مقتـــــول حيــــاة

في كل فجر أنا بتولد..
دمعي وحقيقتي بتتوجد..
مقتــول حيــاة..
شئ مش غريب..
لكن رهيب..
إني أموت بإسم الحياة..
من كتر حبي كرهت فيا حاجات كتير..
عيشت نفسي في وهم دنيا خيال كبير..
لما إرتويت منك قمر..
كان فاضل الليل والشجر..
وهأقول حياة..
لكن مشيتي وسيبتي فيا قلب تاه..
أكبر جريمة هي الوعود..
الوعد حر مالوش ضمير..
الوعد شئ معمي وضرير..
لكن بيوعد بالحياة..
فاقد لشئ بيوزعه..
ومافيش ندم هيرجعه..
حاجة في قلبي مصدقة..
ميت ألف حاجة فيا لأ..
عيشت نفسي في شرنقة..
والحب فيا ألف ذنب..
الحب والليل والوجود..
دي دنيا صافية من الخيال..
الدنيا خاتم من دهب..
نايم علي ايد الجمال..
الدنيا نجمة لحلمنا..
بتلالي فوق صفحة قمر..
فيها إبتسامة وعدنا..
مشهد شروق مش منتظر..
وبعيد قوي...
بيقولي لأ..
عايز تاخدها بأي حق؟
قولت الغرام..
فكر كتير بإسم الغرام..
ورجعلي تاني وقالي لأ..
غرام وحب وقلب دق..
مش دنيتي..
أنا دنيتي دنيا الوعود..
أنا بوسة فوق خد الوجود..
لكن معشتش دنيتك..
عيبك تكون صادق قوي..
بتحب من قلبك قوي..
أنا قولت لأ دي مش عيوب..
إلا في دنيا من الدجل..
مكسوف وميت م الخجل..
من دنيتك..
قاللي قوام أنا دنيتك..
صرخت "لأ مش دنيتي"..
مش كل حاجة بتنتهي حتي القلم..
حتي المشاعر والألم..
طب سيت إيه!
لو وعد يكدب سيبت ايه!
غير ضحكة زايفة ومقرفة..
من غير وعود..
فين الوجود؟
إلا في مشاعر أو غرام..
من غير جمال ..
فين الكمال؟
إلا في حلاوة الألام..
فين دنيتي!!
خليني أعيش..
وبدنيتك موهمتنيش..
موهمتنيش..