ويكيبديا ولا ويكيــهتية

موقع ويكبيديا الشهير في كل حاجة تقريبا أي معلومة عايز تعرفها وفي جزء مهم جدا للحكم الموجودة في بعض الأفلام ..اللي طبعا بتكون مليانة في أفلام أنتوني هوبكنز والباتشينو..

طيب واحد مصري يسأل ليه معملوش ويكبيديا لحكم الأفلام المصرية ..أقولك حكم ايه يا معلم متصبح صبح يا عم الحاج يعني أفلام ايه اصلا اللي بتتكلم عليها ..

يعني موقع ويكبيديا بشكله الجديد يطور نفسه ويكتب"جديد ..الأقوال المأثورة في الأفلام المصرية":

بوحة : "صبح صبح يا عم الحاج".. "وإنتي هتبصيلي كده وإنتي نايمة كانك طايرة" "زغلولة أنتي" "أولاد أبو إسماعيل" "فاتنة المعز لدين الله الفاطمي"

عمر وسلمي: "سلمي..تتجوزيني؟" "اللي زيك يا دوب يتنسي" "لو عندك طاقة كنت ضربت نفسك"

تيتو "ايه اللي يضمنلي اني اشغلك معايا؟..عمري ما خنت واحد صاحبي"

عوكل "قهوة المصريين" "ايه جاب القلعة جنب البحر" "خالتي أطاطا" "تك صاروخ في مياميعك"

المال والبنون "الضو بيقول لأ..عبد الناصر بيقول لأ..كله بيقول لأ" "بيسة هأخليكي برنسيسة" "ادعو لعم الحاج بطولة العمر الله يخليه..الله يخليه ويبارك فيه"

البلياتشو "علي راضي الصغير يا باشا" "أمي ملكش فيها يا باشا"

وغيرها من الجمل "كلمه قوله يلغي العملية يا مولانا"كباريه
" يا برنسيسة يا برنسيسة"عمر وسلمي
"متغمسش الأيس كريم بالزبادي"محامي خلع
"يا ابني متنقيش البيض من البسطرمة" واحد من الناس
"هذه لي إلي فوق" الناظر صلاح الدين
"ده كلامك؟" كركر
"ده الرزق يحب الخفية..وعطية يحب القلقاس" تحت الصفر
"جاااااااااااااي" ليالي الحلمية
"انا فالنتينو..ايه الراجل ده!" بوحة
"اتخضيت..علي الطلاق بالتلاتة انت اتخضيت" كتكوت

يعني صدقوني لو ضافوا قسم للأفلام العربي الموقع يقفل أحسن ..ويبقي بدل ويكبيديا ..ويكيهتية..