Sunday, May 26, 2013

Femme Fatale قصة قصيرة






حكاية تدور في السماء تارة وفي الارض تارة اخري ..حكاية للرغبة والقدرة والذكري والموت..
انها قصة " رغدة و ادم"..



في منطقة وسطي بين السماء والأرض :


ملاك : لماذا فعلت به فعلتك ؟ قل لي لماذا لقد بدأ ينساها منذ فترة

شيطان : هل هذا ما تعتقده حقا ؟ انه لم ينسها ولو ليوم واحد ووظيفتي الأن ان اعيده للتفكير فيها مرة اخري

ملاك : ولكن لماذا ..لقد تزوجت الأن ولم يعد بمقدوره الا أن يتأمل ويتألم..هل هذا ما تريده رغم انه مخلص لك علي الدوام ؟

شيطان : انه مخلص في النزوات والرغبات ولكن ما ارغب به وما انا متشوق اليه الأن هو .."جريمة"

ملاك: اعوذ بالله منك..انك أحمق من رأيت طوال حياتي

شيطان "يضحك"  : فقط لأنك تعيش في السماء..انزل الي الارض وستعرف ما هي حماقة البشر ..



في احدي المسارح في الاسكندرية :


أدم : اه يا لصعوبة هذا المشهد لقد اعدناه عشرات المرات ..

المخرج : التركيز يا ادم..اراك اليوم دون تركيز علي الاطلاق

أدم : أمر بظروف صعبة هذه الايام اعذرني..

المخرج : استراحة..لا تعد الا وقد هدأت اعصابك تماما



يخرج ادم من المسرح ليستنشق هواء اسكندرية النقي ..عاش ادم اياما حالكة منذ ان انتهت قصته ب "رغدة" منذ عدة اعوام...وهي التي طغت واقعيتها علي رومانسيته وطغت بسلطانها علي جبروت هيامه..
لم تكن الشخصية الأقوي ولكن الحب هو من جعلها في نظره أقوي النساء جميعا..انها كما يقول مثل الجملة الشهيرة
Femme Fatale

جعلها العشق تظهر له بقوة السماء ..لدرجة التعبد..كان يكرر لنفسه الجملة ويقول  "مع رغدة ذلك افضل بكثير" !!
رغدة كانت ملحمته العشقية الخالدة..كان هو ذليل الهوي وكان يؤمن امام عينيها انه يتقمص شخصية "اوفيد"  ويقول كما قال :لا يمتزج الكرامة والحب جيدا، ولا يستمران سويا إلا لفترة قصيرة.

نعم لا يمتزج الحب بالكرامة جيدا كما قال اوفيد..انه لا يعرف امام رغدة سوي ان الحب ذل وقهر وعذاب وموت..رغم انه عاش طول عمره يريد ان يري الحب الذي يتحدث الناس عنه علي انه هو الحياة او هو النعيم الابدي..هو جنة الله علي الارض..ولكن حدث ما لا يحمد عقباه ووقع في عذاب الحب ولم يري نعيمه الا في نظرات عينيها..

يجلس امام الشاطئ ويكرر نفس الجملة
Femme Fatale

انها الشخصية الاقوي ..لجمالها هيبة..ولرموشها وقار ملوك وملائكة..ولحضرتها معين دفئ لا ينضب..
انها كما شخصية بطلة رواية
Venus in Furs

قوة بركانية هائلة من الانوثة ..كما "سحر الفودو" أو أقوي تأثيرا..انه السحر الاخضر كما عينيها ولن اقول عنه سحر اسود..

ولكن من هو خالد ؟؟

خالد كان زميله منذ الطفولة..في مرحلة الجامعة شعر بنفس ما شعر به ادم تجاه رغدة..انها قصة حب اطرافها ثلاثة..واعلموا دائما ان رقم "ثلاثة" في قصة حب تعني المأساة..فالحب لا يؤمن الا برقم اثنين في حدوثه ورقم واحد في تكراره !!

كانت بالنسبة لخالد مجرد اعجاب اما بالنسبة لأدم درب جنون..كانت بالنسبة لخالد إمرأة جميلة اما بالنسبة لأدم إمرأة للخلود..
كانت تميل كفة خالد تدريجيا عن كفة ادم ..احيانا تميل المرأة الي الاقوي عندما تحب والي الاصعف حينما تريد المال !! وهذه من عجائب حواء..
انها تريد من تخافه وتهابه وتعشقه ولا تريد ذليل هوي جديد..وكانها من هذا الذليل قد ارتوت منه حبا وحنانا حتي شبعت وسأمت..وتريد من الاقوي ان يكملها ولا تريد من تمتلكه..انها دائرة الحب والامتلاك اذن..
لا تعرف هل تريد حواء عبدا يعشقها وتمتلكه او تريد اسدا لكي يروض جموحها وجنونها ..
احيانا تجد المرأة في اهمالها اثارة لا متناهية ..ان تصبح هي الاضعف..اي انك تضعها في مكانها الصحيح "ضعف المرأة" ..
اما ان تصبح عاشقا وراهبا وناسكا في محراب عينيها فبعض النساء تجد ان ضعفها وضعفه حينها لن يؤدي الا الي الطريق الاضعف..وستموت قوة الحب والصبابة بالتدريج..

سنوات وسنوات من هذه الزمالة الثلاثية بين خالد ورغدة وادم..كان يشعر بقوته وسطوته حتي في تقديم الشوكولاتة التي تفضلها ..
كان خالد حين يقدم لها الشوكولاتة يعطيها لها وهو يتحدث في تليفونه بكل اهمال ويقول : "اه ثانية واحدة خليك معايا..صحيح انا جيبتلك شوكولاتة معايا.."
بينما ادم كان ينظر الي عينيها بكل ضعف ويقول لها : "انا عارف انك بتحبي النوع ده عشان كده انا لفيت في كل مكان عشان اجيبهولك"

انها علاقة غير متزنة بين الاطراف الثلاثة..ادم الضعيف وخالد القوي ورغدة التي لا تعرف وجهتها..

سنوات من انتهاء ايام الجامعة ونهاية قصة الحب واختفاء رغدة تدريجيا عن الانظار ..وحدثت المفاجأة..
نعم انها المفاجأة ..




في منطقة وسطي بين السماء والأرض :

الملاك : ما هي المفاجأة التي تحضرها لأدم ؟

شيطان : الاستقواء

الملاك : الاستقواء ؟؟ ما الذي يعنيه هذا ؟؟

شيطان : ستري كيف سيتمرد علي ضعفه ويكسر الأقوي

الملاك : السلم او اللاسلم مرة اخري..انها فكرته الجنونية التي ستلعب عليها

شيطان : هل تذكر تعلقه بقصة "وضاح اليمن" الشاعر ؟

الملاك : نعم كان دائما ما يقرأها لنفسه ..انها قصة وضاح اليمن و زوجة الخليفة الوليد بن عبد الملك..كانت تهوي وضاح اليمن وكانت تدخله عندها وفي احد الايام دخل عليها زوجها وأخبأت هي وضاح اليمن في صندوق ولكن الزوج كان قد علم الخبر وقال لها في غرفتها : يا ام البنين هبي لي صندوقا من هذه الصناديق
قالت : كلها بحكمك يا أمير المؤمنين
قال: انما اريد واحدا منها
قالت : خذ ما شئت
قال: اريد هذا الصندوق الذي تحتي
قالت : غيره احب اليك منه فان لي فيه اشياء احتاج اليها
قال : ما اريد سواه
قالت : خذه

ثم دعا العبيد وامرهم بحفر بئر وقبل ان يدفن الصندوق همس اليه قائلا : يا صاحب الصندوق انه بلغنا شئ ان كان حقا فقد دفناك ودفنا ذكرك الي اخر الدهر وان كان باطلا فانما دفنا الخشب ثم قذف به الي البئر..

شيطان : ولكن ما الغريب في القصة ؟

ملاك : انهم عاشوا في سلام بعد ذلك الزوج والزوجة وكأن شئ لم يحدث

شيطان : وهذا ما لا يرضي به ادم..لقد اعترض علي هذه القصة وغضب منها غضبا شديدا..انه يملك روح الانتقام..وبعنف

ملاك: وانت ستكون لعبتك علي هذه الروح الغاضبة بالتأكيد يالك من شيطان

شيطان : انه كان دائما ما يقول : هذه القصة خرافة فاما الحب الكامل والوافاء الكامل واما الموت الكامل ..لا يوجد حل اخر..اما الحب والوفاء واما التضحية بمن قتل الوفاء

ملاك: مازلت لا اعرف ما هي خطتك

شيطان : ستعرف بعد قليل



في المسرح مرة اخري :

عامل : استاذ ادم ..تليفون

ادم : مين يعرف اني هنا اصلا ؟

عامل : مش عارف


ادم"يتحدث في الهاتف" : نعم مين معايا ؟

خالد: انت مش فاكرني ولا ايه مش فاكر صوتي

ادم : لا واللهي مش فاكر بالظبط مين معايا

خالد : انا خالد صاحبك يا عم ياااه هي الايام نستنا بعض كده؟؟انا خالد صاحبك القديم

ادم :يااااااه ازيك يا خالد اخبارك ايه..انت فين يا ابني من سنوات طويلة مشوفتكش لازم اشوفك واللهي

خالد : واحشني يا ادم ووحشانا ايام زمان

ادم : انت عرفت نمرتي منين ؟

خالد : اللي يسأل ميتوهش يا عم

ادم: طيب عارف مكان المسرح ممكن تشوفني فيه واشوفك ؟

خالد: لا مليني العنوان



خالد لم يكن يعرف ابدا ان ادم يهيم برغدة ..لان ادم كان يحاول ان يخبئ عنه هذه الحقيقة طوال سنوات كي لا يوتر علاقة الصداقة الثلاثية بينهم وخصوصا ان رغدة كانت تميل الي خالد..


وفي المسرح :

خالد : واااااحشني يا ابن الايه

ادم : حبيبي يا خالد

خالد : ازاي ما تسالش عليا كل الايام دي

ادم : انت عارف السنين بتجري وبتاخدنا من بعض يا خالد ومعرفتلكش طريق ولا نمرة واللهي وانت غيرت كل نمرك ..

خالد : كويس اني شوفتك انا عرفت اجيبك اهو..تاكل شوكولاتة ؟



في منطقة وسطي بين السماء والأرض :

ملاك : الشوكولاتة مرة اخري ؟؟

الشيطان : منطقة قوتي..المنطقة التي تنطلق منها روح ادم وتنبعث منها شرارة الاحداث

ملاك : هل سيتذكر ؟

الشيطان : انظر ما سيحدث بنفسك



في المسرح :


ادم "متوترا" :  شوكولاتة ؟؟ فكرتني بايام زمان..احنا كنا بنحب الشوكولاتة اوي

خالد : انا وانت ومين ؟

ادم " ينظر بدهشة" : ورغدة

خالد : بالظبط وانا لسه بحب الشوكولاتة لحد دلوقتي وهي كمان

ادم " تتورد وجنتاه" : هي كمان ؟ انت لسه بتشوفها ؟

خالد : يا اخي بشوفها ايه..ده انت فعلا مش متابعنا خالص ده احنا اتجوزنا من حوالي ست سنين

المخرج : استعداااااااااااااااد يا جماعة




نظر خالد بسرعة الي المخرج وكأنه كان نجدة من السماء لكي يهرب من خالد الأن او يحاول تغيير رد فعله بدلا من ان يظهر عليه اي شئ..

ثم عاد بعد دقيقة ..بعد ان وقف امام المراة لثواني ينظر الي نفسه ويحاول تمالك اعصابه ..


ادم : الف مبروك يا خالد انا واللهي معرفت خالص الاخبار دي


خالد : المهم بقي يا بطل احنا عازمينك النهاردة علي الغدا


ادم : النهاردة ؟


خالد : اه لازم دي غدة بتحضر الاكل من فترة وقالت لازم تيجي ..




شعر خالد بحزن شديد ويأس واحباط في وقت واحد..شعر انه يعيش في جزيرة منعزلة عن البشر يمارس فيها طقوس انسانيته بينما العالم ملئ بقلوب الموتي وفاقدي الاحساس..

قال لنفسه : رغدة بتحضر الغدا ليا انا ؟؟ يعني معني كده ان مافيش اي مشاعر حتي تجاهي..يعني نسيت كل الايام دي لمجرد فكرة زوج قوي يحكمها وبيت واطفال ؟
يعني كل سنوات حبي ليها وذلي ليها كانت مجرد ايه مسرحية ؟؟


ادم "بصوت مرتفع" : ارفعوااااا الستارة


المخرج : في ايه يا ادم ..؟


ادم: عايز امثل زي ما كل الناس بتمثل..عايز اكون ليا دور زي ما كل واحد ليه دور..واتمني اخد المرة دي دور البطولة

المخرج: انت تعبان يا ادم؟؟
صاحبك اللي كان هنا ده ليه علاقة بالموضوع ؟


ادم: صاحبي؟ وصاحبتي ؟ كلنا اصحاب مافيش حب
الحب زي المسرحية دي ممكن اعمل فيها اقصي جهد ليا بس الجمهور مش فاهم..الجمهور ما بيصقفش ليه..انا عايز اسمع التصقيف عالي عالي قوي



سقط ادم مغشيا عليه علي المسرح وتم نقله الي المنزل
وبعد ان افاق بفترة..رن جرس التليفون

خالد : انت فين يا ابني ؟

ادم : اه انا اسف اتأخرت عن الميعاد كنت تعبان شوية

خالد : لا مافيش تعب ده انا كلتتم ميت مرة ولازم تيجي عشان احنا جاهزين

ادم "في غضب" : صدقني انا كمان هاكون جاهز..جاهز جدا



نظرية ادم انه اما الحب او الموت..اما الوفاء او التضحية بمن قتله..انه يحاول الدفاع عن ضعفه..يحاول ان يقول ان من يخون الضعيف يوم ما سيخون القوي اذن فقد تأصلت في من يخون مرة صفة الخيانة..
ويجد ان رغدة اصبح الخلاص منها واجب وحتمية لا مفر منها..


وفي منزل رغدة وخالد :


خالد : نورت يا ادم

رغدة : نورت يا ادم وحشتنا واللهي

ادم : وانتم كمان..ووحشتني اكتر ايام زمان ..فاكرة ؟

رغدة "في توتر" : اه اه طبعا فاكرة..دي كانت احلي ايام..اتفضل اقعد انا طبخالك بايديا دول

ادم : اديكي دول اللي كانوا بياخدوا مني الشوكولاتة

خالد : في ايه يا ادم مالك مش طبيعي ليه ؟

ادم : ما تقوليله يا ست هانم

خالد : في ايه بالظبط انتوا قلقتوني

رغدة "في غضب" : اقوله علي ايه انت مجنون

ادم "يخرج مسدس" : بالظبط..مجنوووووووووووووون

خالد "في ذعر" : ايه ده؟ ايه ده ؟ في ايه يا ادم انت اكيد بتمثل صح؟ ده مش حقيقي ده دور ليك علي المسرح

ادم : فعلا دور جديد يا خالد وجايب معايا شنطة المكياج كلها وكل واحد فيكم هياخد دور

رغدة : ادم حرام عليك يا اخي انت بتعمل كده ليه ؟

ادم : انتي دورك يا هانم "سالومي" ..هترقصيلنا هنا علي الطرابيزة رقصة سالومي

رغدة : ارقص ؟

ادم "صارخا" : اه يا مدااااااام هترقصي
هترقصي غصب عنك
ما انتي خلاص رقصتي الرقصة فعلا وكان تمنها راسي..
انا مش هاكون يحي جديد مش هتاخدي راسي عشان رقصة زي ما عملتي يا سالومي
انا هاكون تغيير لواقع القصة دي

خالد : انت مريض يا ادم مريض

ادم : انت اللي ما تعرفش حاجة عن قصتنا زمان..انت الزوج القوي المثالي مش كده..وانا العاشق المغفل..الحب ضعيف مش كده..لا  لا انا جاي النهاردة استعيد كرامة الحب..استعيد كرامة العالم




في منطقة وسطي بين السماء والأرض :

ملاك : انت هتعمل ايه ؟

شيطان : انا هاعمل اللي نفسي اعمله من زمان

ملاك: مالك انت ومال كرامة الحب..انت شيطان

شيطان: كفاية بقي كفاية..هو يعني الشيطان ده مالوش قلب..؟
كلكم فاكرين نفسكم احسن مني عشان انا شيطان لكن لا..
انا هاثبتلكم ان الحب نفسه ممكن تنتج عنه جريمة ..ومش اي جريمة



وفي المنزل مرة اخري :

خالد : قصتكم زمان ؟

ادم : اه يا بيه مراتك دي كانت حبيبتي سنين طويلة..ولكن كانت بتهرب من ضعفي لقوتك من استسلامي لجبروتك ..من ذلي الي ذلها

خالد : طيب ليه مقولتليش

ادم: كنت اضعف من اني اقول لحد..الحب فرض عليا ضريبته

رغدة: ايوه انا حبيتك زمان بس خلاص قصة وانتهت

ادم: وعشان الكلمة دي يا سالومي..مافيش رحمة..كنت متوقع انك هتقولي كده..قصة وانتهت..ومافيش قصص بتنتهي الا في الكتب بس..انما قصص الحياة مفتوحة وقابلة للتعديل لحد الفصل الاخير اللي مش بييجي ..

خالد : طيب اهدي ونتفاهم

ادم " في غضب" : ارررررررقصي   بسرررررعة واقري السيناريو اللي هاديهولك في الورق


قام ادم بتوزيع الادوار علي رغدة وخالد وبدات المسرحية :

خالد "يقرأ دوره : أرقصي لي الليلة يا سالومي

رغدة "في زي غريب اجبرها ادم علي ارتدائه" :  لا اشعر برغبة في الرقص الليلة

خالد : ارقصي واعطيك ما تشائين


وفعلا بدا الرقص وادم يقوم بالتطبيل وهو يتصبب عرقا ويصيح : ارقصي ارقصي..يا سالومي


ثم يكملوا المسرحية بعد الرقصة :

خالد : بماذا تأمرين يا سالومي ؟

رغدة تقرأ الورقة : رأس يحي علي طست من فضة



ولكن ادم الذي كان يحاول ان يلعب دور يحي قد قام بتغيير السينارية عن القصة الحقيقية..

أدم : اسمحولي كده انتهت المسرحية..يحي مش هيموت

خالد : لكن في الحقيقة هو ...

ادم : ده في الحقيقة انما احنا في عالم الخيال والمجون والخبل..احنا في عالم رغدة اللي بتبيع الحب وسنوات الحب عشان كلمتها "قصة وانتهت"..
يحي هيقوم ويطالب برأسكم انتوا الاتنين

خالد : انت بتقول ايه ؟ ارجوك ارحمنا يا ادم وهنعملك كل اللي انت عايزه

ادم : يحي مش ضعيف ولا عمره ما كان ضعيف ده نبي بس قدره كان كده

خالد : انت هتغير القدر ؟

ادم : انا هاغير الواقع والواقع هيغير القدر

خالد : ارجوك ارجوووووك

ويحاول خالد الهجوم علي ادم بعنف ولكن سبق السيف العذل..كان ادم قد اطلق رصاصتين علي رأس خالد ومات من فوره..

بينما امسك الورقة لقراءة اخر سطر :

ادم : رقصة مميزة يا سالومي ولكن رأسي ليست للبيع ولا هي رغبة لمن يشتهي..رأسي ملكي وليست ملك جسدك العاجي الشهي وصدرك الرجراج المدهش..
ايه رأيك في النص؟؟ صقفيلي يلا
عايز اسمه تصفيق الجمهور


تقوم رغدة بالتصفيق في فزع ورغب في عينيها ويقوم ادم بتعريتها بسرعة ويقوم باغتصابها بشكل سريع ومتوحش..
مزق كل ملابسها امسك صدرها المرمري ..قام بتذوقه هبط الي الاسفل ينظر في عينيها بوحشية حيوان ويقول لها "من الاقوي الأن"..
هل اعجبتك قوتي يا سالومي..

يومين علي التوالي يقوم أدم بالاغتصاب بشكل كامل ثم في النهاية..القي اليها بعض المال ..وقال لها "ده تمنك يا سالومي ..راسي مش للبيع ..راسي مش هتيجي علي طست فضة..لان قلبي من دهب"
ثم صوت دوي عشرة رصاصات كاملة رجت المنطقة بأسرها وهرع الجميع الي مكان الحادث ..


وكانت عناوين الصحف " صديق يقتل صديقه وزوجته بعد مسرحية وحشية من تأليفه"

وصحيفة خري تقول  "سالومي بالشكل المصري لا تكمل الرقصة علي مائدة العشاء"

وعنوان اخر : " طست فضة وقلب دهب..ابشع جريمة اغتصاب وقتل في السنوات الاخيرة لاعادة هيبة الحب"


وفي السجن :

سارة : انا صحفية وعايز أسألك..انت ندمان علي الجريمة دي ؟؟

ادم : اندم ؟؟ وايه هو الندم الا علي فقدان قلب او فقدان كرامة..انا كنت باستعيدهم مش بضيعهم..اي روح خاينة ملهاش مكان علي الارض..الجسد الخاين ممكن نسامحه لكن الروح الخاينة الاثمة ملهاش مكان هنا دي ارض الملايكة ..وطول عمرها هتفضل ارض الملايكة

سارة : وانت ملاك ولا شيطان ؟؟؟

سارة : جاوبني..ملاك ولا شيطان؟؟
ما بتردش ليه ؟؟
ملاك ولا شيطان ؟؟؟؟
ملاك ولا شيطان ؟؟؟؟





في منطقة وسطي بين السماء والأرض :

ملاك: لماذا لا تجيب عليها ؟؟

شيطان : أجب أنت

ملاك : إنها تسأل ملاك أم شيطان ؟

شيطان : سأقول لك شئ واحد فقط "ان الأقذر من الخيانة هو عدم الاعتراف بها ..ولهذا فقد يستفيق قلب الخائن ويندم اما الذي لم يعترف لا يوجد ما يندم عليه لانه قتل الأسباب بانكار خيانته"

ملاك : وأدم ؟؟

شيطان: اتركه لمصيره المهم انه رفع راية مبدأه واعلا قيمة نفسه مرة اخري



وفي النهاية نظر ادم الي الصحفية نظرة طويلة وقال لنفسه في حزن  "اه منكن يا بنات حواء..لا تنفع معكن ملائكة ولا شياطين"..
ويقال ان ادم تم اعدامه
ويقال انه انتحر
ويقال انه ذهب لاحدي مستشفيات الامراض النفسية
ويقال ويقال اشياء كثيرة
ولكن ادم
أحب نفسه في زي الشياطين..حينما لم تنفعه الملائكة..

Saturday, May 25, 2013

نهضــتكم ...رسالة الي النظام...





كتبتها لمصر الحرية..لمصر اللي هتشوف النور مهما طال عصر الظلم والاوهام الكدابة..لمصر بلدي الللي طول عمري عرفتها معجونة بالخير والسلام والأمل وبكرة اللي متحني بالأحلام..لمصر ما بعد نهضة اليأس والخيبة..لمصر اللي هترجع لحضن المصريين ..مسيرها هترجع لحضن المصريين الأصليين



مرة وقفت سألت خروف..
هو بيحكم بالمعروف ؟
ولا بيحكم زي قديمه..
ويستاهل جزمة وملتوف ؟
بص خروف العيد طوالي..
قالي ده حاكم ايه رباني..
ده خليفة خلفاء راشدين..
يغير حالنا اوام في ثواني..
قالي ده ريس فوق العادة..
سوبر نهضة وحتة زيادة..
وكفاية دقنه في وشه كمان
حاكم كله ايمان وارادة
شوفت بعيني كده القرنين..
طلعوا بسرعة من الجانبين
مكتوب فيهم "سمع وطاعة"
والخرفان ملو الصفين
قولتله هي النهضة حشيش ؟
او احلام عميت شيش بيش
قامت نهضة فقط في جيوبكم
انما نهضة شعب ما فيش
نهضتكم توعد بفلوس
يطلع فيها خيار وفاقوس
تطلع نهضة زيت او سكر
لمواطن غضبان مفروس
نهضتكم كسر القوانين
او تكفيرنا باسم الدين
او تقسيم الشعب المصري
نص يطبل نص حزين
نهضتكم نهضة اسعار
تلعب فيها ليل ونهار
يوم بضرايب يوم بمصايب
يبقي الفول زي الكافيار
نهضتكم نهضة تدليس
ورئيسكم واقع حيص بيص
زي ما قال المثل الشعبي
تبقي النهضة للمتاعيس..
نهضتكم نهضة تمكين
يخطب مرسي تقوله امين
زي ما قالها وزير اعلامكم
ابقي تعالي وانا اقولك فين
نهضتكم مش نهضة شعب
دي جماعة بتعلي الكعب
تنهب حلمي باسم الثورة
زي ما سرقت ثورة شعب
نهضتكم بتعلي السور
سجن وقاطع فيه النور
وبنرجع للعصر الحجري
وبنطبخ علي جاز ووابور !!
نهضتكم نهضة اوهام
نهضة ضعف مع استسلام
نهضة ان الشاطر يحكم
لما السيد مرسي ينام !
نهضة اني اطاطي واطيع
واقبل فيها حكم "بديع"
عامل زي كاميرا خفية
والبلتاجي بيقولك ذيع
نهضة لو عملت تطهير
واللهي كل القصر يطير
اول شئ عايز يتطهر
هي الحاشية والطراطير
نهضة حكم الغاب النابي
ان الشيخ يطلع ارهابي
يطلع يشتم ع القنوات
مرسي يكسكس ليه ويحابي..
نهضتكم عاجزة ومخصية
تسجن ثورة تبيع في قضية
يبقي شباب الثورة سجين
ويقولك عصر الحرية !!
هي النهضة خطف جنود ؟
ولا البيع في اراضي وحدود ؟
هتبيع وطني وعرضي يا مرسي ؟
لأ دي بلدك فيها اسود..
هي النهضة نائب عام
يزرع بمزاجه الالغام
ويسيب ده ويمسك ف التاني
حسب الامر من الحكام
نهضتكم نهضة خوابير
كل خروف وعاملي خبير
بيصرح بكلام مع عكسه
اي كلام من غير تفكير
نهضتكم نهضة اقزام
فاكرة انها مالكة الاسلام
ده الاسلام طول عمره تسامح
مش حاكم نخاس احلام..
متمرد علي كل خروف
متمرد وهاعيش وهاشوف
ان بلادي بترجع تاني
للحرية مش للصوف
متمرد علي عصر ظلام
متمرد وانا كلي ايمان
ان بلادي هتفضل حرة
وهتقتل حكم الاجرام
وانا حلمي هيشوف النور
مهما يطول الحكم البور
الحرية هي رايتنا
مهما رفعت يا مرسي السور
مهما رفعت يا شاطر سور
احنا الشعب واحنا النور..
احنا الشعب واحنا النور

Tuesday, May 21, 2013

الجــــاثــــوم...تجربة حياتية من واقع ملفاتي السرية...قصة قصيرة






نصف هذه القصة حقيقية ..واي تشابه بين احداث هذه القصة وبين ما يحدث لكثير منا هو ليس من سبيل الصدفة ..!!



الجاثوم...أصابني كالحب..شلل نومي لا أستطيع منه فكاكا..انه تجربة موتية خفيفة ومرحة..انه اولي تجارب موتك ..ومن المفترض ان الموت تجربة تعاش لمرة واحدة ولكن هل جربت الجاثوم ؟
هو حالة يقال عنها الكثير من الخرافات ولكنها حالة طبية او نفسية تسمي شلل النوم احيانا بسبب الاضطرابات النفسية واحيانا بسبب الارق كما قرأت عنه..

في الخرافات يقولون انه جني يطبق علي صدرك او شيطان يغتصب النساء في نومهن كما هو مذكور علي شبكة الانترنت..قرأت عنه كثيرا باللغتين العربية والانجليزية لأنه اصابني اكثر من عشرات المرات..وأحببت ان انقل لكم التجربة الكاملة لأحد احلامي الذي اصابني حين اصبت ليلتها بشلل النوم..

لا أري الشيطان فوق صدري لأني اراه أصلا في كل ما حولي..اجد شياطين بقلوب بشر وهؤلاء قد يجدي مخاطبة ضمائرهم واحيانا اجد بشر بقلوب شياطين وهؤلاء من قتلوا الضمير مع سبق الاصرار والترصد ولا امل في استعادة البشرية فيهم والادمية في دمائهم..

بل ان في بعض اقوال الباحثين يقولون اسباب اغرب من الخيال ان ما يحدث اانائم هو مرحلة مبدئية لرحلة الي كوكب اخر من كائنات فضائية !!!
الكائنات الفضائية ايضا تحيط بنا في كل مكان لا داعي لأن يختطفوني فهم بالفعل في كل مكان حتي لو في صورة بشر فهناك بشر اغرب من المريخيين.

استيقظ في صباح يوم اثنين في احد الاسابيع ..افتح عيني ولا افتحها في الحقيقة هي مغلقة بشكل كامل..احرك يدي فلا تتحرك ولا تستجيب..ولكن عقلي يعمل بشكل مجازي ..افكر واقول "اه انه مرة اخري" وأستسلم واحاول التنفس بشكل اسرع..لن تجدي محاولات تحريك يديك الطريقة الوحيدة لكي تتغلب علي شلل النوم ان يناديك احد او يخبط علي كتفك اما غير ذلك فأنت تعيش في نصف حلم ونصف يقظة وهذا هو الممتع..
تشعر انها تجربة مشابهة جدا للحب ..!

تتشنج قليلا وتحاول ان تصدم رأسك بأي شئ كي ييقظك الألم ولكن لا جدوي فأخشاب السرير بعيدة عن رأسي..أحاول أن أتقلب بلا جدوي ولا نفع..في هذه الحالة لن ينفعك غير الاستسلام والانتظار..سيصيبك الانتظار بملل مضاعف وانت تريد الاستيقاظ..انت مستيقظ فعلا ولكن تري نفسك امامك ..كيف ذلك ؟؟ اهي خرافة ؟؟ لا انها الحقيقة الكاملة ..احيانا في حالة شلل النوم التي تنتابني اري نفسي امامي ..في مرة من المرات ظننت اني في "مطبخ" المنزل وشرب الماء وأكلت وجبة خفيفة ثم ذهبت الي السرير فوجدت نفسي انام عليه وقلت لنفسي " أهذا أنا علي السرير؟؟ اذن من انا الذي يأكل الأن ..لابد ان التحم به جسديا ..كي نعود روح واحدة وجسد واحد..واحاول الدخول فيه بشكل هادئ ومجرد ان يدخل الي جسدي ما اسميه "معتز 2"  نعود كما كنا واعود انا جسد وروح..

هي تجربة مرعبة للبعض لكنها تحدث لكثير من البشر حول العالم ..انها حالة شلل غريب ممتعة اصحو من نومي اضحك كثيرا علي اني رأيت نفسي ..بل احيانا عندما تمر بي هذه الحالة كأني اخرج للشارع فأجد من يقول لي "انت مين"  فاقول لهم "انا فلان"  فيقولون "فلان ينام الان في بيته انت كاذب"
فأجري سريعا الي البيت وادخل الي غرفة النوم وأجدني فعلا نائما واغط في نوم عميق..فاقول "ياالله انه الجاثوم مرة ثانية لقد رأيت نفسي"..

الكل الأن متشوق الي حد الجنون ويقول ياليتني أري نفسي..قد أراهنكم انكم تتمنون أن تروا انفسكم من الخارج مثلي بل وربما تريدون ان تروا انفسكم من الداخل..نحن البشر نريد مرة ان نحكم علي انفسنا بصدق..نريد ان نري انفسنا بأعين الغريب..لا بأعيننا التي اعمتها الانانينة والنرجسية احيانا وجنون العظمة في احيان اخري..نريد ان نري انفسنا ..ولكن الجاثوم لا يريني الا نفسي الخارجية فقط..مجرد جسد..ربما لحظة التحام الجسد مع الجسد اشعر بنشوة مشاعر اكثر من نشوتي عندما اكتب وامسك القلم..

لأكمل لكم القصة..كنت يوم الاثنين وحاولت الاستيقاظ وفشلت..خرجت روحي او هذا الشخص الثاني داخلي وانا مازالت في نومي..قابلت امي وقالت لي "انت غريب اوي النهاردة"  تعجبت من قولها وقلت "ليه مالي؟ ما انا زي ما انا "..حضرت وجبة الافطار وشربت فنجان القهوة وخرجت..الجامعة سنة 2001 ..ولكن وانا اركب "المواصلات" تعجبت جدا..الجامعة ؟؟ انا في عام 2013..اين انا ذاهب الأن ؟؟

سألت "سواق الميكروباص" : احنا راحين فين يا اسطي؟
الاسطي:  راحين فين ايه يا استاذ..راحين الزقازيق..
سألت مرة اخري: هو احنا النهاردة ايه
الاسطي: النهاردة الاتنين
انا: سنة ايه ..؟؟

تعجب كل من حولي وهم مجموعة بشر او ملامح بشرية هلامية لا اعرفهم تحديدا لان الحلم مذبذب وغريب وتشعر ان به موجات كموجات التليفزيون لا تري الصورة بوضوح او بمعني اصح وادق "الارسال وحش" !!

لم يجب احدهم علي سؤالي اعتبروني مجنون..اي انسان هذا الذي يسأل "احنا في اي سنة؟" هل هو تائه؟ هل هو مجنون؟ فهم لا يعرفون انني في الجاثوم وانا لست انا الذي اعتادوا عليه ان كانوا يعرفونني اصلا او كانوا موجودين بالفعل..

دخلت الي الجامعة ..وجدت إمرأة كالبدر كأنما سحرت عيون البشر قبل عيوني..كأنما اسقطها الله صاعقة في قلوب عباده لا ترحم ولا يرحمون..
كأنها رقصة ماتادور اسباني لقلبي الذي حملت له هي اللون الاحمر في شفتيها ..

قالت لي : انت جيت بدري؟ مش عادتك
قلت : انتي تعرفيني؟
قالت: انت غريب قوي النهاردة


"انا غريب قوي النهاردة" لماذا يرددون كلهم نفس الجملة..اي غرابة يرونها وهم صورة مهزوزة في الحلم مثلي تماما وليسوا حقيقين !!
أي حلم هذا الذي يقول لك انت غريب ؟؟
أي حلم هذا الذي يتهمك انك اغرب منه خصوصا لو كان جاثوم مجنون ..؟
هل انا اغرب منه ؟؟


 صدقوني حينما يقول لكم الحلم انكم اغرب منه فانتم عشاق..ولكن لماذا تردد كل شخصية في الحلم نفس الجملة لماذا لا اكتفي من هذه الجملة "انت غريب قوي النهاردة"

عصفورة تغني علي غصن شجرة وتنظر الي بأعين حمراء غريبة وكانها تحذرني ومن الصعود الاعلي الي قاعة المحاضرات ..ولكني اصعد علي اي حال فأنا اسير بطريقة لا ارادية خلف تلك المرأة التي قابلتها ولا اعرفها وكاني في احد عروض التنويم المغناطيسي وكأني حتي اسمع تصفيق الناس من حولي علي العرض !!

صعدنا الي اعلي ولكن مهلا..اين الناس ؟؟ اين الطلبة ؟؟ القاعة خالية علي بكرة ابيها ولا يوجد سوي رجل بعباءة سوداء يقف عند منصة الشرح..يقول لي : اقعد هم مش جايين
هي: اقعد هم مش جايين

انا: انتي كمان بتقولي كده؟ هو في ايه بالظبط ؟ وهم ليه مش جايين ؟

هي: عشان ده يومك

انا: يعني ايه يومي ؟ انتوا بتخوفوني ليه؟ وبعدين الراجل ده مديني ضهره ليه ؟

يلتفت فجأة بشكله الغير أدمي ويقول : كده استريحت ؟

انا: انا عايز افهم في ايه بالظبط علي فكرة ده حلم ..انا عارف كويس انه حلم كل الفكرة اني مش عارف اصحي

هو: ولا كل القهوة في العالم هتصحيك دلوقتي وكل ده بيحصل في دقيقتين او تلاتة

انا: طيب انت عايز مني ايه؟ انت مين ؟

هو: انا اسمي "جاثوم"

انا: انت مجنون؟ ده شلل نوم؟ ده مش شخص؟ انت ازاي بتتجسد شخص؟

هو: بجد؟ يعني انت ازاي بتتجسد حلم ؟

هي: وانا ازاي اتجسدت رغبة ؟

هو: وامك ازاي اتجسدت رحمة ؟

انا: انا مش فاهمكم ابدا

هو يفتح الستار عن مجموعة اشخاص كانوا يركبون "الميكروباص " في اول طريق الحلم فجأة مما يثير اندهاشي :

يقولون في صوت واحد :  واحنا ازاي اتجسدنا لقطات ؟

انا: ده جنون..انا في حفلة غريبة او حاجات من اللي كنت بشوفها في الافلام زي طقوس ماسونية او ظواهر غريبة او طقوس مرعبة..هي طقوس مرعبة ومش حقيقية

هو : انا مش جاي اخوفك انا جاي اكلمك

انا: انا مش هاكلم حلم

هو: انت هتعمل نفسك واقعي ؟

انا: لا مش واقعي بس عاقل

هو : انت كاتب وعاشق تبقي ازاي عاقل ؟؟

انا : وده بيتنافي مع العقل ؟

هو: ده الجنون ذاته..بذمتك انت عايش حياة طبيعية ؟

انا : والله ما تسألنيش اسأل الاخ اللي نايم..انا مجرد روح خرجت منه

هو: سمعت ايليا ابو ماضي اما بيقول : عطش الأرواح لا يروي بماء

انا : ومين قالك ان انا روح عطشانة ؟

هو : انا الحلم وانا الحاكم بأمره وانا اللي بحدد رغباتك وتحت ايدي عقلك الباطن وما عليك الا ان تعيش دور..

انا "مقاطعا" :  ابن سيرين ؟

هو : بالظبط كده انت ما عليك الا التفسير..

انا: يعني انت شبيه بالدنيا او بالقدر..وما علي انا الا التأقلم وبس

هو : كويس انك فهمت

انا: بس انا بكره الامر الواقع

هو: اعتبرني حلم واقع

انا: انت عايز ايه مني بالظبط ؟

هو : نفس السؤال بتسأله من اول ما الارض اتخلقت..
كلكم بتسألوني والمفروض انكم تحققوني
كلكم مش عارفين اني اشارة لشئ ما سواء حاجة جاية او حاجة انتوا افتقدتوها بشدة ونفسكم ترجع
انا مش مجرد نزوة ليل او مشهدين تلاتة مسليين..
انا حلم
انا حياتك وحياة البشر..انا مش مجرد شوية تجارب معملية وعلمية عشان تعرفوا ازاي بتكون في عقولكم
انا تجربة غير علمية انا تجربة بشر..انا البشر نفسهم
بتسأل الحلم عايز منك ايه ؟؟
بتسألني عايز منك ايه ؟؟
وانا يعني كنت عملت فيك ايه عشان تعذبني بكام مشهد فراق وحب ورغبة وضعف ؟؟
بتنتقم مني؟؟انت تعرفني اصلا ؟؟  انا جيبتك اهو عشان تواجهني

انا : طيب وهي مين دي ؟

هو : دلوقتي انت مشوش مش هتعرفها وهي كمان مشوشة ..انتوا نص واقع ونص حلم..جاثوم

انا : انا فاكر اني بس اللي عندي الحالة دي

هو: حاجات كتير الناس فاكرة نفسها متفردة فيها وده مش صحيح..من غير ما تقارن تعيش دور انك لا تقبل المقارنة

انا : طيب هي عايزة ايه مني برضه مش فاهم

هو: عايزة حقها..انت عذبتها معاك في كل احلامك وهي طلبت مني الهجرة من عالم احلامك وقالت لتكون واقع يا بلاش

انا : ست..زي اي ست..الاهم ليها انها تبدل الوردة بخاتم دهب

هي : علي فكرة ده بيكدب ده بيوقعنا في بعض

يصفعها فجأة "الجاثوم" صفعة جعلت رأسها ترتطم علي الارض وقال : اخررررررسي..مافيش حلم بيكدب ..انتوا البشر اللي علمتونا ازاي نعيشكم احلام كدابة زيكم

انا : حرام عليك يا اخي ليه تعمل فيها كده انت معندكش قلب ؟

هو : من عاشر القوم يا استاذ..وانا عاشرت البشر سنين وقرون..خايف عليها وانت مش عارفها ؟ صحيح الدم بيحن..او القلب او الحب بيحن..

انا " متعجبا"  : مين الناس دول اللي دخلوا القاعة وليه قاعدين كده زي ما نكون في...

هو: اه بالظبط ..محاكمة

انا: محاكمة ؟؟؟؟

هو : محاكمة روحك

انا: انتم كلكم مجانين انا خارج من هنا


أحاول الخروج بشتي السبل بلا امل ..تتحرك يدي اليمني قليلا ثم ترتخي بشكل سريع ومازال عقلي يعمل او هكذا اشعر اشارته ..ولكني لا استطيع الخروج من الحلم او النصف واقع المؤلم..


انا: الظاهر مافيش فايدة..لازم حد يصحيني دلوقتي مش عارف اقوم

هو : محكمة...

الحضور : بسم الله الرحمن الرحيم بعد الاطلاع علي اوراق هذا الشخص ..قررنا تفسير حلمه كالتالي حسب كتاب ابن سيرين :

"في احد فصول الكتاب في الفصل بعنوان "حلم و تأويلل رؤيا الحسناء و الشابة" يقول ابن سيرين :

ومن رأى امرأة حسناء دخلت داره، نال سروراً وفرحاً. والمرأة الجميلة مال لا بقاء له، لأنّ الجمال يتغيّر. فإن رأى امرأة شابة أقبلت عليه بوجهها، أقبل أمره بعد الإدبار.
والمرأة العربية الادماء المجهولة الشابة المتزينة، يطول وصف خيرها ونفعها في التأويل والسمينة من النساء في التأويل، خصب السنة. والمهزولة جدبها، وأفضل النساء التأويل العربيات الأدم،
 والمجهولة منهن خير من المعروفة، وأقوى والمتصنعات منهن في الزينة والهيئة، أفضل من غيرهن.



هو : ايها السادة القضاة..تامروني بايه ؟؟ هتنفذوا فيه الحكم..

هم : انت شايف حلمه بيها خير ؟

هو : المجهولة منهن خير من المعروفة

هم : بس هو عارفها

هو: بس في حالتي انا الجاثوم هو ميعرفهاش

انا: ممكن تسمعوا اقوالي

هم "بعد المداولة" : ليك الحق

هو : لا مالهوش ..ممنوع يتكلم انا اعترض

هم : ليه؟  المفروض نسمع اقواله القانون بيقول كده

هو: قانوني انا ..قانون الحلم

انا: اسمعوني من فضلكم..انا ليا اعتراض مهم ممكن يقلب القضية

هي : قول ارجوك انا خايفة قوي ..خايفة ننفصل عن بعض في الاحلام انا اتعودت عليك

انا: انتي تعرفيني ..؟؟

هي : بيقولوا كده ..وانا حاسة بكده مش عارفة شوفتك فين قبل كده

انا: انتي زي النوستالجيا بالنسبة لي..في حالة حنين غريبة مش فاهمها لكن حاسسها

هي: وانا كمان..انا اتعودت اكون ذكري وحلم ما تحرمنيش من دي كمان..ما تخليهمش يعملوا فينا كده

انا: هم مين ؟

هي: ارجوك حاول..دول قتلوني قبل كده مرتين

انا: امتي قتلوكي وفين ؟

هي: قالوا انهم قتلوني فيك..لكن مرضيتش اموت او انت قاومت الطعنة وجمعتني من جديد

انا "موجها حديثي لهم " : النقطة اللي بعترض عليها اني انا روح..انا ماليش قانون  زي ما بتقول الاية "قل الروح من امر ربي"..
انا ماليش قانون حاكم ده بالعكس يمكن انا اللي مالك الحلم ده بكل أمره..هو بيحط قانون علي البشر..انما انا نص الجاثوم التاني ..انا الروح مش البشري اللي نايم ده

هو: اثبتوا عندكم انه خاين..دلوقتي بيتنصل من جسده وعايز قانون تاني ليه..انت تحكمني انت ؟؟انت تحكمني انا ..انا الحلم ملك ملوك قلوبكم

انا : انت بتعمل كل ده عشان تثبت لنفسك شئ..انت ضعيف واحنا اقوي منك انما انت عايز تسيطر علي في نص يقظة ونص نوم عشان تقول انت الاقوي..مركبات نقص

هو : انتوا اللي عندكم المركبات دي انما انا الحلم ما ينطبقش عليا قوانينكم..

يلقي تعاويذ غريبة جدا في وسط القاعة ويزداد غضب الحلم ويخلع عبائته لاكشف عن جسد مرمري نصفه عاج يثير عاصفة التساؤلات عن ماهيته وكيانه

هو : انا الحلم دوامة المستحيل..
انا الحلم اللي ماليش مثيل ولا بديل..
انا سيد الاسياد وقاهر قلوب العباد..
انا ارض الخيال وطينة الغياب والشتات


وبعد ان يلقي تعويذته الحلمية الغريبة تختفي قاعة المحكمة وتتحطم هي التي لا اعرفها الي نصف سراب ونصف امرأة..او بللور منثور ..ايهما اقرب للحلم !!
ولا يبقي في المواجهة الا انا وهذا المجنون..

انا: سيبني بقي ارجوك..ارحمني انت خلاص نفذت اللي انت عايزه وهي اختفت وبقت بللور منثور

يتحدث بتعاويذ المجانين مرة اخري : بلللللور منثووووور  نصه الناااار ونصه النووووور..
المرأة بلللور منثوووووور.. نصفه النار ونصه النووووووور

احاول الجري سريعا خارج القاعة ولكن الابواب تتجدد وتتمدد ..غرف عقلية اخرج من واحدة ادخل الي اخري ..
حتي دخلت الي احدي القاعات مكتوب عليها "اهلا بكم في القشرة المخية"

اهرول سريعا الي داخل تلك الحجرة وفي الخارج غرف اخري تسمي "فص الدماغ الايمن"   وفص الدماغ الأيسر" ..
واري فيهما نفس المرأة..
لا عاصم منها اذا الا اليها ؟؟
ماذا يعني هذا ؟؟
هي في منطقتي الابداعية ومنطقة التفكير ؟؟
هي في صحوي وفي حلمي وفي جنون جاثومي ؟؟

واثناء تفكيري في الموضوع يفتح الباب فجأة الجاثوم بصوت مرتفع جدا ..
تبدأ يدي في الحركة بشكل خفيف وتزداد حركة العين ثم تقل..
شهقة كبيرة وفجأة .."اخيرا"   استيقاظ كامل..


استيقظ واعد فنجان القهوة واهرب سريعا الي الشارع كي لا يعاودني الحلم ..
يقابلني احد الاصدقاء ويقول لي "انت غريب اوي النهاردة"
ينظر الي رجل من بعيد ويبتسم

انا: انت تعرفني يا اخ ؟

لا يجيب..

فجأة وكأحد الاشارات وانا أؤمن بالاشارات والعلامات ..في احتمال نسبته واحد في الالف..تمر احدي السيارات واسمع منها اغنية

Brandi Carlile - Dreams

ما هذا ؟؟ أين أنا..؟

الجاثوم: مازلت معي..حلم داخل الحلم..ولكني قتلتها ..او ..

انا: كداب ما قتلتهاش

الجاثوم : بص علي طرف الشارع كده

انظر فجأة ال حيث اشار واجد سيارة مسرعة تحاول قتلها في عرض الطريق اجري سريعا محاولا الانقاذ ..تصدمني السيارة ..اصحو فعلا هذه المرة..

اخرج من غرفتي تقابلني امي وتقول "انت"

اكمل الجملة  "غريب اوي النهاردة"  !!!

انا لست قارئ افكار ولكني قارئ أحلام..
لا اعرف متي ستكون زيارة الجاثوم القادمة..
لا اعرف هل سيزورني مرة اخري ام لا..
رغم مرارة التجربة وصعوبتها ..لا اعرف هل سيعود ام رحل ..احيانا احب عودته واتلذذ بجنونه..

وحين انهيت قهوتي تمنيت لو جلست الي جانبي الان عرافة ..لاني لا اعرف كيف أقرأ الفنجان ولكني اكاد اقسم اني رأيت حينما قلبته..
رأيت..
رأيت....
روحي !!!!


ولكن كل ما استخلصته من التجربة هو ان صراع الحلم والحب سيبقي خالدا..لكي ينتصر احدهم في النهاية..
فالواقع لا مكان له في عالمنا..
اما الحب او الحلم ..
واما اللاشئ..
اللاشئ..

Saturday, May 18, 2013

حمدين صباحي وسلمي صباحي واغتيال الشخصية علي طريقة توماس مور




حمدين صباحي ..الرجل الذي تغتاله الانظمة السياسية في كل يوم..الرجل الذي اغتال شخصه نظام السادات ونظام مبارك ونظام مرسي الذي لا يقل عنهم ظلما وجورا..
انه نوع من التصفية واغتيال الشخصية كما هو المصطلح المشهور..
Character assassination

انه اغتيال معنوي..انه اغتيال الشخصية ..انه الاغتيال الالكتروني من نوعية لجان الاخوان الالكترونية التي دائما ما تكتب "واحد خمنا" و" حمضين صباحي"  ويتداولوا تلك الألفاظ كعلكة تلوكها الألسنة كنوع من التشويه وخلق رأي مضاد او خلق حالة عامة من الكراهية والحقد التي تعود عليها تلك النوعيات من اللجان المريضة التي باعت روحها للشيطان مقابل النقود القذرة..

حمدين صباحي ليس هو الرجل الكامل وانا لا اقدس أحد..فالتقديس بدون نقد عادة وسمة "للخرفان" ولكن كل يأخذ منه ويرد..ولكني اعرف جيدا من تاريخه انه رجل شريف..ولا يدعي التدين المغشوش كما يفعل البعض في بعض التيارات وكان قول الغزالي ينطبق عليهم "إن التدين المغشوش قد يكون أنكى بالأمم من الإلحاد الصارخ" ..

الشرف في الأنظمة السياسية المتعاقبة المصرية اصبح يذكرني بمقولة في احدي مسرحيات البير كامو وهي المسرحية السياسية الرائعة  "الحصار" حين قال فيها : "الشرف ظاهرة فلكية حدثت في الماضي وانتهت..او سوف تحدث في المستقبل فلنلغها"

الاغتيالات السياسية قتلت اشخاص بسبب مبادئهم مثل غاندي ومارتن لوثر كينج ومالكوم اكس وغيرهم..وقتلت اشخاص اخرين معنويا بنوع من التصفية السياسية الرخيصة التي تحدث لكل من يعارض الحاكم بأمر الله كما يري نفسه في المراة الكاذبة..او الحاكم بأمر الشيطان كما يراه الناس في الحقيقة.

حمدين صباحي الذي ساند العمال والفلاحين سنوات وسنوات ودفع ثمن هذا في كل عصور الظلام السياسي السابقة يدفعه الأن مرة اخري وذنبه انه اعلن "الحرب المقدسة علي الفقر"  ذنبه انه كان نصيرا للفقراء طوال عمره ..ذنبه انه كان يريد "عيش وحرية وعدالة اجتماعية" ..فبأي ذنب تقتلوا أحلامه المشروعة ؟ وتضعونها في قائمة الممنوعات والجرائم ؟؟

ما يحدث الأن من حملة علي "سلمي حمدين صباحي" هي حملة منظمة..نعم هي وقعت ضحية نصب لشركة اشترك فيها الاف بل مئات الألاف من المصريين ووقعوا جميعهم في الفخ حينما جذبهم البعض الي وهم الاستثمار ولكنها كانت الخدعة الكبري وشرك نصبه بعض محترفي النصب للمصريين وسقطت فيه سلمي وألوف غيرها..

هذه النوعية من الشركات لمن لم يتابعوا القصة نوع من الحلم السريع بالثراء..نوع من الوهم يحاول ان يخلقه قلة منحرفة ليسرقوا اموال المصريين جميعا ويهربوا الي الخارج..الكل يريد المال بدون مجهود ..كلنا نقع في هذا الشرك وانا منهم ولا استثني احدا..ما اجمل المال السهل ولكن كما يقولون دائما ..
no pain no gain
او
easy come easy go

المال لا ينبت علي الاشجار كما تقول الامثلة الغربية ..ولكن بعض الاشخاص يحاولون جرنا الي هذا الطريق ويقولون لنا بوهم نوع معين من التسويق ان المال ينبت ويعيش ايضا علي الاشجار..
تبدا القصة في البداية بجملة واحدة يقولها لك احدهم هي "عندي ليك مصلحة هتخليك تاكل الشهد" ..ودائما ما تكون هذه الجملة بداية للسقوط في فخ..فلا وصول الي الشهد بدون مجهود حقيقي او هكذا علمتنا "مملكة النحل" !!

هذه الشركات توهم الضحية انها ستأخذ مبلغ معين مقابل عدد معين من الافراد لابد ان تقنعهم مثلك ودائما ما يدخلون نقاشات مع الجميع للدفاع عن معتقداتهم الخاطئة من نوعية الجمل السائدة مثل :

"انت مش فاهم الفرق بين الهرمي والشبكي"
"يا ابني دي في كل العالم ومهنة المستقبل"
"لا طبعا دي حلال ومعايا فتوي من ام محمد الداية بكده"
"لا اكيد اكيد في منتج امال يعني ببيعلك الهوا"

كلها نفس الجمل القائمة علي جهل بصاحب الشركة او مقره او اذا سألت احدهم عن رقم هاتف الشركة او اي معلومات كاملة فيكون الجواب بالصمت..ويكررون لك معلومات خاطئة بكل جهل عن بيل جيتس والتسويق الشبكي وغيره من الاسماء التي لم يقرأوا حتي عنها حرفا واحدا ولكنها جمل محفوظة من قائدهم الاعلي وكلها معلومات من محض خياله..وكأن بيل جيتس بمقولته التي تحمل معني معين عن التسويق قد قال للعالم "يلا ما حدش ينتج ولا يشتغل دي مهنتكم المستقبلية انا عايزكم كلكم عواطلية ومسوقين شبكيين حتي لو مافيش منتج..يلا اتكلوا علي الله وما حدش ينتج زي ويعمل شركة كبيرة زي مايكروسوفت سوقوا بس وانا انجح وانتوا فشلة"

وطبعا لم يقل بيل جيتس هذا الكلام ولا اي شخصية من التي ذكروها وكل من ذكروهم من اسماء نجحت كان لجملتها معني معين في وقته واستعملوها كنوع من "لا تقربوا الصلاة"  قص ولزق الجمل حسب الأهواء..
بالطبع غير الاضرار النفسية لهذه الشركات التي اذا ذهبت الي احدهم الي اقناعه كنت اشبه بالدجال الو النصاب او بائع الاوهام وحلم الثراء السريع حتي لو كنت ضحية مثل غيرك..

انها ان يصبح اي جاهل وفاشل قائد ويسمي نفسه"ليدر" ويصبح قائدك لمجرد انه احترف بعض النصب..يقول اي كلام قائم علي الجهل المطبق والمطلوب ان تصدقه فهو قائدك الان وعندما تنظر الي هؤلاء الذين يعقدون المؤتمرات لبعض هذه الشركات تقول "هؤلاء يسمون انفسهم قادة؟؟انه فعلا زمن المسخ" !!


قليل جدا من هذه الشركات هي الحقيقية والقائمة علي تسويق بضاعة ملموسة في يدك ومنتج حقيقي..ولا تصدق ابدا اي من هؤلاء الذين يطلقون علي انفسهم قائد او ليدر وانظر اولا الي دراسته وقول له اول سؤال "وحضرتك دارس الكلام ده فين بقي؟"  او "قرين ايه في التسويق الشبكي ياريت اعرف اسم الكتب "  وطبعا ستجد النتيجة صفر..لأنه مجرد "حافظ مش فاهم" من الاعل منه في شكل هرمي او هرم الجهل..

وقعت سلمي صباحي ضحية لهؤلاء كما وقع غيرها من رجال شرطة وقضاء وغيره وكل المهن تقريبا..ولكن لماذا تنال هي نصيب أوفر من الاتهامات رغم انها لم تكن قائدة كبري مثل غيرها في هذه الشركة النصابة ؟
بالطبع لانها ابنة حمدين صباحي وهذا شئ بديهي..انها الفرصة لضربة قاصمة لشخصية سياسية..انها فرصة من نوعية ضرب البرادعي واتهامه الجاهل بانه سبب كارثة العراق ..ومن نوعية الاتهامات المعلبة الجاهزة المحفوظة الغبية..
في هذا العصر اتهامات وتشويه للاعلام وللصحافة وللقضاء ولكل شئ لانه يخالفون النظام السياسي الفاشي في الافكار والمبادئ..محاولة ضرب المعارضة في مقتل كي لا تكون هناك معارضة اصلا وهذا ما يحلمون به منذ سنوات..في هذا العصر اصبح اسهل شئ ان تقرا كتاب دين واحد وتربي لحيتك وتصبح شيخ يتهم ويكفر ويفتي فيما لا يعلم حسب هواه..وسيقول لك "هو انت قريت ومتعمق في الدين؟" وكأنه يعرف اي شئ في هذا العالم غير كتاب "فقه السنة" و"صحيح البخاري" وما خارجه كفر وتضييع وقت ..فيصبح عالمه في كتابين وتنهال الكتب سنويا علي العالم من ادب وسياسية وغيرها من المجالات وهو فقط يراجع نفس الكتب فيصبح لا يعرف شئ عن العالم الذي يعيشه تقريبا..ومن اقوي الحوارات الكوميدية حينما تجد حوار بين احد هؤلاء وشخص اجنبي يحدثه في اي شئ فيحاول ان يذهب به لناحية الدين لانه لا يعرف غيره في الحياة ..

هل تذكرون اكثر افلام السينما العالمية السياسية مطابقة لواقع التشويه السياسي المصري انه الفيلم الرائع السياسي
Mr. Smith Goes to Washington

اخراج العبقري "فرانك كابرا" ..انها نفس القصة لما يحدث ..تدور قصة الفيلم عن شخص يكتشف الفساد في النظام السياسي حوله وفي كل اعضاء المجلس ويحاول اصلاحهم بلا جدوي لدرجة انهم يقلبوا الطاولة عليه ويقع في وسط فخهم ويتهمونه بالفساد ويكيلون له التهم المتعاقبة ولكنه لا ييأس الي ان يعترف احد الفاسدين بفساده بسبب حصاره من قبل هذا الرجل الصالح..

ومن الامثلة المعروفة عن التشويه السياسي قصة رجل القانون "توماس مور" الذي رفض باسم الدين والقانون تزويج الملك مرة ثانية ولكن الملك تحايل بكافة الطرق الي ان وصل الي مبتغاه وتزوج ثم وضع تهمة رشوة كاذبة لتوماس مور"برغم دهشة الجميع لانه كان مشهور بشرفه " كي يعاقبه عليها لانه لم يوافق علي زواجه او اعلن الصمت مما اعتبر صمته نوع من الرفض وتم اعدامه ظلما وقال اثناء محاكمته لشاهد زور "ماذا يفيدك لو كسبت العالم كله وخسرت نفسك"
او ان الواقع السياسي شبيه بقصة ابن المقفع الذي لقي انتقام عنيف وموت باسلوب وحشي لاسباب سياسية ..
وعلي سيرة ابن المقفع نتذكر الفيلسوف بيدبا الذي سجن ايضا بسبب اسدائه نصائح للملك فسجنه الملك ظلما..

فعلا ماذا يفيدكم لو كسبتم العالم كله وخسرتم انفسكم امام اعينكم واعين الناس ؟؟

حمدين صباحي الذين تحاولون تشويه سمعته ليل نهار باسم الدين والدين منكم برئ يا اهل الرياء..وكأن الدين يأمر بأن نتهم وان نسب وان نشوه وان نكذب وان نتحدث بغير ادلة ..فأي دين هذا بالله عليكم هل هو الاسلام الذي يعرفه العالم ؟؟؟ ام دين جديد اخترعتموه اصبح فيه التشويه فرض والكذب فقه لكم ؟؟

حمدين صباحي ليس قديسا ولكنه ليس شيطانا كما تدعون بل السياسة هي الشيطان الاعظم..السياسة تجعل منكم ثعابين أليس هكذا أيها الفيلسوف "كانط" ؟؟
وقعت سلمي صباحي ضحية نصب فصفق الجميع وانهال عليها بالتهم لمحاولة التشويه المتعمد فهي فرصة العمر للقضاء علي خصمهم الذي يكشف عن قصورهم السياسي الواضح الذين يريدون ان يخفوه خلف بعض "المطبلاتية" الذين لا يريدون لمصر الخير ولا الوصول الي العدالة الكاملة..
وكانها ثورة مقصلة جديدة مثل ما حدث في الثورة الفرنسية..ولكن تبدأ بالاغتيالات المعنوية ثم تصفية من يعارض وكانه يعارض الثورة والنظام الحالي كما هو معروف ابعد ما يكون عن الثورة فهم او بعض تياراته من حرموا الثورة اساسا ووضعوا ايديهم في ايدي النظام الفاسد عشرات المرات فلا اعلم كيف يتشدقون باسم الثورة ؟؟

خلاصة ما اريد قوله ان سلمي صباحي ضحية نصب ولكنها ستصبح ضحية سياسية ايضا وحسب اقوال محاميها "خالد ابو بكر"  ان ما يحدث حاليا خاج اطار القانون تماما وان "الاوامر بتيجي من فوق" اما قانونا فان ما يحدث هم المستحيل بعينه..

ليس دفاعا عن حمدين ولكن دفاعا عن المعارضة التي يحاولون اغتيالها والتي لا بد ان تكون حية وموجودة لانها اساس اي نظام ديمقراطي صحي في العالم واذا عاشت دولة بدون معارضة للتقويم والتوجيه فعلي الدولة السلام ..وان تصبح في يد فصيل واحد فهي الكارثة بعينها..

واعلموا ان الايام دزل ومن تحاولون تشويههم الأن ربما ينقلب الزمن ويحكمون ويحاولون تشويهكم في يوم ما ..هل نسيتم جبروت عصر مبارك ؟؟ولكنه انتهي..فاعلموا ان لكل نظام نهاية..ولكل ظالم نهاية..ولكل طريق نهاية..ولكن مصر ليس لها الا البدايات..مصر هي البداية والنهاية..وانتم كنظام سياسي بداية لعصر جديد من التشويه والديكتاتورية الكاملة..

Monday, May 13, 2013

رسالة المجــنون للعالم ...قصة قصيرة



" الحياة لحظتان :

لحظة تزيل عن قلوبنا صدأها فهي "لحظة فارقة"
ولحظة نحاول ان نزيل عنها صدأ الوقت واليأس وهي "لحظة غارقة"
وما بين اللحظتين حياة وتمرد ..وبعض جنون"



لا تحاول كثيرا ان تلعب مع الحياة لعبة "ملك وكتابة" فهي ستكتب عليك ما شائت ولن تجعلك الملك ولكن ستجعلك تعيش في حلم الوصول الي العرش..
ودائما ما كانت هذه الجملة معبرة عن حياة "حمزة" وهو شاب ثلاثيني له ملامح من في الخمسين من العمر..أعين غائرة وجبهة عريضة وحواجب كثيفة وفم دقيق ..
يخرج كل صباح الي عمله في سيارته المتوسطة التي وضع فيها كما يقولون "تحويشة عمره" بسبب مرتبه الضئيل الذي لم يكفيه ابدا اثناء زواجه او حتي بعد وفاة زوجته فقد كان حمزة يدفع كل ما يملك تقريبا لشراء الكتب وبعض المستلزمات الاخري التي يقول عنها اساسيات ويراها الكثيرون من حوله "رفاهيات"..

وكان دائم الاختلاف مع بعض الاصدقاء ان اسطوانات الموسيقي هي شئ من الاساسيات كما الزيت والسكر وزجاجات المياه المعدنية ولكنهم سخروا من هذه الجملة طوال سنوات..
في خطوات معتادة فتح باب السيارة حاول ازالة اكوام التراب من عليها بلا جدوي فترك البعض منها وخرج الي طريقه ..توقف قليلا في الاشارة واصبح قاب قوسين او ادني من لقاء "اسرائيلي"..!!


"اسرائيلي" كان اشهر مجنون في المدينة..او هكذا يطلقون عليه ولم يعرف السبب حتي الأن رغم انه لقب غريب ومخجل ..ولكن حمزة كان يقول كما يقولون عن العفاريت "ما مجنون الا بني ادم" !!
علمته الكتب ان لكل مجنون قصة مثل اي عاقل بل قد تكون اكثر تاثيرا من قصة حياة العاقل بأسرها..
العاقل واقع وحياة بينما المجنون دراما..
البشر روتين والمجنون استثناء..
الناس نظرات تعالي وحسد والمجنون نظرات تخترقك كانه يري روحك..

كان حمزة يري في المجانين كائنات تري اعمق ما فينا ..لم يراهم كبشر ولكن ككائنات غريبة مهمتها في الحياة ان ترانا  كاجساد شفافة وارواح مهفهفة ..
الفلاسفة في نظره هم مجموعة من المجانين الاذكياء..الفلاسفة هم مجموعة ممن دفعهم جنون الحياة الي ارتكاب فعل الكتابة عن جنونهم علي الاوراق..انهم لا يستطيعون الانفصال عن الاوراق ولا عن افكارهم المجنونة التي اجتاحوا بها العالم سواء للأفضل او للأسوأ أحيانا ..

توقف فجأة امام اشارة المرور ..احمر اخضر اصفر تماما كما هي الحياة ..لليائس والمتفائل والمتردد بالترتيب ..!
يمارس رياضة النظر الي وجوه الناس من حوله ليري الاسرة السعيدة من خلف زجاج سيارته في احد السيارات ويري الشاب المتهور ويري الاسرة التي لا تستطيع ان تتخلص من عبرة ونصف ابتسامة مترددة وخائفة من مواجهة امواج الحياة..

وفجأة يسمع صوت من يطرق زجاج سيارته في عنف ..يفتح حمزة شباك سيارته ليعطي لهذا الرجل بضعة جنيهات ولكن :

اسرائيلي : ما تجيب سيجارة

حمزة : سيجارة ؟؟

اسرائيلي : ايه غريبة ؟

حمزة : يعني افتكرتك هتطلب فلوس زي اي حد

اسرائيلي : قصدك زي اي شحات

حمزة : او زي اي مجنون

اسرائيلي : مجنون هه ؟ وعرفت ازاي ان انا مجنون ؟

حمزة : انا عن نفسي مبقولش عن حد مجنون لكن هم اللي بيقولوا

اسرائيلي : دي كذبة مش حقيقة

حمزة : وايه الفرق عندك بين الكذبة والحقيقة ؟

اسرائيلي : زي ما مارك توين قال " الكذبة تسافر حول نصف الكرة الأرضية قبل أن ترتدي الحقيقة حذائها" عشان كده هتصدق اني مجنون حتي لو قعدت احلفلك للسنة الجاية اني اعقل منك

حمزة : ماشي في الشارع حافي وبتقول مقولة لمارك توين ؟؟

اسرائيلي : مستغرب ؟

حمزة : جدا

اسرائيلي : ولو شايف منظري اني مجنون من شكلي وشعري ولبسي طيب ما هم قالوا عن شوبنهاور مجنون

حمزة : من ارائه الغريبة

اسرائيلي : غريبة لمين ؟ ده كان مش بيأمن للناس ابدا ده سيد العاقلين

حمزة : واشمعني اخترت شوبنهاور ؟

اسرائيلي: ولو كنت شوفت همينجواي في اواخر ايامه مش كان مجنون ؟

حمزة : وانتحر

اسرائيلي : نيتشة ؟

حمزة : ليه اراء عظيمة واراء مجنونة

اسرائيلي : قريت كتاب "المجنون " لجبران

حمزة : تلاقي في الجنون احيانا خلاص ونقطة وصول

اسرائيلي : لسه مستغرب اني بطلب سيجارة مش فلوس ؟

حمزة : مش الفلوس ممكن تنقلك لحياة افضل

اسرائيلي : انا مش عايز حياة افضل انا عايز انسان افضل

حمزة : وايه الفرق ؟

اسرائيلي : حياة افضل يعني تكييف وعربية وشقة وفلوس وكل الكلام ده ..انما انسان افضل يعني حقيقة ومعتقدات ورغبة في الوصول لقلب العالم

حمزة : وهي الفلوس هتخسرك حاجة ؟

اسرائيلي: ممكن تخسرني نفسي شوف كام حياة زوجية قتلتها الفلوس وخلت الزوج مجرد جني المصباح للطلبات بدون حب حقيقي

حمزة : مش هاقول مجنون لكنك غريب

اسرائيلي : وانت عايش في عالم عادي مش كده ؟ انا الغريب وانت العادي ؟

حمزة : تقصد ايه ؟

اسرائيلي "شاهرا مسدسه في وجه حمزة" : انزل معايا

حمزة : انت مجنون ؟ ايه اللي بتعمله ده ؟


وعندما رأي الجميع المسدس  ينتاب الهلع والفزع كل ركاب السيارات ويركضون بسرعة من سياراتهم ويتركونها في اماكنها في نفس الاشارة ..


اسرائيلي "صارخا"  :  كل حاجة بمسمي تاني عندكوا .مسدسي اسمه جنون وخبل لكن اما يكون فوق راسكم مسدس حاكم ظالم بتسموه ظلم
لما يظلمكم بتطلبوا جمعيات حقوق الانسان لكن انا اما اظلمكم تطلبولي مستشفي المجانين
لما يسرقكم تطلعوا تنبحوا في البرامج انما لو سرقتكم انا تقولوا ده مجنون وشحات
لما يقولكم كلام كذب تقولوا عليه تصريح وانا اقولكم حقيقتكم تقولوا مجنون
وكأن ظلمه غير ظلمي
وكأن قهره غير قهري
وكل ده ليه ؟؟ عشان هو لابس بدلة بفلوسكم وانا لابس شبشب بصباع من فقري
اه يا بلد عايزة اللي يخدعها ويعيشها في الوهم
اه يا نص بشر متمرمغ بين الكدبة واختها


يصيح في وجه حمزة : انزل معايا بقولك

حمزة : انت هتودي نفسك في داهية

اسرائيلي : متقلقش عليا يا اخويا وانزل من سكات

حمزة : انت واخدني علي فين

اسرائيلي: انا واخدك علي الصحرا

حمزة : الصحرا ؟

اسرائيلي: يلا مقولتش ليه..؟ قولي انت اكيد مجنون

حمزة : انت فعلا مجنون

اسرائيلي : طيب يلا يا اخويا


يخرج اسرائيلي ومعه حمزة في طريق طويل علي دراجة نارية سرقها اسرائيلي من احد الشوارع ..
وعند وصولهم الي احدي المناطق النائية في الصحراء

اسرائيلي :يلا انزل هنا

حمزة : ايه المكان ده ؟

اسرائيلي : ده مكان الحقيقة

حمزة : الحقيقة في الصحرا ؟

اسرائيلي : وفي اطهر من الصحرا وقلب الصحرا الاصفر اللامع اللي اطهر من قلوبكم ؟


وبعد سير علي الأقدام لمدة عشر دقائق تقريبا يجد حمزة المفاجأة الكبري ..

اسرائيلي : ايه رأيك في المفاجأة دي ؟

حمزة : انت انسان قذر ومريض

اسرائيلي : ليه مش عاجبينك ؟ ده كل الحبايب هنا بربطة المعلم..او المعلمة لو عايز

حمزة : انت اكيد من تشكيل عصابي وخطير كمان

اسرائيلي : بلاش كلام كتير ..مافيش عصابة عايزة تكشفلك العصابة اللي علي عنيك ..انا عايز اوريك الحقيقة

حمزة : الحقيقة انك تخطف الناس اللي بحبهم دول وتكتفهم وترميهم في الصحرا ؟؟

اسرائيلي : خليك انت هنا بس ومتقربش منهم..اقف بعيد هنا واسمع بودنك كل الحقيقة ومتقربش عشان محدش منهم يشوفك

حمزة : ما انا ممكن اهرب

اسرائيلي : لو هربت يبقي عليهم العوض كلهم وهافرغ فيهم المسدس وانا مجنون ومعروف ومش هاخد اعدام انما هترمي في مستشفي المجانين

حمزة : اعمل اللي انت عايزه مسيرك هتقع يا جبان

اسرائيلي : هتعرف دلوقتي من هو الجبان


يتقدم اسرائيلي الي مكان تجمع كل اصدقاء ومعارف حمزة الذين تم ربطهم بالحبال في الصحراء :


اسرائيلي : عمرو ؟ ازيك يا حبيبي ؟

عمرو: انت ليه راميني هنا انت عايز مننا ايه ؟

اسرائيلي : انت ليه سبت بابا يا حبيبي؟ بابا حمزة مش كان بيحبك

عمرو: وانت مالك انت

اسرائيلي "يطلق رصاصتين في الهواء ويوجه المسدس الي رأس عمرو" : جاوب علي قد السؤال كلمة تانية والرصاصة هتبقي في راسك عدل

عمرو "يرتعد خوفا" :  طول عمري بحس انه مقصر معايا واول ما امي ماتت انتقلت وعشت مع واحد صاحبي ليه شقة لوحده وهربت منه

اسرائيلي : لانه فقير

عمرو : وضعيف والمجتمع ده عايز حوت او ذئب

اسرائيلي: بس ده ابوك وفاكر انك بتحبه

عمرو : احبه ازاي وانا شايف كل اصحابي راكبين عربيات فخمة وانا يادوب قرش رايح وقرش جاي

اسرائيلي : هي كل حاجة الفلوس ؟

عمرو : انت عايش في سنة كام يا اخينا ..طبعا كل حاجة الفلوس..الفلوس ام النعم

اسرائيلي: مفكرتش ان يكون ليك اب دي نعمة محروم منها ناس كتير

عمرو : يتيم وغني احسن من ابن فقير

اسرائيلي : وانتي يا برنسيسة ياللي لسه محتفظ بصورك في محفظته لحد دلوقتي

راندا: عايز مني ايه ؟

اسرائيلي: مش كنتوا بتحبوا بعض زمان ؟

راندا : ده ماضي وانتهي

اسرائيلي : غريبة مع انه بيقول انك ماضي عمره ما ينتهي واظن ده كلام عن الحب

راندا: هو رومانسي عايش في اوهامه وانا الحقيقة

اسرائيلي : انتي الحقيقة ؟ المليونير والفنادق والجاه والنفوذ

راندا : ايوه اخترت النعيم لاني اذكي منه

اسرائيلي : بس ما اخترتيش السعادة لانك اغبي منه

راندا : جوزي دلوقتي اكيد قالب الدنيا عليا ومش هيسيبني

اسرائيلي : اللي وصلني ان جوزك سافر يومين برة وخايف من الفضيحة وان اسمه يطلع في الجرايد بسببك فقال يسيب البلد اليومين دول

راندا : جوزي لا يمكن يعمل كده

اسرائيلي : قصدك حبيبك لا يمكن يعمل كده..انما انتي اخترتي جوز مش حبيب

راندا : انا اخترت الراحة

اسرائيلي : اخترتي راحة البدن مش راحة الروح والقلب

راندا : وانت تعرف ايه عن الفلوس ما انت مجنون وشحات

اسرائيلي : انا اللي اعرفه عن الفلوس باين في ندالتكم قدامي
اللي اعرفه عن الفلوس انها بتصنع عبيد زيك وزي عمرو
اللي اعرفه عن الفلوس انها ما اشترتش غير دموع الراجل ده...

ويشير اسرائيلي الي حمزة بالدخول وهو يجر قدمه ببطأ من خيبة الأمل والفاجعة من هول ما سمع ومن شدة الصدمة في اقرب الناس له او هكذا اعتقد يوما ما..
كان يظن ان حبيبته راندا كما قالت له قديما "بابا اللي اخترلي العريس ده غصب عني يا حمزة مش بايدي انت عارف اني بحبك"
وزاد من صدمته كلام ابنه الوحيد عن المال وخيبة امله في والده رغم انه اعطاه كل شئ ولم يبخل عنه طول حياته وضحي من اجله بالكثير حتي عرف طريق المال في كل ما حوله بسبب اصدقائه الاثرياء..

بكي حمزة حتي سمع نحيبه الجميع ونظر اليه عمرو وراندا في فزع وتأثر بالغ..

حمزة : هي دي الحقيقة ؟ ..ليه الحب ما يبقاش حقيقة يا مجتمع مادي قذر
يا بشر عايشة في وحل المادية ودم الروح المقتولة
يا عار علي قلب كل مخلص وكل صوفي في هواه
ايه اللي حصل للدنيا..؟
انتي كذبتي عليا يا راندا زمان وانا اتعذبت بسببك عشرين سنة مش قادر اكون سعيد لكن كنت مخلص لزوجتي
وانت ابني الوحيد اللي سمعته منك يموت اي اب ويطحن قلبه
انتوا مين ؟ انتوا مش بشر ..انتوا الغاية تبرر الوسيلة ..يا شريعة الغاب يا اوباش يا حيوانات
انتوا مين؟
انتوا مين؟


اسرائيلي : ده انت شوفت اتنين بس مشوفتش اصحابك كمان

حمزة : هم قالوا ايه عني ؟

اسرائيلي: تقريبا بنفس المعني محدش بيحب الا لغرض او فلوس او منفعة

حمزة : لكن مش ده الحب المنشود..الحب من غير اغراض

اسرائيلي : ده في الجنة بس

حمزة : انا مش مصدق


وفجأة يقتحم المكان قوات الشرطة :

الشرطة : سلم نفسك يا اسرائيلي خلاص كل حاجة اتعرفت ..استسلم وارمي سلاحك المكان كله محاصر

اسرائيلي : العالم كله محاصر يا باشا

شرطة : سلم نفسك بقولك وبلاش جنان

اسرائيلي : العالم كله محاصر بالندالة وقلة الاصل والمادية اللي غرقت ارواحنا

شرطة : هنضرب في المليان

اسرائيلي : مليان؟ مليان بايه؟ ارواح مليانة مرض ورماد بشر وبساتين امل محروقة

حمزة : سلم نفسك يا اسرائيلي افضل ..انا عرفت منك الحقيقة ومش عايزك تتأذي دول ممكن يقتلوك

اسرائيلي : يعني انت ما اتقتلتش ؟

حمزة : انا اتقتلت ميت مرة في المكان ده وقلبي اصبح مسحوق كدب

اسرائيلي :  هياخدوني المصحة

حمزة : المصحة مكان امثالك من الطاهرين

اسرائيلي : والدنيا مكان امثالك من المخدوعين

حمزة : عندك حق


وفجأة ينهال الرصاص علي جسد اسرائيلي في مشهد صعب لم تتحمله اعين حمزة وصرخ فيهم : كفاااااااااية..كفاية يا كداااااااابين..كفاية يا كداااااااااااابين

سقط المجنون علي الارض غارقا في بركة دماء وجلس امامه حمزة يبكي ويقول له : ما اتمتش هتموت معاك الحقيقة

اسرائيلي: المهم انت عرفتها..انا كانت رسالتي اني اوصل الحقيقة لحد تاني غيري عشان يوم ما اموت

حمزة : لكن انت الرسالة

اسرائيلي : انت رسالة جديدة..وعشان كده خايف عليك

حمزة : ايه اللي بيحصل للدنيا ؟

اسرائيلي : الدنيا في اخر انفاسها وعرفت الحقيقة

حمزة : ما تسيبنيش للدنيا دي مش هاعرف اوجه الظلم فيها بطيبتي وحبي للناس

اسرائيلي : هم عايزينك تعلب لكن لازم تكون ملاك يمكن في يوم تبلغ الرسالة

حمزة : ما تموتش ارجوك..ما تسيبنيش لوحدي وسط الوساخة وحقارة البشر

اسرائيلي : ده مكتوب عليا..ومكتوب علي كل من حمل الرسالة



وفعلا كان مكتوب علي كل من حمل الرسالة ..
رسالة البراءة والحب والوفاء..
رسالة القلب الطيب والبشر المتسامح



بعد سنوات في احدي الاشارات في الشارع  :


حمزة : انا مجرد حامل للرسالة
وعايزك معايا ده الحمل تقيل

وفي السيارة : اقفلوا الازاز يا جماعة ده باينه مجنون انا مش عارف ليه سايبينهم كده علينا في الشارع..هي ناقصة جنان..رسالةايه وزفت ايه اللي يخرب بيوتكم مليتوا البلد بلا قرف..


خرج حمزة لشارع اخر بشعره الطويل وملابسه المهترئة حتي قابل احد الاطفال :

الطفل : عمو عمو تلعب معايا ؟

حمزة :ببلاش من غير فلوس ؟؟

الطفل: ايه يا عمو نلعب عادي انا حبيتك قوي

حمزة : ومش عايز مني مصلحة او ليك فيا منفعة ؟

الطفل: يعني ايه يا عمو ؟

حمزة : يبقي انت اللي لازم تحمل من بعدي الرسالة..وانت لسه نبت اخضر طاهر




وضاعت الرسائل في متاهة الدنيا..
ومن منا سحمل من بعد حمزة الرسالة..
واي جيل سيحملها ..واي جيل ستكون عملته الرسمية "القلب"  ؟؟

Wednesday, May 8, 2013

رغبــات المــرايا....قصة قصيرة





هي يارا..العمر لا يهم ..المهنة يقولون عنها "ربة منزل"..وفي الحقيقة هي ربة عالمها وليست ربة المنزل لأنها تعيش مع أهلها  دون رجل حتي الأن..رغم ان عمرها تخطي ال..اه اه لا يهم العمر قلت لكم..

هل تحب المجوهرات ؟ الذهب ؟ لا أعرف ..ككل النساء تشعر برغبة وألفة لهذه الاشياء ولكن لم تجرب احساس ان تحصل عليها من رجل يعشقها حتي الثمالة..او هكذا ظنت حينما قرأت اشعار نزار العاطفية في المرحلة الاعدادية..كم تمنت لو يأتي لها رجل من كتب الشعر ليقول لها مثل نزار في شعره :

لو خرج المارد من قمقمه
وقال لي : لبيك
دقيقة واحدة لديك
تختار فيها كل ما تريده
من قطع الياقوت والزمرد
لاخترت عينيك .. بلا تردد

نعم تحب الذهب ولكنها لا تحب ان تشتريه لنفسها ..تحب ان يأتي من رائحة رجل..تحب  ان تستمع لجملة "السلسلة دي هتاكل منك حاجة"  بكل ما تحمله الجملة من افكار شيطانية في رأسه وهو يقولها ويخرجها من فمه كفحيح أفعي ولكنه فحيح محبب وشيطانية مرغوبة وعبث رجولي حميد !!

انها العلاقة التي تصف حياة الرجل والمرأة..علاقة الذهب بالمرأة..المرأة تعشق الذهب والماس ليس لأنها تحب الاقتناء ولكن لأنها تعشق ان تري الأثمن هو الأرخص تحت قدميها..تشعر احساسها بالملكية في غير مملكة والسمو حتي لو علي رجل عادي ..ويعشق الرجل اهداء الذهب للمرأة وكأنه يكمل رحلة أسلافه في اهداء القرابين للألهة الانثوية القديمة مثل افروديت..انها تكملة الرحلة..رحلة خلود الرجل والمرأة ..

حياة يارا كحياة الكثير من النساء تقبع في نظرية "رغبة المرايا"..نعم انها نظرية من تأليف وحدتها واخراج الدمع العزيز القاني المحبوس..قالت لنفسها ذات يوم في المساء "أنا حبيسة المرايا" واخرجت قلم الروج امام مرأة الحمام وضحكت بجنون لم تعهده حتي تعجبت من نفسها ..

قالت في صرخة غضب امام المرأة " حطي روج حطي كحل حطي كل حاجة ..مين اللي هيتهني بكل ده غير المرايا؟؟"
وفي جنون وخبل قالت لنفسها  "استني استني يا بت يا يارا ..هي المرايا دي دكر ولا نتاية..؟؟ ده انا بعمل كل حاجة قدامها ..يلا مش مهم اهي لو دكر تتهني بيا..مش احسن من مراية الصبح اللي مبتشوفش حاجة؟"

"مراية الصبح" ؟ تسألون ماذا تقصد هي تحديدا ..هي تقصد مرأة الصباح التي تقف امامها لمدة تزيد عن الساعة في كل صباح بينما تقف امام مرأة المساء كل ليلة قبل النوم تتحسر عل يوم مر دون ان تشعل الرغبة الهمجية في قلب رجل ما وتشعل فيه حطب وحدته الي قيظ عشق..

تقول انها "حبيسة المرايا"..مرأة الصباح ومرأة المساء..مرأة الصباح تقف وتقول أمامها "البس البدي البني ولا التاني ..انا حاسة ان كمال عينه مني ..بالذات اما لبست البدي البني المرة اللي فاتت ..انا عارفة هو بص علي ايه بالظبط..صحيح انا اتضايقت في الأول لكن يمكن غرضه شريف"

بينما مرأة المساء تقول امامها كل ليلة  "وادي الزفت الروج اهو هامسحه زي كل يوم ومش هيطول ابدا انه يبقع بق راجل يكون حلالي..كأني في عرض الوان وخلاص كل يوم نفس الالوان ..عموما هم احرار هم مش عارفين اللي فاتهم..مش بس جسمي الفاير اللي بيغطيه لبسي المحترم الصبح ..هم لو شافوني بوضعي دلوقتي كانوا اتهبلوا ..هم احرار ..هيفوتهم كتير"

فتحت يارا ذات مرة كتاب باولو كويلو المركون منذ فترة علي الرفوف وهو "احدي عشرة دقيقة" وقرأت تلك السطور في الكتاب  "إن الجنس يصير كأى نوع من انواع المخدرات , وسيلة للهروب من الواقع ونسيان المصاعب والاسترخاء . لكن الجنس , شأنه شأن المخدرات كلها , ممارسة مؤذية ومدمرة"

قالت لنفسها وتنهدت "ممارسة مؤذية ومدمرة ؟؟" ..طيب ما احنا ياما جربنا حاجات في الحياة مؤذية يعني هي جت علي دي..المهم التجربة..امتي هاخش المعمل وابقي فار تجارب للممارسة المؤذية دي ؟؟ قال مؤذية قال يا سلام يا باولو عليك يا سلام يا اخي .."

في احد المطاعم ذات يوم سقطت وردة علي الارض ..التقطها رجلا بالصدفة وصاح "يا جماعة الوردة دي بتاعة حد ؟؟" لم يجب احد من الجالسين وكانت يارا تبكي علي طاولتها لانها كانت وردة وداع من اول رجل عرفته وكانت لها علاقة به ولكنها انتهت بالجملة ذاتها المعروفة منذ عشرات السنين "خلينا اصحاب احسن"  !!

ظلت يارا تبكي حتي طلبت الحساب وهرولت الي المنزل تتلقي السباب من كل السيارات لانها تجري بجنون في وسط الطريق وقال لها احدهم من خلف زجاج سيارته  "انتي يا غبية انتي انتي اتعميتي ولا ايه ؟"

وصلت الي المنزل ..خلعت كل ملابسها امام المرأة وقالت وهي تبكي : "انتي الوحيدة اللي هتسمتعي بكده صح ؟ ..انا عرض مسائي كل يوم ليكي ..برقصلك استربتيز..حتة حتة بتقع بس مش انهيار دي نشوة انتصار عندك..علي فكرة انا مش هاقف قدامك تاني..واضح انك بخيتي فيا سرك الكريم ومش هاكون لحد تاني غيرك..او "دول" بالذات مش هيكونوا لحد تاني..هو يعني انتي ليكي ايدين بلا خيبة..ده انا عايشة مع مراية مهكعة خردة "

الرغبة..ليس للمرايا رغبة غير المشاهدة..لا تعبر حتي عن حبها للجمال منذ ان عبرت اخر مرة في قصة "سنوايت"..منذ هذه القصة العجيبة لم تتحدث المرايا ولم تقل انتي اجمل واشهي واحلي ..وياليتها تتحدث الي يارا التي تمتعها بجسدها الفائر البض كل ليلة ..


"هو ليه حسن قالي خلينا نكون اصحاب احسن؟ ..هو ايه الاحسن في كده يعني..اصلا ما بتحصلش ان اتنين بيحبوا بعض بيرجعوا اصحاب العكس بس اللي ممكن يحصل انما ده مستحيل..ارحمني بقي يارب ..ارحمني يا رب وابعتلي امنيتي وامنية حياتي.."  قالت يارا لنفسها في لحظة شجن حتي دخلت امها وقالت لها :يارا حبيبتي مش هتاكلي حاجة قبل ما تنامي؟"

يارا : لا يا ماما اقفلي النور والنبي لأن العرض هيبدأ

الام : عرض؟؟ عرض ايه ؟؟

يارا : ايه.؟؟ ولا حاجة..ده فيلم هاشوفه علي الكمبيوتر كده متاخديش في بالك


كانت يارا تقصد بالعرض هذا العرض المسائي امام المرأة ..اضواء خافتة وتأمل في جسد محموم بالوجد ومستعر بالرغبة ومتعكز علي امل المتعة..!
اغلقت النور الا من ضوء خافت في غرفتها وقالت للمرأة " ايه؟؟عاجبك كده..النهاردة يوم اسبيشيال انا بفكر ارقصلك بلدي..اه فعلا هارقصلك بلدي..طبعا عايزة تشوفي يا شقية..يا قليلة الادب اتكسفي بقي "

نامت يارا بعد رقصة عفوية مرهقة واستيقظت في الصباح تضع مكياجها وملابسها وحجابها وتنطلق في دوامة الحياة ..وهي تضع دبوس الايشارب قالت للمرأة الصباحية : "طبعا ده اتعس وقت ليكي ..ما بتحبيش تشوفيني وانا بالبس هدومي ..انا دلوقتي خضرة الشريفة لاني خارجة..بليل هاكون زي ما انتي عايزة..غجرية..اسبانية..ارجنتينية..ارقصلك فلامنكو وصالصا وتانجو كل يوم رقصة ..يا بختك من قدك ومن قدك يا عم لو كنت راجل ..لو كنت بعمل كل ده لمراية دكر ما انا مش عارفة جنسك وفصلك ايه بالظبط"


وبعد يومها المعتاد عادت الي مرأة المساء قائلة لها " لو كنتي بتغيري منه هو خلاص سابني خالص..بس هو علي الاقل كان بينكشني انما انتي كده زي القطط تاكلي وتنكري ده مشافش ربع اللي شوفتيه..ومع ذلك كان هيموت عليا زمان اما كان بيكذب عليا ويوعدني بالحب اللي عمره ما هيموت"

وخارج الغرفة كانت الام تقول : يا حمادة قول لاختك تيجي تتعشي ..

حمادة : حاضر يا ماما

فتح حمادة الاخ الصغير باب غرفة يارا فأرتاب من ان يصدق ما رأه انها اخته ترقص عارية بشكل غريب وعبثي..هو مجرد طفل صغير ولكنه لم يري شئ من هذا من قبل وجحظت عيناه واغلق الباب بسرعة ثم عاد ليقول لأمه مسرعا : يارا بتغير يا ماما

ماما : مالك يا حبيبي بتجري كده ليه زي ما تكون مخضوض من حاجة

حمادة: لا يا ماما انا بجري عادي يعني


لم يكن ليارا سوي اخ واحد وهي الاخت الكبري التي ملكت زمام المنزل مع امها  بعد وفاة الاب منذ سنوات ..كان الرجل الوحيد الذي يملأ المنزل بنفحات الرجولة التي يفتقدها المنزل الأن الا من حمادة ولكنها نفحات طفولية جدا ..لا تشعر بخشونة صوته ولا تري شعر صدره في الصيف حينما يرتدي ملابسه ..انها الرجولة التي تفتقدها بكافة اشكالها منذ ان مات والدها..


وبعد ايام وفي فترة العمل :

سناء : سمعتي يا يارا ان حسن هيخطب ؟

يارا "في اضطراب وضاح" : حسن ؟ حسن مين ؟ حسن بتاعنا

سناء : اه يا ستي هيخطب داليا زميلتنا

يارا في انكسار : ربنا يوفقه ويوفقها هي طيبة وتستاهل كل خير



"تستاهل كل خير" هي جملة المنكسرين دائما ..هي الجملة التي يرددها شخص تم هجره ليعلن صراحة ان حبيبه السابق هو كل الخير الذي يقصده !! انها جملة ندم وليست مجرد امنية بالسعادة !

كيف تشعر يارا الأن ؟ ذهبت الي المنزل بسرعة دون حتي ان تبقي لاستراحة الغداء بالعمل وفتحت الباب دون ان تلقي التحية ولكنها اسرعت الي غرفتها وجلست ساعات وساعات تنتظر الليل حتي فرد الليل شراعه وخيم بأجنحته علي قلب يارا قبل ان يخيم علي الدنيا ..خلعت ملابسها للمرة الاخيرة وقالت للمرأة الليلية : استمتعي للمرة الاخيرة دي اخر رقصة هارقصهالك لاني معدتش هاعرف امتع حد انا مش هامتع الا نفسي بس بعد كده الدنيا ليا انا..

في هذه المرة لم تفتح موسيقي شعبية او اي موسيقي مناسبة للرقص ولكنها فتحت لحن
Mozart - Requiem

والغريب انها كانت ترقص عليه بخلاعة واضحة وتضع اصابعها علي شفتيها وتتغنج وتعض علي اصابعها بشكل مغري ومثير ولكن ليس للمرأة التي لا تسمع ولا تري ..انها مازالت تحدث المراة في كل ليلة كالعادة..

وبعد نهاية الرقصة بدأت حفلة التحطيم ..كسرت كل اجزاء المراة

وصاحت في جنون :  خلااااااص متعتك راحت وراحت ايامها ..خلاص مش هاقعد اشيل مكياجي ولا اغير قدامك مش هتستمتعي بجمالي مرة تانية شوفي حد تاني تتسلي بيه من النهاردة ولا انتي ولا مراية النهار هتشوفوني..انا مش رحلة بحث عن راجل..انا مش رحلة بحث عن الكمال..لأن خلاص..أنا الكمال..أنا لوحدي الكمال..انا مش شئ ناقص محتاجة حد يكملني..انا مش نص انسان ومحتاجة حد يكمل نصي التاني انا انسانة كاملة..ايوه بقول للعالم كله كاملة كاملة كاملة


وفي معرض فني لعرض اللوحات :


جاسر : كل ده بتقوله الرسمة دي ؟؟ يعني اللوحة دي اسمها ايه لو سمحت

ياسمين : اسمها "رغبات المرايا"

جاسر :  وعشان كده في اللوحة المراية مكسورة مش كده ؟ بصراحة لوحة هايلة وحضرتك فنانة جدا

ياسمين : ميرسي

جاسر : ممكن اعزمك علي العشا النهاردة لو وقتك يسمح

ياسمين : اوكي اشوفك علي العشا




لم ينتبه ابدا جاسر للوحة ..كان طوال الوقت ينظر الي ياسمين او الي خالقة عالم يارا الذي لا نعرف هل هو عالمها او هو مجرد محض خيال..كان الحب منذ النظرة الأولي يتفتق في ذهن جاسر وقلبه منذ ان وقعت عيناه علي ياسمين ..كان الحب في اشد لحظات ياسمين حزنا وهلعا وهي تتحدث عن شخصية يارا وكأنها تعرفها جيدا وكأنها تتحدث عن نفسها..

وتعددت اللقاءات بين جاسر وياسمين وبدأت المشاعر ترفع رايتها وبدأت مرحلة الاستسلام والسلام في القلوب وهي اولي مراحل الحب ..وكانت شخصية يارا هي محاولة التمرد علي ناموس الكون ..محاولة التمرد علي البحث عن النصف الأخر ..ولكن جاسر كان هو الطريق الاعتيادي والروتين الحياتي والحب الخالد..


ظهر جاسر في اشد الاوقات يأسا امام لوحة حزينة قتلتها الألوان..وقتلتها رغبات المرايا..

وكانت أخر مكالمة لياسمين علي الهاتف تطلب فيها ان تقابل من اشتري اللوحة لتعديل ستجريه عليها وتجعلها اجمل,,
اظن اننا جميعا عرفنا ما هو التعديل الذي ستجريه علي اللوحة..ستعيد المراة المكسورة سليمة مرة اخري في اللوحة..ستعيد الاستسلام لواقع الحياة وان تنظر في المراة وتهتم بزينتها وحياتها..

من انا ؟؟ انا مجرد راوي لقصة ..
انا من اصطدمت بكتف جاسر وهو يخرج مسرعا من القاعة في حالة حب غريبة :

جاسر : انا اسف جدا

معتز : ولا يهمك اتفضل

جاسر : حضرتك كنت معانا في المعرض ..عجبتك اللوحة ؟

معتز : ياسمين تستحق كل التقدير والاحترام..حافظ عليها


خرج جاسر متعجبا من جملتي حينما قلت "حافظ عليها".. ولكني عرفت مدي حبه لها حينما كان يغني احدي موشحات فيروز الاندلسية وهو يخرج قبل ان يصطدم بي ..وطالما اصبحت انت حالة اندماج مع موشح اندلسي فاظنك وقعت في دوامة الحب ..


من انا ؟
لا يهم..انا احد من حضروا المعرض وشاهدوا تلك المراة المكسورة ..التي اصلحها الحب ..واعادها للحياة الرغبة في الحياة..

Saturday, May 4, 2013

سالي لا تفضل الباربكيو...قصة قصيرة






"الماضي ما هو إلا ذكرى اليوم ، والغد هو حلم اليوم
"

جبران خليل جبران



"هناك أشياء لا يمكن ان تختفي : الشمس والقمر والحقيقة"

بوذا



فيلم "مومينتو"..يشاهده حازم للمرة الخامسة عشر تقريبا وأكثر ما يعجبه فيه هو الرجوع لإكتشاف ما حدث ..الرجوع بالزمن وبالذاكرة لاكتشاف ما يحدث له اليوم..هل ما يحدث هو حقيقة أم سراب ؟..
يريد ان يعرف من الفيلم هل الحاضر هو كفاية حاجتنا أم لابد من الرجوع للماضي لاكتشاف كيف وصلنا الي هذا الحاضر ؟ ام لابد من النظر للمستقبل مهما كان الحاضر ملتبس أمره والماضي مكتمل غيمه!!

يجلس علي أريكته المعتادة ويتناول فنجان القهوة ..الكافيين..الذي يتعاطاه البشر يوميا لكي تصبح عيونهم أكثر استعدادا للحقيقة.."صباح الحقيقة".."شمس الحقيقة" التي لا تضرب أشعتها في أعيننا الا لتزيدنا ألما وولعا فيصبح الكافيين في دمائنا اكثر يقطة وانتباها لاستقبال الحزن وياحبذا لو كانت السعادة ..

كرة أرضية..نصفها مخمور ونصفها يتعاطي القهوة ..كرة تكسرها خطوط طول وعرض وخطوط وهمية..والخطوط الوهمية تقسم البشر كما تقسم الأرض..نصف يريدون الاختباء في كأس الخمر ونصف يريد الاختباء في فنجان من اعصار الكافيين المعتاد يوميا وفي كل صباح جديد..

"انا بقيت مدمن قهوة" هكذا قال حازم لنفسه وهو يشرب فنجانه الرابع امام الفيلم ويردد "مش عارف ليه عايز افوق طيب ما اجرب اسكر يمكن اوصل للحقيقة"..!!

"أنا عايز اجرب..عايز ارجع للماضي واجرب اي حاجة"

"أي حاجة"..ركز جيدا في هذه الجملة لانها ستكون محور القصة التي يدور في فلكها حازم.."أي حاجة" جملة فيها من الخنوع والضعف وعدم الاهتمام برأي الغير الكثير..جملة زرعها فينا المعلم في المدرسة حينما اختار لنا حتي عدد اوراق "الكشكول" الذي سنحضره دون اختيار منا..حينما اختاروا لنا حاكمنا دون اختيار منا حينما اختاروا لنا ملابسنا ونحن اطفال بحجة ان ذوقنا مازال في مهده ..لم نعطي ابدا الحق في الاختيار مع انه هبة من الله..لماذا يختاروا لنا كل شئ في هذا المجتمع ؟؟ لماذا يختاروا حتي في الزواج في بعض الاماكن دون اختيار الفتاة ..سلطة ام جبروت ؟؟ نفوذ أم تمرد علي قهر مسبق ؟؟



رن جرس الباب وقاطع صوت الفيلم عند اقتراب نهايته :

حازم : انتي مين ؟؟

سالي : هتعمل نفسك مش عارف عني حاجة ؟؟

حازم : انا معرفش عنك حاجة

سالي : ده انا في حياتك كل حاجة

حازم : انا شوفتك قبل كده ولا حاجة ؟

سالي : لا العفو ..اصل انا مش خطيبتك ولا حاجة ..ولا كان بينا ميعاد ولا اي حاجة

حازم : انتي مجنونة ولا حاجة ؟

سالي : انت اللي بتهرب من كل حاجة

حازم : اسمك ايه قوليلي حاجة

سالي : اسمي سالي حاجة

حازم : مش عارفة اسم والدك ولا حاجة ؟

سالي : اعرف انت كل حاجة

حازم : مطلوب مني دلوقتي اي حاجة ؟

سالي : اطفي الفيلم ده اللي هيجننك وتعالي نخرج نعمل اي حاجة

حازم : نتغدي ولا حاجة ؟

سالي : افتكرتني ولا حاجة ؟

حازم : لا اهو خروجة مع غريبة وخلاص واهو اي حاجة..ما انا عمري ما اخترت حاجة

سالي : وحرية اختيارك مهمة في حاجة ؟

حازم : في الحب لا لكن مهمة في كل حاجة

سالي : انت غريب اخر حاجة

حازم : انتي هتقيميني ولا حاجة ؟

سالي : لا يا سيدي قوم البس بس اي حاجة

حازم : استنيني هنا خمس دقايق ولا حاجة


ظلت سالي في غرفة المعيشة وهي غرفة لحازم الشاب العازب الذي لا يعرف حتي تلك المرأة التي تدعي انها خطيبته التي من المفترض انها تعرف عنه كل شئ وهو لا يعرف عنها اي شئ ربما لأن هذا هو حال المرأة لن تعرف عنها اي شئ حتي وان كانت اقرب لك من كل شئ  وربما كان هذا بسبب انه فعلا لم يرها قط قبل ذلك ..

بمجرد ان بدأ حازم يستعد للخروج ويرتدي ملابسه التي اختارها بارادته تعويضا عن حرمانه من الاختيار في الطفولة وتعويضا عن عدم الاختيار في اي نتخابات حتي مع وهم حرية الاختيار والديمقراطية كانت سالي تعبث في كل ارجاء الغرفة..بتعملي ايه يا سالي ؟؟  هكذا ردد حازم في صرامة

سالي في خجل: انا مبعملش اي حاجة

حازم : انتي بتلمي صوري وانا صغير ولا حاجة ؟

سالي : انا بس عايز اشوفهم دي كل حاجة

حازم : لكن انتي بتخبيهم في شنطتك وشوفت كل حاجة

سالي : انا بس عايزة احتفظ بيهم تسمحلي ولا حاجة ؟

حازم : رجعي يا بنت الحلال كل حاجة

سالي: مش هتاخد مني حاجة

حازم : صوري دي الماضي بتاعي وكل حاجة

سالي : وايه اهمية الماضي المهم الحاضر هو كل حاجة

حازم : انا عايز الماضي بتاعي بيدلني علي كل حاجة

سالي : ده وهم واي حاجة الحاضر والمستقبل كل حاجة

حازم : يمكن افتخر بيه ولا حاجة

سالي : الافتخار بالماضي ضعف في كل حاجة

حازم : رجعي صوري يا اما هتشوفي مني كل حاجة

سالي : مش هتاخد مني حاجة


انه اول شجار ينشب بين حازم وامرأة لا يعرفها ..إمرأة تريده ان يهرب من قوقعة الماضي بمحو صوره وسجله القديم والنظر لحاضره ومستقبله ..

سالي : اهدي بقي وسيبني اتصرف في كل حاجة

حازم : انتي ليه بتدخلي في كل حاجة ؟

سالي : سيبني بس ويلا نروح ناكل اي حاجة


خرج حازم مغلوبا علي امره وقال لنفسه "ان كيدهن عظيم" فعلا..استسلم لها تماما ولا يعرف لماذا..ولكنه استسلام محبب الي قلبه كما استسلم قديما للحب ولم يندم علي استسلامه حتي الأن..
الحب والمرأة فقط هما الاستسلام الوحيد الذي لا يأتي بعد حرب بل يأتي بعد حالة سلام .

وفي احد المطاعم :

سالي : مش هتطلبلي حاجة ؟

حازم : انا عايز اعرف منك كل حاجة ؟

سالي : ما تطلبليش فراخ باربكيو واطلبلي غيره اي حاجة ؟

حازم : انتي يعني بتفكريني بحاجة ؟

سالي : جايز اقصد كل حاجة

حازم : اشمعني الباربكيو ليه مقولتيش غيره اي حاجة ؟ انتي عارفة عنها حاجة ؟

سالي : هي مين مش فاهمة حاجة ؟

حازم : لا مافيش اي حاجة ؟

سالي : طيب يلا هاتلي حاجة

حازم منفعلا :  انتي مين مش فاهم حاجة ..يا بنتي قوليلي عنك اي حاجة..انا خارج معاكي وانا معرفش عنك حاجة


وفجأة تلتفت شخصيات متعددة في المطعم الي مصدر الصوت وهم من جهات استقصاء الفضائح ..من بعض الشخصيات في مجتمعاتنا التي تهوي الفضائح لانها تري فيها خدعة طهارة انفسها في سقوط الاخرين !!

الشيخ : ااااااه يعني متعرفش عنها حاجة ؟

حازم : لا يا شيخ ولا اي حاجة

الشيخ : ده يبقي قلة ادب ولا حاجة ؟

حازم : انا مظلوم بجد دي معرفش عنها حاجة

صايع : بس دي مزة جامدة اخر حاجة

سالي : ده بيعاكسني قوله حاجة

حازم : ما يعاكسك انا معرفش عنك حاجة

مدير المطعم : في ايه يا جماعة هو في حاجة ؟؟

سالي : خطيبي بيهرب مني شكله مش عايز يحاسب ولا حاجة

حازم : يا عالم انا اصلامخدتش حاجة

مدير المطعم : واللي انت كلته سنين علي الحساب وكل حاجة ؟؟

حازم : انا اول مرة اشوف المطعم ده معرفش عنه حاجة

مدير المطعم : بوليس ولا حاجة ؟؟

ظابط شرطة : انا في الخدمة في اي حاجة

مدير المطعم : بيهرب من خطيبته ويقول معرفش عنكوا حاجة ومش عايز يحاسب علي اي حاجة

ظابط الشرطة : ع القسم ولا حاجة ؟؟

شحات : يا باشا اديني حاجة

حازم : يا عالم انا في الموقف ده ازاي ..انا عايز ارجع للماضي اعرف عنه حاجة

الجميع يصيح : الماضي مقالش حاجة..الحاضر كل حاجة


وفي قسم الشرطة :

الظابط : في ساعته وتاريخه وكل حاجة قررنا حبسه اربع ايام ولا حاجة

حازم : ده ظلم وكل حاجة

الظابط : محدش هيسيبك ولا حاجة تعمل نفسك مش عارف حاضرك وتتحجج بالماضي بتاعك ولا حاجة

حازم : ظلمتوني في كل حاجة..عايز افهم منكوا حاجة

الظابط : يا عسكري ع القسم جهزله حاجة



وفي داخل الحجز :


سالي : انت ليا كل حاجة

حازم مفزوعا : اعوذ بالله من الشيطان الرجيم انتي دخلتي هنا ازاي ؟؟ انتي جن ولا حاجة ؟؟ ده حجز حريمي ولا حاجة ؟؟

سالي : انت في قلبي كل حاجة ؟؟ بس هم مش هسيبوك تعرف عن ماضيك اي حاجة..لان الحاضر كل حاجة

حازم : ضعف منهم ولا حاجة

سالي : لا ضعف منك انت وكل حاجة

حازم : دول مش عايزيني اعرف عن تاريخي اي حاجة..وانا تاريخي هو كل حاجة

سالي : ما هو ده ضعفك انت مش منهم ولا حاجة..ماضيك مش كل حاجة..اتمرد حتي علي الحاضر..التمرد علي الحاضر اول درجة للوصول لمستقبلك الجاي ولا حاجة

حازم : من غير ما اعرف عن الماضي اي حاجة ؟

سالي : والماضي يعني هيفيدك بحاجة ؟؟

حازم : جايز اعرف منه دروس ولا حاجة

سالي : فايدته الوحيدة الدروس عشان تدفعك للامام ولكن انت ممكن تعرف دروس اكتر في الحاضر من البشر حواليك كلهم دروس وكل حاجة



وفجاة يخرج من جميع اركان الحجز الضيق فرقة وانغام صاخبة وكانها حفلة زفاف  "دقوا المزاهر يلا يا اهل البيت تعالوا ..جمع ووفق والله وصدقوا اللي قالوا "

حازم في صدمة رعب : ده كابوس مش اي حاجة

سالي : ده فرحنا يا كل حاجة

الشيخ : ده حلالك وكل حاجة

حازم : انتوا ازاي كلكم جيتوا هنا مش كنتوا في المطعم ؟؟

مدير المطعم : جايين نشهد علي فرحك مش اي حاجة

حازم : طيب والماضي عايز اعرف عن سالي حاجة

مدير المطعم : مش مهم اي حاجة المهم تعرف حاضرها وكل حاجة وتبص للمستقبل معاها وكل حاجة

الظابط : دقي يا مزيكا


ويصبح المشهد اكثر غرابة حين يرقص الظابط بالعصا رقص بلدي في مشهد فانتازيا غريب لا يعرف له حازم تفسير ولا تدبير..


حازم يحدث نفسه في وسط الفرح ويقول : انا في مجتمع مش سامحلي اعمل زي  "مومنتو"  انا في مجتمع مش "مومنتو"  مش عارف ارجع للماضي عشان اعرف ازاي انا في الحاضر ده..محدش عايز يسمع عن تاريخي والماضي بتاعي كله عايز يشوف الحاضر وهاعمل ايه في المستقبل..الظاهر زهقوا من الكلام عن التاريخ والماضي ..معدوش سامحين ليا اتكلم عن تاريخي وفتوحاتي كلهم عايزيني في الحاضر وبس وافكر في المستقبل وبس..يا عالم ازاي الماضي معدش ليه قيمة ؟؟

ايه ده انا بطلت اقول كلمة "حاجة"  مقولتهاش ولا اي حاجة !!


وخرج حازم من الحجز بعض سنوات ليجد الارض مزهرة والطرق نظيفة والناس في افضل حال وحين نظر خلفه وجد لافتة علي الحجز مكتوب عليها  "حجز الحاضر"..وخرج الي المستقبل مع سالي ومازال حتي الأن لم يعرف شئ عن الماضي ..

ولكن الاغرب من هذا انه ببدلة الفرح ومكتوب علي ظهر البدلة "مصر"..وسالي بفستان الفرح ومكتوب عليها "الحاضر"..

ان المجتمع لن يسمح بالحديث عن الماضي اكثر من هذا..نريد الزواج بالحاضر..ولن تسمح لك شخصياته بالحديث عن الماضي ختي وان دبروا زيجة مدبرة من حاضرك لكي تنظر الي المستقبل..

المستقبل الذي تختار فيه كل شئ ..دون ان تقول  "اي حاجة"..!!

Wednesday, May 1, 2013

شـمـس وقمــر 42





** الحقيقة "مرة"..
الحب "أعمي"
الدنيا "غدارة"
صفات شوه بها البشر أجمل ما يملكونه..الحقيقة والحب والدنيا..


** قالت : حبك رسالة
قلت : وما علي الرسول الا...الغرام !!


** الأصل في الأشياء جمالها..
حتي وان انتابك الفزع في نومك ستقول "حلمت "بكابوس
فدائما أحلامنا تسبق كوابيسنا..


** قلب العاشق رسالة بحر..
بلا عنوان خلقت..بلا ميناء تذهب..بكل حب تعود..


** قالت : هل انت من النوع الذي يسأل إمرأة عن عمرها ؟
قلت : بل انا من النوع الذي يسأل العمر عنك..!!



** المتشائم يقول "واقع أعيشه"
والمتردد يقول "واقع قد يتغير"
والمتفائل يقول "واقع أصنعه"


** الحاكم الصالح قسمه دستور
والحاكم الفاسد دستوره القسم !!


** قالوا "مع الوقت تلتئم الجروح"
قلت : تحسبونها بالزمن..وبعض الجراح أزمنة ..


** الضعيف هو من تجعل منه الخيانة نصف رجل..
والقوي هو من تجعل منه نصف الخيانة رجل كامل !


**  المرأة كالمصباح السحري..
اذا لمست روحها بلطف..أغدقت عليك ببحر أمنياتك..


** من يسير في السياسة علي مبدأ "السمع والطاعة"
هو من يعيش في حياته بمبدأ "القمع والنطاعة" 


**  قالوا "الاذن تعشق قبل العين أحيانا"
قلت : هل سمعوها وهي تدندن من قبل !!



** المسلم "يري الاسلام هو الحل"
بينما الاسلام السياسي يري "الاسلام هو السحل" !!


** الوعود لا تموت..
ولكن يموت الصدق في لسان من وعد..


**قالت : كيف تري اتجاهي السياسي ؟
ابتسمت وقلت :  ليبرالية : تؤمنين بحرية الجمال المنطلق في شرايينك
علمانية : تؤمنين بفصل قلبي عن دولة جسدي
أصولية : تعودين لأصول الحسن عند فينوس
وسطية : تؤمنين ان خير القتل ضرب القلب في المنتصف..!!



** الحب مرأة تضع أمامها الدنيا الكحل كل يوم..