عـــلي فـــكرة التــي شــيرت ده هـــيريح

البياعين في المحلات أشكال والوان منهم الدحلاب ومنهم الأمين ومنهم الرسيم ومنهم المنافق..
وأفظعهم السئيل الرخم زي مثلا:
البائع: أي خدمة يا أفندم
الزبون:لا أنا بتفرج بس
البائع:طب ممكن أساعدك
الزبون:طيب في مين ده مقاسي
البائع:لا مافيش الرصاصي واللهي ميديم تاخد الأحمر لارج
الزبون: !!!!!!!!!!!!!!

المنافق بقي ليه إجابتين علي نفس التي شيرت:
لو الزبون رفيع وسألك التي شيرت ده بيكش ولا لأ قوله طبعا يا افندم كله بيكش "لأنه رفيع"
لو الزبون تخين وسألك قوله لا طبعا حاجتنا مبتكشش

الرسيم الكداب بقي ليه جمله الخاصة:
دي هتنطق عليك"نطقت عليك عقربة يا اخي"-
مرسومة عليك بالمقاس"رسمك عزرائيل علي بابه يا اخي"
-متفصلة عشانك"عقبال تفصيلة كفنك"-
أنا مش هأتكلم المرايا هي اللي هتتكلم"انت بتتكلم من مراخيرك اصلا"-
ده انت ذوقك جميل جدا ما شاء الله خدت أجمد حتة في المحل"أمك قرعة و أبوك طبال"
إسأل صاحبك أكيد هتعجبه"اللي زيك بيطلعوا في قناة انيمل بلانيت"-
لايق جدا علي اللي إنت لابسه"انت خارج من بطن أمك بكفالة أساسا"

الأمين بقي غالبا بيطرد في أول شهر ليه بسبب:
الزبون:التي شيرت ده في منه أحمر؟
البياع الأمين: لا واللهي ما فيش ولو في مش هييجي مقاسك "هي البلد ناقصة خ......."
الزبون:طيب في منه أصفر؟
البياع الأمين:ولا أصفر واللهي "أنا دلوقتي زي بتاع الحلاوة وأنا عندي جوة "

أسهل كلمة "التي شيرت ده هيريح" طيب يا أخي ميلصقوا عليه من ورا أحترس التي شيرت يرجع إلي الخلف بالمرة طالما بيريح..ولما يريح بيخبط حد ولا هو بيريح ع الأريكة ويستمتع بأبو تريكة ولا ايه؟
ولو اشتريت جزمة برضه بتريح كل حاجة بتريح هي الدنيا برضه ساعات بتريح وتلاقي الشوارع إختلفت عن انبارح يقولك الدنيا ريحت..

مرة بياع قاللي "مافيش رصاصي بس الحتة البنفسجي دي جامدة" قولتله" اكني عند فكهاني وقاللي ما فيش جوافة تاخد خرشوف؟ أو بقال مافيش سجاير تاخد توفي؟ ايه يا عم هو اي كلام بيتقال؟"

وساعات بقي صاحب المحل ييجي بنفسه فإنت تنقي حتة يقولك صاحب المحلة "واللهي برافو عليك أنا واخد منها"..ما تاخد منها ولا تاخد ف..... أنا مالي تقولش توم ابن عم كروز ولا حتي حمدي الأية..يا عم انا مالي بيك متخدها هو انا صاحبك..

أوضة البروفة بقي اشبه بمعتقل نازي لتحويلك لصابونة..حر والبنطلون ضيق اساسا بسبب بياع تاني قاللي هيريح وهو اللي انسان مريح اساسا علي ما تفك البنطلون الضيق في الحر بالإضافة للجزمة المربوطة عشان تقيس بنطلون بالإضافة لضغط الراجل الغتت برة "أجيبلك الأكبر؟" كل 10 ثواني تبقي عايز تعلق حبل وتنتحر جوة..

النصاب بقي في فترة السيلات ينقي حتة يقولك بعد ما تعجبك "لا واللهي الحتة دي بالذات مش عليها سيل"..يلا يا شرابة الخرأ يا بغل الليالي .."مامتك علي الدائري علي فكرة"

العلاقة طردية بين غتاتة صاحب المحلات وقلة المبيعات أكيد..
وعلي فكرة الموضوع ده نفسه بيريح فحاسب ع البلوج..

من أروع أغاني العالم

مش عارف ايه اللي فكرني بيها دلوقتي ..أغنية كل زمان ..من أكتر الأغاني اللي تسمعها في حياتك مليانة صور ومعاني فوق الخيال أغنية محتاجة تفكير عميق وتأمل عشان تفهمها ..أغنية مستحيلة ومعقدة للغاية كأنها بتحكي عن حلم أو كابوس وبتوصفه بتفاصيله الكاملة ..بجد دي أغنية العام وكل عام مع إنها قديمة جدا


لا ما في/ماجدة الرومي

مين قال جملة "اذا أردت شيئا بشدة فأطلق سراحه"؟؟

اذا اردت شئ فأطلق سراحه..طبعا سمعت الجملة دي في فيلم أحمد حلمي ظرف طارق وكله كان محتار مين صاحب الجملة دي وهل هي صح ولا لأ حقيقية ولا لأ..
عموما صاحب الجملة دي اللي قالبة الدنيا هو
Alison Willcocks
وكان في موضوع طريف أجنبي ماعرفش مين كاتبه بصراحة لإني لقيته علي الياهو أنسرز وكان بيحاول يطبق الجملة دي علي كل الناس حتي بيل جيتس قولت أنقلكم الموضوع ده لأنه حلو قوي

ORIGINAL QUOTE

If you love someone,
Set him free...
If he comes back, he's yours,
If he doesn't, he never was....




THE NEW VERSIONS.....

Pessimist:
If you love someone,
Set him free...
If he ever comes back, he's yours,
If he doesn't, as expected, he never was.

Optimist:
If you love someone,
Set hom free...
Don't worry, he will come back.

Suspicious:
If you love someone,
Set him free...
If he ever comes back, ask him why.

Impatient:
If you love someone,
Set him free...
If he doesn't come back within some time
forget him.


Patient:
If you love someone,
Set him free...
If he doesn't come back, continue to wait.
until he comes back...

Playful:
If you love someone,
Set him free ...
* If he comes back,
and if you love him still,
set him free again, repeat *

C++ Programmer:
if(you-love( m_he))
m_he.free()
if(m_he == NULL)
m_he= new CHe;

Animal-Rights Activist:
If you love someone,
Set him free,
In fact, all living creatures deserve to be free!!


Lawyers:
If you love someone,
Set him free,
Clause 1a of Paragraph 13a-1 in the Second
Amendment of the Matrimonial Freedom Act
clearly states that...

Bill Gates :
If you love someone,
Set him free,
If he comes back,
I think we can charge him for re-installation fees
but tell him that he's also going to get an upgrade.

Biologist :
If you love someone,
Set him free,
He'll evolve.

Statisticians :
If you love someone,
Set him free,
If he loves you,
the probability of him coming back is high
If he doesn't, your relation was improbable anyway.

Schwarzenegger' s fans:
If you love someone,
Set him free,
HE'LL BE BACK!

Over possessive person:
If you love someone
don't set him free.



HR specialist:
If you love someone
set him free by
Offering him VRS and other benefits
Then outsource him!!!

* 1 year ago

Source(s):
my friend sent this via email

الأمـــثال الـــشعبية

معظم أمثالنا الشعبية فشنك ..مضروبة بالنار واللي يقولك مثل ترد عليه بعكسه وفي نفس المعني مش عارف ازاي إخترعوا الحجة وبديلها في نفس الوقت يمكن تكون دي العبقرية اللي بيحكوا عنها..

مثلا المثل ده "الشاطرة تغزل برجل حمار" عكسه تماما "اطبخي يا جارية كلف يا سيدي"..
والمثل ده"القرش الأبيض ينفع في اليوم الإسود" عكسه تماما "اصرف ما في الجيب يأتيك ما في الغيب"
و"يا بخت من وفق راسين في الحلال" عكسه "يا داخل ما بين البصلة وقشرتها "
وبطريقة ما لفة شوية المثل ده "اللي ما يشوفش من الغربال يبقي اعمي" عكسه "اللي ايده في المية مش زي اللي ايده في النار "
واحد هيقولي ازاي يعني ..المثل الأول بيقولك المفروض تحس بالاخرين ..والتاني بيقولك كل واحد في وادي وعمرك م هتحس باللي انا حاسس بيه..

وكمان تاني "يا بخت من وفق راسين في الحلال" عكسه التام "امشي في جنازة ولا تمشيش في جوازة"
..أي كلام فعلا اللي كانوا يبقولوا عندنا أمثلة كانوا شاربين منقوع براطيش..

عندنا كمان امثلة الحرب بين الراجل والست زي مثلا
"يا مأمن للزمن والحريم يا أهبل يا غشيم"
الستات بيقولوا "يا مأمنة للرجال يا مأمنة للمية في الغربال"

وفي مثل عجيب عمري ما فهمت اي لفظ فيه "في الوش مرايا وفي القفا سلاية" يعني ايه ؟
what is the fuckin meaning?
ومثل "المنحوس منحوس ولو حطوا علي راسه فانوس" هو نفسه مثل"قليل البخت يلاقي العضمة في الكرشة" وهم الاتنين عكس "الحظ لما يهاتي يخلي الاعمي ساعاتي"
وياريت اللي عنده أمثلة غبية يضيفها برضه ..لأني اصلا موضوع أمثالنا الشعبية ده غريب جدا ومعقد..وبعضها مشكوك فيه ومين اللي قالوا اصلا غالبا بيكون مش معروف وبيكون واحد سبرسجي..

للبحــــرأقـــــوال أخـــــري"قصة قصيرة

كانت رنا طفلة صغيرة تعشق الحياة وتعشقها الحياة في هذا الوقت من كل عام كانت تذهب مع أخيها الأكبر عمر لنفس المصيف الذي داوما الذهاب اليه مع باقي افراد العائلة..
كان عمر رومانسيا وهادئا جدا ويعشق البحر لدرجة أن جلس في مرة يوم كامل ينظر إليه بلا حراك متناسيا الطعام او الشراب..حتي قطع الهدوء صوت رنا وهي تنظر للبحر "مش ممكن اللون الجميل ده"

عمر:خيالي ..ساحر..لو مخلوق عشان بس اشوفه تفرح لوجودك..جمال لبق جدا..متحدي ..ينضم لفصيلة الغير مألوف..ممكن تتخيله حتي لو انت مغمض عنيك بس مش هيكون تخيل كامل لكن في الجمال يكفيك شرف المحاولة..

رنا:وأجمل حاجة بقي ساعة الشروق والغروب تحفة..

عمر: شروق الحلم وغروب كل التخيلات في مشهد من الجنة..شئ ملائكي فعلا ..أجمل حاجة فيا دلوقتي إني لحظة في المشهد الرائع ده..ولو حتي جزء صغير منه..تفصيلة من تفاصيله..

رنا:أنا هاجي معاك كل يوم نشوفه..

عمر: ياريته يتكرر كل ساعة وكل ثانية ..ياريت اليوم 100 ساعة والمشهد ده في كل لحظة منه..ياريتني انا الشروق والغروب والحلم والحقيقة هنا..

رنا:قد كده بتحبه..

عمر: التفكير بس في الجمال بيجمل العقل وبيزيد علي جمال القلب قتبقي حالة كاملة من الجمال الرباني..أنا دلوقتي حاسس اني أجمل راجل في العالم..

رنا:بيصفيك تماما..

عمر:بيوحد فيا كل شئ لو جمعتي صفاتي دلوقتي وخلقتي بيهم انسان هتلاقيه مخلوق من نور..بيحسسني ساعات اني مع نفسي وضدها في نفس الوقت..

رنا:والقمر معاه لوحة ملهمة فعلا..

عمر:ممكن نعتبر القمر ريشته للوحة مرسومة بالفعل بس بيطمن علي كمالها كل ليلة ويمشي تيجي الشمس تطمن علي كمال المشهد وتمشي وبتخلي العالم كله حالة اطمئنان علي جمال متطمئن..

وتظل رنا تنظر للبحر في تأثر بالغ..ويظل عمر ينظر لعيون جارتهم سالي التي تجلس معهم علي البحر ..

حيــــاة هـــــاجر"قصة قصيرة

في هذا الصباح الأبيض لم يتخيل قرص الشمس بأن يبكي علي شيئا في تلك الدنيا أبدا..الشمس الدافئة تحتاج الي هذا الكم من الدفء ..تحتاج لمن يرعاها ويمسح عينيها من دمع الصبح القاسي..
كان "أسامة"في تلك اللحظة أمام نفس البقعة التي تفصله عن العالم تماما ..مغيب ..أو يحتاج لكم هائل من خراطيم الأوكسجين لكي يتنفس نفس واحد دون قلق..
كان يزور زوجته"نرمين"في المستشفي كحدث يومي فهي مصابة بمرض السرطان..كان عذابه اكبر بكثير من زوجته فهي تتقبل اموت وهو لا يتقبل رحيلها أبدا..
دخل الي المستشفي وفي نفس الغرفة التي يزورها منذ عام والتي يحفظ كل ملامحها ليجد إمرأة لا يعرفها تجلس علي السرير وموصل لها الإسعافات اللازمة..ليسأل نفسه"ايه ده فين نرمين؟"
فجأة يسمع صوت من تحت الغطاء.."متقلقش هي بخير ..هي في الأوضة اللي جنبي"
يرتاح قلب "أسامة" ليرد عليها"انا متشكر أوي معلش مكنتش أعرف دخلت كده وأزعجتك"
لتنهض تلك الفتاة الجميلة"هاجر" من تحت الغطاء كمشهد شروق عذب"حصل خير .أنا إسمي هاجر"
يرد أسامة في خجل"وأنا إسمي أسامة ..فرصة سعيدة"
هاجر:لو سعيدة بجد..إقعد معايا شوية وكمل نصيبك من السعادة دي..
كان أسامة خجولا جدا ولم يتمكن من الرد عليها من هول المفاجأة ومن جرأتها الزائدة فلم يكن أمامه إلا أن تلعثم في الكلام ونطق بهمهمة غير مفهومة..
هاجر"تكمل جراتها":أنا عمري ما حد حبني وخاف عليا زي لهفتك دي عليها يا بختها بيك ..أنا أسفة إذا كنت صريحة معاك بس أنا نفسي أكلم حد وأحس إنه هيفهمني قبل ما أموت.."
ليرد أسامة في تلقائية:لا موت ايه بس بعيد الشر ..انتي ماشاء الله واضح انك اتحسنتي الحمد لله..
هاجر:هو شرط اني أموت عشان صحتي وحشة؟في مليون سبب للموت ومليون طريقة..

أحس أسامة بالقلق الشديد وفكر في التحدث لإدارة المستشفي لأنه شك بأنها تفكر في الإنتحار ولا يعرف لماذا..

أسامة:إهدي بس مش لازم تيأسي من اي حاجة خلي عندك أمل في بكرة مين قالك إن مافيش حد خايف عليكي ..أنا نفسي لسه شايفك من دقيقتين وخايف عليكي جدا وقلقان من كلامك ده ..كل حياة إنسان غالية علينا كلنا..
هاجر:بالظبط كده..إنسان..أنا بالنسبة ليكم إنسان مش حد تاني ..حياة إنسان مش حياة هاجر..
أسامة:انتي قاسية علي نفسك قوي ..مافيش حد في الدنيا مالوش حبيب ..حتي لو الحبيب ده جواك حتي لو شفتيه في الشمس والقمر أو خلقتيه في كلمة جميلة لنفسك ..
كل واحد منا مخلوق وقدره وحبه مخلوقين معاه ..أنا وإنتي خلاص بقينا إصحاب وأنا خايف من تفكيرك ده عليكي..

لم يكن أمام اسامة في تلك اللحظة إلا أن يردد تلك الكلمات ليرد هاجر عن تفكيرها المجنون ويعيد الثقة لها في الدنيا مرة أخري بكونه صديق لها ويخاف عليها ..
هاجر:بقينا اصحاب؟ بجد الكلام ده من قلبك؟
أسامة:طبعا وهازورك كل يوم كمان ومش هاسيبك إلا اما تبقي زي الفل كمان ونخرج من هنا..

فجأة يتدخل الدكتور نبيل مقاطعا الحديث :انت فين يا استاذ اسامة انا بدور عليك من بدري ..تعال بسرعة من فضلك
أحس أسامة بالقلق من نبرة حديث الدكتور ليجري معه للخارج في لهفة خوفا من ان يكون الموضوع يخص زوجته نرمين ولكنه في تلك اللحظة نسي تماما هاجر أو نسي حياة هاجر التي قال انها تهمه فخرج ولم يستأذن منها حتي ولم يعرها نظرة من لهفته..
كانت هاجر تحدث نفسها"في لحظة واحدة صاحبي مشي وسابني ..لأن محدش بيهمه حياة هاجر ..حتي صاحبي الوحيد مش مهتم بيا ..مبصليش حتي وهو خارج ..انا قدري كده في الدنيا أعيش وحيدة واموت وحيدة.."
وعندما إطمأن اسامة علي زوجته التي مرت بفترة حرجة ذهب لغرفة هاجر ليطمئن عليها ليجدها ملقاة علي الأرض والدم يغطي ذراعها..وتنظر له في إبتسامة وتقول أخر كلماتها "هم قالولي هيبقي اصحابي وهيحبوني ..الملايكة قالولي كده..قالولي انتي غالية علينا قوي ..وهنشيلك في عيوننا"
صرخ اسامة في فزع ليطلب أحد الأطباء وهرع اليه التمرجي فورا لينقل هاجر الي العناية المركزة ..ومن خلف الزجاج كان يقف اسامة والدموع تغرق عينيه وعندما سأله أحد الأطباء"أنت تعرف هاجر من زمان؟"
رد أسامة وهو يبكي"هاجر ..صاحبتي..وحياتها غالية عندي"
وياليت هاجر كانت تسمع هذه الكلمات ولكنها فارقت الحياة وبعد ساعات..
"أستاذ أسامة لو سمحت"
ردد العبارة عامل بالمستشفي ليرد عليه اسامة"أنا اسامة خير"
العامل:استاذة هاجر كانت سايبالك الجواب ده الظاهر قبل الحادثة لقيناه علي سريرها"
فتح اسامة الجواب في لهفة وانفجر في البكاء الهستيري عندما قرأ حروفه التي قالت فيها:
"عزيزي اسامة ..انت الانسان الوحيد اللي عرفته واتمنيته يكون صديقي المخلص ويارب تخليك فاكرني طول عمرك ..زي ما قلتلك الموت له مليون طريقة ومليون سبب محدش كان هيفهمني إلا هو بس..ربنا..
أنا عايزة اتدفن في جنينة واسعة مليانة زهور ومحدش حواليا زي ما كنت في الدنيا بالظبط ..عايزة موتي يبقي زي حياتي وحيدة فيه..هكون لوحدي حتي في لحظاتي الأخيرة ..انا عملت كده عشان ابقي أثرت في أي حد قبل ما اموت وأنا عارفة انك بتعيط دلوقتي ..
وعشان تخليك فاكر حياة هاجر مكانش هيحصل ده إلا اما تشوف يعينيك ..موت هاجر .."
المخلصة لك /هاجر

"ديكـــو وفـــرخونة" الجزء الخامس

"هدوء يا جماعة في المجلس لو سمحت مش كده"..كانت هذه الكلمات هي أكثر الكلمات تداولا في القاعة حينما أثار "منقار" عضو مجلس الفقش الجديد قضية الرأي العام وهي قضية مكافحة المطاعم البشرية..

وظل يردد:مسكينة يا فرخ ذنبك ايه يا حبيبتي تتغرقي بالكاتشب وتبقي مجرد صدر وورك ..لازم نهتم بالموضوع شوية يا جماعة إحنا بيضيع مننا أسر كاملة وإيه الحل؟"..

قاطعه رئيس المجلس:يعني عايزنا نعمل إيه حتي وعندنا إنفلونزا كلونا برضه وقالوا دي مبتوصلش للإنسان طالما الفرخة مستوية كويس..دول مبيرحموش..لو فرخة عندها الإيدز حتي هياكلوها"

ردد أحد الأعضاء"حلوة فرخة عندها الإيدز دي ..ده في علاقة محرمة مع ضفدعة مثلا ولا ايه هاهاهاها"
قاطعه رئيس المجلس في حدة"احترم المجلس يا عرف الكلب إنت"

دلوقتي هنعرض لكم علي البروجيكتور صور للجرائم الوحشية في جدودنا ..وتنبعث موسيقي حزينة من القاعة ويظل عرض الصور في القاعة ..الصورة الأولي عنوانها "تشيكن ألاجريك ..القتلة"
الصورة الثانية"تشيكن بيكاتا..فساد الزمم"..ويظل عرض الصور متواليا في القاعة إلا ان تبتل أعراف كل من في القاعة ويندي ريشهم فيهم..
رئيس المجلس"طيب دلوقتي بعد ما شوفنا الصور دي لازم يبقي لينا وقفة ..يبطلوا يهاجموا عششنا وياخدوا بيضنا بالظلم ده"

فجاة يدخل المجلس العضو الوافد "مرتضي بيضون" رئيس نادي المفاقس في أبهي حلة ليقاطع المجلس قائلا"علي فكرة بقي الموضوع ده خطير جدا وأنا عندي ملفات تودي البشر في داهية..وتوديكم كلكم في داهية ده حتي أنا ممكن أودي نفسي في داهية لو فتحت ملفاتي لذاتي..اه واللهي ملفاتي"

رئيس المجلس"لو سمحت اتفضل أقعد ومش معقول موضوع الملفات اللي بقالك سنتين بتقولنا عليه ده ومفتحتش حتي مجلة ميكي لحد "
منقار"يا جماعة ركزوا في موضوعا الأهم البشر بيقتلونا وفرخ مين هينقذها ؟"

مرتضي بيضون"لا لا لا ده الفساد في المحليات كمان وحتي الصفقات الجديدة للديك أبو لباس رئيس النادي الحالي صفقات فشنك..كل لاعب مين دول ياخدله كام أرنب وهو معندوش ورك يعتمد عليه ..يا فسادي يا أبا أصل أنا حقاني وصوت الحق عالي..فاهمين صوت الحق عالي"
المجلس كله "لو سمحت إخرس بقي"..
منقار"احنا محتاجين استجواب لوزير الخارجية عشان دي شئون خارجية مع البشر وعايزين حملات الدفاع المدني ومنظمات حقوق الفرخان تشد حيلها معانا لأن دي قضية عرف عام"
رئيس المجلس"طبعا وبناشد السادة الأعضاء بالموافقة علي ما تقدم به الاستاذ منقار"
موافقة..
مرتضي بيضون"مين عايزني أفتح الملفات؟"
المجلس كله"إخرس"
مرتضي"ماشي بس افتكروها كل واحد منكم ليه قضية عندي وانا مبرحمش ولسه هأبهدل برنامج الكورة مع فريخ وهأرفع قضايا للركب أمال ايه أنا بتاع الفسااااااااد"
وفجأة يلكمه أحد الأعضاء لكمة ليسقط من جاكتته ملفات كثيرة لدرجة أن ملف فيهم مكتوب عليه ملف مرتضي بيضون..ملف لنفسه..
ان شاء الله الجلسة الجاية هنحاول نستضيف الوزراء ونشوف قضية الأمن دي وياريت الأستاذ ملف ده يلم ملفاته ويمشي..
رفعت الجلسة