Friday, July 31, 2009

لم تتحسن الخدمــة



لم تتحسن الخدمة رغم رسائلي المتوالية:


..لا اعرف حقا
احترت كثيرا عندما كنت اقرأ فاتحة الله هل انتم المغضوب عليهم ام الضالين؟

تحيتكم ليس فيها سلام تحيتكم تكون "السواد عليكم"..
ربما فهمتم بيت الشعر القائل "وبضدها تتميز الاشياء " بشكل خاطئ..بطئكم ليس ميزة..
بطئ خدمتكم فجوة زمنية قاصرة بين الانحلال وتفكك القيم الرفيعة..
او اعصار دائر يأكل ما يراه ولا يراه بلا رحمة..

ثكلتكم امهاتكم ونعرت بطونها بما فيها من قذر القول والعمل..
مثواكم؟ لن احدثكم عن مثواكم فأنت المثوي وانتم قبور انفسكم..
انتم عقاب نفسكم وعاقبة امركم وخاتمة جهلكم..
ألا قبحكم الله في كل فجر وفي كل ليل حتي تنالوا سخط ومذلة..

تحتاجون لمرأة من الاساطير ولكن لتسألونها "من اقبح مني يا ايتها المرأة "
فترد المراة " لا اقبح منكم الا انتم والثالث شرفكم والرابع وجودكم والخامس هيئتكم"

انا لا اتمني الموت سوي لثلاثة " شيطان يغوي المهتدي وسلاح في يد معتدي وانتم"
لا اجد الوصف الكامل لمفاسدكم ورعونتكم وشظايا ردتكم..

يا مؤسسة بلا تأسيس وهيئة بلا هيئة وكيان بلا كينونة وشئ لا يشاءه احد..
يا احقر ما نطقت لسان واسفل ما وجد في بدن انسان..
يا روث البقر المريض وقاع من قاع الحضيض..

سأظل معكم دائما لحين اموت..
اموت وانا اسبكم ذلك يسعدني جدا ويزيدني شرفا ان اراكم غاضبين مني فحينها اشعر اني شريف جدا..
وحتي لو رددتم علي السباب فأذكركم دائما بهذا البيت "اذا اتتني مذمتي من ناقص فهي شهادة لي باني كامل"

وشكرا ايها السادة بلا سيادة

Thursday, July 30, 2009

الميل الاخير للشركة



ده اخر ايميل بعته لشركة النت اللي مش عاجباني خدمتها وده راي فيهم بكل وضوح وارسلته ليهم امبارح:




اليكم بلا صفة ولا تأويل..اليكم بكل استخفاف بلا صيغة مفرد أو جمع ..فقط اليكم..

لم اعرف فرقا بين صفتين قبيحتين الا عندما استخدمت خدمتكم العفنة..لم اعرف كيف يكون تشابه كلمتين الغباء والبغاء مقصدا وغاية من أجلكم..
كلوا واشربوا وقروا عينا واتركونا في بحر قباحتكم اسماكا وذيولا..
طرقعوا الكؤوس واحتفلوا بنخب انتصاركم علي جثتنا ..وكلوا من ترابنا ومن شهد ارواحنا هنيئا مريئا..
ولكن سيكون لكم يوما تسحبون فيه من اعناقكم وفي سلسلة طولها سبعون الف ذراعا سيجر مديركم ورأسكم الفاسد..
يا شبكة الدعارة الالكترونية ..يا خدمة وهمية..يا سراب قذر لعاهرات وغواني وعابر السبيل يموت..
خدمة العملاء ؟ اي خدمة عملاء ؟ هم مجرد عملاء وجواسيس وطابور خامس وسادس وسابع ايضا..
شركتكم ادارت لنا ظهورها كثيرا وانا اسبح انهم كفرة مناجيس بكرة واصيلا..
الخدمة ليست بطيئة فكلمة بطيئة تشرف خدمتكم مع انها كلمة قاصرة ولكن القصر لكم شرف والنقص فيكم ترف..
لا تقل بذائتكم عن من يبيع الأطفال ويسرق الأرحام ويسرق ويقامر ويقتل..ولا تقل قذارتكم عن فخذ كلب ميت في حارة مليئة بالبارات في ايام النكسة..
وعرفت ايضا كيف يفرق حرف بين الوضيع والوديع وبين الترف والقرف حين استخدمت خدمتكم..
خدمتكم تمتد بكابلات من تحت بحار احسبها بحار من بول الشعب وأكثر..
يا بضعة نخاسين وقواد يا علي بابا ومائة حرامي يا رعاة الفساد الرسميين يا حرامية بلا عسكر يا افاقين ..
استشهد عليكم ببيت المتنبي حين يقول "كل العبيد انجاس مناكيد" وحين يقول العقاد "فشت الجهالة واستفاض المنكر فالحق يهمس والضلالة تجهر"
والي الانترنت الخاص بكم كما قال مظفر النواب "سأبول عليه واسكر ثم ابول عليه واسكر ثم تبولين عليه ونسكر"
يا سمة الداعرين وحفنة من المنافقين يا اقران الرخص والهوان..
يا اشباح الكرامة وبقايا خمر في كأس لامس شفاه الشياطين..
لا شئ فيكم أطهر منكم بل كل تنافسكم في صفة "الأحقر"..
يا عبيد الجريمة يا ارواح سقيمة يا موبؤين ومنسيين وسريين ومخصيين..
يا انتم ..منكرة غير معرفة
يا كل خسيس ودسيس بين الشرف وبين الفساد..
يا طواف العفن علي الكفن..يا سدة الحكم اللئيم..
يا سادة في الضعف..وقائدين في القبح..وزعماء في الحقارة..
وشكرا

Wednesday, July 29, 2009

احيانــا اسأل نفسي


بين كذب المشاعر وصدقها:

حكيم غيم دنيتنا ..
فلا اظهر ما اخفاه..
فمن ارخي مدامعه..
فكل الناس تنساه..
ولو مات علي كذب..
فكل الخلق يخشاه..


والحب؟:

الحب ذا صوت الخلود ..
وبحبره شعر الوجود..
لو سافرت الحانه..
لو يختفي دهرا يعود..


والأصدقــاء؟ :

ولو امضي زماني بغير خل..
ولم اترك حياتي بلا رفيق..
كل ابن ادم تحسبه ملاك
ساير الشيطان بعض من طريق

والحب الأول؟ :

فأول الحب نيران تخلد..
والجرح يثخن في صقيع دمائي..
وان تتابعت السنين فموته
ستراه ابعد من سحاب سمائي
ومهما تقتلت القلوب وراءه
كنت اقدم في ثراه عزائي

والحيرة ؟ :

يا قارئا في الدمع هل تبلغني..
عن ما شقا في القلب او سعدا؟..
وهل لدمع بعد اليوم مسطور ..
علي الحبيب ويا وعد وما وعدا..
وهل ساصبح مثل الليل مفطورا
قلبي يساءل ان جاء او ابتعدا..
وهل سارسم من احزاني ابياتا ..
علي السحاب فما شقي ولا ارتعدا..
عشت الحياة انا للحب قربانا..
فما لقيت ولا فرحا ولا كمدا..
وذهبت اطعن في الذكري مواجعها..
فمات قلبي فان ذهب بلا رجعة..

العذاب :

غاب النهار فما لليل امنية
الا عيونا قد كانت تواسيني
قد غاب يحلم مثل الطفل في صدري
ثم استكان لعل الفجر يرضيني
لو كان يعلم ان الفجر انزفه
ما كان ليلي للفح الفجر يرميني


بين الأمس واليوم :

قرات امسي فقلت اليوم احياه
فعشت امسي الذي كنت سانساه
تركت نفسي ليوم كان قد ولي
ما اقسي قلبي ويومي ذا ما اقساه
فرد قلبي وقال هل تعاتبني؟
هذا السؤال هو ما كنت اخشاه
فما عاتبتك يا قلبي ولكني
عشت الغرام واحيا لعلي انساه



Monday, July 27, 2009

تراجيديا من لم يــأتي بــعد

لم اولد بعد كي اعرف كيف تكون عيونك بللوة حظ الحسن..
وكيف يكون نهاري بنكهة عطرك والليل شهبندر الأشواق..
لا اصحو من غرامي الا قليلا..

لأفسر طلعة حلم او اهرب ببراق الي جنات يداك الحسان..
كي اصبح خاتمة كمالك فاهرب من كوني بشرا سويا الي ملاك عبقري..

كي اخلق من طين الشعر خناجر تتصيدني علي لوح خشبي كألعاب السيرك..
كي اعرف هزيمتي في هذا الحفل علي انتصاري .فتعشقه..
ليتعرف كل الزهر علي عينيك ..الامبراطورية التي لا يغيب عنها الجمال..

ليقبل كل الزهر اصابعك كانحناءة الخريف في قلب الربيع..
ليخرج هذا الزهر سكيرا ويبلغ كل ملاك بأنه راي ما لا عين رات ولا خطر علي قلب بشر..

دعيني اخرج مني..
لاشم زهرة روحك كي يلبسني عفريت الحب فأحبك كيما يستحق جمالك..
واصنع بين رموشك ملجأ يحميني من غرامي..اهرب منه اليه..

ولكني لم اولد بعد..
لو اخرج الي هذا العالم سأخذ تطعيما ضد الحب..
واستعيذ بالله وبالبنفسج من سكن الحب بخلايا جسدي..
واهرب من عيون حواء كهروبي من المجهول ومن الموت..

ولكني لم اولد بعد..
كي اعرف كيف تمضغنا الامنيات وكيف ترسو الاحلام بلا موانئ..
وكيف يتخبط القمر سكيرا بين النجوم يبحث عن نهار يغنيه عن دمع الليل..
وكيف تكون مأدبة كيوبيد من كأس ضحايا واطباق فراق وعذاب..

لم اخرج للزمن الابيض..
قالوا الاخبر..
قالوا الأسود..
ولكني لم اخرج بعد..
لأشياء عدة..

لم اخرج لتلون حواء وحقد القلب وضغينة الصدور ودموع الكذب..
وشهادات الزور وقهقهة الانفاس وبغض الاحساس وذنوب الطرقات..
وقعقعة السواد وتفتت الأواصر وحكم الكفار ونكاية الأقارب..
وحسد البعيد وذل الحبيب وعذاب الواقع واستفاقة الكره وفرية العصبة وتفانين الشر..
وتعاليم الكر وسترة الاخلاق ومصرع الأذواق ورهانات الضمائر وانهزامية المصائر..
وصراعات القلة وموت الأكثرية وغضب الأرض واغتصاب العرض ومشانق الرحمات..
وتوابيت الشرف وصحبة الفساد ونبرة السواد وقذارة فلان ولسان علان..
وقربة من يخور وفرقة من يقول وعلم الضالة وثبات النهايات وتكرار الأمر ..
وهزيمة الواضح ونكسة المستتر وكحل العين الكاذب وكفر الشفاه الجميلة وكذب خواتمنا وكذب عقودنا ..


لا لم اخرج الي هذا الزمن الرخيص..
انالست امامك الأن..
ولكني..
حزين قليلا في عالمي ولم اخرج بعد..

Tuesday, July 21, 2009

اوعي العــالمي



احنا كل ما فيلم بينجح عندنا بنقول ياااه الفيلم ده جامد جدا ..لا ده شديد..لا ده عالمي ! ودي اقصي درجة ممكن نقولها في الافلام..
طيب برة بيقولوا ايه تخيل اتنين امريكان واقفين قدام السينما بيقولوا يا اخي الفيلم ده عالمي ..ايوه عالمي هيروح فين يعني ماهو عالمي يعني في امريكا واوروبا..

يبقي الامريكان قصدهم ايه بفيلم عالمي انه جه مصر يعني؟ ولا اتعرض في السعودية مثلا؟

وانا بكلم واحد من كام يوم بقولوا شوفت فيلم كذا "فيلم اجنبي " قالي اوعي ده فيلم عالمي ..جملة عجيبة اوي علي فيلم اجنبي ..يمكن عالمي عشان وصله مثلا من امريكا..وبما ان الفيلم طار من امريكا لميت غمر يبقي فعلا عالمي وعالمي قوي بغباء..!


وبعدين احنا عندنا الممثلين غير العالم كله كلهم في مشاغل غريبة جدا يعني مني زكي ملهية في الصابون وبتتخانق مع احمد حلمي ع العربية وعلا غانم في زيت شعرها اللي مجننها وحسن حسني وهالة فاخر اكيد في معسكر الزبدة الفلاحي علطول ونانسي عجرم واليسا مسكوا الدهب مش سايبينه حتي مهند ساب نور عشان يقعد يقول شعر للسيراميك يا عيني اتجنن باين ويحي ساب لميس وراح يعلن علي المفروشات وريهام عبد الغفور وداليا البحير دول مسكوا قطاع البوتاجازات وابو تريكة سر قوته شرب عصير تويست وبركات سر سرعته جبنة طعمة مثلثات .

طيب ايه الاعلانات اللي انت مش ممكن تتخيلها ؟ اقولك :

محمد الحلو يعمل اعلان لبان
علي الحجار يعمل اعلان مرسيدس
عمرو اديب يعمل اعلان جل شعر
سامي العدل يعمل اعلان مزيل عرق
مها احمد تعمل اعلان مستحضر تخسيس
عائشة الكيلاني تعمل اعلان مزيل حب الشباب
عمرو خالد يعمل اعلان قرية سياحية


اكيد ساعتها شركة الاعلانات هتضرب بالنار للاختيارات دي.

///////////////////////////////////////////////

***حاجة تانية بقي حكاية الانتماء في مصر اختلفت اوي عن زمان ..يعني كل شوية بتتشعب ومش عارف هتروح فين بعد كده كان الاول انت مصري ولا خليجي؟..وبعدين اهلاوي ولا زملكاوي ودخلنا في عصر انت تمراوي ولا عمراوي وبعدين العصر السخام بقي بتاع مسابقات التليفون علي مزيكا وميلودي
بقي السؤال انت تركساوي ولا جيماوي "نسبة الي جيم تيم وميلودي تريكس اشهر برامج المسابقات"
وبقي في فيس بكاوي ومارينز"نسبة لمارينا" وربنا يزيد ويبارك..

////////////////////////////////////////////////

***وبعدين في ناس تسألهم انت اهلاوي ولا زملكاوي يقولك بسرعة: زملكاوي؟
ايوه متستغربش من علامة الاستفهام هو بيرد كده لأن في ناس كتير تسالها ترد عليك في شكل سؤال ودول عندنا في مصر كتير اوي
تقوله كلت ايه انبارح يكون رده : ارانب ؟
انت في سنة كام يقول : تالتة؟
وتحس انك بتنبح في صوتك وانا قعدت مع واحد من دول وطلعت روحي كل سؤال يرد باجابته في شكل سؤال ودي مأساة في الحوار واللهي..

اسمك ايه؟
احمد؟

انت هتمشي؟
ايوه؟

/////////////////////////////////////////////////

***وبيكون الحوار كارثي لو مع بنت بالشكل ده من واقع خبرتي بالبنات "طبعا انا بكذب" بقول ان في تلات انواع في التليفونات:

النوع المتحفز وهو بتحس انه مستني الكلمة ومش هتفوت عليه وصاحية جدا للي بتقوله وبتحلله ومينفعش تثبتها بكلمتين "رخمة رخمة يعني"
والنوع النعسان وهو نوع نايم علطول حتي لو كلمتهاالضهر تحس انها نايمة ودي ممكن تقولها "علي فكرة بيقولوا عالجوا الاعوجاج الانفي لمحمد سعد" تقولك كلامك جميل اوي.
والنوع الحالم اللي ممكن يعيط في اي جزء في الحوار بدون سبب وبتكون معظم المكالمة "الو..الو..انتي معايا؟" "لا يا حبيبي معلش كنت بعيط"
والنوع البجح اللي تحس انك بتكلم واحد صاحبك وبتستعمل كلمات زي "ايه النظام ..قصر ..خلص..مرهمتني ..ثبتني ثبت..متنكش في الحوار ده..وكده يعني وهو اسوأ نوع غالبا.

Monday, July 20, 2009

اختارك الشمس

لو كان لي فجر..
اختارك الشمس اللي تقتل لون ظلامه..
واختارني خط النور..
اللي يخرج من جبينك زي عاشق من الامه..
يخرج جريح..
يخرج شهيد الندي ..
بين الف وردة دبيح..
يخرج شهيد معركة بين الغرام والروح..
ميقولش مين انتصر ..
يكتم انين الروح..
لو كان لي لون عينك..
اتمني اشوف نفسي..
لو كان لي من رقتك..
اختار اعيش وحدي..
يكفيني ما فيا..
الهمسة تكفيني..
الزهرة تحييني..
لو كان لي صوت ضحتك..
اضحك مع نفسي..
اعشق انا نفسي..
لو كان لي نور حسنك..
تبقي مرايتي القمر..
واقوله مين اجمل..
لكن انا نفسي..
اجمل كتير منك..
يمكن عشان شايفك..
يمكن عشان لو انا..
خدت الصفات منك..
هبقي وحيد دنيتي
وافضل اسير نفسي..

Monday, July 13, 2009

استفزااااااز

الشعب المصري بيحب يحرق الدم جدا ..هل هو بطبيعته شعب مستفز ؟طيب ليه في اي حوار لا يخلو من كلمات استفزازية
؟
في اي حوار بيدور برة دايما بيسمعوا كل الأراء الا في مصر ماشية بنظام الشللية والحزبية ..ولهذا كان الشعب المصري صاحب النصيب الأوفر من كلمات الاستفزاز في النقاشات بين كل النقاشات في العالم من خلال متابعتك لأي فيلم اجنبي او حوار تليفزيوني فان الرأي قيمة في حد ذاته ولكن في مصر خد عندك يا برنس :



أولا :
كلمة "حتي احمد كمان هيتكلم " :

وهي كلمة مستفزة جدا توحي لك ان احمد ده غير ادمي او تاريخ صلاحيته نفذت وهي كلمة خنيقة جدا

درجة الأستفزاز : 10 من عشرة

ثانيا:
كلمة "اركن انت علي جنب دلوقتي"

وهي كلمة قاتلة للطرف المتلقي وكأنه له اوقات معينة وغير كده هو لوح واقف او جماد او هوا معدي

درجة الاستفزاز: 8 من عشرة

ثالثا:
كلمة "ايوه اعملك ايه انا بقي؟"

وتكون في نهاية الرأي غالبا وتوحي بالأستهزاء من هذا الرأي والتقليل منه


درجة الاستفزاز: 9 من عشرة

رابعا:
كلمة "خليت احمد كمان يألس عليا "

وتوحي بأن هذا الشخص ميتفعش اصلا يألس عليه لأن فيه كل العبر كأنه بطريق من غير زعانف واقف معانا

درجة الاستفزاز : فوق درجة الغليان

خامسا :
كلمة "خليك انت في كوزك دلوقتي "

وتوحي بأن الشخص ده مينفعش يتكلم في الموضوع ده بأي شكل علي الإطلاق ويحط في بقه جزمة ويقعد يسمع اسياده

درجة الاستفزاز : فوق درجة الغليان

سادسا:
كلمة "اي كلام بيتقال واللهي "

توحي بأن رايك الذي قلته من دقايق كان لازم توقف الزمن ومتقولوش لأنه بخار ماء وتوحي بانك واقف مع جهينة اللي عنده الخبر اليقين انما كلامك اي كلام

درجة الاستفزاز : قاتلة

سابعا:
كلمة " نعم يا اخويا عايز ايه انت كمان؟ "

وتكون في وسط موقف شماتة من 6 او 7 افراد وعندما يتدخل الفرد الثامن يتم زجره كأنه اقل من السبعة مرة واحدة

درجة الاستفزاز : 10 من عشرة

ثامنا :
كلمة " بلاش انت والنبي "

وتكون في موقف عصيب ولو فكرت تفتح بقك اصلا يتم قمعك فورا كحركات المعارضة

درجة الاستفزاز : فوق درجة الغليان


ودي من اشد الكلمات اللي لاحظتها فيكل الحوارا مع ان اختلافات الرأي نعمة واحترام الرأي الأخر هو اللي بيوصلنا لرأي مختلف ومبني علي اسس متعددة وافكار مختلفة ..

هههههههه سامعك ..اكيد في حد دلوقتي بيقول "اي كلام واللهي" هههههههه
المرة الجاية هشرحلكم ايه اساليب مواجهة الكلمات دي وقتلها..في مقالي "الحشاش في اساليب النقاش"

Tuesday, July 7, 2009

خايـف اعــشق

خايف أرحل..
أواكون لون ذكريات..
خايف ابقي حب مات..
ابقي حلم رومانسي ضايع..
بين عيونك والربيع..
ابقي حرف في بحر غنوة..
فيهم الاحزان تضيع..
خايف ارمش..
اجي افتح ملقاكيش..
رمشي قال يا هاموت يا أعيش..
خايف اضحك..
تتطمن الدنيا لملامحي..
يتعود الحب ملامحي..
ويحبوني ويبعدوكي..
مش زي قلبي هيسعدوكي..
خايف ابقي مرحلة..
او اعيش في لحظة سخرية..
والهجر اكبر سخرية..
خايف احزن..
تيجي لحظة سعد فجأة..
تيجي لحظة فرح فجأة..
متلاقيش مني الا ورقة..
فيها احزاني وغروري..
فيها احلامي وقصوري..
فيهاواحد معرفوش..
هو شبهي ومعرفوش..
هوعاشق جوة مني..
حبه فاقد للشهية..
قلبه معدوم الهوية..
صرخته فيها انكسار..
بس حاسس بانتصار..
انتي نوره لما يفقد..
كل شمس وكل نور..
انتي نبضه لما قلبه..
يبقي ارض خراب وبور..
انتي غربة لما يعشق..
او يحن للرحيل..
انتي زمنه لما يرحل..
يفقد الحيل والسبيل..
انتي حي علي الغرام..
انتي فيه كل الغرام..
انتي غمازة في خده..
لما يضحك من جديد..
انتي نايمة فوق جبينه..
لو خياله يروح بعيد..
خايف اندم..
من دموعي شارب الليل والورق..
خايف ارسم..
لون عيونك القي كراسي اتحرق..
خوفي قاتل كل حاجة..
جرأتي فكرة غريبة..
مش هتخلق اي حاجة..
خايف اندم..خايف ارسم..
خايف اعشق..خايف ارحل..
وجواب غرام من خوف لخوف..
والحب خوف والهجر خوف..
خايف اعشق..

Saturday, July 4, 2009

بابا انا معنديش جناح

من فترة كنت بشوف مسلسل عربي وبيبقي فيه حوارات غريبة جدا في المسلسلات تحس انها مستحيل تدور بين اب وابنه او اب وبنته في الحياة اصلا هم الاتنين قاعدين علي الترابيزة وفجأة بيقولها "وهتعملي ايه في المرحلة الجاية ..الحق يا بنتي زي النور اللي هيظهر في نهاية النفق وهيبدد الظلام" وهي قالتله "طبعا يا بابا طول ما احنا عايشين هيفضل الحق غنوة حلوة بترافقنا وتعيش معانا وان شاء الله ربنا هينصرنا "

قعدت ابص للحوار ده وانا فاتح بقي وبقول في ايه يا عم الحاج هو ده فعلا حوار جوة البيت؟؟ طيب في انهي بيت ده ان شاء الله ..تخيل لو دخلت علي ابويا كده او اي حد دخل علي ابوه وقاله "طول عمر الحق هيفضل غنوة حلوة بترافقنا يا بابا" بيتهيألي يا اما هيقولي يلا يا اهبل او هيقول زي احمد مكي "خور يلا "

هم ليه كتاب السيناريو مش مقتنعين ان البيوت المصرية بتدور فيها حوارات اه بس مش كده خالص بس اهو كله في الاطار الدرامي ..والاغرب من كده ان طول النهار البنت تبوس امها وتقولها ربنا يخليكي ليا يا ست الكل كل يوم تقريبا في المسلسل ده فين الكلام ده يا جدعان..وهو الواحد لو باس امه فجأة كده بدون مناسبة مش هتبقي كوميديا في البيت؟
وغالبا النتيجة الواقعية لو فجأة امك بتتفرج علي التلفزيون وانت دخلت بوستها وقولتلها ربنا يخليكي ليا يا ست الكل ..
هتقولك ""مالك يا حبيبي انت مش طبيعي اليومين دول؟""..

الحاجة التانية اللي ملاحظها بقي اليومين دول الشعر في الاعلانات..تلاقي واحدة بتلبس دهب وجوزها شغال شعر زي ما يكون بيحلل تمن الهدية فعمال يديها شعر وهي بتلبس الدهب من فتيحي ولازوردي والحاجات دي اللهم احفظنا..
تلاقي واحد عمال يا كل شيكولاتة وكلمات شعرية عمالة تقع وهو بيترمي علي السرير مش عارف ليه دايما بيترمي علي السرير بعد الشيكولاتة هي فيها منوم ولا ايه؟
وتفرد دراعها علي الأخر وعينيها تقعد تبربش كلابي كده ويجيلها بعيد عنك مرض الشيكولاتة..
والتاني بيطير وهو بيقرا واللمبة بتطير عشان فتح التكييف ايه السعادة دي ؟ ايه الجمال ده؟

واليسا تعملك اعلان تقولك ان الدهب والماس دايما بيخليها سعيدة !! يا عيني يا اختي تخيلي اما حد بيجيبلي هدية دهب بزعل بقوله امال فين الاحجار الكريمة والزمرد..ما هو اكيد يا حاجة اليسا هيخلوكي سعيدة ..ده في ناس تقولك اسبوع مصيف بيخليني سعيد مثلا دي بتقولك الدهب والماس ..بعد كده ممكن تيجي اعلانات تقولك بقي الهامر بتخليني مبسوط
!!
وواحد تاني عبيط جاي يقول لأبوه في اعلان "بابا هو انا معنديش جناح واصحابي عايزيني في الملعب ابقي جناح ازاي يا بابا" وبعدين يطلع صوت من ورا يقولك "اطفال انكور اذكياء " يا اخي ملعون ابو دي جبنة اللي خلت الواد متخلف كده هو ده كده ذكي؟ ده سؤال ساذج وتافه من طفل ولا الجبنة بتجيب تخلف ولا ايه بالظبط؟

وواحدة بتشتكي لأمها في المطبخ بتقولها كل ما اخبط يا ماما علي جارتنا بيقولولي نايمة هي ليه مش بتلعب معايا تقوم امها تقولها هاجيبهالك تتغدي معانا وتروح فاتحة علبة السمنة يخرج منها الشعاع المسحور ويروح ع الشقة المجاورة والبنت تشمها تقوم تيجي ..هههههه طب ما دي مصلحة مش عايزة تلعب مع البنت ولا حاجة يعني جت عشان السمنة بس ..
وبعدين ايه المغري اوي في السمنة يعني عشان واحد يشتغل في معسكر الزبدة الفلاحي والتاني يجري من شغله عشان يروح لمراته برضه عشان السمنة شبه الفلاحي طيب عندي حل ما يجيب فلاحي بجد وخلاص هههههههه

واللي زاد الطينة بلة الاسبوع ده شريط تامر حسني اللي بيقول فيه "معقولة انتي بتشكريني علي حسني وفوزي وشوقي لو تحبي"..طبعا لا تعليق من المطرب اللي قال قبل كده "قلبي انفلق وبقي الحلق" وقال "الملايكة ما بتتشافش وانا حبي اتاخد قفش" فأي حاجة منه بقت مقبولة طول ما في ساذجين شايفين انه نجم الجيل ..وربنا يحفظنا من نجم الجيل ..

واخر حاجة بقولها لتامر حسني "تامر زي براز عصفورة شاردة علي قميص الطرب الابيض " وشكرا