Friday, April 29, 2011

ليلة اغتصاب مـوافي..قصة قصيرة




قد تتشابه هذه القصة في احداثها مع ما يحدث الان في احدي الزنازين !
يجوز !
قد يحدث!
ممكن جدا !




في ليل قاتم لا يقطع حلكته الا صرخات الاعتراض والضجيج في الزنازين..وقف "صفوت" خائف مرتعشا كغزالة تنظر في عيون اسد يريد افتراسها..
بدأت الدموع تسيل علي خديه عندما رأي ما لم يكن يتوقعه في زنزانة "7" ..شبح الماضي ام شبح الضمير المقتول ؟؟
انتقام ام قصاص؟؟ نزوة أم قتل رحيم ؟؟
دخل المسجون الأقبح خلقا وهيئة في السجن بكل انحطاط يقول في صوت غليظ : الليلة بتاعتك يا صفوت !

بدأ في فتح سحاب البنطلون واخراج عضوه القبيح امام عيون الرجل المهزوم بكل ضغينة وكانها لم تكن نزوة بل هو انتقام لبلد كامل وأسر هدمها صفوت وخاض في اعراضها وفضح كل مستور فيها ..


صفوت : حرام عليك انا مش ناقص انا اتكسرت عايزين ايه مني تاني..الحقووووني الحقووووني

العسكري: في ايه يا صفوت ؟

صفوت: الراجل ده بيتهجم عليا وانت سامع ومبتتحركش اتحرك يا بني ادم

العسكري: بني ادم ؟ اتكلم معايا عدل يا صفوت..كل واحد بياخد علي قد نيته وانت نيتك زي ما انت عارف

صفوت : يعني ايه ؟ انت متواطئ ؟

العسكري: اه متواطئ ..احسن ماكون واطي



لم يلحظ صفوت من خلال شباك السجن الصغير الا سيدة تضع يدها في يد العسكري ببضعة مئات من الجنيهات وعرف ان الموضوع كله مدبر لاسقاط كرامته حتي امام نفسه ودفعه الي الانتحار..



صفوت : قولي بس دفعولك كام وانا هادفعلك اكتر

المسجون: مش مسألة دفع..دي مسألة لذة ومتعة..انا ب... اللي ن.... البلد كلها وخلي الناس تمشي حافية وتاكل رغيف مغشوش

صفوت: حرام عليك انا راجل كبير في السن

المسجون: كبير ؟؟ الدهن في العتاقي يا "موافي" !!



وقع صدي الكلمة علي اذان صفوت كقصف الرعد .."موافي" وبدأ يتذكر في لحظة وهو منهزم محني الظهر في ماضيه :



صلاح : يا موافي صب لي الكاس ومزجني

موافي: تحت امرك يا صلاح باشا احلي كاس لاحلي باشا

صلاح: عملتلي ايه في الكام ممثلة اللي كلمتك عليهم ؟؟ جندتهم ؟؟

موافي: طلباتك اوامر اعتبر الموضوع خلص خلاص يا باشا

صلاح: عايزين نمزج البشوات الكبار ..عملتلهم الشرايط اياها ؟

موافي: عيب يا باشا دي لعبتي كل واحدة ليها شريط انما ايه فضيحة سوبر لوكس

صلاح: طول عمرك مخلص يا موافي

موافي: خدام معاليك ياباشا انت بس تؤمرني



كان عمل صلاح في المخابرات ولكن للاسف بلا ضمير او وازع ..كل ما يعرفه هو لغة الفضائح والتجنيد والقتل والتعذيب..
وكل ادواته وسيفه وسلطانه كان "موافي"..كلب صلاح المدلل وخادمه الوفي..!



وفي احد الليالي التي تذكرها صفوت :


فنانة : انت عايز ايه مني تاني مش خلاص قولتلي انا حرة ؟

صفوت : لا رجعت في كلامي يا قطة في حاجة ؟؟ المذكرات دي مش هتتنشر ولو علي جثتي

فنانة: انت مالك ومال المذكرات كمان ده اكل عيش يا اخي مش كفاية اللي عملته فيا ؟؟

صفوت : انا اللي اقوله يمشي لاما اطلع الشرايط القديمة ودلوقتي في انترنت في البلد وسيرتك اخليها علي كل لسان في ثانية واحدة وبزرار واحد

فنانة : انت ايه يا اخي ضميرك فين ؟

صفوت: ضميري ؟؟ في غرفة الانعاش يا حلوة




وبعد ايام : "انتحار فنانة معروفة من شرفتها في لندن"


بدأت الدموع تنهمر من عيون صفوت او "موافي" وهو في زنزانته الصغيرة امام مسجون يريد اغتصابه قائلا لنفسه : ااااه يا زمن..ربنا مبيسيبش حق حد..ربنا مبيسيبش حق حد..لا اله الا الله



المسجون : ايه انت اسلمت يا صفوت دلوقتي ولا ايه ؟

صفوت: انا بس بدأت افهم الدنيا بس متأخر قوي يا ابني

المسجون: ضميرك صحي دلوقتي ؟

صفوت: ياريته كان صحي من بدري يا ابني

المسجون: متقولش ابني انا ميشرفنيش ان يكون ليا اب قواد حتي لو انا قذر وحيوان

صفوت: حتي انت بتستعر مني ؟؟ للدرجة دي انا بقيت مهان ؟

المسجون: دنيا بقي يا عم صفوت وجه دورك تشرب من الكاس

صفوت: انت مش هتلمسني انت فاهم ؟

المسجون: انت هتؤمرني؟؟ايامك خلصت خلاص يا موافي تعالي اصب عليك الكاس

صفوت : لاااااااااااااا




وفجأة يستيقظ صفوت : ابعدوووووووووووه عني مش عايز اموووت مش عايز امووووت


ظابط : في ايه يا استاذ صفوت ؟؟

صفوت: كابوس كابوس..انا عايز اخرج من هنا..ودوني المستشفي ودوني اي حتة

ظابط: اهدي بس انا مراعي سنك بس مينفعش اعملك اي حاجة من دي الا اما تكون عيان فعلا

صفوت: دول هيتهجموا عليا..بقولك هيتهجموا عليا

ظابط: اهدي بس محدش هيعمل حاجة متقلقش




وبدأ صفوت في الهدوء تدريجيا وفجأة انفجرت المفاجأة..
اخر ما شاهدته عيون صفوت هو عيون "فنانة" من تحت النقاب ويدها في يد عسكري وفعلا مليئة بمئات الجنيهات ..
ثم نظرت مباشرة في عيون صفوت بتحد واضح وشرس ورفعت النقاب قليلا لتظهر شفتيها وتهمس من بعيد "جه وقتك يا موافي" ..!




صفوت : لااااااااااا ابعدووهم عني هيموتوني هيموتوني

ولم يستيقظ صفوت في صباح اليوم التالي الا ليجد صورة كبيرة مرسومة علي زنزانته بالطبشور لفنانة تنتحر من شرفتها ومكتوب عليها
"مشهد موت بتوقيع موافي"


ونظر خلفه مباشرة ليجد رجلا ضخم الجثة يمسك الطبشور وكأنه انتهي توا من اللوحة وبدأ في كابوس صفوت الحقيقي..!
صفوت: انقذوووني هيموتووووني هيموتوووني




ولكن لم تكن صرخة صفوت اعلي من صرخة ملايين قبله صرخوا من الفقر والمرض
فلم يشفع له احد..
ولم يستجب له أحد..
تركوه لعذاب اكبر من عذاب الضمير..
ان كان يملك ضمير..



Thursday, April 28, 2011

عينيك "الباليرينا" الأولي







انا لست وحيدا جدا حين اصاحب عينيك..
فلا أتفرد فيها ..
بل أنهل من تفردها لتكراري..
ومن خصوصيتها لعموميتي وانتشاري..
ومن بسمتها لقلمي وشعري..

ظننت ان عينيك هي اكبر حيلة سحرية للملائكة..
حين يلهون بغطاء الشمس الابيض ليخرجوا عينيك وحمام زاجل وزهور..
ولكني اكتشفت انكي الحقيقة..
وقلبي هو الحيلة السحرية


اشتقت كثيرا لسؤالك عن الساعة..
حين توقف الوقت والمكان عند اخر لحظة..
ولم تخرج قدميك من رمال الساعة المتحركة..
ليشير توقيت القلب دائما الي
"عاشق الا ربع"..!


اشتقت كثيرا للحلم علي أطراف يديك..
فأنا قبلة بين يديك تنتظر عاصفة شفاهك..
فانفخي القبلة بين يديك..
لاطير الي العالم..
قبلة تغني وحلم يعود..

احتاج لاخر رقصة باليه فوق جبينك..
لأراقص عينيك "الباليرينا" الأولي..
وافتحي الستار لعينيك لاري نفسي في العرض الاول..
ليكون العرض "بحيرة الوجع" ..!


"انفضي عن قلبي الغابات واشجار اللوز"..
تلك وصية اخر نبضاتي الي عينيك..
فإرتحلي باعصار انوثتك الغراء علي صدري..
كي لا تبقي الغابات تشاكس "انطونيو"..
ولا يبقي الا اللوز..مداعبا لخد "كليوباترا"..!


انا لا انحني الا تقليدا للشمس..
لأمسك طرف ثوب "وصيفة السماء"..
كي تتنعمي كل ليلة ب "ماكياج" من نجم لامع..
او حفلة زفاف قمرية..
وتعودي الي قلبي ملكة لا تقول الا "لمن الحب اليوم ؟ " !!


لا تقفي كثيرا بين عظامي ولحمي حين اتعطر بالخلود..
اخاف ان يخطفوك من امام عيناي..
فأخرجي من بين ضلوعي ميلادا جديدا لحواء..
وخروجا جديدا من الجنة..
الي جنتك الموعودة !


إنفجري علي صدري "بيج بانج" جديد..
لنخرج للحياة حياة اخري..
ونخرج للحب انفصاما في شخصيته
ونخرج للوجود اسطورة رجل بنصف جسد إمرأة !


تعالي نوعد الزهر بندي أخر لم يحلم به..
ندي من خجل الحب وحياء العشاق..
بللي الزهر بملئ يديك..
ليشرب من خط العمر بكفك..
شربة لا يظمأ بعدها أبدا..

اسكني اوراقي ..اشباح جمالا وجنون..
حتي يغار القلم من عذاب الأوراق ..
وتغار الاوراق من نشوة الكاتب..
ويغار الكاتب من كل سطر مشيتي فوقه بفستان الوصف وكعب الكلمة..!


اخرجيني من انفاسك طفلا يصارع الرياح..
ورجلا لا يفهم الا لغة البنفسج..
لتطير بنفسجة في دمائي..
سكرها انفاسك ولونها رقتك..


احتويني..
كي لا يبقي من اناملي الا ثلاثة اصابع..
يخرجون من بين دمائك..
الأول يشهد ان جمالك باق..
والثاني يحمل رايته البيضاء
والثالث يحمل رايته السوداء محذرا من "نوة جمال قارصة"..


اجعلي انوثتك ظلا لشمس يقيني..
نواجه بعضنا صباحا..
وفي الغروب نحتضن المشهد في حضن البحر..
فتصير النار بردا وسلاما وجمالا..


فصلي فساتينك الملكية من اوراق شعري..
فان كشفت..
كشفت عن جمال وانوثة ومعاني..
وان غطت..
حضنت شعرا وحروفا وسطورا..



احصدي من بين صفاتي سنابل قمح صفراء..
تزرعيها في صحراء عيونك..
فتكون اول فرصة لي كي انضج..
واخر فرصة لي كي اعانق "المدي" !


دعيني ارتمي في احضان غرورك..
فان تواضع.. كبرت رجلا يعشق..
وان تكبر..صغرت طفلا يحتاج..!


دعيني اكون لأول مرة رسولا انانيا..
لا يبشر العالم بجمال وسلام من عينيك..
ولكن يستأثر به وحده..
ويحتفظ بسره الجميل..


دعيني ازاحم فلسفة عينيك..
حق يشهد بتفردها..
وخير يداعبها بالطيب وبالزهر..
وجمال يرسمها علي السحب والامطار..
فيكون في فلسفتك الحق والخير والجمال علي قلب رجل واحد..
هو انا ..


افترشي رباعيات الخيام علي صدري..
كي تتمرد علي رباعيتها..
فتمنع حسد العشاق ب "الخمسة"..
وتشهد علي رقتك طوال الايام "السبعة"..
وتبصم علي جمالك ب "العشرة"..!


واتركيني لحظة ميلاد مؤجلة بين يديك..
أو زهرة ما بين خصال شعرك..
زهرة لا تشتاق الي الشمس..
اول زهرة لا تنمو الا بليل حالك من شعرك..





Wednesday, April 27, 2011

زفاف ملكي والحب هو الملك المتوج







يوم 29 ابريل هو اليوم الموعود لانجلترا والعالم اجمع حيث يقام اكبر حفل زفاف بين الامير ويليام وكاتي ميدلتون
سيكون يوما تاريخيا بكل المقاييس بسبب تكاليف الفرح الضخمة جدا والتحضيرات التي تتم الان علي قدم وساق في كل مكان للحفل الضخم
ينطلق الزفاف من قصر باكنجهام وقائمة الحضور تشمل مئات الشخصيات من الممثلين ولاعبي الكرة والملوك والرؤساء وشخصيات مشهورة كثيرة
وبدأوا في اعداد التذكارات للحفلة من طوابع وعملات معدنية
ومن الطرائف التي قيلت عن الزفاف انهم سيحضرون لكيس للقئ
sick bag
اذا مللت من كثرة الحديث عن الزفاف من فترة طويلة يمكنك ان تتقئ في الكيس !!!

الامير ويليام اهدي لكاتي الخاتم الشهير للاميرة ديانا اما الفستان فيبقي سرا حتي الان ومجهولا.
يذكر ان كاتي ميدلتون هي من العامة اذ ان عائلتها لا تملك اصول ارستقراطية او ملكية

ولأننا تحدثنا عن اكبر زفاف سيكون جديرا بالذكر بعض اكبر الافراح التي حدثت في التاريخ واشهرها وهي من النوع الملكي ايضا :




أولا : تشارلز وديانا 1981 :

يعتبر الاشهر في عالم الزفاف الملكي ..600 الف قد ملئوا الشوارع ومئات الملايين يتابعون عبر الشاشات و 3500 مدعو وهي قائمة ضخمة بالمدعوين
والوف تجوب الشوارع في هذا اليوم لكي يروا الاميرة ديانا الساحرة والشخصية العظيمة التي اسرت قلوب العالم
كان فستان الاميرة ديانا مصمم من قبل اليزابيث ايمانويل وهو من اجمل فساتين الزفاف الملكية
واقيم الزفاف في
St Paul's Cathedral






ثانيا : خوان كارلوس وصوفيا 1962 :

كانت صوفيا ابنة ملك اليونان ولكن الحب جعلها تتخلي عن عرش اليونان وتزوجت خوان كارلوس في عام 1962






ثالثا : كارل جوستاف وسيلفيا 1976 :

حفل زفاف ملكي سويدي
كانت سيلفيا تعمل مترجمة ومضيفة حين التقاها كارل جوستاف
وقد تزوج الامير كارل بعد وفاة جده لانه لو كان تزوج فترة جده كان سيفقد ولايته للعرش لان جده كان يقول ان العائلة الملكية يجب ان تتزوج من عائلة ملكية






رابعا : اندرو وسارة 1986 :

كان زفاف الامير اندرو من سارة فيرجسون من اشهر حفلات الزفاف الملكية
كان الزفاف في
Westminster Abbey.
وكانت الشوارع تعج بالمارة لكي يشهدوا الزفاف الاسطوري
وكان من اشهر المشاهد القبلة الملكية لسارة فيرجسون التي تزاحم الالاف لرؤيتها
حضر في قائمة المدعوين حوالي 2000 من الشخصيات المشهورة






خامسا : الاميرة ان والكابتن مارك فيليبس 1973 :

كانت من المرات القلائل التي يتزوج فيها احد من العائلة المالكة احد من العامة
ولكن الاميرة ان قد قررت الارتباط بمارك فيليبس بعد قصة حب بينهما
واقيم الزفاف ايضا انطلاقا من
Westminster Abbey






سادسا : فريدريك و ماري 2004:

ولي العهد فريدريك في الدنمارك يتزوج من العامة ايضا فتاة استرالية بعد قصة حب
وقد ركبوا العربة التي تجرها الاحصنة وجابوا شوارع كوبنهاجن يبتسمون للجميع ويلقوا عليهم التحية
وكان المشهد من "البلكونة" التي تطل علي الشارع شيق جدا حينما قبل فريدريك ماري وصفق الحضور جميعهم
كان من اكبر الحفلات الملكية في عدد الحضور ايضا







سابعا : فيكتوريا ودانيال 2010 :

قصة حب رائعة في السويد بين ولية العهد فيكتوريا ودانيال
تكلف الحفل حوالي 2.5 مليون دولار و حضره 1100 من المدعووين
الحب لا يعرف المستحيل في هذه القصة الرائعة بين فكتوريا وداينال مدرب الالعاب الخاص بها
رفض الاب في البداية بشدة لانه لا يتخيل ان تتزوج ابنته حاملة العرش من مجرد مدرب رياضي ولكن انتصر الحب في النهاية






ثامنا : فيليب وليتيسيا: 2004 :

حفل ملكي اسباني حيث كان ولي العهد الأمير فيليب تزوج من مذيعة الأخبار المطلقة ليتسيا أورتيث
وكان عدد المشاهدين خرافيا حول العالم اذ بلغ حوالي مليار شخص






هذه باقة من اشهر الافراح الملكية ونتمني ان نري اروع حفل يوم 29 بين الامير ويليام وكاتي
وتتوالي قصص الحب وتتوالي الافراح الملكية والحب هو الملك المتوج فيها جميعها.





Tuesday, April 26, 2011

زكية زكريا ورئاسة الجمهورية




في وسط الرؤوساء الل كل يوم يطلعولنا في مصر اليومين دول في ناس بقي منسية وعارض برنامجها اصلا اتوماتيك يعني من خلال اغاني او افلام وتنفع قوي تبقي ريس منهم مصريين او لا بس عموما ينفعوا يبقوا رؤساء للاسباب دي :




هيفاء وهبي بتقول :

يدن الديك اصحى اوام اعجن واخبز واسقي الحمام اومال دنا بنت بلد اوي اومال دنا حلوه وجدعه اوي

(يعني برنامجها واضح..نشاط وحماس وبعدين هي بنت بلد قوي وجدعة قوي في نفس الوقت)



زكية زكريا :

اول من تحدت شارون في مسرحية (زكية زكريا تتحدي شارون)

(يعني ميهمناش العدو امن هناورايح طول ما عندن الحصن المنيع ده واللي اعلنت موقفها بدري)




شعبان عبد الرحيم :

هيبطل السجاير من اول يناير

(وده يعلم الشعب ازاي تكون الارادة والتحدي ويدي درس لشبابنا )



جاد شويري :

غني للعرب وغني ضد المخدرات في كليباته

(راجل ولا كل الرجال ! )



ابو الليف :

لانه مش هيكون خرونج وهو طبعا كينج كونج وكمان معندوش ثقة في حد

(وده بيعلمنا ازاي ناخد موقف ونقف وقفة راجل )



نانسي عجرم :

اخاصمك اه اسيبك لا

(محنكة سياسيا بهذا المبدأ اللي بتتبعه معظم الدول في علاقتها الخارجية )



مريام فارس :

مش انانية

(ماشاء الله يا بنتي ربنا يحميكي )



رولا:

اللي عايز يلعب يلعب خدنا ايه يعني م الجد ؟ واللي عايز يرقص يرقص الكلام ده يزعل حد ؟

(بتوضح موقفها ورؤيتها الليبرالية العميقة من خلال كلماتها دي )



مصطفي كامل:

انا ممكن ابيع جتتي كله الا بنات حتتي

(كلمات قوية لمصطفي كامل بيحسسك بالرجولة وشهامة ابن البلد )



اللمبي :

زمن ال...خلاص انتهي

( شايفين المواقف ؟ موقف حاسم وقاطع يعني ..زمن ال...خلاص انتهي )



محمد حماقي :

مش هتقتلني

(قوة وتحدي باينين في كلمات حماقي وكان كمان بيقول انا جايلك وناويها اظبط وقتيل ع الباب بخبط ..يعني عنده اصرار علي تحقيق اهدافه )



حمادة هلال :

انا عندي مبدأ..مبدأ

(الراجل قالها صراحة كده وغناها انه عنده مبدأ..هو صحيح احنا معرفناش ايه هو المبدأ بس مش مهم هو عنده مبدأ وخلاص )




مختار باشا :

اذا كان كده مااااشي

(ده ماشي بسياسة دعه يعمل دعه يمر ..راجل محنك اقتصاديا وهينفعنا )




حمزاوي :

إديييييييني

(روح الحماس المطلوبة في شبابنا )



عم شكشك :

هات العصاية يا ووووولد

(ده ماشي بمبدا الثواب والعقاب وده محتاجينه جدا برضه )



نادية الجندي :

ده انا حكمت الله والاجر علي الله

(ثقة في النفس عالية وكمان مشاركتها في افلام الجاسوسية جعلها خبرة في الامن المصري )



عادل امام :

اللعب مع الكبار وليه كمان في الارهاب والكباب

(يعني هيقدر يتعامل مع ملفات الامن المهمة ويلعب مع الكبار )



بكار :

وده ليه حملات علي الفيس بوك عشان يبقي رئيس جمهورية وهو يستحقها بجدارة



سعد الصغير :

اول من غني للفقراء وللعنب يعني ممكن يعمل دعم ع الفواكه





يعني فيه ناس كتير قوي محتملة للرئاسة مش بس اللي ظاهرين في الصورة اليومين دول لا مصر ولادة يعني .

Monday, April 25, 2011

رد الجميل للفسيخ المصري في شم النسيم





ادي الربيع عاد من تاني علي راي الاغنية والنهاردة شم النسيم اللي مختلف تماما عن اي شم نسيم فات علينا قبل كده..السنة دي شم النسيم من غير ريحة "زفارة سياسية" ..
الفسيخ مصري مية في المية الواحد كان في عصر النظام السابق كان يشك ان حتي الفسيخ مش بعيد يكون اسرائيلي عميل ..!
شم النسيم السنة دي من خارج "المطبخ السياسي" ..الهوا ريحته انضف بكتير بالفسيخ من ريحة الهوا العادي في ايام النظام ..لان ريحة الفساد كانت تعمي .
وفي كل شم نسيم وكالعادة هيطلع نفس الحاجات اياها بتاعة كل سنة :


1- هتطلع وزارة الصحة تقول مسكنا مش عارف كام طن فسيخ فاسد السنة دي وتحذر وتقول لو حصلك تسمم كل كذا واشرب كذا بسرعة وتحسس الناس ان الفسيخ دائما به سم قاتل..
انا معاكم ان في فسيخ فعلا فاسد وكتير منه فاسد بس ريحوا بالكوا مافيش حد هيبطل !
ادمان الفسيخ يوم شم النسيم مش هيبطله ولا جرنان ولا مقالة ولا حتي لو مسكتوا عشرين طن فسيخ مسموم الا بقي لو عملتوا زي السجاير وحطيتوا صورة واحد ميت مثلا فوق ورق الفسيخ وتكتبوا انه ضار جدا بالصحة وبرضه الناس هتاكلوا ماهم بيشربوا السجاير حتي لو حطيتولهم صورة واحد مات عشرين مرة قبل كده !



2- دايما في المناسبات دي بيطلع عمرو اديب بيحاول يطلع فايدة للفسيخ ويقولك حتي لو مالوش فايدة كفاية "السعادة" اللي بيديهالنا الفسيخ كل سنة في اليوم ده اللي هتعوضنا عن الضرر بتاعه لو كان ليه ضرر
عمرو اديب مدمن اكل بدرجة قدير جدا كرشه ياخد اربع نجمات من خمسة في تقييم الكروش العالمي ..
لكن ايوه يا عمرو الفسيخ اكيد ليه اضرار وكفاية الملح اللي فيه .



3- احساس غريب قوي للفراخ في اليوم ده لو واحد قدام مزرعة فراخ عمال يلون البيض ..!
طبعا الفراخ بتقول "البشر اتهبلوا يا جدعان..بياخدوا بيضنا يلونوه وبعدين ياكلوه..قمة التعذيب والتمثيل بالجثة " !!!



4- بالنسبة للنظام اللي محبوس في طرة كان بياكل ايه في يوم زي ده ؟؟ اكيد مش فسيخ زي الشعب ..تلاقيهم كانوا بيشاركوا الشعب باكل حاجة شبه الفسيخ فبيجيبوا كمية من الكافيار وياكلوه بعيش بلدي ابو شلن !
واهو نوع من المشاركة برضه يعني واهو الكافيار ميفرقش قوي عن تمن الفسيخ بالنسبة للعالم دي دي شوية فكة يعني .



5- عشان مبنحبش المنظر يبقي كامل كشعب مصري فالناس بتروح بدل ما تشم الورد في الجناين ده لو كان في ورد اساسا اللي هو من غير ريحة ده المصري
بياكلوا الفسيخ جنب الورد عدل فلو واحد رايح يستمتع في اليوم ده بشكل عاطفي بقي وبتاع جنب الورود للاسف مش هيشم غير فسيخ ومش هيشوف غير زبالة ع الارض
الجناين في اليوم ده المفروض تقفل اصلا او يمنعوا الناس تدخل بمأكولات زي ما العالم بيعمل حفاظا علي الجنينة يعني واحتراما لادمية الناس واحتراما للزهور وعبيرها حتي يا اخي او احتراما للربيع .




6- طبعا هيطلع بعض الناس من انصار الموضوع كله حرام في حرام واللي هيعمل كده هيروح في داهية وبتاع وده بيحصل كل سنة .
كأن الفسيخ هو الشيطان بعينه وهو اللي هيرميهم في النار يعني ..يا جماعة هي مجرد عادة مش اكتر ولا الناس بتعملها لغرض ديني مثلا ولا حاجة ومحدش بيعبد الفسيخ عموما محدش يقلق
ومافيش حتي ايام الفراعنة اله الفسيخ او اله البصل دي مجرد عادة في يوم جميل مشرق مش اكتر فمش معقول كل سنة يقولوا ويوصلوا الموضوع لدرجة "الكفر" !!!



7- هيطلع "حزب الرنجة" يقولك ياااي انا بكره الفسيخ وريحته ايه القراف ده ازاي تاكلوا الحاجات دي وبتاع ...
علي اساس ان الرنجة مثلا عليها كريم كراميل مع انها مش فارقة حاجة عن الفسيخ ..بل الفسيخ اغلي منها كمان !



8- في بعض القري بيطلع بعض الشباب من الارياف تلاقيه حتي في اليوم ده بيعمل زي اعيد الكبير ويلبس طرطور ويركب حصان !
مش عارف ايه حكاية الحصان في كل عيد او مناسبة لكن انا بسميه "بيتش باجي الغلابة"..!
هو فعلا بالنسبة للغلابة زي البيتش باجي للاغنيا في مارينا ودايما اللي بيركب الحصان بيلبس طرطور مش عارف ايه الحكمة يمكن كان في غزوة ليها علاقة بالطرطور او حاجة زي موقعة الجمل كده بتاعة الثورة !



9- كان المفروض يطلع الجمعة الجاية بمناسبة شم النسيم "جمعة الفسيخ" واهو يوم من المشاركة الشعبية في الاحتفال وفي نفس الوقت عشان بقالنا كتير مسمعناش عن جمعة ولا مناسبة لعقد جمعة في التحرير فممكن نعملها "جمعة رد الجميل للفسيخ" !



10- كل شم نسيم بييجي نفس الافلام خصوصا فيلم "الدنيا ربيع" بتاع سعاد حسني بس انا عايز اوجه نظر المسئولين لحاجة ان الفيلم ده مش قايمة قصته علي موضوع الربيع يعني دي مجرد اغنية !
ده فيلم عادي وليه قصة وابطال وكل حاجة مش اوبريت عن الربيع يعني
يعني هو مش نفس وجه الشبه اما تجيب فيلم "واسلاماه" في سنة هجرية جديدة..لان فيلم واسلاماه ليه علاقة مباشرة انما فيلم سعاد حسني ده ملوش اي علاقة الا بحتة اغنية في النص فمش معقول الفيلم ميجيش الا في اليوم ده وبس ومبيجيش اصلا طول السنة !





وربيع جديد عليكي يا مصر وريحة ورد وفل علي كل مصري
وريحة حرية ويوم جديد بلون الحب ولون البنفسج يصبح علي ولادك يا بلدي .





Sunday, April 24, 2011

هوليود والزعيم الشرير الطيب







الافلام الكوميدي غالبا في هوليود ما تنقسم لاكثر من مجموعة وفئة .فمثلا افلام الكوميدي الاكشن والكوميدي المرعب والكوميدي الرياضي والكوميدي التاريخي حتي.
هناك نوعية الافلام التي تسخر من الشخصيات الشريرة او شخصية زعيم العصابة وتظهره بمظهر ساخر جدا كما راينا في سلسلة افلام
Austin Powers
قديما ثم تعددت الافلام التي تقدم وجبة دسمة من الكوميديا بداخل فيلم ملئ بالحركة والاكشن في نفس الوقت .

فيلم
Perrier's Bounty
من احد هذه الافلام التي يقدك الاكشن في ثوب الكوميديا ويحكي عن احد الاشخاص يدين لاحد العصابات بمبلغ من المال ويحاول الحصول علي المبلغ باي طريقة كي لا يقع عليه العقاب كما هو اسم الفيلم .
ويظهر ابوه الغائب عنه منذ سنوات ويشاركه الاحداث وافعاله الغريبة حتي سرقة عربات الشرطة ومحاولة سرقة المبلغ المطلوب وفي النهاية يتم القضاء علي زعيم العصابة من مجموعة اخري وينجو البطل.
فيلم كوميدي ملئ بالاحداث الصاخبة ومن الافلام الممتعة في هذه الفئة.



من نفس الفئة نتعرض لمجموعة من الافلام كانت المهمة فيها كوميدية او قائد العملية نفسها يؤديها بطريقة كوميدية رغم انها مهمة خاصة وفيلم اكشن :







Lies & Illusions--

ينخدع البطل في كل من هم حوله هل هم من السي اي ايه ام اشخاص عاديون ..هذا الفيلم من اكثر الافلام الاكشن الكوميدية التي تفاجأك خصوصا ان الاحداث تسير بطريقة عادية جدا وايقاع هادئ وفجأة
تكتشف ان الاحداث انقلبت الي كوميديا وتتضح حقيقة ابطال الفيلم.



The Whole Ten Yards

بروس ويلز ودوره الشهير "جيمي"..فيلم من اشهر افلام الاكشن الكوميدي ..احداث ساخرة وشرير ساخر وكوميدي جدا يؤدي دوره بروس ويلز



The New Guy


شاب في المدرسة يريد ان يظهر بمظهر القوي فيتتلمذ علي يد احد المجرمين في السجن ليخرج كفتي جديد مرعب ويكون جذابا لبنات المدرسة بعد ان كان مهمشا وتتوالي الاحداث الكوميدية في هذا الفيلم


Black Dynamite

البطل الخطير الذي لا يصده احد يملك "تصريحا بالقتل" لكل تجار المخدرات ..الفيلم سخرية من افلام الاكشن عموما ومن البطل الذي يضرب جميع من في الفيلم وصولا الي الزعيم في النهاية..فيلم من اجمل
افلام الاكشن الكوميدي


The Green Hornet

يصنع شخصية مثل سوبر مان وسبايدر مان تسمي "الدبور الاخضر" ويبدأ في اكتساب الشهرة من خلال تحديه الكبر رؤوس الاجرام في منطقته ..قام "كريستوف والتز" باحد اكثر ادوار زعيم العصابة الكوميدي سخرية ..فيلم مضحك جدا



From Paris with Love

الفيلم الاكشن الكوميدي من بطولة جون ترافولتا من الافلام الجيدة في فئة الاكشن الكوميدي حيث يقوم مرافق البطل وهو
Jonathan Rhys Meyers
بدور متميز ايضا من ادواره ولكن في اطار تغلب عليه صبغة كوميدية



Skills like this

يريد ان يتعلم السرقة ويشكل عصابة اثناء عملية سرقة حدثت له بالصدفة ونجح فيها ثم يكتشف الخطا الذي وقع فيه في اطار كوميدي



Holy Water

عملية سرقة بالاكراه يخطط لها مجموعة من اهل البلدة لسرقة شركة ادوية ثم يبدأ اهل القرية في تناول الدواء بعد ان سقطت العربة في ماء النهر وشرب منه الجميع



Austin Powers

السلسلة الغنية عن التعريف التي غيرت مفهوم الكوميديا والافلام الكوميدية منذ سنوات عدة وتعتبر هذه السلسلة من اشهر سلاسل الكوميديا في العالم وشارك فيها العديد من ضيوف الشرف مثل مادونا وغيرها



Real Time

مطلوب قتله ولكنه مسكين فيحاول المأمور بقتله اعطائه مهلة اكبر بل انه ينتحر ويعطيه حريته ايضا فيلم كوميدي جدا يبرز شخصية الشرير الطيب في ان واحد



The Other Guys

فيلم كوميدي اكشن ساخر من بطولة ويل فاريل ومجموعة من الابطال..ملئ بالاحداث الساخرة الشيقة



Pineapple Express

من بطولة سيث روجن نفس بطل فيلم الدبور الاخضر الساخر ويدور حول تورط البطل في الشهادة علي احد افراد العصابة ورؤيته اثناء عملية اجرامية ويتم التعرف عليه ويهرب مع تاجر المخدرات صديقه مع العديد من المفارقات الكوميدية في الفيلم




وهذه قائمة ببعض باقي الافلام المميزة في نفس الفئة :


In Bruges

Lucky Number Slevin

Killers

Knight and Day

Red

Crank




فئة ممتعة جدا فعلا يعشقها الجميع فئة "الاكشن كوميدي" وكثيرا ما تجدها في البوكس اوفيس في مراكز جيدة خصوصا حسب حجم الابطال فيها.
وبروس ويلز له نصيب كبير من هذه الفئة.


















Saturday, April 23, 2011

بلد نغمـات صحيح !




اليومين دول وبعد الثورة زي قبلها بالنسبة لغباء الاعلانات بتاعة النغمات وغيرها يعني من بعد "شاي سعيد حساسين" وهو بالمناسبة اعلان لممدوح فرج عن شاي تخسيس وهو اغبي اعلان في المجرة كلها الا اذا كان في اعلان مريخي غبي زيه او كان عندهم في زحل ممدوح فرج برضه !!
الهبل زاد بجد بقي وعرفت معني كلمة "الهبل في الجبل" اليومين دول بالذات اما يعمل اعلان عن انك تنزل نغمة بتاعة بياع الفول وبتقول النغمة "المدمممممس " ..
طيب ليه هحط علي الموبايل نغمة صوت بياع الفول ؟؟ للدرجة دي حد بيعشق الفول وبياعه فعلا ؟؟ وهل اللي بيعشق الفول لدرجة الجنون ده هيحط النغمة كمان فول ع الموبايل؟؟ طب منظره ايه قدام الناس اما الموبايل يرن ؟ ايه تبريره يعني للنغمة دي ؟؟

ونغمة تانية في نفس الاعلان عن بياع الكشري واحدة تالتة عن بيع العرقسوس..ده علي اساس اني هحط الموبايل لفوق واصب منه يعني زي بياع العرقسوس ماهو هبل بقي ..امال اللي هينزل النغمة دي ويدفع فيها فلوس هيكون ايه يعني ..يا اهبل يا اهبل !!

واللي طالعلنا في البخت فعلا بقي موضوع "كلمني وهارد عليك انا بنفسي" ..ايه موضوع "انا بنفسي " دي ؟؟ هو انت يعني محمد حماقي ؟؟ ده انت عبدون بتاع المحور ايه الشئ الرهيب يعني اما ترد عليا انت بنفسك ؟ ومين قالك انك هتحل مشكلتي اساسا ؟؟
يعني انا لو عندي مشكلة اروح لسماح انور لو محلتهاش افوت علي رجاء الجداوي ولو محلتهاش اشوف بقي عبدون !! ايه اللفة بنت ال..دي ؟؟

ويطلعلك خط جديد اليومين دول اسمه "جوزني شكرا" ..الجواز بقي بجنيه ونص للدقيقة وتعالي بص !
وكل عروسة ليها كود معين ورقم المنتج او علي ضهرها "بار كود" وطبعا بعد الجواز هيبعتولك رسالة "تم انجاز المهمة بنجاح"..يعني كانك بتشتري عسلية مثلا او طبق رز بلبن !
هو الخط المهم اليومين دول نظرا لكثرة الخلافات الزوجية لو يعملوا "طلقني شكرا" ويجيبوا صف محاميين خلع يردوا عليك بنفسهم برضه !!

وأسوأ حاجة بقي الخطوط النصابة اللي علي حق يعني بتاعة "اعرف حظك من رقمك" والكلام الهجص ده واللي يضايق قوي انها بتستمر يعني معني كده ان في الوف بيتصلوا والخدمة بتكسب فعلا والدليل انها بتيجي كل يوم يعني فعلا بتكسب الخدمة دي من علي قفا الناس !
لا ويقولك وظيفتك المستقبلية وحياتك الزوجية وكل حاجة في المستقبل من خلال رقم معين في تاريخ ميلادك يعني بجد ضحك ع الدقون للصبح..نلاقي صاحب الخدمة اما يرد علي واحد من دول بيقول "اااه زبون جديد اهبل اصطدته اهو اما نديله بقي كام كلمة وهو هيصدق زي الدغف" !

والتاني بتاع "اعرف شخصيتك من خلال اكلتك" يعني تقوله اكلة معينة بتحبها يقوم يقولك حاجات في شخصيتك !!
بالذمة ده كلام يعني ..طب علي كده كل الناس متناقضة بقي يعني انا مثلا بحب الجمبري وبحب البصارة برضه اكيد ده تناقض كبير في الشخصية مثلا !!
او الناس اللي بتحب الكافيار وفي نفس الوقت بتحب الفول !!
ناقص يقولوا "اعرف شخصيتك من خلال تفتك"..ما هو كل شوية يطلع اعلان اعرف شخصيتك من خلال حاجة جديدة !!

وطبعا اكتر اعلان مستفز هو اعلان اللحاف بتاع الثورة ..للدرجة دي المتاجرة بالقضية ؟؟
دي متاجرة بجد بالمعني الحرفي..بيع وشراء..يعني هو ده تعريق جملة "متاجرة بالقضية" اللي هي الثورة..!
يعمل لحاف ويسميه لحف الثورة ويبيعه للناس ويناموا تحت علم مصر قال يعني جابوا جديد ماهو الشعب كله كان نايم فعلا تحت علم مصر ولا حد بيعمل حاجة اساسا لمصر !
وواحد تاني في اعلان سخيف في جرنان عن العمرة بيقولك ايه في الاعلان "عرض العمرة الجديد..سعر خاص جدا..الشعب يريد اسقاط الذنوب" !!
حاجة مستفزة للصبح يعني وتجيب مرض الاستبحس النفساني علي راي عادل امام ..

ولا الاستعباط في الالعاب عيني عينك بقي وبيسموها اي حاجة علي مزاجهم يقولك "الحق حمل علي موبايلك لعبة 6 اكتوبر" ومافيش اساسا لعبة اسمها 6 اكتوبر ولا نيلة ولكن هم خدوا لعبة اجنبية واعادوا تسميتها حسب مزاج الزبون يعني وخلاص وهي اصلا لعبة عالمية ويبجيلك الشركة اللي نتجت اللعبة في الاول هتلاقيها امريكية !!
وكل حاجة في الاعلان تلاقيها تبدأ بكلمة "الحق..مفاجأة..اقوي..اجمد..يلا بسرعة" يعني تحس من الكلمات دي ان يعني اللعبة هتطير قال يعني طوابير واقفة هتاخدها الحق ايه بس يا ست الحاجة دي لعب قديمة وبنت تيييييت !

وطبعا كل مطرب خد نصيبه من الكعكة وعمل نغمة للثورة عشان تتحمل ع الموبايلات من الخدمات دي ويكسب الوف من ورا الموضوع ده طبعا ..المطربين دول الفئة الوحيدة اللي مبتخسرش ولا في ثورة ولا في غير ثورة !

طيب الفترة دي المفروض يعملوا نغمات "طرة لاند" او سجن المزرعة عشان المساجين اللي جوة يحملوها وكده ..تكون اصوات تعذيب او صوت مساجين وهم بيكسروا الحجارة او حاجة زي دي عشان العادلي يتسلي ويحملها علي موبايله في السجن !

بلد نغمات صحيح !



Friday, April 22, 2011

"هانا"..فيلم تجربة علمية ام قصة انسانية ؟









البوكس اوفيس هذه الايام عامرة بافلام التجارب العلمية مثل فيلم "شفرة المصدر" والان الفيلم الشيق جدا "هانا".
"هانا" هي المثلة الامريكية البارعة "ساويرس رونان" او "سيرشا رونان" وكم هي محظوظة هذه الممثلة ليكون في مستهل عمرها افلام بؤديها بقوة
Atonement
و
The Lovely Bones
و
Hanna

يالها من مجموعة مازالت صغيرة ولكن ان استمرت بهذا المستوي لفترة طويلة ربما تكون لها مجموعة فيلمية من اقوي المجموعات في العالم وقد رشحت لاوسكار من قبل في دورها في فيلم

Atonement

طبعا يشاركها البطولة عمالقة في التمثيل مثل "اريك بانا" و "كيت بلانشيت" وبالطبع علامتهم في السينما غنية عن التعريف مثل
The Curious Case of Benjamin Button
للمثلة كيت بلانشيت

و
troy
للمثل اريك بانا وفيلم ميونيخ ايضا والعديد من الافلام الشهيرة .

الممثلة المحظوظة "سيرشا رونان" ذات السابعة عشر عاما فقط تملك مجموعة رائعة من الافلام حتي الان والتي تنافسها فيها الممثلة التي تملك نفس السن وهي "داكوتا فاننج" والتي شاركت في افلام مثل
Man on Fire
و
War of the Worlds
وهي صغيرة ..ثم شاركت في افلام ناجحة اخري بعدما كبرت في السن .

وكأن سن السابعة عشر عاما هذه الايام هو سن النجاح والتألق الغير عادي في هوليود رغم ان العرف في هذا السن هو استغلاله في افلام الرعب او الفانتازيا من الممثلات المشهورات في افلام الرعب تجدهم في السابعة عشر غالبا حتي العشرين.

فيلم "هانا" فيلم شيق جدا ومتميز يتحدث عن عميل سابق في السي اي ايه هو "اريك بانا" وكيف هرب ب "هانا" الي الغابة لتلقي تربيتها هناك وهي تظن انه والدها الذي علمها كل شئ في الحياة من فنون القتال الي جميع اللغات الي الصيد وفنون اخري ربما فقط لم يعلمها الموسيقي والغناء ويظهر ذلك في اكثر من مشهد وهي تستغرب وتتعجب من صوت الموسيقي.
"هانا" تكتشف حقيقتها وانها ليست ابنة اريك بانا بل هي تجربة علمية في بحث علمي كما صارحها "اريك" انها ولدت في مركز الابحاث حيث ياخذون البويضات المخصبة ويقومون بالتغييرات اللازمة ليحسنوها وكما يقول ليقللوا سعة الخوف والشفقة ويزيدوا قوة العضلات اي حواس افضل لجندي افضل !

كيت بلانشيت هي من تريد التخلص من اريك وهانا في نفس الوقت وترسل من يحاول قتلها ويطاردها ولكن تنتصر عليه هانا دائما بقوتها الغير عادية.
ولكنها تستطيع التخلص من "اريك" بالفعل بقتله.
تحدثنا عن افلام التجارب العلمية ولكن بما اننا نتحدث عن تجربة بحثية معملية فلن نتحدث مجددا عن تجارب مثل "شيفرة المصدر" او
The Lazarus Project

او هذه الانواع من التجارب بل ربما نجد التجربة الشبيهة جدا هي التجربة في فيلم

splice
من بطولة "ادريان برودي" بطل افلام التجارب دائما !


في احد جمل الفيلم الشهيرة تقول كيت بلانشيت "الاطفال ايضا ربما يكونوا خطيرين جدا" وهي محقة في هذا واذا اعتبرنا هذه الجملة جملة اساسية في الفيلم فلنري بعض الافلام التي تاخذ هذا الخيط ايضا في احداثها :




the children

فيلم رعب عن اطفال يقتلون اهاليهم بكل قسوة وعنف فجأة وتنتقل العدوي من طفل لأخر حتي يتحول الاطفال من برائتهم الي وحشية مطلقة ومرعبة جدا



Halloween

طفل مريض ومختل نفسيا يقتل كل افراد عائلته بدون اس سبب يذكر فجأة وينتقم من الجميع باقسي الاساليب



Hurt


طفلة وافدة جديدة الي العائلة تقوم بمطاردة الابنة والام وصديق العائلة وتقوم بمحاولة قتلهم جميعا وتجسد دور المختلة ببراعة وتميز



orphan

هي طفلة وليست طفلة في نفس الوقت حيث تتبناها العائلة علي اساس انها طفلة بينما هي امرأة ولكن تحمل صفات الطفلة وهاربة من مصحة عقلية لتقوم بتدمير العائلة



Children of the Corn

فيلم مبني علي قصة قصيرة ل "ستيفين كينج" ومعاد انتاجه من سنة 1984
تري ايضا فيه كيف يكون الاطفال فعلا خطيرون وقاتلون ويشكلون تشكيلا عصابيا اجراميا كبيرا




تعد هذه اشهر افلام التي يمثل فيها الاطفال خطر حقيقيا مرعبا وتهديدا مثلما قال السطر في الحوار في فيلم "هانا" ."ان الاطفال يمكنهم ان يكونوا خطيرين جدا".

فيلم "هانا" يمثل اقوي افلام البوكس اوفيس هذا العام ولا اعرف هل يستمر عام 2011 هو عام افلام التجارب العلمية التي تحتل البوكس اوفيس ام ماذا ؟
هذه النوعية من الافلام محبوبة جدا في هوليود وخصوصا اذا اسندت الي ابطال وممثلين معروفين بدلا من افلام التجارب التي تسقط في الاختبار احيانا بسبب الابطال المغمورة مثل افلام الرعب التي تظلم في الكثير من الاوقات.

ربما كان من اغرب المشاهد في الفيلم مشهد هانا وهي تتحدث اللغة العربية بطريقة غريبة جدا وتقول "شو هذا" للرجل المغربي الذي هربت اليه في الفيلم.

عموما الفيلم جيد جدا ويستحق المشاهدة ومزيد من التالق للمثلة الشابة التي تسير علي الطريق السليم جدا حتي الان في اختيار الافلام.

Thursday, April 21, 2011

انت السبب فيها يا مبارك انت ونظامك






كل ما يحصل موضوع الفتنة الطائفية وتتجدد المشاكل من النقطة دي نرجع نسأل عن السبب ونتكلم عن الاحتقان تاني وايه اسبابه ويطلع الشيوخ في التليفزيون تاني ونعمل يوم مصالحة وطنية وكلام معاد ومكرر ويمكن الوحيد اللي عارف الاسباب هو حسني مبارك لانه هو السبب في كل حاجة خاصة بالفتنة الطائفية واقولكوا ازاي بصرف النظر عن اللي كان بيعمله لاحداث الفتنة لكن في اسباب اكتر كمان هو متسبب فيها كلها :



1 - حصة الدين في المدرسة اللي بنطلع فيها الطلبة المسيحيين او حصة الدين المسيحي الي بيطلعوا فيها برة الطلبة المسلمين باسلوب غبي ومهين يرسخ في الاطفال ان دول اعداء مثلا وان اختلاف الدين هو بمثابة كارثة وان دول مش لازم نقعد معاهم في اي مكان..اي طفولة دي اللي بتقوم علي عنصرية وكره ؟؟ ليه ميعدوش مع بعض ده يسمع احيانا معلومات عن دين ده والعكس صحيح .


2- ملايين ..جيوش من الاميين اللي مبيعرفوش يقروا ويكتبوا بفضل مبارك القذر ازاي هيقروا احاديث عن الرسول لحسن معاملة الاخوة المسيحيين وان كل واحد حر في دينه ؟ ازاي هيقروا احاديث ولا قرأن حتي عشان يعرفوا دينهم ؟؟ كل اللي هيعرفوه هو التعصب ولغة التعصب اللي قدام عيونهم مش محتاجة علم هي محتاجة بس "جهل وامية" !



3- اختيار المدرسين في عصر مبارك للاسف كارثي وفي منهم كل الاتجاهات ومنهم المتعصب ضد الدين الاخر بل وحتي الفكر الاخر وبيحاول يزرع ده في الطلبة عشان يطلع جيل جديد من اشكاله اللي مليئة بالحقد والجهل والتعصب الاعمي لدرجة ان في بعض المدارس المتشددة ممكن يقولولهم سدوا ودانكوا عشان جرس الكنيسة..اي جهل ده وحقارة ؟؟


4- القنوات الدينية اللي ملهاش اي شروط واللي تطلع سداح مداح سواء مسيحية او مسلمة مكانش ليهم اي وقفة في عصر مبارك وكانه فرحان باللي بيحصل وبالكلام اللي ع الهوا كل يوم يزود نار الفتنة من الطرفين ويخلي كل البلد تقع في بعضها بسبب بعض العلماء اللي هم مش علماء ابدا ولا هم داعية وبيطلقوا الالقاب علي نفسهم جزافا.


5- عدم الانتماء السياسي بسبب الجهل والفقر والمرض بيخلق الحاجة لانتماء اخر ومافيش غيره وهو الانتماء المتعصب للدين بس ومافيش انتماء تاني جنبه ولا حتي انتماء للبلد وده بيخلق جيوش من المتعصبين اللي كل قضيتهم في الحياة هي المحافظة علي الدين من الاديان الاخري وكانهم اعداء.


6- كلمة "اقلية" اللي بيتعمد يقولها الاعلام في عهد مبارك بتزيد من التعصب والكره من الطرفين ولازم متتقالش الكلمة دي مافيش اقلية وملا في ضيوف كلنا مصريين


7- قانون بناء الكنائس في عهد مبارك اللي خلي كل ما حد يبني كنيسة كأنها كارثة رغم انه حق اصيل للمسيحيين عشان يتعبدوا في اماكن مخصصة ليهم وحق من حقوق الانسان ولكن مبارك جعل الموضوع سايب ومحاولش يحكموا عشان الناس تتلهي فيه بدل الفساد المتلتل


8- فزاعات الدين والاخوان والسلفيين وغيرهم اللي خليتهم كارهين لكل حاجة بسب محاصرتهم وقهرهم فترة زمنية طويلة جدا وكتير منهم هيطلع الكبت ده عنصرية وكره للاخر ورفض للحوار علي اساس ان هم بس الصح لانهم خرجوا من حبس وقهر تلاتين سنة.



9- بعض الامهات للاسف لو ابنها سالها "ماما هو المسيحي حلو ؟" هتجاوبه لكل جهل "لا يا حبيب متقعدش معاهم دول مش زينا" ..وهي مقرتش كتاب واحد في التربية او في الدين او عن الدين الاخر حتي لان في عصر مبارك مافيش وقت للقراية ولكن كل الوقت للكد والعرق لان المرتب ميكفيش عيش حاف



10- الظلم من بعض الجهات والفساد الاداري في الشركات والبنوك وغيره اللي بيعين حسب الديانة يعني لو مدير مسيحي يعين الموظف المسيحي حتي لو المسلم اكفأ..ولو مدير مسلم يعين الموظف المسلم حتي لو المسيحي أكفأ..هو بس بيعين حسب خانة الديانة ومالوش دعوة بالكفاءة.


11- الواحد في عصر مبارك عمره ما كان يقدر يقول رايه بصراحة فبيخرج يقول رايه المتعصب علي الانترنت واللي كتير بيكون مبني عن جهل وتلاقي في معظم الفديوهات للاسف ع اليوتيوب وغيره كل التعليقات شتايم بين مسلمين ومسيحيين وغالبا في سن المراهقة لان التعليم هو المسئول الاوحد والاساسي في عملية الفتنة.



12- كلمات العنصرية اللي بتققال في الشوارع واللي لازم يعاقب عليها القانون زي كلمة "دول كفطس يا عم" ... "دول تلاتة ريشة" وكل الكلمات اللي بتشير باستهانة الي اي دين اخر لازم تتمحي من القاموس المصري



13- عادات القرية للاسف كتير بتسبب الفتنة واللي كانت شئ ايجابي ان كل واحد عارف جاره في القرية اصبحت كارثة وشئ سلبي وبتعتبر تدخل في شئون الغير زي اما مسلم يتجوز مسيحية يتدخل القرية كلها ويولعوها نار رغم انه مش شأن اي حد طالما الطرفين موافقين


14- البحث عن قضية ..للاسف بكل جهل يتدخل الجميع للبحث عن كاميليا ولا وفاء ولا زفت الطين بدون ادني سبب وعايز يدور عن قضية بس بدون هدف من الوصول حتي لكاميليا وكانها هتزود الدين واحد يعني !



15- احداث هدم الكنائس والاشاعات الفاسقة اللي بتطلع في بعض وسائل الاعلام ان الكنائس فيها اسلحة وبتاع تولع البلد وتخلي الناس تطلع تولع في الكنيسة يعني الاعلام دوره اساسي واحيانا بيكون ليه دور في اشعال الفتنة هو ومبارك طبعا.



16- امن الدولة السابق ودوره المعروف في اشعال الفتنة بين الطرفين بل وكان مسئول عن بعض اعمال الحرق وتفجير الكنائس بكل كفر ودناءة..


17- السير ورا بعض الشيوخ او القساوسة كان كلامهم مقدس او معصومين من الخطأ للاسف رغم انهم بيغلطوا كتير في الكلام وليهم تصريحات مستفزة جدا والناس بتاخد كلامهم علي اساس انه كلام من عند الله مثلا رغم انه لا يمثل الا ارائهم الشخصية يعني عمليه "التقديس" من اسباب الفتنة.





دي كانت معظم اسباب الفتنة في مصر واللي كل شوية تطلع وتطفو علي السطح من وقت لاخر وربنا يحفظ مصر منها ومن شرها
ومش هتختفي ابدا اللي اما نقضي تماما علي ملايين الاميين اللي في مصر واصلاح التعليم واختيار المدرسين بعناية بناءا علي من يصلح وبناءا علي ثقافتهم ووعيهم.

Wednesday, April 20, 2011

ضمير مستتر تقديره "عاشق"






صلي في عيوني صلاة غياب ورحيل..
وإستتري بالفجر قصائد ورد وتراتيل أنوثة..
وامتطي صهيل دمائي كفارسة ستحرر قلب العالم..
واخفتي بالنور واجهري بالحب "عشقا وعلانية"..


عزيزتي "جوليت"..
تنساب تفاصيلي حروفا مقتولة كي تكتب "الأعمال الكاملة" لاسطورة عينيك..
ومازلت احاصر قصرك بجيوش من ملائكة العشق وان يحضرون..
مازالت كل شياطيني تعانق كل ملائكتك كي تشرب أكسير الفردوس وتبلل اقدامها من نهر بنفسج ..
إختبأي في جبيني جزء من فكرة وجزء من ندي ..
كي تعتمري ندي افكاري وتسكني في قلب الندي..
واكتحلي من نظراتي خجلا للحظة ولحظة للوجود..


عزيزتي "جوليت" ..
لا تسأليني هل مازالت احبك ..
فالعالم داخلي حالة فصام كاملة..نصف يحبك ونصف يتغني باسمك !
فإن لم تستلهميني شعرا..فقد استلهمنا الحب وظل يغني قصتنا كما "شاعر ربابة" السماء..
فدعيني أختبأ من العالم تحت خصال شعرك ليصبح صبحي "ناعما" وليلي "حالكا جميلا" ..
وازرعي زهرة في حديقة منزلك بإسمي..واقرأي عليها السلام وبلغيها مني السلام..والقي عليها كلماتي وسحر عيونك..
كي تصبح لها الشمس والماء..
فان نضجت الزهرة اتيت..وان ذبلت رحلت واكتويت..!

عزيزتي "جوليت"..
انا لا أسألك ان تضميني الي حضنك..
بل ضمي خوفي الي حضنك كطفل اعتراه برد الحب وقسوته..
ولا أسألك ان تقبلي شفتاي ..
بل ان تجعليني اقبل يد اللحظة التي جمعتني بنظرة منك ولحظة خوف عليك..
ولا أسألك ان تسكني في دمائي..
ولكن دعيني في دمائك ضمير مستتر تقديره "عاشق"..!


عزيزتي "جوليت"..
ان نمتي في ليلك الهادئ فحذاري من أناملك الناعسة ان تعزف اخر اغنية للقدر..
وحذاري من عينيك ان تغمضيهما وانا مازالت لم ارحل من اخر نظرة..
وحذاري من قدميك ان تهدأ ومازالت تمشي في لوحة لمشهد اخر لقاء..
حذاري ان تقتلي اللوحة في نومك..وهي مازلت تنبض في صحوي..

عزيزتي "جوليت"..
إستأنسي العاشق الاقوي بداخلي..لتهنأي بجمال قوتي وصفاء ضعفي..
وابذري انوثتك في أرض قلبي..
وهزي بجذع النخلة يخرج لك نبضا عاشقا مسالما لعينيك يسلم لما فيها..
وإستظلي بشمسي كي يجمعنا الظل لقاءا مرسوما بخيوط الشمس..
وراقصي قمري كي يجمعنا نوره علي عهد الليل وحسن لقائه..


عزيزتي "جوليت"..
يا من خلقتي من "صيغة تفضيل" وجعلتي القمر مصاحبا لطرق صوفية عشقية..
أشتاق الي جبروت عيونك مرتين..
مرة لتخلق حلم ولد..ومرة لتخلق لي فتاة يعشقها..
فتصير نظرتي قصة حب مكتملة بين "ولد" للحلم.و "بنت" للجمال..
فاخرج من حلم الجمال الي جمال الحلم..
ويتساقط الحب فوقي بردا وسلاما ..

عزيزتي "جوليت" ..
انبشي باظافرك اخر لحظة تجمعنا..
اتركي فيها اثر لكي حتي ولو كان "خربشات"..
لعلها تعطي لفرصة اللقاء قبلة الحياة..
وتعطي الامل سجادة سحرية يطير عليها الي قلوبنا مرة اخري..


عزيزتي "جوليت"..
امام عيونك تعشق روحي قطعة دانتيل بيضاء..
لا اعرف هل تبكي فيها امام تغزلها رداءا ام تصنعها حجابا من قهر النظرة..!
وتتعلم اصابعي رقصات الباليه فوق الكلمات المغزولة باسمك..
وتتعلم عيوني ان تصبح خياما لقبائل الانوثة المسافرة من عينيك..
وتتعلم نبضاتي ان تصبح "اغريقية" تؤمن باساطير برائتك وجنون النظرة..



عزيزتي الغالية..
لم ارحل بعد وان رحل الجسد..
فسيبقي شيئا واحدا في هذا الجسد لم يرحل ابدا..
قلبي المصلوب ما بين المشهد الاخير واخر خطوة..
فان لم تعيدي لي ذاتي كاملة..
فعلي الاقل اعيدي لي قلبي بنظرة واحدة ..ولو كانت الاخيرة.


Tuesday, April 19, 2011

هوليود وأفلام المشاكل والاضطرابات والأمراض النفسية








تمتلئ هوليود بالعديد من الأفلام التي تعج بالمشاكل والاضطرابات النفسيه لابطالها والتي يكون الدور المحوري فيها هو هذا البطل او ما يعانيه من ازمة نفسيه او حتي مرض نفسي ربما خلل في الشخصية او بعض افلام عن التوحد او المتلازمات او اشكال اخري من المشاكل والامراض والاضطرابات بكافة انواعها ونبدأ في عرض مجموعة من اهم هذه الافلام والتي يكون دور البطل فيها ممن يعانون من احد هذه المشاكل :




1 -
Red Eye


من اجمل ادوار الممثل
Cillian Murphy
في هذا الفيلم الشيق الذي يروي تفاصيل قصة خطف فتاة ولكن دور البطل يتميز بتمثيل رائع وتشعر بمدي العقد والمشاكل التي تحيط بحياته اثناء الفيلم حتي اثناء الحوار نفسه مع الفتاة علي الطائرة او في اكثر من مشهد ..وانه يجد ما يفعله هو الصواب بلا ادني احساس بالذنب وتنكر في صورة الحمل الوديع حتي تثق به الفتاة ليتم استدراجها الي المجهول وتجد شخصية اخري تماما امام عينيها..فيلم يستحق المشاهدة.




2-
Funny Games

لن تصدق ما تراه من كمية المشاكل النفسية التي تحيط بالابطال..يتهجم علي بيت جيرانهم الجدد ويتم التنكيل بهم وتعذبيهم وضربهم بل حتي اغتصاب الزوجة امام الزوج وقتل الزوج وهم في قمة اللذة مما يفعلون ويستمتعون بكل هذا التعذيب ويضحكون ويأكلون ايضا كل ما يجدونه في المنزل اثناء التعذيب كأنهم يمارسون هوايتهم المفضلة




3-
The Strangers

قريب جدا من الفيلم السابق ..مجموعة مقنعين يتهجمون علي منزل في احد المناطق المهجورة ليستمتعون بصوت ضرب السكين في اجساد الضحايا في هذا المنزل وتعذيب الفتاة امام حبيبها والعكس ايضا
وحتي لا يتحدثون مع الضحايا من تحت الاقنعة ولكنهميمارسون معمتهم في حزم واضح.




4-
Evilenko

من اقوي ادور الممثل
Malcolm McDowell
مدرس يمارس الرذيلة مع الاطفال ويختطفهم واحيانا يقتل ضحاياه بعد ان يتلذذ بهم ويحاول ان يبرر ما يفعل في التحقيقات نظرا لظروف سياسية جاحفة مرت به فجعلته يندفع للانتقام من الاطفال وكل ما هو حي حتي .
من اقوي ادوار الشر والخلل في شخصية البطل الذي مارس الدور ببراعة وحبكة.




5-
Misery

من اجمل قصص "ستيفين كينج" والذي حصلت فيه البطلة "كاثي باتس" علي اوسكار افضل ممثة لقيامها بدور المهووسة بكاتب شهير قد قادته الي منزلها ليكتب امام عينيها وتجعله اسيرا لها وتربيه كفلها الصغير من كثرة الهوس الذي يصيبها به وكان الجنون قد صابها فلم تري في الدنيا سواه وكانت تخفيه عن الجميع وتكتم حتي صوته حتي لا يستغيث بالخارج ..
فيلم اكثر من رائع ومن افضل افلام التسعينات



6-
Eden Lake

رحلة ونزهة الي بحيرة بين رجل وحبيبته تنقلب الي كارثة وتعذيب وسلخ الجلود من مجموعة شباب مختل يحيط بهم من كل الجهات حتي عندما تم انقاذها من قبل مجموعة من الافراد اتضح انهم من عائلة الشباب ايضا فعذبوها اكتر حتي لا تبلغ عنهم الشرطة..فيلم ملئ بالتعذيب وممارساته.




7-
One Hour Photo


من اقوي ادوار روبن ويليامز الذي جسد فيه دور المهووس ايضا بعائلة كان هو الذي يحمض الافلام الخاصة بهم من فترة طويلة حتي شعر انه جزء من هذه العائلة ومن حقه ان يدخل في اعمق اسرارها حتي واعطي لنفسه الضوء الاخضر ليتعمق في حياتهم حتي تصيبهم لعنته وتخيم عليهم المشاكل بالجملة من الهوس الخاص بالبطل بهم..
ويكتشف حتي خيانة الزوج ويدمر الاسرة تماما بسبب تطفله حتي تقبض عليه الشرطة.




8-
Taken in Broad Daylight

ايام صعبة تمر بها البطلة في هذا الفيلم مع مختل يقوم باختطافها بل انه حتي يرعاها ويبدأ في حبها والاعجاب بها وتري كم التناقض في شخصيته في كل مشهد ما بين الشرير والعاشق والمجرم ..كل مشهد تجد له شخصية مختلفة تماما وسط خوف الاهل علي الفتاة حتي يتم القبض عليه في مشهد مؤثر في نهاية الفيلم وهو يصارح الفتاة باعجابه وهوسه بها.




9-
Mozart and the Whale

من افلام "المتلازمات" ..قصة غريبة جدا تتحدث عن علاقة عاطفية وقصة حب بين اثنين مصابون بما يسمي ب
Asperger's syndrome
تمثيل واداء ولا اروع من الممثل "جوش هارتنت" يجسد فيه دور المصاب بهذه المتلازمة وعشقه وحفظه للارقام كما هو الحال لمرضي التوحد التي تمثل علاقة بهذه المتلازمة.
وتدخل معه البطلة في علاقة عاطفية بعد ان حضرت مجموعة لمشاركة مشاكلهم لانها مصابة بنفس المتلازمة.




10-
Lars and the Real Girl

فيلم قد رشح لاوسكار..يلعب فيه البطل "ريان جوسلنج" دور شاب وحيد يقع في حب دمية جنسية ويقدمها للمجتمع علي اساس انها حبيبته وصديقها بل ويسرد تفاصيل علاقتهم وكيف تعرف عليها بل وحتي اكلها المفضل ويظل يحدثها طوال الوقت وسط دهشة اخوه مما يحدث وما قد اصابه
ياخذها معه للحفلات وياكل ويتحدث معها كانها صديقته او حبيبته الحقيقية وليست مجرد دمية.




11-
Adam

ايضا فيلم عن قصة حب بين "ادم" المصاب بمتلازمة اسبرجر ايضا ولكن البطلة هي جارته وهي فتاة عادية جدا ولكنها دخلت في تفاصيل حياته ووجدته انسان رائع وبدأت مساعدته في رحلة العلاج وسط قصة حب رائعة تدور في فلك الفيلم.




12-
p2

في ليلة الميلاد يخطفها عامل الجراج في الشركة اثناء رحيل الجميع ويحضر لها كئوس للاحتفال ويروي لها عن ولعه بها وحلمه دائما بها .قصة هوس وجنون اخري في هذا الفيلم الشيق وسط عذاب والام من الفتاة الضحية بل ان الشاب المهووس يقتل كل من كان في الشركة من عمال باقون كلما اعترضوا طريقه للحصول علي الفتاة.




13-
Psycho

فيم من الستينات واعيد انتاجه في التسعينات والنسختين رائعتين من الفيلم عن مريض نفسي يقتل ضحاياه لاحساسه بوحدة قاتلة بل انه قتل اعز الناس له وحنطهم في قبو منزله.





14-
The Uninvited

رهاب الخوف من الاماكن الواسعة..من الساحات ..ام تخيلات واشباح حقيقية في المنزل ؟ فيلم شيق ومثير للغاية يستحق المشاهدة في هذه المجموعة.





15-
Reign Over Me

اقوي ادوار "ادام ساندلر" عن رجل فقد عائلته بالكامل ويمر بظروف نفسية صعبة جدا يجسدها باحتراف في هذا الفيلم حينما فقد عائلته في احداث سبتمبر في تجربة صعبة وقاسية للغاية.




16-
orphan

عائلة تربي فتاة علي اساس انها صغيرة وهي فعلا طفلة صغيرة او تشبه الاطفال ولكن الحقيقة عكس ذلك يكتشفون في النهاية انها امرأة كبيرة مصابة بمرض معين يجعلها تبدو طفلة رغم انها امرأة كبيرة

وتدخل المنزل وتدمر الحياة بداخله ويصيبها الغيرة من سيدة المنزل وتحاول السيطرة علي زوجها وتصبح الحياة في المنزل جحيم منها.




17-
Little Children

رشح لثلاثة جوائز اوسكار..من اجمل افلام "كيت وينسلت" و "جينيفر كونلي" فلم يعج بالمشاكل النفسية والاضطرابات من اول مشهد الي اخر مشهد من اول شخصية الي اخر شخصية ..لا يوجد شخصية واحدة في الفيلم سوية او حتي قريبة من كلمة سوية..فيلم من اجمل افلام الدراما ومن اقوي افلام مجموعة المشاكل النفسية او الاضطرابات..تجد فيه مشاكل مثل الهوس والوحدة القاتلة وحب السيطرة والهوس الجنسي علي الانترنت ومشاكل اخري كثيرة.







18-
Boogeyman 2

مصحة نفسية يبدأ احد الموجودين بها في قتل ضحاياه واحدا تلو الاخر تكال التهمة لشخص اخر او فتاة اخري فيلم ملئ ايضا بالعقد النفسية في احداثه والقصص التي تروي من كل بطل داخل الفيلم تجد فيها كمية من المشاكل غير طبيعية.




19-
Obsessed

فيلم من بطولة المطربة "بيونسيه" جسدت فيه دور الزوجة لزوج يحاول ان تسيطر عليه امرأة تغير من نجاح علاقتهم الزوجية وتحاول ان تخطف زوجها مهما كلفها الثمن حتي انها كانت تضع له المنومات
لتلتقط الصور معه وترسلها لزوجها لانها تريد تدمير العلاقة باي ثمن فهي تغير من نجاح هذه العلاقة الزوجية وكمالها












Monday, April 18, 2011

فيديو جيم الثورة..قصة قصيرة







لم يكن الاستاذ سامح سوي مدرس بسيط في مدرسة صغيرة نسبيا لا يصبره فيها الا حب مجموعة الطلبة التي تحيط به وتعتبره قدوة ومثل..
كانت ظروف الحياة اصعب واقوي من 120 جنيها يتقاضاها الاستاذ سامح شهريا بعد تعب ومجهود شهر كامل بدون اي دروس خصوصية لانها ضد مبادئه ويراها استغلالا للفقراء..
كان اغرب حدث يوميا في صاة الفيديو جيم هو اجتماع الطلبة والمدرس سويا داخل الصالة للعب العاب الفيديو العنيفة القتالية يوميا..كانت بالنسبة للاطفال متعة وتمضية وقت بينما كانت للاستاذ سامح قصاصا واخراج جرعات الغضب المكتوم والانين .

العامل في الصالة : كوين جديد يا استاذ سامح ؟؟
سامح : ايوه يا مدحت هات كمان واحد ويبقي عليا ليك 2 جنيه

كان مدحت عامل الصالة هو الوحيد الذي يشعر بحالة الاستاذ سامح وانه لا يلعب للمتعة بل للظروف القهرية التي تحيط به من غلاء الاسعار وعلاج امه الفقيرة وبيته المنتكس وحالته الصعبة حتي ان استاذ سامح يصرف معظم مرتبه الهزيل في صالة الفيديو ونصحه مدحت اكثر من مرة بان لا يصرف الاموال في الصالة بلا جدوي حيث كان يراها الاستاذ سامح تنفيثا له واخراجا لهمومه اليومية.

مدحت : تلعب لعبة ايه النهاردة يا استاذ سامح ؟
سامح : هاتلي اعنف لعبة عندك..وهاقفلها
مدحت: محدش قدر يقفلها قبل كده
سامح ينظر اليه ساخرا : جربني يا سيدي

كانت كل قبضة وكل لكمة يوجهها الاستاذ سامح في اللعبة لم تكن لهذه الاشخاص الكرتونية الوهمية بل كانت تتمثل دائما امام عينيه باشخاص معينة ربما شخص "القهر" ربما شخص "المرض" ربما شخص "الحكومة" وافعالها الدنيئة التي عيشت الناس حياة غير ادمية علي الاطلاق.
كان الاستاذ سامح لا يسمع حوله سوي كلمة "براحة علي الزراير" لانه كان يلعب بغضب عارم وعنف شديد واثناء اللعب ظل الاستاذ سامح سارحا قليلا ويسند راسه الي الجدار المجاور وهو يلعب
يتذكر يومياته في المنزل :

الام : متنساش يا سامح الدوا وانت جاي والنبي يا ابني ربنا يكرمك
سامح: حاضر يا امه انا هاعمل اللي في وسعي واجيبهولك انا داخل جمعية مع الشباب وهاقبض النهاردة
الام: ربنا يجازيك خير يا ابني انا تعباك معايا
سامح : متقوليش كده يا امه ده انتي الخير والبركة

ويزداد ضغط الاستاذ سامح علي الازرار ويصل لمرحلة متقدمة جدا في اللعبة لم يصلها احد من قبل في الصالة تقريبا ببراعة فائقة وسط دهشة الجميع من اسوب لعب سامح
ويتذكر الاستاذ سامح مشهدا اخر من حياته اثناء اللعب :

جار من الجيران : يا سامح هنعمل ايه يا ابني في موضوع البيت..البيت هيتنكس ولا ايه مصيره ؟
سامح : يا عم طلعت ان شاء الله كل حاجة هتبقي تمام بس ادعيلنا نخلص الشكوي دي ويردوا علينا
الجار: ربنا يسهل يا ابني لو البيت جراله حاجة مش عارفين هنروح فين
سامح : الحال من بعضه يا عم طلعت ربنا يسترها


يزداد الضغط لاستاذ سامح علي الجهاز ويكاد ذراع اللعب ينخلع في يده وهو يضرب كل الشخصيات في اللعبة ويصل لمراحل اكثر تعقيدي وسط صيحات التلاميذ "سااامح ساااامح "
تشجيع حار لطلبة الاستاذ سامح الذين يعشقونه جدا ويرونه واحدا منهم بل ويشاركهم العابهم ايضا

كان التليفزيون الوحيد داخل صالة الالعاب مكتوم الصوت وكان اليوم هو 25 يناير وفجاة صاح "سامح " :علي شوية الصوت يا مدحت معلش
مدحت : بس كده مش هتعرف تلعب
سامح: مش مهم عايزين نشوف ايه ده بالظبط
مدحت: انت مجبتش الجرايد انلهاردة ولا ايه ؟ في مظاهرة بيقولوا كبيرة قوي في مصر
سامح: مظاهرة ؟ طب علي شوية

ظل سامح يلعب اللعبة ويضغظ علي الازرار وهو يسمع باذنيه ما يقال في نشرة الاخبار عن المظاهرة التي تحولت الي ثورة ويسمع اصوات ويري في لفتة عين للشاشة كل فترة صورة المياه التي تسقط فوق المتظاهرين في عنف واضح ويتذكر المياه التي كانت تسقط فوق وجهه كل يوم من سقف البيت المشقوق من الفقر والجوع

الام : مش هنصلح السقف ده يا سامح ؟
سامح: ربنا يسهل يا امه بس مافيش فلوس نجيب واحد يصلحه
الام: يا ابني بيع حتة الدهب حتي ونصلحه بدل ما تصحي كل يوم الصبح علي مية بتقع عليك انا همي رضاك يا ابني وراحتك
سامح: لا يا امه دهبك عمره ما هيتباع


ثم يري سامح مشهد ضرب المتظاهرين بالعصا الغليظة من الامن المركزي فيتذكر مشهد تعرض له سابقا حينما شهد في قضية ضد ناس مسنودة :

البوليس : افتح يا روح امك
سامح: في ايه يا باشا انا امي تعبانة
البوليس: امك ؟؟ انا ماليش دعوة اتفضل معايا يا حبيبي
سامح: ليه بس يا باشا ؟
البوليس : ليه ؟؟ انت مش عارف انت شهدت علي مين يا روح امك ؟ هاتوا الكلب ده

وتعرض سامح في القسم لكافة انواع التعذي ليغير شهادته امام النيابة..

ضغط سامح الازرار بعنف واضح في اخر مرحلة من اللعبة وكاد ان يصل الي المرحلة النهائية او "الوحش" الاخير لنهاية اللعبة وفجاة يعلو صوت الاخبار لناس تشتكي في الشارع "بيعذبونا ويضربونا..المن المركزي بيضربنا ويسحلنا في الشوارع حراااام يرضي مين ده يرضي مين ده ؟ "

وفي اخر المرحلة وفي نهاية اللعبة يكاد سامح يحقق انجازا غير مسبوق في صالةالالعاب بتقفيل اللعبة الصعبة جدا ويترك فجاة الصالة ويجري بطريقة غريبة ويسأله مدحت : علي فين يا استاذ سامح؟؟مش هتقفل اللعبة ؟؟ ده انت فاضلك الوحش الاخير
سامح: معلش يا مدحت انا رايح فعلا للوحش الاخير !

وجري سامح بعرض الشارع وطوله للوصول للمظاهرات والانضمام للمتظاهرين متذكرا كل ايام الفقر والحرمان التي عاشها في ظل جبروت تلك الحكومة الفاسدة
وكان اغرب ما في المشهد هو جيبه الملئ بالكوينز للعبة والتي ظلت تتساقط طوال فترة هرولته في الشارع الي ان وصل لمكان المظاهرات ليشتبك مع الامن المركزي وفي نفس الوقت كان في الصالة طالب من المدرسة اكمل ما فعله الاستاذ سامح وهزم الوحش الذي وصل اليه الاستاذ سامح بينما كان الاستاذ سامح يهزم الوحش الحقيقي..الوحش الذي اكل البلد ومضغها بين انيابه..

طالب : هو الاستاذ سام جري علي فين يا عم مدحت ؟
مدحت : راح يهزم الوحش الحقيقي يا حبيبي وسابلك الوحش ده تهزمه انت بمعرفتك .


وان كانت مسرحية ..وان كان سينزل الستار الان ..فربما يمثل مدحت دور "الظروف" والكوينز "تصبيرة علي الحياة" ..والوحش "نظام فاسد" ..وسامح "كل مواطن مصري "..!

Sunday, April 17, 2011

كل سوشي واضربها سبايكي ولا يهزك






الشعب المصري عنده اسباب غريبة قوي في بعض المواقف وحجج اغرب ساعات مش بتبقي مناسبة للراجل الشرقي التقليدي سواء مصري او عربي

يعني مثلا واحد يقول للتاني "شعرك منكوش ليه كده يا عم ؟ "
يقوله " منكوش ؟؟ لاااا ده سبايكي قصة كده يعني" .
واحد تاني يقولك لا لا عربيتي مش متربة او وسخة ده تقدر تقول عليه "ديرتي استايل" ..!
يا عم ما هي كلها تراب قدام عيوني اهي "ديريتي استايل" ايه يعني ؟ اجيبلك شوية طين تزودهم ع العربية عشان تبقي اخر موضة يعني ولا ايه ؟؟
ممكن واحد يقول لمراته "انتي يا ست هانم ..انتي جايبالي الأكل من المزرعة للطرابيزة ولا ايه ؟؟ جايبة اكل ني ؟؟ "
تقوله "ني ؟؟ لا يا حبيبي ده سوتيه "

تاني يوم "جايبالي المرة دي سمك ني ؟؟ هو كل يوم اكل ني؟؟ "
تقوله "لا يا حبيبي ده سوشي" ..!
هو فعلا مش اكل ني ولا حاجة بس قدام العين والواقع بيقول انه اكل ني لو متعرفش السوشس او السوتيه يعني ..بالمنطق كده هو ني !

وساعات الستات تحب تهرب من الاكل التقليدي زي المحشي مثلا وتروح لاكلات صعبة من القنوات اللي ع الدش قال يعني متربية في المطبخ الاسباني بقي وبتاع الله يرحم قيام ما كانت بتستحمي ع النملية !
يقول الراجل "ايه الاكل ده ؟؟ ده واقع من الجيران ولا ايه ؟؟ "
تقوله "لا يا حبيبي دي وصفة مكسيكية من قناة فتافيت "
يقولها "اه طب ثانية واحدة اروح البس مكسيكي واجيلك اهو..ده انا اللي هاخليكي فتافيت ".

اما الموضات الجديدة بقي ممكن ناس متعرفش عنها كتير زي الامريكان ستايل في الشقق او الحاجات دي بصراحة قدام العين هي عبارة عن "مطبخ في الصالة" او اي كلام بس هي شيك.
واحد ممكن يقول لصاحبه "ايه ده يا عم انت انت حاطط الكابينيه في الصالة ؟؟ "
يقوله "كابينيه ؟؟؟ ده استايل امريكي يا مغفل "
يقوله "ستايل امريكي انك تعمل قدام الضيوف يعني ولا ايه؟؟ وهم بيصقفولك ويشجعوك بقي وانت بتعمل ولا بيروحوا اوضة تانية ؟؟ ههههههه "


واحد شايف صاحبه لابس ابيض في ابيض "ايه يا سيدي انت طالع عمرة قريب ولا ايه ؟؟"
يقوله "عمرة؟ ده انا لابس زي عمرو دياب في عودوني هو اي ابيض يبقي عمرة ؟؟ يعني هو حد هيروح عمرة بالملابس الداخلية عشان لونها ابيض مثلا ؟ "

واحد تاني يقول "الحق يا عم الواد سايب اللباس برة خالص ومش واخد باله متقوله يا عم ده منظره وحش قوي"
يقوله" لباس ؟؟ ده بوكسر ..وبعدين دي موضة ان البنطلون يبقي ساقط "
يقوله " معلش مكنتش علي ايامي ان البوكسر يبقي برة المرة الجاية هسقط البوكسر نفسه "

او يقوله "يا ساتر يارب ايه يا عم شكمانك بايظ ولا ايه متروح تظبطه "
يقوله "لا ده تربو الشكمان مية مية "


واحد يقول في ساقية الصاوي قدام فرقة غنائية "ايه يا عم الاغاني المقرفة دي دي اصوات تقرف "
يقوله "دي الفن الجديد يا استاذ ده شئ رائع الفرق الغنائية دي "
يقوله " يا سيدي ما هو قدامك اهو معندهمش صوت خالص "
يقوله " مش مهم الصوت دلوقتي " !!


في وسط الهوجة دي كلها معادش في حاجة اسمها "معفن" زي زمان ..!
يعني كان زمان تلاقي واحد شعره منكوووش جدااااا والبوكسر طالع من البنطلون تقول ايه الشاب "الهليهلي المعفن" ده ؟
دلوقتي خلاص ده اسمه شاب مثقف..ومكانه مش الخانكة لا مكانه ساقية الصاوي كمان !!

حتي كلمة محشش فقدت معناها تماما ودخلت في اطار كوميدي !
يعني زمان قوي كان اللي يشر حشيش كاااارثة واهله تنفخه..دلوقتي يقولك ايه يعني انا بشرب زي سلطان الطرب ومنير كمان ده الحشيش ده لكبار الشخصيات !

واصبح اللخبطة اللغوية اسمها "فن مختلف" يعني ابوظ اللغة واقول "احبج " بدل "احبك" واقول اصله فن خليجي..كأنهم مش عرب مثلا طب ما هي نفس اللغة !!
خلاص انا هاغير كام كلمة انا كمان واعمل فن موزمبيقي واقول "احبن يا عيوني " بدل احبك ويبقي فن خاص بيا !

وتعمل اي اغاني عن العنب والحشيش وتقول "فن شعبي "..اصله بيوصل اكتر للجماهير فهو مهم
لا هو مش مهم ومش اي حاجة بتوصل اكتر للجماهير اعملها المفروض اوصلهم الفن الحقيقي.

لكن عصر متناقض جدا في كل شئ حتي تلاقي معظم اللي بيتكلموا عن التنمية البشرية معقدين !
واللي بيتكلموا عن العلاقات متجوزوش او مدخلوش في اي علاقة اصلا !

يعني اعمل اللي انت عايزه بس المهم تصنفه اليومين دول ..
اقطع بنطلونك من قدام وخليه مرقع ..زمان كانوا يقولوا عليك متسول..دلوقتي يقولوا "شاب كوووول " عشان بنطلونك مترقع !!

حتي الحباية الزرقا كان اللي ياخدها يتكسف ويخبي دلوقتي ممكن تشوفها في التليفزيون عادي !
والاطفال اللي كان بيعنيلهم عفاف راضي دلوقتي بيغنيلهم نانسي وهيفاء بس !!

ايام وبنعيشها يا عم الحاج زي ما الهضبة قال..كل حاجة ليها مسمي وتصنيف حتي لو كانت اي هنتريش .

Saturday, April 16, 2011

محلاها العيشة في سجن طرة يا عز..يوميات سجين






في احد زنازين سجن طرة :


أحمد عز بيغني : "انا مش كااافر بس الجووع كافر ..انااااا..

العادلي: ايه القرف اللي انت بتقوله ده..متقوم ترجع علينا احسن

احمد عز: امال يعني هاغني عودوني في السجن ؟

العادلي: متفتحلنا حاجة في الجهاز اللي انت فاتحه ده

احمد عز: ما هو مش لاقط وايرليس مش عارف اخش ع النت هم بس سمحولي بالجهاز

العادلي: اه المرة الجاية بروح امك هنجيبلك خدمات النت كلها في طرة موصلينه بكابل من سجن القناطر عشان قعدت تلعب لعبة المزرعة ع الفيس بوك لحد ما دخلت المزرعة بنفسك

احمد عز : اللابتوب بتاعي ده ياما عملت بيه عمايل ومشيت بيه البلد علي عجين متلخبطوش

العادلي: اديك اتفرمطت يا حلو وروقوك في الاخر



واثناء مشاهدة التليفزيون :


جمال : هات القناة الاولي يا عم انت

مسجون: حل عن دماغ اهلي انا عايز سبيس تون

جمال: فيه مسجون يشوف سبيس تون ؟؟ بتشوف كوكب ايه بقي ؟؟ كوكب السفاحين ؟

مسجون: بتقول ايه ياااد ؟

جمال: لا ولا حاجة يا اخ

مسجون تاني: هاتله يا عم الاولي اما نشوف اخر اخبار المجرمين ايه



واثناء الاخبار :


المذيعة : وقد حضر رئيس مجلس الشعب المنحل احمد فتحي سرور لتحقيق معه الان و...

جمال: ياااه بيقولوا عليه "منحل" كده علني ؟؟ ده مش اام يثبتوا عليه الجرايم الاول ؟ ايه قلة الذوق دي ؟

العادلي : ده مجلس الشعب هو اللي انحل يا جمال مش بيتكلم عن فتحي فوق بقي الله يخربيت اهلك ضيعتنا

جرانة : يا عم سيبه عايش في ملكوته منه لله اللي كان السبب

علاء: انت متتكلمش خالص يا حرامي انت

جرانة : حراامي ؟؟ ده انا جنبك قديس يا عم الحاج



وفجأة تفتح ابواب السجن ويدخل سرور :


يصيح كل المساجين : موااااااافقة يا عمو سرور ههههههههه

سرور : بتقلسوا عليا يا ولاد المهفوفة ماشي انا هاوريكوا

هشام طلعت مصطفي : منكوا لله شبهتوني ما كنت لوحدي والسجن نضيف دلوقتي كله وساخة انا قتلت فنانة انما انتوا قتلتوا شعب كامل

العادلي : فككوا من سرور بقي هيقعد يقرفنا كلام في القانون دلوقتي ويهرتل

سرور : وياما قلت ان "طرة سيد قراره " محدش صدقني

احمد عز : لا حول الله يارب ده الراجل لسع ع الاخر

سرور : انا هاقسمكوا عمال وفلاحين يا كلاب

مسجون : ما تتكتم بقي ياااد بدل ما اغزك

سرور : احم..تحت امرك يا افندم..ناخد راي الاعضاء

المغربي : فالح بس عم مبارك يعمل خطابات عيد العمال والفلاحين لحد ما ورانا ان محلاها عيشة الفلاح وجابنا "مزرعة" في الاخر

العادلي: وانا كنت بحب فيلم الطريق الي ايلات دلوقتي اشوف ايه بقي ؟؟ الطريق الي طرة ؟؟

مسجون : وانت امك فين ياد يا جمال ؟؟ راحت القناطر؟؟ انا ممكن اوصي عليها لان المودام بتاعتي هناك عدك اللامؤاخذة

جمال : اخرس يا كلب متجيبش سيرة ماماي علي لسانك

مسجون : مامي ؟؟ طيب يا حبيبي هاجيبلك البسكلتة اهو عشان تروح لمامي

مسجون تاني : ياعم سيبك منه الله يخربيتهم خرجوا المساجين اصحابنا هربوهم وجابولنا الاشكال دي

العادلي : مالها ياد الاشكال دي مش عاجبينك يا معفن ؟؟

مسجون : وليه الغلط بقي متخلنيش اعمل فيك زي عماد الكبير

العادلي: انا وزير داخلية يا كلب

مسجون : داخلية ؟؟ شوووبش يا داخلية ما انت بقيت وزير شئون طرة دلوقتي هههههههههه

علاء: ياجماعة انا نفسي اشوف ماتش واللهي هو الدوري مبدأش ؟

احمد عز: يا اخي قرفتنا انت واخوك ماتشات وزفت والشعب اداكم علي قفاكم في الاخر قال يعني كنتوا فاكرين ان الماتاشت هتعمل تعاطف وكده جتكوا نيلة

العادلي : لا وعاملين اعلان احسبها صح وهم اول ناس حسبوها غلط وضيعونا معاهم

مسجون : الا ماقلتليش يا جمال هي الاغنية بتقول عشان كده احنا اخترناه..اخترناه ليه بقي ؟ ههههههههه

جمال : محدش يتكلم علي والدي

جرانة : لا وكاتب علي البدلة اسمه ههههه ما كان يعمل تاتو احسن

مسجون : وانت يا عز ما تقوم تهز..انا سمعت انك طبال جامد

العادلي : اهي طبلت عليه يا اخويا

المساجين : ههههههههه حلوة يالا يا عادلي يااد

عادلي :اخرررس يا كلب انا وزير داخلية

فتحي سرور : يرفع الامر للتشاور

جمال : ما تشوفوا حل يا جدعان للراجل اتجنن خالص وفاكر نفسه في المجلس

مسجون : كل يا عم جمال انت صاحب مكان

جمال: انا مكلش الاكل المقرف ده

العادلي: هنجيبلك كافيار من برة اهو يا جيمي

المساجين : هههههههههه حلوة ياااد يا عادلي ياااد يقطعك

العادلي: اخرررس انا وزير داخلية

سرور : تبقي موافقة

المغربي : متخرس بقي يا سرور بدل منرميك برة واللهي

مسجون: انما ما قولتليش يا جيمي هو والدك قال فعلا ان منتخب مصر كويس ؟

جمال : لا احنا اللي الفنا الجملة بس انما هو مقالش حاجةعن المنتخب اصلا هو بيحب الاسكواش بس

العادلي : عشان كده دايما نكسب بطولات الاسكواش بالامر المباشر ..اسكواش بقرار جمهوري

المساجين : ههههههههههه حلوة يالا يا عااااااادلي الله يحظك ياااد

العادلي: انا وزير داخلية يا كلاااااب

المساجين : داخلية ؟؟ داخلية اتجوزت ههههههههههه

علاء : حلوووووة ياد يا سوابق الله يحظك

العادلي: انما انت قاعد في ركن ليه يا عم هشام ما تيجي في قعدة الانس دي

هشام طلعت مصطفي : لا يا عم اخاف اتشبه

العادلي: تتشبه ؟؟ انما انت قتلت المزة ليه ؟

هشام طلعت مصطفي : انا مقتلتش حد يا عم انت انتوا ملفقين لي التهمة دي

العادلي: كل واحد يقولي ملفقين لي التهمة اكن البلد كلها ناس شريفة واي حد عمل حاجة قبل الثورة يقولك العادلي..حتي زلزال التسعينات هيقولك اصله تخطيط العادلي وهو صغير

المساجين : هههههههههههه جامدة يا عادلي

العادلي: جره ايه ياد انت وهو هو انا جاي اسليكوا ولا ايه ؟؟ انا وزير الدخلية يا ولاد الكلب

المساجين : والله احنا متشرفين بيكوا يا جدعان وعايزين نغني نشيد المساجين بعد ما بقت قعدة فخفخينا كده ونقول "ارفع رااااسك فووووق انت مسجججووووون "
"ارفع راااسك فووووووق انت مسسجوووووون"


وفجأة يدخل "زكريا عزمي" :


زكريا عزمي : هاي يا جماعة

المساجين : ميييين سي عزمي ؟؟ لامؤاخذة يا ابني اصل انا عندي شعرة ساعة ترووح هااااه وساعة تيجي..قووول

زكريا عزمي : احم..ساعة تروووح وساعة تيجي

جمال: عمو زكريا مجبتش معاك اي حاجة ونت جاي؟؟جاتو مثلا او كرواسون ؟

زكريا عزمي : لا واللهي مقالوليش ان هنا صالة لكبار الزوار يا جيمي

المساجين : ههههههههههه

احمد عز : مساء الفل يا عم عزمي تعالي اقعد جنبي ده الحزب الوطني في مصلحتك يا معلم

عزمي: ابعد عني يا بوز الاخص انت قوم طبل وسمعني

مساجين: قالوا في البرنامج انك عندك 600 ساعة الماظ يا حاج عزمي بجد الكلام ده ؟

عزمي: طبعا يا ابني انا زكريا عزمي

مساجين : لا وبيقول ايه يعني اما يكون عنده كام فيلا وقصر كانه مشروع اسكان شباب مثلا ..دي قصور يا عااااالم يا ظلمة

عزمي: قريتوا فيها ادينا اتفشخنا اهو

علاء: اتفشخنا ؟؟ ده لفظ يا عمو زكريا ؟؟

مسجون : وسعادتك تقرب لزكية زكريا ؟؟

عزمي: اه انا والدها يا حيوان

العادلي: هههههههههه..انت مرتبط زكية قربت

مسجون : جامد ياد يا عادلي واللهي..بس في سؤال يا زكريا والنبي موصيني اسالك عليه اما اشوفك

عزمي : قول يا معفن ما هي لمت

مسجون: يعني ايه مليار لا مؤاخذة ؟؟

عزمي : مليار يعني فلوس يا حمار

مسجون: ايوه اصلهم كل واحد يمسكوه يقولك معاه كذا مليار يعني كام دول ؟؟ يشتروا ايه يعني ؟؟

العادلي : يشتروا امك وابوك وضميرك كمان

عزمي : عارف المليون طيب ؟؟

مسجون: اه اسمع عنه

عزمي : اهو المليار ده الف مليون

مسجون : ازاي يعني الف مليون ؟؟

احمد عز: يعني ايه ازاي بقولك الف مليون

مسجون: ايوه دول يتعمل بيهم ايه يعني ؟؟هو ينفع اصلا ؟؟

فتحي سرور : سيبوكوا منه ده معاررررضة

العادلي: والنبي يا سرور خليك في كوزك مش طالباك بقي فكك مني

مسجون : وانتوا كلكوا معاكوا الميار ده ؟؟

احمد عز : اه وكذا مليار كمان بس الناس عايزين يخدوهم مننا

مساجين : يا ولاااااااااد الحراااااااااامية خد بوووم طخخخخ طرااااااخ

وينهال المساجين ضربا علي حرامية البلد بكل عنف


وفجأة يصيح سرور وعزمي وعز والعادلي وجرانة وكل النظام للمساجين : "سلمية..سلمية...سلمية"
"نظام مساجين ايد واااحدة..نظاااام مساجين ايد واااحدة"



وتنتهي صفحة سوداء من تاريخ مصر وتاريخ النظام الافسد في العالم تقريبا الي مذلة ما بعدها مذلة.


مسجون : عمرلي الشيشة يااد يا عادلي ياااد
العادلي : خداااامك ايييوه جااااي

Friday, April 15, 2011

محمد أحمد سعد..صفحة من تاريخ مصـر






الحق يحتاج إلى رجلين .. رجل ينطق به ورجل يفهمه
جبران


قصة بطولة وأصالة مصرية تكتب سطورها من عرق المصريين وعرقهم الأصيل..
رجل لم يعرف الإنحناء قسرا او طواعية..وعرف العزة جهرا وإختيارا..
من كتب التاريخ يخرج لنا كل يوم ..رجال تحنوا بشمس مصر وتحلوا بعهد مصر وتغنوا بإسم مصر..
رجال جلس معهم الحق صديقا..ومهدوا له قبلة وطريقا..وشربوا كأس العدل "نعم الشراب وحسنت مرتفقا" ..
قصة اخري تخرج من رحم البطولات المصرية ..لابن من ابناء النيل..
من قضاة مصر العظماء الشوامخ يخرج لنا بطلا اسمه "محمد احمد سعد"..

قاضي في محكمة طنطا في فترة الخمسينات لم يعجبه مشهد الظلم الدامي الذي رأه في حركة القضاء حينها..
لم يخشي في الحق لومة لائم ..أرسل فورا رسالة الي وزير العدل سابقا "عبد الفتاح الطويل" يقول له
"بئس عدالة انت وزيرها " !
وكانت النتيجة الحتمية لشجاعته ان تم فصله من منصبه..
قالها كلمة حق بكل شجاعة لم يكتم لسانه ولم يكن من الشياطين الخرس كاتمي الحقوق..
اتهم الوزير بان الحركة القضائية كانت محسوبية سافرة في جزء من رسالته..
كان يدرك جيدا ان الظلم ظلمات يوم القيامة وكان يعرف ان الحق نور ولسان الحق لا يعرف البهتان والزور..
خرج كريما كما دخل كريما الي سلك القضاء..
كتبت عنه كل الصحف المصرية حينها ووصفته بالبطل وكان في صدر صفحاتها الاولي..
وظل الجميع يتحدث عن البرقية التي ارسلها محمد احمد سعد البطل الي وزير العدل او وزير الظلم كما سماه..
قصة مصرية مجيدة كما كل البطولات المصرية الخالدة كتبها رجلا صدق ما عاهد الله عليه..
تحية الي اجدادنا وتاريخهم المجيد وشجاعتهم امام السلطان الجائر..
تحية الي كل مصري لم يخش علي منصبه او ما يملكه مقابل كلمة حق ينطقها لوجه الله..

كم يفخر هذا الرجل انه مصري وكم تفخر مصر انه مصري وكم تفخر قصص البطولة انه من صفحاتها البراقة..
تحية الي كل شجاع وصاحب حق وتحية الي هذا القاضي النبيل
وتحيا مصر المجيدة أرض الكنانة وارض البطولات وارض المجد .
وكما قال سفيان بن عيينة عن مصر " انها كنانة الله يحمل فيها خير سهامه ".




Thursday, April 14, 2011

حمدين صباحي..نحو عملية تعليم ابداعي






اعجبني كثيرا تركيز برنامج "حمدين صباحي" الرئاسي وخصوصا تركيزه علي نقطة "التعليم الابداعي" في مصر..
تحدث اكثر من مرة في اكثر من برنامج ومؤتمر في هذه النقطة تحديدا واعطي لها اولوية خاصة جدا وهي المحك الرئيسي في تقدم مصر في المرحلة القادمة فعلا..
التعليم المصري قائم علي "حفظني شكرا" اما البحث وكلمة "مكتبة" غائبة تماما تقريبا ..

وعلي سيرة التعليم الابداعي نروي هذه القصة الصغيرة التي ذكرها "كن روبنسون" في محاضرة بعنوان "المدارس تقتل الابداع" والقصة فعلا تلخص وضع التعليم في مصر وفي اي مكان يعتمد علي التلقين ..تقول القصة :

بنت صغيرة ظلت ترسم علي الورقة مدة طويلة فسألتها المدرسة ماذا ترسمين ؟؟
قالت الطفلة : أرسم الله
قالت المدرسة : لكن لا احد يعرف هيئته بالظبط
قالت الطفلة ببراءة : حسنا..بعد دقيقة حينما انتهي سيعرفون هيئته !

القصة تلخص فعلا واقع التعليم الذي يعتمد فقط علي التحفيظ من كلمة المدرسة "لا احد يعرف هيئته" والحاجة الي الابداع لدي الاطفال في المدارس من جملة الطفلة "سيعرفون بعد قليل" .
انها عملية "الخلق" ..خلق الافكار الجديدة وتفريخها كما تحدث الفلاسفة عن "الفكرة السعيدة".


التعليم الابداعي هدف وغاية لكل نظام تعليمي في العالم لكي ننمي انماط التفكير المقتولة في نظامنا التعليمي وخصوصا انواع ال

critical thinking
و
creative thinking

واسلوب "حل المشاكل" غائب في نظام التعليم المصري او
problem-solving



كل ما عليك عمله في التعليم المصري هو حفظ الكتاب وستهون بعدها كل الامور ..تنجح دون ان تفهم او تعي شيئا مما قرأته .بل احيانا يتم حفظ الاسئلة بأجوبتها !
انها عملية الابداع سيدي تلك التي نتحدث عنها ..الابداع في التعليم هو ما يخلق لنا جيل جديد من العلماء وكما قال ستيف جوبز :

Innovation distinguishes between a leader and a follower




ولنتحدث عن بعض الامثلة في العالم عن العملية التعليمية او ما يدور في كواليس المدارس في امريكا واوروبا او اليابان :



أولا : توجيه الطفل :

قضية كبيرة شغلت الرأي العاما لامريكي من فترة وهي عن طفل يسرق من المكتبات كميات من الكتب ليقرأها بنهم ربما هو تصرف خاطئ ولكن لم يذهب الي السجن او الاحداث كما يحدث عندنا بل وجهوه واعطوه كميات من الكتب في المجال الذي يحبه علي امل ان يجده عالم كبير من هذا الطفل في يوم من الايام وليستفيدوا بهذه النقظة عنده لاقصي درجة.
فلابد من ملاحظة ما يحب الطفل من صغره لان التعليم في الصغر هو اهم شئ وهي المحك الرئيسي لشخصية كل انسان مرحلة الطفولة اذا فلتعرف اهتمامات الشخص من طفولته لنوجهه التوجيه الصحيح سواء اتجاه علمي او رياضي او اي كانت موهبته لابد من تحديدها اولا ثم صقلها.



ثانيا : الاهتمام بشتي القضايا :

في قناة فوكس نيوز من فترة اعدوا تقريرا مطولا عن قضية سيعتبرها البعض تافهة في مصر وهي قضية "مدة الفسحة" لان الطلبة كانوا ياخذون مدة قصيرة في الاستراحة بين الحصص مما يسبب لهم العجلة والسرعة في ركبوهم للسيارة والذهاب لمنازلهم لتناول الغذاء فلاحظوا ان هذا يسبب المزيد من حوادث الطرق فعقدوا اجتماعات لزيادة مدة الفسحة المدرسية وغطتها شبكات اعلامية كبري في المجتمع الامريكي.
وهذا يعلمنا ايضا الاهتمام بشتي القضايا في العملية التعليمية حتي لو كانت تبدو سطحية او تافهة.



ثالثا : القدوة :

في المدارس الامريكية يكون هناك يوم محدد للقدوة..كل طالب يحضر اباه ليحكي عن عمله امام الطلبة لكي يعرف الطالب كيف يختار مستقبله ومهنته فعلا حسب ما يرتاح اليهاو يشعر بانه قادر علي العطاء وليس بالنظام المصري وكلمة الطفل المصري "ماما عايز اطلع ظابط او دكتور" لانه لا يعرف او يفقهاي شئ عن المهن الاخري اما في امريكا فالطلبة لديهم وعي كبير بكل المهن من خلال يوم القدوة حينما تسرد امامهم تفاصيل كل المهن بسلاسة .




رابعا : دراسات مهمة عن التعليم :

انهم يعرفون من اين تؤكل الكتف جيدا فمثلا في اسرائيل يتم تعليم الاطفال في المناهج اللغة العربية تحديدا ويولوا لها اهمية خاصة لانهم يعرفون ان معرفة مجتمعهم بلغة من يحيطون بهم تحديدا من العرب امرا هاما جدا ولابد لكل الاطفال ان يعرفوا هذا جيدا.
وفي بعض الدول الاوروبية لا يتم تعليم الاطفال اي لغات اجنبية الا بعد ان يتم عمر معين لانهم حسب دراساتهم اثبتوا ان هذا يؤثر علي لغة الطفل الاصلية ولهذا لا يعلموهم اللغات الاجنبية الا بعد ان يتعلم جيدا لغته الأم .
فلابد من عمل دراسات عن العملية التعليمية اولا وابحاث عدة قبل ان نصدر الاحكام ونتوغل فيها .فمصر تحتاج المزيد من هذه الدراسات من اجل الاطفال ومن اجل التعليم.




خامسا : التجربة والخطأ :

كما تقول المقولة "الذي لا يخطئ هو الذي لا يفعل شيئا"..اي انك دائما معرض للخطأ اما عندنا في نظامنا التعليمي فالخطأ كارثي..الطلبة لا تدخل المعامل لا تقوم بالتجارب لا يمكنهم الاعتماد علي نفسهم وتقوم لهم المعلمة حتي بكل شئ في التجربة لانها تخاف دائما من خطأ جسيم حتي ان معظم المدارس المعمل بها او ورئة الكمبيوتر عبارة عن كوخ مهجور !
في اليابان شاهدت احدي التجارب وهم يولدون الكهرباء لشحن اجهزتهم من النباتات !! ومن يقوم بالتجربة انهم اطفال..!!
تجارب لا يعرف بعض علمائنا حتي القيام بها لانهم لم يتعودوا علي فكرة الخطأ والتجربة..عندنا لابد فقط من حفظ التجربة والي اين تشير الاسهم في المعادلة اما ما معني المعادلة فلا يهم ابدا.





نحتاج المزيد في العملية التعليمية ..خطة واضحة واهداف ابعد لخلق جيل كامل من العلماء والمفكرين..لا تربط ابدا بين المجموع والكلية فتلك كارثة حقيقية ان يضيع طالب حلمه مثلا في كلية معينة بسبب ربع في المائة او اقل..تعليم عقيم جدا في عهد مبارك ونظام تعليمي لا يسمح الا بالتلقين وافتقاد القدوة لانهم يعرفون ان علمائنا الافذاذ لابد ان يسافروا الي امريكا لعدم توافر الامكانيات او قل سرقة الامكانيات في عهد مبارك واعوانه من قتلوا التعليم وخصوصا الابداع في التعليم.

لابد من زيادة مرتبات المعلمين اولا قبل اي مهنة لانهم فعلا هم صانعي الاجيال واذا لم ينصلح حالهم فقل الوداع لجيل وجيل اخر من شبابنا خرج من رحم الفكر الجامد والمناهج المعلبة الجاهزة الخالية من الدسم.
نحتاج الي روشتة للعملية التعليمية من علمائنا في كل مكان وانفاق مبالغ طائلة علي المدارس والعلمية التعليمية باكملها كي لا يخرج اطفال تحمل السنج او جنس في حمامات المدارس او تلك الاشياء المقززة في المجتمع التي تحدث في بعض المدارس.


ارجو الله ان يكون هذا نصب اعين جميع المرشحين للرئاسة كما هي نصب اعين الاستاذ حمدين صباحي وان تكون اولوية في كل برنامج مثل ميزانية البحث العلمي ايضا ..والله الموفق لشباب مصر.



Wednesday, April 13, 2011

فيسبكاوي كلام تاني








فيسبكاوي ? كلام تاني كلام مقدرش يا قلبي عليه..فيسكباوي بتاع بلاده اصلي يعني ؟؟ يبقي اكيد الامثلة دي بتنطبق عليك..
دي امثلة الفيس بوك في العصر الحديث واللي كل فيسبكاوي اكيد حاسس بيها وعايشها يوم بيوم وكومنت بكومنت !





* وول البنت زي عود الكبريت يتكتب عليه مرة واحدة

* يموت الفيسبكاوي وكومنته بيلعب

* لايك المحب خروف

* اللي يتكسف من بنت عمه ميخدش منها لايكات

* قالك تعرف فلان ؟ قال اه..قال شوفت ووله ؟؟ قال لأ..قال يبقي متعرفوش

* يا داخل بين الفريند ومزته ما ينوبك الا بلوكته

* علي قد وولك مد رجليك

* ما يعيب الراجل الا لينكاته

* ما بين اللينك والكومنت يفتح الله

* اللي معندهاش حساب ع الفيس بوك تتباهي ب لايك بنت اختها

* اللي متعرفش تجيب لينك حلو تقول الارض عوجة

* الشاطرة تحط كومنت برجل حمار

* لينكي ولينكك واتفرقوا اللينكات

* الوولات عند بعضيها

* ما كومنت الا بعد عداوة

* اشوف كلامك اصدقك اشوف فيسبوكك استعجب

* لا بيعجبه الكومنت العجب ولا الصيام في رجب

* مافيش دخان من غير نار ولا فيس بوك من غير اسرار

* الكومنت في ايد اليتيم عجبة

* المنحوس منحوس ولو علق علي اكونته فانوس

* كومنت في الايد احسن من عشر لايكات علي الشجرة

* اقلب القدرة علي فمها يطلع اكونت البت لامها

* اللي ميعرفش يقول "لايك"

* جوزك علي ما تعوديه وفيس بوكك علي ما توضبيه

* اللي ميشوفش من الكومنت يبقي اعمي

* اللي يقضيها في الفيس بوك دح ميقولش اح

* يا ماوسي يا كتاكت ياما انت شايف وساكت

* هلا هلا ع الفيس بوك والفيس بوك هلا هلا عليه

* علمناهم الكومنت سبقونا ع الوولات



دي اهم امثلة الفيس بوك لاننا في عصر الفيس بوك فلازم نغير الامثال كلها عشان تبقي فيسبوكية زي ما كل حاجة بقت فيسبوكية حتي المظاهرات والثورات !




Tuesday, April 12, 2011

source code تجربة هوليود العلمية الرومانسية










اداء اكثر من رائع..قصة حب..علاقة مليئة بالمشاعر بين الأب والإبن..وسط تجربة علمية جديدة تسمي
source code

الفيلم يستحق التقييم الذي حصل عليه في مواقع تقييم الافلام وهو تقييم عالي بالفعل..كما يسمي الفيلم بالعربية "شفرة المصدر" هذه الشفرة تستطيع ان تتفادي مشاكل المستقبل ولكن لا يمكن التعديل في الماضي كما كان يقول مخترع الشفرة ..تعيش عالم تخيلي لدقائق لمعرفة مرتكب الجريمة وتستطيع ان تذهب لنفس المشهد عدة مرات اخري لتعرف في كل مرة خيط جديد للجريمة الارهابية المتوقع حدوثها .

شخصان يتشاركان الصفات العامة للعقل وحجم الجسد والصفات الشعورية كما هو في الفيلم فيقوم احدهم باعادة المشهد في القطار لمعرفة من الارهابي الذي ينوي القيام بهذا
شفرة المصدر هي محاكي للوقت وليس اداة سفر عبر الزمن كما يقول مخترعها ..

البطل هو جندي سابق مات في الحرب ولم يتبق الا جزء من دماغه يستطيع القيام بالمهمة عن طريق شفرة المصدر !

بطلة الفيلم "ميشيل" قامت ببطولة العديد من الافلام ومن اجمل افلامهما من نوعية الاكشن ايضا هو فيلم
eagle eye
اما البطل "جاك جلينهال" فهو غني عن التعريف بالطبع بمجموعة افلام ممتازة قام بها منها فيلم الجريمة
zodiac
والفيلم الرائع
october sky

وفيلم
brothers
الذي شاركه فيه البطولة "توبي مجاوير" و "نتالي بورتمان" وهو فيلم متميز




اذا شاهدت الفيلم ثم شاهدت بعده فيلم
unknown
للنجم "ليام نيسون" فانت حكمت علي نفسك بوجبة هوليودية ضخمة جدا لعام 2011..اثنان من افضل افلام العام حتي الان من هذه الفئة .
فيلم ليام نيسون الاخير هذا لم يختلف في كفائته عن افلامه الاخيرة فهو متألق من فترة بعيدة ويختار الادوار بعناية فائقة
فيلمه الاخير لغز غريب ان لا تعرف هويتك ما بين الدكتور مارتن هاريس الذي يقوم بالابحاث العلمية ام المجرم القاتل الذي ينتمي لخلية تقوم بالاغتيالات !
معادلة صعبة جدا حينما تقوم من الحادث المروع لتجد شخصا اخر مكانك بنفس اسمك وحتي زوجتك وانت لا تعرف من انت تحديدا حتي تبدأ في معرفة ذلك في النهاية وانك لست هذا ولا ذاك.
اعجبني جدا دور "ديان كروجر" في هذا الفيلم ايضا في دور "جينا" .
الفيلم ملئ بالمفاجأت الغريبة بين مشاهده ويستحق المشاهدة وخصوصا لو بعد فيلم
source code


في فيلم
unknown
ستجد نفسك تفكر اول شئ في فيلم
The Bourne Ultimatum
ولن تعرف لماذا..ربما الجو العام او الاخراج ولكن القصة تختلف..
ومشهد تذكره لزوجته يذكرنا بذات المشهد في فيلم
shuttered island
مخرج الفيلم لم يقم بالعديد من الافلام وربما لا يتميز بتاريخه العريض ولكن الاخراج كان علي مستوي ممتاز ومتماشي مع الحبكة والخط الذي يمشي فيه احداث الفيلم.



بالحديث عن فيلم
source code
سنقسم الموضوع الي ثلاثة اقسم رئيسية ..ماهي الاقسام الرئيسية للفيلم ؟؟

1- بطل ينقذ المدينة من خطر قريب
2- تجربة علمية جديدة يقوم بها عالم ويجربها علي البشر
3- اعادة الموقف اكثر من مرة لمعرفة الجاني او "اللعب بالوقت"

في القسم الاول سنقترب تدريجيا من افلام انقاذ المدينة من الخطر والبطل الذي تنتظره المدينة من نوعية افلام

The Marine
Independence Day
Unstoppable
Daylight




اما الخط الثاني في الفيلم "تجربة جديدة" من نوعية افلام

The Jacket
The Lazarus Project
Control
The Experiment
The island


القسم الثالث في الفيلم عامل "التحرك في الوقت" من نوعية افلام


Premonition
The Butterfly Effect
Next
50 First Dates




وفي جو الفيلم العام ايضا ستتذكر بعض مشاهد من فيلم
the butterfly effect
خصوصا مشهد الانتقال الي الحدث او الي القطار في كل مرة .

وربما يذكرك ايضا مشهد مواجهة البطل مع مخترع شفرة المصدر بمشهد توم كروز ومواجهته ايضا لشركة التجربة في فيلم
vanilla sky



المشترك ايضا بين هذا الفيلم وبين فيلم
unknown
ان المخرج ايضا ليس له تاريخ طويل وعظيم في الاخراج ..اي ان فيلمين من اجمل افلام العام لمخرجين لا يملكان هذا التاريخ السينمائي.

ايضا الفيلم به ملامح مشتركة مع فيلم
inception
في اكثر من فكرة واولها "محاولة التغيير" لحدث او لحظة عن طريق انتقال زمني او عن طريق التحكم في العقل ولكن فيلم شفرة المصدر كان له طريقة مختلفة في هذا.


اما اجمل مشاهد الفيلم المؤثرة فهو مشهد محادثته التليفونية مع والده او مشهد القبلة الاخير عندما قال لها "ماذا تفعلين لو بقي لكي دقيقة واحدة لتعيشي ؟ "
قالت "سأجعل هذه الثواني محسوبة " .



فيلمان يستحقان المشاهدة
source code
و
unknown

وجبة هوليودية دسمة جدا تحتاج اليها هذا العام الملئ بالافلام الرائعة كعادة هوليود.













Monday, April 11, 2011

عالم فــلوس صحـيح !!







شايف الصورة اللي فوق دي ..؟ بيقولك الفلوس مش بتنمو علي الاشجار..لا هي بتطلع علي الشجر تقريبا اليومين دول كتير قوي بنسمع عن فلوس يمين وشمال تحس ان ملهاش صاحب او حتي لو ليها صاحب بيصرفها في حاجات غريبة جدا..

احترس ..المبالغ دي هتستفزك قوي ..زي ما محمد صبحي كان بيقول في المسرحية "اكل بالهبل فلوس بافترا"..العالم ملئ بقصص الفلوس اللي هي فعلا يتقال عليها "بالهبل" !
فلوس كتير فعلا بس في استثمارات واماكن غريبة "مزاد..فرح..موبايل" ملايين بتتصرف في حاجات غريبة جدا حول العالم سواء العالم العربي او الغرب .

نشوف بعض الفلوس اللي بتتصرف بارقام مفزعة جدا :




** ابن القذافي ادي لنادي بيشجعه في ايطاليا مليون دولار هدية عشان خد الدوري..مليون دولار كده يعني عشان فرحته بس !!



** انريكي ايجلسياس حضر فرح رجل اعمال مصري من فترة وياتري خد كام بقي غير الطيارة الخاصة اللي جابته طبعا اتصرف عليه مبالغ مهولة.


**جوليا روبرتس بقي اكتر استفزازا يعني قبضت 1.2 مليون يورو في اعلان قهوة صامت اساسا وكمان خدت 2 مليون دولار في فيلم
Valentine's Day
عشان ظهرت لمدة ست دقايق بس !!


** اوبرا وينفري الاعلامية المتألقة راتبها السنوي 385 مليون دولار !!



** اغلي اجر لطفل كان من نصيب بطل مسلسل
two and half men
ثلاثمائة الف دولار في الحلقة الواحدة..يا حلاوة !!



** كاني ويست المطرب الشهير ظهر في احدي البرامج وكشف عن اسنانه الألماظ ..شال سنانه وحط سنان الماظ !..تفتكر كان ايه موقف دكتور الاسنان !!


**شيريل كول المطربة الشهيرة جدا بتاخد 1.7 مليون جنيه استرليني عشان اشتراكها ست شهور بس في برنامج
X-Factor
ده غير انها قبضت 250 الف جنيه استرليني عشان تغني ساعة واحدة بس في حفلة خاصة في فينيسيا !!



**مادونا بتحطم ثروة بريتني سبيرز في السنة برقم 50 مليون دولار وكان رقم بريتني 38 مليون انما ج بقي رقم بيونسيه الرهيب 87 مليون دولار ربح سنوي !!
واصلا مادونا بتصرف ع المكياج بس نص مليون في السنة !! وعشان مادونا بتحب جوز الهند قوي استثمرت في احدي شركات جوز الهند ب 1.5 مليون دولار عشان بتحب العصير ده بس !!


** رجل الاعمال المكسيكي من اصل لبناني كارلوس سليم ثروته وصلت 53.5 مليار دولار..بيعمل بيهم ايه دول ؟؟


**عربية احمدي نجاد البيجو عارضها في مزاد غشان بس ركبها الاحمدي نجاد..!


**جوجل بتصرف 100 مليون دولار علي برمجة يوتيوب !


** امريكا بتصرف 20 مليون دولار علي عالم سمسم في باكستان بس !! تخيل تكلفة برنامج الاطفال ده كام بقي ؟؟ واحنا بنعمل بكار !!


** انجلينا جولي بتاخد اكتر من 15 مليون دولار كاغلي اجر للفيلم


** بدلة الفيس بريسلي اللي كان واقف بيها قدام بار بتتباع في مزاد علني بمبالغ مهولة


** بيعملوا نسخة من اي فون مرصع بالالماظ لبعض الشخصيات !


** حفل زفاف الامير ويليام هيتكلف 20 بليون ..!!! اكيد مش هيعمله في دار الدفاع بقي !



واأكثر خبر استفزازا هو :

** لبانة كانت في بق بريتني سبيرز وتفتها علي الارض خدوها بعوها علي موقع اي باي في مزاد علني عشان مطرح بريتني !!!!!
ده غير انها كانت ليها صديرية مرصعة برضه قبل كده !!
دي بقي لبانه الهنا زي اغنية شبشب الهنا زمان ..




اخبار مستفزة جدا وفلوس في العالم بتتحدف يمين وشمال ..الصبر من عندك يارب..عالم غريب عجيب ..مستفز كمان.


Sunday, April 10, 2011

حبيب مبارك ام حبيب الحكومة ام حبيب الثورة ؟؟







أحيانا تظلم الأحكام العامة والكلام المرسل اشخاص بعينهم مثل بعض من هم في القائمة السوداء مثلا او بعض الاعلاميين والشخصيات المشهورة جدا واصبح الكل "ياخذ الحابل بالنابل" في اتهاماته وكانها هواية او لابد من وجود متهمين بدلا من الفاسدين المعروفين اسما ووصفا !
شخصيات لا يمكن ان تصدق انها صنفت من ضمن الخائينين او المنافقين او غيره..سأتحدث فقط عن ثلاثة شخصيات بعينها هم "عمرو اديب" و "مرتضي منصور" و "سيد علي" .

لم اصدق ابدا دخول هذه الشخصيات "الحجر الصحي" لاحكام المجتمع واتهاماته..عمرو اديب الذي كرس حياته كاعلامي لمهاجمة احمد عز وشلة الحزب الوطني طوال عشرة سنين او تزيد الان يقولوان عنه انه كان مع الحكومة !! شئ فعلا يثير الدهشة ويجعلك مذهولا ..عمرو اديب الذي كان يتشاجر مع المحاظين مثل محافظ اسكندرية علي الهواء مباشرة من اجل المواطنين ..عمرو اديب الذي هاجم تقريبا كل الوزراء بلا استثناء في حلقاته وسب الحزب الوطني اكثر من مائة مرة يقولون عنه "مع الحكومة" !!

هنا لي وقفة مهمة..لابد من التمييز بين نقطتين .."مع حسني مبارك" ام "مع الحكومة" ؟

كان لعمرو اديب ومرتضي منصور مواقف تقول بانهم "مع حسني مبارك" كقائد واشياء من هذا القبيل ولكنهم ابدا ما كانوا مع الحكومة او الوزراء او احمد عز ..مرتضي منصور اول واصغر قاضي يستقيل بسبب الفساد والمفسدين من كتب اكثر من كتاب منهم كتاب "حضرات السادة الطغاة" يتهموه بانه مع الحكومة !! شئ يثير الاستياء فعلا.
مرتضي منصور الذي ضرب اكثر من مرة وكانت كل الاصابع تشير اليه قبل الثورة انه اكثر من يكافح الفساد في مصر الان يتهم انه مع الفساد !! ماالذي يحدث في مصر بالله عليكم ؟؟

مرتضي منصور الذي زورت ضده اكثر من انتخابات سواء الزمالك او مجلس الشعب وتصدي لقضايا حساسة كثيرة تهم الوطن والمواطن في مجلس الشعب وفتح ملفات خطيرة في الدولة تكال له التهم الأن ؟؟
مرتضي منصور الذي قال البعض عنه قبل الثورة "لو كانت البلد كلها مرتضي منصور كان زمان مافيش حق ضاع" الان يقول البعض انه فاسد ؟؟

كي لا نكيل بمكيالين ساقول شيئا هاما جدا ..الاستاذ مصطفي بكري كان من انصار الرئيس مبارك ويحدثه علي صفحات الجرائد بكل ود واحترام فهل مصطفي بكري هو الاخر فاسد مثلا ؟؟؟
حسنا..اذا كان فاسد فدعونا لا ناخذ منه ملفات ضد الوزراء وضد جمال وغيرهم فبشهادة الشهود ان معظم الملفات المقدمة للكسب غير المشروع هي من مصطفي بكري نفسه الذي يحب مبارك ..!
فاذا كنا نريد الانصاف دعونا لا ناخذ هذه الاوراق من المتلون ولناتي نحن بالاسانيد والملفات !!
مصطفي بكري من اشرف الصحفيين واكثرهم مقاومة للفساد ولكنه كان في صف مبارك ..دائرة غريبة ولغز محير
هل نفصل بين ثلاثة اشياء "حب مبارك" و "حب الحكومة" و "حب الثورة" !!

مرتضي منصور سب الثوار او اتهمهم بانهم خونة ولكن ماذا قدم مرتضي لمصر او كيف قاوم الفساد..اعذروني ان قلت ان مرتضي يهاجم الفساد حينما كان جيل شباب كامل يشرب اللبن قبل النوم
وكان يتعرض لكمية هجوم وانتقادات وفساد لم يواجهه الا القليلون فكيف نحكم علي مرتضي ؟؟ هل هو فاسد ؟؟ بالطبع لا..ولكن كان له راي غريب وضد التيار هذا ما نستطيع ان نقوله اما من يقول انه فاسد او مع الحكومة او ضد مصر فهذا كلام فارغ تماما .

عمرو اديب كيف نصنفه هل هو ضد الثورة ؟؟ ام ضد الحكومة ؟؟ ام ضد مبارك ؟؟
عمرو اديب كان مع مبارك ولكنه ضد الحكومة علي طول الخط اي نفس موقف مصطفي بكري تقريبا فلماذا كل الهجوم علي عمرو وكل هذا الثناء علي مصطفي بكري الذي يهاجم الفساد بضراوة ؟؟
الاثنين يحبون مبارك فلماذا نحمل مصطفي علي الاعناق ونتحدث بهذا الاسلوب عن عمرو اديب ؟؟ وهل من يتحدثون عن عمرو اديب شاهدوا حلقاته طوال السنوات القادمة ام فقط فيديو ع اليوتيوب ؟؟؟
هل الحكم علي عمرو اديب تم بمصداقية وحيادية ام انه سب وشتيمة لفيديو ومقالة علي الانترنت ؟ او ثقافة التيك اواي ؟؟

لكي نحكم علي شخص ان كان ضد الحكومة ام مع مبارك لابد ان نري مواقفه قبل الثورة وليس اثناء الثورة..فالثورة ليست المحك لشخص قاوم الفساد عشرون عاما ثم هاجم الثورة يومان..!
الثورة ليست هي مصر وليست هي الحكومة..اذا اراد ان ينتقد الثورة فهذا رأيه ولكن مصر قصة مختلفة تماما ..
حتي سيد علي الاعلامي الناجح الذي اشارت له الاصابع بسبب فيديو لفتاة تدعي انها عميلة او شئ من هذا القبيل ربما كانت هذه غلطة ولكن من يدري ان كانت مقصودة ام لا ؟؟
انا لا اشكك في نزاهة سيد علي ابدا كصحفي ناجح ومهاجم وناقد لفساد النظام علي مدار سنين هو الاخر فانا لا ابني انطباعي علي الشخص في ليلتين والا اكون ساذج جدا بل ابني موقفي من شخص من خلال سنوات احاول ان اعرف فيها ماهية موقفه واتجاهه .

انا احب "عمرو اديب" و "مرتضي منصور" و "سيد علي" و "مصطفي بكري" وساظل احب هذه الاشخاص التي واجهت الفساد بكل اصرار وحزم طوال سنوات وسنوات ولن اتاثر بيومين قالوا فيهما كلام مستفز للبعض لاني ابني الحكم علي الشخص من خلال مواقف وليس من فلتة لسان فالتسرع في الاحكام كارثة والحكم علي شخص بدون سند او قراءة لتاريخه كارثتين.

عدو الثورة ليس عدو مصر ..حبيب مبارك ليس عدو مصر..المهم والاجدي فعلا في الحكم..ماذا قدموا لمصر خلال سنوات وليس خلال يومين او خمسة يتم فيها بناء الاحكام
والدليل علي ذلك ان كل الصحف والبرامج الان تقول "الحمد لله كنا نواجه الفساد طول عمرنا" ليثبتوا انهم غير متلونين ..


المتلون الحقيقي والفاسد هو من امثال ممتاز القط او غيره من الذين ماعت وفسدت كل مواقفهم قبل الثورة وهربوا بعدها ..
او الاشخاص الذين هاجموا مصر طوال اعوام ثم قالوا نحن مع الثورة..
ام مرتضي وعمرو وغيرهم فكل مواقفهم تشهد بحسهم الوطني وامانتهم المهنية..
فالعبرة بما قبل الثورة وليس بما بعدها..فالكل بعدها اصبح عاشقا للثورة اما قبل الثورة بسنوات نري المواقف الحقيقية..ونعرف من نافق الحكومة او هاجم مصر بنجاسة ممن كانوا دائما يهاجمون الحكومة ويعشقون تراب الوطن.