مات كروان

لأن هواها كان شمسي..
كرهت الشمس..
انا ما اقدرش أكرهني..
ومتنفسش..
لأن العمر ده واحد..
وليها القلب كان واحد..
كرهت القلب..
وشفت الضلمة ميت مرة في عز الصبح..
وقوس قزحي بلا ألوان..
وأنفاسي لملك الجان..
ولسه الحب ده عابده..
ولسه الحب ده سلطان..
كرهت الدور في تمثيله..
كرهت مهرج السلطان..
من اليوم ده انا السلطان..
انا ملكك ومش ملكك..
انا حاكم بأمر الحب..
ومش مقتول بامر القلب..
وهأحرق فيا كرواني بقرص الشمس..
قالولي حرام ده بيوحد..
بصوته الحلو بيوحد..
وقولتلهم ياريته ياريته ما وحد..
لأنه وبس وحدها..
وساب غيرها ..
ومات غيرها..
يارب الكون ده قدرني اشوف غيرها..
لاني معمي من غيرها..
ومات كروان..