Wednesday, March 12, 2008

شمس وقمر 5

انا لما أكبر هابقي ظابط
أنا لما أكبر هابقي دكتور
وانت ؟
شاورلي وقاللي وسط زمايلي
قولت
انا لما اكبر هاحب بجد

في ناس بتجمل الحقيقة
وناس بتزيف الحقيقة
وناس بتجمل زيف الحقيقة
انتي عارفة انتي مين فيهم

عمرك ما هتعيشي حياة سعيدة
مش عشان انا اللي بفرق السعادة
لكن انا اللي بعرف أخطفها وانا ماشي

فراقنا ما كانش قدر
بس الظاهر ان انتي شوفتي قدرنا هو الفراق

مش هنعيش في سلام
ومش لازم ندخل حرب
اجمل حاجة في حبنا انه دخل مرحلة الهدنة

انا لما احب تاني
ممكن احب قوي بس مش بجد
انما انتي
هتدخلي في دوامة المقارنة
وانتي الخسرانة
محدش هيحبك زي

قالوا السياسة فن الممكن
لكن حبك
فن المستحيل

انا بحمد ربنا علي كل لحظة عيشتها معاكي
بس الملايكة مستغربين

بتحبني مش بتحبني
بتحبني مش بتحبني
قطعت ألف وردة قبل ما اقولك
ودلوقتي بلمهم تاني
سيبهم لحبيبك الجاي

انا اللي اخترعتك
والاختراع انتشر وهرب مني
ودلوقتي كاتب علي باب اوضتي
"المخترع مشغول"

في يوم من الايام
هتمسكي صفحة الوفيات وهتقري اسمي
ساعتها متدمعيش
بس متجوزيش بناتك الا للي بيحبوهم
نصيحة

قلب دهب
زي قلب حجر
الاتنين جامدين بجد

السيرة الذاتية للالم
حطتني في الفهرس
وبعد ما افترقنا
بقيت علي الغلاف

انا أسف
مش متأسف
والفرق كبير

2 comments:

أحمد هشام said...

مش عارف أقول ايه يا معتز ...
ولكن ...
كما قال المتنبي يوما ما :
قد يجمع الله الشتيتين بعدما ..
يظنان كل الظن ألا تلاقيا
أنا مش عارف تفاصيل كتيرة عن الموضوع ده .. لكن جايز يكون الخير في اللي حصل و نصك التاني مخبوء لك في صفحة القدر ... لكن جايز كانت المشكلة ان غمامة دينا كانت علي عينيك مش سايباك تشوف حواليك ..
جايز ... احتمال ولو ضئيل

arabcooL said...

عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه