Sunday, March 30, 2008

الهاي سكول

الفرق ما بين الهاي سكول والثانوية العامة المصرية مش موجود
لأن ما فيش علاقة خالص بس هقولكم ايه اللي ممكن يفتقده الطالب الأمريكي في مدرسته
أولا هيفتقد محمد حيرم
وده هحكيلكم عليه بعدين بس حبيت أبدأ بيه
هيفتقد سندوتشات المسقعة والبلح والبيض والفول ع الصبح يا صباح الخرة
هيفتقد لغرفة الكمبيوتر اللي بيعلموا فيها دوس!!!
وفقرة هل تعلم اللي بتخاطب فئة خارجة من المصحة
والمدرسين اللي بيضربوا بالصواريخ الورق في قفاهم
وهيفتقدوا كمان للطباشير الملون اللي عندنا بجنيه
واكتر حاجة جامدة جدا عندنا هي تمارين الصباح
واحد يقعد يرقص يمين وشمال ويصقف ويضرب لو معملش كده يمين شمال هب هب
كأنهم بيضحكوا علينا
وهيفتقدوا لبنات الثانوية بنات اللي عايزين أربجيه بلدي يفجرهم
وهيفتقدوا للمصطلحات المصرية زي مثلا الفاكس في التاكس او يا حودة روح أمك إصطلحت
الهاي سكول خالية من المتعة لكن عندنا كل الحصص متعة
حصة الزراعة لسيد سباخ
والكهربا لأحمد سلكة
والحصص الإحتياطي بقي يا عيني عليها تخش واحدة بتاعة تربية قومية
مالهاش في الطور ولا الطحين
تقعد تتاوب والعيال يضربوا بعض بالقفا من غير داعي كهزار
في الهاي سكول الطلبة مش بترجع من الإمتحان لإنهم بيدخلوه بالاي بود
واحنا بنخشه ومعانا ادوية من رعب فقد المعلومات المحشوة والمتكبسة داخل العقول
حصة الالعاب عندنا تختلف عن نظيراتها الأوروبية لأننا بنلعب بكورة اسمها مكسة او كفر وكفاية اسمها
متستغربش في الهاي سكول لو زميلتك حطت روج في الحصة
ومتستغربش في الثانوية المصرية لو زميلك قشر يوستفندي او كل محشي جنبك
الكبت الجنسي عند الطالب المصري مخليه مشتت
اما يشوف فيلم فيه طلبة امريكان بيتدهول علي عينه
اما يبقي زميلك اسمه حيرم يبقي انت اكيد في مصر
اما تغني في الفصل اغنية يا روايح الزمن الجميل هفهفي يا بقي انت في مصر
اما تلاقي حاجة اسمها التغذية وجبة قذرة لا ادمية والمربي لازقة في السقف جنب الجبنة المثلثات يبقي مصر
مرة استاذ ليا قاللي برافو عليك بتحاول تفهم بس افتح ايدك انت مش حافظ
هو ده التعليم المصري
معندمش برة استاذ متجهات بيديهم رياضة
او ابلة اسكارس بتديهم أحياء
مساكين
ومعندهمش اصلا كنتين زينا فيه هريدي وفرقع لوز
ومعندهمش تحميل اربعات يمكن عشان معندهمش زقازيق
احنا تخرجنا من الثانوية مصيره الزقازيق
وتخرجهم مصيره حاجات تعقد
البنات هناك مبتدعكش وشها بعشر اكياس فير اند لفلي ومبيحوقش
لانهم بيض خلقة
المهم ساعات بقول يمكن احنا احسن من غيرنا من بنجلاديش مثلا
بس بفتكر
حتي بنجلاديش
معندهاش حيرم

2 comments:

Anonymous said...

ههههههههههههههههههههههههههههههههههههههههههههههههههههههههههههههههههههههههه
والله ياميزو انا بعقد اتفرج على الافلام الاجنبى بتاعت العى سكول دى زى جو american pie وكده بس عشان اعيش الوهم واعيش حياه ما عشتهاش وكان نفسلى اعيشها
احنا كنا عشان فى حصه الالعاب عشان الابله ترضى تدينى الكوره كان لازم ننضف الحوش الاول

وانا مالى اهلى انا مش فيه عامل نظافه ويا سلام بقى لو كان فى مدرس ضميره صاحى يجى يقولنا حصه الالعاب ملغيه عشان هتاخدوا حصه عربى مثلا ..يا بضااااااااااان
ولا على راى واحد صاحبى تنضرب عشان نسيت الاستيكه ايه الهبل ده
واهم حاجه يعملها المدرس فى اول حصه ليه فى المدرسه انه يزعقلنا شويه ويتلكك على اى حاجه عشان يقومنا يضربنا عشان يعرفنا ان مدرس صعب ونخاف منه طول السنه ..اساتذه معقده نفسيا يابنى ولا التغذيه ينهار ابيض انت فكرتنى بايام غريبه بس فعلا احلى حاجه فيها هى محاتولتنا ان احنا نخليها حلوه بالحاجات اللى كنا بنعملها زى ما ولعنا فى الدكك مثلا بكتب وهروبنا من المدرسه مع انى ماكنتش عارف بهرب ليه بس احساسى ان ده فى متعه
والكبت الجنسى ابن الوسخه ده
انا شفت عيال فى الفصل بيوروا بعض اعضاءهم الزكريه من طهقهم
ايام وسخه يلا اكمل بقى بقيت المدونات

البسه

arabcooL said...

عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه