تقولي لا..
وتعيشي تتمني الحياة..
وتقولي ليا انا عايزة اعيش..
انا عايزة اعيش وانا بنطقك..
وأعبر بروحك للندي..
أنا عايزة اعيش وأنا بخطفك..
للشمس والنور والهنا..
أنا عايزة اكون لحظة وجود..
بين زهر نفسك والخلود..
أو عايزة أكون رقصة غرام..
وأرقص علي نبضك وأنام..
أو نفسي اكون لحظة فصام..
بين نبض قلبك والغرام..
وأقول انا..
أنا نفسي اكون لحظة جمال..
وأعبر بحسنك للكمال..
او نفسي أكون لحظة حنين..
مخلوقة من عشق السنين..
وتقولي انتي..
انا عايزة اكون نور من عنيك..
او دعوة تخرج من ايديك..
انا عايزة اكون زهرة حياة..
ياسمينة تكتب لك نجاة..
انا عايز اموت..
وانا بحضنك..
حضنك هيخلق فيا روح..
ويداوي عمري من الجروح..
انا عايز اموت ..
وانا بنبضك..
نبضي ساعتها يموت رقيق..
ويرش عطرك ع الوريد..
في عنيكي لحظة..
بكل شئ..
وعشان اعيشها..
سيبيني اموت..
سيبيني اموت ..
علي كحل عينك..
نقطة ندي جارية في جبينك..
وسيبيني اموت..
فوق الشفايف..
وساعتها اموت مش هأبقي خايف..
سيبيني اموت..
صوت غنوتك..
او ريش نعام في مخدتك..
وأنساب غرام من دمعتك..
أرجوكي مرة سيبيني أموت..
بس تكون وأنا بعشقك..
ده الموت جميل وأنا بعشقك..

مسطـول مـن زمـن قريـش..الجــزء الثــالث

كانت القبيلة تحتفل بنصرها وكان المطرب "العسيلي " ينشد ليهم نشيد الغزوات قائلا:

"بلالين بلالين بلالين..
وسيوف وسيوف وسيوف..
غزوات غزوات غزوات..
وجنود وجنود وجنود..
وجواري وجواري وجواري "


في اثناء الاحتفال بالنصر القوي كيك تفاجا الجميع برسول للعدو"مصطفي كامل" قادم برسالة ..

تامر: رسالة مكتوبة ولا نصية ؟

الرسول: نصية يا برنس تامر

تامر: أقرا يا دكر

واخرج رسول العدو موبايله وقال:


يقول لكم قائدنا في رسالته :

"بقي انت تعمل كده فيا؟
وتسيبني اسهر لياليا..
واللي افتكرته ملاك اتاريه..
عمره ما حس في يوم بيا.."



تامر:ماهو انا مكنتش عايز احارب بس ..

رسول العدو : بس ايه يا برنس تامر؟

تامر:

"انا بس متضايق..
من غزوة "التاتو"..
كنت بشوف انا "تو"..
ومزاجي مش رايق..اااه "



ويتلقي رسول العدو رسالة جديدة ردا علي الكلام ويقول:

يقول لكم سيدي :

"ما هو قلبك دم ولحم ..
من حقه يتالم..اااااه"



وفجأة تخرج زوجة تامر بزيها القريش الفاخر ويلقي عليهم التحية : "هاي افري بدي "

ويردون عليها التحية كلهم برقصة واحدة :

"يا برنسيسسسسسسسسة
يا برنسييييييييييييسة اااااه يا برنسيسسسسسة "


تامر: اوببببببببببببه...إستمري.. إستمري..

زوجة تامر: عايز ايه ده ؟

تامر: ده عايز السياف شكله كده

"اديتك فرصة اخيرة اسيبك تجري..
ومبتجريش..
اديتك وقت بحاله عشان تشرحلي..
متشرحليش..
اديتك حل نهائي تبعد عني ..
وتخفي تعيش.."



رسول العدو:
"دقت الساعات يا دنيا اااااااااااااه"


تامر: ده ماله ده؟


رسول العدو :
"طول الوقت..
وانت بتجرح وانا مش فاهم..
لسه بتلعب دور الخاين."


يقاطعه تامر: في ايه يا عم انا مش هأقتلك انا بقولك روح ..انت هتقرفنا بأم اغانيك الكئيبة ليه..قومي يا بنتي وريه طريق المرواح


وتقوم المرشدة السياحية لقريش تور "اليسا " :

"لو بصيت قدامك تعرف..
لو بصيت قدامك..
بعد قريش كافيه بثواني..
تلقي السكة امامك "


ويأتي "منير" سكران طينة كالعادة ويقول :

"علي مهلك علي..
ده انا حيلة ابوي وامي "

ويقول تامر: عايز ايه يا منير انت مش كنت بتشتكي عشان حبيبتك اللي أسروها عملت ايه؟

منير:

"بعت شكوتي لحاكم الخرطوم..
أجل شكوتي لما القيامة تقوم "


تامر: الله يخربيت اللي بتشربه يا جدع خرطوم ايه بزلومتك دي ..اخفي من وشي بقي


ويخرج تامر للشوارع ليتعرف علي حال البلد فيجد "احمد فهمي "ومعاه واحد بيجروا بسرعة وبيقوله:

"اهي يا اخي هي دي اللي جتلي في الحلم"

ويجد البلد كما هي لم يتغير فيها شئ فمازال عاصي الحلاني علي ضهر الحصان و ساموزين عمال يطير في كل حتة كل ما حد يشغل الاي بود القريشي..


ويقابل حمادة الهلالي مرة اخري ويسأله علي حال بقلة ويقول حمادة مرة اخري:

"تصور ..
بقلة صاحبي قام ونور..
حالته ايه..
بقي جن مصور..
تمام علطوووووووول"


تامر: يا عم هو انت كل حاجة تقولي تصور تصور ..


حمادة: معلش انا بجهز لقصيدتي اللي هألقيها في عكاظ للشعر ياريت تحضر والنبي ..

تامر بيوطي فجأة : أوببببببببببه ..أستمر بقي هه..أستمر

حمادة: ايه يا عم انت فاكرني سلمي ولا ايه ؟ خد الدعوة اهي ..

وبعد يومين يحضر تامر الندوة الشعرية ويدخل حمادة وله تصفيق كبير من الجمهور..


ويقول حمادة في شعره :

"شفت يا شعب قريشي..
لما يحاربوا ومينفعشي..
ونقيدها حريقة..
طب شوفت الكلب الهو ؟"

تردد القبيلة كلها في صوت واحد : الهو

حمادة هلال : "عض القطة النو "

القبيلة كلها : النو

حمادة هلال: طب شوفت الفار السندق لما ...

مذيع عكاظ: احم ..نكتفي بهذا القدر ..ايه ده يا استاذ حمادة متألق بشدة كالعادة اللي بعددددده..


تدخل المطربة شيرين متأنقة وتلقي قصيدتها :

"ايه ايه..
وانا يعني غصبت عليه ؟ "

تردد القبيلة: ايه ايه ؟

شيرين:

"ما انت اللي شغلتني بيك ؟

القبيلة: ليه ليه؟

شيرين: قلبك مغرور عايش في الدور وا....

المذيع : طيب كفاية لحد كده ..عايش في الدور قلبه مش كده ؟ عظيم جدا

وتخرج شيرين وهي تردد : ليه ليه؟


ويدخل الشاعر عمرو دياب ويقول شعره :

"انا بحبك أكتررررر"

القبيلة : أها أها..

عمرو: شوقي في قلبي بيكبر

القبيلة: أها اها

عمرو دياب: والنبي قلبي ما يقدر..

المذيع: لا ده احنا اللي منقدرش واللهي يا استاذ عمرو شكرا ليك ...

ويسأل تامر احد أفراد القبيلة بجواره :هو ليه علطول القبيلة بتردد اي حاجة ورا الشاعر اللي ييجي؟؟

يرد عليه الفرد : ليه ليه؟

تامر: يا نهار ازرق ده باينه مرض ..الله يخرب بيوتكم يا جدعان ..انا الحق اقوم من هنا لحسن اتعدي



ويجد تامر في وسط الشارع مبارزة كبيرة بين اتنين من كبار القبيلة "حماقي"..و "العسيلي" :

وأخرج حماقي سيفه للعسيلي وقال :

"مش هتقتلني..
مش هتمحيني..
بكرة تيجي وتخنقك دموعك..
وهأقولك اعفيني "


ورد عليه العسيلي في حزم شديد :

"ايه يا ابن المج مج نونة..
مجنونة..مجنونة..
نونة نونة نونة نونة نونة ...


تامر: بس يا عم كفاية ايه اللي نونة نونة ..اوببببببببه..استمروا بقي هه استمروا..

ووجد تامر علي الحجار في الشارع مخمورا وقال له انت لسه قاعد هنا يا علي ؟ هتمشي امتي تروح بيتك؟

علي الحجار:

"لما الشتا يدق البيبااااااااان..
لما تناديني المزيات..
لما الحشيش يجري في شوارعنا القديمة والحارات"

تامر: ماشي يا عم خليك قاعد..مين الراجل اللي هناك ده؟


علي الحجار:

"جارية قوامها جمييييييييييل ومعسل..
ماشية تهز لا حول الله ..
والعود ايه حلو بيتزلزل..
والجسم طويل يا محلاه "


ويمشي وراها تامر يعاكسها كالعادة قائلا

"أوووووووووووه
انتي اللي عملتي لكل شباب قريش قلق..
وعملتي سيوفهم اسورة وخلخال ورق..
انا كنت ناوي من قبيلتك اخطفك..
واشوف دوا لخرم قلبي اللي اتخرق..
قلبي اتقسم نصين عشان يبقي الحلق "


وجرت الجارية مسرعة لأبوها وقالت له :

"ابن الجيران اللي هنا قصادي ...
مش عارفة بس اعمله انا ايه؟
عمال يأمرك كده بالناقة..
وفي كل خيمة يا ناس بلاقيه.."

وجاءت مريم ورائه وهي عاملة عند مراته وشافت اللي حصل وقالت لتامر :

"ماشي براحتك..
يا اخي مصلحتك..
شوفت ازاي انا هأقلق راحتك..
شوفت كتير منك وحفظتك..
وهأقول لمراتك علي طبعك..
بص يا قلبي انت واتفرج اااااااااااه بص واتفرج "


تامر: قشششششطة

مريم: احترم نفسك دي حتة تبع الاغنية

تامر: معلش انا أسف


ويأتي حمادة هلال اثناء الرقصة ويقول لتامر : تصورررررر.. بق...

ويلكمه تامر لكمة هشمت انفه قبل ان يكمل قائلا له : كفاية بقي بروح امك ..كرهتني في كلمة تصور واتعور والقافية المعفنة دي..


وفي اثناء الحديث يمر منير سكيرا قائلا:

"نعناع الجنينة..الورد علي حيطانه..
شجر الموز طرح..ضلل علي عيدانه
و.."


قاطعه تامر: انت بتقول اي كلام ..اي كلاااااااااااام..يا محشش يا سرنجااااااااااااتي..

منير:

"نيجيري بيه ..
نيجيري بيه..
نيجيري بيه اليني..
نيجيري بيه ..
نيجيري بيه .."


تامر: امشي بررررررررررررررررررررة مش عايز اشوف وشك..


وعندما مر علي خيمة لبيع المأكولات وجد أصالة تشتري بعض البقالة قائلة :

"يلا هاتلي..
نص سادة..
نص للكيس اللي يمكن..


وقال لها البقال عندما وجد الحساب مش مقضي : "نص تاني كده استحالة"

تامر: ايه الحوار ابن الكلب ده؟ كيس ايه اللي يمكن؟

قالت اصالة للبقال متجاهلة تامر:

"زي ما يكون اللي جبته شئ غريييييييييييييييب..
والإزازة لسه بتخر الحلييييييييييييييب.."

ثم ختمت متأثرة فجاة :
"بس هاتلي ..
نص رومي "

تامر: شوية مجانين الواحد بيقابلهم واللهي ما هم لازم يغزونا بصراحة ايه يا عم العالم دي..مكانش ابدا في قريشي بيسقط جلابيته الجينز كده ابدا ..

وفجأة يأتي مجموعة شباب علي جمال مزينة ومتفيمة مكتوبعليها "ام تي ام" ويقولون بروشنة لتامر:

"النهاردة يوم الاجازة..
امي مسافرة رايحة جنازة..
وصلتها لحد البيت..
خبطتني فكرة استاذة..
عندي سيفي..وعندي جمال..
والنهاردة الحالة عال..
قولنا نجري علي الرمال ..
هيييييييييييه
امي مسافرة وهأعمل غزوة..
وهأعمل غزوة"



تامر يمشي في يأس لأن قبيلته وصلت لهذا الحال ويقول لنفسه انا لازم اغير الوضع ده بس ازاي

"ده انا مش عارف اتغييييييييير..
كل ما اقول هاتغير الاقي جارية حلوة قصاااااااااادي"

ويمشي وحيدا تائها محدثا نفسه عن احوال القبيلة

ويأتي منير جنبودنه تاني قائلا وهو مسطول :

"اسك شمندوررررة من هنا..
اه يا شمنوررررة دول يا دول ..
اه يا شمندوررررة..اه

ويفقد تامر اعصابه ويخرج سيفه لهذا المسطول ويقول :

خددددددددددد..كفاية بقي ..انت بتقول اييييييييييييييييييييييييييييييييه؟؟

وطعنه طعنة نيمت شعره المنكوش وسقط علي الأرض يقول :

"يا ليلي يا ليلي ..
دي نهاية الرحلة يا ليلي..
في منتهي اللذذذذذة "

تامر: مووووت بقي..اخففففففففففي..


وتأتي جنات تشتكي لتامر زعيم القبيلة من شئ في بيتها وتقول:

"في فار غريب ساكن في بيتنا وده النصييييييييييب..
حاولت اقوله من ودانه يسيب وأسيييييييييييب..
لحد امتي الفار هيبقي يا حبييييييييييييبي؟
البيت خلاااااااص مبقاش متحمل ..
فار من تاني "


تامر: وانا هشيلكم الفيران كمان ؟ وايه حبيبي دي ؟ انتي مين يا شاطرة ؟

تشير جنات الي زوجها القادم ليسمع حوارهم وتقول :

"انا حرمته ..بحالها وحياته كلها..
ومدامه انا اللي جابها بعد طليقتتتته..
وانا اللي طول عمري في همي وبختي انا..
كفاية جوزي الاولاني شوفت خيبتتتتتتتتتته ..
انا الهبلة اللي من يومها بتحلم بييييييييه..
اااااااااااااه ااااااااااااااه يا خرابي يالهوي "


تامر: خلاص انتي هتشكيلي ولا ايه انا مالي بيكم مكونتيش اتجوزتيه اصلا طالما قرفانة كده ..

العسيلي زوجها :

"جتني خيبة ده انا ابن ترررررررلم..
ووقعت في الجوازة..
وحاولت انسي همومي وشربت كام ازازة..
تعباني ومدوخاني وعيونها مش فهمانة..
وقرفاني وتقول قارفني كده ليه ..
كنا بنمشي وراها عايزين ننول رضاها..
نفسنا نعرف خيمتها فييييييييييين؟
اوعي تقولي كده تاني..
ده انتي مراتي مجنناني..
ده انتي خازوقي اللي في حياتي..
لا كنافةولا بقلاوة..
كل الهبل اللي شافوها ..
قالوا ممكن يخطبوها..
لكن انا وقعت فيها..
شفت حظي الهبابي..؟"


وترد جنات :

"افهمني يا لطخ هتكسبني..
محتاجة البأف اللي فاهمني..
يبقي حاببني..
قد ما احبه..
لو مش قدها يبقي يسيبنييييييييييي..يالهوييييييييييييييييييي"


تامر: الحالة بقت كرب في ام القبيلة دي انا همشي واسيبلكم البلد بجد جتكم القرف

وانصرف تامر بعيدا وترك قبيلته الي حين تتصلح الاحوال

جـــواب حــب في الكــلتش

حبيبتي ..
بعد ان شاهدت العديد "من أمثالك" ..انتي الأفضل دائما
لقد كنتي دائما كمزراب للهموم من بلكونة حياتي..وكم احببت ان اقول لكي ان فراقنا مستحيل
مستحيل ان نفترق كما هو مستحيل ان تحصل المطربة جواهر علي الميوزيك اوورد او يقف جاد شويري كالرجال..
لقدكانت علاقتي دائما بالنساء كما علاقة الذبابة والصاعق..
ولكن حينما اتيتي انتي عرفت الفرق بينك وبينهم فانتي حمام افرنجي وهم حمام بلدي ..


حبيبتي..
لقد رايت في الفترة الاخيرة مباراة مصارعة للحانوتي وتذكرتك وتذكرت رقتك
اتذكرك في كل مكان ولأي سبب ..في الحمام اتذكرك وفي الصالة اتذكرك وحينما اشاهد كابتن ممدوح فرج ايضا اتذكرك..وحين اشاهد قناة انيمال بلانيت..

حينما القاكي تكون اسعد لحظة في حياتي تماما كلحظة حصول كريستانو رونالدو علي الكرة الذهبية
اهديكي اغنية رقيقة جدا وهي اغنية "يا فاتنة " لمحمد الحلو ونظرالانها اغنية خنيقة بحق اهديكي اغنية "وعدي اه يا وعدي" لمدحت صالح

حبيبتي انتي كل كماليات حياتي ..تملينها يالحياة..انا ميكروباص وانتي الكلب اللي بيهز راسه..انا بلاعة وانتي غطاها..انا صندل وانتي ابزيمه..انا بوجي وانتي طمطمتي

حبيبتي..
كل شئ في الدنيا اتنين..
لكن احنا واحد ..احنا مش ولد وبنت ..احنا شئ واحد زي وحيد القرن بالظبط عمرك سمعتي عن وحيدة القرن ؟ مافيش..احنا كده برضه..

تشعرينني دائما بالأمان كما تشعرك الأجنحة دائما بها ..وماتفهمينيش غلط..انا قصدي اجنحة الملايكة..
صوتك الرقيق يذكرني بصوت لطفي بوشناق او عبده الحامولي ..
احساسك بيخضني من حلاوته ويوقف شعري زي القنفد البري
حسيت اما حبيتك اني لون مميز في بوكسر المجتمع وليا كيان..

انا ليكي طول العمر ده لوكان لينا عمر اساسا..
بحبك زي قصص حب كتيرة شهيرة بحبك زي حب طلعت لسوزان تميم وزي حب السويدي لذكري ..حب موت يعني..
بتهزي قلبي دايما اول ما تكلميني وقبل حتي ما تكلميني ..قلبي يرج قبل الاستعمال دائما معاكي..
وكأنك انتي ازازة شمبانيا وانا فلينة بيبرموها ..علاقتنا اقوي من كده..

لو فقدتك في يوم هأحس بشعور وحش قوي ..
هأحس كأني بلعب جيم وبعد ما وصلت للمرحلة 22 واحده جه وعمل ريستارت للجهاز..وانا مخزنتش..ااااه مخزنتش

انا واقع في دباديبك ..دباديبك اللي انا جيبتهالك بدم قلبي طول فترة الحب اللي بينا..
اما مستعد اقرا الفاتحة معاكي ..مش الفاتحة بس ده انا اقرالك جزأ عم كله واللهي هووووووووووو..
اللي زيك اما ينام اكيد بياكل رز مع الملايكة..رز ايه ده اللي زيك ياكل محشي كرنب مع الملايكة..
انتي بالنسبة لي اجمل من امينة شلباية ..وارشق من اوبرا وينفري..
انتي ماما نجوي وانا بقلظ ..انتي ماما سامية شرابي وانا الدبدوب..انتي ماما صفاء قطب وانا العيال المريخيين اللي معاها ..انتي زي ماما بالظبط ..

بحبك حب قطبي مريخي غير مفهوم الملامح ..حب يوحد قطرين ويسلخ فخدين..
سهم كيوبيد مضربنيش في قلبي ده ضربني في حتة تانية انتي عارفاها كويس ضربني من ورا في منطقة ......انتي عارفاها..
ملامحك بتفكرني بلوحات فاروق حسني او بشارع عريض بعد ما تعدي عليه عربية الرش ويبرق كده..
عيونك تضرب شقلباظ لرموشك تخليني اموت انا ياهوووووووه..
بحبك لما تحولي ولما تحطي الدقة ع الكشري بعفن حقيقي..
بحبك لما تمسحي في كمك بعد ما تعطسي في وشي ..وتبهدليني برذاذك الجميل..
بحب صوت جزمتك الي هي مقاس 47 باين ولاايه..
ما تبطلي تمشي بحنية ليقوم اعصار والنبي ..

انتي كتلة طيبة وجهك المثلث بيفكرني بمثلثلات الجبنة اللذيذة..
وودانك لما بتشب من تحت الايشارب بتفكرني بواحد واقف بالفانلة في البلكونة في يوم زحمة..
حتي ريحتك وانتي خارجة من الحمام فيها كتير من ثاني اكسيد الكربون وقليلا من النيتروجين الجميل..
احنا زي معادلة علوم في تالتة اعدادي انا وانتي سهم = حب وحنان..

بتفكريني باستاذ ايمن بتاع الرياضة بصوابعه الطويلة اللي كانت بتدخل المدرسة قبله اساسا..
وزوقك في الجزم زي ذوق استاذ العربي اللي كان غاوي لبس جزم فوشيا علي بنطلون ابيض..
حياتي معاكي مربربة وسمينة ومرملة كمان..
اما بكون معاكي اكني قاعد في معسكر الزبدة الفلاحي بتاع حسن حسني..

عنيكي بتنتف في احساسي بملقاط وتجيب شعري علي جنب احتراما ليها ..
حسي بيا يا حنينة يا قادرة ..انا قلبي موحوح ومحتاج احساسك يبوس الواوا اللي في مشاعري..
قوليلي اي حاجة قوليلي حبيتك قوليلي يخربيتك قوليلي هم يا جمل انا راضي..

وفي نهاية خطابي ..
احب اقولك لو محددناش ميعاد خطوبة يبقي لياشوية طلبات..
حساب الكشري بتاع كل اسبوع..وشوية الدباديب ..
والخاتم الفالصو اللي جيبتهولك من مولد السيدة..
والجزمة اللي دفعت فيها خمسة واربعين جنيه م العتبة..
والمقص اللي جيبتهولك عشان تعملي امر ازالة لضوافرك..

واحب اقولك كمان بحبك وبموت فيكي..وكرشي بيترج لما بفكر فيكي..
ومع السلامو عليكم وكل سنة وانتوا طيبين ..

توقيع المرسل..
عمك الحاج العاشق..

شعـــور غـــريب

في شعور غريب..
جوايا الف شعور غريب..
عاشق ملامحه بتتولد..
إحساسه جواه بيتجلد..
فيولين حزين..
جوايا زهرة بتتولد..
وتعود جنين..
ولا ليها شمس ولا اتروت..
لكن امالها اتحققت..
بعد السنين..
أنا حلم جف علي القلم..
او طلق حبر يموت الم..
حاسس أنا..
وكأني نور علي كفها..
أو اني حدوتة أمير ..
علشان تأنس حلمها..
وكأني طاير ع الغرام..
هاجرت قلبي لدمها..
وخرجت مولود بالحنان..
ساحر علي بساط رمشها..
وكأني طير..
وجناحه ملفوف بالقيود..
وفي كل شئ مرسوم حدود..
لكن بطير..
بتحدي كل الاه وأطير..
أنا صوت بعيد..
بسمع كياني في نبضها..
فارس شهيد..
مملكتي نورها وحضنها..
أنا حلم عايز أخلقه..
شفته في عيونها بيترسم..
أنا نبض عايز أحققه..
فيوريدها نبضي بيترسم..
لكن بموت..
أحساسي ايل للسقوط..
والطير نزيفه غرام وأه..
رسي حلم دمه علي الحياة..
صلي عليا صلاة غرام..
أو قلب غاب وسط الزحام..
نامت ملامحي ورسمها..
فقدت سهرها وسهدها..
هي السبب..
حاولت ..مليت م التعب..
كتبت فراق..
وبعد كام مليون عذاب..
جاية الأميرة تهزني..
وبكل قوة تهزني..
وتقول غرام..
وبكل اسفي بقول لها..
فارسك خلاص اصبح حطام..
وسقط بسيفه من الحصان..
قصر الشعور بقي شئ قديم..
احساسي ليكي شئ عديم..
كان طفل بيعد السنين..
سقطت صوابعه علي الزمن..
صلي عليا صلاة غياب..
واتوضي من شهد العذاب..
واتكحلي من مشهدي..
فارس قتيل وحصانه مات..

مشـــروب السعـــادة وصـــل يا رجـــالة

نعم هو المشروب الذي تنتظرونه من زمن..المشروب الأقوي والأمتع ..
مشوب السعادة يجعلك تقول بسهولة "اني اتنفس تحت الماااااااااء اني اغرق اغرق اغرق "للصبح واللهي

المشروب الطبيعي الوحيد اللي ممكن يعملك دماغ ..

عملته بعد عدة تجارب اولها الجبنة الرومي بالمربي والعسل
وثانيها التونة وفوقيها بيبسي ودي تالت تجربة وانجح تجربة هههههههههه

جرب مشروب السعادةمرة مش هتنساه وهتدعيلي
وللناس اللي عندها امتحانات بلاش وانت بتذاكر.. بلاش يا بسة تجرب دلوقتي

ممكن تضيفوا ليه الكاموميل والبابونج بس ممكن يجرالكوا حاجة هههههههههههه

كده تخريف ع الاخر ده المشروب مش باين اصلا هتقعد تشرب فتل بس هات كوباية اوسع شوية واتكل علي الله

المشروب مكون من :

ينسون
زنجبيل بالقرفة
شاي بالنعناع
نعناع
كراوية



مشروب السعادة
شعارنا "مشروب السعادة حيث يرقص طائر الرخ في المخ
ويرقص البطريق في الكوباية "
واي كلام فاضي مش معقول واللهي


بس جربوا المشروب ومش هتنسوه ابدا


وبقول للقهاوي ..جميع الحقوق محفوظة لصاحب المشروب ههههههههه

بــــاكيت لـــيست مـــصرية

كلنا يسمع عن" الباكت ليست " اللي كل واحد بيكتب فيها امنياته واحلامه قبل سن معين وهي منتشرة قوي برة وكله بيعملها وفي معظم الافلام بنشوفها طيب لو مواطن مصري عايز يعملها تفتكر تكون شكلها ازاي علي مر العصور ؟





اشياء افعلها قبل الخمسين "العصر البدائي"...قائمة "مو مو مو " :



1-اخلص من عش الديناصورات اللي في سقف الكهف ده

2- اخدي لي كهف جديد محندق كده

3- اسحبلي كام مزة ع الكهف الجديد

4- اصطاد جاموس بري مع اصحابي واحنا بنصيع يوم الخميس

5- احاول اترقي وابقي "ديناصور مان " قد الدنيا وصياد كبير

6- احلق شعري..يارب يخترعوا مقص بقي..




اشياء افعلها قبل الخمسين "الاسرة الخامسة " ...قائمة "امحتاب " :


1-امتلاك مسلة جديدة

2- امتلاك عجلة حربية زيرو فول اوبشن

3- ان "مزة رع " تحبني وتموت فيا

4- اي حاجة من سفينة "حتشبسوت " للتجميل ان شا الله فير اند لفلي بس

5- الخروج في سفاري جمال في الصحرا مع اني طالعين عين امي من الصحرا اصلا




اشياء افعلها قبل الخمسين...قائمة "شجرة الدر"... :

1- ننتصر في كل المعارك

2- يتجوزني ايبك ولا اي حد قبل ما اتضرب بالقبقاب

3- متضربش بالقبقاب بقي

4- اخلص من صوت ام الطاووس اللي في القصر ده

5- امتلك جاكوزي عربي اصيل




اشياء افعلها قبل الخمسين.."عهد الاحتلال البريطاني" ..قائمة "مواطن مصري" :

1- الاحتلال يخلص

2- ادخل كلية الحقوق وابقي عضو في جماعة البلاغة المصرية

3- ابقي فرد من حركة "كلنا ثوار" وحركة "ضد الاحتلال" وابقي موزعاتي منشورات قد الدنيا

4- احب واحدة بنقاب في مظاهرة قديمة كيك

5- يشيلوني في مظاهرة علي كتافهم عشان ابقي ظاهر كده




اشياء افعلها قبل الخمسين .."عهد مبارك"..قائمة" مواطن مصري غني"..


1- ميبقاش الفيس بوك بفلوس

2- اجيب اي فون

3- يفتح مول تاني زي سيتي ستارز

4- امز كل يوم بس بلاش جواز خالص

5-مصر توصل كاس العالم بقي

6- اكسب علي مزيكا زووم واعرف عين مين دي

7- اسمع الاعمال الكاملة لنانسي عجرم


اشياء افعلها قبل الخمسين .."عهد مبارك"..قائمة" مواطن مصري فقير ":

1- الاقي رغيف العيش

2- اعرف اعلم العيال ان شا الله لحد ابتدائي

3- المياه تبقي مافيهاش مجاري

4- يعالجوني في التأمين الصحي مرة لوجه الله

5- اعرف اتجوز اصلا قبل الخمسين واكون نفسي




اشياء افعلها قبل الخمسين .."عصر احفاد مبارك"..قائمة "مواطن مصري متقدم" :


1- املك روبوت جديد

2- اركب النيتروجين في العربية عشان اعرف اطير

3- اجيب سرعة نت تانية غير ال 6 جيجا البطيئة دي

4- اتجوز 8 زي اصحابي "تتفشي العنوسة بجنون "

5- اجيب جهاز جديد للانتقال الاني بدل اللي باظ

عــود كـــهرمـــان

قلبي اللي كان عود كهرمان..
ضيه علي كف الزمان..
عاشق ولا يقدر يعيش..
كان قلب طاير وسط ريش..
كان قلب بيعدي الزمان..
ويعود حزين..
يفرد جناحه يروح مكان..
ومشافش فين..
دلوقتي مين !!
دلوقتي قلبي وصل لفين !!
بقي شيخ عجوز..
بقي نكسة مش ممكن تقوز..
بقي "قهــر خـانة " ..
بقي"حـزن خـانة"..
وقعت ملامحه في كل خانة..
من زهره قاتل كبريائه..
والضلع اعلن احتجاجه..
والحلم فيه بقي جثتين..
جثة حبيب..جثة حنين..
قبر وعليه ورد وانين..
شمعة شعور خانقة المكان..
تحرق تدمر مين ما كان..
جواه زهور دبلانة فيه..
وأسير عايشها ضياع وتيه..
وصحاري غرقانة في سراب..
ميتها "حي علي العذاب"..
قلبي العزيز..
دي رسالة ليك..
من رأي لازم نفترق..
وعهودنا لازم تتحرق..
مش عايز اشوفك بين ضلوعي..
مش عايز اكسر فيك دموعي..
أخرج بصمت رحيم جميل..
اخرج بإسم المستحيل..
مش عايز اكون لعبة مصير..
ولا عايز العب دور اسير..
ارجوك خلاص..
وقت الخلاص..
يا تعيش وتنساها في مكانك..
لأما هأحرق ريح مكانك..
ياما عشت فيا وعشت بيك..
دلوقتي بكره موتي بيك..
مش عارف اشوف وش انتصاري..
داري عليه شبح انكساري..
ارجوك خلاص..
وقت الخلاص..
متموتش فيا وموت بعيد..
لو مت عايز اموت وحيد..
دي عيونها كانت رحمتك..
دلوقتي بطشة قسوتك..
كان موتنا في عيونها حياة..
دلوقتي وهم طريق نجاة..
روح عيش هناك مع قلبها..
واصبغ وريدي بحلمها..
وارجعلي حر..
انا عايز اشوفك قلب حر..
حالة احتمال..
دلوقتي احساسنا احتمال..
ورجعنا فيه شبه المحال..
موت عندها وارجع رفات..
يمكن ادوق طعم اللي فات..
هتموت جميل..
موت قلب عاشق موت جميل..
سيبلي التعازي علي الرحيل..
واهرب بعيد..
سيبني باحساسي القتيل..
واهرب بعيد..
انا نور غرام..
ربك خلقني من الغرام..
وخرجت من طينة غرام..
سيبني لنفسي وغربتي..
احكي لدموعي ووحدتي..
عن حب كان..
كان يا ما كان..
كان عشق طاير بالزمان..
ولا له بداية ولا مكان..
كان يا ما كان..
القلب مات..
وسط الحكاية القلب مات..
سابلي رسالة في حضن دمي..
حسيت في دمي بطعم همي..
قالي يا دوب فيها كلمتين..
"عاشقي الجميل..
فيك انتحار..
هجر الغرام ليك انتحار..
هأمشي عشان شمس النهار..
ترجع اليك..
وهأضحي بيا عشان تعيش..
قصتنا جت علشان تعيش..

مسطـول مــن زمــن قــريش...الجــــزء الثــــاني

وظهرت فجأة طفرة في اغاني الأطفال في قريش حيث صعد المطرب يغني في عيد الأطفال العبيد :



"امورة بابا الخنساء..
امورة بابا الخنساء..
شطورة بابا خنسأتي..
امورة بابا "


وايمان بن البحر صعد ليغني اغنية طفولية رقيقة يعلمهم فيها المعارك والبطولة :


"للعدو رقبة..
رقبة..
وفي ايدي بلطة..
بلطة..
في الصحرا جندي..
هنجيبله جلطة..
وبابا طبعا..
عايزها غزوة..
يارب دايما..
نمثل بجثة.."



وطبعا لظروف الصحاري القاسية ظهرت اغنية "جدو حنظل " والتي تقول :


"جدو خنظل عنده ايه؟
ايا ايا اووه
صقر يطير ..يجيبلي قتيل ..ويجيبلي جثة وهات يا لعب..
وذئاب بتعض تموت بعض وديب بينط وننزل لعب..
وتعبان نونو بسمه النونو يسم بدنا وننزل لعب..
جدو حنظل عند ايه؟
ايا ايا اوووه"




وكانت الغيرة الزوجية علي اشدها في تلك الفترة حيث ان في كل معركة يذهب العسكر ويتحجج عشان يتجوز علي مراته من قبيلة تانية بحجة انه مش قادر وظهرت الاغنية النسائية :


"اتجوز عليا مرة..
قال ايه قال من برة..
بيقولي متخافيش ده جواز مسيار..
ده جواز مالوش امانة ولا له ورقة ضمانة..
ياريتني كنت انا اتجوزت حمار "



ويخرج جندي من المعركة فجأة بعد خطبة حماسية ليحدث القائد ويقول :

"اديني هجرتها ..
اديني رميت ايديها
كفاية حروب بقي..
مش قادر اشوف عنيها ..
وليه الغزو ليه..
قولتولي تعالي جيت..
لاهاعاتبك ع اللي فات..
ولا اتاقل عليك "


ويخرج فجأة جندي اخر يلومه علي حديثه من القائد ويقول له:

"لولااااااااااا الهوي..
لولا لولا لولا الهوي..
لولا الهوي..ماكنت جيت لولا الهوي..
حبيبي جيت الصبح من بدرررررررررري..
بدررررررررررررري..
وجاي احارب رسمي فهمي نظميييييييييي..
وفوزيييييييييييييييي.
عشان اوري الدنيا لون غزوييييييييي
غزويييييييييييييييييي"



ويخرج جندي اخر مسطول من خلف الصفوف في خلال المعركة الكبيرة ويقول :

"انا ماسك سيفي بني..
حاسس المعركة هتاكلني..
واقف في الصف بسقط..
والجنود عمالة تتشقلط..
وقافلتي اللي ورايا قدامي..هئ "



وفجأة يدخل الجندي منير المسطول مرة اخري خائف ويقول :

"من اول لمسة..
يطلعوا احشائي..
من اول لمسة..
هشوف امعائي..
من اول لمسة "




ويراوغ تامر في وسط المعركة القاتلة وبيشجع الجنود ويقولهم :

"اجمل حاجة فيك يا جندي هي دي "

ويرد الجنود : ايه يا عم ده متحترم نفسك احنا في معركة

يكمل تامر "قوة عزمك"

ويرد الجنود : "اه ايوه كده احترم نفسك "

يكمل تامر : "اجمد حاجة بجد فيكم هو ده "

يرد الجنود : متتلم يا تامر دي معركة يا اخي"

يكمل تامر " صبرك حسمك .."
"واجمل حاجة بتفرحني وبتسعدني وبتشقلطني
لما ايديا بتمسك سيفي واطيرلي رقبة..
يااااااااااه علي الغزواااااااات لما الغزوااااااااات تضحك للواحد مرة واحدة
واااااااااااه يا سلام يا سلااااااااام
نخلص اواااااااااام
وندك العدو بدكة واحدة اوووووووووووه "





ويدخل سمير الاسكندراني بسيفه ويقول :

"مين اللي قال
ان الزمان
ملوهش امان يا عيني
مييييييييييين..مييييييييييييييييين يا ولاد الكلب مييييييييييييييييييييييين ؟ "


ويجري الجنود : ابعدوا عن الراجل ده ده مجنون يا جدعان


وتدخل جنود من النساء في المعركة للمساندة عند قرب انتهاء المعركة وتمسك سيفها نوال بنت الزغبي وتقول :

"سيفي دق..
ايوه ايوه سيفي دق..
انت سيفك انت لأ..
لو كنت نسييييت.."


ويعود علي الحجار بحشيشه مرة اخري ويدخل المعركة ممسكا شئ غريب ويقول :

"شيشة ويا شيشة..
يكمل الحشيش..
والله احلي عيشة..
تربة الحشيش.."


وترد عليه اليسا حبيبته في المعركة قائلة :

"هستناك..
عشان دايما احب اشرب حشيش وياااااااك..
وقلبي معااااااااااك..
مش بنسااااااااك..
ومش بعرف احشش وحدي..
حشيشي معاك..
حشيشي معاااااااااااااك"


ويعود المسطول مرة اخري منير ويقول لمريام فارس ويعاكسها في وسط المعركة :

"يا بت يا ام المريلة كحلي..
يا شمس طالة وهالة م الياقة "ياقة ايه يا حاج دول لابسين جلاليب قريشية "
ممنوع عليا ولا مسموحلي..
اجي قبيلتك ومعايا كام ناقة"



وتأتي الهيفائية فجأة لتعاكس منير وتبعده عن مريم قائلة :

"اللي يعاكس برة قبيلته يبقي ايه ؟"

يرد منير : "نوتي نوتي "

تكمل هيفاء : "واللي يعاكس في معركته يبقي ايه ؟ "

ينظر منير للأرض خجلا ويقول : "نوتي نوتي "


وتكمل نانسي عجرم فجأة :

"واللي بيهرب من قافلته..
وييجي يعاكس مزة زميلته ..
وبيزعل كل خيمته ..
يبقي ايه؟.."

منير : مش شاطر شاطر


وانتصر الجنود وانتهت المعركة وقال تامر للأسري وهو بيهوش :

"كل مرة بحاربك فيها ..
ببقي نفسي اه.."

يقول الجنود : اه ايه يا عم ؟

تامر :

"اطير وشك..
وانتف صدرك..
واخد شعره ليا انا..
طب اه "



وجاء فجأة جندي من الخلف ليعلن خبر مزعج لتامر قائد المعركة ويقول حمادة الهلالي :

"
تصور..؟
جندي بقلة حبيبي اتعور..
كنت حاميه هناك بخنجر..
بس ضربه جندي اعور..
بصخرة هنااااااك "

فيقول تامر :

اديله نفتالين يا عم ولا زفت وعالجه يا منير

يرد منير بنصيحة لعلاجه ويقول :

"لما نعدي النفتالين في شعره ممكن يتوجع..
ويقول اهاااااااات..
وفي راسه واوا كبيرة ممكن تتفتح..
يصرخ اهاااااااات..
اه اه اه اه اه اه اه اه اه اه "

تامر: اخلص يلا انت هتقرفني عالجه باي زفت ده بقلة حبيبنا..



وفي رحلة الرجوع يغني عمرو فجاة نشيد الرجوع :

"راااااااااااجعين..
ناكل خرفان ونمزمز بين جوارينا..
راجعيييييييييين..
نشرب قوارير وهنعلن نصرنا لينا
وتعال تعالي تعالي
يا قريشي تعالي تعالي
كل قريشتنا تغني
ويايا نقول مساطيييييييييييييييييييل "



وانتصرت القافلة وانتهت الحرب بسلام

ديكـــو وفـــرخونة ..الجزء الحــادي عشر

في غرفة القيادة العامة ..



التهامي: يا وديييييييييييييع

وديع : تهامي باشا

التهامي: شوفلي ديكو فين دلوقتي عايزين ننجز المهمة بأسرع وقت

وديع: اوامرك يا برنس الليالي



وعلي الجانب الاخر ..


درويش: متقلقش يا ديكو اكيد مصطفي هيجيبلك ابنك وتبقي حر منهم

ديكو: المهم ميعرفوش حاجة ويفهموا انه اتخطف بس مش احنا اللي خطفناه

درويش: مصطفي عارف شغله كويس ده كان في الجيش المصري

ديكو: ماهو ده اللي مخوفني

درويش: شوفت فيلم الطريق الي ايلات؟

ديكو: بتاع مادلين طبر؟

درويش: هو بقي بتاع مادلين طبر؟

ديكو: انا اسف ..مايوه مادلين طبر؟

درويش: مايوه؟كل اللي همك في الفيلم المايوه؟

ديكو: يا باشا المايوه ده كان في سن مراهقتي وهو سبب وعي سياسي لجيل كامل

درويش: ما شاء الله علي كده نادية الجندي رائدة الفكر السياسي بأفلامها دي

ديكو: طبعا يا باشا الراجل مننا يدنه فاكر الست ل......

درويش: راجل ايه انت هترسم؟ يا ابني انت ديك



وفي المقر السري عند رؤؤف ..


منقار: انا قلقان اوي يا سيد رؤؤف

رؤؤف: متقلقش ربنا معاه

ويدخل مصطفي شعبان الشقة قائلا ..

مصطفي شعبان: سلاموا عليكم ..مخابرات

رؤؤف: ايوه احنا مخابرات

منقار: الله يخربيتك يا رؤؤف الكلب..هو اي حد يسألك مخابرات؟ تقوله ايوه انا مخابرات ..هو احنا بتوع لبن ؟روح يا اخي الهي اعدمك

مصطفي: استني ياعم انت وهو .. انا اللي مخابرات

رؤؤف: ايه اللي انت مخابرات احنا هنهزر انت عايز ايه بالظبط؟ وبعدين هو في اي واحد مخابرات يقدم نفسه يقول انا مخابرات مافيش سرية؟

مصطفي: ههههههه بعض ما عندكم يا سيدي

ويفاجأ مصطفي رؤؤف بلكمة هشمت انف الأول وسحقت ودان التاني ودغدغت قفص صدر الجيران اساسا "مع ان مافيش غير رؤؤف في الشقة بس بقرا رجل المستحيل "

مصطفي شعبان "صائحا" :متبللللللللللللللللللللللللللة وووووووووووووه

منقار: انت مين وعملت كده ليه؟

مصطفي شعبان : ده في مصلحتك صدقني بابا عايزك يا حبيبي

منقار: بابا عايزني؟ انت شايفني في الحضانة؟

مصطفي شعبان: احم..قصدي المخابرات عايزياك يا منقار ابوك بقي معانا دلوقتي وهنلعب ع التهامي

منقار: والله ابويا ده جنني

مصطفي شعبان: ليه؟ ليل ونهار عرفة الجامع؟

منقار: ده انت ابن كلب خنيق بجد زي ما سمعت عنك

مصطفي شعبان: انا اتعلمت دي في الجيش المصري مصنع الرجال

منقار: يا اخي قرفتنا بام الجيش اللي انت دخلته مصنع ال.... ولا بلاش

مصطفي شعبان: ايه ؟ كنت هتقول ايه؟

منقار: لابلاش بقي ده راي شخصي

مصطفي شعبان: طيب قولهالي زي بدون كلام

منقار: ماشي..كلمة من تلات حروف علي وزن عسل توصف راجل معين

مصطفي شعبان: امممممم..بطل؟

منقار: ممممممم..نمشيها زي بعضه بطل بطل..شباب بطلات صحيح

مصطفي شعبان: طيب يلا بينا


وفي اثناء الخروج يقوم رؤؤف فجأة ويمسك قدم مصطفي شعبان

مصطفي شعبان : ايه جو افلام الرعب ده ؟ متخفي بقي.."ويركله ركلة هشمت انف الاول وسحقت الصابع الصغير للتاني وشحورت التالت في احساسه"

منقار: يلا بينا بسرعة



وفي مقر التهامي باشا..


التهامي: يا وديييييييييييع

وديع: اوامرك يا باشا

التهامي: افتح التليفزيون بسرعة بيقولوا في قمة عربية شغالة لايف دلوقتي

وديع: قمة عربية لايف ؟ مش لايقة يا باشا

التهامي: اخلص يا ودييع انا عايز اشوف القذافي بيقولوا فقرة الاستاند اب كوميدي بتاعته جاية دلوقتي

وفي اثناء القمة ..وكل دقيقة

التهامي : هههههههههههههههههه مسخرة هههههههههههههههههه

وديع: احم مكالمة لسعادتك يا باشا

التهامي: مين؟

وديع: مزة يا باشا مكالمة ساقعة يعني

التهامي : طيب اخفي انت

وديع: بقولك ايه يا باشا كنت عايزك اكلمك في فيلم كده.نعمل عمر وسلمي تلاتة

التهامي: ده انت عايز تغرقني معاك..انسي يا وديع..خد ده " كلم ماما" واهو في نفس مستوي عمر وسلمي 2



وفي مقر المخابرات التانية "مش عارف ازاي" :


ديكو: القمة العربية هتبدأ يا درويش

درويش:هات الريموت


وعلي شاشة التليفزيون:

المذيعة: اهلا بيكم في قمتنا..قمة المرح والفرفشة ..قمة القرارات الورقية الطائرة..قمتنا مش عادية مع برنس الوطن العربي "القذااااااااافي "

يصيح الجمهور : وووووووووووووووووووووووووه

المذيعة: وابو تريكة السياسة ودهاليزها "حسني وادلع نفسي "

الجمهور: ووووووووووووووووه

المذيعة: والسادة الحضور الباقيين كومبارس القاعدة دي

الجمهور:يييييييييييييييييي

المذيعة: مع كلمة القذافي

القذافي:

" عن اي وطن عربي تتحدثون انتم؟ احنا اللي بنعبي الأونطة في الشنطة ..والسنجلاب دايما قلاب واللي تخاف منه تقوله يا عمي
وطن ايه؟ ويش جابك بالحكم انت ؟ ويش؟
في فرنسا كانوا يعملوا الشراب النايلون بدل الكاستور ..لكن احنا وطن لقيط أليط
وفي سويسرا كانوا بيعملوا الملوخية من غير شهقة ..لأن دي ضلالات ..شهقة ايه اللي هتفرق في ملوخيتكم؟
واهم حاجة اللبن الطبيعي لأن الصناعي ده مضر جدا
واظن ان العلماء الليبيين علي مستوي عالمي
لأن اخر عالم ليبي حصل علي جايزة البليلة بالقشطة كان عن اثباته ان التوتو ني
والعالم الأخر الذي اثبت العلاقة الطردية بأن اما الدنيا تكون برد عم خليل بيسقي الورد يا جماعة
في ظاهرة جديدة حصلت في مصر وهي الاكل التخين يعني ناس تاكل فشنكاح وناس تاكل قنبلة وناس تاكل ديناميت وطن ايه يا عرب؟ الديناميت هيدمرنا
وبعدين طيب حتي خافوا من التفتيش يا اخي ده البرادعي مبيرحمش في بطونكم قنبلة وديناميت وفاشنكاااااااااااااااااااااااااح"


الجمهور والقادة العرب يقفوا فجأة وتصفيق حار: برااااااااااااااااافوهوووووووووووووووووه براااااااااااااااااااااافو "تصفيق حاااااااااااااااار"



ديكو: شكلهم سخنين السنة دي باين كده هيعملوا حاجة جامدة ..كلمة مؤثرة جدا بتاعة الفاشنكاح دي

درويش: طيب اقفل التليفزيون بقي كفاية هعيط



وفي مقر التهامي ..


وديع: باشا مالك يا باشا؟

التهامي"مغمي عليه"

وديع: يا نهار ازرق كلم الدكتور بسرعة يا حسين اتحرك..

التهامي"يفيق" :ايه في ايه

وديع: الف سلامة يا باشا..ده انا اتخطف ..الحياة مش فيري خالص يا باشا

التهامي:ايه يا وديع شايفني مت .. وايه مش فيري دي ؟شكلك بتشوف الاعلانات كتير ..دي كلمة القذافي كالعادة ..اغمي عليا من الضحك

وديع: الف سلامة يا باشا ديكو.. موبايله مقفول يا باشا

التهامي: طيب كمان شوية نكلمه



وفي الطريق لديكو...


مصطفي شعبان: عارف كانوا بيشغلوا لنا ايه في الصاعقة عشان نتحمس ونحس اننا قاسيين

منقار: ايه يا سي مصطفي

مصطفي شعبان: اغنية كلها حماس وكفاح بتقول "انت قلبك قاسي قوي قوي ..انت مش بتحس كده وكده "

منقار: ماشاء الله ده عاملين احلي شغل معاكوا والله وكنتوا بتتمرنوا علي ايه بقي؟

مصطفي شعبان: كنا بنلعب كرة سرعة واسكواش

منقار: كرة سرعة اه..لأ فعلا مصنع الرجال ما شاء الله ..انت متعرفش ان كرة السرعة دي لعبة البنات؟

مصطفي شعبان: لأ ما احنا ساعات بنعمل مربي في فقرة التدبير المنزلي

منقار: تدبير منزلي؟؟؟؟؟؟؟؟؟!!!!!!! أ تييييييييييييييييييييييييييييييييييييييييييييييييييييييييييت

مصطفي شعبان:ايه مالك؟

منقار: مالي ايه يا عم ..ده جيش ام حسين ده مش جيش عادي

مصطفي شعبان: انت مدخلتش الجيش؟

منقار: لأ الحمد لله لسه راجل

مصطفي شعبان: راجل ايه يا عم ..انت وابوك فراخ يا عم هنقعد نقنعك لأمتي قرفتونا

منقار: ماشي يا عم الراجل ..مبننعملش اعلانات زيكم

مصطفي شعبان: انتوا ؟ ده انتوا واكلينها والعة انت عارف اعلانات المرقة دي بتاخدوا فيها كام ؟ ملايين

منقار: ايه يا عم ما انت بتاع بطاطس برده وبتقبض

مصطفي شعبان: يا عم ده الفراخ اللي بتطلع علي القناة اللي فتحت في رمضان دي بتاخد مبالغ مهولة

منقار: ناس تقولي ان" الجواز العرفي" ده اصله ديك ..

مصطفي شعبان: ده انت زي ما قالولي عنك بقي يا خفيف

منقار: يا عم انجز وحياة ابوك القعدة معاك خلتني اجيب جاز

وركبوا السيارة وانطلقوا الي مقر المخابرات الأخري عند ديكو



والبقية في الجزء القادم..

قنــاة الفـــزع...الجــزء الثــاني

بعد مشوفنا مسلسلاتنا وطفحناكم الدم من الدراما وحالات الطلاق والزواج العرفي واللذي منه نروح لفاصل اعلاني غير انساني للمرة التانية ..عووووووووووووو





اعلان سمنة :

سمنة "السمنة المفرطة " تاتي اليكم بشكلها الجديد
سمنة مرملة وانتظروا المفاجأة سمنة متربة مع كل عبوة مرملة اهو رمل مع تراب يمشي برضه
"السمنة المفرطة" تغنيكم عن محاولات الرجيم وتضييع الوقت
"السمنة المفرطة"..شعارنا "اوعي تبص ع الميزان ..لمصلحتك"




شوبنج سنتر:

الأن افتتاح محلات "عم عبده" بعد خروجه من السجن
عم عبده لسه مشتاااااااااق
ننصحك بالحذر في غرفات تغيير الملابس لوجود كاميرات
وحتي لو لابس في كاميرات اشعة تحت حمراء ..هنشوفك يا بيه وهنشوفك يا مدام
احذية ولادي وبناتي موديل "مافيش احسن من العيال"
وموديلات حريمي جديدة موديل" احلي كلام واحلي شغل "
عم عبده .."اوعي تغير هدومك"



شريط كاسيت :

كوكتيل "اعوجاج الحاجز الانفي "
احدث الأغاني لكبار المطربين الخنف
ايهاب توفيق..محمد نور..محمود العسيلي..هيفاء وهبي

والمفاجأة كوكتيل هدية مجانا ..
كوكتيل " الحشيش علي ابوه "
للمطربين جورج وسوف وجورج الراسي
وكوكتيل "اعمل ايه بشعري "
للمطربين وديع الصافي والعزبي
والكوكتيل المدمر " تجشـــأ يا حبيبي تجشــأ "
لمطربين التجشؤ علي الحجار ولطفي بوشناق
احدث الكوكتيلات واجمل الاغاني




مطار:

"الوداع الاخير للسفريات" تقدم خصومات علي كل الرحلات
خمسين في المية خصم ومش بنركب اربعات زي باقي الطيارات
مضيفات مزز والمفاجاة وجود تباعين علي الطيارة بيلموا الأجرة
الوداع الأخير للسفريات شعارنا "خايف اقابله..خايف اقابله "



برنامج مسابقات :

برنامجنا المشهور "موت فاكتور اكستريم "
الجولة الاولي الحصول علي حقنة ايدز من مريض بالمرض
ولو عديت هنحاول نسمك تلات مرات وبعدين نرميك لتمساحين في بحيرة ناصر
ولو عديت الجوالة التالتة هتكون ركوب طيارة من غير جناحين ولا سواق
ولو عديت هنختبر بيك قانون الجاذبية من فوق ناطحة سحاب
ولو عديت هنخليك تحضن خنزير وتبوسه فرنش كيس
ولو عديت هتكسب عشرين الف جنيه
"فير فاكتور اكستريم ".."موتك علينا"




مشروب جديد:

الأن مفاجأة السوق المصري مشروب "دم الحنش "
"دم الحنش" خالي من المواد الصناعية تماما لأننا حاطين مواد عضوية بس وسماد تقريبا
"دم الحنش" خالي من الألوان الصناعية مع ان لونه بمبي في اخضر مش عارف ازاي
"دم الحنش" طبيعي مية في المية حسب قوانين "اوبة النكشة " الدولية في بلجيكا
"دم الحنش" .."اول انتاج لبلدنا بعد الاستيكة والصمغ"


مستشفي :

مستشفي "سفير جهنم " تقدم احدث الاجهزة المستعملة التي وصلت حديثا
اجهزة "نص عمر" وساعات بدون عمر اصلا لراحة المريض
كل الحقن اللي عندنا استعمال مرتين بس قبلك اطلب حقك واوعي تكون تلات مرات
عالجنا حالات كتيرة واخر حالة كانت "سعاد نصر "
مستشفي "سفير جهنم " ..احدث خبراء في عالم الجزارة والخراطة
لدينا دكتور "زكريا البرنس " عاد من الخارج بعد حصوله علي زمالة جامعة "شبراخيت الدولية"
مستشفي سفير جهنم "..االداخل مفقود والخارج مولود "


خيمة رمضانية :

خيمة ابو لهب المضانية تقدم
احدث ما وصل من فن الخلاعة في الشهر الكريم
نساء وجواري وازازة في ايديك بدون اي شعائر اسلامية
ليس لدينا وازع ولا تقوي
ليس لدينا الا الليالي الكويسة والناس المبسوطين
خيمة ابو لهب تقدم ايضا جميع مطربات العري كليب لراحة سعادتك
كل شئ بتسعيرته ..وانت كلك مفهومية
خيمة ابو لهب "في الشهوات قتيل..واحنا في الشهر الفضيل "

بكـــر كـــليب

**

اظن ان تكرار هيفاء وهبي لكلمة "يلا نطفي النور " في اغنية اطفال التي اصدرتها في الفترة الأخيرة غير مناسب علي الإطلاق إلا" للرجال فقط" !!



**اظن ان شوبير لابد ان يذيع برنامجه الفترة القادمة من "غرفة نوم ستائرها حمراء" هو ومرتضي منصور لأن الحوار الدائر بينهم هذه الفترة لا يليق الا بغرف النوم الحمراء !!



**اصدار محمد ثروت لألبوم غنائي جديد هذه الأيام يذكرني بالكلمة "كنت فين يا خشب ايام ما كنا نجارين ! "



**كلمة وائل جسار "في كده معقول يا ساتر ..مافيش كده في الحياة " في اغنية غريبة الناس اهديها بجدارة لرخامة مها احمد وسعد الصغير في فيلمهم الفاشل الأخير..



**كلمة نانسي عجرم في اغنيتها "انا اجمل شاب بيتمني بمشواري يرافقني " خيالية بعض الشئ...بصي لجوزك بعين محايدة يا نانسي !!



**موقع كورة الرياضي يضع احيانا تنويه عن مباريات كونية منها "مباراة اخوة تشرشل مع نادي فيتنام " وهي مباراة لن تقام الا في المريخ ولن يراها حتي المريخيين !



**اظن ان رئيس تحرير جريدة البلاغ التي نشرت فضيحة كاذبة لنور الشريف يذكرني كثيرا بمسلسل شرف فتح الباب وكأنه زي يحي الفخراني في المسلسل اتجنن وبيقول "انا اشرف راجل في الدنيا أسألوا ولادي "..ولكن هو سيظل يردد في السجن "ايوه انا عندي الدليل بس مش هأطلعه غير في وقته..ايوه انا عندي الدليل بس مش هأطلعه غير في وقته " !



**لابد ان يكون هناك فقرة ثابتة يوميا للكابتن محمود بكر للتعليق علي اي شئ لان هذا الراجل موهبة فاذة..ليست رياضية..بل كوميدية جدا !
ويسموا البرنامج "بكر كليب " وهو بيعلق علي كليب هيفاء يقول "ها ها هاي ..يا سلام بلفقتنا كلنا والله بالكلمتين دول "
وعلي كليب نانسي عجرم " ايه الجمال ده ..انا شايف ان ده ظلم الانسان لاخيه الانسان ده احنا اكلناها وشربناها واللهي"
ومن المرجح اسم تاني للبرنامج لمحمود بكر اسمه "مين اللي حصل فين " !



**اظن ان المستحيلات التلاتة هم "حلاقة شعر محمد منير وتغيير الوان قميص شعبان عبد الرحيم وصدق احمد نظيف في تصريحاته " !



**كل المسلسلات التركية التي نتابعها بطولة شباب وكل مسلسلات رمضان المهمة بطولة كبار في السن زي يحي الفخراني ونور الشريف وصلاح السعدني
وهذا لأننا نؤمن دايما ان الدهن في العتاقي والدليل علي ذلك..الريس بتاعنا ..

مسطـــول مـــن زمـــن قـــريش

وقف التاجر القريشي يبيع في السوق وينادي بعلو صوت :


مين يشتري العبد مني ..
وانا بنااااااادي واغني..
ترم ترم تررررم..



وفي كل مناسبة وطنية وبعد كل غزوة قريشية :

تغني نانسي بنت عجيرم المنفوش :

لو سألتك انت قريش تقولي ايه..
تقولي قريشي ابن قريشي..
وكل قريشي الله عليه..
قولها باعلي صوت..
وارفع راسك لفوق..
انا قريشي وابويا قريشي..
وخفة دمي قريشي "وهنا لنا وقفة ..ايه خفة دم قريشي دي؟ "



وياتي يوري من قبيلة مرقدي ليقول :

قريشي انا احبيني..




وتفتح قناة جديدة للكوميديا اسمها "قريش كوميدي" ليظهر فيها كوميديانات قريش كلهم..

المشكلة عندهم بقي كانت في السفر ..تخيل مكانش في يافطة واحدة تقول "قريش60 كيلو" "قبيلة مازنجر بن افروديت 14 كيلو " مافيش خالص ولا يافطة..



وتاتي شيرين بنت عبد الوهاب لتغني :

مشربتش من بيرها ؟
طب جربت تغنيلها؟
ولا ليك صورة في الصحرا تغني قوافلها وتشكيلها؟ "وهنا لنا وقفة ايضا...لا مالهمش صورة في الصحرا خالص "
ممشتش في صحاريها؟
طيب ما غزوتش فيها؟



ويغني تاجر الجواري تامر بن حسني للإعلان عن الجارية الحسناء رشا ويقول :

انا شايف دلوقتي قدامي واحدة..
هيجرالي حاجة..
لو مبعتهااااش..
مشوفتش في جمالها انا اي واحدة..
هيجرالي حاجة ..
لو مسلمتهاش..
يا جامدة ايه اللي انتي عملتيه فيا




ويأتي كاظم بن ساهر ويغني :

فرشت رمل قريش ونامت ..
واتغطت بالشمس..
صارت مثل النار اعصابي..
امتي المزة تحس ؟




ويحدث لأول مرة دويتو قريشي ساخن جدا بين بعرور قريش ومي بنت عز الدين يقول :

انا اظن
اني قريشي متين
انا اظن
اني سلاحي متين
اه يا ناري اه ياناري
ده قريشي مولع ناري
اه يا ناري اه يا ناري
قريشي مولع ناري




وكان لقبيلة قريش رجل يسمي "رجب بن الخازمي " وهو الذي يرد علي الفارس الذ يسلم فرمانات المعارك والتهديد
وذات يوم اتي رجل يحمل فرمان تهديد ووعيد وقال "مارايكم في هذا ؟ ام تحبون الحرب ونظام ؟ وليكوا شوق في معركة ؟ "

فرد عليه الرجل صاحب القبيلة وقال : نادوا الهيفائية

وجاءت هيفاء وقرأت الرسالة وقالت :
رجب ..
دع صاحبك عني..
رجب
صاحبك جنني..
قال ايه يغزونا ..
ده ابن لذونا..
راجل قاسي وغدار..
عايز معركة..
ونظام فرتكة..
يرمينا في وسط النار..
ررررررررجب..

وكانت هذه اصل اغنية رجب الشهيرة






وغني علي بن الحجار لقريشية شكلها عجيب فمها مريب وقال :

سمرا وبودان طويلة.. "ايه دي الجزمة ؟ "
وطويلة ديل الكحيلة.. "بيقول اي كلام "
ياني ونداني غرامي
ومالي في هواكي حيلة
وبقولك ايه
تجيش نعيش
في قبيلة تانية
فيها الحشيش ؟
في قبيلة تانية
فيها الحشييييييييييش




وردت عليه المزة وقالت :

اجمل احساس في الكون
اني احشش بجنون
في قريش معاك
اتنين مساطيل يا سلااام
ده غرام ولا في الاحلام
دوبني هوااااك
شربني حشيش
روحي انا
شكلك خرمان
وشكلي انا
يلا حشش
معايا انا
معايا انا


ويعود تامر حسني من تاثير الحشيش القريشي ويقول :

عمرها حصلتلك دي ؟ هئ
تبقي ماشي في قريش الصبح
تلاقي نفسك بقي بلييييييييييل
انا بقي حصلتلي معاك
وشربت حشيش وياك
انا بقي من يوم مشربته
مش داري وشك من شكل قفاك



وفي سوق عكاظ للمناظرة الشعرية وقفت شاعرتان من شاعرات العرب وقالت الاولي :

اخاصمك اه
اسيبك لا


ثم قالت للشاعرة الأخري:
ردي عليا بمثل هذه القافية لو استطعتي

وردت الشاعرة فجأة وبمهارة مريام بنت فارس :

نينا نينا نينا نينا نينا نا
اوبة نينا نينا نينا نينا نا



وصفق جميع الحضور باعجاب شديد من تمكن الشاعرة من ادوات اللغة العربية




ويقف العريس القريشي الحاضر ليعلن خبر فرحه القريب امام الناس ويقول بصوت عالي :


هتجوز
انا هتجوز
انا خلاص هتجوز وهابطل ابص عالبنات
خلاص هاتجوز وهابطل اقضيها غزوات "لأ فعلا شاب مقضيها "
رقصني عالواحدة
ولا عنتر ولا عبلة "وهنا يغتاظ عنتر وعبلة لانهم كانوا حاضرين اتنين اسمهم عنتر وعبلة "




فيقوم عنتر بسيفه ويزعق بصوت عالي جدا احتجاجا علي كلام العريس ويقول:


الا الا الا الا الا
ايه ده ايه ده ايه ده ايه ده ايه ده ده
الواد ده مين الواد ده مين الواد ده مين ده ؟
قبيلة ايه ده؟
منين ده؟
الواد ده يا ناس
مش وجه اليف
علامات دقنه
دي مكان تنتيف
ده انس ولا جن
يا ناس هتجن؟
طب الا الاالا الا الا الا
ايه ده ايه ده ايه ده ايه ده ده



ويقوم قريشي مسطول فجأة ممسكا قارورة خمر ويقول :

سيا سيا وو سيا تنجبلاووه سيا
يا رايح
رايح فين؟
يا قاعد
قاعد ليه؟


وفجأة يكمل بكلام اخر :

الواد عايزله خنجر
منين اجيبه خنجر؟
الواد عايزله جارية
منين اجيبله جارية
ده الواد بياع الجارية حبسوني وحبسووووووووووه



وينهال عليه سيل من الشتايم والطماطم لانه بيقول كلام اي كلام

ويأتي بائع الجواري فجأة تامر ويقول لمنير :عايز جارية؟ ابيعلك جارية

ويقول منير له : هئ..اوصفهالي..



يرد تامر:

تقولي اوصفهالك..هأوصفلك..
تخينة..تقيلة..
زي الفيل بتتحرك..
ورموشها تقيلة..
تقولش رموش واحد صاحبك..
وعايزني اوصفهالك اوصفها



منير: يخربيتك سديت نفسي هئ..هو النهاردة ايه اساسا انا بايني سكرت هئ

امباااااااااااااااارح كان عندي عشرين هئ
كان عندي عشريين
امبارح
وانا بإزازتي سارح هئ
ولقيت الهوي طارح
كان عندي عشرين..ولا باين واحد وعشرين مش فاكر هئ
كان عندي عشرين
عشررررررين



رئيس القبيلة: لا حول الله الواد سكران طينة امبارح ايه اللي عنده عشرين ده سنه فوق الخمسين باين



وياتي اعلان فجأة في الشوارع بالميكرفون


"الأن مفاجأة قريش مول اب تاون قريش علي صخرة ونص في الصحرا
خيم رمضانية.."ما احنا اصلا حياتنا كلها خيم "
يعني مافيش رمضانية وغيرها ههههههه
المهم
المفاجأة عدد كبير من السادة الزعماء لقريش الافتتاح غدا
اوعوا تيجوا
بااااااااااااااااي يا قريشيين"