قمة القمم

بعد العصر كده فتحت التليفزيون لقيت مافيش حاجة ومش فاهم يعني ايه مافيش حاجة اللي الشعب المصري مخترعها دول ييجي عشرميت قناة يعني ايه مافيش حاجة انما يمكن انا ماليش نفس دلوقتي
فتحت قناة الأغاني الأجنبية وقعدت اتفرج شوية وزهقت قلبت لقيت اغنية الضمير العربي قعدت اتفرج عليها واثرت فيا جدا مع اني بعت القضية من زمن لان الملل مكتوب علي القصة العربية المشكلة اني قلبت القناة اتصدمت لقيت القمة العربية وكانت علي كلمة الرئيس القذافي بعد عشر دقايق رجعت تاني لمحطة الاغاني الاجنبي وصوت باعلي صوت ليا وعليت ع الاخر ووووووووووووو
القمة العربية او القمامة

أطفأت بيد فاعل

لم يلعب أبدا مع زملائه كما باقي الاطفال..ولم يرسل للشمس السنة الذهبية لكي تأتي السنة الجديدة فلم يفقد سنا ابدا
كانت تسليته في أن يشعل شمعة ويجلس في الظلمات لكي يعرف معني النور
ولم يعرف حتي الأن
خرج الطفل في يوم ما بالشمعة سار في وسط الطرقات كمنوم مغناطيسيا من وهج ليس هناك
لم تلسعه سيول الشمعة الملتهبة ولم يفطن أبدا للناس الممتدة بعرض الشارع
سار طويلا سارت خلفه الوف الأطفال
وألوف البشر ولم يهتم
كان بفطرته الطفولية يمهد للصدفة البحتة وكأن الناس اجتمعت صدفة
سارت خلفه لنفس الصدفة
كل الأطفال إجتمعت صدفة
لم يعبأ أكمل ما جاء إليه
أكمل لعبته ليعرف الي متي ستظل الشمعة صلبة ولم تفقد الأمل
عاني كثيرا في الرحلة من عطش داهم ومن جوع قارص ولم يهتم
تعمي عينيه انوار السيارات المسرعة علي الطرقات ولا يهتم
وصل أخيرا لنهاية رحلته وفكر أن يرجع أكثر من مرة ولكن جلس جوار الشمعة ليدعو الله
ولكن ياللصدمة
كيف إنطفأت تلك الشمعة؟كيف أرتسمت علي شفتيها علامات الخيبة ولم تأتي أصابعها لقوس النصر؟
الأمل لا يزال قائما..فكر الطفل..
قام وازال غباره عن ملابسه وتمسك بالأمل وقال
تلك الشمعة
لابد أن تكون
أطفأت بيد فاعل
لم يشك في القدر
أبدا

لماذا سقطنا من الجنة؟؟

المشهد:في الجنة
الأبطال:مافيش غيرهم أدم وحواء

ثلاثة تخيلات للمشهد لماذا سقطنا من الجنة!!

المشهد الأول

حواء:أدم لو بتحبني صحيح تجيبلي التفاحة دي وتأكلهالي
أدم :أنا بحبك بس مقدرش أعمل كده
حواء:يبقي مبتحبنيش لأن في الحب مافيش حاجة إسمها مقدرش
أدم:الموضوع أكبر مني ومنك أنا قلتلك صدقيني مقدرش
حواء:الف شكر يا ادم بس افتكرها شوف انا ضحيت عشانك بايه وانت مش حاسس بيا ومش راضي تعملي حاجات سهلة جدا
الشيطان:ايه يا ادم مزعل حبيبتك ليه؟
ادم:والنبي تتلهي انت كمان مش طالباك
الشيطان :فعلا التفاحة دي احسن تفاحة في المكان خدها وروح صالحها انت مش بتحبها ولا ايه ؟
بحبها مش بحبها بحبها مش بحبها بحبها مش بحبها
وقطفت التفاحة
وسقطنا بسبب الحب
لنكمل المشهد

المشهد الثاني

حواء:والنبي يا ادم تجيبلي التفاحة الحمرا دي
ادم:لا دي بالذات مينفعش
حواء:واشمعني دي بالذات يعني عشان طلبتها منك؟
ادم :لا الموضوع مش كده وبلاش عند الستات ده
حواء:ماشي يا ادم عموما هاقوم انا اجيبها بنفسي
ادم:اقعدي يا حواء وخلي ليلتك تعدي علي خير
حواء:انا سايبالك المكان وماشية وادي التفاحة
عنيدة جدا حواء
وسقطنا علي الأرض لنكمل المشهد

المشهد الثالث

حواء:ادم يا حبيبي انا نفسي في تفاح شكلي بتوحم
ادم:مافيش غير تفاحة واحدة بس
حواء:مش كتيرة علي ابننا هاتهاله
ادم:معلش يا حوا هاجيبله خوخ احسن او كنتالوب
حواء:ايه الكنتالوب ده ؟
ادم:مالكيش دعوة المهم هاجيبله
حواء:بس انا نفسي في تفاح مع الولد
ادم:يا حوا حلي عن دماغي
الشيطان:عايزة ايه يا حوا؟
حواء:عايزة تفاح مش عايزة كنتالوب
الشيطان:ايه الكنتالوب ده؟
حواء :مش عارفة ادم قاللي عليه
الشيطان:طيب قومي معايا واحدة واحدة وهاتي التفاحة
وقامت حواء وخدت التفاحة من ورا ادم
الخديعة
وسقطنا علي الأرض لنكمل المشهد

سقط أدم
مازالنا في انتظار حواء

الهاي سكول

الفرق ما بين الهاي سكول والثانوية العامة المصرية مش موجود
لأن ما فيش علاقة خالص بس هقولكم ايه اللي ممكن يفتقده الطالب الأمريكي في مدرسته
أولا هيفتقد محمد حيرم
وده هحكيلكم عليه بعدين بس حبيت أبدأ بيه
هيفتقد سندوتشات المسقعة والبلح والبيض والفول ع الصبح يا صباح الخرة
هيفتقد لغرفة الكمبيوتر اللي بيعلموا فيها دوس!!!
وفقرة هل تعلم اللي بتخاطب فئة خارجة من المصحة
والمدرسين اللي بيضربوا بالصواريخ الورق في قفاهم
وهيفتقدوا كمان للطباشير الملون اللي عندنا بجنيه
واكتر حاجة جامدة جدا عندنا هي تمارين الصباح
واحد يقعد يرقص يمين وشمال ويصقف ويضرب لو معملش كده يمين شمال هب هب
كأنهم بيضحكوا علينا
وهيفتقدوا لبنات الثانوية بنات اللي عايزين أربجيه بلدي يفجرهم
وهيفتقدوا للمصطلحات المصرية زي مثلا الفاكس في التاكس او يا حودة روح أمك إصطلحت
الهاي سكول خالية من المتعة لكن عندنا كل الحصص متعة
حصة الزراعة لسيد سباخ
والكهربا لأحمد سلكة
والحصص الإحتياطي بقي يا عيني عليها تخش واحدة بتاعة تربية قومية
مالهاش في الطور ولا الطحين
تقعد تتاوب والعيال يضربوا بعض بالقفا من غير داعي كهزار
في الهاي سكول الطلبة مش بترجع من الإمتحان لإنهم بيدخلوه بالاي بود
واحنا بنخشه ومعانا ادوية من رعب فقد المعلومات المحشوة والمتكبسة داخل العقول
حصة الالعاب عندنا تختلف عن نظيراتها الأوروبية لأننا بنلعب بكورة اسمها مكسة او كفر وكفاية اسمها
متستغربش في الهاي سكول لو زميلتك حطت روج في الحصة
ومتستغربش في الثانوية المصرية لو زميلك قشر يوستفندي او كل محشي جنبك
الكبت الجنسي عند الطالب المصري مخليه مشتت
اما يشوف فيلم فيه طلبة امريكان بيتدهول علي عينه
اما يبقي زميلك اسمه حيرم يبقي انت اكيد في مصر
اما تغني في الفصل اغنية يا روايح الزمن الجميل هفهفي يا بقي انت في مصر
اما تلاقي حاجة اسمها التغذية وجبة قذرة لا ادمية والمربي لازقة في السقف جنب الجبنة المثلثات يبقي مصر
مرة استاذ ليا قاللي برافو عليك بتحاول تفهم بس افتح ايدك انت مش حافظ
هو ده التعليم المصري
معندمش برة استاذ متجهات بيديهم رياضة
او ابلة اسكارس بتديهم أحياء
مساكين
ومعندهمش اصلا كنتين زينا فيه هريدي وفرقع لوز
ومعندهمش تحميل اربعات يمكن عشان معندهمش زقازيق
احنا تخرجنا من الثانوية مصيره الزقازيق
وتخرجهم مصيره حاجات تعقد
البنات هناك مبتدعكش وشها بعشر اكياس فير اند لفلي ومبيحوقش
لانهم بيض خلقة
المهم ساعات بقول يمكن احنا احسن من غيرنا من بنجلاديش مثلا
بس بفتكر
حتي بنجلاديش
معندهاش حيرم

لعــــــنة البــــــرواز

إطار البرواز حياتي..داخل البرواز صورتها والشارة السوداء كتاباتي
وإستنشاق اللوغاريتمات هوايتي المفضلة منذ كنت أجالس موج البحر
وأتخيل هذا الرمل كجسم إمرأة بيضاء لا أشتهيها
أنا لا أتململ أبدا من تكرار أحداث اليوم
فإن كنت أجالس نصف اليوم ..ربع اليوم..في بعض الأفكار المجنونة فباقي اليوم أجالس بعض الحكمة مدفونة في فنجان الشاي وأكثر..
وتناقض نصف اليوم ونصفه الأخر يذكرني بالحب فلا أتعب
أتوضأ من ضوء القمر لزوم الشمس
وتأتي الشمس لكي نحضر للصبح لباسا أنقي
ولا تأتي صاحبة الصورة
ولكني أمر علي البرواز
واسمع ضحكات الجن علي الملأ ولا أهتم
فالجن خرافة
تضحك في اذني عروس جنية ترقص اخري رقص شعبي علي البرواز ولا أهتم
الحب يصنع الجني
أنا ملك الجن اليوم أبشركم كي تخرج كل فرائد روعتكم منكم كنزا غالي
أنا لا أتحدث إلا حوار عادي جدا كحوار الخنصر للبنصر
ولست مريضا أو مجنونا أو متعافي كي أخرج كل الأيام في طور نقاهة
الحب هو مرضي الوحشي
قصر حياتي من مرمر مدفون في قوقعة وسط ألوف الأصداف في بحر معزول
فما فائدة كونه قصرا؟
ومصر علي الإعدام عشقا
لون الإشياء سيثبت حين أصارحكم أخر رغباتي
الكبت الطليق هو تابوتي
والأنفاس السرية هي أخر وسيلة حوار بيني وبين الذكري
وأمسي هو غدكم لكن لا تدري أنفاسنا بأي أرض تحب
وكي لا تبكوا علي موتي فدعوني أصارحكم من خلف البرواز
أنا قصيدة رثائية للحب وسيرة الموت إذا إقتضي نحيبه
أنا أخر ذبحة في صدر الليل لكي يلهث بعده
أنا دندنة الوحشة لكي تأنس
أنا غير ذي ربيع وغير ذي خريف أنا أعيش فصل المتأرجحون
دمي من فصيلة عشاق السرية واللغة السحرية
وأقلامي لا تكتب حروفا إلا في حالة إنفصامها
وساعتي لا تحدثني عن الوقت كثيرا ولكن تحيا بسم عقاربها
أرجوكم
لا أحد يختبئ خلف عتبة بابي
لإني مازالت أتأمل في البرواز
ولا يأتيني الموت
ولا أري إلا رمالي المتحركة
وصورتها

الهروب من المستحيل

لم يقتنع أدم أبدا بكلمة حظك اليوم لم يلمس تلك الصفحة إلا وتكرمشت في يده من الغضب..لم يصدق كلمة مما فيها حتي ولو صادفته حقيقة فيها لكنه يعتبر ما حدث مجرد صدفة
""شخص يرد لك الثقة في نفسك
كان هذا حظه اليوم ..ضحك كثيرا اي ثقة هذه التي فقدتها ولماذا !
ومن هذا الشخص موزع الثقات الذ ي سأقابله؟
واهتدي اخيرا لفكرة ربما تثبت له ما يؤمن به طول حياته
سيجلس ادم في البيت ويغلق الباب علي نفسه وبهذا معتقدا انه سيوقف الاحداث تماما طوال اليوم
وفعلا بدأ ينظر الي صفحة الحظ ويضحك كثيرا كلما قرأ حظه
ويقول للورقة
هي أريني هذا الشخص ماذا سيحدث ؟ ما الذي سيفوتني اليوم لو لم اصدق كلام ورقة تافهة مثلك؟
وبدأ في التحرك في أرجاء الشقة ثم ذهب الي المطبخ محاورا نفسه "قال حظ قال" ثم ذهب ليحضر كوب من الشاي
وكانت أسهل الاشياء أعقدها كما لم يعتقد أدم
فوضع الشاي علي النار ثم خرج من المطبخ وحدث ما لم يتوقع أبدا
كانت أم أدم تعد الشقة وترتبها في وقت لاحق وتركت قطعة مبللة علي الأرض
ومن تدابير القدر الغير معلنة أن يسقط أدم بعنف علي الأرض علي ظهره ولا يستطيع الحراك ياللحظ
يغلي الشاي
تسقط المياه علي البوتاجاز
تنتشر رائحة الغاز
ولا يتحرك أدم
وظل الوضع قائما بالساعات وادم منهك تماما من الألم وانتشرت رائحة الغاز في العمارة كلها
وبدا القلق يدق معاقل الجيران
أدم إفتح الباب
أدم إفتح الباب
ولم يجد الجيران حلا من القلق إلا كسر الباب
وعندما دخلوا كان ساكن العمارة الجديد حمزة أول من دخل من الباب وأخذ أدم من علي الأرض في حضنه وقال له لا تقلق سنعالجك بإذن الله
وكل ما يردده أدم أنا غبي كيف أهرب من الحظ ؟كيف أهرب من عدوي اللدود
وزاد ذهول الجار وبدأ يردد له الحكم والمواعظ عن مثل هذه الأشياء
ربما يعتقد أحدكم أن أدم قد زادت ثقته بكلام حمزة
نعم زادت جدا وبدأ يطمئن لكلامه
ولكنه بكي في النهاية
وقال
لقد زدت ثقتي سيد حمزة ولكن للأسف هكذا قال الحظ

شمس وقمر 11

من يؤجل الحب عمدا
يؤجل القتل البطئ
بتبطئ القتل

قد تسبق أحلامنا خطانا
ولكن
ماذا لو كان الحلم نفسه خطوة!!

الحب ليس أكسير الحياة
الحياة هي أكسير الحب

لو كان لي أن أختار نفسي
لأصبحت أشخاصا كثيرة

الحب هو المرض الوحيد
الذي يأتي قبل أعراضه

الحب هو السؤال الذي لو أجبنا عنه
لم نجد السؤال

نم وأحلم بعالم أخر
فإن وجدت نفسك فيه
فقد أحببت

الحب هو رسالة الله
بدون عنوان

عندما خلق الله الكون
خلقت الحياة
وعندما خلق الله الحب
خلقت البشر

الموت هو رسالة إن ضلت طريقها
فقد أصابت هدفها

الحب هو فرصة الحلم الوحيدة
لكي يحلم

للجنة أبواب وللنار أبواب
وللحب
باب واحد للجنة والنار

الفرق بين الحب والفراق
أن الثاني تخفيف للعقوبة

رحيل الحب أصعب من رحيل الحياة
فبعد الحياة موت
وبعد الحب يستمر الموت

الحب هو المدينة الفاضلة
والبشر هم خطيئتها

ACT AS EMINEM

Talking)
Aww, look at daddy's baby girl. It's daddy's baby, little sleepy head.
Yesterday I changed your diaper, wiped you and powdered you.
How did you get so big? Can't believe it, now you're two.
Hailie you're so precious, daddy's so proud of you.
SIT DOWN BITCH, YOU MOVE AGAIN I'LL BEAT THE SHIT OUT OF YOU!

(Rapping)
Don't make me wake this baby, she don't need to see what I'm 'bout to do.
Quit crying bitch, why you always make me shout at you?
How could you, just leave me and love him out the blue.
Aww, what's the matter Kim, am i too loud for you?
Too bad bitch, you're gonna finally hear me out this time.
At first I'm like, aight, you wanna throw me out that's fine.
But not for him to take my place, are you outcha mind?
This couch, this TV, this whole house is mine!
How could you let him sleep in our bed?
Look at Kim, look at your husband now, I SAID LOOK AT HIM, he ain't so hot now is he?
little punk.

Kim: Why are you doing this?
Eminem: SHUT THE FUCK UP
Kim: You're drunk, you're never gonna get away with this
Eminem: You think I give a fuck? Come on, were going for a ride bitch.
Kim: NO!
Eminem: Sit up front
Kim: We can't just leave Hailie alone, what if she wakes up?
Eminem: We'll be right back, well I will, you'll be in the trunk.

Chorus:
So long, bitch you did me so wrong
I don't wanna go on,
living in this world without you.
So long, bitch you did me so wrong
I don't wanna go on,
living in this world without you.

You really fucked me Kim, you really did a number on me.
Never knew me cheatin' on you would come back to haunt me.
But we was kids then Kim, i was only 18
That was years ago, i thought we wiped the slate clean.
That's fucked up!

Kim: I love you.
Eminem: Oh god, my brain is racin'.
Kim: I love you.
Eminem: What are you doing, change the station, i hate this song.
Does this look like a big joke?
There's a four year old little boy laying dead with a slit throat in your
living room.
HA HA, what? You think I'm kidding you? You loved him didn't you?
Kim: NO!
Eminem: Bullshit you bitch, don't fucking lie to me.
What the fuck's this guys problem on the side of me?
Fuck you asshole, yeah, bite me.
Kim,
KIM! Why don't you like me?
You think i'm ugly don't you?
Kim: It's not
Eminem: No, you think i'm ugly
Kim: Baby
Eminem: Get the fuck away from me.
Don't touch me.
I hate you, i hate you, i swear to god i hate you.
Oh my god, i love you.
How the fuck could you do this to me?
Kim: I'm sorry.
Eminem: How the fuck could you do this to me?

(Chorus)

Eminem: Come on, get out
Kim: I can't, i'm scared.
Eminem: I said get out Bitch.
Kim: Let go of my hair! Please don't do this baby.
Please, i love you.
Look, we can just take Hailie and leave.
Eminem: FUCK you, you did this to us, you did it, it's your fault.
Oh my god, i'm crackin' up, get a grip MARSHALL.
Hey, remember that time we went to Brian's party?
And you were like, so drunk you threw up all over Archie?
That was funny wasn't it?
Kim: Yes
Eminem: THAT WAS FUNNY WASN'T IT?
Kim: YES!
Eminem: See it all makes sense doesn't it?
You and your husband have a fight,
one of you trys to grab a knife and during the struggle he accidentally get his adams apple sliced.
And while this is going on his son has woke up and he walks in, she panics and he gets his throat cut.
So now they're both dead and you slashed your own throat so now its double homicide,
and suicide, with no note.
I should've known better.
When you started to act weird, we could of, HEY, where you going, get back
here! You can't run from me Kim, it's just us, nobody else.
You're only making this harder on yourself.

HAHA, gotcha! Go ahead, yell
Here I'll scream with you,
AHH SOMEBODY HELP.
Don't you get it bitch?
No one can hear you, now shut the FUCK up and get what's coming to you.
You were supposed to love me.
Now bleed bitch, bleed!
BLEED BITCH BLEED!
BLEED!

(Chorus)

ريشة ملاك

مش عايز أعرف من عيونك سكتي..
غيرت منك لون ملامحي
وصوت عذابي
ودنيتي
غيرت اسمي
ولون ربيعي
وصوت بكايا
وضحكتي
مثلت نفسي لقلب نفسي
لقيتني لسه جوه نفسي
لسه حلم السوسنة
ريشة ملاك
كتبت هلاك
تقدر تعيش بيه كام سنة
؟
زي خدك كذبتي
ماكياج وكريم أساس
وكلام مالهوش أساس
وقلوب دايقة الحجر
والشمس تخون صباحها
وملايكة تبيع جناحها
علشان تنزل بشر
بعد كام مليون ميعاد
زي غيري في المزاد
رغم إنك فكرتي
إخدعيني كمان وتاني
مش عشانك ده عشاني
عايز أخلق قوتي
عايز أصبح كل همي
وأشيل رحيلك ده في دمي
وأصرخ أنا تحت المطر
أناني أيوه هأعيش لمين
والدنيا لحن لناي حزين
سكة عذاب مش منتظر
حبيه بجد
مش قادرة بس تحبي نفسك
هو حاسك
هو جاي بحصان كبير
يمكن أمير يمكن سراب
شيلي علي عنيكي التراب
ده هو أنا
فكرتي مين؟
فيه كام أنا؟
لون أنوثتك مين خالقها غير كلامي وحبي ليكي
مين اللي راسم لون ملامحك الا حبي وعيشتي فيكي
مين هياخد كل حاجة وهو ماشي غيري انا؟
لو لسه سامعة
أنا مش هاسيب فيكي إلا دمعة
وحاجات كتيرة مزيفة
زي الغرام
لو لسه مكسورة وبتلومي الزمان ده مش حرام
تمثال غرامك كسرته
وعش قلبي انا دمرته
وكفاية كلام عليها
خاتمي هييجي في ايديها
وانتي خاتم وضاع
وسيبيني ذكري عندك
خليكي عند وعدك
وسيبيني للضياع
قلبي اللي مات جوة مني
معادش معني لأهاته
ايه معني عصفور يغني
والعش محروق رفاته؟
وقصيدة الحب اللي كان
أبياتها دمعت وحدها
بلغ سلامك للي خان
ما الكل مات من بعدها
قلبي اللي مخلوق حبيبك
بعتيه في مزاده لخاتم
مش نادم إني أسيبك
لكن علي الحب نادم

شمس وقمر10

التفكير فيها
مش عادة
دي حاسة سادسة

شايف ورد ورا الضباب
مش قادر اشوفه
وهو بيتحجج بالضلمة

أحب تاني؟
السؤال غلط
أحبها تاني؟
ده سؤالي

الحب التاني
كلمة مالهاش معني
الحب لا يخضع لقانون الترقيم

ما بين بداية الحب ونهايته
بتعيش بدايةالنهاية

الحب ملك القلوب
معندوش قلب

جنة أدم وحواء
أوسع بكتير
من جنة أدم

قالولي بتعيط أما بتفكر فيها؟
قولتله كده مش هاعرف اخد نفسي من العياط

سألت البحر عن حلمه
قالي الشمس متشرقش تاني
خليها نايمة في حضني

صوت البحر في الصدف
هو نفسه صوت الحب

قالتلي العرافة
هتحب تاني
بس
من ساعتها اعتزلت قراية الكف

شمس وقمر 9

الحرمان من الموجود
أصعب بكتير
من الحرمان من المفقود

الضلمة مخلوقة مش عشان تتخلص من النور
ولكن
عشان تكتشف وجوده

أغرب شئ في الدنيا الخيال
وأغرب شئ في الحب الواقعية

أول مرة شوفتها
أخر مرة شوفتها
مش فاكر دي ولا دي
لان حبي ليها مالوش اول ولا اخر

لغة العصفور الزقزقة
ولغة الانسان الحب

صدقيني انا عايش وسط الحرير
بس رجعت تاني لنفس الشرنقة
وهو ده نعيم العذاب

عمري ما قلتلك انتي في قلبي
لان قلبي اللي فيكي

يمكن وريدي بيندبح
بس رافض موته
القتل اللذيذ

يوم ما اتولدتي
انا ما كنتش موجود
ندمان ان حد شافك قبلي
وشكلك كده بتتولدي تاني

ايه السهم ده
قلبي قاللي كيوبيد الغبي
قوله القصة خلصت
قوله القصة خلصت
بقالنا كتير بنقول لبعض كده

طلعت فوق جبل اشوف مستقبلي
لقيتني واقف فوقه

شمس وقمر 8

كانت بتبكي
قالي صاحبي
شوف بتبكي ليه
قولتله
سيب الأرض تتطهر بدموعها

كل حياتي قاعد علي كرسي إعتراف
انتي الوحيدة
اللي شيلتي الفيشة
وقولتيلي مصدقاك

أنا مش هأضيع
لأنك أكيد
هتلاقيني

إنتي مش فتاة احلامي
إنتي حلم بنت جوايا
بتحلم بلون عنيكي ورموشك وكل حاجة فيكي

انا حبيتك من أول نظرة
دلوقتي عرفت ليه كنتي باصة بعيد

الورقة بتعيط
بتقولي
كل الناس شايفة اللي بتكتبه
الحبر السري مات
الحبر السري مات

كنت مخلوق وبقيت بشري وبعدين انسان وبعدين كامل وبعدين ملاك
وبعدين حبيتك

لو شفتي نفسك بعيوني
هتبقي اكبر مغرورة علي الأرض

ساعات بقول انا في كابوس
بفتكرك
بقول انا في حلم
بفتكر فراقنا
بقول انا
في الدنيا

رقيقة اوي الاغنية دي
قالتلي وهي بصالي
قولتلها فعلا ولونها يجنن
بتكلم علي عنيها

الإعتراف ليس سيد الأدلة
لأن مافيش دليل علي الإعتراف

شمس وقمر 7

حبك ليا كان شئ سهل
حبي ليكي كان شئ أسهل
قصة حبنا كانت السهل الممتنع

سبت قلبي فوق جبال الألب
بعد شهر سألته مش حاسس بوحدة؟
بصلي وهو متجمد وقاللي
انت حاسس بايه؟

الدنيا كلها ملكي
انما قلبي
ملك للدنيا


الظروف والزمن
أغنيتين
بكرههم
لكن بسمعهم وانا تحت الأرض

كل سنة وانت طيب
قالتلي مرة
ساعتها بجد
عرفت انا عايش ليه

كل يوم بسافر لجزيرة
عشان اتنفس
الدينوجين

انا عايش تحت وفوق الأرض
فوق الأرض بقابل ناس
وتحت الأرض بقابل مقابر قلوب

كل يوم في الأخبار
مصرع خمسين
مصرع ستين
وانا كل يوم اقولهم
زود واحد
زود واحد

مابين الحياة والموت
حب
ولا
ما بين الحب ونهايته
حياة وموت؟

شمس وقمر6

كلمات متقاطعة
خيانة
كتبتك أفقي ورأسي
وبعدين كتبت إسمي

كنت بقول تجديد الأمل زي تجديد الدم
وإنتي قولتيها
تجديد الألم أجمل من تجديد الدم

حوار بيني وبين ورقتي وبين دموعي
حوار الخرسان

أهم ثلاثة اسئلة في حياتي
أصبر وأنساها
ولا أنساها وأصبر
ولا
التالت صعب

كل ما أرش البرفان أفتكر إني رايحلها
يرد علي البرفان
غيرت النوع

السكة مش بعيدة
بيقولها القريبين بس

الجمال مش كل حاجة
بس كان كل حاجة في جمالها

خمسين مرة قالتلي
علي فكرة أنا مش ملاك
وعشان كده
هتفضل ملاك

يمكن يكون كلامي مش احاديث
بس حبي ليكي مش اسرائيليات

لعبت كل العاب الذكاء
معرفتش احل ولا لعبة
كل ده جوه عينيكي

الفرق بينك وبين اللغز
ان اللغز مهما كانت صعوبته ليه حل
محتاج وقت للتفكير
وانتي محتاجة وقت للبحث عن الفكرة

طفي النور ..غارة
طفي النور
عيوني اما تشوف عيونها

الحب بيشرب من دمي
وهي بتشرب من دم الحب
مش مهم
المهم وصلها دمي

قدروا يوصلوا لأدوية ضد الكون كله
ومافيش دوا واحد ضد الحب
كنت هاكون اول مشتري

عارفة ليه هأكمل حياتي
عشان انتي جزء منها

خط البارود

كلما سرت سقطت من جيبي خيوط بارود ..ليفجرني أحدكم كي أستريح
ظلي يتبعني وقرص الشمس متأمر معه
يحاول أن يقتنص الفرصة كي يشعل هذا الخيط
ولكن لن أسمح أن تأتي خيانتي العظمي من ظلي
فليفعلها أحد غيره
قلت لأحدهم إفعلها أنت
فرد علي "أن العالم مل من شعور الفقد"
فقلت لأخر إفعلها أنت
قال "جربت شعور القتل فلن أعيده"
حتي رأيت إمرأة عينيها فرضيتان في نظرية الجمال
فنظرت لخط البارود وقالت
أين الكبريت
ومازالت إلي اليوم حائرا
لماذا لم أنفجر
هل لأني أسير طويلا فيطول خيط البارود
قررت الشلل التام ولم يجدي
فعرفت أخيرا أن خيط البارود هو عمري
وعود الكبريت هو الزمن
ويديها
قدرية وليست مقدرة
ولي الله
ولها
نفسها

نصائح جبرانية جدا

كتاب النبي لجبران من أروع كتب الحكمة اللي موجودة في العالم مش عارف ليه فجأة حسيت إني عايز ألوثه
أغير فيه اي حاجة حلوة
عايز أبدل صورته البريئة دي جوايا
يمكن أكون إتغيرت
ويمكن حسيت إنها إتغيرت للأسوأ
وعايز ألون الكون باللون الأسوأ

فتحت الكتاب وبدأت أتقمص دور الشيطان :

لا تحدثوا أبنائكم عن الشياطين ..فسيروهم وحدهم حين يكبرون..ولا تحدثوهم عن المتعة بل حدثوهم عن العذاب
ولا تحدثوهم عن الحب فلا داعي للحديث عن شئ منتهي الصلاحية
أنا أكره إذن أنا موجود
ولا تحدثوهم عن المرأة فهي إن وعدت ودعت وإن هنت أنهت وإن أخلصت غدرت
إذا المحبة أومت إليكم فأجتنبوها..وإن كانت مسالكها سهلة متيسرة
المحبة هي لعبة القدر يزاولها علي قلوب البشر
المحبة هي الفلسفة الأسمي للوجع الكلي
المحبة هي ديكتاتور القلوب
المحبة هي اللغة الأم للقهر
المحبة هي القتل الرحيم بغير رحمة
لا تحدثوا أبنائكم عن الرحمة بل حدثوهم عن البطشة عن سلطان الجبروت وقسوته وعطفه
الله لا يقسو علي البشر ولكنهم يستجدون قساوة هذا العالم في بعض منهم
وأخيرا أقول
لو نادي العالم علي بعضه بالصفات لا بالأسماء
لصمت أذانك من الألفاظ الصعبة
سلام الله يا جبران
وسلام الأرض علي جسدك الطاهر
ولكن
كنت أطهر مما يجب..

دعاء سأدعيه قريبا

بجوار الكعبة سأدعو الله وأبكي ليس كما فعل قيس حينما دعا اللهم زدني بها كلفا وولعا ولكن لي دعائي الخاص
دعاء لعاشق يريد بان يرحمه الله وان يرحمه الناس ايهما اقرب
والله اقرب
ربي دعوتك بابك ان تغمرني برحمتك وان تغلفني سكينتك وان اكون في حمايتك
ربي ليس لي ذنب في الهوي ولكنه كل ذنبي
ربي اني احببتك كحب عبادك واحببتها فوق حب عبادك فقربني اليك وخذني لنورك كي اشفي
ربي اعطيتني ولم اعطك شيئا وهي لم تعطني واعطيتها كل شئ انت الرحيم فارحمني
ربي ادعوك في بيتك ان تبعد عني افكار الهزيمة والانكساروافكار الاحتضار والانتحار
ربي اشفني من هواها كي اعود لدنيتك من غير دنيا واعود لاخرتك من غير موت
ربي احكم بيني وبين قلبي وارفق بي وبه واجعله كعبة لهواك وغير كسوته وبدل دمائه واشفه من داءه
ربي اني انست نارا غير نار الدنيا فصارت هي الدنيا
فابعد عني حب دنيتي بدنياك واغنني عن هواها بهوي وهواك
ربي اجعل لي في دنياك قلب جديد حكمته جديدة وبصيرته سديدة
رب ارحمني من هواها اسالك رضاك عني وعن قلبي
رب اعطيتني في حياتي كل ما تمنيت وابعدت عني امنيتي الوحيدة ولكن هي حكمتك وسترحمني برحمتك
ربي عجلت لي العذاب في دنيتي فرضيت اصعب العذاب عذاب القلب ولكني عبدك واطعتك فارحمني

شمس وقمر 5

انا لما أكبر هابقي ظابط
أنا لما أكبر هابقي دكتور
وانت ؟
شاورلي وقاللي وسط زمايلي
قولت
انا لما اكبر هاحب بجد

في ناس بتجمل الحقيقة
وناس بتزيف الحقيقة
وناس بتجمل زيف الحقيقة
انتي عارفة انتي مين فيهم

عمرك ما هتعيشي حياة سعيدة
مش عشان انا اللي بفرق السعادة
لكن انا اللي بعرف أخطفها وانا ماشي

فراقنا ما كانش قدر
بس الظاهر ان انتي شوفتي قدرنا هو الفراق

مش هنعيش في سلام
ومش لازم ندخل حرب
اجمل حاجة في حبنا انه دخل مرحلة الهدنة

انا لما احب تاني
ممكن احب قوي بس مش بجد
انما انتي
هتدخلي في دوامة المقارنة
وانتي الخسرانة
محدش هيحبك زي

قالوا السياسة فن الممكن
لكن حبك
فن المستحيل

انا بحمد ربنا علي كل لحظة عيشتها معاكي
بس الملايكة مستغربين

بتحبني مش بتحبني
بتحبني مش بتحبني
قطعت ألف وردة قبل ما اقولك
ودلوقتي بلمهم تاني
سيبهم لحبيبك الجاي

انا اللي اخترعتك
والاختراع انتشر وهرب مني
ودلوقتي كاتب علي باب اوضتي
"المخترع مشغول"

في يوم من الايام
هتمسكي صفحة الوفيات وهتقري اسمي
ساعتها متدمعيش
بس متجوزيش بناتك الا للي بيحبوهم
نصيحة

قلب دهب
زي قلب حجر
الاتنين جامدين بجد

السيرة الذاتية للالم
حطتني في الفهرس
وبعد ما افترقنا
بقيت علي الغلاف

انا أسف
مش متأسف
والفرق كبير

حلاقة تفوت ولا حد يموت

حلاقة الدقن فعلا هي جحيم الرجل
زي ما الستات ليها مشاكلها وبتتعب في الحمل
فالراجل بيتعب في حلاقة الدقن والشنب
تقعد تحلق حتة حتة وبعدين تعور نفسك وتبقي متضايق وقرفان وياسلام بقي لو بشرتك حساسة تبقي كملت
او تنسي تحلق حتة وتسيب حتة ويبقي منظرك أهبل وسط الناس
واحد يقولي طيب ما تحلق عند حلاق
لاااااااااااااااااااا
الحلاقين بعتبرهم من اكلي جلود البشر
الحلاق بيتعامل مع جلدي كانه خيشة ممكن تحك فيها مبتتاثرش باي حاجة
يعورك ويقولك معلش
جت سليمة كلمة تضايق المفروض انا اللي اقول جت سليمة ولا لا
وبعدين جت سليمة يعقبها دم مش لايقة
وعندهم كافة وسائل التعذيب والقتل الرحيم من فتلة قاتلة للجلد
لبخاخ المياه اللي بيعقبه فاصل من الغباء الهستيري من هز فروة الراس لحدميجهز عليك
ثم السلاح الاخطر
الرغي
يخرج من ماتش علي سياسة علي فن وكالةانباء
ولو جاب بقي اخبار مدينتك تعرف قد ايه البلد دي فيها حقارة هههههه
يسب في دي ويلعن في دي وده كذاب وده حرامي وده بتاع تلات ورقات
صالون الحلاق للامانة ملطشة لشعوري
ببقي مش فاهم ايه اللي بيحصل او ايه اللي بيتقال بالظبط يا عم اثبت علي موضوع مش لاحقك
الحلاق موسه الحقيقي في لسانه
وبعدين ياخد العكمة التمام ولازمتدفع البقشيش اللي مالوش لازمة لواحد كلاللي عمله انه حط علي كتفك فوطة
او نفخ الشعر اللي علي حواجبك
وتخرج مظبط شعرك عشان تتفاجئ بكم العيوب اللي كان مداريها بالكريم والجل في البيت بعد متغسل شعرك
تشوف البدع في شعرك
خرائط افريقيا واوروبا في راسك
وتدنك مستني اليوم اللي يكبر شعرك فيه تاني وتقول معتش هاحلق هنا تاني وترجعله تاني عشان قريب مضطر


لو كل زوجةتتعلم تحلق لجوزها يكون اريح
رغم انها بتحلقله كتير بكافة الاساليب
بس اكيدهتريحه وتبعده عن عنف الحلاقين ورغيهم اللي بياثر علي علاقته بمراته لانه بيرجع مهدود مش قادر من كتر الرغي
ويهب في مراته من اول كلمة
ربنا يحمينا من الحلاقين

فعـــــل نفســـــــي

أصعب ما في الحياة أن لا تستطيع أن تمارس فعل نفسك
أن تكون شخصا أخر ولكن لا يقدم النصيحة
دائما ما يهز سيجاره الكوبي ويستمتع بالسخرية علي أفعالك
والغريب أنه وأنت واحد
ولكنه يتلذذ بعذابك
هو ليس فعل إنفصامي
ولكن
هو عدم القدرة علي ممارسة دورك
أنا أراني
أنا أضحك علي نفسي
أنا أحيانا
أحب وقوعها في الخطيئة
برغم كونهانفسي
ولكن لأطمئن نفسي
أحياناتهزم شياطيني ملائكتي
وأحيانالا تدوم المعركة
ولكن أصعب ما في حياتي
فترة الهدنة بين ملائكتي وشياطيني
هي فترة ظل في صحراء وإن تاه الظل
يعاود قرص الشمس أفعاله الصبيانية
ويبتسم لي ألف قاتل مأجور في الصحراء ومعهم بعض ينابيع الماء
ولا أبتسم
ولكن يبتسم الشرير بداخلي ليستمتع بعذابي
وفرويد يضج بنظرياته الجنسية في سراب دائم في وسط الصحراء
ولا ينفعني
أحاول أن أيقظه
أنقذني
أنقذني
أجعلني أمارس نفسي بدلا من أنا الشريرة
ولا يستيقظ
فعرفت أخيرا أن الحل
رمال متحركة تقتل أحد الشخصيات
ولكن ياللمأساة
تغرق شخصية وتنقذها الأخري
ويعاود شريري النصر علي طيبتي
ويموت فرويد
وأكتشف أن الصحراء في كل مكان
والموت شجرة ظل
مأساة

شمس وقمر 4

سفينة نوح متقضيناش
عايز هو اتنين اتنين
واحنا شخصيات كتيرة جوة بعض

وقفت في البلكونة
لقيت طائر الرخ
وكان واقف جنبي الخل الوفي
بس اما شوفتك
مصدقتش

كل شئ قسمة ونصيب
وأنا بقولك
كل شئ قسمة وحبيب

بركان وضلل علي كياني
ازاي اعيش في ضله وهو نار
لافا الحب

عيونك هتشوف واحد غيري
وعيوني هتشوف واحدة غيرك
الأولانية مجرد بصر
بس التانية
صدقيني
بصيرة

مش مهم تحبيني
بس المهم
انه مهم احبك

انا وزني
بالكيلوحب
وطولي بالسنتي حب
بس عمري
بالسنة الضوئية
اللي في عيونك

لو سافرت العالم
الأرض تحتي ثابتة
لأن الأرض بتدور
عشان تدور عليكي

محدش يقول اني بحبها
لأن دي
كلمة سهلة اوي لوصف الموقف

أخر ورقة مسكتها
كهربتني
من ساعتها
وأنا بكتب فوق الكمبيوتر
بالقلم!

الدنيا دي فستان
متفصل عشانك
لو معجبكيش
مستعد أعيدلك كل احداثها

مش عارف امتي هبطل شمس وقمر
بس يمكن
اما تجمعنا الظروف
زي الشمس والقمر

في كتاب في حياتي اسمه المستحيل
كل اما ابصلك
يكون
تحت النشر

ممكن أموت في أي لحظة
كلمة كويسة
بس أنا
يمكن اعيش في أي لحظة

في ورد ذكي وورد غبي
الفرق بينهم
اللي عارف قيمته جنبك

السما بقالها فترة نفس المنظر
متبصيلها شوية

شمسية وسحابة ومطر
أنا والزمن وحبك

بكلم عينيكي
وانتي مش سمعانا
تخاطر عن بعد

بحب أوي الأطفال
كلهم شقاوة ورقة
بالذات اللي بين رموشك

شمس وقمر 3

انا برئ والله العظيم برئ
كل يوم بقول لقلبي كده
يقولي
كلمتها ليه
بيحاكمني!

نص الليل ونص النهار
لو جمعنا اليوم
يكون نص الليل والنهار
يبقي واحد فيهم بس
يا تري مين؟

ثواني واكون معاك
انتي بس اللي فاهمة انها ثواني
اسالي السماعة

كنت فاكر روميو مجنون
وقيس بيبالغ
دلوقتي تميت حب وعشرين سنة
وفهمت اما كبرت

واحد صاحبي قاللي
ياه انت بتحبها قوي كده
من ساعتها لسه بفكر ارد عليه
بقاله تمن سنين

مرة بعتتلي رسالة ع المحمول
فاضية
بس عارفين
انا قريتها

نجتمع في مكان ولا مكان يجمعنا
اكون او لا اكون

سالتني
احكيلي عن يومك انبارح
قولتلها
مافيش جديد
مجرد بحبك

قاللي يا خي السنة مليانة اعياد
كل دي اجازات
قولتله
هو احنا في سنة جديدة
؟

انتي مش دوا لقلبي
بس شئ للتعاطي
عشان انسي ان انتي دوا قلبي

كل كام مليون سنة
بييجي الشهاب ده
قولت والله
يعني في امل

الفراق مش صعب
عارفين ليه
لانه مش هيحصل
ولو حصل

نفسي حد يقولها غيري
اني بحبها
بس خايف
يحبها

دنيتي محصورة في زنزانة
بابها من خمرة
وترابها من حشيش
انا في غرفة الاعدام
رغبتي الاخيرة
ان انتي تحضري اعدامي

الة الزمن
اختراع غبي
لاني هارجع
وقلبي زي ماهو
هاتألم اكتر

هاكله بالشوكة والسكينة
خلاص هاكله بالشوكة والسكينة
ده كيوبيد بيتعلم الاتيكيت في قلبي

العب
لا العب انت
انت اللي عليك الدور
سيبني افكر
انا والزمن بنلعب شطرنج
مع ان الدور خلصان والملك ميت

القلب ده ملفوف بكام حاجة؟
جلد ودم وميت حاجة
بس اولهم جلدك انتي

الفراغ قاتلني
حتي لو اشتغلت مية ساعة في اليوم
لان وظيفتي الرئيسية
عاشقك

سيبني انت واهرب
انا في خطر بجد
ده حوار بيني وبين قلبي وهي داخلة علينا

الساعة كام
سؤال غبي
المفروض نقول
هي جاية ولا لأ
عمري بيستفزني

انتي اتكتبتي عليا
زي انفاسي
يبقي ليه تسيبيني وسط احساسي
سؤال غبي
مش كل اللي انكتب علينا بيفضل معانا
ساعات يسيبنا عشان يبقي اسمه
قدر

شمس وقمر 2

هدية لفتها
بقالي 8 سنين بلف فيها وبزوقها
وتخيلوا
اهلي مش عاجبهم اللفة
واللي بقدملها الهدية
قالت
عندي شغل..شكرا

سندريلا مش معذورة انهم عاملوها وحش
بيحقدوا علي جمالها
ساعات بحس بكده
انا بحقد علي جمال حبيبتي
احساس غريب

ماشيين مع بعض
بصينا تحت رجلينا لقينا بركة حمرا
مش غريبة
انا وهي ماشيين فوق قلبي
غيبوبة

قالولي
قلنا تلات كلمات
تعبر عن شخصيتك
قلتلهم
بحبك بحبك بحبك

الطريق مفرقين
لو تفهمي يا دينا
الطريق مفرقين
انا ممكن اغير اتجاهي
بس
مين يغير الطريق

الاخرة متقسمة نار وجنة
طيب والدنيا متقسمة ايه
فكرت كتير
لقيتها متقسمة
عينيكي
وحاجات تانية

السر الإلهي طلع
دي يقصدوا بيها روحي
لكن صدقيني
ميقصدوش سرك انتي
مع ان انتي سري الالهي

بكرة جاي اهو
كلمتي المفضلة
عشان اهرب من النهاردة
اللي عايش فيه انا وانا

راجل عجوز قاللي عايز ايه يا ابني
وانا سرحان في جمال بنته
وقالها تاني
عايز ايه يا ابني
وانا سرحان
الراجل ده الزمن
والبنت دي انتوا عارفينها

اول ما اتجوز
في ليلة الدخلة
مش هابص في عيونها
عشان عيوني بجد مش معايا
مع واحدة بس
مش راضية تدهالي

نداهة الحب
مرة منديتش عليا
اتجننت قلبت الاوضة
شخبطت ع الجدران
لقيتها بتخبط علي كتفي

ماما سالت مين اخر واحد عمل الشاي
عشان حد تاني يعمله
قولت بصوت عالي دينا
وشي احمر
ودخلت الاوضة
هاشرب من ايدها عسل الاحلام

السنة اللي فاتت
لأ اللي قبلها
لأ اللي قبلها
لأ اللي قبلها
لأ اللي قبلها
تكرار كلمة لأ
نساني السنة

عمري هي بتكتبه
كل يوم
بس بتنساه وهي لسه كتباه
وانا بعرفه من غير ما اشوفه

من تمن سنين
قالتلي
خد بالك
أنا مش زيك أنا رومانطيقية
الكلمة لسه مدبلتش
زي عمري

العربية بتطرطش مية
هتيجي عليها
زقتها بسرعة
واتغرقت انا
نفسي ارجع للجامعة

في ناس مستخبيةورا السحاب
شايفهم اما السحاب بيتحرك
مش عارف هم مين
بس بينشنوا علي قلبي
بنبلة
عليها حرف دال

الوردة دي معجزة
عايشة عريانة في عز البرد والحر
مبيجلهاش برد؟
مبتتعبش؟
طلعت مش معجزة ولا حاجة
لو شافت قلبي هتقول
مستحيل

ساعات مش عارف
انا عايش فعلا
ولا عايش في دماغ واحد
بيفكر بغباء؟

سموه قفص صدري
عشان بيحبسوا فيه القلب
؟
ولا عشان انفاسنا محسوبة علينا؟

الشمس والقمر كل يوم بيلعبوا لعبة
مين فيهم
هينام النهاردة علي جبينك
بيعملوا ملك وكتابة
الملك هو اللي بينام
والكتابة
لمذكرات التاني الحزينة انه خسر

شفت حظي اليوم
معجبنيش
بجد معجبنيش
حرقت الجرنان وكلمتك
قدرت اغيره

كنتي واقفة ورا البيانو
يوم مش هانساه
هحكي عنه العمر كله
مع اني مشوفتكيش
بس سمعتك في البيانو

قلبي بيحاول كل يوم
يصبغ شعري ابيض
اقوله انا لسه شباب
يبصلي ويضحك

الحب كلمة واحدة
انا بحب دول كلمتين
لو سبتيني هابقي الحب
لو كنتي معايا هابقي انا بحب
في الحالتين انا مش خسران
لو كنت كلمة او كلمتين

عود الكبريت
محتاج حد يولعه
مبيولعش لوحده
لأنه ميعرفش الحب

علي شفايفك بيغني منير
وفي عيونك بتغني ماجدة الرومي
انا حاضر الحفلة
وبعيط وبصقف بحرارة
وانتي مش شايفاني
وبتحي جمهور مش موجود

طلعت مية سلمة
عشان استلم ورقة
بتقول
اللي انت عايزه
تحت مية سلمة

ساعات بدندن مع اغنية
افكر فيكي
ادندنك
من غير كلام

في علم الغيب
ان احنا نكون لبعض
وفي علم الدنيا
اني هاخليكي سعيدة

فدان الهدوء اللي انا عايش فيه
مستني اعصار
مع انه جوة في قلبي
فدان زوابع

ركبت مية طيارة
وكل مرة اقع في نفس المكان
مبعرفش اهرب
قالولي ده مثلث برمودا
عيونك

وانا صغير جابولي عجلة
اما كبرت جابولي عربية
بس اما اكبر
هاجيب لنفسي كفن
ده حلم مبيتحركش
زي العجلة والعربية

مرة قلمي كتب لوحده
بس مستغربتش
مع انه بيكتب ع الهوا
بس مقلش حاجة غريبة
بيقول بحبك

الحب مالوش طعم
لانه هو اللي بيدوقنا
مش احنا اللي بندوقه

نفسي اتم اربعين
واسال عنها وعني
بقينا ازاي
طبعا انا زي ما انا
وهي هتبقي في سني
رغم انها اكبر مني

حروف اسمها مولد
كل سنة بزوره
بس بتعب م الغوازي والبندقية
بس كملت حياتي
بفاتح للشهية

انا لسه مولود انبارح
كلمة بقالي ستة وعشرين سنة بقولها

باي باي دينا
كلمة نفسهم يسمعوها
بس هم لو سمعوها
انا مش هالحق اسمعها
في اختراع اسمه
الانتحار

شمس وقمر

في العيد الصبح بدري وبقرة بتتدبح وبنت اختي معايا بتسألني سؤال غريب هم بيعملوا فيها كده ليه؟
وكانت خايفة
بس انا ماكنتش خايف
نفسي ارجع طفل

وانا صغير كانت فراشة واقفة علي قميصي وفجأة طارت كنت خايف جدابس مشيت ناحية قرص الشمس
قولتلهم هي روحت ضحكوا عليا وقالولي اه
بس رجعت تاني بعد السنين دي كلها
بس وقفت علي قلبي

صاحي وايدي بتترعش مش عارف اوقفها
عرفت ان دي مش رعشة ده ايدي بتسال ايه اللي هيحصل تاني النهاردة

كان في بنت واحدة في حياتي مفعولها في السهر اكبر من الشاي والقهوة
دلوقتي بتغلب عليها بكباية برتقال
انا بكذب علي فكرة انا لسه صاحي

بقرا حظي اليوم
بس بقرا حظها قبلي
وفجأةابص الاقي اخبار وفيات
يا تري دول قروا حظهم؟

الشمس كل يوم بتغرب والناس تستمتع
بس بالنسبةليها حالةروتين يومي
والقمر المستفيد الوحيد

بيقولوا الراجل ده قلبه ميت
مش عارف ميت ولا ميت ولا ميت؟
ليها تلات معاني
بس معني واحد فيهم
انه مات عشان يكتبله حياة جديدة
جايز اماحب

لو كانت الدنيا كلها يوم واحد
والله
كنت لحقت عملت حاجات اكتر

الحقنة لسه معلمة في دراعي
من وانا طفل صغير
اما شفت دينا اول مرة
عرفت ان الحقن دي مش تطعيم ضد الحب

الدنيا برد بجد
في عز الضهر
اقفل عينيك جامد وهات الليل
بدري
واهي تبقي منطقية
قلبي اللي قال كده

الشمس اللي بتدفيكم
ليه مبتفكروش فيها ابدا
مش جايز تكون حرانة
ربنا يسامحكم

كان في شحاتين ايام الجامعة
كل يوم اديله فلوس ويدعيلي
كل يوم يقولي ربنا يخليك لأهلك
الا يوم ما شوفت عيون دينا
قاللي ربنا ينجيك يا ابني
كان راجل حكيم

اقفل التليفزيون عشان في عند الجيران ميتم
عقلي قال كده لعيوني
لان في قلبي ميتم

كنت هاسكنها في بيت شعر
بس هي عايزة تاخد شقة في العالم الحقيقي
اول ماخدت الشقة
وقع بيت الشعر
صدفة

الدكتور عملي رسم قلب
الغريب انه مورنيش رسم بياني
ده بصلي وقالي
مين دي؟
وش دينا علي الورق

يارب نجيني مش عايز اتجوزمن ورا الباترينة
مش عايز ادخل صالون واقول كلام مش حاسه لواحدة معرفهاش
عقلي قاللي طيب واللي مقعدتش معاها في صالون عملت ايه
بيفكر بس مش صح

كل مااحب اكتر
اقول بثقة دلوقتي ممكن اموت
هو الحب صلاة؟

عيني مخلوقة عشان تبص في الساعات
مع اني مش مستعجل
بس مستني حاجة مش هاتيجي

يومين وهانساها
ممكن
بس لو انا عمري يوم

كان نفسي اعزف علي صوابعك
بس في مشكلة
مش بس انتي مشيتي
ده انا نسيت اللحن

في الزحمة الناس أشكال

أجمل حاجات تشوفهافي الزحمة خاصةعند كوبري قليوب تسمع مناقشات في العربيات جنبك وتشوف حاجات غريبة وأغرب الناس فعلا هم اللي بينزلوا من العربية ويعدوا يبصوا قدام قال يعني حلوها
وواحد ينزل ينضف العربية وواحد دماغ نسي الموضوع ونام
وفي نوعية الناس اللي غاوية تكلم حد متعرفهوش من الشباك
يبصلك من الشباك ويقعد يبرطم علي البلد وحال البلد يا عم مش ناقصاك والنبي
واحد كان في عربية ومعاه 3 وكان كل الحوار انه بيقوله انا بجيب الطعمية بس من غير سلطة لاني بحافظ علي صحتي
والتاني يقوله يا عم سلطة مين بس بص ع الزيت وحياة ابوك
يقوله وماله بس ع الاقل بحافظ في حاجة واسيب التانية
يقوله يا عم تحافظ علي ايه بص ع الزيت بس وانت تفهم ان ما فيش محافظةولاحاجة
ودار الحوار ده نص ساعة في الزحمة واخر كلمة سمعتهاوانا ماشي برضه من الشباك بس بص ع الزيت
واحيانا في المدن التانية الزحمة بتقلب بشحاتين بيخبطوا ع الازاز او بياعين الجزر
اموت واعرف ليه بيبيعوا جزر ع الطريق هو احنا ارانب؟
ايه المتعة اني اكل جزر وانا بسوق؟
وتلاقي الناس اللي عايزة تعدي واقفة في الزحمةواول منيجي نتحرك حبكت بقي يعدوا
ويقعدوا يخبطوا في مرايات الخلق وطبعا اللي سايق العربية هو اللي مفتري
وبعد كده تحلي بسرينة نقل في ودانك تكيفك
تروح البيت هايم وعاشق للدنيا
تخش البيت تلاقي زحمة برضه كمية قنوات مش عارف تتفرج علي ولا واحدة بتقلب وخلاص مش عارف قبل اختراع الريموت كنا بنعمل ايه
كنا رياضيين فعلا بنقوم عشان نقلب القناة ياله من مجهود
تقفل التليفزيون يجيلك ضيوف وتلاقي زحمة فجأة
يمشوا الضيوف تجيلك احيانا زحمةافكار
وممكن متخرجش منها بحاجة بس بتستغرب منها وساعات بعضها بياذيك وساعات بتفيدك وساعات بتغير مصيرك خالص بفكرة واحدة بس
تيجي تنام تحلم بلخبطة مش عارف مين طاير ومين رايح المطار وافلام هندي مش فاهم منها حاجة
وتصحي علي استعجال عشان الشغل وترجع للزحمة


جايز عقلك يعمل زحمة
جايز قلبك يبقي في زحمة
جوة وبرة البيت..الرحمة
وساعات تبقي لوحدك خالص
برضه وبتعاني من الزحمة
وساعات تبقي بتحلم نايم
برضه وبتعاني من الزحمة
نفسي اسكن في الدنيا لوحدي
وهي وبس دي ساكنة قصادي
وعينيها تخبط في عينيا
وتخبط في مشاعري الزحمة

عش العصفور

زمان كانوا بيقولوا لبعض كلام غريب جدا زي مثلا "انا اكلها معاك بدقة يا حبيبي"أو احنا ممكن نعيش في عش العصفور"ويا سلام بقي اما عيلة العروسة تقول احنا بنشتري راجل

جمل مؤثرة جدا لكن جمل العصر الحالي الواقعية جدابتقول عكس كده
يعني مثلا "انا اكلها معاك بدقة"ارد عليها "وانتي عارفة الدقة بكام دلوقتي؟"..
وعش العصفور ايه بكرشك ده
وانتوا مش بتشتروا راجل ولا حاجة انا اللي باشتري بنتكم ههههههههههه
وبعدين عش العصفور في زمن التيك اواي بقي 5 غرف وصالة ولكن انا عندي اقتراح لكل الاهالي وياريت يوافقني عليه:
أولا:موسم سنوي للتخفيضات علي اسعار المهر والشبكة يسبقه اعلان في الجرائد المحلية والعربية وكل سنة كده
ثانيا:تعليق الشعارات الساخنة في الشوارع للتحفيز علي الجواز بأسعار مناسبة زي مثلا "خد فكرة واشتري بكرة" او "اسعارنا لا تقبل المنافسة"وكده
ثالثا:التحفيز علي الاختيار الدقيق وتعليق شعار "البضاعة المباعة لا ترد ولاتستبدل"علي كل بيت
او"خدتها في السكلانس مترجعهاش يا اكسلانس"ويكون بالبنط العريض

وياريت بقي البنات اللي ملهاش فيها تحاول تحسن نفسها وتنافس ده احنا في عصر الحجاب المثير جنسيا والحجاب الاسبانيش والحجاب الكت فاهل العروسة المبهدلة يكتبوا ع الشقة مغلق للتحسينات

والغريبة ان البنات بتغلي تمنها بكتر العرسان الي بيتكلموا عليها يعني بناتنا خاضعين للمبدأ الشهير العرض والطلب زي البورصة
وكل ما تزيد القدرات الجسدية بتزيد انوثة بتزيد سعر طبعا مع ان زي ما قال عمنا انيس منصور من لها جغرافيا فمؤكد لها تاريخ
يا عيني علي حكم الراجل ده استاذ والله
والقايمة بتاعة الطلبات بتزيد كل يوم زي اسعار الدهب بالظبط
والقايمة الحديثة ممكن تضم غير الاجهزة الالكترونية وكده ممكن بلاي ستيشن ثري او اشتراك تي ايه داتا 3 سنين مثلا وكل ما العصر بيتطور القايمة بتتطور وبقي في ناس بتشرحها دلوقتي ببروجكتور ع الحيطة لاهل العريس عشان التوضيح
ولو مش فاهم اعيد تاني حضرتك
وهذا مثال لاسرة بسيطة مصاريفها بسيطة في القاهرة مثلا وشوف الرقم النهائي الاسرة مكونة من ام واب وتلات ولاد صغيرين

كهربا وميا وتليفونات 200 جنيه
اكل وكده 600 جنيه
طقم هدوم لكل فرد قول 600 جنيه وده مستحيل طبعا لان الهدوم غالية والاكل غالي
فسح واللذي منه 400 جنيه
ايجار شقة متوسطة 500 جنيه
علاج وصيدليات وبامبرز وكده 200 جنيه
كروت منزلية وتليفونات ومحمول 200 جنيه
بنزين سيارة وصيانة وكده 200 جنيه
مدارس الاولاد ودروس خصوصية 200 جنيه وده مستحيل
مصروف الاولاد 300 جنيه
مصاريف احتياطية 250 جنيه

يعني اقل حاجة عشان تعيش يا دوب يعني 3000 جنيه بدون تحويش طبعا

اما مصاريف اسرة تانية خالص في زمن موازي تاني في نفس البلد:

بنزين عربية 500 جنيه
موبايلات وفواتير 1000 جنيه
كافي شوبات 700 جنيه
مطاعم 2000 جنيه
مصاريف انترنت 400 جنيه
فواتير كهربا وتليفونات 1000 جنيه
مصاريف صيانة للتكييفات وحمام السباحة والجنينة 1000 جنيه
ملابس وساعات 5000 جنيه
صيدليات وادوات تجميل 3000 جنيه
مدارس الاولاد ولاد اللذين 3000 جنيه
اكاديمية الواد الكبير 6000 جنيه
اكل داخل البيت 2000 جنيه
مصاريف خدامة ومربية وجنايني 2000 جنيه
سينمات وفسح 2000 جنيه
صيانة البي ام دبليو 1000 جنيه
صيانة الجيب شيروكي 1000 جنيه
مصاريف ترفيهية خاصة واحتياطي 3000 جنيه
مشوارين لمارينا وبورتو سخنة 2000 جنيه

يبقي زي ما انت شايف بلاش نتكلم عن الفاتورتين
واحد هيقول طيب فين الناس الغلابة هاقول ربنا معاهم طبعا لان الحياة بقت صعبة جدا والمصاريف مبترحمش

ونختم ونقول

بنتي دي جامدة وسعرها غالي
تدفع كام وتقول دي حلالي؟
يا عمي انا شاري بس نخفض
في الاسعار الغالية نظبط
تدفع ييجي مية الف جنيه
وخلي قزاز الشقة فاميه
نقرا الفاتحة نقول اوكيه؟
اشرب بنتك ووراها بيرة
ليه انا هتجوز شاكيرا؟
اطلع برة البيت يا حدوقة
شوفلك واحدة تاكلها بدقة
وتقولك عش العصفور
مع الف سلامة يا امور
يا اخوالنا الحب ماهوش بيعة
يرخص شهر ويغلي في شهر
ادي بلوزتي والتلفيعة
مش دافع شبكة ولامهر
زود يلا مصاريف حب
وخمسة صيانة عقل وقلب
هتلاقي بيعتك دي خسرانة
علييك وعلي بنتك جربانة
وكل بنات العرب سواء
هتجوز من خيم الأيواء