Sunday, May 30, 2010

الحـب قـاتل مـأجـور






الحب يعشق نفسه..
يحاول ان يضع السم في كأس نشربه ..
ليقول انا امزح ..فالسم لذيذ..!
ويطعن فينا القلب ويهرب..
تتبعه بدمائك..فيقول القتل رحيم ..!
ان ارسل جيش كيوبيد ليحارب مشاعرنا..
ويبتسم بعدها..."الحرب خدعة" !

قلوبنا جميعا في جرح الحب..
فاذا اندمل الجرح علينا ..
عشنا عشاقا..
واذا سلنا دماءا..
كنا تجربة..وفي الحالتين جرح !

الحب انانيا جدا..
يحتاج دموعنا كي يشرب..
وضعفنا كي يقوي..
وحيرتنا كي يستقر..
ويأسنا كي يستمر..
وسقوطنا كي يقف علي قدميه..ويصيح بصرخة.."انا الحب ..والباقي هوان "

الحب انانيا جدا..
"لعبة ويجا"..اينما حركت يديك..
تنال عذابا ..او سعادة مؤقتة ..!

الحب قاتل مأجور ..
سلطه الزمان علينا ..
ليأخذ اجره ..كسرة قلب..او جرح لا يهدأ ابدا..!

لا ينظر الا في مرأته..
لا يسمع من قلوبنا اغاني فيروز..او موسيقي " سيكريت لاف "
او نبض يتلون بقصائد الوجع..
لا يهتم بانحناءة رأسك ألما..
فهي ترفع رأسه أملا..

الحب مريض نفسي..
تسمع ضحكته اينما ذهبت وقهقهة الفرحة داخله..
كلما ازداد بكاءك ازداد صوت صدي ضحكاته الغريبة..
وكلما اقتربت منه..تراه يجري حولك
يغمض عينيك بعصابة ويتركك تبحث عنه وهو بجوارك..!

الحب هزيمتنا الاولي ..التي ننظر بعدها انتصارنا الاخير..
ولكن كلما اقترب النصر..
تستشعر اكثر مرارة الهزيمة ..

الحب وطن تأشيرته "الحزن"..
وحدوده "الي يوم تبعثون"..
وبيوته " اوهام ومرايات وسراب"..
لتكون كالتائه في مشهد من افلام الرعب..
او عرق اخضر نافر في وجه "كابوس"..!

الحب ظل متحرك في صحراء ممدودة..
كلما جريت اليه..تزداد الشمس لهبا..
ويزداد قلبك ولعا ..

كم اكره فلسفة الحب في عذابه وقهره..
فانا اجمع اشيائي واسلحتي..
واعذروني جميعا ..
انا ذاهب كي اقتل هذا المجنون..
الي الأبد ..!


Saturday, May 29, 2010

الحكم حــدوتة لأخـر فـــتفـوتة..الجزء الخامس






حملة الانتخابات الرئاسية شدت قوي وبقت علي صفيح ساخن وموحوح
وكل مرشح بيعمل حملة اعلانات بييجي التاني بسرعة ويهاجمه في حملته باعلان جديد




بدأ البرادعي تاني بحملة اعلانات جديدة واستعان باعلان كوكاكولا بتاع الكورة :

ميلا اول واحد يرقص في ماتش كورة
ومن ساعتها وزعيمنا معلمنا الرقص في بلدنا
نرقص ع السلم ونرقص في الطوابير ونرقص بعد التخرج كمان
مش بس علمنا نرقص ده علمنا ازاي ناخد علي قفانا ونرضي..
دلوقتي الشعب كله بيرقص علي نفسه ..
لكن البرادعي هيغير ده..البرادعي "عيش حياتك "



ولم يسكت الزعيم علي هذه الحملة فعمل بسرعة حملة اعلانات بتاعة الحلاوة :

يظهر في الاعلان اتنين ماسكين علبة حلاوة الرشيدي وكمان ورق ترشيح انتخابات..

الاول: والورقة دي نملاها بعد الاكل ولا بعده ؟
التاني: لا بعد الاكل
الاول: لا انا بقول قبل الماتش
التاني: لا بعد الماتش احسن
الاول: طيب قبل المسلسل
التاني: لا بعد المسلسل

فجأة يطهر شخص بعضلات: ايه انتوا معارضة ولا ايه ؟؟؟؟؟
وينزل ضرب في الاتنين
اي اي اي

ويطلع صوت تخين ..:
بدل الحيرة دي كلها قوم انتخب حالا ولا بعد الاكل ولا بعده
زعيمنا انتخابه "في الميزان "





ولم يسكت ايمن نور طبعا علي الحملات اللي شغالة دي فقام بسرعة واستعان باعلان مسحوق غسيل :

تظهر مراة عصام الحضري بتقول :

انا زي اي زوجة مربية عصام علي ايدي ومطلعة عين اهله
واقوله يمين يروح يمين واقوله شمال يروح شمال
حتي بصوا ..
زوجة عصام: حضررررررررررررررررري
عصام: ايوه جااااااااي
زوجة عصام: احم ...ايه ده انت طالع بالفانلة احنا بنصور اعلان خش استر نفسك
عصام: يا فضيحتي
زوجة عصام: بصوا البطيخة دي..حضرررررررررررري

يقفز عصام فجأة في الهواء ويمسك البطيخة

زوجة عصام: بصوا حلة المحشي دي..حضررررررررررري

يقفز عصام فجأة ويمسك الحلة

زوجة عصام: بصوا الشاكوش ده

يقفز الحضري فجأة و

الحضري: ااااااااااااي..ايه ده !

زوجة الحضري: انا اسفة ..بصوا بطاقة الانتخابات بتاعة ايمن نور دي..حضررررررررررررررري

يقفز الحضري فجأة ويمسك بصورة ايمن نور ويقبلها

وتطلع في نهاية الاعلان.."مع ايمن نور وبرسيل..مافيش مستحيل "




رجع الزعيم باعلان جديد بتاع جبنة باندا :

الشاب الاول في الاعلان: ايه يا ابني هتنتخب الزعيم ولا لأ
الشاب الثاني: بيتهيألي لأ

فجأة تدخل باندا امام الشاب وتلقي كل ما علي المكتب علي الأرض

ويدخل وراها بتوع الامن المركزي ويصيحوا :هو ها هو ها

ويختفي الشاب فجأة ولا نجد له اثر

وينتهي الاعلان بجملة "الزعيم ميتقالوش لأ " !




ويقوم ايمن نور بالرد عن طريق اعلان مغري جدا ببنت مزة مزة يعني :

يبدأ الاعلان ببنت حلوة قوي ماشية في الشارع وكاتبة علي فستانها " نعم لايمن "

ومجموعة من الشباب بيعاكسوها : ايه اللي انت عامله ده ؟ ايه اللبن الطازة ده؟ ايه اللبن الفريش ده ؟ ايه يا ايمن انت ده ؟
ايه يا قشطة انت ده ؟ ايه يا مهلبية ده ؟ ده انا هانتخب ايمن ده ؟

" ايمن نور..صباحو قشطة "


جه الزعيم تاني وعمل حملة اعلاناته بالاستعانة باعلان المصرية للاتصالات :

بيغني فريق الاعلان :

مش سنة ولا سنتين ...تلاتين سنة..
مش سنة ولا سنتين..تلاتين سنة..

يلا الحق رشح زعيمك وكمل فترة التلاتين وحطم الارقام القياسية..
ساعدنا علي دخول موسوعة جينيس..
والدهن دايما في العتاقي يا معلم..

الزعيم..."حكومة واحدة ..بتفقعنا كلنا "..



والي انتخابات قادمة

Thursday, May 27, 2010

أُدْمَيـات مِن عِيُوُن حـوَاء





أُدْمَيـات مِن عِيُوُن حـوَاء :

الْمَرْأَة سُجِن الْقَمَر وَمَرْأَة الْشَّمْس وَانْحِنّاءَة مَسْرَحِيَّة لِلَرَّبِيْع لِفَن زَهْرَة ..
أَتَخَيَلُهَا فَرَنْسِيَّة ..تَسْأَلْنِي مَاذَا تُفَضِّل مَع النَّبِيذ..اقُوْل لَهَا.."وَجْهَك..وَقِطْعَة خُبْز قَمَرِيَّة "..
أَتَخَيَلُهَا ايطَالِيّة..يَنْحَنِي لَهَا قَلْبِي ك "بُرْج بِيْزَا " لِيَجْمَع احَاسِيِس مُلْقَاة فِي ارْض ايِطَالْيَا..
اتَخَيْلَهَا عَرَبِيَّة ..عَوْد مَصْلُوب عَلَي خَط الرُّقْعَة يَتَمَايَل كَي يَرْقُص طَرَبَا وَجِنَّوَنِا..
الْمَرْأَة نِصْف الْحُب وَرَبْع الدَّهْشَة وَكُل الْجَمَال..
الْمَرْأَة "سِدْرَة مُنْتَهِي" ادَم..وَوَصَايَا الْقَلْب الْعَشَرَة نِسَائِيَّة ..
وَحَوَاس الْقَلْب الْخَمْسَة نِسَائِيَّة..
وَفُصُوْل الْحُب الْارْبَع نِسَائِيَّة..

لَم يَبْقَي لِأَدَم شَجَرَة تُفَّاح كَي يُسْقِط مِن جَنَّتِه..!
فَلْيَبْق وَحِيْدَا ان شَاء..

الْمَرْأَة نُوْر عُيُوْن الْأَرْض ..وَكَحِّل عُيُوْن الْلَّيْل..وَيَقَظَة عَيْن الْصَّبَاح..
انَا ادَم..زَهْرَة عِبَاد الْشَّمْس..
انْحَنِي لِلْجَمَال..وَلِلْحُب وَلِحَوَاء..
انْحِنَاءَات ثَلَاثَة..كُلَّهَا لِحَوَّاء..!

أَنَا ادَم..
اعْتَرَف امَام الْعَالَم اجْمَع..
ان الْارْض تَدُوْر تَدُوْر لِكَي تَبْحَث عَن حَوَّاء..
ان الْشَّمْس تَدُوْر تَدُوْر لِكَي تُنِيْر طَرِيْق حَوَّاء..
وَان الْقَمَر هُو سِجْن الْرِّجَال..
وَالسَّجَّان حَوَّاء !

انَا ادَم..
تَجْتَاح كَيَانِي إِمْرَأَة وَلَيَال فِضّيّة..
اجْمَع بَيْنَهُمَا فِي قَلْبِي..
فَيَصِيْر دَمِي مِن فَصَيْلَة "الْيَاسَمِيْن " !

انَا ادَم..
يَنْحَتُنِي زَمَانِي تِمْثَالَا وَتَعَاوِيْذ..
كَي يَرْفَع عَنِّي سَتّار فِي يَوْم مَا..
تِمْثَالَا لِرَجُل "عَلَي لَحْم قَلْبِه " !

انَا ادَم..
تُسْقِط كُل تَفَاصِيْلِي ..
فِي بَحْر طِبَاع وَصِفَات انُوثَتِهَا..
لِتَعُوْد تَفَاصِيْلِي كَمَالَا ..وَطِبَاعِي جَمَالَا !

انَا ادَم..
اسْتَلْهَم وَجَعِي وَدُمُوْعِي مِيْنّاءَا بَحْرِيّا..
كَي اسْتَقْبَل سُفُن الْحُب بِزَهْرَة..
وَحَوَّاء بِدَمْعَة مُسَافِر او عَابِر سَبِيِل !

انَا ادَم..
اعْتَرَف بَان حَوَّاء هِي ظَاهْرَتِي..
وَهِي مُسْتَحِيْل قَلْبِي..
وَمُعْجِزَة مَشَاعِرِي الْأَوَّلِي..
حِيْن يَاتِي كَّيُوَبِيَد رَسُوْلِا بِسَلَام وَجَمَال !

انَا ادَم..
انْحَت ثَلْج مَشَاعِرِي كُلِّه..
بْنِقْطِة دِمَاء دَافِئَة مِن نَبْض يَلْمِسُه إِمْرَأَة..
فَيَصِيْر الِدِفْء نُزُلا وَمُقَاما كَرِيْما !

انَا ادَم..
اشْرَب مِن كِبْرِيَائِي عَصِيْر نِسَاء..
وااكُل مِن جُنُوْنِي افْطَار نِسَاء..
لاصِيّر شَهْرَيَار..عُمْرَا كَاملَا..
وَلَكِن بِسَيْف "انْثَوي" !

انَا ادَم..
اغْزِل مِن اوْجَاعِي قِدِّيْسَات وَرَاهِبَات..
يَبْحَثْن دَاخِلِي عَن حَوَّاء "الَلاقِدّيسَة"..
لِيَصِيْر شُعَوُري مُجَرَّد حَانَة..
لِصِرَاع بَيْن الْرَّاهِبَة وَفَتَاة الْلَّيْل..
لِتُخْرِج مِن بَيْنَهُم امْرَأَة قَلْبِي !

انَا ادَم..
اجْمَع كُل تَخَارِيْف رُجُوْلَتِي..
كَي اصْنَع مِنْهَا حُرُوفَا مُبَعْثَرَة..
عَلَي اسْم مَن احَب..
لاقُوّل بِالْعَامِّيَّة امَام الْحُب "وَلَا سِحْر وَلَّاشعْوذَة" !

انَا ادَم..
اصْنَع فِي "طَوَاوِيْسِي" سِنِيْنَا..
كْي تَأْتِي غَزَالَة وَاحِدَة..
فَأَنَخْلّع مِن أَجْنِحَتِي وَجُذُوْري !

انَا ادَم..
شَعْبِي هُو احْسَاسِي وَمَشَاعِرِي وَقَلْبِي..
وَلَا ابَحْث عَن حَوَّاء مِن "عَامَّة شَعْب" قَلْبِي..
وَلَكِن ابْحَث لَهَا عَن مُلْكَا ابَدِيّا !

انَا ادَم..
حَرْف عَطْف بَيْن "انَا وَالْحُب" ..
لَّا اجِد لَه تَشْكِيْلا مُنَاسِبا..
وَلَكِنِّي انْتَظَر
مِن تُجِيْد وَضْع الْمِكْيَاج لِحُرُوْف لُغَتِي !

انَا ادَم..
شَمْس خَبَّأَهَا الْقَمَر..
وُضُوْء خَبَّأَه الْظِّل..
وَعُمَر خَبَّأَه الْحُب..
وَرَجُلا قَتَلْتُه حَوَّاء ..!

انَا ادَم..
اعْتَرَف بَان لِلْجَنَّة حُوْر..
وَلِلْأَرْض حُوْر..
وَحُوْر الْارْض يَحْرُسُون عَرْش الْحُب..
لِكَي يُصْبِح الْرِّجَال عَلَي الْعَرْش..
"وِلْدَان مُّخَلَّدُوْن " !

Tuesday, May 25, 2010

اخطبـني ع الجـوجـل






عذرا لاي الفاظ خادشة للحياء في هذا الموضوع لكنها في سياق العمل الدرامي "ده كلام المخرجين اللي بيضحكوا بيه علينا" يقولك البوسة دي في السياق تبقي تمام مافيهاش حاجة

وممكن مقولش السطر ده هو يعني ايناس الدغيدي بتقول "عذرا لاي مشاهد جنسية هتشوفوها" ما هي بتورينا وخلاص ههههههههههههه

ولكن اي لفظ مكتوب في هذا الموضوع موجود في الجوجل ويمكنكم البحث عن الكلمة للتأكد .. انا بس بنقل النتيجة مش اكتر .

كلنا قرينا في الفترة الاخيرة عن اشهر نتايج البحث في الجوجل اللي العرب بيبحثوا عنها وكلنا شوفناها سواء بحث عن الجنس او ارقام البنات وغيره لكن الموضوع المرة دي مش عن النتايج دي ولكن ازاي ممكن تدمر علاقة بين ولد وبنت علي وش جواز




احمد وايمان كانوا مخطوبين من فترة وكانت ايمان بدأت في مرحلة البحث عن تفاصيل الفرح وحاجات البنات بقي من فساتين واللذي منه :

في شقة صاحبة ايمان:

داليا: اخيرا هتودعي العزوبية يا ايمان انا فرحانة ليكي اوي

ايمان: انا كنت مترددة قوي اني اعمل الخطوة دي بس احمد انسان كويس وهيحافظ عليا

داليا: ربنا يسعدكوا مع بعض وياتري جهزتي حاجات الفرح

ايمان: اه بس عايزة اشوف ع النت شوية حاجات وكتالوجات قوليلي بقي ازاي ابدأ في الموضوع ده

داليا: بصي يا ستي انا هاديكي شوية حاجات تبحثي عنها علي الجوجل ودي اهم الحاجات اللي هتحتاجيها لفرحك

ايمان: ايدي علي كتفك ..يلا وريني الورقة كده



وقدمت داليا لايمان بعض الحاجات المهمة اللي تدور عليها ع الجوجل عشان الفرح
وبعد اسبوع زارت ايمان احمد في بيته في وجود اهله وجلسوا في الصالة امام الكمبيوتر وامام اعين الاهل للبحث عن ما قدمته داليا لها في الورقة

وكانت الورقة كالتالي :

مشهد لدخلات القاعات في الافراح

افضل باقات الورود في الفرح

ارقام منظمات الافراح

كيف اعرف تكاليف القاعة

اكثر القاعات شهرة

اوضاع وتنظيم الطرابيزات في الافراح




واثناء البحث :

احمد: انا اسعد انسان في الدنيا اننا اخيرا هنرتبط يا ايمان وهاعيش مع اجمل بنت في الدنيا دي كلها

ايمان: وانا كمان يا احمد انا عايشة اجمل حلم

احمد: ثواني اجيبلك حاجة تشربيها

واثناء انشغال احمد في المطبخ انشغلت ايمان في البحث علي الجوجل كما قالت لها داليا
وكانت الصاعقة اثناء بحث ايمان علي الجوجل بنفس ترتيب الورقة

عندما قامت بالبحث عن كلمة "مشهد" علي الجوجل وجدت اول نتيجة "مشهد ساخن لغادة عبد الرازق" وكلمة "مشهد ممنوع من العرض"

فصعقت ايمان لانها ظنت ان هذا هو كل ما يبحث عنه احمد علي الانترنت ولم تكن تعرف انها خاصية في الجوجل نفسه

فأكملت بسرعة ما تفعل وكتبت كلمة "افضل" لكي تبحث عن افضل باقات الورود ولكنها تفاجأت بنتائج الجوجل "افضل الاوضاع للجماع" و"افضل طرق علاج سرعة القذف"

لم تصدق ايمان ما تراه ولم تكن تعرف ان هذا كل ما يشغل تفكير احمد ولا اكثر

وعندما كتبت "ارقام" وجدت الجوجل يكمل لها "ارقام للبنات"

وعندما كتبت "كيف اعرف" وجدت "كيف اعرف اني عذراء"

وعندما كتبت "اكثر" وجدت "اكثر الاماكن اثارة للمراة " و "اكثر افلام اجنبية اثارة"

وعندما كتبت "اوضاع" وجدت "اوضاع جديدة للجماع" و "اوضاع للمضاجعة"

لم تتخيل ايمان كل هذا الجنس المعشش في خيال احمد الذي لم تكن تعرفه جيدا فقامت بسرعة وهي تبكي من البيت وتركت الورقة

وحاول احمد ان يلحق بها ولم يفهم ما يحدث

وبعد شهرين في منزل احد اصدقاء احمد :

سعيد: وازاي انفصلتوا مش فاهم

احمد: بسبب الجوجل يا عم

سعيد: الجوجل؟؟ هههههههه

احمد: اه واللهي لقيتها سايبة ورقة كانت بتدور عليها ع الجوجل ويديها كل تفكير العرب الجنسي وفكراني انا اللي كنت بدور علي ده بس..ومش فاهمة ان العالم العربي كله بيدور علي ده مش انا..وحاولت اكلمها ميت مرة قفلت جميع التليفونات وسافرت اسكندرية لخالتها وسابتلي الدبلة ..

سعيد: حاولت تفهم اهلها حتي

احمد : رافضين مقابلتي بعد الموضوع ده لاني اتسببت في انهيار بنتهم ..خصوصا بعد ما قرت اني بحث عن "كيف اعرف اني حامل"
افتكرت اني بعمل علاقات مشبوهة وببحث للبنت اللي معايا علي الموضوع ده..

سعيد: يا نهار ازرق ده الجوجل ضيعك خالص..

وبعد كام سنة..

في بيت تامر صاحب احمد :

تامر: مش انا هاخطب

احمد: الف مبروك يا تامر انا اعرفها ؟

تامر: لا هي مش هنا ميتهيأليش تعرفها

احمد: هي من هنا من القاهرة؟

تامر: ايوه وقاعدة مع ماما دلوقتي في البيت سايبها بتدور علي حاجة ع النت

احمد: النت؟؟؟؟؟؟

تامر: اه في حاجة ولا ايه ؟؟

احمد : عليه العوض..الجوازة باظت..

تامر: ليه بس

وبعد ما حكي احمد لتامر ع الموضوع جري تامر بسرعة ع البيت ولحق خطيبته من فتح الكمبيوتر اصلا وقالها بعدين انا عايز بس افهمك حاجة مهمة

وشرح ليها تامر الموضوع كله قبل ما تقع الطوبة وتتهد الجوازة



ودي حكاية الجوجل وعمايله وربنا يحميكوا من الجوجل ومايوقعكوش في جوجل ابن حرام ..













Sunday, May 23, 2010

أحــاسيس لا تشــرب الفــانيليا




لَسْت مَجْنونا..
لَا تَعْرِف كَيْف تُشَاهِدْنِي ..وَلَكِنِّي لَسْت بِمَجْنُوْن..

حِيْن رَأَيْتُنِي اوَّل مَرَّة ..كُنْت أَنْفُخ فِي يَدِي..
كَانَت عَصَافِيْر تَغْرَق فِي دِمَائِي ..وَكَانَت قِبْلَتِي لَهُم لِلْحَيَاة..
فَكَان الْمَشْهَد انْسَان يُنْفَخ فِي يَدَيْه بِلَا مَعْنِي..

حِيْن رَأَيْتُنِي الْمُرَّة الْثَّانِيَة ..حِيْن كُنْت أَنْحَنِي وَانَا انْظُر الَي نَفْسِي فِي الْمَرْأَة..
كَانَت حَبِيْبَتِي تَتَرَامِي عَلَي الْمَرْاة نَدِي زُهُوْر وانْفَاس صُبْح..
فَكَان الْمَشْهَد انّي مُخْتَل عَاشِق نَفْسِه..

حِيْن رَأَيْتُنِي الْمُرَّة الثَّالِثَة..
كُنْت اقْبَل حَائِط غُرِفِتِي..
لِانَّه كَان عَلَيْه صَوَّرْتَهَا فِي يَوْم مَا ..فَاعتَبَرَتِه حَائِط مَبِكَاي وَدُمُوْعِي..
فَكَان الْمَشْهَد مَعْزُوْل عَاشِق لِلْعُزْلَة..

حِيْن رَايْتَنِي الْمُرَّة الْرَّابِعَة ..
كُنْت اشْرَب الْفَانِيلِيا وَاوَشَوّش شَرَايِيْن يَدَي..
كَانَت شَرَايِيْنِي تُرِيْد تَذَوُّق طَعِم الْفَانِيلِيا..فَكُنْت اوَشْوشِهُم ان يَكْفِيْهِم طَعِم فَانِيلِيا الْحُب ..
فَكَان الْمَشْهَد عَاشِق كُل جُزْء فِي جَسَدِه..
وَلَكِن الْمَشَاعِر لَا تَشْرَب الْفَانِيلِيا..

حِيْن رَايْتَنِي الْمُرَّة الْخَامِسَة..
كُنْت أَأْكُل الْقْلُم..وَيَفِيْض مِن فَمِي حِبْرَا..
كُنْت احَاوِل ان افْهَم سِحْر الاقْلام وَلُغَة الْاشْعَار وَنَبْض الْوَرَق..
فَكَان الْمَشْهَد مَجْنُوْن يَأْكُل مَا يَجِدُه تَحْت يَدَيْه..

حِيْن رَايْتَنِي الْمُرَّة الْسَّادِسَة..
كُنْت اجْرِي فِي الْشَّارِع غَرِيْبا مَنْفِيّا..
كَانَت ارْبَعَة مَلَائِكَة تُطَارِدُنِي بِنَعْش مَكْتُوْب عَلَيْه "الْحُب"..وَكُنْت الْهَارِب مِنْهُم..
فَكَان الْمَشْهَد انّي جَبَان يَهْرُب حَتَّي مِن نَفْسِه..

وَفِي الْمَرَّة الْسَّابِعَة..
كُنْت اشَم بِشَهْوَة رَائِحَة هّمْسَاتِي حِيْن تَحَدَّثْت عَنْهَا مُنْفَرِدا..
فَكَان الْمَشْهَد انّي اشْتَهَي الْاجْسَاد بِجُنُوْن..

وَفِي الْمَرَّة الْثَّامِنَة..
كُنْت امَشِّط شِعْر الْلَّيْل كَحَوّاء تَجْلِس بَيْن يَدَي..وَاحَاكِيُّهَا بِقِصَص الْحُب..
وَوَجَدْتُنِي انْت امَشِّط للاوْهَام..

وَفِي الْمَرَّة الْتَّاسِعَة...وَالْعَاشِرَة وَالْحَادِيَة عَشْر رَايْتَنِي ارْقُص فِي غُرْفَتِي..
وَلَكِن لَيْس جُنُوْنْا..
كُنْت اراقِص ضَوْء شُمُوعِي..وَانْطَفَأ احَيَانَا وَاتَوَهج احَيَانَا فِي رَقْصَتِي..
كُنْت احَاوِل ان اسْمَع قَصَّارِي عَزْف "الْقِيْثَارَة"..
وَانَاشِيد مَجَانِيْن الْلَّيْل وَدَّرَاوِيش الْحُب..

وَاحَاوِل ان اخْرُج مِن حَوّاء رَجُلا يَتَسَاقَط مِن عَيْنَيْه الْشَّهْد حِيْن يَمْتَلأ بِالْجَمَال..
وَاحَاوِل ان اخْرُج مِنْهَا وَاقِعَا مُسْتَحِيْلَا او مُسْتَحِيْلَا عَلَي ارْض الْوَاقِع..
وَاحَاوِل ان الَتَهُم حَمَاقَاتِي فِي كَأْسَيْن نَبِيّذ ..
وَان تَمْتَلأ عُيُوْنِي بِسَنَابِل الْعِشْق ..وَتَمْتَلأ مَشَاعِرِي بِأهَات الْقَادِم..


فَلَا تَظُنُّنِي مَجْنُوْنا يَا حَضَرَة "الِكَيوبِيد"..
انَا فَقَط اطِيْر مِثْلُك..وَلَكِن عَلِي ارْض فَاض بِهَا الْحُب..
وَلَيْس فِي سَمَاء تَمْلَأَهَا سِهَامَك ..!

Thursday, May 20, 2010

اجـــابات الشــاب العـــازب





كل شوية واحد يسألك مش هتتجوز بقي ؟ مش هتتم نصف دينك؟؟ هتعيش وحيد ؟؟
انا قولت اجمع كل الجمل دي واللي هي مردود عليها بامثلة ونماذج لاني بكره السؤال ده جدا
وكأن فعلا الزواج فرض الحياة مش سنة الحياة !

وكأن اللي مش بيتجوز ده يا عيني هيفوته الكتير مع ان اي متجوز بيقولك مش هيفوتك اي حاجة متقلقش..الا لو بتتكلم عن الملل !

ولو سألت اي متجوز ايه اللي العن من الجواز؟؟ هيقولك .المتجوزين طبعا ..

وهنبدأ بكل الالحاحات الخاصة بالزواج اللي الناس بتزن علي ودانك بيها وهنشوف اجابات شاب عازب :



1- انت بجد مش هتتجوز ؟

الاجابة: اه مش هتجوز ..انا عايش عازب اللهم احفظها نعمة وامنعها من الزوال يارب وده دعاء كل شاب عازب اكيد..



2- طيب ازاي هتشغل حياتك ؟

الاجابة: لو انت هتتجوز عشان تشغل حياتك يبقي بتضحك علي نفسك لان معني كده ان حياتك اصلا فاضية ومش الجواز اللي هيملاها الا بمشاغل روتينية وليست بطولية يعني كل الناس بتعمل كده ايه الجديد ! واللي بيتجوز بس عشان يملي حياته يبقي ميتجوزش احسن لان الحياة مليانة حاجات كتير ممكن تعملها بالعكس الجواز بيعطل معظم اللي عايز تحققه..


3- وهتعيش وحيد ؟

الاجابة: الوحدة ممكن تبقي موجودة اكتر بعد الجواز لان الوحدة اختيار ..وناس كتيرة متجوزين وعايشين كانهم لوحدهم وده موجود في بيوت كتير جدا


4- مش هتكمل نص دينك؟

الاجابة: يا عم الجواز مش فرض في الاسلام يبقي ازاي نص دين دي كلمة اتقالت والناس فهماها غلط وهاقولك ان ابن تيمية نفسه متجوزش وناس من ائمة المسلمين وناس من كبار العالم ده وقائدينه
متجوزوش خالص زي إسحاق نيوتن و بيتهوفين وفولتير و شوبنهاور وعباس محمود العقاد وغيرهم كتييييييييييييير
يعني الناس دي مماتش ولا حاجة ولا ابن تيمية هيخش النار عشان متجوزش لو هو نص الدين


5-طيب والحب ؟

الاجابة: الحب ده هو الحياة نفسها مش سنة الحياة وايه علاقة الحب بالجواز ما ناس كتير حبت ومتجوزتش وبعدين انا مريت بالتجربة دي ولسه عايش علي ذكرياتها بس في الحب قلبين بيشهدوا وفي الزواج بس
شاهدين بيشهدوا ..


6- طيب و الرغبة ؟

الاجابة: انا لو هتجوز هيكون مش عشان السبب ده ولكن اللي هيتجوز لازم يجوز كل حاجة فيه تجوز عقلك لعقلها وتجوز قلبك لقلبها مش مجرد ليلة دخلة كل فترة..


7- مش ممكن تندم ؟

الاجابة:زي ما قال انيس منصور ان العازب ممكن يندم مرة بس المتجوز بيندم الف مرة..والندم بيكون انك ما ارتبطتش بالبنت اللي بتحبها مش انك ما ارتبطتش والسلام وجواز الصالونات..

8- هتموت وحيد ؟

الاجابة: ياااا ناس كتير جداااا اتجوزوا وماتوا لوحدهم لسبب او لاخر سواء الشريك مات قبلهم او مخلفوش اولاد او ميت سبب تاني متضمنش ان الجواز ممكن يخليك متموتش وحيد
مافيش ضامن لحياتك او وحدتك ..

9- والسعادة؟؟

الاجابة: بجد لو كانت السعادة في الجواز معني كده ان الناس كلها ماشية سعيدة وده مش حقيقي لان نسبة اللي عايزين يعيشوا سينجل اقل من المتجوزين ومافيش علاقة للسعادة بالزواج ولكن
بالحب بس ولو انت مش سعيد الجواز مش هيخليك سعيد حتي لو اتجوزت اربعة..


10- بتفكر في نفسك بس

الاجابة: ما هو الجواز برضه في شئ من الانانية والتفكير في نفسك يعني هو مش تضحية هو اسعاد لنفسك لو حب واسعاد لرغباتك لو مجرد جواز عادي يعني الانانية واضحة في كل تفاصيل الجواز
مافيش حد بيتجوز عشان يسعد الطرف الاخر ولكن بتكون عشانك انت..

11- بتهرب من تحمل المسئولية ؟

الاجابة: ومين منا مش عايز يهرب من كده ..كل واحد متجوز تسمع منه اااه لو يرجع زمان واعيش وحيد ده الجواز ده كله مشاكل ومسئوليات..
ولكن العازب برضه بيتحمل مسئولية ممكن اهله او نفسه هي مسئولية النفس دي شوية ؟


12- مش بتستغرب اما تلاقي كل اللي حواليك متجوزين وانت لأ ؟

الاجابة: بالعكس بحس اني مميز..كله مشي مع سكة الحياة لكن انا اخترت اني اعيش عشان افهمها وده مش محتاج غير الوحدة ..


13- مش عايز حد تخاف عليه ويخاف عليك ؟

الاجابة: ايه يا عم نظام الخوف ده كله طيب ما العازب عايش في امان بقي ههههههه ليه القلق ده ..اكيد كلنا بنحس اننا محتاجين الاحساس ده
بس مش الجواز هو مصدر الطمأنينة وراحة البال في الحياة وأسأل الوف قبلك..وكلمات "استقرار" والحاجات الشائعة دي دايما بتتقال للبنت اللي بترفض العرسان
اهلها بيحاولوا يفهموها الكذبة البيضا الكبيرة في الحياة بان الاستقرار جاي وبعد تلاتين سنة بتقعد قدام قبر ابوها وتسال "كان قصدك ايه بقي بكلمة استقرار ؟ "



14- طيب متاخد وقتك ويمكن تلاقي بنت الحلال ؟

الاجابة: ده كلام كويس وفعلا في رواية 80 يوم حول الارض لجولز فيرن كان اتسأل بعد ما رجع من الرحلة "هل كانت الرحلة شاقة" قالهم "لو كانت 80 سنة حتي ورجعت بزوجة زي دي
فهي وقت قصير " وفعلا اهم عامل هو الوقت لانه ممكن تختار في لحظة وتندم 50 سنة ..


15- يعني في النهاية مش هتتجوز ؟

الاجابة: نفس احتمال ان ييجي وزير مش فاسد في مصر..لا تعليق





Monday, May 17, 2010

اضغــط ع الــرقم واحــد





اهداء الي خدمة العملاء في جميع الشركات..
"شرفنا باتصال يا افندم"



يارا ومحمود كانوا اكتر من حبايب من سنين كتير فاتت واتخطبوا من فترة قريبة لكن فجأة قررت سارة انها تشتغل وكان فاضل علي جوازهم شهرين:


يارا: انا عايزة اشتغل اشمعني انت يعني

محمود: ايه حركات العيال دي..اشمعني انا ايه؟ انا راجل

يارا: انا راجل؟؟ يعني هتعملي سي السيد من دلوقتي

محمود: وانتي هتعمليلي نوال السعداوي ؟؟

المهم الخلاف منتهاش وبعد فترة من الخصام :

محمود : خلاص يا فلينة قلبي من جوة انا سامحلك تشتغلي اللي انتي عايزاه

يارا: ههههه اللي انا عايزاه ..ده سي السيد بقي اي كلام خالص..يعني اشتغل رقاصة مثلا ؟

محمود: يا حبيبتي انا رهن اشارتك بس انتي قشري ..ولو رقاصة انا انقطك واشخلعك

يارا: لا انا هاشتغل في وظيفة في شركة موبايلات

محمود: هتشتغلي ايه هناك ؟

يارا: خدمة عملاء


وبعد مرور يارا بشهور من التدريب المتواصل وفترة عمل اسبوع عادت في احد الايام بعد الاجازة الي منزل والدتها القديم وكانت المفاجأة :

ام يارا: ازيك يا حبيبتي وحشتيني جدا الشغل واخدك مننا ..وعاملة ايه مع خطيبك

يارا "بعد التأثر بخدمة العملاء" : تمام يا افندم..لحظات معايا اغير هدومي وارجع لحضرتك ياريت تخليكي ع الانتظار

ام يارا "لنفسها" : انتظار؟؟ البت لسعت ولا ايه ؟؟ هو عملها ايه المهبوش خطيبها ده ؟؟

وبعد تغيير ملابسها :

يارا: اتفضلي يا افندم اسفة علي التأخير

ام يارا: مالك يا بنتي حصل ايه ؟؟ انتي مالك بقيتي عاملة زي مازنجر كده ؟

يارا: مازنجر؟؟ مش فاهمة حضرتك يا افندم

ام يارا: افندم ايه وبتاع ايه انتي كنتي متخانقة مع خطيبك ولا ايه

يارا: لا ابدا يا افندم بس مكلمتوش من "فترة محدودة"

ام يارا: فترة محدودة؟؟ لا حول الله يارب البت لسعت ع الاخر..



وفي منزل صديق محمود :

سعيد: اهدي بس ياعم هو ايه اللي حصل يعني

محمود: بقولك يارا بقت مش هي خالص دي بتقولي يا افندم

سعيد: يعني حاسس انها بتخونك ؟

محمود: بتخونني ايه انت كمان ..بقولك بقت غريبة جدا ومعدتش عارفها بقت بتكلمني اكني واحد من العملاء في الشركة ..دي بتقولي ياريت تشرفني بزيارة

سعيد: هههههههه طيب وايه اللي مضايقك كلمها بلغتها يا عم

محمود: تفتكر هتجيب نتيجة

سعيد: طبعا الصدمة دي هتفوقها كلمها بنفس الطريقة وهي هتفوق من الل هي فيه



وفعلا استمع محمود لنصيحة سعيد وبدأ بالتدرب علي اللهجة الغريبة حتي ايقنها تماما ..وفي احد المحادثات التليفونية :

يارا: استاذ محمود..ازيك يا افندم شرفني مكالمة حضرتك

محمود : حصلنا عظيم الشرف يا افندم بس قبل ما اكمل مع حضرتك ياريت اعرف بعض البيانات

يارا: بيانات ؟؟

محمود: دقايق معايا حضرتك وهاوفيك بكل الاخبار حالا

يارا: استاذ محمود حضرتك بتكلمني كده ليه ؟

محمود : للرومانسية اضغطي رقم واحد للنكت والفرفشة اضغطي رقم 2 للهلس كله اضغطي رقم 3

يارا: انا اسفة يا فندم مش مسموح لي انا في وقت شغل دلوقتي

محمود: ممكن تكلميني في اوقاتي الرسمية من 8 صباحا لحد 8 مساءا يا افندم اكون شاكر لحضرتك

يارا "تفوق من الصدمة" : محمود انت بتقول ايه ؟

محمود "لم يستطيع التخلص من المرض" : بقول لحضرتك يا افندم علي اوقاتي الرسمية

يارا "بعد الشفاء" : رسمية ايه وزفت ايه .انت بتتكلم كده ليه ؟ انت عيان ؟

محمود: سعداء بمكالمة حضرتك جدا وياريت تشرفينا بمكالمة تانية مع السلامة..تيت تيت تيت



لم تدري يارا انها كانت السبب الرئيسي الذي جعل محمود ..هو انا بكتب بالفصحي ليه ..بص تحت هاقول السطر ده تاني بلا خوتة..
معرفتش يارا انها كانت السبب الرئيسي اللي خلي محمود يتكلم بالطريقة دي ويجيله هذا المرض اللعين مرض "خدمة العملاء"
ومرت شهور وشهور ومفاقش محمود ابدا


وكانت اخر كلمة بينهم :

"دبلتك اهي يا افندم تحبي حضرتك خدمة تانية ؟ "



Sunday, May 16, 2010

لــول عــليكي يــا مـــصر





كان في كتاب لجلال امين اسمه ماذا حدث للمصريين وانا احب اقوله كيف تغير المصريون والعالم العربي من منظور شبابي جديد.. :


1- كنا بندور علي حاكم همام دلوقتي بندور علي "بوبي" جديدة !

2- كنا بنختار مصيرنا دلوقتي بنختار طعم شيبسي !

3- كانت الاطفال بتنام من العشا دلوقتي الاطفال بتاكل مصاصة بالكابتشينو !

4- كانت الدنيا متوازنة عندنا دلوقتي روبي قالعة بس العروسة "فلة" متحجبة !

5- كانت "باشا" بتتقال للباشا..دلوقتي بتتقال للميكانيكي !

6- كان في جمال عبد الناصر..دلوقتي في جمال مروان !

7- كانت اغنية "ماما يا حلوة يا اجمل غنوة"..دلوتي اغنية "لو سمحت يا ماما عايز كارت شحن للتليفون" !

8-كان في تعليم..دلوقتي في تعتيم !

9- كان الشعار "خلي السلاح صاحي"..دلوقتي "اتكلم ارضي يا ابن بلدي" !

10-كانت "ساعة الحظ ما تتعوضش"..دلوقتي "ساعة النت ما تتعوضش" !

11- كانت الدراويش اصحاب طرق ومذاهب..دلوقتي فريق "الاسماعيلي" !

12- كان الشيطان بيقف ويوز..دلوقتي بيقف جنب هيفاء ويهز !

13- كانت العروبة معني..دلوقتي بقت " بن " !

14- كان الشيوخ بتسبح بالسبحة..دلوقتي ع الموبايل "السبحة الديجيتال" !

15- كانت السياسة "حرفية " ..دلوقتي بقت "حرفة " !

16- كان في قيس وليلي..دلوقتي تامر وشوقية !

17- كان في "الحرملك"..دلوقتي للحاكم "الحرام لك " !

18- كانت مصر ولادة..دلوقتي زي نكتة التعلب توقع منها اي حاجة !

19- كانت البنت بتيجي برزقها..دلوقتي بتقطع رزق اللي تتجوزه وتفلسه !

20- كان في طلعت حرب..دلوقتي في "الريس عمر حرب" !

21- كان في القراءة للجميع..دلوقتي الموبايل للجميع !

22- كان "سعد زغلول"..دلوقتي "سعد..والبلح الزغلول " !..

23- كانت مصر سفينة..دلوقتي عليها ميت قرصان !

24- كان "ادخلوها امنين"..دلوقتي "احكموها فاسدين" !

25-كان الراجل "سي السيد".. دلوقتي "سيد يا سيد " !

26- كان في فن..دلوقتي في "السبكي" !

27- كان في "قمم عربية"..دلوقتي "قمامة" !

28- كان فيه "حاكم"..دلوقتي "متحكم " !

29- كانت عبارة "تاديب وتهذيب واصلاح" علي السجون..دلوقتي ممكن تتحط علي مباني الحكومة !

30- كان في تفاوت بين الباشا والفلاح..دلوقتي تفاوت بين اللي مش لاقي العيش وحامل الايبود !

31- كانت الارض بتتكلم عربي..دلوقتي بتتكلم عبري !

32- كان في مسلم ومسيحي..دلوقتي مسلم ومسيحي وبهائي ووهابي وملحد ومفكر اسلامي !

33- كنا بنغني للوحدة العربية..دلوقتي الاغاني لوحدة الاهلي والاسماعيلي !

34- كانت مصر بهية..دلوقتي بهانة !

35- كانت الاحكام عرفية..دلوقتي الجوازات هي اللي بقت كده !

36- كانت كلمة عبقري متطلعش بسهولة..دلوقتي بتتقال علي واحد يعمل جروب علي الفيس بوك بفكرة مختلفة !

37- كانت الناس لبعضيها..دلوقتي بتاكل في بعضيها !

38- كان الازهر منارة.دلوقتي شوية حجارة !

39- كان الجواز "سترة" ..دلوقتي واقي "سترة" !

40- كانت الحكومة "فعل".دلوقتي بقت "اسم" !

41- كانت "السلطنة"..دلوقتي جورج وسوف و"السطلنة" !

42- كانت الغاز يوسف شاهين..دلوقتي الغاز التصريحات الحكومية !

43- كانت ماما نجوي.دلوقتي "بسنت والدياسطي" !

44- كانت الاطفال مشتقة من "الطفولة"..دلوقتي من "التطفل" !

45- كان في "حرم جامعي"..دلوقتي "حريم جامعي" !



Friday, May 14, 2010

اتـرهبن في لـحم الحـب










اتُرَهِبْن فِي لَحْم الْحُب شُعُوْبا وَقَبَائِل..
كَي ارْتَزَق وَاقْتَات الْلَّوْن الْاحْمَر مِن خَجَل الْعُشَّاق..
كَي احْكُم عَلَي نَفْسِي ب "اشْغَال عِشْقِيَّة شَاقّة"..بِلَا مُحْكَمَة وَلَا قَاضِي سِوَي نَفْسِي..!

احَيَانَا ادْخُل جَنَّتِي وَاعْتَذَر مِن الْحُوْر..

اذَا لَم اسْتَلْهَم مِنْهُن رَجُلا لَه يَقِيْن الْعَاشِق..
وَكُنْيَة الْعُشَّاق..وَقِبْلَة شِفَاه عَذْرَاء ..
فَانّا اسْتَنْجَد بِالْحُب مَن الرَّغْبَة..
و افْضَل "رَجُل الْحُب"..عَن "ذِكْر الْحُوْر" !

عَلَي سَرِيْرِي اجِد عُوْد الْقَمْح بِجَانِب حَقْل الُالْغَام ..

وَحُلُم الْوَسَائِد يُصَافِح مَا يَخْتَمِر فِي فِكْرِي مِن الْيَأْس..
وَسُلْطَان الْنَّوْم يَحْكِي الَي قَلْبِي مَا سَأَفْعَلُه كُل صَبَاح..
وَلَا افْعَل الَا الْحُب..وَالَّا اسْتَجِدِّي الَا الْحُب..!

انَا لَّا اجِد الْحُب قُصُوْرا وْدَّاوَاوِين شِعْرِيَّة وَقَطَع مِن نَثْر ذَهَبِي..

بَل بَلَّلَوْرَة حُلُم وَسَاحِرَة قُلُوْب ..
وَحِوَار وَسِيْط رُوْحَانِي مَع الْزَّهَر وَرَائِحَة الْفُل..
وَمَسَاحَات لِلْتَّصَوُّف الْكَامِل فِي حَضْرَة مَقَام الْعُشَّاق..
وَاجِد فِي الْحُب ..مَا لَاعَيْن رَأَت وَلَا اذِن سُمِعَت وَلَا خَطَر عَلَي قَلْب بَشَر !

ادْخُل عَالَمِي الَخِاص تَحْت عُيُوْن واجْنِحّة الْلَّيْل..

وَاحَاوِل ان اشْكَل عِبَارَة "قَلْبِي هِبَة الْلَّيْل" سَاعَات وَدَقَائِق ..
لَأَدْخُل بِذَاتِي كَأَي عَاشِق عَالِم الْجَمَال..
بَدَلَا مِن اشَاهِد فَقَط جَمَال الْعَالَم ..!

اتْحَوَّل احَيَانَا فَرَضِيَّات وَاعْتَبَارَات وَهْمِيَّة..

انَا نِصْف حَقّيِقَة فِي عُيُوْن الْحُب لِحِيْن صُدُوْر الْفَرَمَان الْاوَّل مِن عَيْنَيْهَا..
لِتَصِيْر نِصْف حَقِيْقَتِي ..نِصْف حَقِيْقَتُهَا..
وَيَصِيْر الْنِّصْفَيْن مَشْهَد خُرُوْج امْرَأَة..مِن ضِلَع رَجُل !

اجَمَل تَحْت عُيُوْن الاوْهَام جُفُوْن سَوْدَاء..

لأحْظّي مِن سَهَر وَارْق الاوْهَام بَعْض الْحُلُم وَكُوْب مِن يَأْس يُسْكِر..
اشْرَب اشْرَب اشْرَب..حَتَّي يَضَع الْوَهْم بِنَفْسِه مِكْيَاجَه الْخَاص..
وَلَكِن حِيْن يَنْظُر لِلْمَرْأَة لِلْأَسَف ..يَجِد صُوْرَتَي !

قَلْبِي لَا يَتَحَاوَر الَا لُغَة "سِنْدْرِيلا" ..

يَفْقِد حِذَائِه كُل مُنْتَصَف لَيْل..
سِنْدْرِيلا لَم تَفْقِد فَقَط حِذَائِهَا تِلْك الْلَّيْلَة..
بَل كِبْرِيَائِهَا وَفَرْحَتَهَا..
وَكَذَلِك قَلْبِي لَم يَفْقِد فَقَط حَبِيْبَة..
بَل حَيَاة وأَدّمّيّة !

احَيَانَا افَكِّر كَيْف افْعَل الْأَسْوَأ لَأَحْصُل عَلَي الْأَفْضَل..

وَلَكِن فِي الْحُب عَرَفْت..
أَحْزَنَهَا كَي اشْرَب مِن دَمْعِهَا بَرَكَات وَتَرَانِيْم فِي دِمَائِي..
امْسِك ذِرَاعَهَا حَتَّي تَصْرُخ فِي اذُنِي مُوْسِيْقِي فَيُوَّلِين الْصَّرْخَة..
اقْبَلْهَا حَتَّي تَسْتَنْجِد بْكَيوبِيد لِيَضْرِبَنِي بِسَهْم يُفَيِقْنِي..
وَهَكَذَا فَعَلَت الاسْوَأ وَحَصَلَت عَلَي الْافْضَل فِي الْعِشْق !

تَنْظُر لِعُيُوْنِي اتّفَكّك اطْفَالْا وَشَبَابا وعُوَاجِيّز..

اطْفَالْا تَلْهُو عَلَي رُمُوْشُهَا..
وَشَبَابا وَلُغَة مُرَاهِقَيْن وَاهِيَة تُسَبِّح فِي يَدَيْهَا..
وعُوَاجِيّز يَقْرَأُوْن الْتَّعَاوِيَذ مِن الْجَمِيْلَات وَان يَحْضُرُوْن !

احَيَانَا اطارَح "الْغَرَام" الْغَرَام..

لِيُصْبِح الْعِشْق سَيِّدَة مَنْزِلِي..
وَاصْبَح انَا رُوْتِيْن الْعِشْق الْيَوْمِي..
وَنُقَيِّم حَفَل زَوَاجِنَا فِي عُيُوْنِهِا..عَلَي طُبُوْل الْغَيْرَة وَعَزْف حُمْرَة غَضَبُهُا !

قَلْبِي مَسَاحَات خَضْرَاء وَاسِعَة وَجِبَال شَاهِقَة ..

جِبَال وَرَقِيَّة لَا تَحْتَمِل "الْنَّفْخَة"..
الَا الْغُرُوْر ..
هُو لَا يَتَحَرَّك مِن "نَفْخَة كَاذِبَة" !

لَا اعْرِف دِيَانَتِي..

فَلِي مَسْجِد وَلِي فِي نَفْس الْوَقْت ثَالوّث مُقَدَّس..
الْحُب وَالْعِشْق وَالْغَرَام..
وَلِي قِبْلَة وَلِي "قِبْلَة مَمْنُوْعَة" ..
وَلِي جَنَّة وَنَار وَلِي فِي عَيْنَيْهَا جَنَّة وَنَار..
فَحَاوَل مَعِي..مِن انَّا !

فِي يَوْم قَالَت لِي ..

"مَوْعِدَنَا الثُّلَاثَاء"..
قُبِلَت عَقَارِب الْسَّاعَة قِبْلَتِي الْمَسْمُوْمَة..
وَمَازَال الْوَقْت يَقِف حَتَّي الان مِن يَوْمِهَا كَي اسْتَعَد ..!

شُكْرَا لِلْحُب..

شُكْرَا لِعَيْنَيْهَا..
الَّتِي تَجْعَلْنِي اجْمَع حُزْنِي فِي سَلَّة تُفَّاح لأَرِمِيُّهَا عَلَي الْفَرَح كَمَا الَاطْفَال..
الَي ان يَاتِي الْفَرَح وَيَقْرِّصُنِي مِن اذُنَي..
فَيَكُوْن الْعِقَاب الْجَمِيْل !..

Thursday, May 13, 2010

"أرض الخــــــــــوف"..مهــمة ســـرية لتــسريع الإنـــترنت في مـــصر..






كلنا عارفين فيلم ارض الخوف بتاع احمد زكي اما دخل مهمة سرية محدش يعرفها الا اشخاص معينة عشان يكون جزء من تجارة المخدرات في البلد
مع انه اصلا تبع الامن ويبلغ عن كبار مهنة المخدرات بعد اما يكون كبير زيهم في المخدرات..
دلوقتي الفيلم ده المفروض يتعاد بالظبط بس بدل المخدرات لأ يبقي مقدم خدمة انترنت فاسد لان المهنة دي بقت مستفحلة ومحدش فيها بيسأل عن شكوي ولا غيره
وبقت زي المخدرات بالظبط في الانتشار بس يمكن حتي المخدرات الناس لو اشتكت فيها التجار هيعدلوا الصنف ولكن شركات الانترنت لا استجابة علي الاطلاق..



في بداية الفيلم تبدأ الموسيقي ويجلس احمد زكي الجديد في صالة بلياردو :


احمد زكي "محدثا نفسه" بيحل الكلمات المتقاطعة : كلمة "سرع" معكوسة ؟ معقولة ده سؤال يكتبوه في الكلمات المتقاطعة؟؟ اكيد قصدهم معناها مش عكسها..ايه المسخرة دي ؟

يقاطعه شخصا ما : اتفضل معانا

احمد زكي: ايه يا باشا واللهي العظيم مجاوبت السؤال..انا سيبته فاضي

الشخص: لا عشان سبب تاني خالص متقلقش


يغموا عين احمد زكي ويخدوه علي قصر كبير ويقابل هناك الكبير :

الكبير: انت بقي العقيد احمد سالم ؟

احمد زكي: انا احمد زكي

المخرج: ستووووووووووب ..ايه يا عم احنا هنهرج ..ركز شوية يا استاذ

الكبير: انت بقي العقيد احمد سالم ؟

احمد زكي: امال يعني كبير الفخايدة؟

المخرج: اقسم بالله لو الموضوع ده اتكرر هاجيب ممثل تاني فااااااااهمين ؟

الكبير: انت بقي العقيد احمد سالم؟

احمد زكي: اه انا ..

الكبير: انت مطلوب معانا في مهمة رسمية

احمد زكي: اخيرا افتكرتوني ده انا مرمي من فترة ع الرصيف زي الكلاب ده جزائي يعني؟

الكبير: مصر محتاجاك جدا

احمد زكي: وانا محتاجلها

المخرج:ستووووووب.. وانت محتاجلها؟ اقرا السينارية عدل يا استاذ حرام عليكو بقي

الكبير: عايزينك في مهمة غاية في الخطورة

احمد زكي: اكيد بتتكلم عن موضوع فساد الانترنت في مصر

الكبير: اه طبعا ده اكبر موضوع ع الساحة

احمد زكي: انا جاهز لخدمتكم

الكبير: المهمة مختلفة شوية عن كل المهام السابقة

احمد زكي: المهم الفيلم فيه بوس؟

المخرج: ستوووووووووووب..يا استاذ ابوس ايدك..اه يا سيدي في بوس بس مش م الاول كده لسه بدري ..حرااااااام عليكم بقي هاعتزل الاخراج

الكبير: انت هتكون موزع خدمة انترنت في مصر وهتكبر مع الكبار في المهنة دي وبعدين تبلغنا عن فسادهم..والمهمة دي مش هيعرفها الا انا ووزير الداخلية والحاج محمد اللي علي ناصية شارع القلعة..

المخرج: ستوووووووووووب..انت بتقول ايه انت كمان..الحاج محمد مين اللي هيعرف المهمة؟؟ ماهو كده كل مصر هتعرف المهمة يا اخي ..واللهي هاعتزل..

احمد زكي: طيب طالما المهمة سرية وانتوا بس اللي هتعرفوها عندي سؤال بسيط

الكبير: اتفضل

احمد زكي: انا دوري ايه بقي وانتوا بس اللي عارفين؟

الكبير: يا نهار ازرق..انت اللي هتقوم بالمهمة يا ع............

احمد زكي: هو ايه حكاية الكلمة دي النهاردة دي جتلي برضه في الكلمات المتقاطعة..حاجة غريبة ..

الكبير: وطول الفيلم هتقعد تتكلم بصوتك وتحكي ذكرياتك خطوة خطوة لحد ما تكبر وتبعتلنا اول باول اللي بيحصل معاك
احمد زكي: تمام يا افندم


وانطلق احمد زكي لمهمته لدخول هذا القطاع الفاسد في البلد ومحاولة الابلاغ عن بطئ الخدمة او فساد مزود الخدمة

بعد مرور عشرين سنة...

صوت تخين لاحمد زكي في الفيلم محدثا نفسه :


لم ادري كيف فاتت هذه السنين وانا رهين هذه المهنة الوقحة..لا اعرف اصلا هل يسمعني احد ام اصبحت رهينا للفساد الذي طالني ايضا
تري هل مازال اصحاب الامر يقرأون ما اكتب ام يفضلون عليه مجلة ميكي..!
تري هل اصبحت سرعة 1 ميجا في مصر تعطي الداونلود المطلوب ام طالها الفساد !
كيف ساخرج من هذا الفخ بعد كل هذه السنين ام انني تعودت علي الفساد !



وفي مشهده الشهير مع عبد الرحمن ابو زهرة في الجامع :

عبد الرحمن: جايلك جواب يا استاذ

احمد زكي: هم بعتوك؟

عبد الرحمن: هم مين؟

احمد زكي: قالولك ايه؟

عبد الرحمن: عبيط ده ولا ايه؟

احمد زكي: بلغهم اني لسه بقوم بدوري وهاصلح اليوتيوب في اقرب وقت وهابلغ عن اي مخالفات

عبد الرحمن: ده جواب من شركة بم بم بتاعة اللبان اللي انت بتبعتلها بقالك عشرين سنة وبيقوولك عايزين ايه ؟

احمد زكي "متنرفز" : بم بم؟؟..بم بم يا كللللللللللب..

ويديله حتة دين قلم طير عبد الرحمن علي الارض

عبد الرحمن: يا عم انا ذنبي ايه ..انت اللي بتبعتلهم وقرفتهم بجد عايز ايه من شركة لبان؟

احمد زكي: عايزين تلبسوني جو فيلم "فايت كلب" لااااااااااا مش انا ..انا مش مجنون

عبد الرحمن: فايت ايه وبتاع ايه؟ ياعم انا مالي..انا ساعي بريد

احمد زكي: اخررررررررس يا كللللللللللللللب

ويديله حتة قلم تاني اقوي من اللي قبله

عبد الرحمن: انت ياعم انت المخرج قال هو قلم واحد..ايه اللي بتعمله ده؟

المخرج: ستووووووووووووووووب..انتوا بتقولوا اييييييييييييييييه؟ المخرج قال؟؟ دي كلمة تتقال في الفيلم؟؟

احمد زكي: يعني بم بم هو اللي منطقي بروح امك؟


يظهر صوت احمد زكي مرة اخري محدثا نفسه:

تري هل فعلا كنت اراسل بم بم ؟؟ ولماذا اخترت شركة لبان تحديدا..يمكن عشان الناس "فرقعولي" ؟
تري هل كنت موهوم فعلا طوال المدة التي مضت ولم يكن النت بطئ في مصر اصلا ؟
تري هل استطيع الخروج من هذا الوحل ام اني ساظل حبيسا فيه كموزع فاسد للانترنت ؟
وتري امتي هبطل كلمة "تري" اللي بقالي ساعة بقولها في الفيلم دي ؟ وياتري بتتكتب كده ولا بالطاء ؟


ويجري احمد زكي الي اجهزة الكمبيوتر بسرعة ويقول: لااااا انا مش مجنون ..ده النت بطئ انا متأكد
ثم ياخذ نفسه عندما يجد النت فعلا بطئ وانه في مهمة حقيقة ومكانش بيتهيأله ولا حاجة

احمد زكي: الفيلم قرب يخلص وانا مبوستش

المخرج: خد ياعم البطلة اهي

احمد زكي: ايه ده انتوا بتهرجوا؟؟ ده فيلم كبير..انا عايز ابوس يسرا علي اقل تقدير يعني

المخرج: ياعم دي حلوة ومزة كمان

احمد زكي: لا يا عم انا عايز يسرا ماليش دعوة

فرح: ايه الهبل ده هو انا ايه دوري بالظبط اتباس ؟؟

احمد زكي والمخرج وكاست العمل في صوت واحد : ايوه..!

فرح تغادر مكان العمل ويفرح احمد زكي ويقول: الحمد لله هيجيبولي مزة بقي



وفعلا تتحقق الاحلام ويبوس احمد زكي وكمان يتم القبض علي جميع موزعي الشركات
اللي كانوا بيحطوا مكان "الباند ويدث" تفافة ..

ويقابل الكبير مرة اخري ويسلم عليه في نهاية مختلفة :

الكبير: مبروك

احمد زكي: اخيرا خلص الفيلم ده انا بوست بوس يا برنس

الكبير: كل اللي عارفين السر ماتوا معادا انا

احمد زكي: امال ايه موضوع بم بم ده؟

الكبير: ده اسمنا الحركي

احمد زكي: ههههه العبي يا حكومة

الكبير: افندم؟؟؟

احمد زكي: احم..قصدي يعني حركاتكوا جامدة قوي

الكبير: المهم المهمة نجحت وهنرقيك وهندخلك مهمة سرية تانية المرة دي للكافيهات اللي فيها بلاي استيشن

احمد زكي: انا معاكوا دايما يا افندم وتحت امر مصر



وفي نهاية الفيلم يظهر فيديو يو تيوب بيحمل بسرعة وعلم مصر يرفرف بعد انتهاء فساد مافيا الانترنت..

ارررررررررررض الخوووووووووووف

Tuesday, May 11, 2010

الحكـم حدوتة لاخر فتـفوتة..الجزء الرابع








المرشحين مسكتوش بقي علي الاعلانات دي والحملة اشتدت قوي وبقت حامية الوطيس ..يا جااامد حلوة قوي الوطيس دي ..
وبالمرة نكمل بقيت المصطلحات المثقفة زي العصا والجزرو والمطرقة والسنديان وورقة التوت وعنق الجاجة كده انا سياسي في الجوووول..

جه بقي المعلم حمدين في الانتخابات وعمل حملته الجديدة ضد الحكومة زي اعلان اتصالات :

الحكومة دي مش بنحبها..
يعني اللي بقاله فترة وزهق منها..
والشاب المعارض الكاره امها..
يعني 80 مليون اتخنقوا منها..
والناس اللي اعتصمت و اتسرقت عندها..
يبقي حكومة حمدين دلوقتي وقتها..
حمدين..."دلوقتي وقتها"..



ورجع ايمن نور بحملة ضد البرادعي هو كمان ما هو كله بيخبط في كله زي اعلان سبرايت :

ايمن شاب جامد يعني البوكسر بالنسبة له شئ داخلي مش خارجي..
الحكومة بالنسبة له حاجة ملهاش اي تلاتين لازمة..
كان مصاحب رئيسة حزب وكانت مدلعاه..
يعني من الاخر راااجل مش ماااان..
وده لانه بيشرب سبرايت..
ايمن ..."هو كده"



ولكن الريس مسكتش فعمل اعلان زي بتاع فودافون بتاع العرايس الخشب كلمني شكرا :

راجل في الاتوبيس يغني: رصيدي خلص يا عالم مش عارف اكلم حد..
محتاج لدقيقة او اتنين علشان خلصان الكارت..
ست بترد عليه :رشح رئيسك يا معلم يديك ميت كارت وكارت..
اطفال في الشارع بتغني:
رشحني شكرا رشحني..
او خلي بابا يرشحني..
ابعت لماما ترشحني..

دلوقتي مع اختيارك الزعيم فترة جديدة هتاخد دقايق مجانية كتييييييييييييير..




ورجع بقي عمرو موسي ودخل بقوة باعلانه زي شيبسيكو وبيقول :

كده كده احكامنا مشرعة..
اه كده كده قوانينا مضلعة..
اه كده كده..
كده كده وزرائنا مطرقعة يلااااا
عمرو..كله يضلع نفسه..



وعاد الزعيم مرة اخري وقال انا هارفهكم انا هارفع مستوي معيشتكم ومش هتتكلموا ارضي كله هيغتني وهيعيش وده اعلانا الجديد :

اتكلم دولي يا ابن بلدي..
مع مين مش فارقة دي عندي..
لندن او منوفية..باريس واسكندرية..
الخدمة اكيد مية المية..
اتكلم دولي يا ابن بلدي ..
صوتك ده منغمش قوي عندي..
مع زعيمنا..كله هيتكلم دولي..



تظهر عبلة كامل في حملة البرادعي ..:

عبلة كامل: دي بقعة؟
الفلاحة: امال دي ايه بروح امك؟
عبلة: لا مش قصدي انا قصدي انها بسيطة هنزودها بشوية طين
الفلاحة: ليه القرف ده؟
عبلة: وكمان شوية روث بهايم
الفلاحة: دي انتي مقرفة كيك
عبلة: في فلاحة تقول كيك..ده انتي فلاحة نايتي خالص..
الفلاحة: خلصيني مش طالباكي
عبلة: وكمان هنضيف ريحة ابنك اللي مستحماش من شهرين
الفلاحة: احترمي نفسك يا ست انتي
عبلة: ودلوقتي دي بقعة معفنة معفنة يعني
الفلاحة: والله انتي اللي ست يتفاتلها بلاد
عبلة: كان زمان المساحيق مبتشيلش الكلام ده..البقعة دي زي الفساد بالظبط عايز تغيير
الفلاحة: اه فهمتك يعني " ويند اوف تشينج"
عبلة: مش بقولك فلاحة نايتي
الفلاحة: يعني ننتخب مين عشان البقعة الفاسدة دي تروح
عبلة: مافيش غيره طبعا..برادعيكو
برادعيكو.."بحبيبات القوة الزرقاء"..لا طبعا يا فالح يا اللي هناك مش الفياجرا !



والي اللقاء في حملات جديدة وانتخابات شرسة..






في عينيك الحبيبة






لا تعاتبيني ان افرطت في حبك يوما ..
فأنا لا اعشق علي طريقة الحب..
بل جعلت الحب يسري بين القلوب..علي طريقتي !

واعطي ملامحي الفرصة الكاملة لمصافحة الروعة في عينيك..
واعطي عيوني الفرصة الكاملة لملامسة الدهشة منك..
واعطي قلبي الفرصة ليستنشقك..كقبلة حياته الأخيرة !

دعيني أمر علي "طباعك" رجلا بحصان وسيف ورود..
فأقطع من اشجارها بعض الازهار
لأزين بها شيئا في نفسي..
وأمر علي "أنثاك " طفلا بحصان خشبي..
لأأخذ منها الرقصة لأولي لحصاني..
والابتسامة الأولي لقلبي !

لا تعاتبيني ان قبلتك بلا استأذان ..
فأنا تدفعني الرهبة في صدري..
وفضول لتذوق فلسفة القبلة الأولي..
واصرار علي "قص شريط"الحب الاول !

لا تنعتيني ب "وطنك" الأول ..
فأنا تنقصني "الشرعية" بدون عينيك..
وينقصني "الكيان" بدون همسك..
وينقصني "السلام"..
اذا احببتك..وبقيت أسير للحب..
فأين هو الوطن !

لا تعاتبيني اذا لملمت دموعي من كل حديقة..
هو ليس بدمعي هو دمع الزهر صديقي..
ولا تغيري من الزهر ابدا..
فاذا كان هو "كاتم السر"..
فأنتي السر ذاته !

لا تصبحي جزءا مني ..
بل تأصلي في تفاصيل أجزاء جسدي..
وتعددي في مواضيعي ومناقشاتي..
وتغيري في ما اقول بعدد حروف اللغة..
وما للكلمة من الف معني !..

لا تشعري بالغيرة بل اشعري بالغرور..
فانتي امرأت فطمت مسودة الاوراق عن الخطأ..
ونزعت تباهي القمر بعينيها..
وتحنطت علي يديها مخيلة الأنوثة ..
فالغيرة تكون منك..والغرور لابد ان يعود اليك..!

لا تجعليني استفيق من نومي الا علي عينيك..
فان كان النوم يأخذني الي عالم الأحلام..
فعينيك هي عصاتي السحرية لجعل الواقع حلم..
وصوتك هو اول همسة للقمر في جلسته لتنويم القلب مغناطيسيا..!

دعيني في لحظات صمتك منتظرا للكلمات
وفي لحظات كلامك منتظرا للصمت والخجل..
وفي لحظات بكائك انتظر بشارة اول ابتسامة..
وفي لحظات جفائك انتظر اول بشارة اهتمام..
دعيني ودعيني ودعيني..
انتظر منك كل شئ..وانتظرك في كل شئ ..!

دللي همهمتي كالفتاة..
واصبري علي انيني كالأم..
واركضي علي مشاعري كالطفلة..
وتحدثي مع قلبي كالصديقة ..
فحينها اجد في عينيك الحبيبة !..

فأبدا لا تعاتبيني ..
وان كان العتاب بين العشاق بنكهة الجمال..
فاجعلي عتابنا لا يكتمل..
كي انتظر دائما..
لحظة اكتمال الجمال بيننا..





Saturday, May 8, 2010

الحـكم حـدوتة لأخـر فـتفوتة..الجـزء الثـالث






بنكمل الحملة الانتخابية للرؤساء بتوعنا بعد الحملتين الاولي والتانية عشان الانتخابات بتقرب بقي
والمنافسة علي ودنها كل سنة وانتوا طيبين وعقبال ميت سنة حكم ان شاء الله

بعد الحملة الاولي والتانية اضطر الزعيم يعمل اعلانات جديدة لتكثيف حملته الدعائية وبدأ باعلان

مقرمشات "سو ماتش":

اول الاعلان قطة كارتون كده بتطلع وبتغني "جرب نار الغيرة يا ايمن "

"مين ايمن ده ؟ ده انا انسفه "
"ابقوا شوفوا بقي مين اللي هيطفي نارهم ؟ "

وفي نهاية الاعلان ..

"زعيمنا جامد ..ومالوش في الهتش "



ولكن البرادعي مسكتش وعمل اعلان جامد موت وجاب فيه احمد عز بعربية كروز جديدة :

احمد عز بيدخل العربية :

" العربية ناعمة بس الطرق مكسرة
العربية مالهاش صوت بس خبطها في البلاعات ليه صوت جامد..
العربية شكلها حلو بس بسبب المجاري لونها اتبهدل ..
وكل ده بسبب الاهمال والتسيب.."

وفي نهاية الاعلان بينزل من الكروز وبيقول "انا بحب كروز والبرادعي وبس ".



وايمن نور مسكتش جاب حملة اعلانات تي ايه داتا الجديدة وقيفها علي مقاسه :
في بداية الاعلان واحد بيدخل مصلحة حكومية وبيقولوا هنخلص الورق في يوم
وقعد الراجل يومين وتلاتة واربعة وخمسة
وفي نهاية الاعلان بيقولوا "مش اي حد يقولك حاجة تصدقها ..
الزعيم ليه 70 في المية من سعة الحكم في مصر ..
بس ايمن نور ليه التلاتين..
"مع ايمن.. ادي الحكم لاصحابه "




وبدأت الاغاني الساخرة من الحكم تظهر في حملات الرؤساء :

وعملنا اغنية جديدة للحكومة

"جدو زعيمنا عنده ايه ؟
اايه ايه اوووه..
حكومة تهب هوبة تشب..
تحب اللعب وتنزل لعب..
وزير مجنون يصحي من النوم ..
وينزل سرقة في قوت الشعب..
جدو زعيمنا عنده ايه..
ايه ايه اوووه..
رشاوي كتيرة وسرقة تقيلة..
تجيب الفقر وتمحي الشعب..
وفساد بينونو هوبة يهوهو..
يجيب الضغط لقلب الشعب..
جدو زعيمنا عنده ايه..ايه ايه هوووه..




وطبعا عمل ايمن لحملته اغاني وهو نازل من بالون من السما وبيرمي حمص وعسلية وفاتح اغنية :
"ايمن نور بيقولكم..
يقولنا ايه؟
ايوه انا جيب وجايبلكم..
جايبلنا ايه؟
جوز ولوز ومشبك..وحلبة صفرا علي ترمس .."



وطبعا دخل الاخوان باناشيد اسلامية ولكنهم اختاروا الدعاء المشهور "مولاي" اللي بييجي في اذاعة القرأن الكريم عشان يغيروا فيه ويبقي شعار الحملة :


وبعد التعديل : وهو موجه للزعيم :

"اخواااااااااااان يا اخوااااااااااااااااااااان..
اخوااان نحن سنجعل حكمك طوع يدي..
والناس تريد زعيم سواك يا جميل..
اخواااااااااااان يا اخوااااااااااااااان.. "



وبدأ ايمن نور في حملة جديدة طحن باغراء الناس في نهاية الاعلان بتاع الحاجات الصيني :

"عايز الحلل دي كلها لأ مش ب 400 جنيه ولا 300 جنيه ..
السعر مفاجأة..
بس انتخب ايمن وهنديك كل الحلل دي مجانا..
ايوه مجانا وكمان البطانية اللي بتدفي هدية معاها..
"الحبر الفوسفوري زائد مصاريف الشحن "



ومسكتش البرادعي وعمل اعلان جديد جدا بيقول :
واحد بيقول في الاعلان لواحد تاني: انت بتاكل ايه ؟
قاله: انا باكل شيبسيكو وانت ؟
قاله: لا طبعا باكل برادعيكو
قاله:برادعيكو..؟؟
قاله: طبعا النص الاول من معاهدة برادعيكو بيقول اوعي تنتخبه في الخباثة..
ويظهر طفل صغير : هو ايه معاهدة برادعيكو دي ؟



وعاد زعيمنا لعمل حملة جديدة لقيادات الحزب وعمل خطابه زي حمادة هلال وقال :

الزعيم: ايه يا جماعة الحكم حلو؟؟
الناس: حلو قوي قوي
الزعيم: الحكم حلو؟؟
الناس: حلو قوي قوي
الزعيم فجأة مسك الميك في ايده :
طب ما تقولوله حاجة ده..
طب ما تقولوله حاجة ده...
الحكم حلو ااااه حلو قوي قوي

مع تصفيق حار في القاعة ورقص جامد جدا


وربنا يعدي الانتخابات علي خير..الحكم حدوتة لاخر فتفوتة..



Thursday, May 6, 2010

لا أحد سيقرأ فنجانك



اهداء اليها والي نفسـي والي كل الحمام الزاجل الذي مر يوما معطرا برحيق حديث منها.."





لا أحد سيقرأ فنجانك..لأنك تجلس وحدك في نصفه وتحجب عنا الرؤية..
لا احد سيسمع منك حديثك لأن حديث الأرواح أعذب من همس الشفاه واطيب..
وروحك تغرق في الفنجان كما قطعة سكر ..لكن لا تغير لون القهوة السوداء..!

لا تجعل من عشقك دائك ..فإن مرضت به ..خبئ عن كل الناس مرضك ولا تنس وصية قلبك ..
ان ظهر عليك ذات يوم بدون قصد منك..فستظهر حكمته ..كما الشعر الأبيض في خصلة شعر وجودك ..
لا تجعل من عشقك استثناء لأيامك ..بل اجعل يومك بدون عشق هو الاستثناء الذي تخجل منه .

لا تجعل من حبك رجلا تكتب عنه ولا تخلقه بداخلك كهدية لإمرأة تعشقها ..
واجعله حلم يستفيق علي عينيها ..لتلبس احاسيسك لون الانثي وفساتين السهرة..!

واجعل احلامك ظلا له وزن ..بدلا من ان تكون وزن بلا ظل يحميك ويستر عن رأسك..
واجعل من امنياتك اياتك المنجنيات من عذاب الحب وغدران القلوب..
اعتلي قمة قلبك وشاهد الدنيا برداء الحب الابيض ..فحينها سيكون القمر كقرص مخدر ابيض للحظة !

لا أحد سيقرأ فنجانك ..حاول ان تتخير جانبا اخر منه كي اقرأ تفاصيل مقعدك وطاولتك التي جلست عليها ..
لن تعشق الا اذا شعرت بأن "هي" تنادي لكل رقيق.."فراشة" "نسمة" "همسة" ..وأن "هو" لا تنادي إلا عليك..
فأنت كما رؤيتك للحب ..
من يري الحب كباقات الورود ..سيري الدنيا حدائق وديوان قصائد ..
ومن يري الحب كعنقود أحلام..سيري الدنيا حلمه الاجمل وامنيته الغالية..
اما من يري الحب لحظة ستمر..سيري الدنيا قصر وهمي وسائده السحاب وهديته السراب..

و اجعل من قلبك حجاب مكشوف ..يري الدنيا بلحظات قبل عيونك..
فان رأيت الدنيا بقلبك بلحظات تسبق عينيك..رأيت السعادة بلحظات تسبق العناء..ورأيت الأمل بلحظات تسبق الشقاء..
ولا تحاول ان تسبق منديلك الممدود الي عينيك ليمسح دمعك..
بل اتركه يقرر مصير دموعك..فان قرر ان يتركها علي خدك فاعتبرها حكمته ولا تناقشه..
فاحيانا الدمعة علي الخد تستر ما يكتبه الجبين كقدر وما يكتبه القلب وما سطر ..

واجعل من عيون حبيبتك مسرحا لحياتك تمارس فيه جميع الأدوار المشروعة والغريبة !..
او لوحة تزخرفها بكل الألوان الممنوعة والأشكال المجنونة..وطقوس السحر..

حاذر من سلطان القلب علي جسدك..
ولكن لا تجعل من جسدك ابقي..
فالقلب هو شجرة التفاح الممطرة علي دمك..
وتفاحة واحدة محرمة..ستجدها في يوم ما !

خذ من المطر عاطفته وليست قوته وجرأته..
ومن الشمس اماما لصلاة حياة وحنين..
ومن القمر ضمير ابيض ونبض حالم !

شكل من غدك العاب محاربين طفولية..
كما العاب الورق ..لتحارب بهم اليأس وتجريد الذات..
واصنع من افكارك اطواق زهور لكي تهنئ بسلام في يوم ما بعد الحرب الورقية !

ان احببت فقل لحبيبتك بصوت عال
"استتري في دمائي فاليوم صقيع..
ورشي الماء علي صدري
كي استشعر دخان النبض ورائحة الاحلام المحترقة ..
وتعالي علي نبضاتي وذليها ..كي اشهر ضعفي امامك ..
فتصير التهمة الأبدية "شروع في حب" .. "

لا تعانق نفسك ابدا ولا تخجل منها..
واجعل من عيون الناس المستضعفة لك أحيانا مرايا تري فيها نفسك..
في تلك العين تمشط شعرك وفي تلك تعدل هندامك وفي تلك تصير الأقوي..
فاستغل ما يستضعفونك به..لتستقوي نفسك فيه !

وان اردت التجمل ..فحاول ان تتجمل من ذاتك لتجمل ذاتك..
ولا تجمل الصورة ..فالصورة لا تخلق واقع ..

لا أحد سيقرأ فنجانك ..إلا أنت..فالعرافات الحقيقيات اساطير واوهام..
في اصابعك اشتم رائحة البن القوية من الفنجان..
فلا تخاف إن "مصمصت" اصابعك بأن ذلك يأكل من شئ مكتوب لك..
فلا تضحك عرافتك عليك..ان كانت موجودة !

كل من يحب يحاول ان يحدق في عيون الملائكة التي لا يراها ..
ولكن لا تحدق اكثر ..كي لا يقتبسوا من عينيك الحب ..
ويقتبسوا من صدرك نبض يجعلهم نصف ملاك ويجعلك نصف بشر !

استتر في الدنيا بثلاثة حرائق ..نارها بردا وسلاما..
حبيبة تجلس القرفصاء علي قلبك وتحضر قهوتها علي غليان دمائك..
وقلم يكتب ما تشعره ويحرق في الأوراق مشاعرك واحاسيسك..
وصديق يهدئ فيك النار ويشعل فيك جذوة الصداقة الابدية..

استلهم من صمتك صوت الحب..
وطيور الجنة الخفية التي تطير في غرفتك الصماء..
واسمع في صمتك اصواتا لم تتخيلها لو كنت عشقت !

استدعي جنونك في لحظات تعقلك وتأملك..
لأن جنونك لو شهد علي الجلسة..
سيصير حتي جنونك..متأمل في الدنيا وفي الحب..!

بارك لمن عشق وتبارك من يده ومن نظراته المكسورة..
ومن خطوته الضعيفة وكلماته الواثبة..
اخطف من كسرته اميرة علي جوادك واهرب في خيال الحب..
لتقابل اميرتك انت هناك..
وهذا علاج الحب بالحب !

لا تجعل من النساء شكل جميل وعيون رقيقة..
بل اجعل من جمالها فلسفتك..ومن صوتها امسياتك الوحيدة..
ومن برائتها طفولتك الجديدة..ومن خاتمها وحلقها العاب طقولتك تلك !

لا تتوهم صوت ضميرك هو لا يتحدث ..
لكن احيانا تراه في نفسك التائهة او روحك المسلوبة..
فحدثه وهما..وانظر اليه حقيقة ووجودا !
لا تهرب منه ابدا..هو لا يعرف عن الحب الا انت..!

حين تعشق خذ من علامات وتفاصيل وجهك سجادة مفروشة الي الحب..
والقي علي السجادة ازهار من عرق حواسك ..
وياسمين وبنفسج من شهقتك المرتعشة من الخوف..
فذلك استقبال الحب الأجمل ..!

ولا تتحدث كثيرا عن الجمال ولكن ادفنه بداخلك
كي يصبح مثل تنفسك حدث لحظي..لا شئ خارق..
فالجمال له منطقه الخاص وفكره الخاص..
ان افتتنت به اصبح سيدك..
وان جعلته واقعا لك اصبحت له صديقا ومخلصا !

قصيدة قلبك أنثي..فلا تنطق في الحب الا شعرا
ولا تهمس في اذن قلبك الا لغات العشق..
ولا ترقص مع احساسك الا في حضرة موسيقي انوثتها ..!

خطوط واهية جدا بين الواقع والحلم تسمي "حياتك"..
فان اسرفت في احدي الطرفين..
ستتمزق تلك الخيوط..فحاول ان توازن !

لا تصيح في وجه طيور النورس علي معصمك..
فهي لا توجد الا لأنها تشعر ان وريدك ميناء للحب..
ومهد لعشق قادم ..والنورس عشقه الابدي الميناء ..!

استسلم للحب..فهي ليست حرب معلنة بينكما ..
فالحب المنتصر بدون اعلان للحرب وبدون الهدنة المطلوبة من قلبك..
فخيارك الوحيد في الحب السلام..وعلي الحب السلام..!

ولو ذاب السراب داخل صدرك..
فتخيل الوهم كحقيقة..او تخيل الوهم إمرأة..
فحينها يصبح سرابك..حقيقة إمرأة !

اعتلي النسيم ولا تستنشقه..
كي تصبح طائرا خفيفا يطير علي جناحيه..
فتمر به علي عذوبة النهر وملح البحر..
فتصبح ايامك يوم عذب واخر كالبحر
بفعل النسيم !

لا تحدث قلمك ابدا اثناء كتابته..
فالأن فكره مستقل..وسنه مستقل..وحديثه مع الاوراق سر له..
وان كان سر منك انت ..
فأنتم الأن شخصين مختلفين ولكن بينكما "توارد افكار" !

حياتك بين حدائق مزهرة فوق جبال عالية..
الجمال ستجده في صوت طير او دغدغة هواء بارد..
والفرحة ستجدها في طفلة تلهو او زنبقة تتهاوي..
والحب ستجده..كصدي صوت الحياة بين الجبال..!

احيانا لانفرق بين صوت الضحك والانين المكتوم..
حتي الوجه لا يفرق بينهما احيانا..
ولكن فقط من يري القلوب لا العيون سيعرف..
وهم قليلون !

لا تذهب للنوم الا اذا طلب منك الحلم ذلك..
ولا تشرب من كأس الا اذا كانت تشعر بشفاهك..وظمأك..
ولا تذهب للحب الا اذا كان ينادي عليك..
فالاحساس ليس "حرف نداء"..ولكنه دائما منادي..!

وحاول جاهدا أن تقرأ فنجانك..مرة اخيرة..
او بدله بفنجان أخر..
وقدر أخر..!




Tuesday, May 4, 2010

جت سـليمة يا عـم الحـاج






المطيباتي هو شخص بيطيب او بيشتغل الشخص الاخر بافعال تهون عليه او حتي مش علي الاشخاص بس ساعات بيطيب ع الاجهزة حتي
مثلا اليو اس بي بايظ واحد جانبك يقولك هاته بس ومالكش دعوة
تقوله يا عم هتعمل فيه ايه هتعرف تصلحه؟ يقولك ملكش دعوة بس هاته..وبسر غريب يقعد ينفخ فيه والمصيبة انه يشتغل في الاخر
يقولك شفت بقي ؟ وتقعد انت يا عيني مذهول

والناس اللي في ملاعبنا بتوع العلاج الطبيعي كتير منهم ولا علاج ولا نيلة هو يرشلك البنج ويطبطب واللعيب بيتلوي وتلاقي زميله كمان بيجري ويطبطب عليه علي اساس ايده بقي فيها الشفا
ونظام اطبطب وادلع في الطب الحديث مثلا

اسوأ نوع بقي المطيباتي العبيط زي فيلم محمد هنيدي فول الصين اما كان بيقول للراجل الصيني "يا اهبل..يا اهبل.."
حادثة كبيرة في الشارع والراجل اتقلب من ع الموتوسيكل وتقريبا رجله ادغدغت وداس عليها عربيتين والراجل بيجري عليه ويقوله "جت سليمة ! "
ههههههههه سليمة ازاي يعني ؟ حادثة دي ولا تسلخات يعني ؟ علي رأي امير البحار ..

تقعد في القهوة تلاقي الراجل وراك واحنا مغلوبين اربعة صفر يقول "معلش بس هنفوز ان شاء الله "
يا سيدي احنا في الدقيقة 80 يقولك الجون بييجي في ثانية يا عم ثانية ايه بنلاعب فرنسا يقولك ربنا كبير !
ايه علاقة ده باننا اتغلبنا خلاص ؟ لدرجة اننا قولتله طيب لو فوزنا خمسة اربعة في عشر دقايق هديك متين جنيه حالا اهو والغريبة ان الرجل تحمس وكاننا هنفوز بجد وضربت بكفي علي راسي ومش مصدق الراجل ده..

واكتر الكلمات المطياباتية زي "غمة وتنزاح" "سحابة صيف" "ازمة وتروح لحالها" حتي اللي في حالة ضنك يقولك ازمة وتعدي ..

الشعب المصري مطيباتي بطبعه ده اكيد بس انواع بتفرق عن انواع
مرة بقي تطييب من دول قلب بخناقة اقولك ازاي ساعات بنقول الحمد لله علي كل حاجة اتنين بقي سواقين طقشوا في بعض ع الطريق
نزل التالت صاحبهم والميكروباصات متحطمة تماما الراجل بيشتكيلوا بيقولوا "خرب بيتي الله يخرب بيته " قاله التاني بنوع من التطييب "الحمد لله "
اتخانقوا مع بعض ومسكه عجنه ع الطريق هههههههه افتكروا شمتان فيه مع انه بيطيب خاطره يعني بالحمد لله
وكلمة "ربنا كبير" برضه يا جماعة دي كلمة مطيباتية وطبعا ربنا كبير بس الكلمة دي مبترجعش حق ولا بتضيع ظلم يعني

انا بقالي ست سنين بقول "غمة وتنزاح" علي حال الانترنت عندي ومافيش فايدة الظاهر دي غمة مش قابلة للازاحة ولا بتحرك من مكانها

واكتر نوع منتشر بقي هو نوع "المواقف المركبة" زي ايه كل ما واحد مثلا بيته ولع يقولك احمد ربنا انك مكونتش موجود
واحد عربيته بتتحرق يقولك احمد ربنا انها مش العربية الجديدة اللي كنت هتجيبها قريب
واحد بنته ماتت في حادثة يقولك احمد ربنا ان انتوا مكونتوش كلكم في عربية واحدة
ياعم حمد ربنا واجب بس ليه دايما تتوقع الاسوأ يعني انا اقولك بنتي ماتت تقولي الحمد لله انكوا مش كلكم متتم هههههههه ايه النق والسيرة الهباب دي ياعم راعي شعوري طيب
واكبر مطيباتي طبعا كلنا عارفينه "حكومتنا الجميلة" بيعملوا دايما "تقرير ختامي للتطييب " كل سنة وتقارير تطييب الخاطر للشعب
وشوية تصريحات التطييب في كل عيد عمال وخلي الشعب يعيش يا عم
يعني التطييب عندنا من اكبر راس لأصغر راس يعني صنعة مصرية بالبلدي كده
ومعلش اعتبروا الموضوع ده "سحابة صيف" !

Sunday, May 2, 2010

حورية خرجت من عينيك..!











تعالي نهامس غزل الليل بحديث ورود من شفتيك..
لنعانق جرأتنا بلون الحمرة الخجلية في خديك..
فيصير الخجل جريئا ..والجرأة علي استحياء !

تعالي لنلعب كل الألعاب الطفولية بلون الحب..
اختبأي بين الزهر لكي ابحث عنكي..
ولكن لن تجدي اللعبة فلن اعرف فرقا بين الزهر وبين جبينك..!

او اجعلني اجري خلفك في حديقة في الجنة..
ولكن لن تجدي اللعبة فن اعرف فرقا بينك وبين الحلم الذي اجري وراءه منذ سنين !

او اغمضي عيوني بغطاء رأسك واجعلني ابحث عنك..
ولكن لن تجدي اللعبة ..فلن اعرف فرقا بين ما اراه وبين خيالي الذي كنتي دائما فيه !

او دوخي بين نساء الارض واجعليني اعرفك من عطرك بينهن..
ولكن لن تجدي اللعبة ..سيقودني عطرك لمكان واحد..فقط للجنة !

لن تجدي الالعاب الطفولية لتفسر عاطفة تحتاج لنقش وخلود..
تعالي نصيغ افاقا اخري وسماءا اخري وارض اخري منك..
ارض كسراب يتأكل كي يصبح علي شكل "نون النسوة" ..
وسماءا تصفي كي تصبح علي شكل حورية خرجت من عينيك..!

دعيني ابارك منكي صفاتي..فأغسلها بثلج الحب وبردك..
واصبغ كل دقيقة من عمري بلون انينك..
واحضن لغة الارقام في عمري بلغة الحروف الوردية في اسمك..
فيصير عمري اسما وكنيتي عدد سنين عمرك انتي..!

دعيني أكون الرجل الأوحد في حلم انوثتك الأجمل..
وازاحم في شرايينك كل قصور النور بابتسامة وزهرة سحرية..
واداعب نسمة روحك بعبير من نظرة عينيك ..
لأكون رجل حلمك الأول ..وانتي انثي حلمي وفراشته !

خبيئيني في بعض من قلقك في ساعة ليل..
في كلمة كتبتيها في ورقة سرية تحت وسادتك في منتصف الليل..
في سطر فكرتي فيه لبضع دقائق عني ..
او تنهيدة حب في بعض حكايات البنات عن حبي لكي..!

دعيني امشط شعر المساء واتركه للاحلام ليتركنا معا وينام..
واكون علي غمزة خديك بلون البسمة في شوارع الخجل..
ودعي لهفتي تراقص اهتمامك..
لنترك علي ساحة الرقص "حب" بين اللهفة والاهتمام !

واتركي يديك بين يداي في ساعة المطر..
كي لا يجمع ايادينا بضع خواتم فقط..
بل مطر ونسيم وصخب الشارع..
اي تجمع ايادينا "الحياة" !

ان ناديتك لا تلتفتي الي..
دعي ندائي يجري بين اذنيك كحدث عادي..
فاحيانا الشعور ب "اللاستثنائية"..يمنح العاشق صفة "المميز" !

واتركيني افسر لكي كل احلامك..
بلا وصف ب "الدجل" او "الشعوذة"..
واتركيني عرافتك وصوت اصداف مصيرك..
كي يكون دائما مصيرك "انا"..
و "سكة سفرك" أنا ..!

اهربي من كل الاحداث اليومية..
وكل الصحف اليومية..
وكل الاوجاع اليومية..
في حضني الوحيد..الذي جعلتيه دائما "خبرك العاجل "
بلا صحف ولا كلمات !

سأصنع لكي من اللحظات بساط ...
تسيري عليه بالحنة علي قدميكي..
وتسمع اللحظة صوت خلخالك..
فتظنها "دقات الساعة"..
فتصير الساعة اسرع..واللحظة أجمل !

اجعلني بعض من رحيلك ان رحلتي..
وبقائك ان بقيتي قليلا..
فان كنت ثوان تمر عليك..
فانتي عمر كامل يمر علي كل لحظة..وكل نظرة !

لا اريد بأن اسمع اسمي من شفتيك كما يريد كل عاشق من حبيبته..
بل اريد بأن اسمع اسمك انتي من شفتيك..
كي يخرج اسمك "كلحظة اكتمال انوثة"..
انتظر كمالها ..اثناء حديثنا معا !

دعينا نصنع من مشاعرنا مراكب ورقية..
نسابق بها العمر في نهر الحب..
وان كانت بلا شراع..
تكفيها دفقات الهمس الخارج من شفتينا لكي يجري بدفتها !

واعذريني ان كان وجهي شاحبا قليلا..
فأنا ابتلعت "سريرك" امس ..
نعم ابتلعت "القمر"..
كي استطيع ان اتحدث معك اليوم ..
بحروف قمرية ..لإمرأة تعودت ان تنام علي القمر..!






Saturday, May 1, 2010

الكـدب الأبيـض ينفـع في اليـوم الإسـود







الكذب الابيض عندنا شئ ممكن تقوله ومسموح تقوله لأنه مش هيضر حد ومش هيأدي لمشكلة
وحاجات كتير بنشوفها كذب ابيض سواء في شركات او افراد او اقتراحات حتي ميتردش عليها غير "انت اكيد بتكدب ! "
تقتح مثلا قائمة طعام المطعم اللي جنب بيتكم وانت اصلا مثلا في مدينة صغيرة او قرية
يقولك صنف "ساندويتش كوبا كابانا بالأعشاب الفرنسية "
طيب بالذمة ده كذب لونه ايه ؟؟ ده حتي مش ابيض ده اسود
يعني انا قاعد في البلد اللي بتتلخلخ تحتي دي زي ضرس وتقولي اعشاب فرنسية ؟؟
يا عم ده انت لو حطيت جرجير تبقي بتهيص علينا ..عايز تحرجه بجد اقرالك كام نوع كده من الاعشاب الفرنسية ع الانترنت
وخش قوله ده اي نوع بقي ورصله الانواع هتلاقيه اعترف فورا...ههههههههه

النوع التاني للشخص اللي بيهيص علينا مرة شوفته عند حلاق كان في انتخابات للنادي الحقير اللي عندنا وهو قريب واحد من المرشحين
قعد يقول انا عندي شوية اقتراحات هاقولها لقريبي لتطوير النادي اسمع بقي الاقتراحات دي يا عم الحاج وقال للحلاق :
اولا احنا نعمل بوابة الكترونية بكرنيها ممغنطة او ممكن ببصمة الصباع اي واللهي ببصمة الصباع
وممكن نحط حمامين سباحة بمساحة كبيرة وقسم خاص للحريمي
واضواء كاشفة بالليزر "مش عارف ازاي" للملاعب وصالة مغطاة علي احدث مستوي في مساحة جديدة
المهم الراجل ده غاظني اوي وانا خارج قولتله " ونحط يافطة كبيرة نقول فيها "الأرسنال او مانشيستر يونايتد "
الراجل اتضايق وافتكر اني بألس عليه هههههه طيب ما انا لازم أألس عليه هو بيقول اي كلام طبعا
قال بصمة صباع قال ياعم هو انت عارف تقعد ع النت في بلدك دي لما هتخش نادي ببصمة الصباع ؟فوق بقي..

واحد تاني في عيادة دكتور قعد ساعة يكلم صاحبه علي فوايد الحشيش وانه قرا علي النت انه مش زي البانجو والحاجات دي
بالعكس ده له فوايد صحية كمان حتي شكسبير كان بيضرب حشيش ودخلت معاه في المناقشة المتخلفة دي
وقولتله انا شايف انهم يدعموه واللهي للغلابة او يوزعوه علي بطاقة التموين وبعدين ده له كتب كتير في فوايده اكيد
زي كتاب "السكر السنترافيش في فوايد الحشيش " لابن ابي الحشاش
ومشيت وسيبته ورحت قعدت في حتة تانية ساعات تبقي مش عايز تخش في حوار الناس اللي جنبك لكن في مصر بتضطر فعلا غصب عنك
ماهو كلام ميعقلش برضه حشيش ايه بس اللي ليه فوايد ده حشيش النحل زي عسل النحل ولا ايه يعني ؟؟ وشكسبير كان بيشرب حشيش انا سمعت الاشاعة دي فعلا
قبل كده بس طبعا ده هري كبير يعني ..

والكذب بقي اللي علي كبير زي كذب الشركات الكبيرة زي شركات الانترزفت في مصر..اعذروني هو ميتسماش غير كده عندنا مش انترنت اكيد
لانه بسرعته دي المفروض يعمله فيلم تسجيلي عنه في اوروبا ويحطوا موسيقي حزينة بجد علي وضع التكنولوجيا عندنا والسنترالات
يقولك متصدقش كلام اي حد وخلي النت لاصحابه ههههههههه صباح الكدب البنفسجي مش الابيض
ده انتوا نتكم ماشي بنظام "هو كله نت نت مافيش شتيمة " وتقولي خلي النت لاصحابه طيب سيبوه لاصحابه بقي
وطبعا الكدب الحكومي انا معرفش لونه ولسه محدش في مصر يعرف لونه لانه خليط من كل الالوان مش ابيض ولا اسود ولا قمحي لون خيرك يا مصر حتي
كدب التصريحات والوعود والانجازات والمقترحات والبرامج الانتخابية والنزاهة والشفافية والمقالات الرسمية وغيره وغيره من الوان اكتر بكتير من درجات الالوان
وزي محلات الملابس طبعا اكبر نموذج كذب "البنطلون ده تركي..يوناني..امريكي..صيني..ومش عارف ايه واي كلام وهو انتاج مصانع الفار السعيد في مخزن ام حمادة اساسا

لكن في مصر "الكدب الابيض ينفع في اليوم الاسود "