الأختبار المعقول لتصنيف الفلول

من كتر ما انتشرت كلمة "فلول" وظهر جيوش من الفلول في كل مكان قولنا لازم نعمل اختبار بسيط نعرف من كل واحد هل هو فلول ولا لأ.
ورمضان جاي بقي ولازم كل فل يعرف هل هو فل ولا لأ عشان يحاول يعمل اقصي جهد ليه في رمضان ويتوب من فليته !
وهنسأل كذا سؤال ونعرف منه درجة فلولك كام واقصي درجة تاخدها يبقي انت "عكاشي" نسبة الي توفيق عكاشة واقل درجة تاخدها يبقي انت "عيساوي" نسبة الي ابراهيم عيسي .




الأسئـلة :



السؤال الأول : اما عرفت ان جمال بدأ ينتشر ويتوغل علي الساحة السياسية عملت ايه ؟
1- فرحت طبعا وقولت هينضفونا
2- قولت يمكن يكون احسن من ابوه
3- قولت كملت يا ولاد ستين....



السؤال التاني : ما بني علي باطل فهو :
1- معارض
2- باطل
3- قرار حكومي



السؤال التالت : احسن صحفيين بتحبهم :
1- ممتاز القط واسامة سرايا
2- كلهم منافقين
3- ابراهيم عيسي وعبد الحليم قنديل



السؤال الرابع : تلاتين سنة حكم تبقي :
1- امان ورخاء
2- كتير شوية
3- لا مؤاخذة تبقي ......




السؤال الخامس: الاغنية اللي كانت بتقول "وعشان كده احنا اخترناه" تفتكر ليه اخترناه ؟ :
1- عشان هو قائد محنك
2- عشان منعرفش غيره
3- محدش اختاره ده بييجي بالتزوير والديكتاتورية




السؤال السادس: جمال وحسني :
1- هذا الشبل من ذاك الاسد
2- الاختين الحلوين هناء وشيرين
3- هذا الع...من هذا الخ... "مينفعش اكمل الكلمات"




السؤال السابع : الحزب الوطني لو هنلخصه في اعلان يبقي :
1- ادي الحكم لاصحابه
2- اشرب طبيعي واحكم طبيعي
3- هابعد عن الحزب الوطني الواطي وهاختار حياتي




السؤال الثامن : حكم مبارك كان اشبه بايه من دول :
1 - برنامج واقع
2- توك شو
3- كاميرا خفية




السؤال التاسع : كلمة " مبارك" تفكرك بايه ؟ :
1- قائد الضربة الجوية
2- زي الهم ع القلب
3- مافيا




السؤال العاشر : الرئيس القادم لمصر :
1- عمره ما هيكون زي مبارك
2- ياريت يكون افضل
3- ضفره هيكون برقبة مبارك حتي لو فاسد شوية




السؤال الحادي عشر : 25 يناير :
1- كان يوم اخبر وكله خساير
2- لا يمثل شئ بس يوم جميل طالما فرح الشعب
3- اجمل يوم في حياتي لانه طوح التور بعيد من علي الكرسي




السؤال الثاني عشر : كل ما تعرف فضيحة جديدة عن حسني في الجرايد بتعمل ايه :
1- مبصدقهاش طبعا
2- بحاول اشوف المصدر
3- بصدقها وانا مغمض واقول ما خفي كان اقذر




السؤال الثالث عشر : حسني مبارك في مثل شعبي :
1- يا ناكر خيري بكرة تعرف زمني من زمن غيري
2- اسمع كلامك اصدقك اشوف امورك استعجب
3- جربان وبيحضن بالاحضان



السؤال الرابع عشر : كنت بتشارك في مظاهرات قبل سقوط النظام ؟ :
1- لا طبعا البلد كان حالها زي الفل ومش عايزة مظاهرات
2- كان نفسي بس مكسل
3- اي مظاهرة تلاقيني راشق فيها




السؤال الخامس عشر : اكتر جملة ضايقتك ايام الحكم لمبارك :
1- الانتخابات مزورة وحجج فارغة
2- ان الاسعار تغلي
3- "حكمة السيد الرئيس" اكتر جملة بتنرفزني لانه ولا عنده حكمة ولا ستين نيلة




السؤال السادس عشر : ايام الثورة :
1-كنت في البيت بدعي لمبارك
2- كنت في البيت بدعي ربنا ياخد مبارك
3- كنت في التحرير




السؤال السابع عشر : بعد خطاب مبارك :
1- عيطت وقعدت اخبط في الحيطة وخلصت مناديل الشقة
2- ما اهتمتش
3- قولت تزييف جديد للواقع





السؤال الثامن عشر : كل ما يقولوا الحالة الصحية لمبارك بتزيد سوءا في شرم الشيخ بتقول :
1- ربنا يحمي الرئيس ويشفيه ياااارب
2- واللهي ما يفرق معايا
3- ربنا ياخده هو وامثاله من الخونة والفاسدين




السؤال التاسع عشر : من رأي منكم مبارك :
1- فليقبله
2- فليتجنبه
3- فليضربه وذلك اضعف الايمان




السؤال العشرون : من كان السبب في سقوط النظام :
1- جحود الثوار
2- صفوت
3- حسني لانه المسئول عن الحكومة بالكامل وكلهم فاسدين





السؤال الحادي والعشرون : مبارك هو :
1- ابويا
2- رئيس سابق
3- افسد من رأت عيني




السؤال الثاني والعشرون : الثورة :
1- خربت البلد
2- حدث جميل
3- من اعظم ما حدث في تاريخ مصر




السؤال الثالث والعشرون : مبارك والقذافي وزين العابدين هل هم واحد ؟ :
1- لا طبعا مبارك احسن بكتير
2- مش عارف ممكن
3- طبعا واحد كلهم طغاة




السؤال الرابع والعشرون : كيف تتوقع مستقبل مصر ؟ :
1- بعد الثورة هباب
2- مافيش تغيير
3- مستقبل مزهر ان شاء الله لاننا بنقضي علي الفساد





السؤال الخامس والعشرون : من هو فنان مرحلة الثورة بالنسبة لك :
1- تامر حسني
2- عمرو واكد
3- تيسير فهمي وخالد يوسف



السؤال السادس والعشرون : اما حسني قال في يوم "خليهم يتسلوا" قولت ايه؟ :
1- فعلا يا ريس دول زودوها قوي
2- الجملة دي هتوقع البلد
3- احنا بكرة اللي هنسليك يا فرعون





النتيجة :


لو جاوبت معظم الاجابات برقم واحد تبقي فلول أصلي مية مية والمفروض اصلا يكون معاك كارنيه الحزب الواطي ! يعني تصنيفك "عكاشي"
اما لو جاوبت معظم الاجابات برقم 2 يبقي انت نص ثوري ونص فلولي بس فيك امل. يعني تصنيفك مش معروف بالظبط
اما لو جاوبت معظم الاجابات برقم 3 تبقي ثوري اصلي وبترفض الفساد بكل انواعه وتقول للظالم انت ظالم في وشه ومبتخافش . تصنيفك "عيساوي"

عصر الباندات والمسخ الفني في المرحلة "العسيلية"

"من دون الموسيقي تكون الحياة خطأ" ده اللي نيتشة قاله في يوم من الايام
ولكن "بالموسيقي اللي زي بتاعة اليومين دول تكون الحياة أخطاء عديدة"


حلمي بكر مش غريب الراي او متحامل علي جيل كامل عشان هو مش بيلحن ليهم ولكن هو فعلا زي ما قال ميقدرش يلحن الكوارث دي ..حلمي بكر الملحن العبقري ويكفي له اعماله مع اكبر المطربين المصريين والعرب او اللحن السيمفوني الاسطوري في اغنية اصالة "ساعدني" ومئات الاعمال ..

ليه بيهاجم حلمي بكر عشرات المطربين ؟

انا شايف ان اي حد مكان حلمي بكر انتقل من عصر اللحن لعصر اللحم كان لازم يهاجم بنفس الضراوة من عصر فيروز وعبد الحليم لعصر رولا وهيفا ايه الحكاية يعني تطور ؟؟ تقدم في الموسيقي و الفن؟؟
ابدا ولا تطور ولا تقدم الحكاية كلها خروج عن القواعد سواء لحنيا او علي صعيد الكلمات او الاحساس نفسه بالكلمات واللحن يمكن اي حد اتعود علي سماع فيروز او ماجدة الرومي او عبد الحليم هيقول كده واكيد ده رايه لان ما يحدث حاليا كارثة فنية كبري.




عصر القمة :

كنت اقول "الجيل الكبير ده محبكها قوي" يعني ليه متمسك قوي بام كلثوم وعبد الحليم حافظ ووردة ونجاة والناس دي وكنت في نفس الوقت مقدرش انكر ان الناس دي اصوات عبقرية لكن اقول طيب يعني العصر ده مش هييجي زيه ؟ الفن هيبوظ يعني ولا احنا رايحين لمرحلة افضل ؟
وعشان احكم صح سمعت كل الناس دي عشان اعرف هل المقارنة ظالمة ولا في محلها وهل تمسكهم بالقديم هو من سبيل المقولة اللي بتقول "كل قديم اصيل" ولا فعلا هم معاهم حق وشايفين اننا في عصر التردي الفني او الغنائي علي سبيل التحديد ؟
لكن مع الايام ومع ظهور اللحن الواحد "الهشتك بشتك" زي الحان حميد او غيره من الملحنين في مرحلة التسعينات حسيت ببعض القلق وقلت هي الناس دي كان عندها حق ولا ايه ؟ هم كانوا فعلا شايفين التردي ده والخضيض ده جاي لا محالة ؟؟





عصر التخبط :

ما بعد التسعينات وبداية الالفينات بدأت الشكاوي المتزايدة والهجوم من الاصوات القوية زي "محمد الحلو" و "علي الحجار" و"ايمان البحر" وغيرهم من الجيل اللي ظهر وكان امتداد للعمالقة بيشتكوا من ان كمية الاسفاف حاليا في الكلمات ممكن تضيع جيل كامل وفعلا ده كان بياثر علي اجيال وظهر جيل العنب وجيل "شربت حجرين ع الشيشة" وسموه للاسف فن شعبي رغم ان الفن منه برئ تماما ولا هو فن ولا هو شعبي امال فين كارم محمود والعزبي ورواد الفن الشعبي اللي عمرهم ما اتكلموا عن الحشيش ؟

وبدأت الاصوات تعلو من بداية عام 2000 يا جماعة الحقوا الذوق الفني بينهار يا جماعة الفن المصري والعربي رايح للحضيض في الوقت اللي كان فيه الغرب بينتقل من مرحلة "فرانك سيناترا" الي مرحلة "بولتون" وكمان "ليونيل ريتشي" ومراحل زي "مادونا وسيلين ديون وماريا كاري ومراحل زي بريتني سبيرز وليونا لويز وكريستينا اجليرا وكميات من الباندات زي "كولد بلاي" او "جرين داي" او غيرهم المئات .
ولكن الغريب ان الغرب لم يتأثر بالتقدم ده يعني برضه عندهم صراع الجديد والقديم ولكن دايما عندهم اللي بيعوضهم الكلمة وخصوصا "الباندات" والفرق الغنائية دي لان لسه الكلمة عندهم ليها قيمتها ووزنها واللحن كمان مش اي رزع وتخبيط وخلاص ولحن حلمنتيشي والدليل علي ذلك فريق زي "ايفانسينز" اللي يعوض الاجيال القديمة عن اللحن والكلمة والاداء العبقري ويحسوا ان الفن لسه بخير.




عصر اللافن :

منذ مرحلة "العسيلية" وما بعدها واحسسنا بدخولنا مرحلة جديدة ومنعطف جديد خطير للفن المصري والعربي وقال البعض "انا متأكد ان الراجل ده اخنف" وبدأت الساحة الفنية في استقبال الكلمات الكارثية تباعا ويحملون راية "فكها بقي يا عم دي كلمات خفيفة"
وحدث ما خاف منه الناس كلها ظهور الباندات بكثرة وحرية وتفائلت في البداية وقولت ممكن يكونوا جايين ينضفوا الكلمات وينقلونا والاقي فرق بمستوي "ويست لايف" او "بوي زون" مثلا في الكلمات او الالحان ولكن للأسف الشديد لقيت "مسخ فني".

بدأت جملة "فكها يا عم" في الدخول حتي للحن وحتي للكلمات وحتي في الاصوات ..يعني الصوت وحش واللحن والكلمات ويقولك عادي هو احنا لازم نقول كلام نمطي يعني عن الحب ؟؟
محدش قال قولوا كلام نمطي ولكن قولوا كلام يتسمع مينفعش خالص اقول "انا حاسس اني كنت بلق في جزمة حب جديد" والناس تسقف وتقول دي فرقة عبقرية !!
مينفعش خالص اكون نسخة فنية مشوهة مش طايلة الوصول لعبد الحليم ولا طايلة الوصول ل "نيرفانا" !!!
يعني من انتم علي راي القذافي ؟؟ من انتم ؟؟ ايه لونكم ؟؟

كل فرقة برة ليها لون وخط بتمشي عنيه ونوع فني معين سواء بوب او روك او ميتال او كانتري او اشكال فنية اخري ولكن عندنا ظهرت الباندات باي شكل واي كلام والغريب ان الفرقة الواحدة تلاقيها مرة عازفة شرقي ومرة الات غربية ومرة ميكس غبي ما بين الاتنين تشعر بمعني كلمة ابتذال في وسط الاغنية.
تقليد اعمي حتي للون الشعر ولكن بدون تقليد للكلمات الغربية العبقرية والافكار اللي بنشوفها في الاغاني الاجنبية ..بنقلد طول الشعر ولونه ومش بنقلد كلماتهم والتمكن في الحانهم.




هواة للأبد :

تحس في الباندات المصرية انهم وهم ماسكين الجيتار مجموعة "هواة" ولكن للأبد !
يعني الهاوي بيبقي محترف ولكن اللي بنشوفه قدامنا الا من رحم ربي يعني هو مموعة هواة وهيفضلوا هواة وكأنهم متعلمين الجيتار ده ومسكته امبارح لدرجة ان البعض اصبح بس بيجيب الجيتار يطبل عليه بكل استهزاء وهو اصلا مش عارف يعزف ويادوب متعلم لحن واحد وبيعزفه واللي جنبه بيغني اي كلااااام !!

فريق رائع زي "اسكندريلا" مثلا هو اللي عايزين كل فرقنا عليه هو ده المستوي المطلوب فريق محتفظ بطبعه الشرقي ومش عايز يبقي "مسخ" مش عايز "يتعسل" نسبة الي الحقبة العسيلية !
عايز يحافظ علي قيمة اللحن والكلمات والاداء في نفس الوقت .

ناس تقول ما هو كتر الفرق ده حلو بيطلعلنا فرق زي اسكندريلا..ولكن للاسف مش ده اللي بيحصل ده القاعدة هي فرق غير فنية علي الاطلاق وكل فين وفين اما بنشوف فرقة محترمة بالمستوي ده.
من الفرق الجيدة ايضا "فريق بساطة" وبيقدم اغنيات محترمة وافكار جميلة جدا واحيانا في شكل ساخر لكن برضه تحس اونت بتسمعه انك بتسمع فريق محترم وذو قيمة فنية .
يعني اقدر اقول ان المرحلة دي فرخت عن "بساطة واسكندريلا" والباقي "زمن المسخ" !!
"محمد عدوية" راجل محافظ علي لونه الفني والحانه الروك وكلماته المحترمة ذات القيمة عشان كده ناجح لانه مش هاوي ده محترف..

كنت بقول زمان ياه امتي اشوف في مصر كمية الباندات الرهيبة اللي بشوفها برة دي ونقدر نخرج من التابوه ده بتاع كلمات معينة ونمط واحد ولكن للاسف خرجنا من التابوه لدرجة اننا بقينا نقول علي صوت العسيلي حلو وبقينا بنتكلم عن فن "بلاك تيما" !!

وكأن دلوقتي اي واحد بيتعلم جيتار ويجمع اربعة اصحابه يكتبوا كلمات لا تليق بطالب في تانية ابتدائي يقولوا احنا بقينا باند ويلا نغني !!
لان نقابة الموسيقيين فقدت هيبتها في المرحلة الاخيرة وعندي امل ان "ايمان البحر درويش" المطرب العبقري اللي عارف قيمة الفن والكلمة يقدر يعمل حاجة المرحلة الجاية لمكافحة التلوث الغنائي والحال المتردي للغناء والفن المصري.
عندي امل في ايمان البحر درويش انه هيعمل حاجة المرحلة الجاية عشان نرجع لعصر ماجدة الرومي من تاني ونسمع اللي ممكن يتسمع بس مش الاصوات الفلسفية المحلقة اللي ملهاش خط ولا لون ولا طعم.

كان زمان بيروحوا حفلات الاوبرا بالبدلة دلوقتي ممكن تلاقيهم في الساقية بيسمعوا مطرب ب "الحظاظة" !!! وده اكبر مثال علي زمن المسخ الفني وفرق الحظاظات الفنية والناكشين الشعر والمفتولين العضلات لدرجة ان البعض بيستعرض عضلاته وهو بيخبط ع الجيتار وكانه بيغني من دراعه .

لكن لسه عندي امل اننا هنخرج من المرحلة الحميدية والمرحلة العسيلية الي مرحلة اكثر رقيا مرة اخري وستكون الباندات في يوم من الايام كلها زي اسكندريلا او بساطة او غيرهم من اصحاب الفن المحترم ومن يحترموا عقول المصريين .

يعني ان تفائلت جدا اما سمعت في مرحلة واحدة اغنيتين ورا بعض هم "نص حالة" لاصالة و "خيط ضعيف" لجنات ساعتها فعلا قولت خلااااص احنا رايحين للفن الراقي تاني ولكن لم يحدث للاسف واستمرت مرحلة الاسفاف.

اما اتكلم سارتر في كتاب "ما هو الادب" واما اتكلم عن الموسيقي او المسرحيات الشعرية قال ان ممكن مسرحية بسيطة توصل لمليون شخص تكون احسن من مسرحية معقدة توصل لمائة شخص فقط واحنا مش عايزين ولا معقدة ولا بسيطة احنا بس طالبين منكم الكلمة والاداء يا باندات مصر ويا مطربين مصر الرحمة بالفن ارجوكم .
فينك يا ماجدة الرومي وفينك يا فيروز تنضفي وداننا عن القرف اللي بيطلع كل يوم باسم التعدد والتنوع .

المسلسلات الدينية ما بين التفريط الغربي والافراط الشرقي

في الايام دي تثار قضية مسلسل الحسن والحسين كالعادة زي كل مسلسل او فيلم يظهر فيه وجه احد الصحابة او الرسل او غيرهم من الشخصيات الدينية.


نفس الضجة دي طبعا اثيرت ايام فيلم "الرسالة" وتم منع عرضه في التليفزيون المصري فترة طويلة ..رغم ان العديد من الشخصيات الدينية زي مثلا "عمر بن عبد العزيز" تم تقديمه في مسلسل ولم تثار نفس الزوبعة ومنذ ايام كتب الدكتور خالد منتصر مقالة بعنوان "الحسن والحسين ومحاكم التفتيش" وتعجب ايضا من فرض الرقابة علي مسلسلات من النوع ده كل هدفها هو تنوير الشباب وزرع قدوة فيهم بشخصيات عظيمة زي دي .

وكمان في سؤال هام طيب احنا بنعمل شخصيات زي مثلا قطز او بيبرس او عمر بن عبد العزيز او غيرها من الشخصيات الاسلامية وزي كمان خالد بن الوليد فهل في شخصيات اقل قدسية من شخصيات في مقياس الرقابة ؟؟ مش كل يد شخصيات اسلامية عظيمة طيب ليه منمنعش الكل بقي ؟

ومن فترة مع الاعلامية هالة سرحان طلع الشيخ البدري واعترض بشدة علي ظهور الحسن والحسين وكمان مسلسل "عمر بن الخطاب" رغم ان في اكثر من 30 وثيقة مكتوبة من مختلف جهات الفتوي تجيز المسلسل المرة دي واتفق علماء كثيرون جدا علي اجازة المسلسلين دول واتكلم المسلسل اللي بيجسد الحسين وقال انه مفكرش يعمل الدور الا لما لقي اجماع من غلماء المسلمين اما الشيخ البدري فاستنكر بشدة وقال كمان "التمثيل فن وثني اصلا" !


الغريبة بقي ان الغرب متطرف لاقصي درجة في عكس الاتجاه اصلا يعين احنا بنفرض رقابة علي ظهور شخصيات بعينها اما في هوليود فحدث ولا حرج علي التجاوزات في ظهور الانبياء نفسهم بل وكمان في ادوار كوميدية وساعات افلام كارتون كمان وانيميشن !!

التجاوزات الغربية فاقت الحد في ظهور الانبياء بل وتجسيد دور "الرب" ذاته بشكل يتخطي كل الحدود الحمراء في سينما تخلو تماما من الرقابة .

فيلم مثلا زي "الام المسيح" كان فيلم عايز يزرع قيم معينة وازاي تتحكل في وقت الالم مثلا عشان تؤدي رسالتك وعايز يوريك الغدر ازاي ممكن يجي من اي انسان مقرب ليك ..ده كان فيلم كويس خالي من التجاوزات الا اظهار وجه النبي نفسه
ولكن افلام زي مثلا
year one
اظهرت الانبياء في شكل يمثل اهانة حيث سخروا في الفيلم ده من سيدنا "ابراهيم" وايضا من قصة قابيل وهابيل بشخص سافر جدا ويتجاوز كل قيمة اخلاقية .

وطبعا فيلم الباتشينو الشهير جدا
devil's advocate
في مشهد الخطبة الشهير جدا اما قال "القرن العشرين ده كله ملكي" وقال كلام اخر لا يجوز ذكره عن الله.

اما في فيلم زي
death at a funeral
وهو فيلم كوميدي ولكن المشهد اللي فيه اما قابل واحد من ابطال الفيلم رجل دين فقاله "كيف حال الرب اليوم" !!

وطبعا فيلم
bucketlist
كان في مشهد شهير بين جاك نيكلسون ومورجان فريمان بيتكلموا فيه عن الايمان وسخر فيه جاك نيكلسون من فكرة الايمان والتمسك باي دين !!

اما الافلام اللي فيها برضه مشاهد تمثل خروج عن النص عندما نتحدث عن الله الواحد الاحد فهي

The Big Bounce
لمورجان فريمان

وفيلم
The Invention of Lying

وايضا فيلم
rabbit hole
في مشهد نيكول كيدمان عندما سخرت من قضية الموت والملائكة !

يبقي مش بس تجاوزوا الخطوط الحمراء ده كمان في بعض افلامهم مش جسدوا دور رسل بس ده جسدوا دور الله نفسه في بعض افلامهم بشكل استفزازي جدا زي فيلم جيم كاري
bruce almighty
وجه بعده فيلم
evan almighty


وكمان ممكن نشوف التجاوز في افلام درامية عادية جدا وقوية ولكن اسم الفيلم نفسه يمثل تجاوز زي اسماء افلام
God Grew Tired of Us
او فيلم
Where God Left His Shoes



يعني في الغرب تم تجاوز كل الخطوط الحمراء في اظهار الشخصيات المقدسة بل والسخرية منهم كمان بكل وقاحة اما في الشرق فلا تظهر حتي الوجوه ! مافيش حل وسط ؟؟

بعض الشيوح يقولوا "معروف سلفا ان الشخصية التي تؤدي هي ليست الشخصية الحقيقية فيجوز تادية الدور " واكيد فعلا ان محدش مثلا افتكر ان عمر الشريف هو عمر بن عبد العزيز او ان قطز هو احمد عبد العزيز يعني الموضوع مافيهوش خلط ولا حاجة معروف انها مجرد تادية دور فني وبس والشخصيات دي تمثل قدوة لاجيال كاملة فلازم تظهر كلها بل وننشرها في اعمال فنية في العالم كله

لو عندنا سينما قوية كنا عملنا فيلم مثلا انتاجه ضخم عن عمر بن الخطاب ووزعناه ع العالم كله عشان يعرفوا عظمة وعبقرية شخصية اسلامية زي دي .

فيلم "الرسالة" اللي هو من اعظم الافلام الدينية كان عليه اعتراضات كتير لكن خرج للنور في النهاية وكان لازم عمل زي ده يخرج للنور حتي لو كانت كل مشكلته هو اظهار وجوه مقدسة ولكنها ضرورة ملحة فعلا لان الشخصيات دي لو ما اتجسدتش في اعمال فنية امال نجسد مين ؟؟ يعني طول النهار نجسد شخصيات فنية وقصص حياتهم في مسلسلات رمضان ومنجيبش مسلسلات للعباقرة دول زي عمر وعلي وغيره من العظماء ؟؟


ياريت فعلا يحصل اجتماع كبير لعلماء المسلمين وتظهر فتوي قاطعة مثلا ان التجسيد ده ممكن للضرورة عشان الشخصيات دي تبقي قدوة لاجيال كاملة وعشان اجيال كتير بتعتمد علي التليفزيون اكتر من الكتب فمافيش مانع اننا نديهم الثقافة والوعي المطلوب من خلال التليفزيون زي ما بيحصل في العالم كله من خلال قنوات افلام وثائقية ممكن تغنيك عن بعض الكتب فلازم نتجه لاننا نزود الاعمال دي اكتر فاكتر عن كل الشخصيات العظيمة في حياتنا.

جـوائز الثورة المصرية

مين اللي صنع الثورة ؟ الشعب المصري كله بجميع اطيافه
لكن في شخصيات ومواقف واعمال فنية كمان تستحق تاخد "جوائز الثورة" لو كان في حاجة اسمها جوائز الثورة فعلا
شخصيات في السنوات الاخيرة غيرت شكل المصريين وتفكيرهم ووعيهم الفني والثقافي ومواقف كمان ادت لحدوث الثورة او ضغطت ع الزناد بعد ما كانت الايادي مرتعشة
لكن لو وزعنا الجوائز دي فعلا بعد نجاح الثورة المصرية العظيمة يبقي مين يستحقها ؟ هنقول كل اسم وكل عمل اثر او ادي ولو بدور بسيط في حدوث الثورة المصرية :



مخرج الثورة: خالد يوسف

طبعا باعمال زي اللي عملها في الفترة الاخيرة "حين ميسرة" او "هي فوضي" نقدر نقول عليه مخرج الثورة او المخرج الاشد تاثيرا في الفترة الاخيرة لانه قدم اعمال رائعة جدا بتتكلم عن كل مشاكل داخل المجتمع المصري كانه رصد لكل شئ بيحصل جوة المجتمع او نظرة شاملة ليه بدون محاولة للعلاج .
بصرف النظر عن عشقي للمخرج خالد يوسف وعبقريته لكن ده مش تحيز لكن فعلا كل حاجة فنية تحس انها مهدت للثورة كانت علي ايده .




مطرب الثورة : احمد سعد

باغنية زي "مش باقي مني" يبقي اكيد هو مطرب الثورة والقصيدة اللي غناها دي كانت للشاعر العبقري جمال بخيت وهو بيقول :

"لو كنت يوم هلمحك وانتي بتوطي..
في معركة مافيهاش ولا طيارات ولا جيش
وانتي في طابور العيش..
بتبوسي ايد الزمن ينولك لقمة..
من حقك المشروع..
مش باقي مني غير شهقة في زمن مقطوع
وانا صوتي مش مسموع
يا حلمنا الموجوع
من المرور ممنوع"

والقصيدة كلها تحفة فنية وابداع بلا حدود لجمال بخيت.




فيلم الثورة : "دكان شحاتة"

هتلاحظ ان كل حاجة في الفترة الاخيرة مرتبطة بخالد يوسف بشكل او باخر ..الفيلم ده كان فيه اسقاطات بالجملة بل ان بطل الفيلم ادي دور "مصر" جسد شخصية مصر واخر مشهد وهو بيموت غدر كان مشهد اكثر من رائع والفيلم فعلا يبكيك علي حال مصر في عهد مبارك




ممثل الثورة: عمرو سعد :

اكيد بطل عمل فيم زي "حين ميسرة" و "دكان شحاتة" يبقي اكيد هو ممثل الثورة وربما اصرار خالد يوسف علي اختياره لروعة ادائه وافضل مشهد كان في دكان شحاتة وهو بيستحمي ويبكي علي فراق والده مشهد اسطوري وتمثيل عبقري
واسقاط تاني في الفيلم وابوه بيقوله "داري الشرخ في الحيطة يا واد" وهو بيشاور علي صورة عبد الناصر عشان يداري الشرخ ورد عليه عمرو سعد وقال "الشرخ كبير قوي يا ابا مش هتنفع الصورة تداريه" !
وكمان "خالد صالح" في فيلم هي فوضي ممكن يكون ممثل الثورة في دور" حاتم" امين الشرطة المرتشي الفاسد .




موقف الثورة : "خليهم يتسلوا" :

مواقف حسني كتير جدا وفساده ملوش عدد لكن ده كان موقف بدأ يخلق الثورة فعلا في داخل كل مصري ويمكن لو كان حسني اعترف بان الانتخابات دي كانت اكثر الانتخابات تزويرا علي مستوي العالم ولازم يعيدها مكانتش هتحصل الثورة وكان ممكن ينجي بجرائمه وخطاياه لكن المشكلة انه كان بجح جدا وقال بكل تحدي للبرلمان الموازي "خليهم يتسلوا" كانهم مجانين وهو العاقل مثلا




رمز الثورة: خالد سعيد :

الشهيد خالد سعيد بوفاته اشعل شرارة الثورة الاولي والخروج من القمقم اللي رسمه لينا الجبروت والطاغوت المباركي
الناس فاض بيها من معاملة الداخلية وتعذيبهم باوامر مبارك وكانت شعلة الثورة اللي بدأت ومش هتنطفي



مشهد الثورة : صلاة المسلمين يوم الجمعة ووراهم المسيحين بيحموهم :

اجمل مشهد وحدة وطنية حصل كان في الثورة ليثبت ان الفتنة كذبة كبيرة صنعها العادلي وجهازه الفاسد وان وقت الشدة كل المصريين واقفين اخوات




مسرحية الثورة : قهوة سادة

اجمل مسرحية اتكلمت عن الوضع المصري في السنوات اللي فاتوا في قالب من الكوميديا السوداء وكان الاداء فيها راقي جدا ومعبر عن الوضع الاقتصادي والثقافي وكل مناحي الحياة.




صحفيين الثورة: ابراهيم عيسي و عبد الحليم قنديل :

طبعا كان في كتاب كتير معارضين للنظام من سنوات لكن دول ابرز كاتبين كانوا معارضين بشكل عدائي قاطع ورافضين تماما كلمة مبارك او نظامه وكانوا مع الحق دايما عمرهم ما كتبوا كلمة في مدح هذا النظام الفاسد واتعرضوا لاضرار كتير نتيجة مقالاتهم الثورية المدوية ضد النظام.




كتاب الثورة: "لماذا لا يثور المصريين" :

برضه كان في كتب كتير كانها كانت بتسأل امتي هتثوروا بقي او اتكلمت عن الوضع المصري بشكل فيه توقع وقراءة للي هيحصل وكان في كتاب "جمهورية ال مبارك" لمحمد طعيمة من الكتب الهامة اللي اتكلمت عن تفاصيل ملف التوريث .
ولكن كان كتاب علاء الاسواني هام جدا في تحديد ايه اسباب عدم الثورة عند المصريين وتحليل لشخصية المصري وقدرته علي التأقلم مع اي وضع صعب.



جريدة الثورة : الدستور :

اكيد بلا شك ان جريدة الدستور كانت اكبر جريدة معارضة للنظام من اول ابراهيم عيسي لحد اصغر سن صحفي فيها معارضة بشكل مستمر معارضة يومية قوية لا تقبل انحناء في الرأي ولا تبديل في المواقف
جريدة من اقوي الصحف اللي ظهرت علي الساحة لاظهار فساد النظام واظهار النوم في العسل اللي بتعيشه الجرائد القومية اللي كانت منافقة جدا ايام النظام السابق .




شخصيات ادت للثورة : احمد عز وصفوت الشريف :

دول فعلا اللي اسقطوا النظام مش بثورتهم لكن بفسادهم ..كل النظام متسيب فاسد لكن صفوت الشريف واحمد عز هم ملوك الفساد وطاغوت العصر
تزوير سرقة فضائح رشاوي كل الموبقات هتلاقيها في الشخصيتين دول وخصوصا صفوت الشريف من انظمة قبل مبارك كمان ليه جرايمه وملفه الخاص الملئ بالصفحات السوداء.




شخصيات شهيرة في الثورة : وائل غنيم والبرادعي :

طبعا الشعب المصري كله كان السبب في الثورة لكن كان في بعض الشخصيات كانت كل يوم اسمها بيتقال وكانت الابرز علي صفحات الجرايد كلها يوميا زي البرادعي اللي قال ان التغيير اصبح حتمي ووائل غنيم اللي كان صاحب صفحة كلنا خالد سعيد.




شرارة الثورة : المحلة والسويس :

اكيد المدينتين دول هم اول شرارة في الثورة وسقط فيهم ضحايا كتير جدا وخصوصا المحلة اللي بدأت الثورة من ايام ما حركة 6 ابريل قادت اول حركة ثورية في المحلة للاضطهاد اللي اتعرضوا ليه وكان فيه احتجاجات واسعة في المحلة منذ عدة سنوات وكان اول مرة نشوف الاحتجاجات القوية بالشكل ده ضد نظام مبارك.




ادوات الثورة : فيس بوك وتويتر :

طبعا دي اول الادوات اللي استخدمها الشباب كطريقة للتواصل وحشد الحشود للثورة علي الفساد ونجحوا في استخدامها بشكل فعال وادت للنتيجة المرجوة فعلا وخصوصا صفحة كلنا خالد سعيد اللي حشدت اعداد ضخمة جدا للنزول الي التحرير .




جائزة الثورة : الشعب المصري :

بطريقة سلمية ابهرت العالم كله ورغم كل القمع والرصاص والعنف من الامن الا ان الانتصار كان حليف الشعب المصري العظيم في ثورته علي الاستعباد والمهانة والخنوع ويستحق جائزة الثورة بل انه يستحق جائزة نوبل السلام.

لو كان انتصر الجـمل كان هيبقي ايه العمـل ؟؟؟.سيناريو بشكل تاني ليوم الجمل

موقعة الجمل كان يوم حاسم في تاريخ مصر كلها لو كانت الموقعة القذرة دي نجحت كانت مصر هتبقي في وضع صعب جدا وحكومة ابليس كانت هتعمل عمايلها في الشعب وتوريه الويل كما لم يراه من قبل .
ولو كانت نجحت موقعة الجمل كان ده اللي هيحصل :



الساعة 1 بليل في احد مقرات الحكومة :

صفوت : عملت ايه يا حيوان مبتردش ليه ع الموبايل انا اعصابي محروقة

البلطجي: يا باشا احنا خلاص الملتوف قرب يخلص بس العيال هربت

صفوت: العيال هربت ؟ ماشي يا عم حمادة هلال

البلطجي: حلوة يا باشا بس ياريت متقولهاش تاني

صفوت: بص ولعوا فيهم انا عايز اشوفهم محروقين قدامي

البلطجي: انت هتعملي نفسك سماح انور يا عم مقولنا خلاص هنمشيهم من هنا خالص ولع ايه ومنولعش ايه ده شغلنا بقي واحنا فاهمينه

صفوت: حد كلمك تاني؟

البلطجي: اه المدام

صفوت: اخرررس يا حيوااان

البلطجي: يا عم المدام بتاعتي انا في ايه مالك ؟

صفوت: اه بحسب يعني..المهم هتعملوا ايه بعد كده اما يمشوا حد جابلك مهمة تانية؟

البلطجي: استني اما اشوف ع الكاليندر في الموبايل

صفوت: الكاليندر ؟؟؟ بلطجي ماشي بالكاليندر ؟؟؟

البلطجي: يا باشا المهنة اتطورت ايه من ساعة دخول النت والموبايلات..ده انا بحدد اماكن البلطجة كمان بالجوجل ايرث

صفوت: كمان جوجل؟؟ منه لله نظيف اللي دخل النت وقوم علينا الناس

البلطجي: يا باشا انا ابني مبيقومش من ع النت الا لما..

صفوت: اخرررررررس انت هتحكيلي قصة حياتك طز فيك وفي ابنك

البلطجي: هم قالوا ايه يا باشا عننا في التليفزيون اصلي كنت برمي ملتوف ومشوفتش حاجة

صفوت: قالوا موقعة الجمل كانت حامية جدا وقالوا انكوا انصار مبارك

البلطجي: مين يا اخويا؟؟ موقعة جمل؟؟؟ يعني انا ارمي كل الملتوف ده عشان يسموها جمل في الاخر؟؟ مسموهاش موقعة الملتوف ليه بروح امهم ؟؟

صفوت: معلش المرة الجاية هنعملك اسم علي كيفك عشان متزعلش يا روح امك

البلطجي: طيب يا باشا انا ماشي عشان معايا العادلي ع الويتنج


مكالمة اخري :

العادلي: ايوه يا قرشي

البلطجي: يا باشا متقولش اسمي ع التليفون لنكون متراقبين

العادلي: انا وزير الداخلية يا حيوان متراقبين ازاي يا اهبل

البلطجي: اه لامؤاخذة يا باشا معلش فاتتني دي

العادلي: المهم عملت ايه العيال مشيت ؟

البلطجي: لا العيال هربت زي فيلم حمادة هلال

العادلي : يخربيت امك اقفل يلا ده انت خنقتني

البلطجي: يا باشا ده صفوت اللي قالهالي واللهي

العادلي: ما هو عيل خنيق زيك صفوت ده

البلطجي: المهم مافيش اخبار جديدة ؟

العادلي: اه بيقولوا هيوسعوا فتحة راني حبيبات

البلطجي: يا نهار ازرق دي وراثة في الحكومة بقي..يا دم امك يا اخي

العادلي: امال اخبار ايه يا حيوان شايفني صاحبك ؟

البلطجي: اقصد اخبار جديدة عن غزوتنا يعني في الاخبار ولا حاجة افخر بيها كده في موقعتي اللي عملتها.

العادلي: مبروك النصر يا سيدي انا شايف اخر واحد بيجري اهو ع الجزيرة والميدان فضي وجه وقتنا بقي يا معلم

البلطجي: اديله يا باشا اديلللله



وبعد ان انتصر البلطجية في موقعة الجمل وهرب كل الناس من الميدان وكان الخطاب الجديد لحسني :

"ايها الشعب ..لقد المني جدا ما رايت من ابنائي الذين سقطوا ضحايا اعمال بلطجة وعنف واتوعد البلطجية ومن فعلوا تلك الفعلة الشنعاء باقصي درجات العقوبة ولهذا قررت ما يلي لظبط كل من كان مسئولا عن اعمال عنف ومن قتل اولادنا وابنائنا :

اولا: تطبيق اقصي ما يتطلب قانون الطارئ وتطبيق قانون "طوارئ بلس" ايضا "الامساك ببلطجي وعائلته بالكامل"

ثانيا: تفتيش كل البيوت في كل مناطق الجمهورية للتفتيش عن البلطجية ومن القي زجاجة ملتوف واحدة في الميدان

ثالثا: تغيير بعض الوزارات لتحقيق مطالبكم ومن اجلكم

والله الموفق



وعلي احد القهاوي:

شاب ثائر: يا نهار ازرق ايه نظام "طوارئ بلس" ده يا معلم ده احنا هنتعلق من رجلينا

صاحبه: طوارئ بلس يعني كل ما تمسك واحد تاخد معاه واحد مجانا كمان وساعة الفجر القبض علي خمسة في كل عمارة

شاب ثائر: ده البلد هتولع يا معلم الفترة الجاية

صاحبه : تولع ايه يا عم ومين اللي هيولعها؟ ما خلاص كلنا هنتشد وهيدي لكل البلطجية اعفاء من السجون



وفي احد المعتقلات بعد يومين فقط :

ظابط: ايه يا سيدي عجبك الكرباج ولا ايه ولا لسه عايز تسقط النظام ؟

حسين: نظام ايه يا باشا ده انتوا النظام كله

ظابط: وانت يا حبيبي نطلبلك تعويض علي خيمتك اللي اتحرقت في التحرير ولا ايه ؟ مش عايز حقك من الدولة ؟

محمود: يا باشا الدولة علي عيني وراسي والشرطة في خدمة الشعب قوي قوي يعني

سالم: الشعب يريد اسقاط النظام..الشعب يريد اسقاط النظام

ظابط: انهي نظام فيهم احنا يا ابني ميت نظام في بعض لو فكرت تخرج عن الاطار اللي رسمنهولك اسحقكك

سالم: ايه ده الحتة دي من فيلم عربي يا عم انت هتعيش الدور دي بتاعة خالد صالح

ظابط: اه هي فعلا ايه رايك ؟

محمود: جامد يا باشا شرير قوي انت في الجملة دي

ظابط: المهم عرفتوا هتقولوا ايه في البرامج يا حلوين ؟

حسين: اللي تؤمر بيه سعادتك اوامر العادلي باشا لازم تنفذ يا معالي الباشا

ظابط: حلو قوي تعالوا معايا بقي عشان تشوفوا هتقولوا ايه في التليفزيون المصري يا كتاكيت


وفي القنوات المصرية بدأ النفاق كالعادة :


المذيعة: اهلا بيكوا في برنامج "حسني الي الابد" وهنعرف راي كذا شاب كانوا في ميدان التحرير عن الثورة اتعرف بيكوا

حسين: انا حسين طالب جامعي صرفت عليا الحكومة لحد ما خلتني بني ادم وبعدين انا عضيت الايد اللي اتمديتلي اهئ اهئ اهئ

المذيعة: ما تعيطش يا حسين انت ممكن تتوب عن الثورة والكلام ده لسه عندك فرصة تتوب لان انت عارف ان الثورات حرام اصلا

حسين: ده اكبر ذنب حضرتك انا ندمان قوي اهئ اهئ اهئ بجد ندمان

المذيعة: نشوف الشاب التاني ده صاحبك ؟؟

حسين: ولا عمري شوفته

محمود: ده انت بقيت ندل ندل يعني

المذيعة: المهم عرفنا بيك

محمود: انا محمود وبجد حضرتك "دي مش غلطتي دي مش غلطتي .دي غلطة كل واحد كان عايز يقلب الحكم ويلعب فيه اهئ اهئ"

حسين: ايه ده يا عم انت هتعملي وائل غنيم انت كمان

المذيعة: لا مش عايزين نذكر الاسامي دي علي شاشتنا وائل وبتاع ممنوع .. عايز تقول حاجة للمواطنين اللي مستنين يشوفوك من زمان ؟

حسين: انا عايز اقول اني بشكر كل شاب شارك في موقعة الجمل وضربنا بالملتوف لانهم وطنيين قوي واحنا اللي خونة ونستاهل والحمد لله انهم خرجونا من التحرير حضرتك وبقول للسيد الرئيس انت بابا انت بابا وجدو وتيتا كمان وحقك علينا يا ريس حقك علينا يا ريس انا بعيط يا ريس بليز هلب مي ريس بليز هلب مي ريس..

المذيعة: طيب ننزل بفاصل قصير واغنية وطنية ونرجعلكوا تاني


الفاصل:

اغنية هيفاء :
"واللي يزعل حسني؟
نوتي
واللي بيخلع حكمه؟
نوتي؟
واللي يزعل منه حكومته؟
نوتي نووووتي"


المذيعة: عدنا من الفاصل السريع ودلوقتي نسال شاب كمان عن رايه في اللي حصل في البلد

سالم: يا مدام انا مش هاقول انه ريس وبس ده امير القلوب وقلبه ابيض من اي قلب وسوزان هانم حنانها وعطائها ملوش حدود اما جمال باشا ملك الامانة والنزاهة بجد ده مرة شاف مواطن فقير ممعهوش تمن الرغيف راح لحد بيته واداله شقة في الاسكان الجديد كمان وسط زغاريط وفرحة كبيرة ..وعايز ازعق واقول بصوت عالي "الشعب يريد ابدية النظام..الشعب يريد ابدية النظام"

المذيعة: اعزائي المشاهدين زي ما شوفنا مع بعض نماذج للشباب اللي تابوا من الثورة وعايز اقول "الثورة بتلف تلف وترجع لصاحبها هيه بقي كوبة كده"



وبعض اهم التغييرات التي حدثت في مصر بعد مرور شهر علي نجاح الموقعة وعودة حسني للحكم :

1- تغيير اسامي كل الميادين بلا استثناء الي اسم حسني مبارك

2- تزويد الداخلية باحدث اجهزة الخوزقة والاغتصاب والمعتقلات الاتوماتيك ووصل من الخارج المعتقل المحمول للخوزقة في وسط الشارع لاي مواطن ثائر

3- تعيين القط وزيرا للاعلام وتخصيص وزارة جديدة تسمي "الفبركة"

4- ترقية البلطجية اللي شاركوا في موقعة الجمل من رتبة بلطجي الي "بلطجي اول"

5- ترقية كل المسئولين عن موقعة الجمل ومنهم وسام الدولة لوطنيتهم وخصوصا صفوت الشريف

6- عمل متحف خاص لصور الثورة وصور انتصار مبارك القائد الزعيم الكبير قوي في موقعة الجمل

7- مسامحة من يخرجون في مظاهرات سلمية ويقولون بصوت عالي "الشعب يريد العفو والسماح" "الشعب يريد العفو والسماح"

8- عمل قائمة بيضاء للفنانين اللي هاجموا التحرير وزيادة اعمالهم السينمائية وخصوصا طلعت زكريا

9- تصفية الجرايدة الخاصة ونفي رؤساء تحريرها خارج مصر



وفي اجتماع الرئيس بالوزراء كلهم :

حسني : كان يوم صعب يا جدعان ده انا كنت خلاص هاقتنع ان عيال الفيس بوك دول هيوقعوا البلد

العادلي: ده طلع موقع جامد قوي يا باشا انا مكونتش اعرف انه هيجمع كل العدد ده..بفكر الم الواد اللي عمل الموقع ده يا باشا واحطه يومين يستوي في المعتقل

صفوت: انتي كنتي فين يا عيشة ؟

الوزيرة عيشة : انا كنت في رحلة مع مدام سوزي بتخليني ابوس ايدها كل نص ساعة قدام الناس دي وظيفتي الجديدة انا اترقيت الحمد لله

صفوت: لا انا عندي واحد عكاشة انما ايه لوووز بويس ايدين درجة اولي

احمد عز: انا خفت قوي بجد م الثورة دي وقولت هياخدوا الحديد بتاعي شقي عمري

صفوت: شقا عمرك ايه يا حرامي يا مدلس

عز: حرااااامي؟؟ ع الاقل مش قواد يا عين امك

حسني: بسسسسسس انتوا هتخانقوا قدامي؟ فين جمال امال ؟

جمال: ايوه يا بابي كنت مشغول معلش بزود الشركات الاف شور بتاعتي برة لاني ضمنت التوريث خلاص الحمد لله

حسني: توريث؟؟ وبتقولها قدام ابوك وهو فيه الصحة ؟

نظيف: صحة ايه يا عم ده انت مفستك وكل حتة فيك عايزة عمرة

حسني: بتقول حاجة ياد يا نظيف ؟

نظيف: لا ولا حاجة يا ريس

عز: ربنا يحميك يا جمال واشوفك ريس للابد ونتربي في عزك وميقطعلكش عادة ابدا في فتح شركات جديدة وتحويش المليارات من مصروفك يا حبيبي

حسني: عملت ايه يا عادلي في الولاد المشاغبين دول ؟ اسقطت نظامهم ؟؟

الوزراء: ههههههههه حلوة يا باشا فعلا الحكومة تريد اسقاط النظام الثوري

العادلي: خليت ملتوفهم في جوفهم يا باشا

حسني: طول عمرك شوارعي يا عادلي وكلامك كلام حواري ماشاء الله..وانت يا صفوت جهزة الشرايط القذرة والسيديهات ؟

صفوت: عيب عليك ياريس ده كل رئيس حزب معارض او كل صاحب حركة زي بتاعة ابريل دي عملتله سيدي متركب انما ايه الواحد مع عشر مزز ع الاقل وهينزل ع اليوتيوب وكمان صورتهم وهم بيتعاطوا حبوب هلوسة عشان اوري الشعب

حسني: وهم فعلا بياخدوا الحبوب دي ؟؟

صفوت: لا يا باشا ده شغل جرافيك بتاع برة بقي

حسني: شد حيلك يا صفوت وساختك دي هي الامل في حكم جمال بعون الله..يالله امشي انا بقي يا انجس خلق الله..سلاااام

صفوت: سلام يا شيخ المنصر يا كايدهم



وانتهي الاجتماع ورجع الوزراء تاني يلموا المليارات وخرج كل ثوري بفضيحة متركبة من صفوت وتم اخراج كل من له نزعة ثورية من كل الهيئات والنقابات وانتصرت موقعة الجمل ليعود مرة اخري "الهلال والجمل" يحكم مصر بقبضته القذرة ..وكان هذا السيناريو الذي لا يريده احد لمصر
والحمد لله لم يحدث ولن يحدث ان يعود حزب جهنم مرة اخري.

بطـاريق مستر بوبر..وكيف تعتني بالبطاريق في المنزل

فكرة جديدة ومتميزة في فيلم كوميدي للنجم العبقري جيم كاري كالعادة كما تعودنا من اختياره لاعماله التي غالبا ما تكون فكرة غريبة وغير مألوفة وقصة جديدة ومتفردة.
في فيلمه الاخير
Mr. Popper's Penguins
يقوم جيم كاري برعاية عدد من "البطاريق" في منزله كما هي وصية والده الذي كان في رحلات دائما في فترة طفولته ليحصل جيم كاري علي صندوق خشبي ملئ بالثلج فيه عدد من البطاريق المطلوب من جيم كاري رعايتها في منزله في عدد من المواقف الكوميدية الرائعة في الفيلم وتكون هذه البطاريق في النهاية سبب للعودة لاسرته مرة اخري .

استطاع هذا الفيلم ان يكون علامة مميزة في الافلام الكوميدية هذا العام رغم انه عام ملئ بالافلام الكوميدية الجيدة ربما اكثرهم تميزا هو الفيلم الممتاز لجنيفر انستون
Horrible Bosses
الذي ادي فيه كولين فاريل دور غريب للغاية لم يكن اقل غرابة من دور جنيفر انستون التي لم ارها في دور مثل هذا من قبل وربما ذكرت العديد من مواقع تقييم الافلام وجريدة "ذا صن" انه من اغرب افلام جنيفر انستون وأجرأها علي الاطلاق.
ويدور الفيلم حول عدد ممن يريدون التخلص من رؤسائهم في العمل عن طريق خطة لقتلهم ولكن تدور الخطة في اطار كوميدي جدا ويقعوا في العديد من المفارقات مع القاتل الماجور المرشح لتنفيذ العملية والذي بحثوا عنه كثيرا .

ورغم زخم الافلام الكوميدية هذا العام وجودتها الا ان فيلم جيم كاري فرض نفسه ايضا بقوة ولكنه لم يكن الاقوي بين الافلام الكوميدية هذا العام علي سبيل التقييم او الايرادات ايضا ربما لا يحب البعض الافلام التي تعتمد علي "الحيوانات" او شعروا انها فكرة مكررة ولكن الجديد فيها هو استخدام "البطريق" في المنزل اما عن فكرة استخدام الحيوانات في الافلام فهي فكرة قديمة دام استخدامها بعضها حقق نجاح كبير والبعض الاخر لم ينتشر وينجح النجاح المطلوب .

وهذا العام ايضا يشهد فيلما اخر من هذه النوعية للنجم "كيفين جيمس" وهو فيلم
Zookeeper
ولكنه لم ينجح تماما في التقييم في معظم مواقع تقييم الافلام وحصل علي درجة منخفضة للغاية وهو عن قصة حارس حديقة للحيونات يفقد صديقته التي طلبها للزواج من قبل ثم يحاول العودة اليها عن طريق استخدامه للحيوانات في الحديقة والتي تحاول مساعدته بل وتتحدث اليه ايضا حتي يعود لصديقته ويكتشف انها ليست حبه الحقيقي ولا يريد الحياة التي ترسمها له بل يريد ان يبقي في مهنته كحارس للحديقة من جديد بعد ان ربطته العلاقة بين زميلته في العمل وبين الحيوانات ايضا التي احبها وقضي معها فترات طويلة من حياته.



اما عن اشهر افلام من نفس النوع وهي الافلام التي اعتمدت علي الحيوانات وعن علاقات عطف بين الانسان والحيوان فهي :




Free Willy

سلسلة الافلام الشهيرة ومن اشهر افلام التسعينات والتي كانت من اكثر الافلام المؤثرة عن علاقة الحيوان بالانسان وكيف يتم انقاذ الحوت علي يد طفل يبذل كل جهد للتخطيط لانقاذ الحوت الذي يعرف ان هناك مخطط لابادته وفي هذا الفيلم واحدة من اجمل اغاني مايكل جاكسون والتي اعطت شهرة اضافية للفيلم ونكهة ميزة له .
وفازت الاغنية بافضل اغنية فيلم في حفل "ام تي في" .




Gorillas in the Mist


فيلم رشح لخمسة جوائز اوسكار عن علاقة عالمة في افريقيا بالغوريلا وكيف تتعامل مع من يريدون القضاء عليها بعنف وتنهرهم لذلك وتتعامل بكل انسانية وعطف مع هذه الحيوانات في اطار من التهديدات والمخاطر التي تتعرض لها هذه الحيوانات .
واحد من اقوي افلام الدراما في الثمانينات واعتبره في رأي اقوي فيلم التي اعتمدت في قصتها عن العلاقة بين الانسان والحيوان.




The Water Horse


عاطفة تجمع ما بين طفل صغير وحيوان غريب في النهر ويدافع عنه ويدخل وسط معركة لمجموعة تحاول قتله ولكنه يحاول ان يساعد الحيوان الضخم علي الهرب رغم ذعر الاخرين منه.
فيلم جيد جدا وبه عدد كبير من المشاهد الدرامية المؤثرة.




Hotel for Dogs

فيلم كوميدي عن مجموعة اطفال تنقذ الكثير من الكلاب من محاولة الاستغلال لهم والفيلم في الاساس وكأنه للاطفال فقط من خلال السياق والقصة.




Cats & Dogs


فيلم كوميدي عن حروب بين عالم القطط وعالم الكلاب وكل مجموعة قد خصصت قائد وزعيم لها بل ويقومون باختطاف بعض البشر ايضا في الفيلم ويتحدثون امامهم وسط ذهول الجميع وتستمر الحروب الي نهاية الفيلم بين الجانبين وسط استغلال البشر للسيطرة علي الحكم من جانب الكلاب.




Marley & Me


كلب صغير شقي مشاغب في فيلم كوميدي لجنيفر انستون واوين ولسون ..فيلم كوميدي تتخلله بعض المشاهد الرومانسية وسط مفارقات كثيرة في الفيلم يكون بطلها هو الكلب .




Eight Below


هذا الفيلم الذي قيل عنه انه من اجمل قصص الصداقة بين الانسان والحيوان في السينما وهو فعلا كذلك وينافس بشدة فيلم
Gorillas in the Mist
الفيلم مؤثر جدا ويحاول مجموعة علماء انقاذ مجموعة من الكلاب من الموت حتي ولو ضحوا بانفسهم وتعرضوا لمخاطر شديدة وسط الثلوج والرياح وتعرضوا للموت في اكثر من مشهد ولكن انسانيتهم هي التي دفعتهم لمحاولة انقاذ هذه الكلاب عدة مرات .




King Kong

اذا ذكرت افلام الحيوانات فمن المؤكد ان نذكر الفيلم الشهير جدا "كينج كونج" ..الفيلم ملئ بالنجوم ويدور حول غوريلا ضخمة متوحشة تقع في حب ممثلة كانت ذاهبة للجزيرة التي تسكن بها الغوريلا بسبب غرق السفينة اثناء الرحلة لعمل فيلم سينمائي ويظل المخرج متشبث بفكرة عمل الفيلم حتي في وسط المخاطر التي تحيط بهم من كل جانب من اهل الجزيرة والكائنات المتوحشة علي الجزيرة .



مجموعة من اشهر افلام العلاقات ومحاولات الانقاذ من جانب البشر لبعض الحيوانات ..افلام مليئة بالحيوانات وفي نفس الوقت افلام انسانية جدا .

أوسكار مصري من ميدان التحرير

مصر بعد الثورة راحة علي فين في مجال السينما والافلام وفنيا عموما ؟
الفن جانب هام جدا وهو من معايير ايضا تقدم البلاد وانعكاس لثقافة كل بلد ومدي تحضرها واحيانا انعكاس لواقعها .

السينما المصرية كانت في مرحلة افلام لكبار الادباء زمان زي مثلا "بداية ونهاية" لنجيب محفوظ او "ثرثرة فوق النيل" او مثلا "ارض النفاق" ليوسف السباعي و "نحن لا نزرع الشوك" او "شئ من الخوف" لثروت اباظة واعمال كتير وكتير جدا لكبار ادباء مصر واحيانا الادب العالمي يكون ليه دور كبير جدا في السينما المصرية زي مثلا فيلم "عهد الهوي" المأخوذ من غادة الكاميليا وافلام اخري في الفترة دي .

لكن بعد كده ظهرت مرحلة افلام هابطة ملهاش حصر والبعض اطلق علي الافلام الهابطة دي "افلام مقاولات" وظهرت بعض الافلام اللي كانت بتحصد جوايز رغم ان الناس مش فاهماها وكانوا بيسموها "افلام مهرجانات" ودي افلام بتكون ليها طابعها وفلسفتها الخاصة ولكن افلام المقاولات كان ليها الغلبة في فترة رغم ان نفس الفترة دي كانت في افلام بتحشد العديد من النجوم في عمل واحد زي مثلا فيلم "الاخوة الاعداء" او فيلم "العار" او فيلم "الحرام" واكن في صراع ما بين افلام عظيمة تكتب تاريخ للسينما المصرية وافلام هابطة بدرجة قدير جدا تكتب نهاية للسينما المصرية فعلا

لكن كان فين دور السياسة في الموضوع ؟
السياسة في الفن المصري وتاريخ السينما ممكن نقسمه لعدة فترات زمنية وعدة تصنيفات :




أولا : افلام النضال السياسي :

دي افلام زي مثلا "القاهرة 30" او "الكرنك" في فترة اخري تماما وتوريك مثلا النضال في ايام الجامعة وما بعدها وازاي كان بيكون في عناصر مدسوسة في وسط الطلبة عشان يبلغوا ما يسمي ساعتها "البوليس السياسي" ويبدا التعامل بكل قسوة مع اي حد يفكر في مجرد الدخول في معترك السياسة ولو خطة واحدة بس.
وكانت الافلام دي مش بس بترصد حالة دي تحس انها كانت بتخوف الناس من الدخول فعلا في عالم السياسة من اللي هيشوفوه في هذا العالم من ويلات.



ثانيا : التعذيب :

من اشد الافلام دي "احنا بتوع الاتوبيس" و فيلم "الكرنك" وفيلم "البرئ" ودي كانت بتوريك بيعمل ايه قيادات الزعماء العرب اللي بعد كده بنعملهم افلام ونمجد فيهم وفي تاريخهم رغم انهم كانوا بيسحلوا شعبهم طبعا هم ليهم ايجابيات كتيرة جدا لكن السلبيات احيانا في ناس تتجاهلها كان الحاكم العربي او الزعيم كل اعماله هي الفضلي لبعض عشاقه ودراويشه.
وكان التعذيب احيانا في الافلام اليكون في افلام الجاسوسية زي افلام نادية الجندي اشهر نجمة اشتركت في افلام جاسوسية.
ولكن دايما شخصية التعذيب ترتبط بالدور الرائع اللي لعبه "سعيد عبد الغني" في فيلم "احنا بتوع الاتوبيس" وهو اقرب ما يكون الي شخصية كل حاكم عربي مريض نفسيا.
وكان في فيلم شهير كمان اسمه "شروق وغروب" بتاع رشدي اباظة والمليجي



ثالثا : السيرة الذاتية :

انطلقت السينما بعد كده في تمجيد كل حاكم كان او سرد سيرته الذاتية ولكن كانه بلا خطيئة فيكون الفيلم كله اظهار لمزايا وبطولة الحاكم زي افلام"ايام السادات" وفيلم "ناصر 56"
وكانت الافلام دي مش مجرد سيرة ذاتية ولكن كانت مدح بس بدون اي نقد يذكر في الفيلم وكان دول ملائكة مش بشر ليهم بعض الاخطاء.
او كنا بس بنعمل سيرة ذاتية لشخصيات ابعد في التاريخ كتير زي مثلا "قطز" و "بيبرس" في مسلسل الفرسان ثم توالت مسلسلات السيرة الذاتية لشخصيات اسلامية عديدة .



رابعا : فترة التحسر علي الواقع :

جت بقي فترة الفيض بالكيل خلاص من السياسة العربية والحكم العربي واللي ظهرت في بعض الافلام المصرية زي "عمارة يعقوبيان" وفيلم "حين ميسرة" و "هي فوضي" و "دكان شحاتة" واللي كان لخالد يوسف فيها نصيب الاسد طبعا في الاخراج وجسد في فيلم دكان شحاتة حالة مصر كاملة الي ان اعلن وفاة الدولة بالكامل في مشهد حزين جدا ومحبط لانه يأس جدا من السياسة اللي كان بيتبعها نظام مبارك وعصابته.




طيب ايه هي الفترة الجاية بقي بعد كل الفترات دي في السينما المصرية ؟؟
الفترة الجاية بقي مرحلة جني الثمار الفني طوال التاريخ السينمائي المصري اللي كانت جوايزه العالمية مش بالشكل المرضي ابدا وبدأت سينمات كتير تسبقنا زي الايرانية او الهندية او غيره في دول العالم اللي سبقتنا جدا في السينما.
الفترة الجاية دي علي الصعيد الفني لو مخدناش جايزة اوسكار .."ايوه "اوسكار" بقولها تاني مش خيال يعني وكذا اوسكار كمان يبقي احنا بنهرج وهنفضل محلك سر في مجال السينما.

الفترة الجاية في السينما المصرية مش فترة "سعفة ذهبية" او مهرجانات دي فترة تحضير لاننا فعلا ناخد اوسكار لاول مرة في تاريخ السينما المصرية.
عندنا مادة دسمة جدا بعد الثورة وزخم سينمائي مهول من الشخصيات والاحداث وافلام تتكلم عن الفساد السياسي خصوصا لو حشدنا ليها ابطال كتير جدا في الفيلم الواحد وممثلين بدرجة عالية جدا من الابداع.

"صفوت الشريف" مثلا..انا بعشق فيلم
godfather
وشوفت اجزائه ييجي ميت مرة لكن لو عملنا فيلم عن فساد صفوت الشريف واعماله علي مدار السنين اللي فاتت ممكن نحسس العالم كله ان الشخصيات والعصابات في فيلم "جادفاذر" كانت مجرد ملائكة !!
كانت اعمال مخدارت وقتل ومافيا طيب شوف بقي صفوت عمل ايه ..سرقة وقتل وتخطيط لقتل ثوار وتجنيد فنانات لاعمال جنسية وخيانة وتعذيب وقواد وبعض المفاسد الاخري..!
دي شخصية ممكن تتفوت ؟؟ ده لازم يتعمله فيلم من تلات اجزاء مثلا وتبقي سلسلة افلام مصرية تاخد جوايز عالمية ده صفوت لوحده كده من غير لسه الشخصيات الاخري.


بتتكلم عن شخصية "عيدي أمين" الاوغندي في فيلم
The Last King of Scotland
طيب ده ييجي ايه في مرضه النفسي واضطراب شخصيته اذا تمت مقارنته بحسني مبارك وعيلته ؟؟
وانه يحمل اسمه في كل مكان علي بدلته ويكون مهووس بنفسه لهذا الحد وحالة ابنه النفسية وتحكمه وغروره وتعامله القذر مع الناس واستهتاره بكل من حوله ومراته سوزان المهووسة بالسرقة النهب من حتي مشاريع للاطفال !!! اي نظام واي امراض دي يا عالم ؟؟ دي يتعمل عليها ولا ميت فيلم وياخدوا الف جايزة .

عايز بقي مهندس صفقات سلاح او تعامل مع العدو بذكاء زي مثلا "نيكولاس كيدج" في فيلم
Lord of War
طيب ما عندك شخصية حسين سالم وبعض الشخصيات المصرية من سماسرة السلاح والعملات وغيره من الاعمال المشبوهة !

فيلم "ماري انطوانيت" وعدم اهتمامها بشعبها او انها بتعيش في برج عاجي مع نفسها زي سوزان بالظبط يعني لو فيلم عن سوزان هيضرب كل افلام الشخصيات النسائية من النوع ده.

اما بقي "العادلي" ده عايز سلسلة افلام زي صفوت بالظبط تعذيب وتفجير وتخطيط لتفجيرات في بلده كمان وتلفيق تهم وتربح ورشاوي وبلاوي كتير جدا يعني هيكون برضه عندنا مادة غنية جدا نعمل عنها فيلم شيق.

ده غير طبعا ان مصر المفروض تعمل فيلم عظيم عن الثورة المصرية يكون فيه كل نجوم السينما بالكامل مش زي الافلام اللي اتعملت بالفعل لان الثورة محتاجة فيلم اقوي بكتير من "صرخة نملة" مثلا عايزين انتاج ضخم جدا وميزانية كبيرة لفيلع عالمي عن الثورة المصرية.


يعني عندنا كمية افلام ممكن تتعمل وتكون عالمية كمان الفترة الجاية دي وشخصيات جاهزة لعلم افلام عنهم وفيهم كل صفات اننا نعمل فيلم عالمي ياخد جايزة اوسكار .

أخـر فـانتازيا دراويـش الحـب

فانتازيا العشق تحاصرني وحمي الغرام واعراضه وتخاريفه قد بدات في العودة
أمتعتي معلقة ما بين حقائب القدر وأوجاع الرحلة..
ويظل العشق هو غربتي الاولي والاخيرة..
وتظل عينيك هي عاصمة القلب الاولي وامبراطوريتها التي "لا يغيب عنها الأمس" ..
ويبقي الأمل علي عينيك يتيمم بطيب انتظاري وينتظر المطر الاسود من كحلك..

سؤال ؟؟ :

ونخرج من بقايا المشهد لتسأليني :
"ماذا يبكي في مشهد الغروب ؟ "
واجيب : انتظار الشمس المحترقة لحضن البحر ..
وانتظار القمر الباكي ليرقص وسط نجومه..
وانتظار العشاق لاقلامهم الغارقة في حبر الليل وحروف الحب..
وانتظاري انا لهذا المشهد لانظر في عينيك واحترق منك شمسا فاغرق فيكي بحرا لاعيش في خارطة غروبي..!

تردد ؟ :

وأطير الي شرياني لأسأله أنا : "ماذا يبكيك في همسي ؟ "
فيجيب : السلم الموسيقي لنبضك حين تهمس..
أسمعه "دو" .."دولة عشق" تنتظرك في عينيها اميرا..
اسمعه "ري" .."رياح" وعواصف تمتلك المشهد..
اسمعه "مي".."ميناء" انوثة وسلام بلا "جواز سفر"..
اسمعه "فا"..فأسير شريدا اتخبط ما بين تفاصيل يديك العاشقة..!

صاعقة الحب :

أغلق فجأة ستار مسرحية حياتي هذه وأسأل نفسي : "أي جنون هذا ؟ "
وأجيب علي نفسي ملفوفا بستار المسرح : جنون العشق..
كلمات تترهبن في دير عينيها لتعطيها السكينة وتاخذ منها صك القدسية..
"جنون العظمة" ينتهي بانتحار نبضة..او ثورة حلم غاضب يتمني ان يتحقق..
"جنون القمر" حين يتمتم بكلماته السحرية فيسير العشاق نياما خلف صوت الغرام..

أعد فتح الستار يا هذا فقد اعطيك دورا في المسرحية..
فاجيب علي نفسي : ولكن المسرح في قلبي فأي دور العبه..انا المالك والملك !
فتجيب ذاتي : موهوم ..لا شئ يسير يسيرا..قلبك مفتوح للعالم..انت تكلمني الان لان الحب منحك الغرور فقتلت "انكار الذات" فظهرت انا ..!
حسنا حسنا ..فصل اخر من تلك المسرحية..أكملوا..
يقف القلب علي خشبة المسرح ليصيح "اعشق او لا اعشق تلك هي المسألة"
اقول له : خرجت عن النص !!
فيقول : اي نص وانا عاشق ؟ لقد خرجت عن كل نص منذ اصبحت ادندن كلمات شكسبير في ملكية عينيها وفي بلاط سلطانها..

شهرزاد اول من تسمع صياح الديك :

اسم غريب لمشهد غريب..
ولكن اليس حقيقيا ؟
شهرزاد لم تقع في الحب..لانها لو كانت وقعت في الحب ما سمعت صياح الديك ولا احست به ولم تشعر الا بصياح شخصياتها الغرقي في عين من تعشق !
مخرج المسرحية : اه اه اه ..اصبحت الان مخرجا..ستوووووب لماذا قطعت المشهد يا هذا ؟
قلت: لان شهرزاد لم تقع في الحب..
شهرزاد لم تقع في الحب !!
شهرزاد لم تقع في الحب ..ابدا !!
تصفيق حاااار..ونظرة عين .

فانتازيا :

سرب طواويس : نريد ان نطير يا هذا..سمعنا انك تملك اكسير الحياة !!
قلت : انا ؟؟ من قال لكم هذا ؟؟
قالوا : رأيناه في عينيك علي خشبة المسرح هل تذكرنا ؟؟ في مشهد الديك !
قلت : ولكن انتم طواويس !!اي جنون هذا ؟؟
قالوا : شهرزاد سمعت الديك هل تعرف لماذا ؟؟ لان شهريار اكبر طاووس فينا !! هل فهمت الأن ؟
قلت : اها صاعقة الغرور..كنت اخمن هذا !!

قلبي : ستووووب..مشهد مبتذل جدااا
انا: فانتازيا ؟؟ دراما؟؟ كوميديا سوداء ؟؟ هل فهمت المشهد ؟؟
قلبي: لا يشرح نفسه ابدا ..
يفتح الستار..مرة اخري ولا اري الا نجمة يقف لها كل الجمهور "نبضي" تصفيق حاااار

هروب الي غرفة المخرج :

انا: الدور ..الأن
المخرج: هل جننت ؟؟ دور البطولة؟؟ من انت لتقف امام النجمة؟
انا: دعني اخرج لها ..
المخرج: الوو "امن النبضات"..خذوا هذا المجنون والقوه في الخارج
انا: لن اخرج..اتحداك انت تخرجني يا ايها ال..


تخاريف عاشق :

عرق عرق يتصبب من كل مكان في جسدي..
موسيقار انوثة يعزف لفريق الحور في غرفتي والحب ثالثنا !
مازالت اري المخرج والنبض وشرياني ونفس الفانتازيا ..
ومازالت كل الاطراف تجلس علي طاولة التفاوض الا الوداع !
والمسرح ينتظر البطل والقلب يري المشهد مبتذلا جدا..
ومازالت كل الناس تسأل لماذا لم تعشق ابدا شهرزاد وعاشت فقط لحواديت ما قبل النوم !
ومازلت اراها كل ليلة..ويصيح حرس القلب وملائكته "الله ..الحب..الوطن" حول مراسم القاء "عروس النيل" في عينيها..!


واقسم ان..اقسم ان..اقسم ان
لو هبطت تفاحة الان في يدي وتحدثت لي في مشهد فانتازيا اخر وقالت "انا السبب في انك تري حواء الان"..
لقبلت التفاحة ثم خلدت الي النوم..

المخرج : مشهد اخر يا هذا ؟
انا: لماذا لاتناديني باسمي يا ..هذا ؟
المخرج: هل من عاشق يملك اسم..العاشق صفة..لا تملك اسم بعدها..
انا: دور البطولة ؟
المخرج: احلم اكثر..ربما..من يدري..


هروووووب مفاجئ وزوبعة وطريق صواعق ثم اعود الي الواقع لاسمع اخر جملة من "..." : كم ملعقة سكر ؟
انا : نظرة واحدة !!

شطرنج السياسة الامريكية والعم سام

النموذج الامريكي ملئ بالاخطاء والخطايا ..لا يوجد مجتمع كامل فالمجتمعات الغربية والعربية ينقصها الكثير
ومن واقع كتابات غربية وامريكية تشهد بنفسها علي التجاوزات التي قد تراها فادحة في بعض السطور والاحداث الشهيرة التي غيرت الوجه الامريكي في عيون العالم.
من واقع كتاب
Democracy's Edge
يقول الكاتب هنا في قسم خاص من الكتاب خصصه لبعض العيوب التي وقعت فيها الولايات المتحدة والتي يقول فيها "لا تظنوا الولايات المتحدة نموذج للديموقراطية" وله في ذلك عدة اسباب يتحدث عنها تفصيلا :


* ثلاثة وثلاثون في المائة من من الامريكيين يقولون انهم لا يهتموا من يفوز في الانتخابات الامريكية

* و ثلاثة في المائة فقط من الامريكيين يشاركون في الانتخابات للاحزاب الامريكية

* الانتخابات الامريكية فشلت في الوصول لمعيار العدالة والشفافية العالمية المعروفة

* قل عدد من يكتبون للكونجرس ومن يحضرون لخطبة سياسية

* عدد من يعتقدون ان الحكومة تعمل فقط لمصلحتها الخاصة الي منتصف التسعينات كان 76 في المائة

* الامريكان يعملون ولكن مازال الفقر قائم واحد من كل خمس وظائف لا يستطيع ان يحمل عبء عائلة والقوة الشرائية تضعف كل فترة

* الامريكيين يواجهون كوارث مالية منذ عام 2000 والافلاس يستمر للامريكيين ونصفهم يضطر للدفع في ازماتهم الصحية وهم مفلسون ومدينون

* بعض الامريكيين يواجهون الموت فقرا ... ثمانية عشر الف امريكي يموتون سنويا لانهم لا يملكون التامين الصحي ولا التغطية الصحية الجيدة مع ان امريكا من اغني الدول في العالم

* الامريكيون كثيرا منهم جائعون..همسة وثلاثون مليون امريكي اي عدد سكان كندا بالكامل يعيشون في منازل فقيرة للغاية ولا يعرفون كيف يحصلون علي وجبتهم التالية

* الحكومة الامريكية فشلت في الحفاظ علي صحة المواطن ..نصف المواطنون يعيشون في اماكن حيث جودة ونقاء الهواء تسقط تحت المعايير الدولية للبيئة والحد الادني لها


ربما تكون مفاجأة للبعض من خلال هذا الكتاب والمعلومات التي يحتويها كيف يتحدثون عن امريكا امبراطورة العالم بهذه الطريقة ..ولكنها الحقيقة التي تحدث عنها العديد من الصحفيين الامريكيين بينما تحدث
ناعوم تشومسكي عن الفضيحة الحقيقية في كتابع "ماذا يريد العم سام" ..هذا الكتاب الشهير بمثابة قنبلة مدوية للسياسة الامريكية الخارجية والتخطيط العبقري الشيطاني للولايات المتحدة للسيطرة علي العالم من خلال ما قاله نعوم تشومسكي في صفحات كتابه القنبلة :

يتحدث اولا الكاتب في اول فصل عن "الاهداف الرئيسية للسياسة الخارجية للولايات المتحدة " ويقول في اول نقطة والتي يسميها
"حماية مجالنا" ويقول في هذه النقطة :

*استوعب مخططو السياسة الامريكية اننا سنخرج من الحرب قوة عظمي وحيدة فريدة في تاريخ العالم وخططوا بحرص خلال الحرب وبعدها لتشكيل عالم ما بعد الحرب

*نجد في الجانب المتشدد مذكرة الامن القومي لعام 1950 تبلور وجهة نظر وزير الخارجية دين اتشيسون وكان احد مفاوضي ريجان في مفاوضات الحد من السلاح وتدعو الي استراتيجية تقزيم الاتحاد السوفيتي حتي نتمكن من التفاوض معه وفق شروطنا

اما في النقطة الاهم وهو ما يسمي في الخطط الامريكية ب "المجال العظيم" يقول :

*خلال الحرب العالمية الثانية طورت مجموعات بحث في وزارة الخارجية ولجنة العلاقات الخارجية خططا لعالم ما بعد الحرب علي اساس ما اسموه ب "المجال العظيم" الذي عليه ان يخضع لمتطلبات الاقتصاد الامريكي ويشمل المجال العظيم نصف الكرة الارضية الغربي غرب اوروبا الشرق الاقصي والمستعمرات السابقة للامبراطورية البريطانية التي تفككت ومصادر الطاقة في الشرق الاوسط والتي لا مثيل لها وبقية العالم الثالث وان امكن بقية العالم

*لكل مكان دوره المخطط له علي الدول الصناعية مثل المانيا واليابان ان تصبح "الورش العظيمة" لتعمل تحت اشرافنا وتمثل دول العالم الثالث امداد المجتمعات الرأسمالية بالخامات واسواقا لبيع المنتجات المصنعة

*وكان علي امريكا تامين السيادة علي المجال العظيم ويستلزم هذا حيازة قوة تهديدية مرعبة وهذا احد اسباب بناء الترسانة النووية



وفي خطة "استعادة النظام التقليدي" يقول :

*يجب استعادة النظام اليميني التقليدي وسيادة اصحاب الاعمال واضعاف وتقسيم التكتلات العمالية وقفت مقاومة الفاشية كعقبة ضد ذلك فاخمدناها في كل دول العالم ولو اضطررنا للتعاون مع الفاشية والنازية حتي
*كانت ايطاليا واحدا من اهم مسارح عمل المخابرات الامريكية منذ انشائها احتاطت المخابرات من ان يفوز الشيوعيون بانتخابات 48 الحاسمة في ايطاليا فاتخذت الاجراءات مثل اعادة الشرطة الفاشية وتحطيم اتحادات العمال وعرقلة امدادات الطعام
*وفي اليونان دعموا حربا وحشية اسفرت عن 160 الف قتيل وتشريد الالوف


اما من المفاجأت الحقيقية في هذا الكتاب فهو ما يشعر به الامريكيين من خطر الوطنيين المخلصين لاوطانهم حيث تعتبر الولايات المتحدة ان هؤلاء هم اكثر البشر خطورة علي الولايات المتحدة

يقول مخططو السياسة الامريكية ان التهديد الرئيسي لنظام العالم الجديد تحت قيادة الولايات المتحدة ياتي من "الوطنيين" في العالم الثالث ومن الوطنية التي تسمي احيانا "غلاة الوطنية" والتي تستجيب للطلبات بشان تحسين مستوي المعيشة وتلبية الحاجات الضرورية
واكد المخططون ان الاهداف الرئيسية للسياسة الامريكية منع وصول المغالين في وطنيتهم الي الحكم


لا يهم امريكا ان كانت الدولة ضعيفة او قوية مثلا لاوس في الستينات ربما كانت افقر دولة في العالم ولكن ما ان شرع البعض في لاوس في اصلاح اجتماعي شديد التواضع حتي قصفتهم واشنطن بسيل متدفق من القنابل في سرية تامة مسحتهم من مجال العمليات
وكذلك الحال في جرينادا لانهم كانوا يقولوا ان الدولة الفقيرة خطر عظيم فاذا استطاعت دولة فقيرة مثل جرينادا ان تنجح بعيدا عن قبضة الولايات المتحدة فلماذا لا تنجح دول اخري


اما السياسة الامريكية التي تعتمدها مع معظم الدول والتي تسمي "سياسة جارنا الطيب" يتحدث عنها نعوم تشومسكي قائلا :

*بينت دراسات ان المساعدات الامريكية تميل للزيادة مع الدول التي تمارس التعذيب مع مواطنيها

*عملت الولايات المتحدة علي تاسيس علاقات مع العسكريين في البلاد الاجنبية فهم وسيلة قلب الحكومات التي تخرج عن الصف

*وكانت المجازر في السلفادور تحت تاييد ونظر الولايات المتحدة
وكانت الولايات المتحدة ترسل المساعدات الانسانية اذا كانت ستصل لجيوب الديكتاتور

*وصنعت مصطلح "الدفاع ضد العدوان" كما قالوا علي حرب فيتنام انها دفاعا عن العدوان الداخلي



ربما تبين لنا هذه الحقائق الوجه الاخر لامبراطورية امريكا والوجه الاخر لهذه الامبراطورية وكيف يخطط لها السياسيون ليجعلوا العالم مجرد مصنعا كبيرا لهم او "مجالا عظيما " لهم ولمصلحتهم الخاصة فقط وكيف تحدث ايضا الكاتب "فرانسيس" عن عيوب الديمقراطية الامريكية والفقر في المجتمع الامريكي في نفس الوقت وكل هذه اعترافات خطيرة جدا خصوصا طالما خرجت من كتاب لا يفترون علي المجتمع الامريكي فلو كتب اي عربي مثلا هذه الكلمات سيقولون انه افتراء ولكن هذه من كلمات غربية خاصة وخالصة.

وصايا الي رئيس مصر القادم

الرئيس القادم لمصر سيكون شمعة لمستقبل افضل وليس شعلة نار تأكل الاخضر واليابس كما كان سابقيه..
ولكن قبل ان يجلس علي كرسي الحكم لابد ان يعي عدة نقاط ويتعلم عدة دروس عن الشعب المصري العظيم..شعب مصر الجديد القوي الأبي..
ماذا يقول كرسي الحكم ان نطق لرئيس مصر القادم قبل ان يفكر ان يجلس حاكما ورئيسا :


أولا : لابد ان تعلم ان زمن الاستعباد قد ولي وفرعون قد اكل عليه الدهر وشرب وان جلوسك علي العرش "حكما" وليس "حاكما" ..تحكم بالقسط ولا ترضي عن العدل بديلا..
وان يكون ولائك لتراب مصر الذي تربيت عليه وتموت خلفه حافظا لارضها ورافعا رايتها.


ثانيا : لابد ان تعلم ان لكرسي الحكم ذراعان ..ذراع يعينك علي التضحية لوطنك وذراع يحاول ان يحول بينك وبين حسن القول والعمل ..فاعن نفسك علي ذراع الشر وتمسك بذراع الخير راضيا مطمئنا.


ثالثا : الشعب يريدك "حاكما" وليس "متحكما"..يريدك "سلطة" وليس "تسلطا"..يريد ان يري "وعودك" علي ارض الواقع وليس "وعيدك"..يريد ان يري حكمك ردا لجميل الشعب وليس هو الجميل ذاته.


رابعا : اذا جلست الان فقل لنفسك "لم انتصر بعد"...فانتصارك هو انتصارك لوطنك وليس انتصارك لنفسك علي اصوات المعارضين..انتصارك هو نصرة الوطن وانكاسرك امام خشية الله وخشية ضميرك.


خامسا : العادل ليس من استوي او "اعتدل" علي كرسي الحكم ملكا..العادل هو من اعتدل علي كرسي الحكم متواضعا وزاهدا وسامعا لشكوي افقر من امامه في القصر قبل اغني من امامه.


سادسا : لا تظن انك مخلدا فوق كرسيك فكم من ملوك تسقط وكم من عروش تتهاوي ولا يبقي الا عرش واحد..فاحكم الان كأن الحكم زائلا غدا واجعل الناس يذكرونك بالافضل دائما باعمالك وعدلك.


سابعا : اجعل في حكمك "رؤية" وانظر انت والناس دائما في اتجاه واحد الي الامام..لانك اذا نظرت الي المستقبل الرغد واهما وهم مازالوا ينظرون الي الحاضر الفقير فسيذهب كل منكما في طريق واذا ضل الحاكم والمحكوم الطريق انطلقت شرارة الثورة .


ثامنا : عامل خزينة الدولة كأنها "اكياس دماء" الفقراء ..فلا تطمع بها لنفسك بل اعتبر كل قرش تقطعه لنفسك هو شخصا تقتله فقرا والما..فاتق الله واتق الشعب في مال الشعب واذا فتحت خزينتك لا تقل "اموال كثيرة" بل قل "فقراء اكثر.."مازلت مقصر".


تاسعا : لا تفكر في اعداء جديدة تصنعها لنفسك..بل اجعل جميع حاشيتك لهم نفس الاعداء "الفقر والظلم" فحاربهم لاخر قطرة في دمائك ولاخر قطعة من كرسيك لو اضطر الامر لتحطيمه كي تصنع منه سيفا تحارب به الفقر.


عاشرا : اعلم ان الحاكم العادل يبارك الارض وحتي الثري ستراه "اثري" والارض ستجدها اخصب فان بارك الله فيك بارك الارض بك..وبارك الشعب بك..وكل ابتسامة طفل تصنعها تصبح خريطة لخطوة تفتقدها.

حادي عشر : لا تجعل من كرسي الحكم مقعدا وثيرا مميزا بل عامله كأقل مقعد في القصر فلا تتغزل في ملامحه وتفاصيله بل لا تلق له بالا..فلا تقف امامه لتشير باصبعك اليه بل اجلس فوقه واشر باصبعك للظالم ليعاقب.


ثاني عشر : لا تتستر علي ضميرك بل استتر خلفه..فلا تصنع منه وسادة تنام عليها كل ليلة بل اجعله قطعة حجر تؤرق منامك فضمير الوسائد هو من يجعل من ضميرك حجر والعكس.


ثالث عشر : لا تجعل صوت "طرقعة" كعبك في بلاط السلطة هي الافضل لمسامعك بل اجعلها "قعقعة" السيوف علي رؤوس الظالمين الخونة هي الأجمل لمسامعك.


رابع عشر : عامل كرسي الحكم كما لو كان ابنك العاق..فحاول ان ترشده قبل ان يحجر عليك ويدفعك لجنون..ولكنه جنون العظمة للحاكم.


خامس عشر : لا تجعل من الكرسي اخر ما تراه عينك قبل النوم كي لا تحلم به ولا تجعله اول من تراه عينك في صحوك كي لا تتمناه ابدا..بل اجعل اخر من تراه قبل نومك مظلوم واول من تراه في صحوك شمس المستقبل.


سادس عشر : لا تعامل الحكم كقطعة السكر بل اعرف ان له "سكرات" قبل نهايته..فاخرج منها سالما ولا تشتهيه باسم العدل كي لا يشتهيك باسم الظلم.


سابع عشر : اجعل "الكرامة" موطنك وأخاك..و "العزة" مقصدك وأباك ..و"الضمير" منهلك وامك..و "العدالة" زوجتك..فلا افضل من تلك عائلة لحكمك وتصون نفسك قبل كرسيك.


ثامن عشر : ان اصابك الغرور "داء السلطة العضال" فاهرب الي نفسك قليلا..فالمتواضع يمسك سدة الحكم والمغرور يمسك سدة زجاجة ليغلق بها علي نفسه فلا يسمع الجميع ولا يراه الجميع وهو يصيح كالمجنون والمغرور ينظر الي الشمس بتحدي وهي لا تنظر الا الي السماء الي ان يصيبه العمي.


تاسع عشر : املأ قصرك بسادة الحكمة قبل ان تملأه بسادة الحكم فان كانت الحكمة موضعا لقدميك اصبح الحكم طوعا لعدلك.


عشرون : تخلص من الظالمين في حاشيتك قبل ان تتخلص منهم في شعبك فظلم الحاشية يسقط هيبتك ولو كنت امينا عادلا اما الظالم في الشعب فسيظهر كما الخبيث في وسط الطيب ولكن الظالم في الحاشية كالثعلب يلتف علي كرسيك برائحته العفنة الي ان يسقطك.


واحد وعشرون : اخرج دائما الي الناس ولا تخرج عنهم..فلا تعاملهم انهم "مسك الختام" لوصولك الي الحكم بل اجعلهم مسك البداية فمن اجل الناس خلق الحاكم.


ثان وعشرون : عامل الفساد دائما كما العاهرة ان حاولت ان تلتف عليك فهي فقط تنتظر الثمن فالعاهرة تعرف جيدا ثمن ضحاياها كما الحاكم الفاسد.


ثالث وعشرون : لا تجعل الحق "مبدأك" بل اجعله "دأبك" فهو غاية لا تنتهي ووسيلة دائما تستعين بها.



وفقك الله لحكم مصر..وفقك الله لحك كنانة الله في الارض..والشعب اولا واخيرا..وحلم مصر قبل حلم من يحكمون.

جايز بتفرق بسمتك

جايز بتفرق بسمتك
جايز بتفرق دمعتك
لما حنينك يبتسم
يفرد جناحه ويتقسم
وسط الحكاوي وخطوتك..
لما تشوف نورالوجود..
تنهيدة للشمس وأمل..
يرحل من الكتف الجبل..
ويدوب في الوان دمعتك..
من وسط شباكي القديم..
جايز بيتسرسب حنين..
ويقولي غني لقسمتك..
جايز تكون السندباد..
نبضك بساطك ع البعاد..
حاضن رحيلها وضلها..
شامم وجودها وزهرها..
حاسس باعصار نسمتك..
تجري الملايكة مزقططة..
في جدار قلوبكوا مخبطة..
وتنام علي شهد الانين..
تصنع سريرها من السنين..
والعشق يصبح دنيتك..
جايز في غربة تشوف دموع..
حواليك ضلام محتاج شموع..
حواليك بشر مسك الختام..
لكن وطن من غير حنان..
وغريق في احضان وحدتك..
جايز تكون وسط الالوف..
ما تحس بيهم او تشوف..
وساعات تكون قاعد وحيد..
وتحس حبك من بعيد..
والوحدة تصبح قوتك..
جايز تقوم تحضن قلم..
تملاه بكلامك والألم..
لما ورقتك تشتكي..
وتقول كفاية يا دمعتي..
تجلدها اكتر كلمتك..
جايز تدمع ع البلد..
علي كل بنت مع الولد..
مع انها رايحة لوجود..
بشبابها رايحة للخلود..
حتي ولو استشهدت..
عمر البلد ما استسلمت..
لكن حنينك قيدك..
جايز ايديك تلمس جناح..
عصفور وطاير في البراح..
يجمعكم الاحساس سوا..
انت تخاف لحسن يطير..
هو يخاف يصبح اسير..
وتدوب ساعتها في رقته..
مع انه خايف قسوتك..
ضحكتها تركيبة وجع..
جايز تطبطب ع الوجع..
الخوف سكون من ضلعها..
لو حتي غابت شمسها..
سابت طريقها ودنيتك..
جايز بتتبسم طريق..
ساير عليه اخر صديق..
عايز تدوق طعم الوفا..
مع ان وحدتك الدفا..
والناس شجونها في غنوتك..
جايز يكون قطر الحياة..
قضبانه بلغت منتهاه..
لما ارتويت بالعشق موت..
وسمعت صوتها في كل صوت..
وملكت دنيا في قبضتك..
جايز تكون في الغمازات..
أحلام ولاد ويا البنات..
بسمات حكيمة قصيرة..
ضحكات طويلة مسكرة..
ألحان علي عود قسمتك..
اياك تكون قصة في ورق..
ومصيرها ترتاح في الغرق..
خليك أمل زهرة صباح..
لو فتحت تنده رياح..
واسكن علي اوراق زهرتك..

جمعة القصـاص..والعدالة البطيئة

جمعة "العدالة"..أو جمعة "القصاص"..أي كان المسمي لمطالب الثوار ولمطالب كل المصريين فلهم جميعا كل الحق فيما يطلبون وما يتمنون لمصر ولكل شهيد.
العدالة البطيئة تقتل صبر كل مصري مهما كانت نزيهة ومهما كانت درجة الحياد وكما قال سقراط
Nothing is to be preferred before justice


العدالة حق لكل مصري علي هذا الوطن وهي حق من حقوق الانسان ولولا العدالة التي تحدث عنها افلاطون والعديد من الفلاسفة العظماء والمؤرخين لكانت الارض تغرق في الفساد والجريمة.."مدينة العدالة" الافلاطونية حلم ولكن نريد ان نحقق ولو البعض من هذا الحلم..نريد فقط ان نري العدالة تتحقق علي ارض مصر ونجعل من نور العدالة قنديلا في قبور الشهداء المصريين..العدالة التي تنتقم من العادلي سفاح مصر ومبارك قاتل شعبه وغيرهم من المجرمين.

منذ ايام "ايزيس" ونحن نبحث عن العدالة فهي في معتقدات قديمة من تبحث عن العدالة للفقراء وهي تجسيد العدالة كما تتجسد العدالة عند اليونانيين او تتجسد عند الرومان بالهة للعدالة.

الكثيرون يشيدون بالقضاء المصري وانا منهم ولكن لابد ان نعترف بالسلبيات والتقصير احيانا ولابد ان نعترف ان القضاء المصري من ابطئ الانظمة القضائية في العالم فمثلا لعلنا نسمع عن قضية رياضية علي سبيل المثال وهي قضية نادي الزمالك التي تتأجل لمرات عديدة وكثيرة جدا وتنتقل من دائرة لدائرة رغم انها تهم الرأي العالم بالكامل ولكن لا ندري لماذا هذا البطئ في اصدار الاحكام.

القضاء الامريكي يهتم بكل انواع القضايا ولا يميز بين المهم فالاهم فجميعها قضية راي عام ونري جميعا قضية التمييز العنصري من جانب فتاتان مسلمتان ضد ماكدونالدز والتي كانت قضية رأي عام ورفعت ضد ماكدونالدز العديد من القضايا الاخري وايضا قضايا شركات التبغ من جانب اهالي المصابين بالسرطان والتي تحكم لهم بتعويضات كبيرة جدا في بعض الاحكام وقضايا كبيرة بهذا الحجم نجدها لا تستغرق كل هذا الوقت التي تستغرقه حتي ابسط القضايا المصرية والتي يتم تأجيلها العديد من المرات ولفترات زمنية متباعدة جدا.

اما قضايا القتل فالمجتمع الامريكي لا يعتبرها ابدا قضايا فردية او مجرد حوادث مثل الام التي قتلت ابنها بسبب الفيس بوك او الام التي قتلت اولادها الثمانية ووضعت جثة كل منهم في ولاية او بعض الجرائم البشعة التي نسمع عنها فتجدها تتصدر صفحات الصحف الامريكية وليس فقط في صفحة اخبار الحوادث مثلا بل ان كل جريمة تعامل كجريمة مطروحة للرأي العام وكأن الحكم فيها للناس رغم ان العديد من الاحكام احيانا تاتي علي غير هوي المجتمع الامريكي .
وقضية الجندي الامريكي الذي اغتصب وقتل صديقته منذ فترة او الجندي الذي اتهم باغتصاب فتاة عراقية وحصل علي حكم لمدة مائة عام نجد كل هذه الجرائم الشهيرة تتصدر الصحف وايضا يتم الحكم فيها اسرع من القضاء المصري ربما بمائة مرة تقريبا..

لا نعرف تحديدا هل الفرق في جمع الادلة نفسه ام الظروف التي يكون فيها القاضي الامريكي والمحاكم الامريكية مقارنة طبعا بالمصرية ..نعرف جيدا ان الفوارق شاسعة بين القضاء الامريكي او الاوروبي والقضاء المصري والامكانيات المتاحة في هذه الدول اضعاف الامكانيات التي تعطي للقضاء المصري وحتي الصلاحيات التي تعطي للقاضي الامريكي او
الاوروبي .

القضاء المصري نزيه جدا ولكن كمية القدسية التي نتحدث عنها هنا تذكرنا بجملة "سيد قراره" او غير قابل للمناقشة وهو امر مرفوض تماما..ففي الخارج مثلا تم القبض علي قاضي امريكي وهو يرشي عاهرة باكياس من المخدرات وتم الحكم عليه ولم يتحدث هنا احد عن قدسية القضاء فكلهم تحت طائلة القانون..وما اقصده تحديدا ان من يخطئ ولو من القضاء لابد ان يعاقب ولا نتحدث دائما عن "هيبة القضاء" كانها "هيبة مصر" ونفرق بين قاضي فاسد وقضاء فاسد فليس معني القبض علي هذا القاضي الامريكي مثلا ان القضاء نفسه فاسد ولكن بالعكس فمعناه ان اقصس درجات الشفافية والعدالة هي التي تمارس هناك.

لماذا لا تصبح المحاكمات الهامة علنية في مصر امام الجميع خصوصا طالما فيها العديد من الجرائم السياسية والتي تستحق كل منها عشرات السنين ..فقد تعود الغرب علي مناقشة كل القضايا الهامة والغير هامة ايضا سواء اختطاف مراهقة امريكية او قد اصابت براءة امراة اتهمت بقتل طفلها من قبل بخيبة امل كبيرة للمجتمع الامريكي رغم ان القضية شخصية ولا تمس المجتمع نفسه فهي ام وقتلت ابنها ولكن المجنتمع بالكامل كان يناقش القضية كانها قضية راي عام وايضا قضايا فساد الشركات الكبري هناك تناقش علي الملأ وامام الجميع وفي استجواب ينقل علي شاشات التليفزيون ومن اشهر قضايا الفساد التي هزت الراي العام هي قضية "جي بي مورجان" وتورطه مع "مادوف" وبعض القضايا الهامة الاخري والتي يكون الطرح فيها علني وبمنتهي الشفافية .

ما هي الادلة الناقصة للحكم علي العادلي بالاعدام مثلا ؟؟ وكيف لا يستطيع محامون اهالي الشهداء جمع هذه الادلة بسهولة ويسر ؟؟ هل يتم اخفاء الادلة ويتم التعتيم مثلا ؟؟ ام ان الرجل برئ من قتل الابرياء ؟؟ كيف يكون هذا السفاح بريئا وهو مثل اي مجرم يمثل امام المحاكم الجنائية الدولية حتي بل ربما اخطر منهم من كثرة اعداد من عذب واغتصب وقتل علي مدار السنين. غلطة من تحديدا تاجيل الحكم علي السفاح ؟؟

كل مصري يحتاج الان فعلا الي ان يري القصاص العادل وليس فقط اهال الشهداء بل كلنا نحتاج ان نري العقوبة وهي توقع علي المجرمين الذين مصوا دماء شعبنا سنوات طويلة..نحتاج للعدالة السريعة والناجزة التي طلبها حتي الزعيم المخلوع مبارك في خطابة سابقا برغم انه اكبر قاتل للعدالة اصلا !

كيف يكتشف جامعي الادلة مثلا في الخارج جريمة قتل من خلال "بعوضة" داخل سيارة ملوثة بالدماء ولا نستطيع نحن ان نعرف ونجمع ادلة علي شخص مثل العادلي قتل الالوف ؟؟ ما هذا الفارق الرهيب ؟

ولا اتحدث عن القضاء هنا ولكن علي الادلة نفسها ومن يجمعونها . فمن يلوم القضاء عليه ايضا ان يلوم من يجمعون الادلة والمستندات علي الفاسدين .


وربما النقطة التي تحدث عنها الجميع كيف تكون ثورة ولا يمثل المجرمون امام محاكم عسكرية علنية امام الشعب بالكامل مع ان في الوقت نفسه يمثل المدنيون امام المحاكم العسكرية !!
كيف لا يحاكم العادلي امام الشعب المصري بالكامل كي يهدأ الشهداء ويستريحون في قبورهم ؟
وكيف لا يحاكم السفاح الاكبر مبارك الذي قتل الالوف بالسرطان امام الشعب بالامل او يكون عقابه كما حدث في الثورة الفرنسية للاسرة الحاكمة؟؟

نحن جميعا نلوم علي القضاء ولا نشكك في عدالته ولكن ما جعل البعض يشكك في العالدة هو التباطؤ حتي بدأ البعض يربط بين كلمة "التباطؤ" و "التواطؤ" ..فلابد للعدالة ان تكون سريعة وكثرة تاجيل القضايا تثير الريبة والشك في النفوس للبعض..فكل ما نطلبه من القضاء المصري هو سرعة الحكم علي السفاحين فقط بدون التشكيك في النزاهة والحياد وايضا نريد العلنية في المحاكمة وان تتناولها كل وسائل الاعلام في شفافية كاملة ونزاهة مطلقة..

وسيأتي اليوم يا مصر ونري في القاتلين يوما عبوسا عليهم يقض مضاجعهم باذن الله
نصر الله مصر ونصر الله الثورة العظيمة

عز..عز..علمني البجاحة يا حبيبي

واحد ممكن يسأل واحد صاحبه ويقوله علمني البجاحة ..!
خصوصا لو كان صاحبه ده احمد عز مثلا..
البجاحة وسيلة ام غاية ؟؟
البجاحة صنعة زي التقل صنعة ؟؟
هل النظام السابق هو اكبر مصدر للبجاحة في العالم تقريبا ؟؟
المهم يرد صاحبه ويقول..:

البجاحة يا ابني يعني :

1- انك تحط يافطة ايام الانتخابات وتقول ان جملة"مبارك شعب مصر" هي عشان اسم مبارك

2- انك تقول "خليهم يتسلوا" والعالم شايطة منك اساسا

3- انك تطلع في حوار تليفزيوني وتقول "اااه عبارات م اللي بتغرق دي؟"

4- انك تقف زي العبيط تقول بعد الانتخابات "دي انزه انتخابات حصلت في تاريخ مصر" و"كوتة المرأة هي اقوي معارضة" زي ممتاز القط

5- انك تقف في مؤتمر الحزب الوطني والشعب مستني اي حاجة تعملها وتقوله "يا راجل كبر مخك"

6- انك تقول وانت رئيس مجلس شعب عن التزوير انه مسموش تزوير ولكن "دقدقة وتفتيح مخ"

7- انك تزور صورة معروفة قدام العالم كله وتنشرها في الجرايد

8- انك تكون من الحزب الوطني وتقول لو ثبت ان الجزب الوطني ليه علاقة بموقعة الجمل انا هاستقيل فورا زي ابو العنين

9- انك تقول ايه يعني 10 قصور وكام فيلا زي زكريا عزمي ف التحقيق

10- انك تفكر ازاي هنحتفل السنة دي بعيد ميلاد مبارك وتجهزله تورتة

11- انك تكون في السجن في طرة وتفكر في مصير حسن شحاتة زي علاء وجمال

12- انك تقف وتقول انك ضحيت من عمرك من اجل هذا الوطن وانت مموت شعبك كله امراض

13- انك تدافع عن حسني والعادلي وتقول انك معاك دليل برائتهم

14- انك تقول ان مبارك اول واحد ايد الثورة

15- انك تقول "فين ايامك يا مبارك"

16- انك تكون رئيس اتحاد الكورة وتقول انا كنت هانزل التحرير ب كنت مش في حالة صحية جيدة

17 - انك ترشح نفسك لرئاسة الجمهورية وانت كنت بتبوس ايد صفوت ابو الفاسدين

18- انك تفكر انك تعمل حزب لمبارك عشان السلام اللي حققه لمصر

19- انك ترشح نفسك للرئاسة وانت كنت نخلي راس العرب في الارض وملهومش كلمة وانت وزير خارجية او امين جامعة الدول

20- ان سوزان تقول ازاي العساكر والامن مش بيقفوا ليا وانا معدية قدامهم وبيشربوا شاي

21- انك تكتب مقالات زي اللي كتبها الاخبار والاهرام بعد الثورة بكام يوم وكأنك كنت مش جريدة النظام وبوقه الفاسد

22- انك تقول انك مش عندك اي ثروة في الخارج وانت معاك ملايين وملايين

23- ان القذافي يقول مبارك لا يملك تمن ملابسه حتي وهو نفسه حرامي كبير

24- انك تقف كل سنة وتقول معدل النمو في مصر بيزيد وتدلل علي كده بعدد اللي بيشربوا مياه غازية في مصر وعدد العربيات الفارهة

25- انك تبقي وزير وتقول لا املك حتي تكييف في مكتبي في تصريح لجريدة

26- انك تنشر في جريدة حكومية خبر يقول انك رئيس جمهورية بس بتدفع ضرايب علي البلح اللي جايلك من برة

27- انك تهلل لحسني مبارك عشرين تلاتين سنة وبعدين تقول دي ثورة عظيمة

28- انك تقول احوال الفلاح المصري في تحسن والمحاصيل بتتروي من المجاري

29- انك ترفع قضية عشان اعادة مبارك للحكم بعد الثورة وتقول اصله لم يتنحي رسمي

30- انك تشرب شاي مع واحد بتقول انه عامل بسيط وهو شغال عندك اصلا وتحط الصور في الجرايد في الصفحة الاولي

31- انك تمشي ببدلة مكتوب عليها اسمك في كل مكان وفي ناس مبتعرفش تكتب اسمها حتي في بلدك

32- انك تقول المرتبات بتزيد في مصر وفي ناس بتاخد 99 جنيه في الشهر



عرفت يعني ايه البجاحة ؟؟ سهلة قوي وكان حسني وسوزان عندهم منها ازايز جاهزة او حبوب البجاحة وبياكلوها كل يوم .

برامج توك شو ملاكي

البرامج التليفزيونية والتوك شوز اليومين دول عنيفة قوي في الفاظها او حتي اساميها ..يعني تلاقي برنامج مثلا اسمه "لطشات شلتوت" ..طب بالذمة ده ممكن اسم برنامج اتفرج عليه ..طيب بيقولوا الملافظ سعد يعني ..يعني اسم شلتوت تقيل شوية يبقي مش طالبة معاه كمان كلمة "لطشات" ولا انت جاي تخضنا يعني بالبرنامج ؟
ولا البرامج اللي هي من نوعية "حوار صريح" اللي دايما تبدأ معاك في اول اعلان البرنامج "نحن نكشف المستور" .."نتخطي الخطوط الحمراء".."بلا قيود" ..هو في ايه بالظبط ؟؟ هو فيه حد هيقلع ع الشاشة ؟؟ ايه يا حاجة كمية البجاحة اللي في الاعلان ده ؟ اذا كان ده اعلان البرنامج امال البرنامج نفسه عام ازاي بقي ؟؟

ولا اعلان تاني بتاع برنامج للثقافة الجنسية تقول ايه بقي في مقدمة الاعلان "حب ولا جنس؟" !!!..طيب يا ستي خلي الكلام ده جوة البرنامج انما مينفعش يكون اعلان للبرنامج قدام الناس كلها ويسأل طبعا طفل صغير قاعد يشوف القناة وشاف الاعلان ويقول لامه او ابوه "ماما ماما هو حب ولا جنس؟" وهو مش فاهم هو بيقول ايه وامه طبعا تقوله "اخرررررررس يا كلب " !! يبقي الحق علي مين بقي ؟


ولا الاعلان بتاع قناة التحرير..تيجي تفتح القناة من هنا تلاقي في وشك صوت تخين بيقول "هل انت فاسد؟" .."هل انت مرتشي؟" ..يبقي متشوفش قناة التحرير !!!
ايه العنف في الاعلان ده ؟ دي دخلة اصلا انك تسأل المشاهد اول ما يقعد يشوف القناة "هل انت فاسد" !! ما انت لو هتبعد الفاسدين علي القناة يبقي نسبة المشاهدة مش هتبقي قوية اوي يعني !!

ولا سلوك الضيف علي البرنامج نفسه او المتصل بعد الثورة اتغيرت قوي !! كان الاول بيقول "لو سمحت ليا مداخلة" دلوقتي بقي اتطور قوي المتصل وبقي ثوري حتي ع التليفون وبيقول "لو سمحت انا ليا اربع اسئلة وملحوظتين وعتاب ومش عايز حد يقاطعني " !!!
يعني ده انت كده يا عم المتصل هتاخد ولا نص البرنامج علي ما تخلص اسئلتك لوحدها والغريبة ان دايما المذيع يقعد يفاصله في الاسئلة ويقوله خليهم سؤالين بس عشان وقت البرنامج والتاني يقوله ماشي يا افندم بس محدش يقاطعني يقوله "اتفضل يا استاذ محمود"
يقوله"محدش يقاطعني والنبي"
يقوله" يا سيدي ماشي خش في الموضوع"
يقوله "بس ارجو ان محدش يقاطعني"
يقوله "يا عم ابوس ايدك خش في الموضوع"
لحد ما يفوت الوقت كله وهو عمال يؤكد ان ياريت محدش يقاطعه اصلا رغم ان هو اللي بيقاطع نفسه اساسا .

وكترت قوي البرامج الغريبة الاسامي برضه زي اسامي البرامج اللي تبدأ بكلمة "صالون" ! مثلا "صالون المستكاوي" او اي صالون تاني او الصالون الثقافي او غيره وكأننا قاعدين عند حلاق !!
صالون ايه بس يا عم الحاج متشوف اي اسم عدل للبرنامج وحياة ابوك مش كفاية كلمة "اليوم" اللي بقت في كل برامج مصر تقريبا ! كل البرامج بتقلد بعض في كلمة اليوم .."القاهرة اليوم" "الحياة اليوم" وغيره كتير جدا كل البرامج بقت "اليوم" عشان يحسسك ان البرنامج مش بايت يعني ولسه طازة مع انه بايت وقديم واخباره كلها بايتة وده في معظم التوك شوز اللي بقت اداة للنقل من علي الانترنت من مواقع الاخبار كأن واحد بس بيقرالي الاخبار اللي ع النت طيب ما انا بعرف ادخل يا سيدي واشوف انا الاخبار بنفسي طالما هتقرالي الاخبار يعني انا هقراها اسهل ..!

ونفس الفكرة والتقليد في فكرة المواعيد زي مثلا برنامج "العاشرة مساءا" ظهر بعدها "السادسة مساءا" وفي كمان "الحياة الان" ده بقي طبعا عشان يقول انه طازة اكتر من الحياة اليوم بقي .

وكل واحد بقي واخد برنامجه ملاكي يعني واخد اسمه لزقه ع البرنامج قال يعني هو كده زي توك شو برة زي مثلا "الكورة مع شوبير" او "ساعة مع شريف" وانتشرت قوي في الفترة الاخيرة البرامج بتاعة "فهمني" او "عايز افهم" اللي هي يجيبلك مصطلح ويقعد يشرحلك فيه دقيقتين كده ولاحظنا انتشارها قوي بعد الثورة النوعية دي برضه من البرامج لكنها مفيدة جدا.

وبستغرب جدا من تقسيم الرامج رجالي وحريمي زي مثلا "كلام ستات" او "الستات ميعرفوش يكدبوا" والبرامج دي ايه يعني؟؟طيب اذا كان المتصلين اكيد رجالة ومعظم اللي بيتفرجوا رجالة ..هو يعني في برامج رجالي بس؟؟ طيب ما كل برامج التوك شو بيتفرج عليها الاسرة كلها اشمعني فجاة كل البرامج عايزة تعيش جو الحريمي يعني ؟؟ طيب برامج الطبخ ماشي مع ان الطباخين معظمهم رجالة اساسا انما برامج سياسة للستات فقط او توك شو حريمي فقط ؟؟ هو في برامج زي "تيرا بانكس شو" او غيرها من البرامج برة اللي هي يغلب عليها الطابع الحريمي ولكن الاسرة كلها تشاهدها عادي مبتحطش علي نفسها صفة ان ده برنامج حريمي فقط لكن عندنا في مصر تحس ان البرنامج فعلا للستات فقط والمذيعة بتستغرب ان راجل بيتصل كمان !!

واساسا معادش في حاجة اسمها حريمي ورجالي.. هو في كل اعلانات الشامبو دايما يجيب واحدة بنت وشعرها ناعم لدرجةان اطفال بيسألوا "هو الشامبو ده للبنات بس؟" مع ان اساسا في رجالة اليومين دول بيحطوا "فير اند لفلي" !!! وتلاقيه ماشي في البيت بتاعه حاطط ماسك علي وشه وبيقول بحافظ علي بشرتي !!
ومرة الحلاق بيقول لواحد يوم فرحه "احطلك ماسك بقي واظبطلك بشرتك؟" رد عليه العريس وقاله "ليه شايفني سوسن؟" !!!

اما اسهل نوعية فعلا من البرامج دلوقتي هي برامج "اليوتيوب" و "الفيس بوك" !! ودي نوعية برامج انتشرت قوي الفترة الاخيرة الظاهر كده لضحايا شركات الانترنت اللي مبيعرفوش يفتحوا اليوتيوب من كتر بطئ الخدمة فييجي الشاب اللي عنده انترنت سريع جدا ويفتح اليوتيوب ويقول والله فكرة ما افتح برنامج كل فكرته اني احط فيديوهات للناس وخلاص !! وواحد تاني يقول اعمل برنامج كل فكرته اني اقرا شوية تعليقات ع الفيس بوك بس !! وبقت حاجة حلوة قوي طيب ما كل واحد يروح يشترك ويشتري لاب توب ويعمله برنامج من النوعية دي !!

والبرامج الاسهل منها بقي بتاعة الجرايد ! كل واحد يفتح برنامج اليومين دول يجيب شوية جرايد ويقرالنا العناوين وكل الموضوع انه لحق اشتري جرايد بكرة قبلنا يعني !!لا راجل جامد فعلا !

وطبعا نوعية "الدرابندوخ الدرابندوخ" من البرامج موجودة بعنف سواء في الرياضة او البورصة بالذات زي موضوع المحلل الفني في البورصة اللي بعض الناس بتتاجر بيه وتعمل زي احمد زكي في فيلم "البيضة والحجر" او التحليل الرياضي اللي كل الناس عملت استديو تحليلي وقاعدة تتكلم عن اللياقة الذهنية واللياقة البدنية واللياقة العاطفية ونظرية الجهد ونظرية التلاتين دقيقة الاخيرة وشوية نظريات بيقعدوا يحللوها لحد مطلع الفجر وفين يوجعك يا مشاهدنا الكريم !!

لا والبرامج بتكدب كمان يعني مرة بعت لبرنامج اسال الضيفة اللي معاه علي حاجة
المذيع يمسك الرسالة ويقول "معتز بيقول ايه الجمال ده والنهاردة تسريحتك هايلة بجد يا نجمة"
اييييه؟؟انا قولت كده ؟؟؟ ده انا بقول انها مبتظهرش كتير ع الشاشة وملهاش حظ !!! يا ابن الفشااارة.

وبعض البرامج في التقارير بتاعتها بتجيب ناس وتقولهم "بص احنا هنسالك علي كذا وانت هتجاوب وتقول كذا كذا" وده موجود خصوصا في البرامج الرياضية والبرامج السياسية ما قبل الثورة كانت كلها فبركة اما بييجوا ياخدوا رأي الشارع طبعا .

ياريت يخفوا ع الناس شوية من الاسامي العجيبة دي للبرامج والتقارير المتفبركة كمان لان برامج التوك شوز دي بقت مرطرطة قوي واكتر م الهم ع القلب وكل يومين تفتح قناة جديدة وتدينا واحد توك شو تحت العضل كده.

الإنسان ولعبة الحـظ

انت بتؤمن بالحظ ؟ هل فعلا قيراط حظ ولا فدان شطارة ولا ده مثل مش صحيح ؟ وهل الإنسان ممكن يتولد محظوظ او مش محظوظ ؟؟

حاجات كتير قوي بنشوفها في حياتنا وبننسبها للحظ وفعلا الحظ ليه دور كبير في حياتنا وساعات بيكون الحظ هو العوامل المحيطة نفسها يعني مثلا لو واحد عبقري اتولد في وسط اسرة فقيرة في العشوائيات
الظروف المحيطة دي حواليه مش هتديه الفرصة انه يدخل اكبر جامعة مثلا او يبقي عالم مشهور حتي لو كانت عنده العقلية دي لكن الامكانيات مش هتساعده ويطلع واحد اقل منه كفاءة بس معاه الامكانيات دي واتولد لقي كل شئ متاح هيعمل كل شئ ممكن بسهولة تامة لأن مافيش عائق معين حتي لو هيعيد التجربة مرة واتنين وتلاتة لكن في الاخر هينجح في اللي بيعمله..!

في مثل شهير بيقول :
“Good luck beats early rising”

وفي امثلة كتير قوي عن الحظ وتجارب وخبرات بعض الشخصيات بتتكلم عن الحظ زي مثلا رجل الاعمال الشهير "دونالد ترامب" بيقول عن الحظ جملة غريبة جدا لرجل اعمال ناجح زي ده ومن انجح رجال الاعمال حول العالم بيقول "الحظ هو كل شئ في الحياة" !!
يعني في ناس تقول ان اللي يقول جملة زي دي بيتحجج بانه موصلش لهدفه ولكن اكيد دونالد ترامب عدي اهداف وطموحات معظم الناس في العالم ولكن جملة غريبة جدا انها تطلع منه برغم نجاحه ده لكن مافيش علاقة عكسية بين النجاح والحظ بالعكس دي طردية في احوال كتير.

بيل جيتس نفسه قال الحظ لعب دور كبير جدا في حياته وقال في جامعة كولومبيا "انا كنت محظوظ كتير جدا في الحياة..محظوظ لان كان عندي والدين وفروا ليا البيئة المناسبة اللي خلتني اشتري كل الكتب اللي كنت بحتاجها ومحظوظ اني اتولدت وعندي شغف بعمل البرامج ومحظوظ حتي في توقيت اختراعي بدرجة كبيرة لانه كان طفرة في العالم..يعين الحظ هو عامل اساسي في حياتي مقدرش انكره" !

"نيوتن" مثلا كان هيعمل ايه لو مكانتش التفاحة وقعت علي راسه ؟؟ هل ده حظ ولا قدرة ؟؟ الاتنين مع بعض لانه كان هيفضل نايم تحت الشجرة عادي ويصحي يرجع بيته لو مكانتش التفاحة وقعت فوقه واكتشف قانون الجاذبية بسبب التفاحة دي !

كتير جدا من المطربين العرب او الاجانب بيتكلموا عن دور الحظ في حياتهم وازاي المطرب "ايمنيم" مطرب الراب الشهير بيتكلم عن الحظ وانه كان فقير جدا ومتغيرتش حياته الا لما قابل بالصدفة واحد اسمه "دري" كان نفسه يقابله من زمان وقاله انت لازم تغني وشجعه وامن بموهبته واتغيرت حياته تماما وبقي مليونير كبير واشهر مطربين الغرب !

وطبعا لعيبة الكورة كمان كتير منهم الحظ ليه دور في حياته ومثلا اللاعب "رضا عبد العال" كان ليه موقف شهير اما راح نادي وقالوا انه مينفعش فراح النادي التاني وتألق وبقي اشهر لاعبين مصر في فترة وده طبعا قلة خبرة او حظ سئ من النادي اللي اختبره الاول.

اغتيال السادات نفسه كان فيه حظ كتير بصرف النظر عن التخطيط اللي خططه اللي قتلوه لكن انه ميلبسش الملابس الواقية في اليوم ده بالذات رغم انه بيلبسها قبل كده وانه يقولهم مش مهم تأمين مكان كذا وكذا وانه متطمن رغم كل التحذيرات اللي جاتله دي فده فيه كتير من الحظ للي قتلوه لان لو مكانش ده حصل ولا كان هيموت ابدا يعني هو اكنه مات بايده هو ..قدر او حظ !


المعلقين المصريين كتير منهم اتكلم عن دور الحظ في حياته وقال انه كان مجرد تجربة اثناء انشغال معلق اخر وقاله مثلا "علق انت الماتش ده " كتجربة يعني وبيكون دخل التعليق بالصدفة وكتير قوي بنسمع كلمة "دخلت المجال بالصدفة" من نجوم باعداد كبيرة جدا سواء غناء او طرب او رياضة.

اما عن عالم الانترنت بقي والحظ فحدث ولا حرج يعني مثلا فيديو شهير قوي لطفل بيعض طفل تاني واسمه "شارلي" هو مجرد عضة وفيديو عادي جدا لكن الفيديو اصبح من اكثر المشاهدات في تاريخ اليوتيوب وكمان التقوا مع الطفل ده في مقابلات تليفزيونة في اشهر برامج امريكا ووقعوا معاه عقود لاعلانات !!! بسبب عضة علي الانترنت !!
وطفل تاني بيرقص بس علي اغنية لبون جوفي ابوه بيعزفها برضه كل البرامج الامريكية استضافت الاب والابن ده وطفل بيلعب كورة قدم في فيدو علي الانترنت وعمره سنة تقريبا وصل الامر ان نادي كبير وقع معاه عقد وكان ده اصغر عقد للاعب كورة في العالم !

والطفل اللي استعانت بيه "جنيفر انستون" في اعلان المياه بتاعها الاخير رغم ان كل اللي بيعمله انه بيغني ويرقص حواجبه ويلزق وشه في الكاميرا لدرجة ان الناس كانت بتشتمه وتقوله ايه اللي بتعمله ده لكن فيديوهاته انتشرت بسبب الحظ وشافوها النجوم فاستعانت بيه جنيفر انستون في اعلان وغني معاه مطربين كبار زي "فيفتي سنت" و "دفيد جويتا" واخرون !!

الاحداث الاخيرة في كندا والشغب الجماهيري والقبلة الشهيرة اللي كانت وسط الشغب ده لولد بيبوس بنت علي الارض في وسط الشغب وكانت الصورة اللي التقطت بالصدفة والفيديو ده حديث العالم كله لدرجة ان برضه وقعوا معاهم عقود توصل لعشرة مليون دولار !! ده يتقال انه ايه غير الحظ ؟؟



الحظ من قديم الزمن والناس بتؤمن بيه لدرجة ان كان عند الرومان الهة للحظ واسمها
goddess Fortuna
اما في اليابان فعندهم تمثال بتاع "الالهة السبعة المحظوظة" وكل واحد منهم ليه اسم هناك وتمثال شهير في اليابان.

والحظ طبعا ليه رموز كيتر وبعضها غريب جدا وبعضها عادي مثلا زي السمكة عند القدماء المصريين او رقم سبعة عند الصينين او الخنزير عند الصين والمانيا
والحظ مرتبط في الغرب ارتباط كبير بالمقامرة والمراهنة طبعا لانها منتشرة بشكل كبير في بعض النوادي المباح فيها الكلام ده بشكل علني طبعا لدرجة ان بيظهر مصطلح شهير اسمه
Monte Carlo fallacy
معني الجملة دي ايه ؟ ان المقامر ساعات بيعتقد ان ظهور مثلا "الكتابة" سبع مرات ورا بعض معناه ان "الملك" المرة الجاية قرب قوي ظهوره..وده طبعا مش شرط ولكن ده في اعتقاد المراهن او المقامر ودي من احدي نظريات الحظ والمقامرة في الخارج اللي ليهم عشرات النظريات في الحظ والمراهنة اللي بتعتمد عليها وبتؤمن بيها شركات المراهنات وبتستعين بخبراء نفسيين لمعرفة نفسية المراهن عشان يكسبوا من وراهم دهب.

ودايما بيكون الشك والارتياب هم اساس لعبة المراهنات دي من شركات المراهنات نفسهم ومن العملاء ايضا والشك والارتياب كان عنوان كتاب جميل جدا للفيلسوف نيتشة وكان بيتكلم فيه عن مصطلح اسمه "الروح الحر" ومش عارف ليه حاسس ان فيه علاقة من قريب او بعيد دايما بنفسية المراهن والمقامر وليه علاقة باليقين في داخلهم بالمصطلح ده.

وفي كمان قصة شهيرة لمارك توين عن الحظ واسمها "الحظ" عن واحد حقق كل انجازات حياته عن طريق الحظ فقط وذاعت شهرته جدا رغم ان كل ما يملكه هو الحظ !
وفي كتاب الاكثر مبيعا منذ عدة سنوات
the secret
في جملة شهيرة قوي في الكتاب بتقول ان لو انت امنت بان حظك وحش وان حظك دايما هيكون وحش في المستقبل يبقي انت مش هتاخد فعلا ولن تنال الا الحظ الوحش ده اللي انت كنت بتحلم بيه !!

في كتاب بيتكلم عن الحظ بالتحديد اسمه
The Luck Factor
للكاتب "ريتشارد وايسمان"

والكتاب ده بيتكلم عن ليه بعض الناس محظوظين والناس التانية مش محظوظة وهل الانسان فعلا بيتولد محظوظ ؟؟
وعمل تجربة وجاب ناس مين اللي مشهور عنهم انهم محظوظين وناس تانية بتقول انها مش محظوظة وعملهم قرعة كده واثبت ان مافيش حاجة اسمها واحد محظوظ دايما او مولود محظوظ لان التجربة اثبتت ان مكانش في قاعدة معينة في الفوز لكن دول فازوا شوية ودول فازوا شوية بدون قاعدة او افضلية معينة ولكنه الحظ فقط.
وقال ان كل واحد منا ممكن يكون اكثر حظا لو بص للجانب المشرق او توقع دايما انه يكون محظوظ وحسن من فرصه وتفائل.


في اديان كتير او عقائد او مذاهب في اختلاف حول موضوع الحظ زي مثلا البوذية رفضت تماما الحظ وقالت مافيش حاجة اسمها حظ في الدنيا اصلا والاسلام ايضا يتحدث عن التفاؤل والمقدرة انما لا يزرع في الناس موضوع الحظ حتي لا يعتمدوا عليه فلا يفعلوا شئ..وقال النبي محمد "تفائلوا بالخير تجدوه" اي انه يدعو للتفائل والنظر الي الجانب المشرق ولكن ليس الاعتماد فقط علي الحظ.

يعني الحظ موجود منذ عصور وعصور وناس بتؤمن بيه وناس لا تعتقد فيه ولكن هيفضل دايما في ناس محظوظة وناس مش محظوظة وكل واحد منهم ليه قدر وليه رزق معين هياخده في الدنيا.
ولكن الحظ المفروض ميكونش شئ للاعتماد عليه وفقط ولكن الارادة برضه جانب مهم جدا ويساعدها او يدفعها الحظ .